المساعد الشخصي الرقمي

مشاهدة النسخة كاملة : أهــلي والتدريس!! شو الحل



doominoo
15/11/2011, 01:02 PM
السلام عليكم ورحمة الله وبركاته

مشكلتي يا خواتي العزيزات هي التدريس. أنا تخصصي لغة انجليزية وصارلي متخرجة تقريبا سنتين. ومن ايام الدراسة كنت رافضة التدريس "يعني ما أريد اصير معلمة" ما أحب هذي المهنة اإأبدااااا واتعب وايد لما ادرس نفسيا وجسديا >> سبحان الله ربنا خلق كل إنسان بقدرات وميولات مختلفة وانا ما اشوف نفسي ابدا في هذا المجال.....
المهم إن اهلي مصرين على الموضوع وخااااصة أمي وهالموضوع وايد مضايقني. يعني طول هالسنتين وهي تحن علي وتهاوشني وتسمعني كلام يجرحني وما خلت احد وما قالتله عن الموضوع والكل طبعا ادلى بدلوه وقام يعطيني نصايح مثل انتي جربي وحاولي وراح تتعودين وهذيك الحرمة عندها بيت وعيال ومسوليه ومع ذلك متمسكه بالتدريس ومن هالكلام...
السبب اللي يخلي امي مصرة هو اولا نحن من عايله محافظة يعني الوحدة ما تشتغل في مكان مختلط مع الرجال مثل الشركات والمؤسسات. عشان جذي المدرسة بالنسبة لهم انسب مكان لانه كله نسوان مع ان كان حلمي اشتغل مترجمه او في قسم اداري
وثانيا عشان الفلوس "المعاش" وهذا اهم شي بالنسبة لها كل ما اتكلم تقولي امي لو تشتغلي كنت جبتي فلوس واستفدنا منها مو قاعدة طول الوقت بدون فايدة
انا من جد ابغي اشتغل ويكون عندي فلوس خاصة فيني اتحكم فيها على كيفي بس مو من شغل طالع من نفسي :(
ومن كثر زن امي اشتغلت فترة مؤقتة معلمة في روضه بس والله كنت ارجع دايما ابكي ومتضايقة وامي الله يهديها تزيدها عليه بدل ما تاخذ بخاطري وتفهمني،،، وما كملت معهم ما قدرت
وبعدها بفترة قدمت اوراقي للمنطقه وطبعا مو من طيب خاطري بس عشان خاطر امي وبعدها امتحنت وقابلت بس للحين ما طلع اسمي "الحمد لله^^"
والحين الروضة اللي فيها أخوي الصغير قالوا لامي مرة في اجتماع انهم محتاجين معلمة انجليزي وردت عليهم على طول انها تعرف وحدة :( والحين الروضة دقوا لنا وقالولي اقدم اوراقي للمنطقة على اساس ادرس في الروضة وامي فرحانة وكل دقيقة تفتح الموضوع وتقول جهزي اوراقج عشان يشلهم ابوج للمنطقة، وبكرة ان شاء الله ابوي راح يوديهم..
يمكن اللي راح يقرا موضوعي يحس انه تافه واني مكبرة الموضوع لانه يشوفه من برع غير عن اللي يعيش المشكله
انا كتبت عشان افضفض واسمع رايكم وان شاء الله ادلوني كيف اتصرف في هالموقف

sarah love
15/11/2011, 01:32 PM
انا اقول اتوافقين على الوظيفه لو بشكل مؤقت ..

و عسى ان تكرهوا شيئا و هو خير لكم ..

انا صار لي موظفه في بنك 3 سنين وشغلي مختلط

و خواتي كلهم مدرسات بس مثلك انا كنت رافضه الفكره نهائيا .. صدقيني الحين افكر اغير شغلي واروح مكان ثاني

اول شي المكان المختلط يبعد الخطاب , و صدقيني لابد ولا زم تسمعين لك كلام من هذا و لا ذاك كفايه النظرات ..

هذي نصيحتي لك توكلي على الله , ماراح تخسرين شي بالعكس بتكسبين رضى امك و بتستغلين وقتج في شي مفيد لخدمة

المجتمع ..



تقبلي مروري

آمنـــه
15/11/2011, 04:39 PM
طيب صلي صلاة الاستخارة ,,
والله يقدر لك الخير ,,

جولنار11
15/11/2011, 05:17 PM
انا اقول اتوافقين على الوظيفه لو بشكل مؤقت ..

و عسى ان تكرهوا شيئا و هو خير لكم ..

انا صار لي موظفه في بنك 3 سنين وشغلي مختلط

و خواتي كلهم مدرسات بس مثلك انا كنت رافضه الفكره نهائيا .. صدقيني الحين افكر اغير شغلي واروح مكان ثاني

اول شي المكان المختلط يبعد الخطاب , و صدقيني لابد ولا زم تسمعين لك كلام من هذا و لا ذاك كفايه النظرات ..

هذي نصيحتي لك توكلي على الله , ماراح تخسرين شي بالعكس بتكسبين رضى امك و بتستغلين وقتج في شي مفيد لخدمة

المجتمع ..



تقبلي مروري



:thumbs_up::thumbs_up:

حنين للقاء
15/11/2011, 06:45 PM
سلام يا اختي
عتبي عليش من البداية يوم ما كانت عندش رغبة من اول ليش ما غيرتين تخصصش من ايام الدراسة،، بس الحين مو وقت هالعتب
تبين رايي اذا ما لش نفس تدريس لا تدرسين انا وحدة تخصصي تدريس و احب التدريس و جربته نوعا ما فيه ايجابيات مثل شعور الانسان بالانجاز و هو يبني و يأسس مو أي شي يبني و يأسس انسان طبعا عشان تحبين التدريس لازم تكون عندش هالنظرة الحالمة و العزيمة و الاحساس بأن لش هدف غير الفلوس من ورا التدريس وطبعا فيه سلبيات و بلاويه بلاوي هذا غير انه يجيب امراض:thumbs_down: مثل الضغط و اخوه السكري و القلب و الديسك و هالحجي علمي ما فيه مبالغة و الواقع يثبت هالشي.
طبعا نجي لقضية اهلش و امش بالذات اللي لو رضيت كل شي يهون... طبعا مبين انها ما بترضى بسهولة هذا اذا رضيت اصلا و تلاقينها تشوف ان كل الاعتراضات و الاصرار اللي انتين فيه مجرد دلع بنات و هي تتصرف على اساس انها شايفة مصلحتش اكثر منش و عارفة الدنيا و خابرتها اكثر لهالسبب تحسينها تزيد الضغط عليش بحسن نية.طبعا قدامش عدد من الحلول :
ا1.تشوفين لش واحد أو أكثر ممكن يصف وياش في العيلة و يحاول يشرح او يقنعها بأنش تشوفين شغلة ثانية غير التدريس لأنش نفسيا ما لش طاقة التدريس ممكن اخ او اخت او خال او بنت خالة
2. تشوفين لش شغلة وسط لا هي تدريس و لا هي خلط مرضي عليها من المجتمع عشان تعجب الوالدة حتى لو كان مردودها قليل بالنسبة للتدريس على الاقل تريح كل الاطراف.
3. تعتصمين اعتصام اعتصام هههههه العفو يا جماعة قصدي تضربين رجلش في الارض اشتغل اي تدريس لا يعني لا تشتغلين اذا كان الحل الوحيد هو شي نفسش مو قابلتنه بس هالطريقة متعبة لأنها ثورية :worn_out: يعني ممكن تسبب احتكاك بينش و بين الوالدة و لأن الوالدة رضاها من رضا رب العالمين لا تغضبينها اذا بتسوين هالاسلوب يعني سويه بس بطريقة مو استفزازية الحل يبي له طول نفس

اذا ما تغيرت فكرتش عن التدريس فمستحيل تتقبله نفسيتش هذي كلمتي الاخيرة و عن نفسي ابي اولادي يعلمونهم معلمين يحبون التدريس و ما يحسونه حبس اضطراري و الله يوفقش

احلى~حلوه
15/11/2011, 08:53 PM
والله حبيبتي انا جربت الشغلتين!
جربت التدريس والحين الوظيفه بشركه لما كنت ادرس كنت احس مأساااه ويومي ضايع وحالتي حاله الحين متندددمه لان عالاقل تشوفين ناس وساعات دوامها اقل بوااااااااااااااااااااااا ااااااجد من الدوام بشركه والاجازات اكثر بكثيييير مو الحين ننطر الاجازه وبالموت ناخذها بعد! بس مهما حكينا الواحد مابيحس بالشي الا اذا جربه وشاف اللي يناسبه
طيب فكرتي تشتغلي اداريه بمدرسه اذا اهلك كلش مصرين على المدارس! مدري شقولك بس ربي يقدملك اللي فيه الخير وحاولي انك توكلي امرك لله تماما وتتقبلي اي شي يجيك لان ماتدرين الخير وين

Elizabeth2
15/11/2011, 09:27 PM
حنين للقاء[/SIZE];15746247]سلام يا اختي
عتبي عليش من البداية يوم ما كانت عندش رغبة من اول ليش ما غيرتين تخصصش من ايام الدراسة،، بس الحين مو وقت هالعتب
تبين رايي اذا ما لش نفس تدريس لا تدرسين انا وحدة تخصصي تدريس و احب التدريس و جربته نوعا ما فيه ايجابيات مثل شعور الانسان بالانجاز و هو يبني و يأسس مو أي شي يبني و يأسس انسان طبعا عشان تحبين التدريس لازم تكون عندش هالنظرة الحالمة و العزيمة و الاحساس بأن لش هدف غير الفلوس من ورا التدريس وطبعا فيه سلبيات و بلاويه بلاوي هذا غير انه يجيب امراض:thumbs_down: مثل الضغط و اخوه السكري و القلب و الديسك و هالحجي علمي ما فيه مبالغة و الواقع يثبت هالشي.
طبعا نجي لقضية اهلش و امش بالذات اللي لو رضيت كل شي يهون... طبعا مبين انها ما بترضى بسهولة هذا اذا رضيت اصلا و تلاقينها تشوف ان كل الاعتراضات و الاصرار اللي انتين فيه مجرد دلع بنات و هي تتصرف على اساس انها شايفة مصلحتش اكثر منش و عارفة الدنيا و خابرتها اكثر لهالسبب تحسينها تزيد الضغط عليش بحسن نية.طبعا قدامش عدد من الحلول :
ا1.تشوفين لش واحد أو أكثر ممكن يصف وياش في العيلة و يحاول يشرح او يقنعها بأنش تشوفين شغلة ثانية غير التدريس لأنش نفسيا ما لش طاقة التدريس ممكن اخ او اخت او خال او بنت خالة
2. تشوفين لش شغلة وسط لا هي تدريس و لا هي خلط مرضي عليها من المجتمع عشان تعجب الوالدة حتى لو كان مردودها قليل بالنسبة للتدريس على الاقل تريح كل الاطراف.
3. تعتصمين اعتصام اعتصام هههههه العفو يا جماعة قصدي تضربين رجلش في الارض اشتغل اي تدريس لا يعني لا تشتغلين اذا كان الحل الوحيد هو شي نفسش مو قابلتنه بس هالطريقة متعبة لأنها ثورية :worn_out: يعني ممكن تسبب احتكاك بينش و بين الوالدة و لأن الوالدة رضاها من رضا رب العالمين لا تغضبينها اذا بتسوين هالاسلوب يعني سويه بس بطريقة مو استفزازية الحل يبي له طول نفس

اذا ما تغيرت فكرتش عن التدريس فمستحيل تتقبله نفسيتش هذي كلمتي الاخيرة و عن نفسي ابي اولادي يعلمونهم معلمين يحبون التدريس و ما يحسونه حبس اضطراري و الله يوفقش
:thumbs_up:


انه مع الاخت " حنين اللقاء" اتمنى تركزي بكلامها و اففرحي للهنعمة مو كل من يحصل وظيفة خصوصا تدريس اطفال بريئين ترى شي حلوو فكري وتشجعي و مو مشكلة انتي واصلي لحتى ما تحصلي عمل آخر بس ياليت ما تنحبطي ترى هذا رزق و اتمنى الله يوفقك

doominoo
16/11/2011, 10:02 AM
مشكورات خواتي.... ما قصرتوا وكلامكم على عيني وراسي
أنا قررت أتوكل على الله وأقدم أوراق والله يكتب اللي فيه الخير
والحمد لله على هذي النعمة لأن واااايد ناس أدور على وظيفة ومو لاقيه
أنتوا ادعووووووولي الله يوفقني في هالوظيفة واقتنع فيها وانا راضية ومرتاحة
وانا ان شاء الله راح اخبركم شووو رايح يصير معاي

Elizabeth2
16/11/2011, 03:13 PM
ان شاءالله .. بالتوفيق .. رح تحسي بهذا العمل لما تنجحي فيه و تتغلبي عليه و طمنينه عليك

أم نجود الأحساء
17/11/2011, 02:12 AM
الله يكتب إلك الخير

ام عبدالعزيز 2
19/11/2011, 05:36 PM
الله يوفقك

doominoo
21/11/2011, 01:08 PM
ان شاءالله .. بالتوفيق .. رح تحسي بهذا العمل لما تنجحي فيه و تتغلبي عليه و طمنينه عليك

مشكوووووووووووة الغالية
اللــه كريم

doominoo
21/11/2011, 01:09 PM
الله يكتب إلك الخير

إن شااء الله
مشكووووورة

doominoo
21/11/2011, 01:10 PM
الله يوفقك

F::L:

محبوبة عاشقها
21/11/2011, 10:25 PM
حبيبتي اقبلي واشتغلي بوفاء غيري الجو وخلاص
مؤقت بشكل مؤقت
يمكن تحبي التخصص
حبيبتي لاتقولين مابحب مابدي
لا لازم تحاولين مشان تنجحي
وانت هذا رزقك ربك كتبه الك لاترفضي الي يرفض نعمة ربو هذا جاحد ومتكبر ع النعمه
حاولي فيها بشكل مؤقت وبرضا وذكري اسم ربك
والله يفتحها بوجهك ان شاءالله
وتذكري قول ربك
عسى ان تكرهو شيئا وهو خير لكم
وانتي انسانه مؤمنه
والاخلاص والوفاء من الايمان
الله يحققلك الي في الخير الك