المساعد الشخصي الرقمي

مشاهدة النسخة كاملة : أنا وامي ....ساعدوني



اخت عزووزي
07/02/2012, 06:48 AM
بسم الله...
باختصار ببدأ مشكلتي وياريت تقولولي ايش اسوي انا اتحملت مسؤلية اخواني

وانا صف 3من اكل وشرب وغيره وتزوجت وعمري15وتحملت مسؤلية زوج واولادي الحين
معاي اثنين...
وشلت معاي مسؤلية اخواني كمان لاني ساكنه جمبها ...كل ماخرجت مكان جابتهم
عندي ...
ماتروح مكان الا وهم عندي...تسافر وانا امسكهم وامسك اولادي وعشانهم بنفس
السن يصرعوووووني..
لاني كل مااحمل تحمل معاي ..ماشالله
انا مالي شغل من هذي الناحيه بس اخواني انا مو مسؤوله منهم..

لو كنت مو متزوجه بقول معاهاحق لاكن معاي زوج واولاد ويلا البي احتياجاتهم

المهم....هيه قبل فتره قالت تبغى تسافر وراح تاخذ معاها اخوي اللي قد ابني
عشانه صغير واخواني الثانيين مدارس....
مايقدرو يروحوا معاها ...بس هذي المره هيه مطوله راح تقعد نص شهر
انا قلتلها والاولاد قالت انتي راح تقعدي معاهم...قمت قلتلها انا مااقدر

انتي تحطيهم عندي يومين وجننوني مابالك نص شهر وبعدين زوجي ايش راح
يقول...
قالت اذا قال شي مايستحي...وبعدين صراحه ماتوقعتك انك انسانه انانيه للدرجه دي

وانا ذيك الساعه نرفزت وصرخت وقلت انا انانيه خلاص نسيتي كل شي...
وووووووووووو الخ
والله يابنات انه الحج اللي فات راحت تحج وانا طلعت مسكتهم وانا حامل في السادس
وتعبووووني بس قلت يلااجر بعدين هذا شي ضروري اقصد الحج...

اما الروحه كذا عبط تغيير جو ماله داعي قاعده اقولها خلاص ماباقي للاجازه
شي استنوا وبعدين روحوا كلكم...

انا تعبت والله من كثر التفكير...قولولي اذا الشي اللي اسويه اناني؟
هذا الشي واجب عليه؟

مشكلتي مااقدر ازعلها...((الجنه تحت اقدام الامهات))
بالله انصحوني...ايش اسوي معاها

.loleta.
07/02/2012, 07:57 PM
ممم حبيبتي لا مو انانيه وحئك انتي كمان تكوني مرتاحه فهمي امك انك كتير بتتعبي
وانه جوزك بتدايئ وانك بتنشغلي عنه
لو امك فهمتك ما رح تزعل احكيلها تأجل الطشه للعطله الصيفيه

انفاسـﮱگ دخـﮱون
07/02/2012, 08:41 PM
اول ارفع القبعه لج لانج انسانه صبوره وقايمه باخوانج ياقلبي عليج اجرج وثوابج عند الله كبير امج تفاهمي معاه خلاص هي تتحمل مسؤليه عايلها ليه تجيب كل سنه وهي مو قادره تتحمل مسؤليه عيالها الام مو بس هي اللي تحمل وتولد هي اللي تربي وربي حرام عليها انتي بتتحمل مسؤليه عيالج والا بيتج والا زوجج وابوج ليه ماتكلمينه وتحطين حد للي قاعد يصير انا انصحج تغير مكان سكنج حتى امج تتحمل المسؤليه ايوا الجنه تحت اقدام الامهات بس امج اللي تسويه حرام عليها مفروض هي اللي تساعدج وتربي بعد عيالج مو انتي امج محتاجه احد يكلمها ويفهمها لان انتي لج قدره على التحمل وزجج بعد ماراح يتحمل ويصبر بيسكت مره مرتين بعدين بينفجر الريايل مايتحملوا مثلنا احنا النسوان ولا عندهم صبر

Spoiled Zozo
07/02/2012, 10:38 PM
ما شاء الله عليج تعبتي وايد
انا اشوف اللي سويتيه مو غلط اهي صح امج ولها حق عليج بس صج انتي الحين ما تقدرين اشلون بتراعين عيالج وتدرسينهم وتراعين اخوانج اهي تقدر تنتظر اشوي وانا ما اشوف اي انانية في اللي سويتيه وهاي رايي
وجزاج الله خير وبالتوفيق

فوشياآ~
07/02/2012, 11:58 PM
لا والله مو انانيه ابد
هذا حق من حقوقك

صح هي امك بس كل شي وله شي ...

مو تسافر وترتاح وانتي تشقين وتتعبين
وياليتها تسافر لشي

انتي فهميها ان الاجازه ماباقي عليها كثير

تنتظر و يروحون كلهم

الاورجوان
08/02/2012, 12:58 AM
اول شي الله يكتبلك الاجر يااارب بمساعدتك لامك وصبرك ..

بس كل شيئ وله حد لكن بشرررط عدم الخروج عن الادب وانتي
ماااشاء الله عليك واضح من كلامك الادب والاخلاق (الله يبارك فيك ) لذا عليك .,,,,..<<
الجلوس مع والدتك جلسة صريحه واختاري الوقت المناسب لذلك وباسلوب مهذب افهميها
كيف انك تتعبين من مسوولية اولادك وشغل البيت فكيف اذا معهم
مسوؤلية اخرى !!!

وبيبني لها وهذه اهم نقطه ممكن تلين قلبها باعتبارها والدتك واحرص الناس على مصلحتك
بان ذلك يؤثر سلبا على حياتك الزوجيه وعلاقتك مع زوجك
بتذمر زوجك من اهمالك له وانها بالطبع لن ترضى بهذا باعتبارها في نظرك
ام صالحه (ادخلي لها بمدخل مدح في حوارك معها ) لانه واضح من كلامك
والله اعلم انه شخصيتك امك (اندفاعيه ) وهذا في الغالب هو افضل اسلوب
في التعامل مع من هم بمثل هذه الشخصيه ...

يسر الله لك امرك واسعدك في حياتك وجزاك الاجر على ما تفعلينه لوالدتك ..
وتقبلي مروري اختك ,, الاورجوان ..

اخت عزووزي
08/02/2012, 01:03 AM
والله فهمتها بس هيه راسها يابس ماتاخذ وتعطي واللي قالت كلمي ابوكي
ابوي كمان يقول اني غلطااانه....
انا تعبت والله...
مشكلتها ماتقدّر لو سويت ماسويت...
تقول انا امك ولو ايش ماتجازيني حقي...
انا داريه بس خلاص ...لمتى؟؟؟
وعالعموم شكرا لكل وحده ردت على الموضوع

الاورجوان
08/02/2012, 01:36 AM
الله يصلح لك الحال دامك فهمتيها وكلمتي ابوك ولا فيه فايده
مااالك الا الدعاء في كل لحظه والاستغفار بنية تيسير امرك ...
والله معك ...

ريحآإنة الجنه
08/02/2012, 03:22 AM
الله يعينك ياالغالية
لا مو انانية
انتي انسانة صبصبوره وايد تعدبتي وامسكتيهم وسوتي الازم
انتي تزوجتي تهتمي بزوجج واولدك
مو بي اخوواتك

ساامحني بقول لك شي ومااريد تزعلين
امك الي انانية مو انتي لانهااا تسستمتع بحياتهاا وانتي لا
اي منجدن الجنة تحت اقدام الامهاات بس في امهاات تستغل هداا شي

غلاتي ربي يسساعدك ولازم تحكي معاه تصارحيهاا انو انتي عندك مسسؤليات بيت وزوج
زوجج ماراح يقول لك شي ولو متضايق ولاا نفسسيته مو زين
تدرين ليش لانو بيحبك وماايريد يخسسرك وتظنينه انو مايريد اخواتك
لا غلاتي لازم تحجي ويا امك تراا هيج مب زين

وادا زعلت هيللهاا شويياات وبترد لانك ماراح تكون قلتي شي مب زين ولا يزعل
انتي تريدين لراحاج وراحت زوجج
الله يفرج همك غلاتي عليك بالادكاار والقران والدعااء لله بانو يهديهاا



تحياتي اميرة وسسموحة ادا قلت شي مب زين
بس هي وجهة نظري

اخت عزووزي
08/02/2012, 03:39 AM
لا عادي حبيبتي((اميره بكلمتي بعمرانيه))كلامك مايزعل بس

ايش اسوي ماباقول غير الله يصلحها ويهديها...انا باكلمها مره ثانيه وباشوف

ايش بيصير ..مع اني عارفه انها راح تزعل وماراح تخلي احد الا وتكلمه عليه..

أشواك ورد
08/02/2012, 12:02 PM
مرحبا حبيبتي , اولا لا اعلم يمكن أنت متلخبطه في التعبير عن شعورك , اولا هؤلاء اخوتك

يعني المفروض محبتك لهم تساوي محبتك لأبناءك , ولكن السالفه ما فيها بأنك اصبحت

الآن مسؤوله عن بيت وعن زوج ولا تستطيعين التفرغ لإخوتك , لذلك كل ما عليك أن تفهمي

الوالده حفظها الله وبإسلوب طيب , أمي الغالية أنا لا استطيع أن اراقب أخوتي وذلك لأنني

انحرج من زوجي , فأنت تعلمين في النهايه , أنهم ليسوا ابناءه , بل اخوتي أنا , ولكن يا

أمي العزيزة حينما ذهبت للحج كان الوضع مختلفا تماما , وذلك للضرورة , ما ينقصك يا عزيزتي

لغة الإحترام بينك وبين أمك , حتى أنك قلتي عنها هذي وهذا لا يصح .

اخت عزووزي
08/02/2012, 03:18 PM
انا قلت ((من هذي الناحيه)) مو قصدي عليها...

شكراً اختي (اشواك ورد) على تعليقك...

nora_2009
09/02/2012, 01:06 AM
الله يعينك حبيبتي..

Elizabeth2
16/02/2012, 03:28 AM
لا تتنرفزين جتى لو وصل الشي لمضرتك .. بتم ام
يعني اخذيها بالسياسة و لا تعصبين الا تشوفيه صح سويه
حتى لو عصبت .. الحل انج لا توسوسين ان الا سويتيه غلط
لا .. لانه فعلا مو ملزومه و الشرع يقول ترضين زوجج و اولادج
اهي الام اللي لازم تربي .. بس بما انما اهي امج لا تحسين انه تعب
بضل ام. من ناحيتي انه عانيت مع خواني وغير وغير بس بلي اقدر عليه
تالي طنشت الا بيزعل يزعل والا بيرضى يرضى .. لانه سويت الا اقدر عليه
و بين فترة و فترة .. في حالتج خلج قوية باتخاذ القراار واهي بتفهم
ان اهي أم ولابد تتحمل مسؤوليتهم دام انتي ما تقدرين و ملزومه بزوجج و اطفالج
ابسط شي خلج باردة اعصاب و سوي الا براسج لانج علىحق
مشكلتج اهو توسوسين وتبين تعرفين هل انتي على حق او لا
انتي على حق ولو حبيتي تساعدينها خذي واحد عالاقل
خلج واثقةمن تصرفج .. و الحق حق و الدليل مسكتيهم فوق طاقتج
و بعد ما يبين بعيونها !! فلا تتعبين نفسج
طنشششششششي و خلج واثقة من قرارج واهي عالعين وعالراس بس الحق حق

مجنونتك رسمي
16/02/2012, 03:38 AM
حاولي اتكلمي احد من خالاتك يفهمها الموضوع
وكل شي له حدود بعد
اذا انتي بتستحملين هالشي بس زوجج ماراح يستحمل
مهما يكون لازم في خصوصيه في بيته
ولازم ياخذ راحته
ومثل ماقلتي اهم يسوون ازعاج
وهذا الشي ماراح يقدر عليه زوجج
ممكن اعياله بيستحملهم بس في حد لهذا الشي
اجل لابال خوانج او اعيال الغير
وزوجج بيستحملهم مرة و ثنتين وثلاث بس لي مته؟؟؟


كلمي احد عاااقل و يفهم مو احد نفس عقليه الوالد والوالده الله يهديهم


والله يصلح الامووور