المساعد الشخصي الرقمي

مشاهدة النسخة كاملة : عندي مشكلة طويله عريضة ... أبغي شوركم



FINDY
24/11/2011, 10:03 AM
هلا والله بالبنات الغاليات

اتمنى ان الكل يساعدني في هذه المشكلة و هي تتعلق " بالصداقة "

المهم عشان ما الخبطكم انا كنت ب شلة صديقات و عددنا 3

و كنا مره مع بعض وكذا لكن كانت وحدة من البنتين اقرب لي من الثانية

و احنا مرة مع بعض في البي بي و سوالف 24 ساعه

و مر على صداقتنا تقريباً سنتين
و بعدين و انا اكلم البنت القريبة مني ( لنفترض أن رقمها 1 )
حسيت ان كلامها كلللله كذب يا بنات والله العظيم صواريخ مجمعة
يعني فجأة انقلب كلامها كله كذب تخيلوا اني اسولف مع وحدة كلامها كله كذب و اسمع كلام كذب عشااانها و انا اعرف انها تكذب لأن حبل الكذب قصير

و انا كل شي يصير لي و اقول لها تقول حتى انا !!
يعني ما تصدقون لو اقول لها اخذت في الاختبار 10 بتقول لي حتى انا اخذت

كل شي انا اسويه في الحياة يطلع زيها ما يصير !!
صدقت مرة و مرتين و ثلاث بس عاد كل شي يصير لي يصير لها ما تدخل بالبال
و بعدين حتى إذا صار عندها سالفة احس لازم تحريف بالكلام
يعني بالأيام الأخيرة قامت تكذب عشان تكبر في نظري
و بعدين يوم من الأيام نفس الشي قطت سالفة محد يصدقها وقلت فرصة بصارحها
احنا صديقات و ان شاء الله تتقبل
و حاولت قد ما اقدر ان اسلوبي و نصيحتي تكون ذربة
و هي على طول ما رضت عن نفسها و تنكر و و و إلخ
و صار هووواش
و بعدين كلمت صديقة صديقتها ( بنفترض انها رقم 2 ) " العضو الثالث بالشلة "
و اتوقع قالت لها عن المشكلة و بعدين رقم 2 كتبت بالبيرسونال حق البي بي
" أفا لا وربي ما فيك ذرة من هالأخلاق "
لأن انا معروفة اني طيبة وقلبي ابيض و الكل يقووول
و رقم 1 حاطه صورة محادثة بالبي بي تطنز او تتمسخر على اللي صار

و يوم شفت انا هالكلام اللي مسوينه قلت بكتب حتى انا بعد و كتبت
( تمنيت اني ما شفتك ولا عرفتك )
لأن بصراحة تعبت من كذبها و صواريخها و انا احب الأنسان الصريح صحيح ان ما فيه انسان ما فيه عيوب بس ترى يرجع لسمعة البنت هاللي تسويه

و جاتني رقم 2 بالبي بي و قالت لي انتي مين ؟؟!
( انا تفاجئت اصدق ما تعرفني )
و قلت لها انتي اللي مين ؟!
قالت جلونااار ؟
قلت لها ايه
قالت انتي مين تقصدين برسالتك ؟
قلت لها إذا قلتي انتي مين تقصدين بقول لك !!
قالت انا بصراحة بنت ( تقصدني )
قلت لها حتى انا بنت ( انا اقصد رقم 1 )
و قالت قولي طيب اسمها
قلت لها لقلتي اسم البنت بقول لك
قالت انا مدري
قلت حتى انا مدري
قالت في قريح مش لازم
و قلت في قلعة وادرين مش لازم
و عصبت و سكرت المحادثة
" طبعا الحين انا انحذفت من رقم 1 بالبي بي "
لكن رقم 2 موجودة بس خذتها و حذفتها عشان ما تلعوزني و كذا
و من بعدها قعدنا 4 شهوور
و لا وحدة تكلم الثانية
انا مع رقم 1 موجودين بنفس المدرسة لكن هي بفصل و انا بفصل
اما رقم 2 بمدرسة ثانية
و يوم الأربعاء امس شافتني رقم 1 بالفسحة و قعدت تطالع فيني بس ما اهتميت منها ولا علي منها
و حتى بالأيام اللي مرت اشوفها لكن هي والجدار واحد ما اكترث فيها
و رجعت البيت و نمت العصر و حلمت ان البنت هذه زي اللي تصيييح !!
و ان اخوها ماسك الجوال و يحووس بالصور زي اللي يسترجع الذكريات
انا يوم صحيت قلت اكيد حديث نفس و ما اهتميت
و طول اليوم عادي
جات الساعه 10:15 بالليل و دق التيليفون و قالوا وين جلونااار ؟
و جات اختي و قالت في احد يبغيك ع التيليفون بس انا قلت لأختي قولي لهم بدورة المياة لأن ما ابغي اكلم احد ( ظنيت من البنات اللي يبغون مني شي للمدرسة )
و قال المتصل لأختي : قولي لجلونار انها صديقتها بالمسن !!
و بعدين وصلني الخبر و قلت بشوف الرقم بالكاشف
و طلع الرقم نفس رقم البنت 1
و قلت بشوف بدق عليها
( بنات انا مغيره رقمي و جوالي و كل شي اوك )
و قلت انا : مييين !!
قالت البنت : جلوناااار و شدعوا !!
قلت : رقم 2 ؟
قالت : ايه
و قلت : مو كن هذا رقم 1 ؟
قالت : الا رقمها انا دقيت و هي ما تدري
و قلت : اهااا
و قالت : الحين انتي لحد الحين زعلانة على رقم 1 ؟
قلت لها : لا
قالت : طيب ارجعوا لبعض انتوا صديقات و مو صداقة شهر و لا شهرين و انا دايما اقول لرقم 1 شسالفة و اسأل عنك لكن دايم تقول ما فيه شي او تغير السالفه ف بغيت اعرف السالفة منك ما راح اسكر الا اذا عرفت السالفه
قلت : ما فيني شي
قالت : شنو ما فيني شي
قلت : خلااااص كيفها
قالت : وش كيفها قولي لي شصاير
قلت : آسفة ما اقدر اقول
و سكرت رقم 2 بوجهي مع اني انا اللي داقة

الحين خلصت السالفة و بصراحة حسيت انهم ما رجعوا الا للمصلحة و بعدين " لفات الفوت ما ينفع الصوت " و اصدق البنت رقم 2 ما تدري عن اللي صااار
هي كاتبه عني بالبي بي كلام محد يرضاه على نفسسسه
و بعدين انا ما ابغي احتك فيهم كثير و انا امتز منهم بواجد بالمدرسة و هي مساكين مو ذاك الأمتياز ف احسهم بستغلوني استغلال عدل
و انا عندي صديقات غيرهم بالمدرسة ولله الحمد
بس كلش السالفة مو داخلة ببالي

بنات رايكم بسرعه !!

FINDY
24/11/2011, 10:37 AM
بضيف شي يا بنات
انو بأيام الأختبارات دايم رقم 1 تدق علي و تشتت معلوماتي
تقول انو هذا معنا و مو معنا و من ذا الكلام
و كل يوم على هالحال
و بعدين دقت الساعه 8 و كان علينا اختبار صعب
و قالت : ويوووو خلصت قعدي ذاكري لنهاية الليل

و انا تخيلوا من التفكير والله شتت معلوماتي
جاني رعاف ( نزيف بأنفي ) ما وقف والله الا يوم ماما قرت علي
والله ما وقف من الساعه 11 او 12 إلى 1 و زيااادة و بالموت خلصت المذاااكرة
طبعا لنهاية الليل مثل ما قالت
و احسها تحسدني مررررة
صحيح ان الحسد موجود في كل وحدة و كل بنت لكن هي تحسد تبغي تنتقم او شي كذا مدري مدري
احترت صراحة

الجوهرة
24/11/2011, 12:17 PM
حبيبتي الدنيا طوييييله ووسيعه جدامك وتووو الناااس عليها

يعني بكرة في الجامعه بتصادفين اشكااااال والواان من الطالبات والدكاترة سواء رجال أو نساء

عشان جذيه طنشي وشوفي مستقبلك

والتزمي بالأذكار ونصائح أهلك

والا الصديقات وايد منهم مثل صديقاتك

قسما بالله اني يوم كنت في المدرسة كانوا بعض الطالبات يجون أدرسهم فرنسي وعقب ماخلصت المدرسه أنا أسأل لهم وأشتاق لهم وهم نسوني

ووحده كانت راسبه في الانجليزي وطلبت مني أترجم لها كتاب كامل داخل معانا في الامتحان والله العظيم قعدت ماادري اسبوع أو اسبوعين اترجمه لها

ومرت الأيام وشفتها في الصالون والله ماقامت اتسلم علي ورحت لها وقلت لها انا فلانة قالت ايه عرفتك

تخيلي!!!!!!!

اتركي الحاسدات والزمي البنات االشاطرات والصحبة الصالحه

umjana79
24/11/2011, 01:19 PM
اختي .. لو كل انسان صغر المشاكل الي حواليه لكان عاش مرتاح البال

ولو كل حبه سوينا منها قبه كانت الوساده انفجرت من الهموم الي براسنا..

يااختي هموم الدنيا اكبر من صحباتك.. واعتقدانك انضج من انك تنزلين عقلك فيهم...
اتركيهم وعيشي حياتك.. وانتي مو محتاجه لهم ولا شي.. ياليت تتركيهم عنج .. وعيشي لحظات الدراسه الي ما بتتكرر

ببساطه استمتعي بدراستك وبحياتك الدراسيه..لان اغلب الناس الحين همها المصالح... وهالزمن هذا مو اي احد يطلق عليه مسمى "صديق"

تحياتي

ام جنى

aisha.. madam simo
24/11/2011, 01:30 PM
خلص سيبك منهم انتي بطريقوهما بطريق، ما يجيك منهم غير وجع الراس

حبيبة عصوم
24/11/2011, 01:36 PM
الدراسة تم الدراسة .الدراسة هى مستقبلك وصديقتك

row3a
25/11/2011, 02:29 PM
زين انتي حطيتي الحل من نفسك خليها علاقه عاديه ولا تقربينها منج وفتكي من كذبها المثل يقول : روح بعيد ورد سالم

أجراس الحنين
25/11/2011, 02:57 PM
يا حياتي توبك زغيرا وكتير مرا علينا من هالأششكال للمصلحه وللإختبارات والمعلومات هيك ، لا تفتكري يا اختي ولا تهتمي وش عليتس امنها خلها لحالها هي صحيح صديقتس على قولتس بس دامها تكذب وش تبين فيها !

الحييياه قدااممك عيشي ومبسسطي وراح تتعرفين على ناس وصديقات اكتير ..


سسيييمو

ريحآإنة الجنه
25/11/2011, 04:22 PM
سلامووووووووووووو غناتي
وربي قصتك مرة صعبة
تدرين شي والله العظيم انا اكثر منج ويما صارت لي مواقف وايد
من صديقات او صديقة الي جنت اعتبرها توام روحي
في الاخر اكتشفت الكدب + الخداع+النفاق
تدرين اختي وربي ماعندي صديقات ببلدي+مدينتي
احسسن شي عندي ادخل منتدي واشوف صديقات هنا ونحكي ونسولف
ونساعد بعض ولا اكون ويا وحدة منافقه مرة
تدرين ختوووو ولايهمك ترا الانسان مابيده شي
ولا تشيلين بقلبك اهم شي ربي بيحبك لانو اظهر لك
كدبها ونفقها مره
والله يرزقج الصديقة المخلصة يارب
تحياتي ولك ودي

اميرة بكلمتي بعمرانية

FINDY
25/11/2011, 09:30 PM
مشكووورين يا بنات يعطيكم العافيه

لكن المشكلة الحين إذا جاووني البنات بالمدرسة و تقول لي انتي زعلانة او كذا

و تتناقش بالموضوع و انا ما ابغي ارجع معها سواء فهمتها صح او غلط

بالنهاية هي انسانه ما تصلح لي
لكن وش اقول لها ؟

اقول لا والله انتهت علاقتنا و انا ما ابغيك و و و

و لا ارجع لها غصبن علي

هذا الكلام !!!!!!

نسيبة الشمرية
26/11/2011, 06:40 AM
لو تكلمت اشغلي نفسك او مثلا لو شفتيها وتبي تتكلم انصرفي عنها قولي لها انا مشغولة وكل مرة سوي كذا بروحهم يعرفون انك ماتبيهم

FINDY
26/11/2011, 01:22 PM
اها اوووك

مشكووووورين

ريحآإنة الجنه
26/11/2011, 05:53 PM
لاتجرحيها احسن شي
تكولي لها انا بعد مااريد صحبات لاني انجرح وايد
اريد افكر بدرستي بس
والله يسعدك ويوفقك
انتي بنت ناس وانا اتمني لج السعادة
هيك تقولي اختي
والله يسسسسسر لج امورج يالغالية

sousou35
01/12/2011, 02:55 PM
مرحبا
أنا لم أقرأ كل النص ، ولكن عن الصداقة مقدسة
بسم الله الرحمن الرحيم
صداقه يوم احناهنا وغدا لانعرف م يخباه القدر
كنت دائما بين البنات وكانت ايامناحلوة ووتارة مرة ولكن بقين اصدقاءكل واحد فينا
كانت ه حياته الخاصة وكنانتفهم الامر طبعي ودرامة لحصلت هي فقدانهم في الزلزال موت البعض منهم اوجع قلبي وابكي حتى اسكت
هل ترين الحياة صعبة جدا لم اتوقع هذا الفراق الا بعد الزلزالمنذ ذالك اليوم ارفض الصداقة واحب البقاء وحدي لانها كانت صدمة لي وتبقى حتى ان اموتhttp://brenda-ngb3774.b.r.pic.centerblog.net/8a72d9a6.jpg