المساعد الشخصي الرقمي

مشاهدة النسخة كاملة : ممكن اكون ضعيفة شخصية :/



بسمة طفله
03/01/2011, 01:34 AM
السلام عليكم

اخواتي انا عندي شغالة وكويسة وكل شئ
بس متعبتني في شئ واحد
وهو التلفزيوووون

يعني تخلص شغلها وجرررئ
وتنرفنزي الريموت في يدهااا رغم اني لو قلت قفليه تقفله بس استحي واحس حراام
للعلم هي تتفرج ع مسلسلات يعني من وجهة نظرها انها تستفيد وتتعلم

مااحب اقول للشغالة سوي وسووي كل شوي مثل بقية اخواتي لالا ودي هي تقوم من نفسها تعرف كل شئ

يعني يابنات الفزيون شئ قاهرني
بس اذا فكرت احيان اقول تلفزيون ولا دشرة ومكالمات شباب وقلة حيا

انتووووو وش رائكم ؟؟؟؟؟؟

سندريلا الكون
03/01/2011, 01:42 AM
اختى اذا كاانت شغالتك قايمه بكل شغلها على اتم وجه خليها تشوف شي بسيط من التلفزيون بس لاتخلين الحبل على الغارب وتخلينها وقت كثير عن التلفزيون لان كذا راح تتمادى وتتسحب شوي شوي عن شغلها وماتشوفينها الا من مسلسل لمسلسل وكانها صاحبة البيت
انا من رايي انك اذا شفتيه طولت كثير على التلفزيو اخذي الريموت من ايدها بكل هدؤ وقولي لها انتي جيتي هنا عشان الشغل مو علشان التيفي
واذا شفتي هالشي يضايقك وقفيها عند حدها وامنعي عنها التلفزيون
واما عن خوك من المكالمات وغيرها لا تخلين معاها جوال الا اذا كنتى مرسلتها برا للضرورة واذا بالبيت اكيد الثابت يكفيها اذا بتكلم اهلها
وربي يستر عليكم ويكافينا شر الخدم

mrs.7la
03/01/2011, 02:35 AM
انا اقلك جيبيلها تلفزيون في غرفتها احسن ماانها تستخدم تلفزيونكم عشان حتى اذا انخرب تكون هيا مسؤوله

احساسي المرهف
03/01/2011, 04:07 AM
حرام موالى هالدرجه القلوب تكون قاسيه لاتشدي لها مره ولاترخي لها مره خديها بالضمير اللي في النهايه ماراح يانبك مهما كان هده انسانه ادري ان شغلها انها تقوم بعملها بس حتى لو ادا صرتي معاها حنينه وطيبه اهي اصلا راح تكون اطيبب من ماتوقعتي اسمحي لها في بعض الاوقات

الجوهرة
03/01/2011, 07:43 AM
والله ضحكتني اللي قالت هاتي لها تلفزيون في غرفتها

ياليت اللي عندها خدامه وراعية بيت اهي اللي ترد على هالمشاكل

مب كل واحد يفتي على كيفه

الله يصلح احوالنا

life is dream
03/01/2011, 09:39 AM
اختي لازم تغيري اسلوبك معاها .... وقت الشغل شغل ووقت التلفزيون تلفزيون

nice-girl
03/01/2011, 03:46 PM
هلا اختي انا اقول خليها تشوف التلفزيون وتتفرج عادي اهي بعد بشر واهم شي كثل ماقلتي اهم قايمة بواجبها عدل يعني اغلب خداماتنا نخليهم عادي وخصوصا اخواني صاروا كبار يعني ماعندها شغل وايد في البيت واحيانا انا اناديها علشان تطالع بس اللي ماحبه انها تتفرج ومعاي لانهم وايد يصدقون اللي قاعد يصير وخصوصا في الافلام الاكشن يقعدون يقولون يمة ومادري شنو ويصيحون هههههههههه يندمجون كثير

عروسة غير
03/01/2011, 03:49 PM
اولاً هي إنسانه ترا مافيها شي لو طالعت التلفزيون


يعني الحين نسمع بالسجون يحطون لهم تلفزيونات لانهم يعتبرونها من حقوق الانسان


مايصير تمنعيها وفي نفس الوقت

ما يؤثر هالشيء ع شغلها

يعني الشغل له وقت والتلفزيون له وقت

والأهم من ذي كله المراقبة

لاتخلينها تطالع اي شي وبكيفها يلسي معاه جوفي شتطالع وهلون

؛بربق أمل؛
03/01/2011, 10:16 PM
ياأختي عادي الوضع أهم شي مايكون في تقصير في شغلها وإذاحسيت إنها مضايقتك جيبي لها تلفزيون خاص فيها

هدبا
03/01/2011, 10:39 PM
عـــــــــــــــااادي جدااا ...

هي انســـانه ...

الخوافي
03/01/2011, 10:46 PM
اممممممممممممممممم

ماعندي رد ماعرف شوه ارد .....

انااا شغلتي تشوف التلفزيون الصبح مع العيال يوم انااا مش موجوده لني حرمته من الشغل الصبح تتفرغ للعيال وتشوف التلفزيون والعيال عندهااا

بس من الظهر مافيه تلفيزون فيه شغل في شغل ....

ذابحهم غرووري
03/01/2011, 10:47 PM
اختي لازم تغيري اسلوبك معاها .... وقت الشغل شغل ووقت التلفزيون تلفزيون

:thumbs_up:

مشكلتي دلوعة
03/01/2011, 10:49 PM
حبيبتي عادي تطالع بالقدر المعقول يعني مو اي شي تطالع فية انتبهي خصوصا من المسلسلات الهابطة الى تشعل غرائزها وتتجة لاامور ثانية او من الاشياء الى فيها عنف وتطلع قهرها بالصغار
يعني تطالع وانتي موجودة وكمان المكالمات اذا على الجوال مو زين يكون معها وتكلم علي كيفها بكرة تواعد او هيك شي هم هالشي عادي عندهم ... ربي يكفينا انتي الجوال خلية معك دقو اهلها تعطيها تبي تكلم برضة اعطيها بس يكون معاك ...
وفي الاخير هي انسانة لا تحرميها مررررررة من كل شي امسكي العصا من النص لاتكوني قاسية ولا لينة مررررة خلصت شغلها كلة اتركيها تريح وترتاح وتنبسط شوية بس دايم خذي حذرك ..

ريحآإنة الجنه
03/01/2011, 11:53 PM
ادا هي بتشتغل و لما بتنتهي بتتفرج عادي ماتحرميها مسكينه الله يخليك

×بحرينيه موووت ×
04/01/2011, 01:49 AM
عاادي

انا شغالتنا اذا تخلص شغلها تقعد اطالع

ولا ساعات انزفها عشان تبطل التلفزيون واطالع

ومسكينه ماطالع الا القناه الهنديه

خليها اطالع مافي مشكله