المساعد الشخصي الرقمي

مشاهدة النسخة كاملة : الخيانه الزوجيه .................



سراب الحزن
18/01/2012, 06:15 PM
السلام عليكم ورحمة الله بركاته

اول مره اكتب مشكله تخصني بس هل مره حاسه اني ابي افضض لحد وان شاء الله

الاقي عندكم الحل

انا تزوجت قبل سنه والحمدالله حبيت زوجي بس مشكله بعد زواج اكتشفت انه زوجي عنده

علاقه

انصدمت بصراحه خصوصا انه فترة ملجتي كان يكلم بنات ويجرحني ويحسسني اني غلطة بحقه :'( وهو كارهني لانه عنده البديل

والي يقهر اكثر يطلع فيني عيوب الدنيا

ماابي ادخل بتفاصيل بس تخيلو شعور مخطوبه يوم تكون مستانسه بخطيبها وهذي اجمل لحظات حياتها وخصوصا لو حبوا بعض بصدق

وفي نهايه وبكل بساطه يطلع يكلم غيرها ولاحتى يطرش لها مسجات الا لما تقول له ولايهديها هديه الا لما تطلب منه كنت اتمنى يطرش لي مسجات حب وكان يقول لي مب شرط ابين لج اني احبج بالمسجات وشفته بنفسي مطرش لوحده مسج حب حتى للحين محتفظه فيه ولا بعد يطلب منها تسوي الاشياء الي هو يحبها بس

ويقابلها بس عشان يتسلى

ويحرمها من مدح وغيره

وهي تتنازل عن اشياء تحبها في سبيل هل الزواج عشان يستمر

تخنفقني العبره كل مااتذكر كلام ريلي ورسايله وكيف انه كان حريص يكلمها بعد زواج من غير اي تفكير بمشاعري

وفوق كل هذا وانا حاااااااااامل في وقت حرج بالنسبه للمرا ومحتاجه ريلها يكون بجنبها

شو رايكم وبكل صراحه من غير مجامله ..........؟؟

لو كنتوا مكانوا شو سويتوا

هو صح قطع علاقاته ووعدني

بس جرح في قلبي كبييييييييييييييييييييييي ر

وكل مااسير مكان واشوف اثنين ويا بعض وماسكين ايد بعض او اسمع وحده ريلها يعزها ويدلعها احس بغصه واني ابا اصيح

مااحسدهم بس ريلي مارحمني ولا فكر في مشاعري فكر بنفسه وبس


:'(

هل طلاق هو الحل ..؟ مقهوره على الايام الي ضيعتها مع شخص ماقدرني ولااحترم مشاعري

مع اني قبلت فيه وعزيته من قلبي

nooralhidayah
18/01/2012, 06:57 PM
اعتقد ان مكان الموضوع ليس هنا . بل قسم المشكلات و الحلول.
اختي كان المفروض ان تعاتبيه في وقتها اما الآن فقد مر وقت طويل على ماحدث فادفني اي مشاعر قهر الى الأبد طالما وعدك الا يعود لما فعله مرة ثانية. انت الآن حامل و كلنا - كنساء نعلم - ان الهرمونات في هذه الفترة غير مستقرة وهي ماتجعلك تبكي وتشعري بالضيق فكفي عن التفكير فيما يكدر صفوك والجأي الى الله سبحانه وتعالى وصلي ركعتين و اطلبي لزوجك الهدايه و البعد عن الحرام.
الله يهديه و يرده اليك ردا جميلا. اما الم الخيانة فلا يمكن ان يشفى لكن الصبر و الثقة بما عند الله والأمل بغد افضل من الأمس تساعد في عملية النسيان.

ماذا اقول
19/01/2012, 02:46 AM
الله يهديه ويهدي كل هالشباب المستهتر
لكن حبيبتي معلش اصبري عليه مادام انه قطع علاقته مع البنت
بس أنا عتبي عليكِ انتِ بتقولي انه عنده علاقات من أيام الخطوبة
ليش ما حاولتي من أيام الخطوبة تتأكدي من مشاعره
انتِ توه حامل ما تفكري الا في اللي في بطنك
وربنا يوفق

سراب الحزن
19/01/2012, 10:29 AM
الله يهديه ويهدي كل هالشباب المستهتر


لكن حبيبتي معلش اصبري عليه مادام انه قطع علاقته مع البنت
بس أنا عتبي عليكِ انتِ بتقولي انه عنده علاقات من أيام الخطوبة
ليش ما حاولتي من أيام الخطوبة تتأكدي من مشاعره
انتِ توه حامل ما تفكري الا في اللي في بطنك

وربنا يوفق

مشكله ماحسيت بشي في فترة الخطوبه

وحاولت اتتاكد من مشاعره كان يبين لي انه يحبني

انا الحين مش حامل

Em Dima
19/01/2012, 10:52 AM
الله يكون بعونك يا أختي اصبري عليه ممكن مع الوقت يلين و يصير احسن بس عندي استفسار بالموضوع كتبتي انل حامل و بالرد على اخت ماذا اقول قلتي مش حامل!!!!!

انفاسـﮱگ دخـﮱون
19/01/2012, 08:49 PM
السلام عليكم ورحمة الله بركاته

اول مره اكتب مشكله تخصني بس هل مره حاسه اني ابي افضض لحد وان شاء الله

الاقي عندكم الحل

انا تزوجت قبل سنه والحمدالله حبيت زوجي بس مشكله بعد زواج اكتشفت انه زوجي عنده

علاقه

انصدمت بصراحه خصوصا انه فترة ملجتي كان يكلم بنات ويجرحني ويحسسني اني غلطة بحقه :'( وهو كارهني لانه عنده البديل

والي يقهر اكثر يطلع فيني عيوب الدنيا

ماابي ادخل بتفاصيل بس تخيلو شعور مخطوبه يوم تكون مستانسه بخطيبها وهذي اجمل لحظات حياتها وخصوصا لو حبوا بعض بصدق

يوم
وفي نهايه وبكل بساطه يطلع يكلم غيرها ولاحتى يطرش لها مسجات الا لما تقول له ولايهديها هديه الا لما تطلب منه كنت اتمنى يطرش لي مسجات حب وكان يقول لي مب شرط ابين لج اني احبج بالمسجات وشفته بنفسي مطرش لوحده مسج حب حتى للحين محتفظه فيه ولا بعد يطلب منها تسوي الاشياء الي هو يحبها بس

ويقابلها بس عشان يتسلى

ويحرمها من مدح وغيره

وهي تتنازل عن اشياء تحبها في سبيل هل الزواج عشان يستمر

تخنفقني العبره كل مااتذكر كلام ريلي ورسايله وكيف انه كان حريص يكلمها بعد زواج من غير اي تفكير بمشاعري

وفوق كل هذا وانا حاااااااااامل في وقت حرج بالنسبه للمرا ومحتاجه ريلها يكون بجنبها

شو رايكم وبكل صراحه من غير مجامله ..........؟؟

لو كنتوا مكانوا شو سويتوا

هو صح قطع علاقاته ووعدني

بس جرح في قلبي كبييييييييييييييييييييييي ر

وكل مااسير مكان واشوف اثنين ويا بعض وماسكين ايد بعض او اسمع وحده ريلها يعزها ويدلعها احس بغصه واني ابا اصيح

مااحسدهم بس ريلي مارحمني ولا فكر في مشاعري فكر بنفسه وبس


:'(

هل طلاق هو الحل ..؟ مقهوره على الايام الي ضيعتها مع شخص ماقدرني ولااحترم مشاعري

مع اني قبلت فيه وعزيته من قلبي


يوم انج مخطوبه وهو وعلى علاقه بننت ليه سكتي وسكتي ليه ماوقفتيه عند حده وخليته يتمادى
ليه رضيتها على نفسج انا مستغربه من موقفج مافيه وقت الملجه شي يجبرج انج تسكتين عن الغلط ليه تقولين يتعدل بعد الزواج هو شافج ساكته وماحركتي ساكن صار يتمادى وماحسب لج حساب وقال عاجبها الوضع وماتفرق مهاها ثقي بنفسج لانخليه كل همج ارجعي شوفي انتي وش اللي ناقصه عشان يكلم وش اللي لقاه بهديج ومالقاه فيج يمكن لقى فيها انها تغازل وتعطيه من الكلام الحلو حاولي تملين عنه انتي زوجته اتركي الحيا وماقدر وماقدر اسوي جيه لا اقدر البس هاللبس الخجل الزايد مو دايم حلو قوي ثقتج بنفسج وقوي ايمانج وصلتج بربج دوم ادعي ربج واستغفريه وصلي صلاه الليل والحين يوم قطعت علاقاته حسسيه انج واقه فيه ولا تنبشين وراه بالعكس حاولي تحوتينه كوني له صديقه وعشيقه قبل تكوني زوجه حاولي تتقربين منه وتشاركينه الاشياء اللي يحبها وتكسر حاجز اللي بينكم ودامه اعترف وقطع علاقته فيها خلاص الحين يجي دورج انتي عوضيه انتي زوجته حلاله يعني صيري له 4 نسوان بمره وحده طوري من شخصيتج اقري واشتري كتب عن الزواج وكيف تفكير الازواج فيه واييييييد كتب انتي بعدج ببالبدايه واصعب السنوات لازم تصبرين وتحاولين تعودين زوجج على اللي انتي تحبيه خليه هو يفتح قلبه لج

.. أمــ عــلــيــ ..
20/01/2012, 10:26 PM
:-o

انتي بموضوعك قلتي انك حامل .. وبالرد الثاني قلتي انك مانتي حامل .. !!!

واوافق البنات في الردود .. مادام انك عارفة بكل شي من ايام الخطوبة انتي الغلطانة لأنك ساكته .. وهو بيقول في نفسه عاجبها الوضع ... !!

كان من اول اخذتي موقف قوي قدامه ووقفتيه عند حده ..

الحين ما يمديك اللي صار صار .. عليك الآن انك تحاولي تحافظي على بيتك و زواجك .. وتنسي اللي صار وتعيشي حياتك .. لأن بالأساس مو بس زوجك اللي غلطان .. انتي بعد تتحملين نص الغلط ..

مجنونتك رسمي
21/01/2012, 12:55 AM
على حسب مقولتك الثانيه انج مو حامل

اول شي تاكدي من مشاعرة تجاهج و ان يبيج او يبي غيرج

و لاتربطين نفسج بأنسان قلبه مو لج

و لاتربطين بينج وبينه بياهل

لان اذا حملتي و المشاكل مستمرة مابتقدرين تتطلقين

واذا تطلقتي الياهل بيتشتت و فكري فيه

يعني قبل لاتربطين نفسج بياهل تأكدي ان زوجج يبيج او لا

لان بعدين مابينفعج الندم

والله يهديه

miricale83
31/01/2012, 10:19 AM
هلا عزيزتي .......الحين الي صار صار وانتي تزوجتيه وبينكم عشرة سنة نصيحتي لج تحافظي ع زوجك شوفي أش يحب أش ميوله حاولي تقربيه لج ؛ تذكري ليش اختارج انتي بالذات وارجعي مثل ما كنتي قبل الزواج وخصوصا انتي تحبينه وتذكري دايماً ان ما في رجال في هالدنيا ما فيه عيب واذا انفصلتي لاسمح الله بتتعبي نفسياً وايد - بهالدنيا وايد بتعاني بس لا استسلمي لاول مشكلة تصادفج..
اتمنى لج التوفيق

كادي الدلوعه
31/01/2012, 12:18 PM
الله يهديه لك ويسخره ............

من اول زوجك تعرفين عنه انه راعي سوابق ....

من قبل الارتباط ...

وكان عارف انك عارفه ... وساكته .وفوقها وافقتي عليه
وارتبطي فيه .....

فا اكيد مايسوي لك اعتبار ..

لكن ..
اذا الامور مش ولابد ومازال حتى بعد الزواج ....


هنا الاهل لازم يتتدخلو ..

وحكايه الحمل ؟؟؟
حامل او مو حامل ..
وش السالفه بالضبط ؟؟؟

سراب الحزن
12/05/2012, 01:54 PM
وش فيكم بنات المشاكل صارت لما كنت حامل

بس الحين خلاص انا ربيت

وفترة الملجه كنت شاكه انه عنده علاقات بس ماكان عندي دليل وبنفس الوقت هو كان ينكر اكتشفت بعد زواج

ام رائف
14/05/2012, 04:38 PM
الله يعينك اختي ويصبرك كتبت موضوع اسمه وجهت نظر اقرييه ممكن تستفيدى
وانتي اعرف بمكانتك هند زوجك

غلاآآ_آل~м
14/05/2012, 07:28 PM
اختي والله جنج انتي انا والله نفس المشكلة مب عارفة شو اسوي وانا اكثر منج والله حاسة بشعورج وابا اصيييييييييح..
حسبي الله ونعم الوكيل ما رحمني والله ما رحمني حتى عقب ما ربيت وانا حامل ما رحمني.. ولا قالي الحمدلله عالسلامة
وعن العلاقات حدث ولا حرج بنات حريم متزوجات مراهقات والله تعبت ..وكل كلمة والثانية انا مخلنج عشان العيال معني ما سوت شي..

لارسا بغداد
14/05/2012, 07:42 PM
شوفي اختي هذا زوجج ابو جهالج تتمسسكين بي بكل قوة مهما كان
شوفي غاليتي اني مااكولج سامحيه (اني لو نظر زوجي على وحدة للموت مااسامحة فمااطلب منج انو تسامحيه)
اني انصحج انو ماتخلين وحدة دخيلة حاطة جوة اباطهة 900 رجال ان راح واحد يجي غيرة تاخذ زوجج منج وتخليج اب نار تتجوين
اني اطلب منج لأن اعطيتي وصبرتي وتحملتي ان تعقدين العزم على الانتصار واعادة زوجج للطريق المستقيم
اختي بعد ان تعملين كل مامن شأنه صقل الجسم واعادته الى سابق عهدة قبل الحمل وتغيير لون الشعر ومو الة قص الشعر لا ولكن المهم تصبحين جذابة بالنسبة لزوجج 100%بحيث تلاحظين انظارة تلاحقج
تطلبين منة بكل حنان وبصوت هاديء تكوليلة حبيبي اريد منك تثبتلي حبك
راح يكول شلون؟ كوليلة اكسر الشريحة وهذا سم كارت جديد طبعا مااعرف ان كان زوجج عندة موبايل 2 10 يعني هذي اول خطوة الثانية حبيبي بعدني مرضيت اريدك ترضيني
راح يكولج شنو حبيبتي
كوليلة حبيبي الاميل غيرة اريد تلغي القديم وتسوي واحد جديد
راح يكولج هذا حق الشغل وهيج كلام كوليلة حبيبي وبصوت جدا هاديء حبيبي كوللهم انسرق وانطيهم الجديد
ان سوةاللي كتلج عليه فهذا معناتة يريد رضاج لأن اللي يحب شخص بس يحب يرضيه
انتي ان صارت كل هالامور ماتكومين كل شوية تذكريه لأ
تسوين نفسج نسيتي
عزيزتي والشغلة الثانية حاولي تخلون ولو يوم بالاسبوع تتفسحون انتي وياه فقط
سواء لمطعم سواء مشي جنب البحر وتستمتعون بوقتكم
طبعا البيبي يم شخص ثقة
وولا تبعثين مسجات كل شوية طمنوني شونة
لاغاليتي بهالوقت تنسين انج ام وتشعرين انج رفيقة زوجج وتريدون تقضون سوة احلى وقت
تاخذولكم اجازة ولو مرة بالسنة تسافرون لوحدكم خارج البلد وتستذكرون شهر العسل
ان تأخر تبعثيلة مسج اشتياق ان مشاعرج مرتبكة مو مشكلة النت زاخر بكل ماتحتاجه المرأة من مسجات
هذااللي جاببالي اختي
طبعا لاتنسي الدعاء بأن يكون مخلصا وفيا صادقا محبا والتقرب الى الله بمايحب من اعمال حتة يكون الى جانبك
وينصرج بمحنتج اختي
سلامي
اختج لارسابغداد

مغتربة سدني
14/05/2012, 07:56 PM
الله يعينك