المساعد الشخصي الرقمي

مشاهدة النسخة كاملة : فتح الله ابواب رزقكم ويسر اموركم وحرمنا النار واياكم / شوفوا لي موضوع المشروع بليز


محروق قلبي
20/10/2011, 05:13 PM
السلام عليكم ورحمه الله وبركاته

عزيزاتي ماباطول عليكم عندنا معرض سيقام
في جزر امواج ..

ولي صديقات سيشاركون ببيع بضاعه
ساعات وجلابيات واكسسوارات و و اما انا فاقترحت علي صديقتي اني اسوي الكب كيك واروح معاهم ..


المشكله : :(

ان وقت المعرض من 10 صباحا لي 10 مساءً
يعني الوقت طويل شلون احتفظ بالكيك طول هالفتره صديقتي تقول ناخذ الثلاجه حقت السمك والبيبسي وتخلي تحت ثلج وفوق الكيك طيب انا ما ابي الكيك كله مثلج بس ابي الكريمه ماتسيح

وطبعا لازم اسوي كم نوع من الكيك

مثلا
جوكلت وفانيلينا او وردي على فرواوله
بعضهم على نيوتيلا وبعضهم على قطع كاكو صغيره هيرشي اووو ماعرف والله احس روحي ضايعه كيف بنقل الاغراض وفي ايش بصف الكيك خصوصا وان ماعندي البوكسات الشفاف حق الكاب كيك مو لاقيتها ابد ...حلو ان يكون منظر الكيك بعد حلوو عالاقل يغري

واخاف ان محد يشتري مني وارجع بكل كميه الكيك :-o شباسوي فيهم ياخرااااااشي


ماعرف والله بس فررررررصه ماتتعوض

انتوا ساعدوني شورو علي الله يوفقكم ويسر اموركم ولاتتعطلون او تحتاروا بشي ..

بارك الله فيكم F:
Daisy Ash
21/10/2011, 04:39 AM
و عليكم السلام و رحمة الله و بركاته...

حياج الله عزيزتي...

تقدرين تحطين الكب كيك في كراتين الكيك، و اشتري ثلاجة كبيرة نفس حقت الرحلات و صفي هالعلب فيها... في اكياس يكون فيها سائل، انتي تحطينها بالفريزر لين تجمد و تستخدمينها لهذي الثلاجات بدال الثلج، عشان ما يسيح الثلج و يلعوزج... و بكذا بيحتفظ الكب كيك ببرودته و ما راح يثلج...

و أكيد المعرض بيكون بارد و مكيف، فتقدرين تعرضين الكب كيك عالطاولة على طول، جيبي صواني كبيرة و زينيها و صفي الكب كيك فيها، أو اشتري ستاند للكب كبك و تعرضينهم عليه...

في عندكم بالسيتي سنتر محل اسمه Lakeland، شفت عنده ستاند للكب كيك ورقي، و عندهم بعد مثل التور تغطين فيه الأكل، خذي منهم عشان تغطين الكب كيك المكشوف...

روحي محلات مثل بو ريالين عندنا، عندهم شغلات ما تجي عالبال، إن شاء الله تلقين عندهم البوكسات الشفافة...

الله يوفقج F:
محروق قلبي
21/10/2011, 01:14 PM
حبيبتي والله انتي
اول قلت بستشيرج بس بعدين قلت ماباثقل عليج
يعل دربج السهاله واليسر يارب العالمين
والمحل اللي قلتي عنه انا ناويه اذا الله كتب بكرى السبت اروح الصبح
لانك قلتي لي عنه قبل اني بلقى العصارات حقت التزيين

شكرا شكرا غاليتي
بارك الله فيج نورتي موضوعي
Daisy Ash
21/10/2011, 08:07 PM
يسلمج ربي حبيبتي...

ترى ما انتبهت ان انتي صاحبة الموضوع اللي قبل! هههههههههه

عادي خذي راحتج بالأسئلة، و أي شي تحتاجينه لا يردج إلا الكيبورد :)

موفقة إن شاء الله F:
مها عبدو
22/10/2011, 01:21 AM
يعطيكم العافية صبايا
ديزي مشكورة ياعسل ما تقصرين والله

وكمان مع راي ديزي انك تاخدي تلاجة مثل تبع البحر وتحطين فيها الثلج وطبعا كمية الثلج بحيت تكفي للتبريد وليس التجميد
Daisy Ash
22/10/2011, 06:21 AM
يعافيج ربي حبيبتي مهاوي F:
ماذا اقول
28/10/2011, 03:04 PM
مشكورة أم راشد يا قمر على المساعدة ومشكورة مها
والله يعطيكن العافية