المساعد الشخصي الرقمي

مشاهدة النسخة كاملة : نظرتكم لهلموضوع



فراشه حمرا
02/01/2011, 06:33 PM
مساكم ورد

اعتذر عن غيابي لابي بين فتهر والثانيه يخترب ومليت منه بصراحه ولما يصيرلي وقت استعير لاب توب رفجتي والحمدالله ماتقصر


ندخل بالموضوع

اللي اهو اخت زوجي كانت حاجه وقبل لاتحج قالت لي فراشه ممكن اخلي بنتي عندج لان بنتها بعمر بنتي وتبيني ارضعها طبيعي مع بنتي فاقلت اوكي ماعندي مانع راجيه الاجر من الله

المهم رضعت بنت اخت زوجي طول الفتره اللي كانت عندي
وبعدين لما ازور بيت اهل زوجي او هم يجون عندي حماتي تقولي فراشه شرايج بوقت الحين تاخذين بنتي ترضعينها وانا اخذ بنت ارضعها عساس تكبر علاقتهم في بعض وانا بحسن نيه قلت اوكي ماعندي مشكله
المهم صار وقت رضعة بنتها خذيتها ورحت غرفه داخليه وقعدت ارضعها والحمدالله ارضعها بكل ذمه وضمير وكأنها بنتي ,, نامت البنت خليتها بالغرفه وطلعت رحت معاهم قعدت بالصاله
وعقبها بنص ساعه صارت رضعت بنتي فاقلت حق اخت زوجي توتو صار وقت رضعتها قالت اوكي بروح ارضعها راحت داخل شوي جان ترد يوووووووه اخذي بنتج يننتني عسره ماترضع يابنات انا اعرف بنتي لي صارت يوعانه ترضع مايهمها عادي
وللاسف اخت زوجي حطتني بموقف بالمره موحلو خلت البنت تصيح يوعانه حتى انا مااقدر ارضعها لاني كنت مرضعه بنتها قبل فا لازم اريح شوي

بنات ابي رايكم
هل اخت زوجي قاصده تسوي هالحركه معاي لانها اساسا ماودها ترضع لابنتي ولابنتها وقالت هالفكره عشان ارضى ارضع بنتها وهي تفبرك سالفه ان بنتي ماتبي ترضع



بلييز ابي رايكم خصوصا بعد ماتغيرت فكرتي عنها

@ green apple @
02/01/2011, 06:39 PM
طيب ولية لما هى قاعدة وموجودة مش ترضع بنتها

انا شايفة مش تنتبهي للموقف دا

لكن انتى عارفة مواعيد رضاعة بنتك

لو جت فى وقت قالتلك رضعى بنتى قوليلها معلش اسفة دلوقتى رضاعة بنتى والله او كمان نص ساعة او ربع ساعة

المهم حسسيها ان الاولية لبنتك

او قوليلها روحت للدكتور وقالى بنتك ما تاخد كفايتها فى الرضاعة

ولما قالك لية قوليلة برضع بنت اخت جوزى معاها فهيقولك ان دا غلط

المهم انك تخلعى نفسك منها

وربى يخليلك بنتك

أم الـجسمي
02/01/2011, 06:42 PM
هلا اختي

بصراحة لما كانت في الحج كان في مبرر انش ترضعين بنتها

بس الحين رجعت من الحج وكل أم ترضع بنتها او ولدها
وبلا علاقات ومادري شنو

الرضاعه من احد غير الام يكون في اوقات حاجة وحاجة ماسة ويكون الطفل رافض الصناعي
مو اوقات عادية والام موجودة ومافيها شي علشان تقوى العلاقات
بصراحة مادخلت مخي


وكل ام ترضع ولدها بنفسها الا اذا هي ماتت او فيها مرض
مو اذا صاحية ومافيها شي

flower82
02/01/2011, 06:56 PM
فديتج مادري,, بس سؤال يالغلا هل ريلج يعرف انج ترضعين حد ثاني غير عياله؟؟ لان اظن ف الشرع مايصير ترضعين اي طفل الا برضاه،،
ربي يسعدج

فراشه حمرا
02/01/2011, 06:58 PM
فديتج مادري,, بس سؤال يالغلا هل ريلج يعرف انج ترضعين حد ثاني غير عياله؟؟ لان اظن ف الشرع مايصير ترضعين اي طفل الا برضاه،،
ربي يسعدج



اي حبيبتي راضي

أنثى ملآئكية
02/01/2011, 07:00 PM
اعتقد حرام ترضعي بنت غير بنتك

اتقي الله يا مرآه
ربي يوفقج

weeb
02/01/2011, 07:28 PM
بصراحه كله فكره الرضاعه ما حبيتها بس الحين انت مالج دخل في اخت ريلج خليها ترضع بنتها بروحها وانت عليك بنفسج والله لا تذبحين روحج عشان اهل ريلج يرضون خلج في حلج احسن

ذابحهم غرووري
02/01/2011, 07:31 PM
بصراحه كله فكره الرضاعه ما حبيتها بس الحين انت مالج دخل في اخت ريلج خليها ترضع بنتها بروحها وانت عليك بنفسج والله لا تذبحين روحج عشان اهل ريلج يرضون خلج في حلج احسن

:thumbs_up:

أم وليد وجنا
02/01/2011, 07:39 PM
الله يهديكم ياخوات ... اللي جالسة تفتي و تحرم الرضاعة من غير علم اتقي الله واذا عندك دليل شرعي ضعيه هنا عشان الكل يستفيد....(( قل خيرآ او اصمت))

بالنسبة لك شوفي حبيبتي لاتحاولين تكبرين الموضوع وانسي اللي حصل وخذيها درس لك في المرة الجاية ... انت سويتي خير وأجرك عند رب العباد ... صفي النية واحتسبي ذلك عند خالقك .. تقبلي رأيي

فراشه حمرا
02/01/2011, 10:33 PM
up up up

.. أمــ عــلــيــ ..
02/01/2011, 10:36 PM
الأخت اللي تقول الرضاعة " حرام " من وين جبتي الفتوى ؟ وايش الدليل على التحريم ؟.!

انتبهي لا تحرمين شي من رأسك .. وعلى كيفك ..!!!

صاحبة المشكلة .. خلاص انتي اللي عليك سويتيه انك رضعتي بنتها وهي في الحج ..

والحين خلاص هي موجودة عند بنتها خليها هي ترضعها ....!!!

وخلك قوية برأيك .. بنتك أولى بحليبك من بنتها .. بنتها المفروض ما ترضع الا منها مادام انها رجعت لها بالسلامة ..!!!

خلاص .. وقفيها عند حدها .. ولا تخلينها ترضع بنتك ولا ترضعين بنتها .. واذا على تقوى العلاقة بينكم .. خلاص هي الحين تعتبر بنتك وأخت لبنتك بما انك رضعتيها فترة الحج كلها ..!!!

شفايف سكر11
03/01/2011, 12:52 AM
والله بصراحه حسيت مالها داعي وبعدين عذرها عذر اقبح من ذنب في احد يخلي بنته رضيعه ويروح الحج !!!!!!!!!!

ومالها داعي صراحه سالفه الرضاعه وتبادل هالصدوور على هالاطفال كل شوي وش علاقاته ووش خرابيطه اصلا كذا بيصير فيها السالفه خلط هذي اخت ماادري ميين بالرضاعه


وسالفه وبصراااحه مالها معنى كل هالسالفه الواحد ياخذ اجر بشي يستاهل مو على كل سالفه قال اجر اجر !!

M!ss CoLoRz
03/01/2011, 01:26 AM
اعتقد حرام ترضعي بنت غير بنتك

اتقي الله يا مرآه
ربي يوفقج

ما عندي تعليق على موضوع الأخت

بس تعليقي على ردج

بس مليون في المئة مو حرام!!!

الحرام إن الحين البنت اللي رضعتها تتزوج ولد المرضعة

mrs.7la
03/01/2011, 02:55 AM
اعتقد حرام ترضعي بنت غير بنتك

اتقي الله يا مرآه
ربي يوفقج
اختي انثى لا مو حرام لاتحرمي شي اختي ربنا ماحرمه فين حرام....؟؟؟!!!!! ربنا ماقال حرام بالعكس مافيها شي تصير بنتها بالرضاعه....واختي صاحبه الموضوع يمكن ماقصدت ويمكن بنتك مارضيت ترضع من صدرها يمكن مو متعوده على ريحتها ومتعوده بس على صدرك وريحتك...من رأيي انك تجربي تخليها ترضع بنتك قدامك عشان تتأكدي اذا بنتك عسره ولالا ولاتشيلي ببالك عادي يعني اذا كان لها سوء نيه ماكانت طلبت من البدايه انك ترضعيلها بنتها

قطريهـ ماتهابـ
03/01/2011, 09:19 AM
اعتبريه درس لج بنتج اولى بحليبج

وحاولي ماترضيعين حد ثاني لان بعدين يصرون كلهم اخوان بنتج ومايصير تتزوج منهم

life is dream
03/01/2011, 09:32 AM
خلاص حبيبتي ... لا ترضعين بنتها وقولي لها اي عذر ... مثلا بنتها موراضية ترضع نفس ما هي سوت
ونصيحة خلي اللي عندك لبنتك ترى الله سبحانه وتعالى مرسل رزق كل طفل معاه وهذا رزق بنتك حرام تعطيه لبنت اخت زوجك
انا مو قصدي حرام شرعا بمعنى حرااااااااااام المنحة ما اعرف كيف افسرها بس اكيد فهمتيني
وانا ما افتي في شي ما اعرف عنه

عروسة غير
03/01/2011, 04:12 PM
مدام ما عندددها عذر لا ترضعين بنتها

وبنتج اولى بالرضعه من بنتها

وخلاص لا تقعدين تفكرين بالسالفه

فراشه حمرا
03/01/2011, 08:13 PM
مشكورين خواتي

ديم..
03/01/2011, 08:22 PM
اعتقد حرام ترضعي بنت غير بنتك

اتقي الله يا مرآه
ربي يوفقج


لاوالله قولي قسم
لا بالله عليج انتي اللي اتقي الله 8o|
النبي محمد صلى الله عليه وآله رضع من حليمه السعديه وأمه آمنه وأخته شيماء من الرضااااااااعه
صباح الليل اوتعي 8o|

ديم..
03/01/2011, 08:24 PM
بصراحه كله فكره الرضاعه ما حبيتها بس الحين انت مالج دخل في اخت ريلج خليها ترضع بنتها بروحها وانت عليك بنفسج والله لا تذبحين روحج عشان اهل ريلج يرضون خلج في حلج احسن


معاهاااااااااااا في الرااااااااااااااي ,,,
بس يمكن ماتبي ترضع بنتها خوفا على نفسها من الترهل لانه قريبتي كذااااااااا

فراشه حمرا
04/01/2011, 09:16 AM
مشكورين ينات

عروس78
04/01/2011, 09:28 AM
مدام ما عندددها عذر لا ترضعين بنتها

وبنتج اولى بالرضعه من بنتها

وخلاص لا تقعدين تفكرين بالسالفه


:thumbs_up::thumbs_up:

فراشه حمرا
04/01/2011, 01:29 PM
شكرا,,,,,

غارقة في دوامة الحب
04/01/2011, 03:53 PM
اعتقد حرام ترضعي بنت غير بنتك

اتقي الله يا مرآه
ربي يوفقج




انتي شو تحرمين شئ الله حلله !!!

استغفر الله وين المذهب والدين !!!

وبحرينيه بعد فشلتينا !!!



فرااشه حمراا :طنشيها وسوي لها مثل ما سوت لج !!! او رضعي اول بنتج لانها اولى فيج ولا عليج من غيرج صحيح لج الاجر بس هي موجوده وانتي عندج بنت اختج مو بس بنتج

Cute Mother
05/01/2011, 03:10 PM
حبيبتي جزاج الله خير رضعتي بنتها وقت ما كانت امها بالحج الصراحة ما قصرتي
بس الحين اعتقد ما يحتاج كل وحدة ترضع بنتها وخلاص
وعن حماتج ما اعتقد انها تقصد شي يمكن صدق بنتج ما تقبلت ترضع منها لان بعض الاطفال يميزون حضن امهم من غيرها حتى لو كان عمرهم جم شهر

والله يخليلج بنتج

أليس في بلاد العجائب..
07/01/2011, 09:13 PM
مادام صدري فيه حليب ماأخلي بنتي ترضع من أحد ثاني وبعدين كل وحدة ترضع بنتها ماله داعي تدخلون في أشياء مالها داعي لإن البنت راح تصير أخت أولادك وبنتك راح راح تصير أخت للأولادها راح تدخلون في متاهات...

فراشه حمرا
08/01/2011, 12:18 AM
حياكم الله