المساعد الشخصي الرقمي

مشاهدة النسخة كاملة : كل مره تطلع مع زوجها لازم تاخذ خواته واخوانه معاهم بالطلعه



ورد"
08/11/2011, 11:00 PM
سلام بنات طبعا المشكله مشكله رفيجتي وقلت اطرحها بالقسم لاني ماقدر افيدها ماعندي الخبره الكافيه بالزواج

المهم يابنات السالفه انها تسكن مع اهل زوجها وام زوجها شارطه عليهم مايطلعون الا ياخذون عيالها معاهم وممنوع منها باتا يطلعون بروحهم

ورفيجتي وزوجها طبعا معاشاتهم كله رايحه عمصاريف المطاعم لان اهل زوجها متعودين عمطاعم غاليه وبعدين الطلعات الجماعيه تكلف خصوصا اذا كانت طول الشهر فشنو الحل يابنات مع خالتها المتسلطه

ورفيجتي ماتقدر تاخذ راحتها بطلعات الجماعيه لان مافيه خصوصيه

جزاكم الله خير

ورد"
08/11/2011, 11:40 PM
في انتظار النصيحه

احساس قلم
08/11/2011, 11:59 PM
الله يكون في عوونها

بس الله يهديها كان طلبت شقه مستقله يعني برووحها

..

تحاوول انها ماتطلع كثير عساس تقلل من المصاريف

وتقلل طلعات المطاعم

جولنار11
09/11/2011, 12:04 AM
ما ينفع إلا إنهم يحطوا حد للطلعات .. مرة في الأسبوع طعلة جماعية أوكي مقبولة ..

أما كل مرة .. شي يطفش

الجوهرة
09/11/2011, 12:27 AM
مب لازم


تطلع على أساس رايحه حق صديقتها وتطلع معاه بروحهم

حرام هالشيء انه يتكلف شي في طاقته

وحرام يتدخلون بكل شيء

ومادام مايقدروم يواجهون هالعجوز الظالمة وبناتها يحتالون عليها وكان الله بالسر عليم

كفااااية يطلعون مرة والا مرتين في الشهر طلعة جماعية

والله هالشيء غريب صج

تزوجوا اخوانا ولا مرة طلعنا معاهم

انفاسـﮱگ دخـﮱون
09/11/2011, 12:47 AM
بصراحه استغلال وماتقدر تاخد راحتها وهي مو ملزومه تصرف عليهم وتخسر فلوسها عليهم خليها تروح لصديقاتها وبيت اهلها وفلوسها توفرها لنفسها من جد مافيه خصوصيه بكل طلعه لازم تروح معاهم هي ماخدته وماخده خواته معاه

ام فارس.
09/11/2011, 12:50 AM
تقول بتروح حق اهلها او مستشفى وتطلع اتونس بروحها أكيد ماراح يروحون معها لأهلها يكفي لهم طلعتين في الشهر بس

تفداك عيني
09/11/2011, 01:19 AM
الله يكون بعونها هذي نتيجة الي تسكن مع اهل زوجها بس مادام هالشي صاااااااااااااااار فلازم تتقبل الوضع يعني تكسب اهل زوجها بكلامها الحلو ومن الهدايا الي من فترة وفترة وماتحاول تبين انها متضايقه منهم ابدااااااااااااااا خصوصا قدام زوجها عشان مايطلع الغلط عليها وماتتفشخر قدامهم بالبيت عندهاغرفتها تتزين فيه لزوجها لان خوات الزوج طبيعي انهم يغاااارون من مرة اخوهم وصدقيني لو هي تعاملهم زين من قلبها مو تصنع هي وخالتها لتعيش بسعااااااده لا وفوق كذا خالتها بدافع عنها واعتقد مافيها شي اذا طلع خواته بالاسبوع مره هم من حقهم بعد يطلعون بس مايزودوهااااا .وخلي اخوهم يقولهم مثلا اجبلكم شي معي انا رايح انا زوجتي نجيبلكم عشاااااا لعيونكم.وبس اتمنى اني افدتك والله يسعدهم

ورد"
09/11/2011, 03:00 AM
شكرا لتفاعلكم بنات يعني رفيجتي مسكينه تقول لي انهم بالطلعه الوحده يصرفون عالاكل بس تقريبا سبعين الا ثمانين دينار لان اهل زوجها مايختاروا الا الاماكن الغاليه تقول يوصل نهايه الشهر الا هم مفلسين

بقترح عليها سالفه انها تتعذر انها رايحه لاهلها اوشي يمكن تفيد معها ويقللون عدد الطلعات السالفه ان صاير زوجها ملزوم يطلعهم حتا لو تعذرت مع ان امه فاضيه وعندها سياره وتسوق ماتطلع عيالها بس تبي تطلع ويا زوجها بروحهم شفتوا الانانيه شلون

معذره بنات عالخط شابكه من الفون

انفاسـﮱگ دخـﮱون
09/11/2011, 11:26 AM
الغلط من رفيجتج مفروض من الاول تحط لهم حد لها الطلعات باجر لايابت بيبي محتاج اغراض وهم تقولين 70 دينار من وين تصرف عليه لا تخلينها تصير جديه ماعليه قلنا يطلع مره ومرتين مو لازم كل اسبوع طيب صديقتج ماتضايق بكل طلعه لازم معاها خله تقعد مع زوجها وبهدوء تتفاهم معاه على الطلعات انهم يبون يقللون ويدورون لهم سكن خاص فيهم والطلعات تكون مره الى مرتين بالشاهر ماشافت احد من قرايبي ولا صديقاتي قالوا من اخوهم يطلع مع زوجته نطوا بيطلعون معاهم حتى خوات زوج صديقتج بيي يوم بيتزوجون وماعتقد بيخلون خوات ازواجهم بالطالعه والنازله يروحون معاهم

ام فاطمه الحلوه
09/11/2011, 11:47 AM
بصراحه شي عجيب المفروض زوجها يتكلم مع امه ويقول لها انا ابي اطلع مع زوجتي بروحي واسوي مره وحده بالشهر اطلع اخواني يعني ما يصير كل مره ويفهمه انه هالشي ما يصير ..
وانه بعد بيجي يوم ويتزوجون ويطلعون ويتونسون مع ازواجهم واذا ما طلع مع زوجته الحين متى يطلع من يصير عندهم كومه اطفال .. المفروض هو الي يحسم الامر وما يحتاج يطلعون ومن وراهم او يكذبون ..

مجنوووووونة
09/11/2011, 11:57 AM
أهلين أختي...
مو لازم ياخ

مجنوووووونة
09/11/2011, 11:59 AM
مو لازم ياخذهم معاه ويبغالهم العين الحمراء
يعني عشان انهم ساكنين معاهم كل ما راحو ياخذوهم!!!!!!!
خليهم يروحو لوحدهم ايش بيصير يعني توقف الدنيا مثلا....

صفاء المطر
09/11/2011, 03:52 PM
بصراااااااااااااااااااااا ااااااااحه ومع احترااااااااامي لأم زوجها بس هذا اسمه استغلال وحب ذاااااااات وتقكير بالنفس
كيف تشترط كذا على ولدها ومرته هذا بدل ما المفروض ما تسعلا ان تسعد ابنها وزوجها
وفووووق هذا كله بنفس البيت والله حااااااااااااااله
ربنا يعين رفيقتك يارب ويسعدها ..
والله لو هي كانت تعرف هذا من قبل ما تتزوج فهي غلطانه وماعليها الا تصبر والا كانت عاااشت في بيت لوحدها مع زوجها ان شااء الله ينامون عالأرض وهم مرتاحين وما في شي منغص عليهم
بالله على هالحال وشلون يقدرون يعملون شي لمستقبلهم وحياتهم واطفالهم الجاااايييييييييين
شلون بيقدرون يفكرون بأنفسهم ويستمتعو بحييااااااااااتهم
الله يهدي امه بس
انا ما احب هذا النوع من الحموااااااااات
ورفيقتك ما عليها الا تدعي الله ديمآ وتحاول تقلل من الخرجات دام هي كذاااا
وتتناقش مع زوجها كيف يرتبون حياتهم وغيره وغيره بس بعمل مليون خط احمر تحت كلمه بأسلووووووووووووووووووووو وووووووب عشان تعرف تكسب قلبه ويحس فيها يعني ما تروح تكلمه وكانها تشتكي من أمه واخوته واخوانه لان الرجال مهما كان يحب مرته ما يحب هذا النوع من النقاش ويحسسه بالنقص تجااه مرته على العكس خليها تكون ذكيه وتعرف تووووصل لكل الي تريده
وتذكرررررررري ان الزوج كالطفل تماااااااااااما والله فاذا عرفت كيف تتعامل مع الطفل بحنيه وعقل وحب واحترام بتعرف كيف تكسب زوجها
وما عندي غير اني ادعي لها ربي يفرج همها ويسعدها هي وزوجها يااااااااااااارب

مس زوزو
09/11/2011, 03:57 PM
اقل شي تقدر تسويه رفيقتش انها
تحط حد ليهم او حتى اخوهم المفروض
يتكلمهم و ما يرضى بهالشي يطلعهم مافيها شي بس
مووو كل طلعة فوق هذا يتشرطون ع المطاعم الغالية

سارونة العروس
09/11/2011, 04:06 PM
لا اخبرونهم بوقت طلعاتهم
مو لازم كل طلعه اخبرونهم فيها
وزوجها لازم احط حد ويكلم امه وخواته يعني الام تبي تطلع معا زوجها بروحهم
وولدها وزوجته لازم معاهم مرافق جذي بعد يبي ليهم مصرف بس للطلعه

حتي صوته ما انخلق مثله ابد
09/11/2011, 04:19 PM
انا ما اضع اللوم علي الام المتسلطة ولا علي الزوجة اللي هذا قدرها
لومي علي زوجها الله يهديه ...... وين شخصيته ترا ما فيها شئ اذا قال اليوم بطلع انا وزوجتي بروحنا ... اكيد بيصير زعل في البداية من الام لكن لازم ينحط حد لكل هالشئ
الله يعينها يا رب

FINDY
09/11/2011, 08:54 PM
والله ان اهل رجلها قاصين عليها متعمدين يسوون كذا

عشان يوسعون صدرهم على حسابهم

صدقيني ترى هالانواع مب سهلين و هم يكرهون رفيجتك

و قولي لها تتكلم مع البنات وو إذا يزعلون خلهم يزعلون ابركها من ساعه

ذابحهم غرووري
09/11/2011, 10:39 PM
خليها تققل من طلعاتها من لازم كل يوم
ومثل ماقالوا البنات
تقول انا سايره عن اهلي او عند ربيعتي
استغرب من العمات الي جي انا

عطش السنين
10/11/2011, 10:59 AM
والله المشكله تنرفز :mad: :mad: ..

المشكله يبغي ليها مواجهه ، بصراحه بسيطه يعطون رايهم :hysterical: ،،
العمه زعلت ما زعلت هم مو غلطانين :D !!

حلوه تقلل من طلعاتها عشان لا ياخذون وياهم "القلص" :mad: !!

لا يقللون طلعاتهم ولا يجذبون بخصوص طلعاتهم ،
لايحرمون روحهم من الطلعات ولايجذبون ويشيلون ذنوب عشان ناس متسلطه 8o| !

،، أهم شي الزوج تكون شخصيته قويه ويكون متعاون :hysterical: ،

شفيها يعني لو قالوا ليهم
إحنا بنطلع بروحنا ما نبغي أحد ويانا :hysterical: ؟!!!!

إذا الزوج ما بيثبت شخصيته خل الزوجه تثبت شخصيتها :-# ..