المساعد الشخصي الرقمي

مشاهدة النسخة كاملة : بسافر ومااعرف انجليزي ساعدوني !



دلـــع22
24/08/2011, 01:38 PM
السسسلآم عليكم


كيفكم بناااات ؟

ان شاء الله تمام

الله يسعدكم انا بسافر برى شهر عسل

ومستوي بالإنجليزي وسط

في احد مثلي سافر برى وهو يعرف شوية انجليزي ؟

ابغى اعرف ايش اللي لازم اتعلمه

او اهم شي

زي المحادثات والكلمات المهمه

يسعدكم ربي بإنتظااااار ردودكم

BINT EL BAHRAIN
24/08/2011, 01:55 PM
وعليكم السلام ورحمة الله وبركاته

هلا حبوبة

بما أنج بتروحين شهر العسل يعني ما يحتاج تكبرين السالفة وتحاتين الموضوع لأن أكيد ما بتتواصلين معاهم وااايد (أقصد مو نفس إذا وحده رايحة للدارسة وبطول أهناك )

أول شي حبوبة وضحي لنا شنو حابه تعرفين بالضبط عشان نقدر نساعدج

الحين بكتب لج كلمات بتفيدج في السفرة و ألف مبروووك الزواج

BINT EL BAHRAIN
24/08/2011, 02:05 PM
Good Morning صباح الخير

Good Afternoon مساء الخير (لبعد الظهر - العصر)

Good evening مساء الخير

Good Bye مع السلامة

See you later نراك لاحقاً

I'm pleased to meet you تشرفت بمعرفتك أو معرفتج

How are you كيف حالك أو شخبارك أو شخبارج

fine, thank you بخير شكراً

Can you help me please من فضلك ساعدني

Do you speak arabic? هل تتكلم العربية

I don't speak much English أنا لا أجيد الإنجليزية كثيراً أو بكثرة

Does anyone here speak arabic? هل يوجد هنا أحد يتكلم العربية ؟

دلـــع22
26/08/2011, 01:41 PM
ياا قلبي انتي


يبــــــارك بحيآتك وعمرك

زي محادثات المطاعم او الفنادق

واطلب خدمة توصيل اكل او تنظيف

زي كدا

Co0lGurl
27/08/2011, 10:07 PM
حبيبتي جوفي هذي الرابط بينفعج وايد بس طقي على المكان اللي محتاجته وبعدين طقي اظهار واخفاء وبيطلع لج الكلام الانجليزي وتقدرين بعد تسمعين طريقة اللفظ
http://go.3roos.com/BLHRxnm7OSY
بالتوفيق ومبروك على الزواج

مــجـــرد دمــعــــة
27/08/2011, 11:24 PM
اختنا Co0lGurl ما قصرت

في الحلوه
27/08/2011, 11:34 PM
ابي اقولك لو سمحتي ترى في كتاب في السوق
في اي مكتبه
في كل شي عن الانجليزي
شكرا

دلع أنوثه
28/08/2011, 03:39 AM
حبيبتي لاتخافين ..~

حلو ان عندك لغه ولو بسيطه وحاولي تشتري من المكتبات كتب انجليزي

فيها كلمات مخصصه ع السفر

بحيث تساعدك لو احتجتي فندق او مطعم او استفسار عن طريق

وباذن الله تنبسطي

:)

FINDY
28/08/2011, 10:27 PM
انا رايي من راي دلع انوثة

روحي للمكتبات المشهورة في بلدكم

و بتشوفين كتب انجليزي

اخذي مستوى متوسط بس تعرفين كيف تركبين جمل
وتحفظين كلمات

بس على فكرة اذا معك زوجك اكيد هو بيعرف كثير و ما يحتاج انتي طول الوقت معه و لا تحاتين

و اختنا كوول قيرل ما قصرت اعطتك الموقع من على الانترنت

الحين كلش مو ناقصك شي غير انك تروحين و ترجعين بالسلامة

وبالتوفيق و مبروك ع الزواااج

دلـــع22
28/09/2011, 01:10 PM
مشكووووووورين من الأعمآق ويبآرك بحيآتكم

زوجي مايعرف خير شر الأنجلش بس هواريو وثانكيو

انا افهم اكثر مما اتحدث

جزآكم الله خيـــــر