المساعد الشخصي الرقمي

مشاهدة النسخة كاملة : تطورات موضوعي .. ( زوجي تزوج وطلاقي منه )



نسيبة الشمرية
27/11/2011, 06:53 AM
السلام عليكم ورحمة الله
هذا رابط موضوعي
http://forums.3roos.com/showthread.php?t=640342


حبيت اقولكم شصار لي انا اخر شي خليت موضوعي موضوع طلاقي عند عم زوجي ورديت لبلدي

اتصلت امس لعمه قال انا بعد مااتدخل ههه انصدمت ورديت اتصلت لعمته ماترد
ورحت اتصلت لاخته قلت لها شفيهم كذا وليش خلوني ارد هي قامت اتصلت لزوجي
قالت له انه ليش كذا صاير قالها انا قلت لهم لاتدخلون بشؤوني الخاصة حسبي الله عليه
مدري شيبي هالانسان يبي يمكن يعلقني ويعذبني
بالليل اجاني اتصال ماعرفت الرقم ورديت طلع زوجي قالي متى ترجعين !! هههههه قلت له ماابي الا طلاقي ومستحيل ارجع لك
قال انا احبك وابيك هههه انا متأكدة انه كذب .. قلت له اترك عنك هالخرابيط والخرافات واحتفظ بهالكلام لنفسك
قالي وولدك ابراهيم ماتفكرين فيه قلت له الحمد لله عايش احسن عيشة .. قالي انتي انانية وماتفكرين الا بنفسك !! انتي ملتزمة وسكته قلت له ايه انانية وماافكر الا بنفسي ومو ملتزمة بعد وقول اللي تبي تقوله
وبطلب الخلع وان طلقت انت بنفسك تكون سهلت علينا وسكرت التلفون بوجهه .

بس اتمنى تشورون علي ماادري شسوي مع هالانسان وادعوالي ربي يفرجها علي واحصل طلاقي منه

فراولة خضره
27/11/2011, 07:45 AM
شوفي حبيبتي انا بعطيج نصايح وانتي وضميرك

اول شي الزواج مب حرام ومايصير تعتضرين علي سنة الله ورسوله وانا استغرب من العضوات الي كاتبين حسبي الله عليه ومالت عليه والله لايوفقه ليش عشان تزوج ؟

انزين انتو بهطريقه قاعدين تحرمو ماحلله الله وهاذي عقاب لكم

اي زوجه زوجها يتزوج عليها تضايق تبكي تنقهر كل هذا يصير انا معاج

بس انا اقول دام عندج ولد حرام تبعدينه عن ابوه وتعيشين في مشاكل

قولي له يافلان واتمني تدخلين رجاجيل في السالفه ماتصيرين انتي الي تردين عليه لان انتي عاطفيه وردج مابيكون صريح

تقولين له يافلان تبيني ارجع لك تصرف علي وعلي ولد ومثلا هي بملحق وانا فبيت بروحي وكذا وكذا

لاكن قضية الخلع ترا صعبه ومب بهسوله يعطونج خلع

ويمكن تنحرمين من ابنج وتصير المشكله اكبر واكبر

وادعي والله يساعدج

نسيبة الشمرية
27/11/2011, 08:19 AM
اختي اقري الموضوع كامل وكل الصفحات

المشكلة مو بس انه تزوج ولاتستغربين من اللي اسويه

رجال مطلق ثلاث حريم انا توني سنة واربع شهور يتزوج ومعاملة زفت وعدم عدل ويكره ولده بعد

شتبين اكثر من كذا لا وبعد يحلف كذب وعادي عنده ومن كثر مشاكله الدولة حتى مانعته من السفر !!

روحي اقري الصفحات وانا اصلا بخطوبتي شرطت عليه مايتزوج علي ووافق .. وست شهور خطب غيري وعادي

وفي بلاوي ثانية الستر عليه افضل لكن اللي متأكدة منه انه مريض نفسيا

ترى خلال 5 سنوات 5 نساء ومن طبعه يذل المرة يلا يطلقها

مدري من يتحمل مثل هالرجال !!

وحدة من اللي طلقهم حتى يجامعها ويضحك عليها بفترة العدة !!!

يقولها يجوز الرجال يعاشر زوجته بفترة العدة !! وهي شوي عندها جهل بالدين والمسكينة ماتدر ي

الا وبعد وحدة طلقها ارسل رسالة بالجوال لابوها قاله بنتك طالق

شوفي الاستهتار وين واصل فيه

نسيبة الشمرية
27/11/2011, 08:26 AM
لا وازيدك يوم كلمه ابوي قاله صدق انت متزوج لانه ماقال لنا
تدرين شنو رد عليه

بنتك مؤدبة وشريفة ومافيها اي شي بس انا خطبت من يوم كانت عندي والحين تزوجت !!!

واتصل على بيتنا قال لاخواني قالهم وين فلانة اللي هي امي ماقل ام فلان يعني قلة ذوق بعد

وراح يقول للناس امي تدخل وتحرضني وامي ربي يشهد مايوم تدخلت بحياتنا وانا بعد تكلم عني يقول ماتجلس في البيت كله تسافر
والله يعلم انه كذب

وحدة من اللي طلقهم يقول تطلع مع رجال وهي بنت ناس ومتربية بس لفق عليها تهمة

شنو انتظر بعد يتهمني بشي لاسمح الله

الله يكفيني شره ويريحني منه والحمد لله عندي ولد واحد مو اكثر

nzn_83
27/11/2011, 08:56 AM
الله يفرج همك يا رب

Amorat alDhahran
27/11/2011, 11:01 AM
لاحول ولاقوة بالله
حسبي الله ونعم الوكيل فيه الله يرد كيده في نحره
وربي يسهل عليك امورك كلها

انفاسـﮱگ دخـﮱون
27/11/2011, 11:49 AM
الله يفرج همج مايستاهلج وربي بيعوضج اللي احسن منه هدا مايسوى ظفرج الحمد الله انتي انسانه واعيه من كلامج وتعرفين مصلحتج وتستاهلين كل خير

ريحآإنة الجنه
27/11/2011, 01:41 PM
الله يسساعدج غلاتي
ويسسر امورج يارب
مدام انتي مو مرتاحة لي طريقته وكل شي
بيه احسسن شي تتركيه
كرامتك اهم شي
بصراحة انا لو كنت مكانك كنت اطلقت
من زمان يالغلا
اهم شي راحتج وسعادتج

الله يفرج همك غلاتي

نسيبة الشمرية
27/11/2011, 02:06 PM
حياكم الله اخواتي وجزاكم الله خيرا

تخيلوا الحين اهل زوجي ولا واحد معي كل الناس انشغلت بنفسها وتركوا ولدهم
وانا بعد تركوا موضوعي

انا مشكلتي عطيتهم اوراقي على اساس يسلموها للمحكمة ولاقدموا

ياربي شسوي مو عارفة ... اوراقي محد قدمها شنو هالناس الله يريحني منهم

اسافر ؟؟ وين اروح اجلس بفندق ..؟؟ المشكلة انا اهلي محد يقدر يجي معي هالبلد لازم اقامة واهلي ماعندهم اقامات فيها

شلون اتصرف مااعرف

رحمتك يارب ... ادعوا انه يطلق بلا مشاكل

يابنات اطلب منكم الدعاء لي

aisha.. madam simo
27/11/2011, 03:24 PM
اما زواج بمعروف او طلاق بمعروف
يعني قبل لا تطلقي استخيري كثيييييييييييير وفكري كثيررررررررر
وبعدين اذا قررتي الطلاق
أول شي خوذي اوراقك، ولحتى تضمني انهم ما يدسونهم عنك، روحي وعلى اساس انك رضيتي ولا عادتبي لا دعوة ولا طلاق
وروحي لزوجك قوليله انا خلاص رضيت بس بدي ارتاح كم يوم ومشتاقه لاهلي بدي روحزياره كم يوم وارجع
وارجهعي لاهلك ولا عاد ترجعين لزوجك

نسيبة الشمرية
27/11/2011, 03:46 PM
انا عند اهلي يااختي

نسيبة الشمرية
27/11/2011, 04:47 PM
تخيلوا الحين اختي اتصلت له نبي مصروف ولده لان صار شهر لازم يرسله طفل حليب وكل شي يحتاج

وارسلنا له رسالة اتصل ضروري

نتصل يسوي مشغول واتصلنا مرة ثانية بعد مايرد ولااتصل

حسبي الله ونعم الوكيل صار شهر ولا يسأل عن ولده ولا حتى يبي يرسل مصروف

شكلنا بندخل معه بمشكلة جديدة مصروف ولده !!

حسبي الله ونعم الوكيل فيه ربي يجازيه

وملاحظة اختي صغيرة يعني عمرها 11 سنة هي تكلمه قلنا لان محد يبي يكلمه
يمكن ظن انا اللي متصلة !! ههههههههه ميتة على سماع صوته يمكن هههههههههه

أم نجود الأحساء
27/11/2011, 05:06 PM
الله يفرج همك و ييسر أمرك

لينووو
27/11/2011, 08:06 PM
حسبي الله على كل رجال يلعب ببنات الناس حسبي الله عليه
ربي يفرج همك يااختي

❥ بَـحّـة قَصْيٍـِد ❥
28/11/2011, 01:28 AM
الله يفرج همك والله مريض نفسي الله يبعد شره عنك

فراولة خضره
28/11/2011, 04:11 AM
وملاحظة اختي صغيرة يعني عمرها 11 سنة هي تكلمه قلنا لان محد يبي يكلمه
يمكن ظن انا اللي متصلة !! ههههههههه ميتة على سماع صوته يمكن هههههههههه





ههههههههههههه والله علي كلامج عليه ماضن ترجعين له ابد

انا اقول اسلوب اختي تكلمه واسطه من اخوانه ماعرف وشو خليه عنج

الرجال بايع ومب هامه شي

الي تسوينه احين لما تستقر امورج تاخذين معاج رجال ابوج اخوج

تروحين المحكمه ترفعين عليه قضية نفقه

لان هاي ولده وغصبن عنه يدفع له فلوس

ولاتسكتين اشتكي عليه

مثل ماهو ميننج لعوزيه

نسيبة الشمرية
28/11/2011, 06:18 AM
وملاحظة اختي صغيرة يعني عمرها 11 سنة هي تكلمه قلنا لان محد يبي يكلمه
يمكن ظن انا اللي متصلة !! ههههههههه ميتة على سماع صوته يمكن هههههههههه





ههههههههههههه والله علي كلامج عليه ماضن ترجعين له ابد

انا اقول اسلوب اختي تكلمه واسطه من اخوانه ماعرف وشو خليه عنج

الرجال بايع ومب هامه شي

الي تسوينه احين لما تستقر امورج تاخذين معاج رجال ابوج اخوج

تروحين المحكمه ترفعين عليه قضية نفقه

لان هاي ولده وغصبن عنه يدفع له فلوس

ولاتسكتين اشتكي عليه

مثل ماهو ميننج لعوزيه



حياك الله اختي

ههه انا ماافكر ارجع له ابدا بإذن الله

وان شاء الله بشوف لي حل معاه

انا كل املي بالله ادري انه بايعها لكن اتذكر قول الرسول صلى الله عليه وسلم ان الله يمهل الظالم فاذا اخذه لم يفلته

يعني ان شاء الله هو الحين بفترة المهلة لكن ظلمه لبنات الناس عند ربي جزاءه
والحمد لله اني مظلومة

وعندي امل ان ربي يفرج همي ويسخر لي عباده يارب وييسر لي امري


جزاك الله خير اختي وبارك الله فيك

نسيبة الشمرية
28/11/2011, 06:19 AM
جزاكم الله كل خير كل الاخوات اللي مروا بارك الله فيكن

بااستا
29/11/2011, 01:29 AM
داااام تعرفيييين عن سوالفه من البدايه ليش وافقتي عليه
وتقولين شرطتي عليه ان ما يتزوج عليج هههه شلون مثلا؟

نسيبة الشمرية
29/11/2011, 06:02 AM
داااام تعرفيييين عن سوالفه من البدايه ليش وافقتي عليه
وتقولين شرطتي عليه ان ما يتزوج عليج هههه شلون مثلا؟

هلا اختي حياك الله
احنا احواته هم خطبوني وماابي اتكلم عن تفاصيل اكثر
وماكنت ادري عن سوالفه ولااهلي
قالنا مطلق مرة وحدة
واهله سووه بريء جدا مسكين
وبعدين كلفنا ناس يسألوا عنه وبعد مااكتشفوا سوالفه
السبب انهم غرب عن عائلته ومصايبه محد يدري الا عائلته
وانا تدرين بعض السوالف توني بس ادري فيهم ..
وسوء معاملته لي من اول شهر زواج كنت كله ابكي
اما شرطت عليه معلومة لك ولكل اخت بأمكان الوحدة تحط شرط بالعقد ان زوجها مايتزوج عليها
انا كنت بحط هالشرط وهو قال لاخواته يقولون لي اتنازل عنه كتابيا
لان عيب قدام الناس وهو رجال وحلف بالله انه مايبي يعدد ولاشي واخته وزوج اخته واهلي شهود على هالشي
وهذا اللي صار

حرم هيما
29/11/2011, 07:05 AM
لاحول ولاقوة الابالله
الله يعينك يااختي وييسر امرك وكان الله في عونك

شنقلونه
29/11/2011, 07:37 AM
ربي يسهلك امرك

lovelylovely
29/11/2011, 11:23 AM
الله يسهل امورك اختي
امين

نسيبة الشمرية
29/11/2011, 04:20 PM
جزاكم الله خيرا وبارك الله فيكم

[ نونو مآلي آني ]
30/11/2011, 12:22 AM
[
]
[
استغرب فيكم انتوا المتزوجات
تجيبون عيال من رجال ماتدرون وش علته
مفروض بالبداية تاخذين حبوب منع
حتى تعرفين الثور الي معك وش نوعه !
شخص يستاهل ولا ثور شكلاً وموضوعاً مثل هذا
مالك حل الا الطلاق
لا تضيعي شبابك وعمرك ع شخص معقد نفسياً وغبي وبخيل
يرفع الضغط بصراحة
لا ادب ولا اخلاق ولا اااااااي شي
ولاتتصلون له ولاتتدخلون
خلاص عيب احفظي ماتبقى من كرامتك
حابة مصروف ولاغيره خلي احد ثاني رجال يكلمه يصرف ع ولده
وانتي اطلبي طلاقك منه باقرب فرصة
وخييييييييير شر لاتردين له
ولاتردين ع اتصالاته ولا تسمعينه صوتك ولايشوف طيفك
ولو اتصل ورديتي بالغلط وعرفتي انه اهو سكري التلفون بوجهه مباشرة
[
]
[

بنت الاجـــواد
30/11/2011, 12:55 AM
حسبي الله عليه ونعم الوكيل
توك بعزك شبابك وحتى سنه وكم شهر معاه وتزوج عليك
ولا مسوي حاله ملتزم وهو عيار لعاب
ماتستاهلين والله كل اللي يصير فيك
بس المؤمن مبتلي ياحبيبتي
شاوري امك واخوانك واستخيري وان شاء الله الله معاج وبينصرج عليه
لج مني دعوه بظهر الغيب

نسيبة الشمرية
30/11/2011, 05:47 AM
;15790254'][
]
[
استغرب فيكم انتوا المتزوجات
تجيبون عيال من رجال ماتدرون وش علته
مفروض بالبداية تاخذين حبوب منع
حتى تعرفين الثور الي معك وش نوعه !
شخص يستاهل ولا ثور شكلاً وموضوعاً مثل هذا
مالك حل الا الطلاق
لا تضيعي شبابك وعمرك ع شخص معقد نفسياً وغبي وبخيل
يرفع الضغط بصراحة
لا ادب ولا اخلاق ولا اااااااي شي
ولاتتصلون له ولاتتدخلون
خلاص عيب احفظي ماتبقى من كرامتك
حابة مصروف ولاغيره خلي احد ثاني رجال يكلمه يصرف ع ولده
وانتي اطلبي طلاقك منه باقرب فرصة
وخييييييييير شر لاتردين له
ولاتردين ع اتصالاته ولا تسمعينه صوتك ولايشوف طيفك
ولو اتصل ورديتي بالغلط وعرفتي انه اهو سكري التلفون بوجهه مباشرة
[
]
[



حياك الله وجزاك الله خيرا

والله بالخطوبة يقوولا كان اما مسجد وحافظ قرآن وتشوفينه هادي وصوته ماينسمع

واحنا احسنا الظن والحمد لله عندي ولدي من اشوفه ينزاح همي واهلي بعد مبسوطين فيه الاطفال نعمة الحمد لله

اما اتصال انا من رديت اهلي ولااتصلت له ولا شي وارسل رسالة تهنئة لوالدي بالعيد وقلت لوالدي لايرد عليه ولاردينا
واهله كلهم انسحبوا منه واهلي محد يبي يسمع صوته ولا شي
اتفقت مع اهله ان اختي الصغيرة تتصل اذا نحتاج شي لولده
من اتصلنا ظن انا متصلة هههههههههه انجنيت يعني اتصل له
بعدها بيوم اتصلت لامه قلت لها خل يرسل مصروف الولد واذا مايبي يرسل لايرسل بس جزاه عند ربه
واختي تتصل قولي له ترى محد يبي يكلمه واذا اجه اتصال منا يكون اختي وعشان ولده ...

وبصراحة انا مستحيل اتنازل عن مصروفه تراه يستانس بالتنازلات يعني عادي عنده ماناخذ مصروف
واهله خلاص مانقدر نكلمهم انسحبوا ههههههه واهلي ابوي واخواني يقولون مستحيل نكلمه
وانا الحين شفت لي حل انه اخلي اختي الصغيرة ترسل رسالة نهاية كل شهر عن المصروف ونرتاح وهو براحته يبي يرسل او لا
وعلى الطلاق انا ماابي غيره والله احس بسوي احتفال اذا طلقني انا الحين اكرهه كره مو طبيعي اشوفه كأنه الشيطان
وان شاء الله شفت لي حل بخصوص اوراقي اوديهم للمحكمة ان شاء الله
وترى كل كلامك عنه صحيح امية بالمية ههههه بارك الله فيك

نسيبة الشمرية
30/11/2011, 05:50 AM
حسبي الله عليه ونعم الوكيل
توك بعزك شبابك وحتى سنه وكم شهر معاه وتزوج عليك
ولا مسوي حاله ملتزم وهو عيار لعاب
ماتستاهلين والله كل اللي يصير فيك
بس المؤمن مبتلي ياحبيبتي
شاوري امك واخوانك واستخيري وان شاء الله الله معاج وبينصرج عليه
لج مني دعوه بظهر الغيب



بارك الله فيك وجزاك الله خيرا

واسعدك بالدنيا والآخرة

وربي يجازيه

أم مغربية
30/11/2011, 06:02 AM
;15790254'][
]
[
استغرب فيكم انتوا المتزوجات
تجيبون عيال من رجال ماتدرون وش علته
مفروض بالبداية تاخذين حبوب منع
حتى تعرفين الثور الي معك وش نوعه !
شخص يستاهل ولا ثور شكلاً وموضوعاً مثل هذا
مالك حل الا الطلاق
لا تضيعي شبابك وعمرك ع شخص معقد نفسياً وغبي وبخيل
يرفع الضغط بصراحة
لا ادب ولا اخلاق ولا اااااااي شي
ولاتتصلون له ولاتتدخلون
خلاص عيب احفظي ماتبقى من كرامتك
حابة مصروف ولاغيره خلي احد ثاني رجال يكلمه يصرف ع ولده
وانتي اطلبي طلاقك منه باقرب فرصة
وخييييييييير شر لاتردين له
ولاتردين ع اتصالاته ولا تسمعينه صوتك ولايشوف طيفك
ولو اتصل ورديتي بالغلط وعرفتي انه اهو سكري التلفون بوجهه مباشرة
[
]
[

كلامها صح
وفي إضافة
اذا اشترط احد الزوجين في العقد شرطاً صحيحاً، غير مخالف لمقتضى العقد، ولا مخالفاً للشرع، وقبل به الطرف الآخر، فإنه يكون شرطاً لازماً، ويجب الوفاء به، جاء في صحيح البخاري عن عُقبة بن عامر عنه http://www.saffar.org/images/prefix/a1.gif أنه قال: « أحق الشروط أن توفوا به ما استحللتم به الفروج»[7] (http://go.3roos.com/wxqaac3agh4) وعن علي http://www.saffar.org/images/prefix/a2.gif: «من شرط لا مراته شرطاً فليف لها به، فان المسلمين عند شروطهم»[8] (http://go.3roos.com/pxjyn4j8vlp) .

و الاخلال بالشرط يستوجب الاثم لأنه معصية، لكنه لا يعني فسخ العقد، و لا يعطي حق الخيار.

1- فيصح أن تشترط الزوجة ان لا يتزوج عليها، ويجب عليه الالتزام بهذ الشرط، ولو خالف وتزوج فهو مأثوم، لكن زواجه صحيح، ويمكنها أن تشترط أنه إن نكح عليها امرأة أخرى فلها مبلغ معين من المال.

نسيبة الشمرية
30/11/2011, 06:15 AM
كلامها صح
وفي إضافة
اذا اشترط احد الزوجين في العقد شرطاً صحيحاً، غير مخالف لمقتضى العقد، ولا مخالفاً للشرع، وقبل به الطرف الآخر، فإنه يكون شرطاً لازماً، ويجب الوفاء به، جاء في صحيح البخاري عن عُقبة بن عامر عنه http://www.saffar.org/images/prefix/a1.gif أنه قال: « أحق الشروط أن توفوا به ما استحللتم به الفروج»[7] (http://go.3roos.com/wxqaac3agh4) وعن علي http://www.saffar.org/images/prefix/a2.gif: «من شرط لا مراته شرطاً فليف لها به، فان المسلمين عند شروطهم»[8] (http://go.3roos.com/pxjyn4j8vlp) .

و الاخلال بالشرط يستوجب الاثم لأنه معصية، لكنه لا يعني فسخ العقد، و لا يعطي حق الخيار.

1- فيصح أن تشترط الزوجة ان لا يتزوج عليها، ويجب عليه الالتزام بهذ الشرط، ولو خالف وتزوج فهو مأثوم، لكن زواجه صحيح، ويمكنها أن تشترط أنه إن نكح عليها امرأة أخرى فلها مبلغ معين من المال.


حياك الله اختي وبارك الله فيك
الحنابلة لهم رأي ايضا يعني يحق لها طلب الطلاق اذا تزوج زوجها وهي شارطة عليه
المشكلة مو بس بزواجه المشكلة فيه كله على بعضه
هو مستحيل العيشة معه
يعني خلاص هو مايستطيع يعدد لانه كل يوم يريد جديدة مايريد المرأة السابقة
الله يجازيه حقوق بنات الناس بإذن الله ماتضيع
انا حاليا ولاشايلة همه شايلة بس هم طلاقي منه
اتمنى احصله اليوم قبل بكرة
الله ييسر لي يارب

Σ7ƧΛƧ
30/11/2011, 07:00 AM
الله يفرج همك يالغلااا

love lamar
30/11/2011, 07:56 AM
الله يسعد قلبك ويشرح صدرك ويفرحك يارب

احلى شي من زواجك انك صرت ام

فأهتي بالطفل ولا تنشغلي عنه بالدنيا ومشاكلها الي ماتخلص

وخلي كل وقتك لنفسك ولطفلك بتحلى الدنيا في عينك

life is dream
30/11/2011, 08:53 AM
اختي الغالية ...انا حاسة فيك

الوحدة من تتزوج تبي تعيش اقل شي في بيت معززة مكرمة ...موتعيش مذلولة مهانة و محرومة وبعد تستبدل بوحدة ثانية....انا ما اؤيد الطلاق رغم اني دخلت المحكمة ورفعت قضية على زوجي .... واعرف الوحدة لو بالها مو هادي ماتقدر تربي عيالها

اقعدي في بيت اهلك وربي ولدك ولو لقيتي شغل اشتغلي او كملي دراستك عيشي حياتك كان زوجك هذا مو موجود فيها و لو جالك و طلب ترجعين له قولي له اوكي بس بشروط و خليه ينفذ كــــــــــل شروطك و بعد ما ينفذها تمي في بيت اهلك فترة و لو سالك قولي له ابي اتاكد من نيتك و تثبت انك ما بتغير رايك ... لا ترجعي له بالساهل و لو رجعتي كان هو مو موجد بحياتك ....الرجال يحب يركض ورا المرا مو العكس ...

ساعات الرجاجيل ما يحبون المرة الكاملة و الكمال لله يعني انت مو مقصرة في شي بس لاااااااااااااازم بينغاظ و بينتقم من عدم تقصيرك ( حقد دفين )

خليك في بيت اهلك وخلي اهلك يتكلمون معاه ويتادب في طريقة كلامه وتعامله مع الناس ولا تطلبين منه يطلق مرته الجديدة ( شنو ذنبها ) بس انت زيدي في جمالك ودلالك واناقتك و استخيري ربك في كل شي تسوينه و علمينا باخر التطورات

FINDY
30/11/2011, 09:17 AM
انتي بصراحة شجاعة شجاعة بمعنى الكلمة
على إنك امرأة لكنك قوية ما شاء الله عليك

و احسن شي انك تطلقي منه يا اخي ذا انسان و لا الحيوانات تتحمل تعيش معاه
شي مش طبيعي

و بعدين من ناحية انك ما تدرين على عيوبه قبل
اللي راح راح والحمدلله انتي الحين في بيت اهلك و انتبهي انتبهي تردين على مكالماته او تشوفينه وجهاً لوجه
ادري انك ما تفكرين تشوفين خشته بس آأكد عليك

و الحين انتهى دورك في المشكلة جا دور الرجال اللي يتصرفون
خلي ابوك و عمك هم اللي يتصرفون و يقدمون على الأوراق

كلمي عمك بنفسك و خليه يساعدك او أي انسان حلال عليك و عاقل

و بالنسبة لولدك الحمدلله انك عندك ولد والله شعور حلو بالأمومة فيه ناس يتمنون الحمل مو بس الولد

بس انا عندي سؤال
انتي ايش مذهبك ؟

و لي عودة

نسيبة الشمرية
30/11/2011, 11:44 AM
الله يفرج همك يالغلااا



الله يجزيك الخير يارب

بارك الله قيك

نسيبة الشمرية
30/11/2011, 11:46 AM
الله يسعد قلبك ويشرح صدرك ويفرحك يارب

احلى شي من زواجك انك صرت ام

فأهتي بالطفل ولا تنشغلي عنه بالدنيا ومشاكلها الي ماتخلص

وخلي كل وقتك لنفسك ولطفلك بتحلى الدنيا في عينك



آمين

بارك الله فيك ووفقك لطاعته ونيل جنته

صادقة ولدي كثير مستانسة فيه واللي مخفف علي هو يموت فيني
رغم جيتي عند اهلي وامي وخواتي كله مهتمين فيه صار اكثر من شهرين بس انا المفضلة
اذا شافني بعد مايبيهم
ربي يخليه لي يارب

نسيبة الشمرية
30/11/2011, 11:57 AM
اختي الغالية ...انا حاسة فيك

الوحدة من تتزوج تبي تعيش اقل شي في بيت معززة مكرمة ...موتعيش مذلولة مهانة و محرومة وبعد تستبدل بوحدة ثانية....انا ما اؤيد الطلاق رغم اني دخلت المحكمة ورفعت قضية على زوجي .... واعرف الوحدة لو بالها مو هادي ماتقدر تربي عيالها

اقعدي في بيت اهلك وربي ولدك ولو لقيتي شغل اشتغلي او كملي دراستك عيشي حياتك كان زوجك هذا مو موجود فيها و لو جالك و طلب ترجعين له قولي له اوكي بس بشروط و خليه ينفذ كــــــــــل شروطك و بعد ما ينفذها تمي في بيت اهلك فترة و لو سالك قولي له ابي اتاكد من نيتك و تثبت انك ما بتغير رايك ... لا ترجعي له بالساهل و لو رجعتي كان هو مو موجد بحياتك ....الرجال يحب يركض ورا المرا مو العكس ...

ساعات الرجاجيل ما يحبون المرة الكاملة و الكمال لله يعني انت مو مقصرة في شي بس لاااااااااااااازم بينغاظ و بينتقم من عدم تقصيرك ( حقد دفين )

خليك في بيت اهلك وخلي اهلك يتكلمون معاه ويتادب في طريقة كلامه وتعامله مع الناس ولا تطلبين منه يطلق مرته الجديدة ( شنو ذنبها ) بس انت زيدي في جمالك ودلالك واناقتك و استخيري ربك في كل شي تسوينه و علمينا باخر التطورات




هلا اختي جزاك الله خير ورزقك بزوج افضل من زوجك يارب

تعرفين احسك فعلا حاسة بمشكلتي .. زوجي كنت اذا اطبخ يقولي لاتطلعي صوت اذا طبختي
ولا ترى اجيب من مطعم هههه هذا جزاي بعد اسمع هالكلام
وعلى سالفة ينتقم هههه تصدقين انه يغار مني من شكلي اذا تزينت لازم يسمعني شي يغث
لدرجة مرة يعني شلت شعر رجولي يقولي تعالي اطالعهم ويدقق شاف شعرة وحدة موجودة يقولي ليش هذي مو شايلتها ؟؟!!!! ههههههه والله مدري شقول عليه
وكل اول الزواج معاي كذا لين ست شهور خطب طنشني طبعا ماكنت ادري بخطوبته افتكيت من الغيرة بس المعاملة كأني شغالة عنده
صبرت عليه وعقب ولادتي قلت يمكن يتعدل يوم رجعت من ولادتي لقيته اخس وها انفجرت بصراحة وصرت كل تقصير منه وعدم تجاوب ابين له ولو اضطريت للعصبية
لكن مافي فايدة الرجال بعالم اخر ... ويااختي انا ماافكر ارجع له تعرفي هو اتصل لابوي من فترة يقوله هذي الجديدة اتزوجها 3 شهور وبس
شنو هالكلام قاله ابوي بنات الناس مو لعبة ولا لك مرة وانا بصراحة مستحيل ارجع لو طلق لو بقى واحسن معاملتي يااختي بنات الناس لهم حقوق عنده
لعب فيهم كل يوم مطلق وحدة اخاف تجيني بنت منه والله يبتليني بطلاقها كل شوي ماابيه هو ظالم وماابي اقعد معاه
الحمد لله ربي ريحني منه قبل يصير عندي 2 و3 الحمد لله
وهو نوعيته مايحس بالذنب ههههه انا لدرجة قلت له مرة انت يحتاج لك عقوبة الله يعاقبك يلا تحس
وحياك الله اختي ومشكورة على مرورك وكلامك

نسيبة الشمرية
30/11/2011, 12:06 PM
انتي بصراحة شجاعة شجاعة بمعنى الكلمة
على إنك امرأة لكنك قوية ما شاء الله عليك

و احسن شي انك تطلقي منه يا اخي ذا انسان و لا الحيوانات تتحمل تعيش معاه
شي مش طبيعي

و بعدين من ناحية انك ما تدرين على عيوبه قبل
اللي راح راح والحمدلله انتي الحين في بيت اهلك و انتبهي انتبهي تردين على مكالماته او تشوفينه وجهاً لوجه
ادري انك ما تفكرين تشوفين خشته بس آأكد عليك

و الحين انتهى دورك في المشكلة جا دور الرجال اللي يتصرفون
خلي ابوك و عمك هم اللي يتصرفون و يقدمون على الأوراق

كلمي عمك بنفسك و خليه يساعدك او أي انسان حلال عليك و عاقل

و بالنسبة لولدك الحمدلله انك عندك ولد والله شعور حلو بالأمومة فيه ناس يتمنون الحمل مو بس الولد

بس انا عندي سؤال
انتي ايش مذهبك ؟

و لي عودة


هلا اختي جزاك الله خير على كلامك ووفقك

مشكلتي ابوي كلش ماله دخل يقول تطلقي لكن يكلم احد ماله خص
مدري هو مشغول عنده اشغال
انا كنت معتمدة على عمه لكن عمه انسحب
انا الحين في رقم عندي من طرف المحكمة والقاضي اتصلت لهم قلت لهم ابي ارسل لكم اوراقي عندكم فاكس
عطوني رقم الفاكس وان شاء الله برسل لهم الاوراق وهذا كله بفضل رب العالمين
بوقتها قلت انا متوكلة عليك يارب .. وسبحان الله اخذت رقم الفاكس وبقدم الاوراق ان شاء الله
وانا مذهبي انا من اهل السنة والجماعة هههه على نهج السلف ولله الحمد وناخذ اكثر شي بكلام الامام احمد بن حنبل
انا مااتبع مذهب معين اهم شي الكتاب والسنة وماتبقى يؤخذ ويرد منه

ومكشورة على مرورك بارك الله فيك وانتظر مرورك الثاني

هههههه ضحكتيني على سالفة خشته ههههه تصدقين مااطيق اسمع صوته مو اشوف شكله والحمد لله انا في بلد ثانية

life is dream
30/11/2011, 12:23 PM
هلا اختي جزاك الله خير ورزقك بزوج افضل من زوجك يارب


تعرفين احسك فعلا حاسة بمشكلتي .. زوجي كنت اذا اطبخ يقولي لاتطلعي صوت اذا طبختي
ولا ترى اجيب من مطعم هههه هذا جزاي بعد اسمع هالكلام
وعلى سالفة ينتقم هههه تصدقين انه يغار مني من شكلي اذا تزينت لازم يسمعني شي يغث
لدرجة مرة يعني شلت شعر رجولي يقولي تعالي اطالعهم ويدقق شاف شعرة وحدة موجودة يقولي ليش هذي مو شايلتها ؟؟!!!! ههههههه والله مدري شقول عليه
وكل اول الزواج معاي كذا لين ست شهور خطب طنشني طبعا ماكنت ادري بخطوبته افتكيت من الغيرة بس المعاملة كأني شغالة عنده
صبرت عليه وعقب ولادتي قلت يمكن يتعدل يوم رجعت من ولادتي لقيته اخس وها انفجرت بصراحة وصرت كل تقصير منه وعدم تجاوب ابين له ولو اضطريت للعصبية
لكن مافي فايدة الرجال بعالم اخر ... ويااختي انا ماافكر ارجع له تعرفي هو اتصل لابوي من فترة يقوله هذي الجديدة اتزوجها 3 شهور وبس
شنو هالكلام قاله ابوي بنات الناس مو لعبة ولا لك مرة وانا بصراحة مستحيل ارجع لو طلق لو بقى واحسن معاملتي يااختي بنات الناس لهم حقوق عنده
لعب فيهم كل يوم مطلق وحدة اخاف تجيني بنت منه والله يبتليني بطلاقها كل شوي ماابيه هو ظالم وماابي اقعد معاه
الحمد لله ربي ريحني منه قبل يصير عندي 2 و3 الحمد لله
وهو نوعيته مايحس بالذنب ههههه انا لدرجة قلت له مرة انت يحتاج لك عقوبة الله يعاقبك يلا تحس
وحياك الله اختي ومشكورة على مرورك وكلامك



حبيبتي انا ما تطلقت ....انا تصالحت مع زوجي و الحمدلله الله هداه وتغيرت حياتي 180 درجة ....بس نسيت اقول لك على السر ( سورة البقرة اقريها كل يوم كاملة )
انا مثلك عانييييييييييييت سنتين و في الاخر انفجرت بس الحين الحمدلله يعاملني احسن معاملة ويطلعني ويصرف على وعلى عيالي وما خلينا مطاعم او فنادق كل مرة احس ان الحمدلله حياتي احسن بس والله قد ما اقولك على سورة البقرة شوتسوي ما بتصدقين
نفس زوجك واسوأ صار غيييييييييييييييييييييييي يير

FINDY
30/11/2011, 12:24 PM
هلا اختي جزاك الله خير على كلامك ووفقك

مشكلتي ابوي كلش ماله دخل يقول تطلقي لكن يكلم احد ماله خص
مدري هو مشغول عنده اشغال
انا كنت معتمدة على عمه لكن عمه انسحب
انا الحين في رقم عندي من طرف المحكمة والقاضي اتصلت لهم قلت لهم ابي ارسل لكم اوراقي عندكم فاكس
عطوني رقم الفاكس وان شاء الله برسل لهم الاوراق وهذا كله بفضل رب العالمين
بوقتها قلت انا متوكلة عليك يارب .. وسبحان الله اخذت رقم الفاكس وبقدم الاوراق ان شاء الله
وانا مذهبي انا من اهل السنة والجماعة هههه على نهج السلف ولله الحمد وناخذ اكثر شي بكلام الامام احمد بن حنبل
انا مااتبع مذهب معين اهم شي الكتاب والسنة وماتبقى يؤخذ ويرد منه

ومكشورة على مرورك بارك الله فيك وانتظر مرورك الثاني

هههههه ضحكتيني على سالفة خشته ههههه تصدقين مااطيق اسمع صوته مو اشوف شكله والحمد لله انا في بلد ثانية


انا اقول كيف ابوك يتركك في ذا الموقف لحالك ؟! والله غريبه حتى لو كان عنده أشغال
مفروض يترك كل اشغاله و يركض ورا بنته و ولدها
بس ما نقول إلا ( إلتمس لأخيك المسلم عذراً )

و بالنسبة لعمك ما ألومه إذا انسحب لأنه اكيد حاول و حاول و ما قدر لاحظي انه في بلد غير عن بلدكم لكن إن شاء الله يجيكم الفرج

و أشوا انك بتقدمين الأوراق ع الفاكس هذا احسن طريقة تسوينها ما شاء الله عليك ما تحتاجين نصايح بس تحتاجين احد يهون عليك و لا عارفة طريقك عدل

العفوو حبيبتي هذا واجب و لازم نسويه

ايه والله خشته مالت عليه و على وجهه لا تسمعين صوته من حلات صووته عاد مقطعني استغفر الله
الحمدلله الله حافظك و جعلك في بلدة ثانية

و اكتبي لنا التطورات يا اختي
اللهم فرّج همها و بارك لها في عمرها و وفقها هي و المسلمين آجمعين
اللهم آمين

والسلام عليكم و الرحمة

umjana79
30/11/2011, 12:24 PM
والله يا ختي انا اعتبرج مره وكفو ...

وحده مكانج .. تقعد تمسك الصفحه .. وتعيد وتزيد بمعاناتها ولمن نقولها .. مثلا ( اضعف الايمان) خلاص يا بنت الناس اذا كل الحلو ما تنفع .. أتركيه

تقلينها تتراجع.. وتعيدوتزيد بمعاناتها وتدعي عليه..

طيب الحين يوم الاخت صار عندها موقف وهي اخبر وعارفه ان زوجها ما بيتعدل ,, ولو هي بس على الزواج كان الحرمه ما وصلت لمواصيل الطلاق...

ليش تكسرون مياديفها..عموما .. يااختي .. انا احسج انسانه شخصيه وقويه وعارفه شنو تبين.. وهالشي مفيد لج.. وانا متأكده انج مب محتاجه نصيحتي ولا اي احد.. لان عارفه طبيعه الرجل الي انتي عايشه معاه.. وانا متأكده انك لو كنتي تعرفين عن الريال ما كنتي اخذتيه من البدايه .. لان واضح ان اهلج عازينج ومب مخلين عليج قاصر..

الله يوفقج .. ويفرج همج عاجل غير اجل امين

ام جنى

نسيبة الشمرية
30/11/2011, 12:30 PM
حبيبتي انا ما تطلقت ....انا تصالحت مع زوجي و الحمدلله الله هداه وتغيرت حياتي 180 درجة ....بس نسيت اقول لك على السر ( سورة البقرة اقريها كل يوم كاملة )
انا مثلك عانييييييييييييت سنتين و في الاخر انفجرت بس الحين الحمدلله يعاملني احسن معاملة ويطلعني ويصرف على وعلى عيالي وما خلينا مطاعم او فنادق كل مرة احس ان الحمدلله حياتي احسن بس والله قد ما اقولك على سورة البقرة شوتسوي ما بتصدقين
نفس زوجك واسوأ صار غيييييييييييييييييييييييي يير


الله يديم بينكم المحبة ويصلحه لكم اكثر واكثر ويثبته

والله فرحت لك ... وصح سبحان الله سورة البقرة لها اثر عجيب

انا مرة جربت اقراها 20 يوم صراحة كنت سعيدة بداخلي واحس براحة بس هذا قبل زواجي

وان شاء الله برد لها مو عشان زوجي بس عشان احس براحة اكثر
الله يبارك فيك اختي ويحفظكم

نسيبة الشمرية
30/11/2011, 12:40 PM
انا اقول كيف ابوك يتركك في ذا الموقف لحالك ؟! والله غريبه حتى لو كان عنده أشغال
مفروض يترك كل اشغاله و يركض ورا بنته و ولدها
بس ما نقول إلا ( إلتمس لأخيك المسلم عذراً )

و بالنسبة لعمك ما ألومه إذا انسحب لأنه اكيد حاول و حاول و ما قدر لاحظي انه في بلد غير عن بلدكم لكن إن شاء الله يجيكم الفرج

و أشوا انك بتقدمين الأوراق ع الفاكس هذا احسن طريقة تسوينها ما شاء الله عليك ما تحتاجين نصايح بس تحتاجين احد يهون عليك و لا عارفة طريقك عدل

العفوو حبيبتي هذا واجب و لازم نسويه

ايه والله خشته مالت عليه و على وجهه لا تسمعين صوته من حلات صووته عاد مقطعني استغفر الله
الحمدلله الله حافظك و جعلك في بلدة ثانية

و اكتبي لنا التطورات يا اختي
اللهم فرّج همها و بارك لها في عمرها و وفقها هي و المسلمين آجمعين
اللهم آمين

والسلام عليكم و الرحمة


آمين يارب

ههههه تصدقين ضحكتيني على من حلات صوته ايه والله صادقة الله ريحني منه ومن صوته وشكله وكله على بعضه

والحمد لله ربي يسر لي امر الفاكس واسأل الله ييسر لي امر طلاقي
هو انا حطيت اوراقي عند اهله وماسلموهم وهو ظن خلاص يعني الموضوع صار براحته والطلاق بيده
والله انا اتذكر المقولة اذا دعتك قدرتك على ظلم الناس فتذكر قدرة الله عليك
ربي قادر عليه سبحانه وانا مااقول انا وانا اسوي لكن توكلت على رب العالمين
اول كنت يعني حاطة اوراقي عند عمه وسبحان الله انسحب ومابقى لي الا ربي تذكرت ان انا المفروض مااذل نفسي لاحد والتجأ لله هو قادر على كل شيء

وان شاء الله اكتب لكم اي شي يصير ... ولاتنسوني من دعائكم
وبارك الله فيك يااختي مس جلونار ورزقك الفردوس الاعلى من الجنة

نسيبة الشمرية
30/11/2011, 12:47 PM
والله يا ختي انا اعتبرج مره وكفو ...

وحده مكانج .. تقعد تمسك الصفحه .. وتعيد وتزيد بمعاناتها ولمن نقولها .. مثلا ( اضعف الايمان) خلاص يا بنت الناس اذا كل الحلو ما تنفع .. أتركيه

تقلينها تتراجع.. وتعيدوتزيد بمعاناتها وتدعي عليه..

طيب الحين يوم الاخت صار عندها موقف وهي اخبر وعارفه ان زوجها ما بيتعدل ,, ولو هي بس على الزواج كان الحرمه ما وصلت لمواصيل الطلاق...

ليش تكسرون مياديفها..عموما .. يااختي .. انا احسج انسانه شخصيه وقويه وعارفه شنو تبين.. وهالشي مفيد لج.. وانا متأكده انج مب محتاجه نصيحتي ولا اي احد.. لان عارفه طبيعه الرجل الي انتي عايشه معاه.. وانا متأكده انك لو كنتي تعرفين عن الريال ما كنتي اخذتيه من البدايه .. لان واضح ان اهلج عازينج ومب مخلين عليج قاصر..

الله يوفقج .. ويفرج همج عاجل غير اجل امين

ام جنى

حياك الله اختي ام جنى وجزاك الله خيرا على اهتمامك بموضوعي
وانا بعد تعجبني ردودك وشخصيتك بالمنتدى انا من زمان اتابعكم ربي يحفظك ويحفظ بنتك وزوجك وكل اهلك

تعرفين المراة ممكن العاطفة تغلبها يعني بعض الاخوات اشوفهم السبب ان هم حبوا ازواجهم وتعلقوا فيهم لدرجة الجنون
ولو المرأة متبعة دينها كان ماحبت زوجها كل هالحب ... حب رب العالمين يزيد الناس قوة وتحس الناس بتوازن لمشاعرها
الحمد لله اللي انا فيه كله بفضل الله ..
وصادقة انا لو دريت فيه مافكرت فيه اصلا وقلت له هالكلام ... لكن قدر الله وماشاء فعل
واهلي فعلا مو مقصرين علي وامي لدرجة قالت لو ابوك يبي يردك انا بتطلق منه ولاترجعين
وابوي الحمد لله قال لامستحيل ارجعك له ..
اسعدك الله ياام جنى ورفع قدرك بالدنيا والآخرة

سيدة عمان
01/12/2011, 06:12 PM
نصيحتي لك استخيري الله في امر طلاقك ..

مس زوزو
01/12/2011, 06:55 PM
قريت موضوعش الاول بجد كسرتي خاطري
يابعد عمري خيني ما تستاهلين
هالااشكااااااااال باين ان انتي و اهلش ع نياتكم
شلون تحملتوا هالانسان لو كنت مكانش علطول
اطلقت منه قبل لا احمل بس الله كاتب ان يصير عندش
ولد والحمدالله ان ينسيش همووووم الدنيا و اهلش يساعدونش
في تربيته هذا اهم شي ما بقى الا الطلاق الاهم ان ما تخلينه
يشوف رقعة وجهش و لا يسمع صوتش و تعيشين في بيت
اهلش معززة مكرمة و ان شاء الله الله يرزقش بالزوج الصالح الي
يحبش و يخاف عليش

نسيبة الشمرية
01/12/2011, 08:41 PM
نصيحتي لك استخيري الله في امر طلاقك ..


حياك الله اختي وجزاك الله خيرا

اكيد انا صليت استخارة ولله الحمد احس مرتاحة للطلاق منه

لان انسان صعب العيشة معاااه وماظنتي بتغير طباعة الا ان يشاء الله

انا اتمنى ربي يعاقبه عشان يحس على نفسه ..

نسيبة الشمرية
01/12/2011, 08:45 PM
قريت موضوعش الاول بجد كسرتي خاطري
يابعد عمري خيني ما تستاهلين
هالااشكااااااااال باين ان انتي و اهلش ع نياتكم
شلون تحملتوا هالانسان لو كنت مكانش علطول
اطلقت منه قبل لا احمل بس الله كاتب ان يصير عندش
ولد والحمدالله ان ينسيش همووووم الدنيا و اهلش يساعدونش
في تربيته هذا اهم شي ما بقى الا الطلاق الاهم ان ما تخلينه
يشوف رقعة وجهش و لا يسمع صوتش و تعيشين في بيت
اهلش معززة مكرمة و ان شاء الله الله يرزقش بالزوج الصالح الي
يحبش و يخاف عليش


مشكووووووووووورة يالغالية وتسلميييين ماقصرتي

انا متذكرتك لك مرورين بموضوعي هذاك

انا ماتطلقت لاني حلمت اول شهر
ولانه كنت اي شي يصير اكتمه مااطلعه برا بيتي
قلت اصبر يمكن الله يهديه
لكن بعد ولادتي ماتحملته من سوء المعاملة

اشكرك من قلبي واللهم آمين على دعاااااااااائك

ربي يوفقك لطاعته ومرضاته

ليونا الطعمونة
01/12/2011, 10:06 PM
فوضي امرك لله هو العالم بتصريف الامور ربنا يقدر لك الخير ويسهل امرك
ويفرج كربك ويقضي عنك ما اهمك
انا وانتي واالدينا وجميع المسلمين
امييييييييين
وصل اللهم على نبينا محمد

FINDY
01/12/2011, 11:27 PM
ام ابراهيم

خبرينا وش صار معك ؟؟

نسيبة الشمرية
02/12/2011, 01:29 AM
فوضي امرك لله هو العالم بتصريف الامور ربنا يقدر لك الخير ويسهل امرك
ويفرج كربك ويقضي عنك ما اهمك

انا وانتي واالدينا وجميع المسلمين

امييييييييين
وصل اللهم على نبينا محمد

آمين يارب آمين

جزاك الله خير وبارك الله فيك
وحقق لك كل ماتتمنين بما يرضيه

نسيبة الشمرية
02/12/2011, 01:32 AM
ام ابراهيم


خبرينا وش صار معك ؟؟


هلا اختي شلونك ؟

انا طلبوا مني اكتب خطاب واشرح مشكلتي
ورحت حق محامية هههه عشان يعني يطلع مرتب
وخليته عندها تنسقه وتعدله
وان شاء الله يوم الاحد ارسله بالفاكس
واسأل الله ان ييسر لي امري
وجزاك الله خير على اهتمامك وربي يوفقك ويسعدك

❥ بَـحّـة قَصْيٍـِد ❥
02/12/2011, 02:08 AM
الله يفرج همممممممك وربي دعيت من قلب معاناه مع هالنفسيه يارب يفكك من شره والله موتته ارحم من يلعب ببنات الناس ..

إبتسامة قمر
02/12/2011, 10:03 AM
الله ايسر امورج و يفكج منه صراحة ، احسه في حالة نفسية من وصفج له
و يتلذذ بتعذيب و إهانة المرأة ..
و الله ينصرج عليه يارب بالقريب العاجل و تفتكين و ترتاحين و تاخذين كل خقوقج منه ..
و الله يسامح خواته الي قطووج بالتهلكة مع انهم عارفين اخووهم مووب صاحي !

نسيبة الشمرية
02/12/2011, 12:00 PM
الله يفرج همممممممك وربي دعيت من قلب معاناه مع هالنفسيه يارب يفكك من شره والله موتته ارحم من يلعب ببنات الناس ..


آمييييييين يارب

جزاك الله خير ووفقك واسعدك ورضي عنك وارضاك
مشكورة على دعائك يااختي وانتي بعد من المتابعات لموضوعي
الله يجزيك الخير على اهتمامك
وتصدقين انا قلت لامي نفس الشي ليته مات ولا سوا في بنات الناس هالسواة

نسيبة الشمرية
02/12/2011, 12:04 PM
الله ايسر امورج و يفكج منه صراحة ، احسه في حالة نفسية من وصفج له
و يتلذذ بتعذيب و إهانة المرأة ..
و الله ينصرج عليه يارب بالقريب العاجل و تفتكين و ترتاحين و تاخذين كل خقوقج منه ..
و الله يسامح خواته الي قطووج بالتهلكة مع انهم عارفين اخووهم مووب صاحي !



آمين يارب العالمين


الله يجزيك الخير على هالدعوات الطيبة ويسعدك دنيا وآخرة
بارك الله فيك مرورك الطيب
وتصدقين انه وحدة من خواته هي خطبت له الجديدة هذي !! ههههه يعني بعد غشت الناس
والثانية بعد تدري فيه ولا قالوا لي مع انهم يعرفوني ََ
اخواته يشاركونه بهالجرايم ويخطبون له ويوم يطلق يقعدون يقولون هو كذا وكذا ويذمون فيه
وينسحبون منه
حسبي الله عليهم
هو صدق عنده حالة نفسية من الحريم لان كله يقول الحريم مايحبون ماعندهم شي اسمه حب مدري ليش متعقد !!

غلا سهيل
02/12/2011, 01:51 PM
الله يفرجها عليج

نسيبة الشمرية
02/12/2011, 02:02 PM
الله يفرجها عليج

اللهم آمين

جزاك الله خير وبارك الله فيك

amal&noor
06/12/2011, 12:22 AM
هذا شكله يموووووووووووووت فيكي بس من النوع السادي اللي يستمتع بتعذيب حبيبه والله مريض الله يفكك منه حاولي زي ماقالت وحده من الأخوات توهمينه إنك خلاص ماتبي الطلاق لين يأمن لك وبعدين سافري عادي ولاترجعي

nora_2009
06/12/2011, 01:13 AM
الله يعينك

نسيبة الشمرية
06/12/2011, 01:43 AM
هذا شكله يموووووووووووووت فيكي بس من النوع السادي اللي يستمتع بتعذيب حبيبه والله مريض الله يفكك منه حاولي زي ماقالت وحده من الأخوات توهمينه إنك خلاص ماتبي الطلاق لين يأمن لك وبعدين سافري عادي ولاترجعي


ههههههه اختي لايموت فيني ولا شي
هذا معروف عنه مايطلق بسهووووولة هههههههه
يعني لازم تعذيب ويخدع المرة بكم كلمة
ويذلها شوي وبعدين يطلق وبسهولة
بس مرض نفسي الله يكفينا الشر
وانا الحمد لله عند اهللللي بس الاوراق الحين كملتهم المحامية وان شاء الله
ارسلهم بالفاكس اسأل الله التيسير
وجزاك الله خيرا وبارك الله فيك ووفقك اشكرك على اهتمامك بموضوعي

نسيبة الشمرية
06/12/2011, 01:45 AM
الله يعينك

آمين

جزاك الله خيرا وبارك الله فيك
اشكرك على اهتمامك

sa3b ansak
06/12/2011, 02:46 AM
الله يفرج همك ويفكك منه

اكثري من الاستغفار

فخر السعوديه
06/12/2011, 04:35 AM
ياقلبي الله يفرج همك وترتاحي منه ..بس اهم شي لاتزعلي ولاتضايقي نفسك هذا شي ربي كاتبه ..عيشي حياتك وانبسطي بسم الله عليك لسى صغيره
والعمر قدامك ..وربي بيعوضك باللي احسن منه ..اهم شي بعد الطلاق لاتنغلقي ع نفسك خلك قويه ^_^. ربي مايقدر للانسان الا الخير ..طمنينا عنك ياحلوه :)

ماذا اقول
06/12/2011, 04:54 AM
الله يفرج همك
والله يعطيكِ العافية

نسيبة الشمرية
06/12/2011, 05:47 PM
الله يفرج همك ويفكك منه

اكثري من الاستغفار


آمين


جزاك الله خير وبارك الله فيك اختي الغالية

نسيبة الشمرية
06/12/2011, 05:50 PM
ياقلبي الله يفرج همك وترتاحي منه ..بس اهم شي لاتزعلي ولاتضايقي نفسك هذا شي ربي كاتبه ..عيشي حياتك وانبسطي بسم الله عليك لسى صغيره
والعمر قدامك ..وربي بيعوضك باللي احسن منه ..اهم شي بعد الطلاق لاتنغلقي ع نفسك خلك قويه ^_^. ربي مايقدر للانسان الا الخير ..طمنينا عنك ياحلوه :)



آمين


الله يجزيك الخير اختي الغالية والله يسعدك على كلامك

ان شاء الله مااهتم له انا الحين وهو الى الان زوجي وكارهته

لو بتطلق شلون ..

بس بداخلي شي واحد اسأل الله يريني فيه جزاءه وعقوبته


والله يجزيك الخير على كلامك الطيب

نسيبة الشمرية
06/12/2011, 05:50 PM
الله يفرج همك
والله يعطيكِ العافية


آمين

يعافيك ربي يالغالية


بارك الله فيك وجزاك الله خير

دلوعة حنونة
09/12/2011, 07:34 AM
ياعمري الله يسرلك امرك يارب وتفتكين منة والله قصتك مقربة لقصتي بس انا خلال شهرين الا الصك عندي وعلي فكرة لو خلع لزم ترجعين لة المهر انا رجعتة كلة ريالا فوف ريالا وغير كذا وصدقيني امس ادخل موضيعي اتذركر الما ضي الحين متزوجة والحمدالله وصدقيني هذا كلة بيتعدل صدقيني الله يوفقك ويسرلك امرك وين اهلك فية لو بسعودية قوليلي اقدر اعطيك رقم شيخ او شي ادلك اراساليلي رسالة لني مو كثير ادخل المنتدي

نسيبة الشمرية
09/12/2011, 06:49 PM
ياعمري الله يسرلك امرك يارب وتفتكين منة والله قصتك مقربة لقصتي بس انا خلال شهرين الا الصك عندي وعلي فكرة لو خلع لزم ترجعين لة المهر انا رجعتة كلة ريالا فوف ريالا وغير كذا وصدقيني امس ادخل موضيعي اتذركر الما ضي الحين متزوجة والحمدالله وصدقيني هذا كلة بيتعدل صدقيني الله يوفقك ويسرلك امرك وين اهلك فية لو بسعودية قوليلي اقدر اعطيك رقم شيخ او شي ادلك اراساليلي رسالة لني مو كثير ادخل المنتدي


آمين
وفرحت لك يااختي الله يديم عليك السعادة
ويرزقك خير الدنيا والآخرة يارب
الله ييسر لي امر طلاقي منه

Sephoraholic
10/12/2011, 08:39 AM
ان الله يمهل و لا يهمل حبيبتي

و الحمدلله انج المظلومة مو الظالمة

الله يفرج همج و يأجرج بمصيبتج و يخلف لج خيرا منها...آمين آمين آمين

نسيبة الشمرية
10/12/2011, 08:56 PM
ان الله يمهل و لا يهمل حبيبتي

و الحمدلله انج المظلومة مو الظالمة

الله يفرج همج و يأجرج بمصيبتج و يخلف لج خيرا منها...آمين آمين آمين


ونعم بالله

حياك الله يالغالية بالمناسبة اشتقت لك كثيررر

الله يجزيك الخير وآمين على دعااااااائك

ربي يخليك ويرزقك بالزوج الصالح اللي يخليك بعيونه

مسك الكون
19/12/2011, 09:36 PM
أم إبراهيم الشمرية !!!

وربي اني اقرا كلامك وانا اتخيل عمرك فوق الثلاثين

ماشاء الله تبارك الله على هذا العقل الناااااااااضج وليس هذا دليلا الا على ثراء عقلك

وقلبك وروحك بنور الدين الذي هو سر سعادة العبد في دنياه وآخرته ..

الصراحة انا ماعرفت وش اكتب هل اواسيك او ادعي لك او اشير عليك بشئ

ما اعرف اتكلم مع من هم أنضج مني فكرا .. لكن أقدر أقول اني تعلمت منك كثيـــــــــــــــــــــر ..

وهنيئا لمن قد عشتي معه ولو يوما واحدا ..

أخلاقك ناااااااااااااااااااااااا ااااادرة

تفكيرك ناااااااااااااااااااااااا اااااااادر

ماشاء الله تبارك الله ..

الله يخلي لك الكتكوت الصغيرون ويكبر قدام عيونك ويصير أحسن رجال بالدنيا ..

انا متاكدة انه راح يطلع رجججال دامك انتي امه ..

أما أبوه ههههههههههههههههههههااااي شر البلية ما يضحك اي والله ..

ولكني أعتب عليك لموافقتك عليه من البداية ولكن عسى ان تكرهو شيئا وهو خير لكم ..

انت توك بعمر الزهور وماخذه واحد مطلق ! ومن بلد أخر ! أعتبرها مجازفة

ولكن بما انك كنتي مستخيرة فلا اعترراااااض ..

ممم وش بعد ^___* ..

الباقي خليه بظهر الغيب أحسن :) ..

ودي ياعسل ~

فـدآك يادولهـ
19/12/2011, 09:41 PM
File "..\data\game.xml" not found!
The programm will be terminated.
Press OK to copy this Message to the clipboard.

روبا
20/12/2011, 12:58 AM
فضلت اني اقراء موضوعك الاول قبل الرد....و اذا كان ماقلتيه عنه صحيح فالطلاق انسب حل خصوصا وانك بعمر صغير و المستقبل امامك.....

والله يسهل لك امرك و يكتب لك الي فيه الخير و بصراحة عجبتيني يوم خليتي له ولده لانه هو الملزوم فيه مو انتي والله يعوضك بافضل منه

ذهب24
20/12/2011, 04:16 PM
حسبي الله عليه .........لاحول ولا قوة الابالله

نسيبة الشمرية
21/12/2011, 05:55 AM
أم إبراهيم الشمرية !!!

وربي اني اقرا كلامك وانا اتخيل عمرك فوق الثلاثين

ماشاء الله تبارك الله على هذا العقل الناااااااااضج وليس هذا دليلا الا على ثراء عقلك

وقلبك وروحك بنور الدين الذي هو سر سعادة العبد في دنياه وآخرته ..

الصراحة انا ماعرفت وش اكتب هل اواسيك او ادعي لك او اشير عليك بشئ

ما اعرف اتكلم مع من هم أنضج مني فكرا .. لكن أقدر أقول اني تعلمت منك كثيـــــــــــــــــــــر ..

وهنيئا لمن قد عشتي معه ولو يوما واحدا ..

أخلاقك ناااااااااااااااااااااااا ااااادرة

تفكيرك ناااااااااااااااااااااااا اااااااادر

ماشاء الله تبارك الله ..

الله يخلي لك الكتكوت الصغيرون ويكبر قدام عيونك ويصير أحسن رجال بالدنيا ..

انا متاكدة انه راح يطلع رجججال دامك انتي امه ..

أما أبوه ههههههههههههههههههههااااي شر البلية ما يضحك اي والله ..

ولكني أعتب عليك لموافقتك عليه من البداية ولكن عسى ان تكرهو شيئا وهو خير لكم ..

انت توك بعمر الزهور وماخذه واحد مطلق ! ومن بلد أخر ! أعتبرها مجازفة

ولكن بما انك كنتي مستخيرة فلا اعترراااااض ..

ممم وش بعد ^___* ..

الباقي خليه بظهر الغيب أحسن :) ..

ودي ياعسل ~



حيااااااااااااااك الله اختي مسك الكووون

مشكورة خجلتيني بكلامك واسأل الله ان يغفر لي ما لاتعلمون


وبخصوص انه مطلق صدقيني كنت ابي ملتزم وسبحان الله هو الوحيد تقدم لي ملتزم

كان ملتزم شكليا مع الاسف مع انه كان امام مسجد سابقا وحافظ للقرآن

لكن يركض ورا الدنيا والمظاهر ركض نسأل الله العافية وغشنا

حسبي الله ونعم الوكيل وربي يجازيه

الله يسعدك دنيا وآخرة اختي ويحفظك ويرعاك اسعدني مرورك الغالية

نسيبة الشمرية
21/12/2011, 05:58 AM
File "..\data\game.xml" not found!
The programm will be terminated.
Press OK to copy this Message to the clipboard.


حياك الله اختي مع اني لم افهم ماكتبتي

لكن اشكرك لمرورك بارك الله فيك

نسيبة الشمرية
21/12/2011, 06:02 AM
فضلت اني اقراء موضوعك الاول قبل الرد....و اذا كان ماقلتيه عنه صحيح فالطلاق انسب حل خصوصا وانك بعمر صغير و المستقبل امامك.....

والله يسهل لك امرك و يكتب لك الي فيه الخير و بصراحة عجبتيني يوم خليتي له ولده لانه هو الملزوم فيه مو انتي والله يعوضك بافضل منه


حياك الله اختي وبارك الله فيك

اختي هو بالحقيقة لسة اسوء الله يستر عليه

هذا اللي قلته شيء بسيط في مصايب ثانية لكن شنقول بعد الله يجازيه

اما ولدي لا مااعطيه اياه لان هو اصلا مااااااايحبه شنو ذنبه المسكين

واب بهالمستوى من الاخلاق مو كفو يربيه .. الله يحفظ لي ولدي

لاني كل ماشفته حسيت بحزن لان مافي رجال يجيه ولد ويكون ولده الاول وحامل اسمه ويكرهه !!

الله ياخذ بحقه من ابوه ومن كل من شارك بظلمه .. وان شاء الله ربي ياخذ لنا بحقنا وابشركم بهالشي بإذن الله


جزاك الله خيرا

نسيبة الشمرية
21/12/2011, 06:06 AM
حسبي الله عليه .........لاحول ولا قوة الابالله

حياك الله وبارك الله فيك يااختي

اي والله حسبي الله عليه

نسيبة الشمرية
21/12/2011, 06:14 AM
اخواتي اخر التطورات

ان لله الحمد الفاكس وصل واليوم الاربعاء اشوف رأي اللجنة بخصوص موضوعي

ارجو كل من تقرأ ردي تدعيلي بتيسير امري

اما بخصوص زوجي تزوج قبل اسبوع
ومسوي عرسه بفندق هههههههههه اذكر من سافرت لاهلي يقولي مااقدر اتصل لك حتى فلوس رصيد ماعندي !!1 هههههههه

الحين الفلوس طلعت ومهور ويأثث شقق وحفلات وفنادق !!

ماانسى يوم كان يوريني هدايا بالعيد عيد الفطر كان وقتها خاطب وماادري جاب لي جلابية سعرها 1000 ريال يوريني اياها وياخذ رايي فيها
يقولي انه اشتراها لامه وكانت شبابية واكتشفت انه للعروس ..!! وقالي انه في وحدة ثانية !! وحاطها بالسيارة !!

مجرد فضفضة بس عشان تعرفوا ظلم هالانسان وانه مايملك من الاحساس ولو ذرة !!

الحولا
21/12/2011, 08:35 AM
لاحول ولا قوة الا بالله

عورتي قلبي
الله يعينج ويفرجها عليج

مسك الكون
21/12/2011, 11:49 PM
أسأل الله أن يعوضك زوجا فيه من جمال يوسف عليه السلام مافيه ~

انفاسـﮱگ دخـﮱون
22/12/2011, 12:05 AM
الله يكون بعونج يارب وعون اللي بمثل حالتج والله احنا ياجنس حوا مظلومات من الريايل اللي مايخافون ربهم حسبي الله على اللي يسوون هالسوايا ويحطون الغلط كله عليج الحمد الله ارتحتي منه وربي بيعوضج خير والحمد الله افتكيتي منه واهم
شي صحتج وراحه بالج وتاكدي ان اللي يمهل ولا يهمل وبيلقى نتيجه سواياه المريض النفسي

❥ بَـحّـة قَصْيٍـِد ❥
22/12/2011, 05:04 AM
الله يوفقك ياختي

نسيبة الشمرية
22/12/2011, 05:06 AM
لاحول ولا قوة الا بالله

عورتي قلبي
الله يعينج ويفرجها عليج


حياك الله يااختي وبارك الله فيك

واللهم آمين

جزاك الله خيرا

نسيبة الشمرية
22/12/2011, 05:08 AM
أسأل الله أن يعوضك زوجا فيه من جمال يوسف عليه السلام مافيه ~



اللهم آمين

مع انه الجمال مو مهم الدين والخلق اهم لكن

صدقوني الرجال بهالزمن قلة قلة قلة

لا لهم كلمة ولا راي الشيطان مستحوذ على عقولهم

اختي مسك الكون اشكر لك مرورك الطيب وكلامك

وربي يسعدك ويوفقك ويحفظك ويحرسك

نسيبة الشمرية
22/12/2011, 05:18 AM
الله يكون بعونج يارب وعون اللي بمثل حالتج والله احنا ياجنس حوا مظلومات من الريايل اللي مايخافون ربهم حسبي الله على اللي يسوون هالسوايا ويحطون الغلط كله عليج الحمد الله ارتحتي منه وربي بيعوضج خير والحمد الله افتكيتي منه واهم
شي صحتج وراحه بالج وتاكدي ان اللي يمهل ولا يهمل وبيلقى نتيجه سواياه المريض النفسي


حياك الله يااختي ذبحني برد الايام من جد اشكرك من قلبي على اهتمامك

بموضوعي ومرورك يمكن هذا ثالث مرور لك والله يرزقك بسعادة الدنيا والاخرة ويحفظك ويبارك فيك وفي اهلك

هههههه تصدقين على سالفة مريض نفسي يمممممممممة كل ماسمعت احد مريض نفسيا عنده اضطرابات نفسية اتذكره اقول انا كنت ساكنة مع مريض نفسي
فعلا فعلا كنت اشوف منه تصرفات تخوووف وحركات سخيفة احسه متخبط مدري شيبي بالضبط من الدنيا !!
وانا للحين ماارتحت منه لان اللجنة ماعطوني النتيجة ولو حصلت طلاقي ببشركم بموضوع منفصل

نسيبة الشمرية
22/12/2011, 05:19 AM
الله يوفقك ياختي


حيا الله اختي الغالية عروس

انتي بعد من المهتمات بموضوعي والله يبارك فيك ويسعدك

يسعدني مرورك دائما والله يوفقك بعد وماتشوفي الا كل خير وسعادة بحياااااااتك

ملامح انثى
22/12/2011, 05:41 AM
الله يوفقك ياختي

زهرة الاوركيد 22
22/12/2011, 05:52 AM
الله يفرجها عليك اختي ويعوضك بلي احسن منه يارب :thumbs_up::thumbs_up::thumbs_up::thumbs_up:

أيسكريم لايقاوم
22/12/2011, 04:45 PM
بصراحه صج حقير يسوي كذا


بس حبيبتي لو كنتي سألتي عنه يا قلبو



يارب يريح بالك ويرزقك الطلاق ويسهل عليكي يارب

مــجـــرد دمــعــــة
24/12/2011, 08:08 PM
مهما كان لااا ترجعيله


هو ما يستاهلك .. ليش انتي دميه يوم يبيه و يوم يفره


لاا و لااا ترجعيله عيشي حياتك و توكلي على الله


و ادعي كل اللي في بالك في الثلث الاخير من الليل


الله يفرج همك انشاءالله

HERSHEY,S
24/12/2011, 11:41 PM
لاحول ولاقوة الا بالله

الله يفرج كربتك ياام ابراهيم

واسال الله انه يختارلك مافيه خيره لك ويصبرك

وييسر امرك و يعوضك بالعوض الصالح ان شالله

اجمل العطور
25/12/2011, 02:45 AM
الله يفرج همك

life is dream
25/12/2011, 07:46 AM
الدنيا دوارة اختى ... الله يسامح على كل شي الا الظلم ... والله يعوضك خير ... بس انت صفي قلبك وقولي له الله يسامحك على اللي سويته فيني وبيكافئني على صبري عليك

تَنْثُرُ الكَونَ عِطرَاً
25/12/2011, 09:57 AM
الله يكتب لك الخير ويوفقك لما فيه خيري الدنيا والآخرة

نسيبة الشمرية
25/12/2011, 10:45 AM
حياكم الله يااخواتي وربي يبارك فيكم ويسعدكم ويوفقكم يارب

شكر لكل من :

لموووحة مانشتر
زهرة الاوركيد
أيسكريم لايقاوم
مــجـــرد دمــعــــة
HERSHEY,S
life is dream
تَنْثُرُ الكَونَ عِطرَاً


وأخر التطورات بموضوعي
اتصلوا علي وحددوا موعد احتمال اول الشهر الجاي ان شاء الله
يكون في جلسة طلاق لو طلق خلاص او الخلع ويقولوا عادي ممكن ماتتأخر
وان شاء الله بسافر من جد اطلب منكم تدعوووا لي ان الله ييسر لي امري ومايحوجني لاحد
ولا منة الناس ويحفظني اثناء سفري يارب

♥м!şs ғσđү♥
25/12/2011, 08:13 PM
لما اشوف مشاكل الغير بتهون عليا مشكلتى
ربنا يصبرك يّ قلبيٍ

أخت الوزة
26/12/2011, 02:00 AM
الله يفرج همك يا رب وييسر لك أمرك

بسمة أحمد
26/12/2011, 02:35 AM
أسأل الله أن ييسر لكـ أموركـ ويسهل طلآقكـ ويفرج همكـ ويفتحها بوجهكـ
ويرزقكـ باللي أحسن منه ويخلي لك ولدك ويصبركـ ويعينك أختي عليكي بالدعآآء وقيآآم الليل...
أختي ممكن أعرف أيش جنسيتكـ؟؟
ودي لك :)

نسيبة الشمرية
29/12/2011, 02:17 PM
حياكن الله وبارك الله فيكن يااخواتي واللهم آمين على دعائكن

يابنات ادعوا لي راح اسافر بإذن الله يووم الثلاثاء وجلسة المحكمة يوم الاربعاء

اسأل الله ان ييسر لي امري ويلجم لسان زوجي ويطلقني ويريحني يارب

HERSHEY,S
29/12/2011, 04:59 PM
أسأل الله العلي القدير أن يجعل كيده في نحره ويكفيكي شره يارب ويختارلك مافيه خيرة لدينك وحياتك


الله يفرج كربتك ويبدل ضيقتك هنا وراحة بال انه على كل شيء قدير


أخيتي كم تألمت لألمك والله يشهد وادعيلك دائما بظهر الغيب وان شالله يستجيب


احفظ من الدعاء الجميل ماسأكتبه لكي الآن


وأرجو منكي الدعاء به ليلا مع قيام الليل بقراءة البقره كامله وملازمة الاستغفار بنية الفرج


وباذن الله باذن الله يفرجها عليكي صدقيني هالشي مجرررب ومامكروب دعا به مع قيام الليل بالبقره الا وفرج الله همه


وطمنينا عليكي ..



الدعاء




اللهم يا سامع الصوت ويا سابق الفوت ويا كاسي العظام لحما بعد الموت ويا من أجاب نوحا حين ناداه وكشف الضر عن أيوب في بلواه وسمع يعقوب في شكواه ورد إليه يوسف وأخاه وبرحمته ارتد بصيرا وعاد النور إلى عيناه وليس بعزيز عليك وليس بعسير عليك أن ترزقني{سمِّ حاجتك}سبحانك لا إله إلا أنت يا ذا الجلال والإكرام


يا رب يا رب يا رب يا من نجيت محمد صلى الله عليه وسلم حين نسجت على الغار خيوط العنكبوت وآمنت يونس في بطن الحوت وحفظت موسى في اليم والتابوت ليس بعسير عليك أن ترزقني{سمِّ حاجتك}سبحانك لا إله إلا أنت يا ذا الجلال والإكرام يا رب يا رب يا رب يا خالق السماوات والأرض والليل والنهار والشمس والقمر والنجوم والكواكب والشجر والدواب والماء والتراب وكل شي وعلمت الإنسان ما لم يعلم ورفعت السماوات بغير عمد نراه ليس بعسير عليك وليس بعزيز عليك أن ترزقني{سمِّ حاجتك}


سبحانك لا إله إلا أنت يا ذا الجلال والإكرام يا رب يا رب يا رب اللهم إني عبدك الدليل الفقير المسكين سجدت لوجهك العظيم ابتهالا وتضرعا ورجاء واعترافا بذنبي وضعفي وعجزي وقلة حيلتي وهواني على الناس ويقينا واعترافا وتصديقا بأنك أنت الله وحدك لا شريك لك لك الملك ولك الحمد بيدك الخير كله وأنت على كل شيء قدير اللهم إني أسألك بأنك أنت الله الأحد الصمد الذي لم يلد ولم يولد ولم يكن له كفوا أحد ولم يتخذ صاحبه ولا ولد وأسألك اللهم باسمك الأعظم الذي إذا سئلت به أعطيت وإذا دعيت به أجبت


وإذا استرحمت به رحمت وإذا استفرجت به فرجت يا أرحم الراحمين يا مالك يوم الدين إياك نعبد وإياك نستعين ارزقني{سمِّ حاجتك}سبحانك لا إله إلا أنت يا ذا الجلال والإكرام اللهم يا ذا العزة والجبروت يا مالك الملك والملكوت أسألك اللهم بكل اسم هولك سميت به نفسك أو استأثرت به في علم الغيب عندك أو علمته أحد من خلقك أن ترزقني { سمِّ حاجتك}سبحانك لا إله إلا أنت يا ذا الجلال والإكرام يا رب يا رب يا رب يا مالك الملك


يا مالك الملك يا من تؤتي الملك من تشاء وتنزع الملك ممن تشاء وتعز من تشاء بغير حساب ليس بعسير عليك وليس بعزيز عليك أن{سمِّ حاجتك}سبحانك لا إله إلا أنت يا ذا الجلال والإكرام اللهم إنك قلت وقولك الحق ادعوني أستجب لكم اللهم أنا دعوناك كما أمرتنا فاستجب لنا كما وعدتنا يا أكرم من سئل ويا أجود من أعطى وحسبنا الله ونعم الوكيل


قوله ثلاث مرات بإذن الله





اللهم اغفر لنا ولقارئ هذا الرد ولوالديه
وللمؤمنين والمؤمنات الأحياء منهم والأموات









دمتم بكل خير

نسيبة الشمرية
30/12/2011, 12:01 PM
HERSHEY,S
اللهم آمين
حياك الله يااختي وبارك الله فيك ورزقك ووفقك واسعدك دنيا وآخرة
وجزاك الله خيرا على اهتمامك بموضوعي
اسعدتيني بمرورك ودعائك ياطيبة

umjana79
02/01/2012, 12:59 PM
الله يوفقك يا اختي ...
وييسر امورك اللهم امين

مجنونتك رسمي
06/01/2012, 02:00 AM
الله يفرج همج ان شاء الله

نسيبة الشمرية
08/01/2012, 03:10 PM
حياكم الله يااخواتي ام جنى ومجنونتك رسم ي
الله يبارك فيكن ويجزيكن الخير ويسعدكن
وبكتب لكم شنو صار بموضوع منفصل لان الموضوع هذا فيه ردود كثيرة

بيتي مملكتي 2
09/01/2012, 01:52 AM
الله معكاختي