المساعد الشخصي الرقمي

مشاهدة النسخة كاملة : تكفوووون عطوني حل :(



dada.b6a
08/01/2011, 11:13 PM
السلام عليكم ;( بنات والله تعبانه. . امس تهاوشنا انا وزوجي اقولكم السالفه الله يسلمكم امس كنت زايره بيت جدتي وزوجي كل شوي يدق ويسألني اسئله تضايق مااعتقد اي وحده بمكاني بتتحملها. . يسألني وين قاعده منو قاعد معاج منو زاير منو من الشباب زاير. .في احد من الشباب سولف معاج قلتله لا قال جذابه قلت والله لا وبعدها انتهت المكالمه وبعدها بنص ساعه اتصل وسألني اسئله ابيخ وابيخ. . ليش ماتردين بسرعه قلتله لأن كنت شايله ولد اختي وشايله بيدي الثانيه جنطة ملابسه عشان كنت ببدل ملابسه قال وانتي شكو تشيلينه قلتله لأن اختي حامل تعبانه ولازم اساعدها قال مومشكله اذا اتصلت مره ثانيه حطي جنطته بالأرض وردي علي قلتله انت اشفيك ليش تكلمني بهالأسلوب قال (كلمه قويه) ومالج شغل. . طبعا انا عصبت وقلتله انت ماتستحي على ويهك انل زوجتك عيب تكلمني بهالطريقه قال يا..........(كلمه قوووووويه) يعني بالعربي داس على شرفي. .بعدها قلتله اذا انت ريال تعال قال اوكي الحين يايج. .. بعد نص ساعه وصل وركبت معاه واول ماركبت معاه ضربني كف وانا قعدت ابجي ووقف سيارته بمكان ظلمه ومافيه احد وشال المفتاح وحطه بركبتي وانا ماتخملت العوار جان اطقه طراق وبعدها ضربني على راسي ضرب موطبيعي لدرجه اني استسلمت واختنقت واخر شي ضربني بوكس على ويهي ولاتشوفون ويهي شنو صار فيه جبهتي انتفخت وصار لونها ازرق وخشمي ورم وصب دم وراسي حاشه صداع موطبيعي وبعدها صرخت قلتله ودني بيت اهلي وقعدت ابجي تقريبا عشر دقايق واهو ساكت يطالعني بعدها فجأه دمعت عينه ولمني وباس راسي وقال اسف وانا مارديت عليه ورجعنا البيت ويحاول يراضيني وانا حاقرته واليوم قعدت الصبح ابجي من عوار راسي وقلتله ودني عند اهلي وقال اوكي وقعد يتأسف ويبجي ويقول انا حمار انا حيوان انا..... والله صدمني. .المهم حاليا انا عند اهلي وطبعا جذبت عليهم وقلتلهم اني زالقه بالمطبخ بس اهو دق علي وقلتله انا مراح اسامحك ولابرضي عليك وسديت الخط. . بنات ساعدوني شسوي ؟؟ زواجنا صارله تسع شهور بس طريقته معاي خلتني احس ان انسان مريض عقليا وانا فعلا حيل متضايقه منه وموقادره اسامحه وهو كل شوي يدق ويطرش مسجات يحاول يراضيني وانا حاقرته..اتمنى تساعدوني :'(

mayssoune
08/01/2011, 11:31 PM
حبيبتي والله ماعرفت شو أقلك لكن ربي يهديه
انت حاولي تحسسيه بالندم ما تسامحيه بسرعة عشان ما يعيدها مرة ثانية
وبعدها ارجعي ليه وحاولي تتكلمي معه بهدون وتفهميه انو ها الشيء راح يفسد علاقتكما كزوجين بحبوا بعض
والله يرزقك بالذرية الصالحة.
ادعيلي ربي يفرج هممممممممممممي يارب

weeb
09/01/2011, 12:41 AM
والله شو أقولج حطي حد له من الحين لانه ضربج مره وعادي يعيدها بعدين

عروس البحريين
09/01/2011, 12:55 AM
لاحوول ولاقوه الا بالله

زوجج للاسف انسان مريض يحتاج لعلاج نفسي

وانتي لاترضين له بسهوله الا بشرووط

الله يهديه

طفوف
09/01/2011, 12:56 AM
الحل انه تعلمين أهلج
كل شي ينحل بين الزوجين بالتفاهم الا الطق
و اذا فيه مرض نفسي يروح يتعالج مو يطلع أمراضه على بنات الناس
و اياج ترجعين له بدون ما ابوج و اخوانج يتفاهمون معاه
بكرة اذذا راحت صحتج ما راح ينفعج

dada.b6a
09/01/2011, 01:02 AM
الله يعطيكم العافيه :( انا قلت حق امي واخوي وقالولي بيتصرفون معاه وماقلت حق ابوي لأن فيه سكر وضغط اخاف على صحته وقلت بقعد عند اهلي فتره بسيطه عشان يتأدب ومايعيدها لان نفسيتي تعبانه حييييييل :'( الله يهديه.. المشكله ان نحب بعض وأول مره يصير معاي جذي :'(

أمي سر سعادتي
09/01/2011, 01:07 AM
والله مدري شو اقولج بس صدق الموضوع ماينسكت عليه لانك لو سكتي راح يتعود عالضرب والله يكون بعونك نصيحتي اذا عندك ا حد كبير وعاقل يعتمد عليه قوليله السالفة بس قوليله انا قلت لك عشان توقف وياي وتوقفه عند حده ومايتعود ان يضربني اما اذا حسيتي ان السالفة بتكبر سكتي وردي له بحالة انه يوعدك يكون رجاااااال و انه مايعيد السالفة واذا عادها لاسمح الله لاتسكتين ابد .. وربي يكون وياك يالغلاوالسموحة

Rabea3 al-ward
09/01/2011, 01:15 AM
ياختي الشي وايد عووود
الوهقه طلع كل حرته فيييج وعقب اوتعى حق الي قاعد يسويه ودمعت عينه
لييش وين عقله قبل 10 دقايق
ولا صاده شوووط عشان ماكان يحس قبل هالدقايق
شي ماينسكت عنه
لازم تخلين له حد
الله يهديه

لووووولووووو
09/01/2011, 01:53 AM
اتركيه وانفصلي عنه هاذا انسان مريض اي حب واي زفت هاذا يستعرض رجولته عليك انتي الظعيفه طقج اول مره وشافج تبجين وتالمين وكمل عليج بوكس هاذا حيواااااااااااااااااااااا ااان:mad::mad: اختي اذا تبينه شهدي علي اخوانج يهددونه وياريت يعطونه كف عشان يعرف قدر نفسه الواطي ويحسب لج احساب ويعرف انا لج ظهر وسند :clock:انا نصيحتي اتركيه والله يعوظج لانه الازواج يطقون بس طق خفيف لكن هاذا طقه طق مجررررررم:mad: اعذريني انقهرررررررررررررت

بنت الطفوف
09/01/2011, 03:07 AM
الله يهديه انشاء الله ويهدي الجميع يارب

Lovely lolo*
09/01/2011, 03:29 AM
حبيبتي لازم تخلين له حد بأي طريقة عشان مايكرره
والا راح يتعود
لازم تخبرين احد كبير من اهلج ويكلمه
عشان يحس انك مو ضعيفة وفي احد يوقف معاج
بصراحة تصرفه جدا غريب !!! وبدون سبب
لازم يحترمك مثل ماانتي تحترمينه

الله يعينج

dada.b6a
09/01/2011, 04:00 AM
اوف احس كرهته لان كل مااتذكر شكله واهو يطقني ادعي عليه وكل مااشوف ويهي ادعي عليه لاشعوريا :'( حسبي الله ونعم الوكيل فيه وعسى حوبتي ماتتعداه وعلى العموم انا سلمت الامر حق امي واخوي وماني راده له الا لمه ينذل الحقير :'( وحاليا حايشني صداع قوي ابي انام موقادره. ..

أنثى ملآئكية
09/01/2011, 04:05 AM
لا حول ولا قوه إلا بالله العلي العظيم
اختي أحس رجلك يعاني من شيء اكتشفه بدري قبل لا يكبر

أنثى

mrs.7la
09/01/2011, 05:07 AM
حبيبتي اختي انتي ببداية زواجك لاتطلبي الطلاق ومن هذا الشي ....شوفي فيه حل ان شاء الله ينفع مع زوجك انا احس زوجك من النوع الغيووووووووووووووور لدرجه الشك وهذا النوع من الرجال الله يعين الوحده منهم....عامليه بحذر قوليله طيب ان شاء الله ...بس حكاية انه يسبك لا هذه قويه بس انت ما شاء الله ماقصرتي وسبيتيه...لما شفتيه سبك كنتي تقوليله كلمه وحده مره شكرا واذا قالك كلمه من الكلمات اللي تطعن بشرفك قوليله خلاص دام انا كدا رجعني بيت اهلي كيف ترضى تنام مع وحده من مستوايا ....وقليله الله يسامحك هو وقتها بيستحي منك...قوليله الا كرامتي كله الا كرامتي انا مانهنت ببيت اهلي ليش انت تهينني وانا زوجتك وبكون ام اولادك كيف ترضاها عليا...الحل معاه ان هذه المره تطنشيه تخليه حيران وقلقان ومو عارف اذا بتسامحيه ولالا خليه كدا عشان يعرف قيمتك ولما تكلميه قوليله كله الا كرامتي انا مااسمحلك تنزل من كرامتي وبعدين اكذبي كذبه بيضا عليه وقلتله انا قلت لأمي وابوي وكانو بيكلموك وبيكبرو المشكله بس انا قلتلهم اني بتعامل معاه هذه المره بس وان شاء الله مايكررها ....فهميه بأسلوب حلو وقلوليه ليش الغيره الزايده اعرف انك تحبني بس في شي اسمه غيره وفي شي اسمه شك والي انت تسويه شي والله يهديه ويوفقكم ويسعدكم

.. أمــ عــلــيــ ..
09/01/2011, 08:16 AM
بصراحه .. لو انا بمكانك .. ما أرجع له ..

والله اللي سواه فيك مو هيّن ..!!!

طق وضرب على الوجه بوكسات ...!!!

احمدي ربك انها جت على كذا .. ولا كان انتي الحين في " خبر كان " ...!!!!

علمي أهلك .. يشوفون لك حل .. ويوقفونه عند حده ..

واستخيري رب العالمين في سالفة رجعتك له .. لأن بصراحه العيشة مع رجل كذا فيها " حياة أو موت " ...!!!

الله يستر عليك .. ويعوضك خير ..

:-#

عين قطر
09/01/2011, 01:29 PM
شوفي حبيبتي انا كنت بقترح عليج انج تقولين لحد الموضوع عشان يكون عنده علم ومن البدايه يعرف ان وراج حد وعشان ما يعيدها مره ثانيه بس اهم شي لا يكبر الموضوع وان شاء الله يتم كل شي على خير ان شاء الله..وزين انج عطيتي هلج خبر..بس خليج فتره عند هلج وبعدين ارجعي عادي عشان يحس بغلطته..

rose_rose7788
09/01/2011, 01:46 PM
الله يكون في عونج ويصلح باله وبالج يا رب ....

آحاسيس مبعثره
09/01/2011, 02:06 PM
الله يعطيكم العافيه :( انا قلت حق امي واخوي وقالولي بيتصرفون معاه وماقلت حق ابوي لأن فيه سكر وضغط اخاف على صحته وقلت بقعد عند اهلي فتره بسيطه عشان يتأدب ومايعيدها لان نفسيتي تعبانه حييييييل :'( الله يهديه.. المشكله ان نحب بعض وأول مره يصير معاي جذي :'(


كلامك مزبوط اقعدي عند اهلك فتره وطنشيه وبيني وش كثر انت زعلانه وخلي اخوك يجلس معاه ويقوله ان بنات الناس مو لعبه عشان يعرف ان وراك رجال لان لوسكتوا اهلك بيعدها صدقيني لكن خلي اخوك يأخذ موقف صارم ويهدده اذا عادها مستحيل ترجعيله

أسأل الله ان يرده لك ردا جميلا

dada.b6a
09/01/2011, 02:10 PM
حاليا انا ماني راجعه له وبقعد عند اهلي ومثل ماقلتلكم امي واخوي بيتصرفون معاه. ..الله كريم :'(

الجوهرة
09/01/2011, 02:10 PM
شوفي حبيبتي

ريلك مب طبيعي

هالشي لازم تعرفينه عدل

وكلمة آسف ماتحل الموضوع ولاتبرد الحره

ومادام ماعندكم عيال لاتقعدين معاه والله يعوضك خير

طبعا الطلاق مب حل لكل المشاكل

لكن هالمشكلة مب شي عادي

كلام وصخ وطق مب انساني

المرة تنطق عند النشوز طق خفيف على الرِجل فقط

الرسول صلى الله عليه وسلم قال

( لاتضرب على الوجه , ولاتقبَح)

يعني لاتقول كلام قبيح ولا تضرب ضرب يشوه

حطي الموضوع بيد اخوك وامك وخلي اخوك يهدده ان لمسك مره ثانيه بيشوف شي يندم عليه

وشوفي اش بيصير

والله يحفظك ويوفقك ويسعدك

أم هـادي
09/01/2011, 02:10 PM
بصراحه .. لو انا بمكانك .. ما أرجع له ..

والله اللي سواه فيك مو هيّن ..!!!

طق وضرب على الوجه بوكسات ...!!!

احمدي ربك انها جت على كذا .. ولا كان انتي الحين في " خبر كان " ...!!!!

علمي أهلك .. يشوفون لك حل .. ويوقفونه عند حده ..

واستخيري رب العالمين في سالفة رجعتك له .. لأن بصراحه العيشة مع رجل كذا فيها " حياة أو موت " ...!!!

الله يستر عليك .. ويعوضك خير ..

:-#
:thumbs_up:

Sweet N Sour
09/01/2011, 03:38 PM
سالفة استخدام لفظ غير لائق مو سهلة و سالفة الضرب و مد اليد كبيييييييييييرة اختي،،ما يصير تعدينها بسهولة ،،،حتى لو اعتذر لك حسسيه انه غلط غلطة كبيرة و ما تغتفر و لازم يقلع عن هالتصرف لو يبي المركب تمشي.

كمان انا ما اؤيد ابدا ان كل نقطة توصل للاهل بس سالفة الضرب ما ينسكت عنها.

الله يعينك و يوفقكF:F:

طويلة ومغرورة
09/01/2011, 03:50 PM
الا الضرب اختي انتبهي لحالش

ماء الالماس
09/01/2011, 03:51 PM
الله يعينك حبيبتي صعبة الرجل اللي يمد يده على زوجته لاي سبب كان !!!
لا تطلبي الطلاق ( ابغض الحلال عند الله الطلاق )
بس بدي اسألك اول مرة زوجك بيضربك ؟؟ يعني هل سبق له وضربك حتى لو كف بسيط ؟ او حتى شتمك ؟
ازا سبق له الشتم والضرب بهالحالة لازم تربيه وتتركيه يحس بذنبه ضلك عند أهلك لو تطول الشغلة أشهر مو مشكلة المهم يحس بخطأه ويحس بقيمتك
اما ازا كان هالمرة المرة الاولى لشتمك وضربك معلش سامحيه طبعا بعد ما يتكلموا معاه أهلك ويبهدلوه هلى اللي ساواه معك لانه صربه لك بهالطريقة مو بسيط وشي كبيييييييييييير

والله يجيب لك اللي فيه الخير

محبة الرشاقة
09/01/2011, 03:57 PM
بسم الله هاد شكلو بتعلم مصارعة عليكي بوكسات وكفوف متووووووووووووحش ربي يعينك ويعينا كلنا ستات قديش انظلمنا بهدنيا

ذابحهم غرووري
09/01/2011, 03:58 PM
اوووووووووووووووووووووووو وووووووووووووووه
قويه الصراحه الضرب والاهانه
مدري شقولج غير الله يعينج ويوفقج

عروسة غير
09/01/2011, 08:13 PM
بقولج شي ريلج يحبج وايد يغار عليج ويشك فيج صح؟

هذا الي فهمته


شكله عصبي حييل يعني ماي قدر يمسك نفسه ويقط الكلام وبعدين يندم وبالدليل انه ندم وقعد يعتذر لج ويسب ف نفسه


يعني ببساطة هو تصرف تصرف غير واعي ...

انا اقولج لا تفكرين تتطلقين ابدااا ... بس حاولي تصلحين الوضع


لان ريلج مب مثل هالريايل الي نسمع عنهم يطقون حريمهم لمجرد انهم يجوفون الحرمة ضعيفه


لا ريلج طقج وقت العصبية ... يعني انا متأكدة انه نفسياً يعاني من عقدة وتخليه يتصرف تصرفات غير واعية


الحين انتي لا تسامحينه بسهولة ذلي ابو الي يابه عشان لا يفكر يعودها بعد

خليه يندم باليوم الف مره انه مد يده او اتهمج بشرفج ...

بس بعدين سامحية ترا انا حسيت انه طيب بس ناقصه وعي وهدوء

بتقولين ليش حسيتي انه طيب؟؟؟


انا لاني ماقط مرة سمعت وحدة تقول طقها زوجها وعقب سب في نفسه!!! وندم!!

بالعادة الريايل ما يندمون على الي اشوفه من مشاكل يعني


فيعني انجانه ندم معناه هو يتصرف بدون لا يحس بنفسه ....

حتى سالفة دمعت عينه ... يعني بذمتج سمعتي ريال يدمع عينه عقب ما يطق حرمته انا بصراحة ماسمعت كله نقرا مشاكل وهلون بس مب جذي

يعني دمعته هذي دليل على انه داخله طيب واكيد انتي عارفة ريلج اكثر منا.. انا مجرد اخمن يعني


الله يعينج شي صعب حيييل بس خلج قوية

frfor
09/01/2011, 08:53 PM
ومن الحب ماقتل
الله يعينك عليه
هذا الحب او الغيره عنده زايده عن حدها
الله يصلح حاله يارب

غارقة في دوامة الحب
09/01/2011, 09:11 PM
حسيت من كلاامج انه مريض صج وعنده انفصام شخصيه ضروري تستشرين دكتور نفسي

د\امونة
09/01/2011, 11:55 PM
ده مش انسان طبيعي , يا ساتر يا رب , ايه الجنون ده؟

اللي يضرب امراة يبقى مش راجل, طنشيه لحد ما ييجي البيت يبوس رجلك ادام اهلك كلهم, ولازم تقولي لاهلك, عشان يعملك اعتبار بعد كده

انفاسـﮱگ دخـﮱون
10/01/2011, 12:19 AM
يؤؤؤ عيب عليه والله مالقى يستقوي الا على حرمه ظعيفه الله يهديه يارب بس لاتسكتين كل شي الا الطق بيتمادى بعدين اعوذبالله انسان شكاك الله يعينيج يارب ويفرجها عليج وش صاير في العالم شي يخوف

dada.b6a
10/01/2011, 03:26 AM
اليوم اتصل واااايد تقريبا صارو 45 مكالمه لم يرد عليها وطرشتله مسج كتبت فيه ( هلا امر عسى ماشر هالقد مكالمات ) جان يتصل على طول وقال انا مريض والبيت من دونج مايسوى وانا نايم تحت بالصاله عند امي لأن مااقدر انام بشقتنا لأن ريحتج بكل مكان وقلبي يعورني اذا شميت ريحتج انا ندمان ومشتاق لج و الله لايوفقني اذا مديت ايدي عليج او طولت لساني عليج تكفين ردي البيت ترا مكانج كبير وانا ندمان :'( اخخخخ بنات المشكله ان نحب بعض واول مره يصير بينا مشكله بهالطريقه ولامره وصلت مشاكلنا للضرب والسب بس ابي اعاقبه عشان مايعيدها :'( وترا اهو طبعه شكاك وغيووووووووور ودايم اذا بنطلع مايخليني احط مكياج او ارش عطر ويخليني ألبس ملابس واسعه. .. بس انا من الصدمه عقب هالمشكله موقادره اسامحه :'( ابيه يتأدب ويندم ويتحسف على اللي سواه

غلآ نآصر
10/01/2011, 03:32 AM
=(
الله يعينج ..

بس لآتطوفينها له ولآ تسكتين عنه حقريه بعد اسبوع و صج بيعورج قلبج بس خلج جي عشان ما يعيدها مره ثانيه ..
و طنشي مسجاته و اتصالاته

و بعدين لما ترضين قولي له ليش سوا هالشكل .. و بتعرفين السبب

شووق المشاعرر
10/01/2011, 07:27 AM
احس عندة مرض نفسي لا ترجعي له لين يعرض نفسه على دكتور نفسي
واحسشي انك خبرتي اهللك

ملكه المآس السمر
10/01/2011, 07:46 AM
اجلسي بيت اهلك وطنشيه الييين يتادب... بس صدقيني معاه مرض نفسي او سحر او شي..

لانو صاحبت خالتي اخوها زي كده لمن يعصب تجيه زي الحاله لاشعوريا يضرب او يقول كلام يخربط ومايهدا الا لمن يرشوا عليه مووويه او شي بارد وقتها يفوووق... بس مررره طيب وحنووون مستحيل يترك زوجته او بناته ينامو وهما زعلانين منو وطلباتهم دايما اوامر ماشاء الله عليه.

بس صدقيني اللي فيه زوجك اما مرض نفسي او مسحور.. بس الغلط الاول والاخير من اهلو لو كان هادا الشي من زمااان عنده وهما عارفين وساكتين لكن اذا ماكانوا عارفين ياليت تبلغيهم الي سواه ولدهم فيكي

صمود إمرأه
10/01/2011, 07:51 AM
الله يعينك
اكره الازواج لي ماعندهم اسلوب غير الضرب
وين الثقافه وين التعليم وين الموده والاحترام

الله يهيديه بس

عين قطر
10/01/2011, 03:01 PM
دام اعتذر وصار لج فتره ببيت هلج خلاص عاااد ارجعي له اتوقع عرف غلطته بعد حطي ببالج الريااااال ما يحب يتم يحن وااايد انا اقول خلاص ارجعي وتوكلي على الله..وحسسيه بغلطته ببيتكم..

جمر الحنين
10/01/2011, 03:09 PM
لا تستكطين عنه ابد

لانه راح يتعود


ولا تسامحينه عن فعله الا بشروط

الصراحة الدنيا مو سايبة


وانتي بنت متربية وعند اهل

مو شايفنج بالشارع عشان يطقج


وولا تجذبين على اهلج قولي لهم الصج

عشان يوقفونه عند حده

ومرة ثانية يعرف ان وراج سند وظهرر

مو لعبة

يوم يضرب

ويوم ثاني سامحييني


صراحةو انا انقهرت



لو اني مكانج ماسكت له