المساعد الشخصي الرقمي

مشاهدة النسخة كاملة : زوجي يكسر البيت وقت الغضب،،وش الحل؟؟



Rahooy
15/01/2011, 04:13 PM
السلام عليكم ورحمة الله

بصراحه عندي مشكله مع زوجي،، واللي هي انه يوم يعصب يكسر اغراض البيت ويخرب كل شي،،

التلفزيون..الاثاث ،،المواعين..كل شي يجي جدامه

برايكم،،ارجع انظف البيت وارتبه،،والا اخليه مثل ماخلاه هو،،لانه بصراحه قهرني وااايد،،هذي مملكتي وماحب حد يخربها لي

خاطري اشكيله امي عن تصرفه ،،


شو رايكم بنات؟؟

јǿđ
15/01/2011, 04:54 PM
الا امج لا تدري عن زوجج
وهذا مو حل تخبرين امج او احد من اهله

يوم يكون رايق يلسي وياه وقولي له اذا عصبت اطلع برى البيت
وارجع يكون احسن من انك تكسر وتخرب كل شي

وانتي حاولي ما تعصبينه قد ما تقدرين
يعني الاشياء اللي ما يحب يشوفها او يسويها
لا تسوينها

ام لنوني
15/01/2011, 05:13 PM
ايه اذا عصب خليه يطلع برى البيت

الله يعينك ان شالله

الياسمين m
15/01/2011, 06:49 PM
مراحب عزيزتي ..
اوصيك
بالدعاء اولا لزوجك في صلاتك ووقت الاستجابه في كل يوم والثلث الاخير من الليل ..قبل صلاة الفجر ..الدعاء ثم الدعاء وفي كل وقت حتى لو تغير حاله الى الافضل ..ان شاء الله ..فعليك في الاستمرار في الدعاء له..
وبعد ..
نصائحي..
حاولي بقدر ما تستطيعين وقت دخول زوجك البيت ..استقباله بفرح..وسرور وابتسامه ..حتى ولو كنتي متضايقه او عندك اي مشكله لا سمح الله..الوجه البشوش مهم ...
ثانيا ..
لا تخبري زوجك اي خبر مزعج وهو تعبان وجاي من الشغل ابدا ..مهما كان الخبر ..الا بعد ما يتغدى ويرتاح ..وينام ....بعدها فاتحيه بالموضوع ..بعد قهوة العصر ..ان امكن..
ثالثا ..
اذا شفتي زوجك معصب لاي سبب من الاسباب سواء خارج البيت او داخل ...لا تحاولي تزيدي من غضبه ابدا ..وخليكي هادئه على طوووووول ولا تجادلينه في اي شيء ابدا وان لابد تردين عليه ....خلي كلامك دائما ان شاء الله وحاضر .. وما يصير خاطرك الا طيب ...والخ
...واي كلام عندك ضروري تقولينه له ..كتبيه في رساله ...وخليها عند راسه ...على الدرج..وابتدي دائما الرساله اني احبك يابو فلان لكن في قلبي شيء ابي اقوله لك ..الخ

حاولي ادارة المشاكل في البيت ولا تشاركينه فيها اذا كان مزاجه معكر ....وحليها بنفسك ان امكن ..

عليك بقراءة المعوذات وايه الكرسي على زوجك ..وانصحيه بكثرة الذكر ...الا بذكر الله تطمئن القلوب ..وانصحيه بهدوء او في رساله بقراءة المعوذات وقت الغضب والتعوذ من الشيطان الرجيم..
وذكريه دائما بحديث الرسول صلى الله عليه وسلم ..لا تغضب ...

وصيه اخيرة ..
اعلمي اختي الغاليه ان المرأة هي مفتاح السعاده في بيتها ..ان كانت فرحانه ..فرح البيت كله وان كانت حزينه حزن البيت كله ...
وبالتوفيق

ذابحهم غرووري
15/01/2011, 07:05 PM
الله يعينج
ويوفقج
ماادري شقولج بس احس هذا طبع في بعض الناس

مــجـــرد دمــعــــة
15/01/2011, 08:08 PM
ههههههه و الله انا اجوف ان هاااي شيء موجوده في اغلبية الرياييل بالذاااااات ابوية

يوم يعصب يكسر كل شيء و عقب يندم و يضطر يشتري اللي كسره

ترا هم عصبيتهم يوصل لدرجة انهم ما يقدرون يسيطرون على اعصابهم

فما ذكرتي شو السبب اللي خلاه يسوي هاااي شيء
المهم لما يعصب لاتكلمونه و خشو في مكان انه ما يجوفكم

فعااادي حبيبتي و لا تزعلي و لا تحطين ف خاطرج ترا اغلبيتهم جي

Rahooy
15/01/2011, 08:09 PM
جود

هلا حبيبتي..وقت التعصيب اقدر اقوله اطلع برع!!مستحيييل
المشكله حتى النقاش بيني وبينه كان مايجيب نتيجه،،لان في الاخير انا غلطانه..وجت فتره وانعدم النقاش،،قلت مابتكلم ولا بقول شي
بس صار يزودها كثييير..بس الله كريم



ام لنوني
حبيبتي،،هو يطلع برع بعد ما خرب البيت،،الله يهديه



الياسمين
يزاج الله خير ع النصايح ،،الحمدلله انا دايما ادعي واستغفر ،،وان شاء الله ماكون مقصره في هالشي
وانا من النوع الهادي اللي ما يرد بطول لسان،،بس مشكلتي ساعات مش دايما ان نبرة صوتي ترتفع وقت العصبيه،،مش طولة لسان
وهو يعتبرها طولة لسان،،وهذا اللي يقهره فيني ،،

حاولت معاه بالرسايل،،يقولي انتي ماعندك غير النكد،،..
ساعات اشكيله،،على اساس انه نصفي الثاني وزوجي اللي يكون اكثر واحد فاهمني،،مايفهمني،،وخاصه هالفتره اني باول اشهر الحمل وهو مب قادر يتفهم


مشاكلنا احسها بسيطه..بس هو يبي الحل كله عندي واني انا الوحيده اللي لازم تغير نفسها علشان مصلحته ومصلحة البيت
بس ان هو يغير نفسه مستحيل،،شايل الفكره من راسه ،،يعني ما كانه انا هو اللي مسؤلين ،،

اشكرج يا الغاليه ع ردج..بس كاني وايد تكلمت!!
يزاج الله خير


ذابحهم غروري

مشكوره ع ردج عزيزتي

ملكة الآحساس
15/01/2011, 08:11 PM
الله يعينك

Rahooy
15/01/2011, 08:11 PM
ههههههه و الله انا اجوف ان هاااي شيء موجوده في اغلبية الرياييل بالذاااااات ابوية

يوم يعصب يكسر كل شيء و عقب يندم و يضطر يشتري اللي كسره

ترا هم عصبيتهم يوصل لدرجة انهم ما يقدرون يسيطرون على اعصابهم

فما ذكرتي شو السبب اللي خلاه يسوي هاااي شيء
المهم لما يعصب لاتكلمونه و خشو في مكان انه ما يجوفكم

فعااادي حبيبتي و لا تزعلي و لا تحطين ف خاطرج ترا اغلبيتهم جي


ههههههه
هلا حبيبتي

الله يهديهم ان شاء الله

لازم ننخش،،والا بنتكسر ويا اغراض البيت

مشكوره ع ردج^ـ^

[ نونو مآلي آني ]
15/01/2011, 08:19 PM
{ هلا حبيبتي ..~
ابدا لاتفكرين تخبرين احد من اهلك
لان هذا وقت غضب ويروح
راح يتحسس منك كثير
لو عرف انك قايلة حق احد

حاولي لما يروق ويهدى
تكلمينه بهدوووء
ان هالشي مايصير
ولاترتبين البيت خليه ع حالته علشان يشوف وش سوى
وانك خايفة عليه من حرقة القلب
والحرة وكثرة العصبية
ودلعيه وامسحي ع راسه
ووقولي له كلام يسره ويشرح صدره ويونسه

وحاولي تجيبين له جلاس برتقال طازج يروق منه
ويرتاح وقت ماتكلمينه

ضروري تحتفظي باسرار بيتك لنفسك
ومحد يدري عنها
حتى ماتصير مشاكل اكثر
ويتدخلون الناس بينكم
ف امور تافهة مالها داعي
تقدرون انتوا بين بعضكم تحلونها بهداوة

الله يهدي سركم
ويصلحكم يارب

إشراقة نور
15/01/2011, 08:25 PM
كأنك تتكلمين عن زوجي وعن اللي في خاطري قبل فترة كنت راح أكتب عن هذي المشكلة يكسر الغسالة واللاب توب والتلفزيون إذا كان معصب يرمي بأشياء غالية رجال غريب...

سنو44
15/01/2011, 08:29 PM
لاتزعلين يا الغالية يكسر لي في البيت ولا يضرب احد من العيال او لا سمح الله يمد يدة عليك
صدقيني هذي ردت فعل عندة وبالدعاة انشاء الله يتغير حاولي تنصحينة وقت ما يكون هادي بأن اذا زعل يتوضى ويصلي او يقراء القران او ياخذ دش بس :(

*حرم مودي*
15/01/2011, 08:52 PM
الله يهديه ويصلحه ويلين قلبه
ويسخره لكـ إن شاء الله
بس نصيحه أختـي لاتعلمين ولاأحد على اللي يسير بينك وبين زوجكــ
هاذي أســرار بيتكــ حتى أمكـ لاتعلميها لأنها أصلا ماحتكلمه ولا شئ بس تشيلينها همكـ
وترا في رجاال كثير كذا وإذا عصب حاولي إنكـ تبعدي عنه حتى إذا بدأ يتعكر مزاجه ابعدي عنه
والله يوفقكم ويهدي سركم
F:F:F:F:F:

شووق المشاعرر
15/01/2011, 08:58 PM
حاولي لما يعصب قفلي على نفسك وخلاص جربي هالطلايقه يمكن تنفع

الياسمين m
15/01/2011, 09:19 PM
الياسمين
يزاج الله خير ع النصايح ،،الحمدلله انا دايما ادعي واستغفر ،،وان شاء الله ماكون مقصره في هالشي
وانا من النوع الهادي اللي ما يرد بطول لسان،،بس مشكلتي ساعات مش دايما ان نبرة صوتي ترتفع وقت العصبيه،،مش طولة لسان
وهو يعتبرها طولة لسان،،وهذا اللي يقهره فيني ،،

حاولت معاه بالرسايل،،يقولي انتي ماعندك غير النكد،،..
ساعات اشكيله،،على اساس انه نصفي الثاني وزوجي اللي يكون اكثر واحد فاهمني،،مايفهمني،،وخاصه هالفتره اني باول اشهر الحمل وهو مب قادر يتفهم


مشاكلنا احسها بسيطه..بس هو يبي الحل كله عندي واني انا الوحيده اللي لازم تغير نفسها علشان مصلحته ومصلحة البيت
بس ان هو يغير نفسه مستحيل،،شايل الفكره من راسه ،،يعني ما كانه انا هو اللي مسؤلين ،،

اشكرج يا الغاليه ع ردج..بس كاني وايد تكلمت!!
يزاج الله خير




عزيزتي الله يبارك فيك .. عارفه احساسك..
الرجل بطبعه عملي ...دائما والمرأه عاطفيه ..جدا واحساسها رهيف ..بمعنى لو كانت زعلانه اقل كلمه تزعلها ..ولو كانت فرحانه ..مستحيل اي كلمه تزعلها ..
الرجل مستحيل يعترف بالخطأ ..مستحيل يعني طبيعته ورجولته ومن باب السيطره على الوضع ( المشكله ) ..0 الرجال قوامون على النساء ) ..
ومن طبع الرجل السكوت دائما ..في حاله المشكله لانه يعتبر انها ليست مشكله ..خصوصا اي زعل من زوجته على غيره ...ابداء رأي ..ذوق ...خاطري في ؟ ...الخ
تعرفين معنى المشكله عند الرجل ايش ؟؟
المشكله عند الرجل تكون مشكله ...اذا كانت ..في ..
عمل الزوج ..
سيارة تعطلت فجأة ...
ضائقه ماليه ..
بمعنى شيء يخص الرجل في مسؤليته ...كرجل ..
ومثال ..ان كنت في سفر يكون الرجل في اصعب اوقاته ..لانه مسؤل مسؤليه تامه عليك وعلى عيالك ...صح ..
لكن الحين المسؤليه مشتركه ..فهو في باله ان مسؤليه العيال والبيت ..لك ..فأي مشكله تخصهم يعتبرها هينه بالنسبه له ...وبسيطه ..
فما بالك بغيره زوجه أوخاطرها في شيء مثلا ..أو تريد شراء غرض ..او تريد الذهاب الى السوق ..او أو ..الخ
فهذا كله ليس عنده مشكله ابدا........بطبيعته كرجل ..
اخيرا ..

عيشي الحياه بروح رياضيه ...تعاملي مع زوجك كانه صديقك ........الي تبينه يسويه انتي ابدي فيه ...تبينه يحبك حبيه ...تبينه يدلعك دلعيه ...تبينه يحترمك ...احترميه ..وهكذا..


وبالتوفيق

Rabea3 al-ward
16/01/2011, 02:03 AM
كل ريال وله طبعه
في ريال يكسروون اغراض
ريال يضربون زوجاتهم
ريال يقطون حجي
ريال يطقون روحهم
يعني واااااااااااايد طبايع فيهم
بس انتي لي راق قعدي وياه فهميه كل شي مع كلام حلوو مو غير عتب بس نصيحه
وقولي له لي عصبت اطلع بره البيت اوقف من غير ماتسوق السياره لان مب زين
اقعد افتر شوي اخذ نفس عمييييق وطلعه من خشمك بهدووووء
هذي العمليه اذا تتكرر الغضب يطلع مع الزفييييييير اهم شي بهدووووء يطلع
الله يهديه يارب

јǿđ
16/01/2011, 07:57 PM
لا فديتج لما يكون رايق كلميه
انا ريلي كان يكسر بيبان الشقه من عصبيته خخخخخ
حدث ولا حرج
بس الحمدلله الحين لما يعصب يطلع برى
فاد الكلام وياه

مظلومة من اقرب الناس
16/01/2011, 09:36 PM
الله يعينك ويهدي زوجك وزوجي
حاولي معاه بالكلام وقت ماتلاقي
باله رايق
وبالنسبه لك اذا مانظفتي يوم ماكسر بتنظفي
اليوم الي وراءه لانك مستحيل تقعدين ببيت وسخ
بس لو كنت مكانك كنت بانظف وباحط كل شي بكبت
ثيابه عشان يوم يجي يلبس يشوف الي عمله

ام ريان وراكان
17/01/2011, 01:37 AM
الله يعينك

لعنونك
17/01/2011, 03:35 PM
والله الله يعينك ويعينه


بس اول واخر لو كسر ودمر اثاث بيتك انتي اطلبي منه الاشياء اللي اهو خربها عليك


وربي يوفقك

ريحآإنة الجنه
17/01/2011, 03:55 PM
الله يهديه حبيبتي لازم تتفلهمين معاه علي ها الشي يمكن هو عصبي