المساعد الشخصي الرقمي

مشاهدة النسخة كاملة : شسوي مع ولد عمتي افزعولي



مملوحة زمانها
16/02/2011, 11:19 PM
السلام عليكم ورحمة الله وبركاته
خواتي الغاليات اعتذر عن الازعاج لاني هذي المره الثالثه اللي انزل فيها مشكلتي
اثق فيكم وماعندي الا الله ومن ثم انتوا عشان اطلي مشورتكم
خواتي انا مخطوبه وخطبتي مكتمين عليها حتى تتم الملكة قبل 3 شهور جاتني رسايل على جوالي مفادها "انتي موافقه اتقدم لك انا بانتظار ردك" طنشت ومارديت ونسيت السالفه قبل كم يوم رجع الرقم وارسلي نفس الطلب وهالمره ذكر اسمي يعني بياكدلي انه يعرفني ةوبعد كذا ارسلي مسج قالي ردي انا ولد عمتك فلان انا خفت وماعرفت كيف اتصرف هل اخبر ابوي بس ابوي مرررره عصبي وممكن يحط الحره كلها فيني وانا مالي دخل هل اطنش هل ارد واقول انا موموافقه لاني ماقدر اقوله انا مخطوبه بيذبحوني اهلي المهم قررت اطنش وامسح رسايله اول باول وكني ماقرا شي لكنه تمادى واليوم الصباح ارسلي مقاطع صوت واغاني انا مرررره تضايقت وماعرف وش السواة لكن سبحان الله قبل كم يوم حلمت حلم غريب بحية تلحقني وتتحول فجاءة الى دبور والخ المهم اني لي كم يوم ادق على مفسر احلام ممتاز جدا ومايرد واراد الله لي ان يرد قبل شوي واول ماقلتله الحلم قالي ياخواتي انتي صايرتلك مشكله مع واحد وماتدرين وشتسوين واذا ماوقفتي هذا الانسان عند حدة ممكن يسببلك كارثه وتغيير كبير في حياتك وقالي هذا انسان حاسد ثم سالني جزاه الله خير عن مشكلتي وحكيتها له بالتفصيل فنصحني وقالي رد عليه وقوليله التالي"اخي صاحب الرقم ارجو الامتنااع وعدم ارسال اي شي والا ساخير والدي واخواني احترم نفسك"وفعلا كتبته وارسلته له وهو طلب مني اتظاهر وكاني ماعرفت المرسل الحين انا ارسلت لكني تفاجات من هذا الرد منه"ثقي تماام الثقة ان مافيه شخص يرجع ويحن للشخص الثاني الا وهو صادق وهذا الرقم بالذات ماطلعته الاعشانك وانا يابنت الناس شاريك"
انا خفت من رده كنه يقولي ولاهمني ابوك واخوانك تكفون شسوي انا خايفة
مع العلم انه اذا كان فعلا ولد عمتي فهو يعرف انو ابوي مستحيل يوافق علية واخوانه سبق وخطوبوني وماوافق ابوي والان هو الثالث مادري شسوي انا احب خطيبي ومابي شي يفرق بينا وخايفة من هالانسان ونوياه
خايفة اقول لابوي لانه مرررررره عصبي وعنده ضغط ومايتحمل انو اي احد يتكلم علينا:'(
شسوي فديتكم استحيت اكلم الشيخ مره 2 واساله
تنصحوني استشيرية
احس بضيقة

سالي الاحزان
16/02/2011, 11:30 PM
ماادري بس انصحج تقولين لابوج حتى لو عصبي لان اذا سكتين وماقلتين لاحد يمكن مايوقف عند حده وبيظل يراسلج واذا تخافين تقولين لابوج قولي لاي احد من اهلج

تمنيت
16/02/2011, 11:31 PM
من وجهة نظري الشخصيه انج تطنشين الموضوع

انتي مابينج وبينه شي يعني اكيد ماله دخل فيج شاللي راح يسويه مثلا لو عرف انج مخطوبه ؟؟؟

أو اذا عندج اخو كبير تقدرين تقعدين معاه وتقولين له الموضوع من البدايه .. واذا خاايفه وايد وماعندج اخ كبير تجرأي وكلمي ابوج بس بالهداوه وهو اكيد بيستوعب

طالما مابينكم شي ليش الخوف ؟؟

-

((حلاوتي بشقاوتي))
16/02/2011, 11:36 PM
حياتي الله يكفيك شره وانتبهي تراسليه اخاف بشوف ابوك واخوانك ردك ترى الشباب مالهم امان واستخيري قبل تقولين لابوك ولازم تقولين حق اقرب شخص لك مثل خالك عمك اخوك ا وامك وامانه معك استودعي نفسك والله خفت عليك الله يحفظك

مملوحة زمانها
16/02/2011, 11:38 PM
والله مدري انا مره خايفة وخايفة لايصير لولد عمتي رد فعل عنيف ويتكلمون الناس مدري خايفةمع العلم والله مابنا شي ابد
خايفة على خطبتي من خطيبي لان اولاد عمتي ماتركونا في حالنا من زمان يخطوبون وابوي يرد ويرجعون يخطبون وعلى هالحال وانا ابي ولد خالي
مدري بس خايفة مرررره

مملوحة زمانها
16/02/2011, 11:40 PM
الله يجزاكم خير على الردود
انا مره خايفة لو اتكلم تنقلب السالفه علي خايفة على سمعتي واخاف اذا طنشت تكبر السالفه مثل مانصحني الشيخ:'(:'(

اميرة الشرق و الغرب
16/02/2011, 11:41 PM
ليش ما تبدلين رقم موبايلك

مملوحة زمانها
16/02/2011, 11:43 PM
هو ولد عمتي حتى لو غيرته يقدر ياخذه من عمامي

حبيبه عمرهـ وقلبهـ..
16/02/2011, 11:46 PM
هلا غلآتي..
لاتخافي ولاتحطي شي في بالك والي الله كاتبه هو الي راح يصيرر ثقي تماما بالله..
اي حسد واي خرابيط حبيبتي..
ادا لك نصيب بولد عمتك او ولد خالك بتكوني معاه,,
وثانيا خبري امك ممكن..ادا ماتقدري تكلمي ابوك..
او كلمي ابوك احسن ترا لانه يمكن يسوي اي شي ويقول انتي الا بديتي تراسلينه..
لو مامسحتي الرسايل ووريتها ابوك يكون احسن..
عموما كلمي ابوك ولو يمديك حالا تكلميه علشان تنتبهي لنفسش منه ومن هدره ابوك عليكـ..
والرسايل المرسله الا رسلتيهم الى ولد عمتك وريهم ابوك قبل لاتمسحيهم..
علشان لو حب يكدب او يخرب او يفتن الا وانتي عندك دليل يثبت صحه كلامك..
ولاتشيلي شي في بالش..
اتمنى اكون افدتك..؟

حبيبه عمرهـ وقلبهـ..
16/02/2011, 11:47 PM
طيب غلاتي مو ضروري إن الرقم تعطيه الكل..
اعطي الناس المهمه يعني اعمامك بكلموك او كدا؟؟..

MisS MimOoO
16/02/2011, 11:48 PM
انزين كلمي أحد من عمآمج آذآ كنتي قريبه منهم..
أو خوآته..

اميرة الشرق و الغرب
16/02/2011, 11:49 PM
بدليه و ما تعطيه لاحد بس لابوك و امك و اخوانك و خطيبك و حدريهم ما يعطونه لاحد و لما تتم الخطبة فيك تعطيه لاعمامك

مملوحة زمانها
16/02/2011, 11:54 PM
هلا غلآتي..
لاتخافي ولاتحطي شي في بالك والي الله كاتبه هو الي راح يصيرر ثقي تماما بالله..
اي حسد واي خرابيط حبيبتي..
ادا لك نصيب بولد عمتك او ولد خالك بتكوني معاه,,
وثانيا خبري امك ممكن..ادا ماتقدري تكلمي ابوك..
او كلمي ابوك احسن ترا لانه يمكن يسوي اي شي ويقول انتي الا بديتي تراسلينه..
لو مامسحتي الرسايل ووريتها ابوك يكون احسن..
عموما كلمي ابوك ولو يمديك حالا تكلميه علشان تنتبهي لنفسش منه ومن هدره ابوك عليكـ..
والرسايل المرسله الا رسلتيهم الى ولد عمتك وريهم ابوك قبل لاتمسحيهم..
علشان لو حب يكدب او يخرب او يفتن الا وانتي عندك دليل يثبت صحه كلامك..
ولاتشيلي شي في بالش..
اتمنى اكون افدتك..؟


جزاك الله الف خير لكن يبيلي شجاعه وجراءة حتى اخبر اهلي يمكن لاني اعرف مجتمعنا انا من جد خايفة انو ابوي يسوي مشكله مع ولد عمتي وتكبر السالفه ويطلع كلام والناس ماترحم بس راح استخير واشوف شلون اخبر ابوي بس وربي انا خايفة مو مرتاحة انا كل مسجاته مسحتها الا اخر واحد الى الان عندي والمسج اللي ردت عليه فيه عندي

مملوحة زمانها
16/02/2011, 11:55 PM
اخواتي رقم اذا غيرته راح يصله لاننا كل جمعه لازم اكلم عماتي واعمامي عادة اهلي
يعني بيعرفه

مسز عادل
16/02/2011, 11:56 PM
من رايي لا تقولين اي شي طنشي الموضوع

شكلهم او لاد عمش عندهم شي في بالهم طمعانين او شي

و الا ليش اخوان يخطبون نفس البنت و يصرون عليها !!!!

كبريها تكبر ، صغريها تصغر

مملوحة زمانها
16/02/2011, 11:57 PM
انزين كلمي أحد من عمآمج آذآ كنتي قريبه منهم..
أو خوآته..


والله ياختي وربي على ماقول شهيد
خواته يكرهوني انا وخواتي ويكرهوووون امي مرره
عشان كذا انا خايفة
وماعندي احد اكلمه يابوي ياسكت

مملوحة زمانها
16/02/2011, 11:59 PM
من رايي لا تقولين اي شي طنشي الموضوع

شكلهم او لاد عمش عندهم شي في بالهم طمعانين او شي

و الا ليش اخوان يخطبون نفس البنت و يصرون عليها !!!!

كبريها تكبر ، صغريها تصغر


ماكذب عليك انا كنت مطنشة الموضوع مومعطيته اهمية الين كلمت الشيخ فخفت مرره
وهم فعلا يمكن يكونون طمعانين حتى ابوي حريص انهم مايعرفون بامر الخطبة

حبيبه عمرهـ وقلبهـ..
17/02/2011, 12:06 AM
جزاك الله الف خير لكن يبيلي شجاعه وجراءة حتى اخبر اهلي يمكن لاني اعرف مجتمعنا انا من جد خايفة انو ابوي يسوي مشكله مع ولد عمتي وتكبر السالفه ويطلع كلام والناس ماترحم بس راح استخير واشوف شلون اخبر ابوي بس وربي انا خايفة مو مرتاحة انا كل مسجاته مسحتها الا اخر واحد الى الان عندي والمسج اللي ردت عليه فيه عندي

حياتي انتي..الا خلها تصير عندك شجاعه تستني يعني يخرب كل شي عليك..؟
خبري ابوك وتوكلي ع الله ولاتمسحين الرسايل..
وريحي حالك مافيه شي يستاهل هالضيقه دي كلها..
طيب اعطيه اعمامك وعماتك الرقم وخبريهم إن مايكون عند احد من اولاد عمتك او اولاد خالك ولا اولاد عمك وهيكآ,,
قولي ليهم انسانه مخطوبه ولاابي رقمي يكون عند واحد من الشباب من الاهل..
غير اعمامي وخيلاني..
واتمنى انك تخبري ابوك في اسرع وقت ممكن قبل لايفوت الاآووآآآن وراح تندمــــي في الاخر
انتبهييي يااختي ترا حياتك بتتدهور ادا ماخبرتين احد وهيكا بحطون اللوم والغلط كله عليك..
والولد مايعيبه شي عكس البنت..

مملوحة زمانها
17/02/2011, 12:10 AM
حياتي انتي..الا خلها تصير عندك شجاعه تستني يعني يخرب كل شي عليك..؟
خبري ابوك وتوكلي ع الله ولاتمسحين الرسايل..
وريحي حالك مافيه شي يستاهل هالضيقه دي كلها..
طيب اعطيه اعمامك وعماتك الرقم وخبريهم إن مايكون عند احد من اولاد عمتك او اولاد خالك ولا اولاد عمك وهيكآ,,
قولي ليهم انسانه مخطوبه ولاابي رقمي يكون عند واحد من الشباب من الاهل..
غير اعمامي وخيلاني..
واتمنى انك تخبري ابوك في اسرع وقت ممكن قبل لايفوت الاآووآآآن وراح تندمــــي في الاخر
انتبهييي يااختي ترا حياتك بتتدهور ادا ماخبرتين احد وهيكا بحطون اللوم والغلط كله عليك..
والولد مايعيبه شي عكس البنت..


الله يسعدك انا كنت امسح رسايله اول باول معدا الاخيره عندي وردي عليها موجود
راح احاول اكلم ابوي بكره الصباح بس مادري ليش انا مو مرتاحة
بس انشالله خير وشلون ابدا في الموضوع الله يسعدك؟

MisS MimOoO
17/02/2011, 12:13 AM
حبيبتي اقري ادعيه و آيآت قبل لآ تكلمينه ..

و انشآءالله الله يسهل عليج ..

و يوفقج يااارب ..
.
.

طمنينآ علييج :)

Aseel 82
17/02/2011, 12:14 AM
خبري امك او اخوك او ابوك وامنيهم ما ينشرون الموضوع بس يتفاهمون مع الشخص ولا تقلقي حبيبتي الموضوع بسيط وموفقه يا عروس

مملوحة زمانها
17/02/2011, 12:17 AM
جزاك الله خير انشالله
خواتي انا خايفة انه يراسلني من شريحة بدون اسم لانه في المسج الاخير يقول انا مطلع هالشريحه عشانك يعني ماهمه تهديدي واذا علمت ابوي اخاف مايقدر يثبت عليه وتصير مشكله بين ابوي وعمتي
مدري الله يكتب اللي فيه الخير بكلمه انشالله بكره احس ان هواجيسي كثيره

حبيبه عمرهـ وقلبهـ..
17/02/2011, 12:18 AM
الله يسعدك انا كنت امسح رسايله اول باول معدا الاخيره عندي وردي عليها موجود

راح احاول اكلم ابوي بكره الصباح بس مادري ليش انا مو مرتاحة

بس انشالله خير وشلون ابدا في الموضوع الله يسعدك؟

احسن شي انك مامسحتي رسالته ولاردك عليه..
والاحلى انك راح تكلمي ابوك...
اجلسي معاه الصباح وهو مرتاح وخله يتريق ياكل له شي وكدا..
وقولي اله يبا الله يطول بعمرك حابه اقول لك شي صاير معاي وودي اقول لك اياه تغاظيه عن المشاكل والهدره وانت واثق فيني وانا قد الثقه يبا..واهو اكيد بيقول لك شسالفه وهيك
قولي له (...) اسم ولد عمتك فلاان رسل مسج ع الموبايل يبي يخطبني واذا انا موافقه عليه او لا وأبوك اكيد راح يصدقك لانه كدا مره جا وخطبوك ومع الاصرار..ووريه الرساله الا عندكـ..
وريه ردك ع رسالته علشان تكبرين بعين ابوك لما يشوف ردك..
وانتي ادرى حبيبتي بالتعامل مع ابوك كيف..:)
اتمنى اكون افدتك يالغلا..

مملوحة زمانها
17/02/2011, 12:18 AM
الله يسعدكم ويوفقكم انشالله

حبيبه عمرهـ وقلبهـ..
17/02/2011, 12:19 AM
خايفه تصير مشكله مع ابوك وعمتك..
مو خايفه تصير مشاكل الك والى ابوك والبيت كله..
وبينك وبين خطيبك مشاكل بسببه..؟
شدعوه يالغاليه اهو بس بيتفاهم وبيتفهم الموضوع ابوك ولو صارت مشاكل دي تربيه عمتك الى ولدها تتحمل نتيجتها..

مملوحة زمانها
17/02/2011, 12:20 AM
احسن شي انك مامسحتي رسالته ولاردك عليه..
والاحلى انك راح تكلمي ابوك...
اجلسي معاه الصباح وهو مرتاح وخله يتريق ياكل له شي وكدا..
وقولي اله يبا الله يطول بعمرك حابه اقول لك شي صاير معاي وودي اقول لك اياه تغاظيه عن المشاكل والهدره وانت واثق فيني وانا قد الثقه يبا..واهو اكيد بيقول لك شسالفه وهيك
قولي له (...) اسم ولد عمتك فلاان رسل مسج ع الموبايل يبي يخطبني واذا انا موافقه عليه او لا وأبوك اكيد راح يصدقك لانه كدا مره جا وخطبوك ومع الاصرار..ووريه الرساله الا عندكـ..
وريه ردك ع رسالته علشان تكبرين بعين ابوك لما يشوف ردك..
وانتي ادرى حبيبتي بالتعامل مع ابوك كيف..:)
اتمنى اكون افدتك يالغلا..


الله يجزاك الف خير افدتيني جدا راح اكلمه انشالله واقولكم ايش يصير معاي

مملوحة زمانها
17/02/2011, 12:21 AM
حبيبة عمره وقلبه
الف شكر صدقيني انو مو عارفة ليش خايفه
الله يسهل

مملوحة زمانها
17/02/2011, 12:22 AM
اشكركم جميعاعلى ابداء النصيحة
الله يوفقكم

[]فـرح القلـب[]
17/02/2011, 12:37 AM
ما بيصير حبيبتي لازم تخبري أبوك أو أخوك مهما كان عصبي انتي ليش خايفة طالما مالك يد بالموضوع
باين ابن عمتك بده يتسلى أو شي
لأن اللي نيته صافية يجي يدق الباب ويخطبك رسمي من أهلك مو يرسلك مسجات ومدري شو
مهما عصب أبوك مو مثل لو كبرت القصة لا سمح الله
هلأ الحق معك شوي ثانية يصير الحق عليك
انتبهي لنفسك

الله يوفقك
طمنينا شو بيصير معك

Lovely lolo*
17/02/2011, 01:11 AM
اختي ليش الخوف وانتي مامسوية شي غلط

شوفي انتي لمن ترتاحين اكثر ابوك او اخوك خبريهم بالسالفة واطلبي منهم يغيرون لك رقمك :)
ولا ترسلين له شي بعد طنشيه وهو بيمل
لو رديتي عليه مرة ثانية تكبر السالفة

فارفـلا
17/02/2011, 02:48 AM
اختي ليش تكبرين الموضووع واذا ارسل لج ولا كانج تشوفين الرسايل


طنشية

او طلعي لج رقم ثاني ولا تعطينة حد من اهلج وخلى الرقم الثاني مسكر فترة وبعد الملجة كنسلي الرقم القديم

شماني الحلوة
17/02/2011, 02:56 AM
غيري رقمج
وطنشي الرقم القديم
ولا تردين على حد من الرقم القديم

موسيقى هادئة
17/02/2011, 03:05 AM
حبيبتي غيري رقمك وافتكي منة او اشتري تلفون بيه نظام اللستة السودة

وحطي رقمه باللستة السودة وبعد متشوفين اي رسايل منه

ذكراك تجرح
17/02/2011, 03:09 AM
انا اقول اتصلي على مصلح اجتماعي او على الهيئة يوقفونه عند حدة و لا احد يدري حتى ابوك و حتى هو مايدري من اللي ارسلهم له
اختي تحصلين ارقامهم في الاستعلامات
نصيحة لا تعورين نفسك معاه و لا تجيبين المشاكل بينك و بين ابوك و بين بيت عمك

مظلومة من اقرب الناس
17/02/2011, 04:24 AM
طمنينا شو بيصير معك بعد ماتكلمي ابوك
وانا من رأي الاخوات الي قالوا لازم تكلمي ابوك
اولا انتي ماسويتي شي غلط عشان تخافي
والشي الوحيد الي كنت خايفة عليك انه
الرساله الي طرشتيها له تكوني مسحتيها
وهو يستغل هذا الشي ويعطي لابوك سجل
المكالمات ويقول حتى هي ترسل
لكن الحمدلله انك مامسحتيها عشان ابوك
يشوفها
وانشاء الله مايصير غير كل خييييييير

Dior Me
17/02/2011, 05:21 AM
ابغى افهم انتي خايفة من ايه؟
ترى مافي شي يخوف !!!
خليه يرسل من اليوم للسنة الجاية
بيقدر يغصبك على شي؟؟؟
مايقدر يسوي شي طالما اهلك مايبغوه ..
وحتى لو يبغوه وانتي ماتبغيه محد يقدر يجبرك ..
لاتقولي لابوكي ولا شي اذا خايفة عليه وماتبغي المشاكل
عندك خطيبك ...لو بينكم اتصال قولي له لمجرد العلم بالشيء
مو مطلوب منه شي.. ولايسوي شي .. وماله داعي المشاكل ..
بس ياخذ خبر عشان لو وصله كلام كذا والا كذا ..يكون عارف ومحد يقدر يخرب بينكم...
خطيبك هو الاهم في الموقف كله ..
لو تقدري تبلغيه بكل اللي صار بالتفصيل .. مشكلتك منتهية..
ولاتردي على المسجات ابدا واذا جاكي اتصال طنشي خليه يرن لين يتكسر راسه ..
ومافي داعي تغيري رقمك .. ولاتضربي له حساب من اصله ..
واي مسج يوصل سوي اعادة ارسال على جوال خطيبك ..
بكذا تضمني ان خطيبك عارف ومافي شي مخبى عنه ولا يقدر احد يخرب ...
ابوكي مايزعل لو عرف انك عالجتي الموقف بينك وبين خطيبك وفضلتي ماتبلغيه خوفا على صحته .
وقولي لابوكي انك كنتي حاطة في بالك لو زاد الموضوع عن حده بتبلغيه على طول
بس طالما الشغلة مسجات .. ماله داعي تكبريها وتتعبي الوالد على قصة بسيطة ..
واذا مافي فرصة تكلمي خطيبك ...
ساعتها لازم ابوكي يعرف بكل شي حتى سيرة مفسر الاحلام وانه قالك ردي بمسج قولي كذا وكذا ..

والله ان القصة صغيرة بس انتي مكبرتها ماني عارفة ليه !!!!!

عرسااان
17/02/2011, 08:12 AM
حبوبه خبري امج وهي بطريقتها تفهم ابوج..

ولا اذا عندج اخ اكبر يفضل انج تخبرينه..

الله يسهل امورك..

أم جلثم
17/02/2011, 08:15 AM
ربي يعينج ويسهل أمرج ... الخواات ما قصرن فالحلووول

حبيبه عمرهـ وقلبهـ..
17/02/2011, 08:20 AM
نشوفك يالغلا بالردود الحلوهـ..

انفاسـﮱگ دخـﮱون
17/02/2011, 09:15 AM
الحل بيدج اكسري الشريحه كلمي احد من اخوانج تحسينه قريب منج لاتخلين شي يهدم حياتج واستغفري ربج وادعيه عسى تنحل مشكلتج بس لاتسكتين وتحطين يد على يد البرود بهذي المشاكل مو مطلوب لازم تقرري وتاخذي خطوه سريعه والا انقلبت الامور راس على عقب الله يهدي الحال

سومه جده
17/02/2011, 09:37 AM
خبري اهلك واعطيهم الرقم وقولي ازعجني الرقم ورديت رساله بعدمازادالازعاج وقولي اتصلوا عليه من رقم مايعرفه وعليك بالدعاء ثم الدعاءوتصدقي بنيه ربي يصرف عنك السوء واهلك لوخاصموك عادي اهم شئ يعرفون انك ماخبيتي شئ عنهم تسرعتي يوم رديتي عليه رساله الله يصلحك يمكن يستغل الرساله فقولي لاهلك احسن لك

مملوحة زمانها
17/02/2011, 02:51 PM
السلام عليكم بنات ابي اقولكم اللي صار اولا خفت اكلم ابوي قلت بروح لامي وهي تعلم ابوي قبل لاكلم امي علمت اخواتي هم اصغر مني بس مافيه فرق كبير المهم اني انصدمت انوا 2 من خواتي بعد تجيهم راسايل ومكالمات باسمائهم وخايفين يعلمون اهلي فقرروا يتجاهلون الامر ومايتكلمون فيه يوم شافوني بتكلم قالوا خلاص بنقول لامي احنا بعد
وبديت معاها الموضوع قلت يامه ابي اغير رقمي تجيني مسجات توني لسى ماكملت قامت امي تصارخ وتقول توك تتكلمين ومنه ومن وين جاب رقمك ووايش يقولك بالرسايل ولو يدري ابوك ذبحك قلت لامي وانا شدخلني قالتلي حتى لو مالك دخل راح يسحب الجوال منك ومن خواتك :I: وقالت هذا اللي لقيناه من الجوالات مع العلم والله ان امي ماقد شافت علي شي وانا ماقد غلطت ابد ومحافظة على صلاتي والقراءان بس امي مدري ايش فيها وبعدين جلست تهدد وتتوعد بصاحب الرقم
وبعدين قالتلي وانتي شدراك يمكن يكون خطيبك يبي يعرف مونتك وبعدين قامت وتركتني
ماتوقعت ردة فعل امي كذا جيت ماكملتلها السالفه ولاقلتلها انه ولد عمتي واني رديت علية الحين خفت اكثر من اول وحتى خواتي حلفوا معاد يقولون لامي شي وحلفوني ماعلم عنهم شي مع العلم والله انا وخواتي متربيات ومالنا دخل باللي يججينا وش تنصحوني فيه
ارجع اكلمها باليل والا اسكت وربي اني خايفة

حبيبه عمرهـ وقلبهـ..
17/02/2011, 02:57 PM
الا انصحك فيه تقولين الى ابوك..
وتخبرين ابوك برده فعل امك..
ممكن يلاقي لك حل

يا قلبي النابض
17/02/2011, 03:16 PM
انصحج تخبري امج بداية ع تخبر ابوج بطريقة مختلفة
واذا خايفة كثير من عصبيته
ف استشيري الشيخ مبدئيا واذا تمادى الموضوع كلمي ابوج حبيبتي
والله يهديه ويوفقج

موسيقى هادئة
17/02/2011, 04:15 PM
حبيبتي اذا خايفة من العواقب ولي راح ايصير غيروووا ارقامكم وبسرعة

ولا تعطوهة غير بس لاهل بيتكم والموثوق فيهم اوك؟

مظلومة من اقرب الناس
17/02/2011, 06:46 PM
الله يهدي امك ويصلحها ليش سوت كذا
يعني علاقتها بأبوك فيها خوف او انها ماتحب
تواجه المشاكل
انا من رأيي دام انه الموضوع وصل لك و2من خواتك
اخاف انه يكبر الموضوع ويخرج من يداتكم وتصير
مشكله كبييييييرة مع اهلك
احس انه لازم تكلمي احد من اهلك لو خايفة من
ابوك كلمي احد من اخوانك وخبريه عنك وعن خواتك
وانكم خايفين تخبروهم عشان رده فعلهم معاكم
وانك خبرتي امك وهي صارخت وماعملت شي

مملوحة زمانها
17/02/2011, 06:51 PM
الله يسعدكم جميعا
امي رجعت وسالتني عن الموضوع وخبرتها وقالتلي انها راح تكلم ابوي وانهم لازم يتاكدون منه بالضبط؟
وبتكلم ابوي اليلة الله يعين
اشكركم جميعا

اميرة الشرق و الغرب
17/02/2011, 07:06 PM
الله يوفقك و يسهل امورك

اميرة الشرق و الغرب
17/02/2011, 07:07 PM
خبرينا شو راح يصير

سواحه
17/02/2011, 07:32 PM
الله يستر عليكم و يكفيكم شر كل ذي شر

حبيبه عمرهـ وقلبهـ..
17/02/2011, 08:06 PM
الله معاك موفقه..

norin
17/02/2011, 08:24 PM
الله يبعد عنكم الحساد الله يحفظكم عليك بقراءة سورة البقرة وسورة يس اذكار الصباح والمساء والدعاء ببن الله يبعد عنكم الادى تمنيني عليكم وتوكلي على الله فهو حسبك

دمعه عذاب
17/02/2011, 08:42 PM
صديقني بيج يوم بتدمين لانج ما خبرتي ابوج بالموضوع من البدايه

خبري امج انزين

وحده من خواتج الكبار

حد من اخوانج الشباب

خبري اي حددددد

علشان لو عرفوا بعدين بيقولون انتي كنتي راضيه لانج ما خبرتي حد

= )

نصيييحه لا تسكتين ولا تمسحين الرسايل بعد خليهم دليل عليه

جولنارمودي
17/02/2011, 09:24 PM
الله يكفيكي شره يارب طيب انا انصحك تقولي لابوكي السالفة وتوريه الرسايل اللي رسلك هيا ولد عمك حتى لو كان ابوكي شديد عشان لا يسبب لك مشكلة الولد وعشان ابوكي يكون في الصورة ومايجي الولد ويقول لابوكي او اخوكي اوحتى خطيبك هيا رسلتلي وكذا فاحسن تقولي ولا تسكتي والله يسعدك ويوفقك انتي وخطيبك

سفيرت الأحلام
17/02/2011, 11:25 PM
الله يعينج وأنا من رأي الباقين , توكلي على الله وخبري أهلج علشان يوقفوه عند حده .

مملوحة زمانها
18/02/2011, 01:08 PM
السلام عليكم
اشكركم خواتي الغاليات على تفاعلكم ونصايحكم
امس امي علمت ابوي بكل السالفة كامله وابوي عصب مره وقال انه راح يتصرف ايش بيسوي مدري
امس ناداني ابوي وسالني وقالي ابي اعرف وايش ارسلتيله بالضبط وريته المسج اللي ارسلته شافه وطلع من البيت متضايق:'(
امي امس خوفتني تقول انو ابوي قال الله يستر لا يسون مشاكل لو يدرون بالخطبة
انا مررره مقتنعه بخطيبي وهو ولد خالي ومستخيره ودي فيه انا مابي عيال عماتي:'(
ادعولي الله يسعدكم ربي يجمعني فيه ويكفانا شرهم
والله يوفقكم جميعا
اختكم في الله

ذابحهم غرووري
18/02/2011, 01:22 PM
مدري شقولج طنشي بس اذا استمر يتصل
خبري امج اكيد بتكون متفهمه اكثر عن ابوج
بعدين انتي تقولين مابينكم شي من قبل؟
خلاص ليش تخافين الغلا
خبري امج عشان تكون في الصوره
والله يكتبلج الي فيه الخير يارب

ذابحهم غرووري
18/02/2011, 01:24 PM
مانتبهت ورديت متأخره شكلي
المهم الله يكتبلج الي في الخير ان شاءالله

داري قطر وكلي فخر
19/02/2011, 12:19 AM
كلمي عمتج وقولي لها الموضوع وخليها تتفاهم مع ولدها وانتي غيري رقمج ولاتعطينه حق اي احد واذا مانفع معه قولي حق امج وامج راح تقول حق ابوج السالفه لاتخربين حياتج على ناس مايستاهلون

دموع الحب
19/02/2011, 05:43 AM
استشيري الشيخ

مس زوزو
19/02/2011, 03:55 PM
الحمدالله ان خبرتي اهلج بالقصة
و يارب يجمع بينش و بين خطيبش
بأقرب وقت من غير ما يصير مشاكل

مملوحة زمانها
19/02/2011, 07:02 PM
جزاكم الله الف خير
الله يرزقكم جميعا ويسعد بالكم

O H O U D A l -A S E E R I
19/02/2011, 07:48 PM
لا تردين ياعيوني بهالطريقه رح تعطينه فرصه يراسلك بسبب ردك له طنشيه وغيري رقمك بحيث ان محد يعرفه من الاهل غير عائلتك وبس موفقه
وانا اشوف لو ابوك عصبي يكون عصبي وبدراايه بالموضوع بالبدايه احسن مايتطور الموضوع بمضايقته بعدين يكون له علم متأخر بهالشي بيكون رده فعله صعبه جدا وقويه عليك وثقي انتي مو مسويه شي غلط خلك قويه وعلمي ابوك واخوانك وقولي لهم شسوي تبوني اغير رقمي غيروه لي؟ صدقيني بيكونوا معك وهذا اهممم شي وبلااااشش خووف زايد وتعيشين رعب مااله دااعي

خلك قويه
موفقه والله يهدي سرك ياأختي

كركوبة
19/02/2011, 08:22 PM
انزين حبوبه ليش ماتغيرين رقمج

مملوحة زمانها
19/02/2011, 10:31 PM
جزاكم الله الف خير الله يستر عليكم من كل شر ويحميكم

mrs.7la
20/02/2011, 01:03 AM
قولي لامك وهيا بتتفاهم ولا يخرب بيتك للمستقبل وثقي بكلامم الشيخ