المساعد الشخصي الرقمي

مشاهدة النسخة كاملة : مشكلتي زوجي والقريه



ام وجل
25/07/2011, 06:26 AM
اخواتي ابي اقولكم مشكلتي مع زوجي بصراحه هو حبوب ورائع وانا انسانه اخاف على حياتي انا لي 6 سنوات متزوجه وعندي 3 بنات انا من مدينه:) وزوجي اهله في قريه بس هو وظيفته في نفس المدينه الي ساكنه فيها يعني انا عند اهلي وانا طبيعتي مو اجتماعيه حدي اروح عند اهلي مشكلتي:sick: ان زوجي يبي يطلب نقل عند اهله في القريه:o والله انا اول يوم كان يقول انه يطلب نقل كنت مااقول شي عشان امه كانت عايشه بس الحين امه ماتت الله يرحمها:'( والوضع اتغير بنسبه لي انا ماعندي شك ان الوحده مع زوجها وين ماكان وبنفس الوقت موقادره استوعب اني انقل للقريه وكيد انتم تعرفون الفرق بين المدينه والقريه ساعدوني ابي نصيحه كلمه تريحني^o)

دلوعة أبوهاااا
25/07/2011, 06:53 AM
هلا فيك أختي

هذي ما تعتبر مشكله الله يهديك ..

وش يعني سكنتي بالمدينه أو بالقريه .. المهم ان زوجك رجل صالح ويخاف الله فيك ومكان السكن ماهو ذاك الشي المهم اللي يخليك تختلفين مع زوجك عشانه

القرية نفس المدينه فديتك .. فكري عدل وراح تلاقين كلامي سليم 100 %

الله يوفقك ويسعدك ويسخر لك زوجك وبناتك ..

.. أمــ عــلــيــ ..
25/07/2011, 08:16 AM
الله يعينك .. ويسهل امورك ..

طيب .. هل القرية بعيدة مرة عن المدينة ؟.!!

لو بعيدة اكيد ما راح تتعودين بسهولة على جو القرية .. بس لو قريبة مسافة ربع ساعه او نص ساعه ع الأقل .. خلاص توكلي على الله واسكني بالقرية .. واذا حبيتي تزوري المدينة بتصير قريبة لكم ان شاءالله ..

وترى مو كل شي المدينة .. أهم شي بيتك يكون مريح لكم نفسياً .. ويااااكثر اللي عاشوا بقرى واعجبهم الوضع أكثر من العيشة بمدينة ... !!!

:)

أم سلمى2007
25/07/2011, 10:55 AM
أختى الكريمة


لقد صارحتينا بما يقلقك ويضايقك


ولكن هل صارحتى زوجك بما صارحتينا به ؟؟


لعلك عندما تتحدثين مع زوجك إما تقنعيه


وإما يقنعك


صلى قبلها إستخارة فى أمر إنتقالكم إلى القرية


ثم توكلى على الله وتحدثى مع زوجك


فإن أقنعتى زوجك فبقائك فى كنف أهلك هو خير لك


أما إن أصر على إنتقاله إلى القرية


فبالتأكيد نقلكم إلى القرية فيه خير لكم لا ترينه فإرضى بما قدره الله لك


وستجدين هذا الخير عما قريب بإذن الله


أختك فى الله أم سلمى

..★شـــااانيل★..
25/07/2011, 03:17 PM
والله انا اشوف ان الزوجه تتبع زوجها اين ما ذهب
لكن
ما فيها حاجه لو كلمتيه واقتنع بكلامك
الله يسخركم لبعض

غ ـزآإل
25/07/2011, 04:53 PM
حاولي تكلمينه وتشوفين رايه وايش اسبابه اكيد هو يبغا يكون مع اهله
وليه خايفه من القريه عادي مافيها شي
ليكون تفكرين القريه مثل اللي يجيبون بطاش مطاش بيوت قديمه ومهدمه وتراااب هههههههههه
لا فديتك اللحين كل شي تطووور لا تخافين
وبعدين الحرمه تتبع زوجهاا ,,
ربي يوفقك ..

مظلومة من اقرب الناس
25/07/2011, 06:36 PM
ماشاء الله الاخت ام سلمى ماقصرت وباقي الاخوات كمان ماقصروا
ربنا يوفقك للي فيه الخير

أيرس
25/07/2011, 06:53 PM
طيب أنت كلميه وناقشيه في الموضوع وإن شاء الله يقتنع .... هو صحيح الوحدة ماتحب تبعد عن أهلها حتى لو كانت في نفس المدينة فكيف إذا خرجت منها ... الله يعينك ويدهي بالك ويتحقق مطلبك في بقائك بجنب أهلك

مس زوزو
25/07/2011, 08:10 PM
بالاول كلمي زوجج و شوفي
شنو رايه و اذا ع الفرق انا ما
اشوف فيها شي الحمدالله انا
بقرية و مرتاحة و انتي سوي الي
يريحج

ام وجل
26/07/2011, 12:26 AM
اشكر كل من رد عليه وجعلها الله في موازين حسناتك واشكرك ياام سلمى على كلماتك التي ان دلت على شي فانها تدل على وعيك وعقلانيتك

سومه جده
26/07/2011, 11:22 AM
اختي انتي استخيري وليه زوجك بينقل في القريه يمكن متعلق في ديرته ويعشقها بس انتبهي اطفالك لاينحرمون من التعليم والجامعه عشان اغلب القرى مافيهاجامعات يعني بعدكم سنه ترجعون للمدينه بسبب اكمال الدراسه الجامعيه لوعلى انا اسكن بالقريه هواءنظيف وحياه حلوه وبسيطه ياهي مزارع واجواءطبيعيه وحلوه موالمدينه اللي كل شئ فيها ضيق بس اللي يخليهامسكن لي هي الخدمات والترفيه والدراسه بس نفسي اعيش في البرفي خيمه واكشت هناك بس لازم مكيف ههههه ربي ييسرامرك طمنينا عنك بعدين

moneta
27/07/2011, 03:58 AM
طب تفاهمي معاه ان حياتكم ومدارس عيالك مثلا واهلك وكده وانك مو حابة خليكي صريحه معه يمكن يقتنع

همال المزون
05/08/2011, 07:40 AM
حبيبتي انتي وش حسبي القريه القريه ما فيه احلى منها تحسي بالحياه فيها يكفيك انك اول ما تستنشقي هواء تستنشقي هواء طبعي مو مصانع ومطاعم وقرف الصراحة عمري وحياتي ما حبيت المدن

قد حبي للقرى اجواء طبيعيه وناس طبيعيه << على حسب ما اضمن لك هع

بتحبي الحياه صدق مو المدن الي ما تقرري تطلي مع الشباك احياناً القرى وما ادركما القرى آآآه بس

المهم زوجك يا حلوه اكيد بيحب ديرته وكل واحد بحب ديرته والناس الي عايشه فيها روحي مع زوجك وستانسي هناك شيلي فكره انها مو حلوه شو بتحسبي القرى خيام وهيك يعني

روحي مع زوجك بتكبري بعينه اكيد وبعد كذا اولادك اذ كبرو وراهم مستقبل ذا الوقت يحتاجو الجامعات والكليات وماراح يمانع

ربي يسعدك واسفه بس الموضوع اثار شجوني << لا بالله