المساعد الشخصي الرقمي

مشاهدة النسخة كاملة : ما ابي احد يخطبني شسوي ؟



هلي ذبحوني
16/02/2012, 09:47 PM
سلام
بنات اذا في احد تقدم لكم
وانتون ما تبون تزوجونه
لان في بالكم شخص ثاني
اشلون تخلونه هو اللي يرفض من المقابله بدون ما يحسون اهلكم ؟؟

عيون القطة
16/02/2012, 10:05 PM
اختى ياليت تحذفين من رسايلك الخاصه
علشان ارسل لك رسالة خاصة للموضوع

هلي ذبحوني
16/02/2012, 10:08 PM
حذفت من الرسايل

فراشة ترى النور
16/02/2012, 10:35 PM
عاااااااااادي قولي ماعجبنى وخلاص
محد يجبرج على انج تتزوجين شخص مالج رغبة فيه

هلي ذبحوني
16/02/2012, 10:43 PM
اذا قلت لا
اهلي بسون ليي تحقيق
ليش لا وليش ووليش
واني ما ابي هالتحقيق ما احبه

انفاسـﮱگ دخـﮱون
16/02/2012, 10:51 PM
قولي بكمل دراستي مو مرتاحه له وماي اتزوج الحين عادي انتي اللي بتتزوجي وبعدين بعض الاحيان الاهل يكون لهم نظره باللي نتقدم لج ويبون مصلحتج وانتي تفكرينهم يبون لج المضره اقول لا ياج ريال زين وايودي وافقي ترى الحياه فرص

الجوهرة
16/02/2012, 11:13 PM
انا مع اختي اللي قبلي

الحياة فرص

وليش اللي تبينه مايتقدم!!!!!!!!!!!!!!!!!!؟؟؟؟؟؟؟؟؟ ؟؟؟؟؟؟؟؟

مجنونتك رسمي
16/02/2012, 11:16 PM
اممم قولي لهم استخرت و ماطلع لي شي زين

وبس

Spoiled Zozo
16/02/2012, 11:35 PM
انا نصيحتي اختي دشي المقابلة مع الشخص اللي متقدم لج
يمكن الريال وايد زين وما ينرفض، اخاف تضيعين فرصة زينة ليج
واللي تحبينه لازم يتقدم لج بعد ما يصير اتمين ترفضين واهلج ما يدرون شالسالفة
واذا رفضتي اللي متقم لج واهلج سووا لج تحقيق، قولي حق امج الصج اذا اهي من النوع اللي يتفهم
وبالتوفيق

هلي ذبحوني
16/02/2012, 11:42 PM
علشان اكون واضحه اكثر
اللي يحبني تقدم لي
واهلي رفضوه
لكن لا انا وهو يأسنا وراح يتقدم لي مره ثانيه بس بعدما يضبط اموره
اهلي عبالهم اني شلته من بالي
وانا ما ابي غيره
وما احب طاري حتى اسمع احد متصل البيت علشان يتقدم لي
والله بنسبه ليي اكبر فلم رعب اعيشه بحياتي

فوشياآ~
17/02/2012, 01:36 AM
قوليلهم استخرت وما ارتحت له
مع اني ما انصحك
ادخلي شوفي الرجال .. يمكن ربي سخره لك عشان يبعد عنك الاول
ويمكن يكون انسان خلوق وصاحب دين

لا تتخذين قرار بسرعه

بنت هنا
17/02/2012, 01:46 AM
استخيرى وادعى متدرين وين الخيره يمكن الا تبينه يعذبك بحياتك ولى بيتقدم لك هو الا يهنيكى استخيرى اكثر من مره وقابلى االا بيتقدم لك وربى ماينسى عباده
مخاب من استخار

القلب الحنون25
17/02/2012, 01:27 PM
اختي قصتج مثل قصتي اهلي مب راضين عن اللي ابيه وعناد ايبون لي خطاطيب عادي ادش المقابله بس الرفض ايي منهم يعني انا مارد عليهم اقولهم لردو عليكم اهل لصبي تالي يصير خير ولا يردون وانا افتك من هلسالفه ماتدرين وين الخير لج يمكن الله كاتب لج اللي تحبينه انتي دشي المقابله ومب خسرانه شي واذا عجبتي لصبي واهله ردو عليكم بعدين تفاكري ويا البنات اهني

وانا مثلج ماحب حنة الاهل علي وتحقيقهم اللي مايخلص


الله يسر امورج اختي

zeee100
17/02/2012, 02:02 PM
عندج حجج وايد ..

تبين تكملين دراستج وما تفكرين بالزواج ... او اذا دخلتي مقابلة قولي انج ما ارتحتي له او قولي اي شي ما عجبج فيه ...

الله يسهل امورج

دمعه سحابه
17/02/2012, 02:05 PM
وليش رفضوه اهلك اكيد فيه شي احيان الواحد لازم يفكر بعقله مو بقلبه
والله كتب الي فيه الخير

sherrykitty
19/02/2012, 09:29 PM
يا حبيبتى إستخيرى وقابلى العريس عادى

وإللى فيه الخير لاااازم ربنا حيكملهولك

لو الموضوع الأول كمل يبقى خير لك ولو العريس الجديد إنجذب لك والموضوع كمل يبقى خير ليك

المهم إنك تستخيرى وإنتى على يقين إن رب العالمين أرحم بيك من أمك وكاتب لك الخير فيين ما كان

وتذكرى دايما الأية العظيمة " وعسى أن تكرهوا شيئا وهو خير لكم "

وربنا يسعدك يا حبيبتى ويريح قلبك بفرح قريب اللهم أمين

أجراس الحنين
19/02/2012, 09:33 PM
هلا وغلا

يآ اختي قولي لهم مهيب عاجبك والزواج اوب غصب وهم اكيد بيحترمون رآيك ..

بتوفيق يا عسسل

т̃̾н̈̈ǝ̈̈ Q̝̅̚υ̝̝̅
21/02/2012, 02:18 AM
يابنت الحلال عسى تكرهو شي وهو خير لكم وش عرفك يمكن الله مو كاتب لك نصيب معا هذاك
تدرين ذكرتيني بقصه وحده سمعت شيخ يقولها في محاضره ناسيه وش اسموه المهم كان في بنت وولد يحبون بعض كثير وتقدم لها الولد ووافقت واهلها كانو معارضين بس ماكان في سبب لرفضهم بعدين وافقو عشان بنتهم وقررو العرس يكون في اجازه العيد وقبل العرس باسبوعين توفى جد الولد فاضطرو ياجلو الزواج للصيف لما جا الصيف توفى خال البنت اجلو العرس لبعد شهرين وجا الوقت ويوم الزواج بعد الزفه وهم رايحين للفندق صارعليهم حادث ومات المعرس ورجعت العروسه وهي تبكي وفستانها كله دم المهم في القصه هاذي انا الله كان ياجل العرس عشان كان شر لهم وانا انصحك يا ختي انك توافقين
ع اللي متقدم لك يمكن يكون افضل من الاول الله يوفقك ويسعدك ويطرح لك الخير..
تـقبلـي خ ـآلص احترامي..

umjana79
21/02/2012, 09:17 AM
والله دام إن الي عندج كفو ..خليه يتقدم...
حضرته قاعد في البيت شسوي ينطرج تيمعين المهر ولا شنو عنده ...

مافي ريال في هالزمن عنده ظروف ... على الاقل الريال ياج من الباب .. مو شي بالخش والدس ...
وحطي في بالج ما بني على باطل يظل باطل .. ..وحطي في بالج انج قاعده تخونين ثقه اهلج..

خلي الريال يتقدم لج .. يمكن الي في بالج يتلحلح ويحس انج بتضيعين من يده ... وبعدين صلي استخاره وجوفي
يمكن هالريال يطلع احسن منه بألف مره .... وشاريج ..

البنت تقول يالله الستر .. وناس قاعده تعيش مسلسلات تركيه

الله يهدي الجميع

ام جنى

لارسا بغداد
21/02/2012, 03:08 PM
ادعي من الله اللهم اصرفه عني بلا سوء بماشأت كيف شأت انك على كل شيء قدير
بينج وبين نفسج(بقلبج)
او صلي قضاء حاجة وادعي بهالدعاء
لكن بنفس الوقت حبيبتي انصحج بالاستخارة
لأن الخير وين. بس الله يدري والصالح وين
والشخص اللي تريديه لازم يوصل الة خبر بالموضوع حتة يتقدم رسمي ويجيب اهلة
ولا تضيع عليج الخطبتين
ولازم تتأكدين انو الشخص اللي تريديه هو جاد مو بس يضيع وكتج وبس
هذي هي وجهة نظري
اما ان تقدم الج الشخص اللي ترديه
فصلي بجوف الليل والناس نيام صلاة قضاء حاجة انو اهلج يوافقون عليه
ويتم زواجكم على كل خير واذا تكدرين دفعي صدقة وقولي بقلبج يارب هذي الصدقة علمود ازوج الشخص اللي اريدة او سوي عمل صالح(اي شي الله يحبة)وقولي بينج وبين ربج يارب ثواب هذا العمل الصالح زوجني للشخص ال اريدة
سلامي

رَذٰاذُ حَـ ـلّـ مـَ
21/02/2012, 03:25 PM
الله يعينك بس حاولي تتكلمين مع احد يفهمك بالبيت وقولي له اني ما ابيه
وان شاء الله الله يجمعج مع اللي تحبين

Σ7ƧΛƧ
21/02/2012, 04:01 PM
عادي ،انكشي شعرك ،وحوسي الميك اب بوجهك،والبسي جلابية مقطعه،،وقدميلهم عصير حاطة بدل السكر ملح. وتخني صوتك،،صدقيني ،،مو يرفضوا الا يهربوا مع الباب..
حل فكاهي..هههههههههههههههههه

هلي ذبحوني
21/02/2012, 11:02 PM
بعض اللي ردو
ومن ضمنهم ام جنى شكلش مو مكمله قراءه ردي الثاني
قلت لكم اللي احبه تقدم لي وطلبني واهلي رفضوه
لكن راح يضبط اموره في جم شغله وراح يرجع يخطبني من جديد
فحتى اللي احبه دخل من الباب وجاب اهله وما لعب يمين يسار

umjana79
22/02/2012, 09:51 AM
دام رفضوه اكيد في سبب ... محد يرفض ريال لله نبي الاسباب عشان نقولج هالريال يناسبج او لا

أنسـ الوجود
22/02/2012, 12:25 PM
اختي ..
بما انج ماتريدي الي يتقدمون لج ..
روحي المقابلة وقولي لاهلج ماارتحت له .. ابي اكمل دراستي .. واذا عندكم ان عادي تسألون الاسئلة في المقابلة اسأليه أسئلة تشوفي يوافق عليها او لا ..
اما عالانسان الي تحبيه ليش اهلج رفضوه ?? عشان المادة او شو ؟؟

مرسي الشوق
23/02/2012, 04:44 AM
نفس حالتى بالضبط

الله يعين الشخص الي في بالي تقدم لي وامي رافضته

ولين تقدم لي واحدثاني اجوفه بس ما ارتاح لهم وارفض

دمعة كرستال
24/02/2012, 08:50 PM
أحسن شيء أنو انتي تصارحي الأهل

Elizabeth2
25/02/2012, 02:29 AM
لا تصارحين االاهل .. خله ييجي من الباب احسن
وخلش متأكدة 100%
عنده الامور اللي تاهله كمتقدم للزواج
من وظيفه و مكان والخ
حق ما يرفضونه
اما بالنسبة لموضوع الا يجونش خلش ذكية .. وشيلي الخوف مثلي و قولي ماعجبني
لاحظته كيت كيت .. بس نصيحة من اخت لاختها .. نصيحة
لو شفتي ان الا خطب زين ما ينرد واحسن من حبيبش
لاتردينه .. اختاري الاستقرار .. الحب يجي بالزواج
اختاري الراحة والاستقراااار .. بالتوفيق