المساعد الشخصي الرقمي

مشاهدة النسخة كاملة : انقطع قلبي لنصين



أيسكريم لايقاوم
25/12/2010, 09:31 PM
سلام بنوتات وعرايس شخباركم
انا نزلت موضوع قبل لما طحت من عيون ابوي و اشكر كل من ساندني ووقف معي بكلمه او بدعاء او حتى بمرور صارت بعض التجديدات الي ابي وبشده اني اسمع ارارئكم ومقترحاتكم وافكاركم بس رجاااااااااااااااءا بدون تجريح:sick:

طبعا مثل ما ذكرت قبل انا احب زميلي في نفس الجامعه وكان يتقدم لي قبل بس ما كان مقتدر ماديا وكلما يحاول بشي يفشل وكنت ارفضه وما اقبل لاسباب مختلفه ..:-#

والحين تقدم لي شخص من اهلي وآخر مره قررت اني اخبر زميلي انه ما يكلمني ولاشي الا لما يتقدم لي وتتيسر اموره ويصير قادر على الزواج منعا للمشاكل والخ ...

والحين كلمت الي من اهلي وطبعا بعد ما خبروا اهلي وابوي وكذا ..
المشكله اني ما احس بأي مشاعر تجاهه أحس انه مو الرجل الي كنت ابيه ومو الرجل الي يعجبني
احس نفسي مضايقه ومكتوم نفسي أحس اني متعلقه بزميلي وموقادره اني انساه لاني كنت احبه طبعا هو له عيوب وايد بس اجد نفسي اقبل بعيوبه واغمض عيوني عن عيوبه

واحس ان الرجل الي من اهلي ناقص وعصبي وما عنده طموح ولايحبني ويعشقني بنفس درجه زميلي احس اني ما اقدر اتخيله كزوج

زميلي كنت في داخل نفسي (وماكنت اظهر له هالشي ) انظر له بنظره أعجاب واستكبار كان طموووح و متفوق ..
والي فعلا اثر في داخل كياني ان زميلي حاول بكل الطرق انه يجمع مبلغ ويتقدم لي بس ماصار له منهم نصيب:-#

والمشكله ان علاقتي بأبوي تحسنت وايد والي من اهلي علاقتي بأمه وخواته وايد علاقه طيبه واحبهم واحترمهم واخاف اخرب علاقتي معاهم او يتضايقون مني وخاصه انهم رشحوني له وهو حسسهم انه يبيني...


مرات اقول في نفسي اصبري واهم شي عندي ان ابوي ما يكون مضايق مني وما اخرب علاقتي بأهلي واشوف العالم والبنات من حولي في الجامعه مخطوبات ومتزوجين واحس بالحسره...:(

ومرات اصرخ داخل نفسي واقول اني ما احسه يعجبني وبالعكس احس نفسي ما اقدر اعيش معه واذا الحين وانا احس بهالطريقه بكرى لما اصير معاه في بيت وتصير بينا مشاكل شنو بيصير؟؟؟:'(

طبعا دوختكم كلمه عربي فصحى وكلمه عامي :o
ومارديت على اي احد قلت في نفسي أهدأ واستشير وبعدين أقرر شرايـــكـــم؟؟

أم سلمى2007
25/12/2010, 09:49 PM
يا أختى الكريمة

الآن لماذا تحيرين نفسك؟؟؟؟

زميلك وقطعتى علاقتك معه حتى يصبح جاهزا

لخطبتك

قريبك هذا الآن أنظرى له نظرة منصفة بعيدا عن

المقارنات بينه وبين زميلك السابق

وبين مدى حب زميلك لك فهذا الحب هو مشاعر

عشق مؤقتة لابد ان يأتى عليها الوقت الذى تقل

فيه وفى بعض الحالات تتحول إلى مشاعر بغض

حاولى أن تنظرى إليه بشكل مجرد وعاقل هل به

صفات الزوج الصالح

هل ترتاحين له

إن شعرتى مع كل ذلك ومع استبعاد المقارنة أنك

غير مرتاحة له

أرفضيه بكل سهولة

ولا تجبرى نفسك على الإرتباط به وأنتى غير

مقتنعة به أو مرتاحة له عاطفيا

ومعيارك فى كل هذا هو صلاة الإستخارة

وفقك الله لكل ما يحب ويرضى

أختك فى الله ام سلمى

فهدونه
25/12/2010, 09:52 PM
أنصحك لا ترتبطي بواحد ألا عن قناعة تامة


لأن هذا زواج مش لعبة تتراجعي عنها بعدين


أدرسي الموضوع من كل جانب و الله يسهل لكF:

عروسة غير
25/12/2010, 09:55 PM
فعلا كلام أم سلمى صح ... لا تقارني بين الاثنين

طالعي قريبج اذا كان يصلج كزوج ام لا ....

واذا ما يصلح وما ارتحتي له لج الحق ترفضين

بس نصيحة لا ترفضينه عشان انج تحبين زميلج

أرفضيه اذا ما ارتحتي له

وماعتقد ان احد بعراض رفضج لان الزواج قسمة ونصيب والمفروض اهل الولد يتقبلون هالشي

كل عام احلى
25/12/2010, 10:04 PM
استخيري وربي يوفقج

m!ss lollita
25/12/2010, 10:31 PM
حاولي تنسين زميلك وادعي ربك بالثلث الاخير من الليل ينسيكي ياه و بالخر استخيري ربك عشان العريس

وربي يوفقككككككككككككككككككككك

مــجـــرد دمــعــــة
25/12/2010, 10:46 PM
جوفي يا اختي

مثل ما قلتي انج اتحبين زميلج و ما اتحبين اللي اتقدم لج اللي من صوب هلج

تعرفين شو السر في هاي

انج تعودتي على زميلج و بعدج ما تعودتي على اللي اتقدملج

انا برايي لا ترفضين اللي تقدم لج لانه موب كل مره بيي واحد ويطلب ايدج

فحبيبتي اولا استخيري و حاولي تنسين زميلج لانه هاااي حياااة صعبة بذات لو الوضعية المااادية تعبااانه

ف مع مرور الزمن بتذكرين كلاااامي
اللهم الحب بيكون سنتين بعد الزواج و عقب بتحسين ان عااادي (روتين)
اذكر يدتي كانت اتقولنا لا تعرسون ويااا واااحد ما يوصل ايده ف جيبه لانه عقب كيف اتصرفون على البيت و العيال و الخ...

اتمنى لج التوفيق

أميرة في قلب حبيبي
26/12/2010, 03:08 AM
يا أختى الكريمة

الآن لماذا تحيرين نفسك؟؟؟؟

زميلك وقطعتى علاقتك معه حتى يصبح جاهزا

لخطبتك

قريبك هذا الآن أنظرى له نظرة منصفة بعيدا عن

المقارنات بينه وبين زميلك السابق

وبين مدى حب زميلك لك فهذا الحب هو مشاعر

عشق مؤقتة لابد ان يأتى عليها الوقت الذى تقل

فيه وفى بعض الحالات تتحول إلى مشاعر بغض

حاولى أن تنظرى إليه بشكل مجرد وعاقل هل به

صفات الزوج الصالح

هل ترتاحين له

إن شعرتى مع كل ذلك ومع استبعاد المقارنة أنك

غير مرتاحة له

أرفضيه بكل سهولة

ولا تجبرى نفسك على الإرتباط به وأنتى غير

مقتنعة به أو مرتاحة له عاطفيا

ومعيارك فى كل هذا هو صلاة الإستخارة

وفقك الله لكل ما يحب ويرضى

أختك فى الله ام سلمى

oum saad
26/12/2010, 03:25 AM
استخيري الله عزوجل وان شاء الله خير
استعملي عقلك مش عاطفتك لانك في فترة صعبة

بسمه الروح
26/12/2010, 03:31 AM
و الله اذا انتي مو مقتنعه باللى تقدم لج لا توافقين

لمجرد الزواج او لمجرد يصير لج الاهم راحتش و نفسييتش

خبري زميلج بالموضوع ان في احد تقدم لج و شوفي رد فعله اذا ما زال يحبش بقول لج رفضي

ولا تسعجلين بعدج صغيره عمرش 21 سسنه و انطري شخص بالموصفات اللى تتطمحين ليها

و سعي ليها ما في شئ الحب اذا كان في حدود

مو تقولين بقعد في البيت و اللى يتقدم فرصه و بوافق لا و الف لا اذا سويتين جذي و خذيتين واحد لمجرد الزواج و بدون المواصفات اللى في بالج ما راح اتعيشين سعيده


و الزوااج اختيار و قرار و نتيجه

جنه ساكنها حبيبي
26/12/2010, 05:06 AM
بما ان زميلك اله عيوووووووووب واجد وتقدري تتحمليها لانش تحبيه وحاطتنه في بالك بس حاولي تتناسيه

وفكري بالقريب وادا الرجال زين واهلش موافقين ومو مترددين خلاص استخيري وصلي ركعتين وشوفي وش يصير

وعن نفسي ادا كان الرجال طيب واخلاق ودين هدا الا نقبل فيه مو مهم يكون زميل او صديق كنت اعرفه

يعني مو كل مره بيجيني زوج صالح غير كدا ارفضه وبعدين زميلي مايقدر يتقدم اللي او يحب وحده ثانيه ويتركني

أكليل البحر
26/12/2010, 08:13 AM
لا تظلمين نفسج وتظلمين لصبي
اذا ما تحبينه لا تاخذينه

مـشتاقة لـيك
26/12/2010, 08:32 AM
حبيبتي انا بقولج شي لما يصير الموضوع مرتبط بزواج لا تفكرين بأهلج

ولا بأي احد ثاني فكري بنفسج فكري بالشخص اللي متقدم لج

اذا انتي مو حاسه انج تقدرين تعيشين معاه لا توافقين علشان اي مخلووق ثاني

لان الشي نصيب في النهاية واللي ربج كاتبه لج بيصير

لان تالي مو اهلج بيعيشون معاه انتي اللي بتعيشين معاه وبتضوقين الحلوة والمرة وياه

فإذا انتي مو متقبلتنه شلون بتوقفين وياه بمشاكله و بأفراحه فحرام تظلمين شخص معاج

وانتي عارفة من البداية انج ما تبينه

بس انا اقول صلي استخارة وشوفي شنو

بس بالنهاية الزواج لازم تاخذين شخص عن قناعة كامله

ولا ما راح تقدرين تواصلين بالزواج

أيسكريم لايقاوم
26/12/2010, 10:26 AM
بس المشكله اني خايفه من نظره ابوي واخاف ازعل امه وخواته شي صعب لانهم اهلي
واعزهم واحبهم مثل خواتي وامي

والمشكله هذا الرجل الي من اهلي ما احس نفسي معجبه فيه ولا احس فيه طموحاتي بس بالعكس احسه مو جدا متدين وعصبي وما عنده ذره طموح ولاهو من النوع الي يطور نفسه ويطمح الى الافضل وشغلته مو عاجبتني
وبالنسبه لحالته الماديه يعني عآدي جدا

مـــا ادري شنو اسوي وانا ما ابغي اكسر قلبه واقوله اني ما ابيك لاني احسه بدى يحبني
وفي نفس الوقت مو متقبلته ...

Bossy22
26/12/2010, 11:33 AM
لو انتى مش حباه ارفضيه عشان متظلميهوش معاكى وربنا يوفقك

أم هـادي
26/12/2010, 12:21 PM
حبوبة اخذي الجانب الايجابي من الي اتقدملج و بين الي تقولين انج اتحبينه ..
جوفي الفرق .. الي تقدملج ريال مكون نفسه وياج من الباب سيده من غير لف و دوران ..
و اللي تحبينه لو كاااان يحبج صج جان ما خلاج هلون معلقه حتى لو كااان مو مكون رووحه ..
يقدر اقلها يتقدم لج و يبين لبيتكم ان شاريج و يبيج اتكونين مخطوبه له بس من غير عقد ..
و منها يثبت لج ان يبيج مو يخليج هلون .. شاللي يضمنج ان الي تحبينه بيي يخطبج مو ان يتسلى و يقضي وقت ؟؟
بتقولين لا يحبني و و و و ...... الخ من الحجي الي كل بنت تقوله ...
فكري بعقلج حبووبة و شيلي العاطفه منج ..
و اوزني الامورصح الزواج مو لعبه ما احبه ما يحبني ..
احسه ما يناسبني ..
و و و و ...

بالعشرة بتحسين غييير عقب ..
بالاخص ان كان الي متقدم لج ريال زين و اخلاقه تشهد له ..
و الاهم من ذي كله ابووج امج راضين و مقتنعين فيه ..
هاي دليل شنوو ؟؟ ان يحسونه ان هو الشخص المناسب لج ..
لو امج و ابوج ما يحسون هالشي جان ما استانسوو يوم يه و اخطبج ؟؟
و رحبوو فيه ..
تقولين شغلته مو عاجبتج ما عنده طمووح .. !!
ليش هالشي مقياس للزواج الناجح ؟؟

مو عاجبج شغله .. تقدرين انتي تشجعينه و يطور من روحه حتى يترقى او يحصل وظيفه افضل من شغلته ..
ما عنده طمووح؟؟ انتي تقدرين تزرعين الطموووح بداخله ان جافج طمووحه ..
تحسين انج ما بتفهمينه عصبي و و ... هاي مجرد احساس .. انتي ما عايشتيه ما جفتي طبايعه وياج ..
الريال ويا زوجته غيييييير ويا الناس خليها هذي نقطه في بالج ..
بالاخص ان كان الريال شاريج و يبيج .. و بيتكم مقتنعين منه لا تضيعينه من يدج ..
مو كل مرة بيتقدملج واحد صفاته الحمدالله مصلي و يصوم و اخلاقه واايد تمام .. شنو تبين اكثر من جذي ؟؟
بتمين تنطرين الحبيب ايمع و يتقدملج ؟؟ اقولج اصحي اختي .. لو يبيج كان اتقدملج حتى لو ما عنده و لا فلس ..
اقلها يبينلج ان شاريج .. و ما عليج من كلامه كنت باسوي جذي حق حالتي الماديه تتحسن بس ما صار .. الخ ..
و الراي الاول و الاخير لج اختي .. فكري بعقلج .. لا تخلين العواطف تسيطر عليج .. خلي قلبج على صوووب ..
جوفي عقلج شيقوولج .. المنطق شيقوولج ؟؟ ..
الحب مو اهم شي بالزواااج .. الحب ايي بالعشرة حبيبتي ..
و انتي الي تخلين الريال يحبج ويهتم فيج و انتي تبادلينه بالمثل بعدين بالاخص ان كنتي مرتاحتله ..
اول شي بتترددين ما اقدر افهمه بتقولين بينا مشاكل ما اعرف احلها .. لازم بدايه اي حياة يديده بتلاقين مشاكل ..
الحياة ما تمشي الا هلوون .. حتى تقدرين تفهمين الطرف الثاني لازم في اختلافات بينكم مع الوقت تفهموون بعض ..
حتى ترتاحين بعدين و ما تندمين عقب ..
و الله يوفقج ان شاء الله و يريح بالج و قلبج :)

أيسكريم لايقاوم
26/12/2010, 03:56 PM
:(

بالعشرة بتحسين غييير عقب ..
شلون وانا من الحين احس نفسي مو متقبلته






تقولين شغلته مو عاجبتج ما عنده طمووح .. !!
ليش هالشي مقياس للزواج الناجح ؟؟

مو عاجبج شغله .. تقدرين انتي تشجعينه و يطور من روحه حتى يترقى او يحصل وظيفه افضل من شغلته

ما عنده طمووح؟؟ انتي تقدرين تزرعين الطموووح بداخله ان جافج طمووحه ..


بس هالشي يختلف ... لما يكون الريال هو من نفسه ريال طموح ويطمح للافضل غير لما انا اقوله ويمكن تصير مشاكل اذا شافني متفوقه عليه لان الريال ما عمره بيحب انه يكون زوج وحده تنافسه وافضل منه



تحسين انج ما بتفهمينه عصبي و و ... هاي مجرد احساس .. انتي ما عايشتيه ما جفتي طبايعه وياج ..
الريال ويا زوجته غيييييير ويا الناس خليها هذي نقطه في بالج ..
بالاخص ان كان الريال شاريج و يبيج .. و بيتكم مقتنعين منه لا تضيعينه من يدج ..



يمكن معاي غير في وقت الراحه بس تجري الرياح بما لا تشتهي السفن




بتمين تنطرين الحبيب ايمع و يتقدملج ؟؟ اقولج اصحي اختي .. لو يبيج كان اتقدملج حتى لو ما عنده و لا فلس ..
اقلها يبينلج ان شاريج .. و ما عليج من كلامه كنت باسوي جذي حق حالتي الماديه تتحسن بس ما صار .. الخ ..


:( عدل كلامج





و الراي الاول و الاخير لج اختي .. فكري بعقلج .. لا تخلين العواطف تسيطر عليج .. خلي قلبج على صوووب ..
جوفي عقلج شيقوولج .. المنطق شيقوولج ؟؟ ..


:(


الحب مو اهم شي بالزواااج .. الحب ايي بالعشرة حبيبتي ..
و انتي الي تخلين الريال يحبج ويهتم فيج و انتي تبادلينه بالمثل بعدين بالاخص ان كنتي مرتاحتله ..
اول شي بتترددين ما اقدر افهمه بتقولين بينا مشاكل ما اعرف احلها .. لازم بدايه اي حياة يديده بتلاقين مشاكل ..
الحياة ما تمشي الا هلوون .. حتى تقدرين تفهمين الطرف الثاني لازم في اختلافات بينكم مع الوقت تفهموون بعض ..
حتى ترتاحين بعدين و ما تندمين عقب ..
و الله يوفقج ان شاء الله و يريح بالج و قلبج :)




مشكوره اختي ربي لا يحرمني مرورج ....

ذابحهم غرووري
26/12/2010, 04:37 PM
الي اقدر اقوله لج لاتجبرين نفسج على شي لان هذا زوووووووووووووووووااااااا ااااااااااااااااااااااااا اااج
واستخيري
والله يوفقج يالغلاااااااااااااااااااا

دانة المنامة
26/12/2010, 07:28 PM
انت دوختينا معاج. الناس اعداء ما جهلوا و يقاوموا اي تغيير بطبيعتهم. اعرفي نسيبج اكثر و عن قرب, اكيد فيه صفات زينة و لا تركزين على عيوبه لان كلنا فينا عيوب. و زميلك مو اهل للزواج, و ما يحبك, صح المادة مهمة بس يقدر يكلم ابوج و يحارب عشانج, بس هو مو من هذا النوع اللي يستحق التضحية.

.. أمــ عــلــيــ ..
26/12/2010, 07:47 PM
حبوبة اخذي الجانب الايجابي من الي اتقدملج و بين الي تقولين انج اتحبينه ..
جوفي الفرق .. الي تقدملج ريال مكون نفسه وياج من الباب سيده من غير لف و دوران ..
و اللي تحبينه لو كاااان يحبج صج جان ما خلاج هلون معلقه حتى لو كااان مو مكون رووحه ..
يقدر اقلها يتقدم لج و يبين لبيتكم ان شاريج و يبيج اتكونين مخطوبه له بس من غير عقد ..
و منها يثبت لج ان يبيج مو يخليج هلون .. شاللي يضمنج ان الي تحبينه بيي يخطبج مو ان يتسلى و يقضي وقت ؟؟
بتقولين لا يحبني و و و و ...... الخ من الحجي الي كل بنت تقوله ...
فكري بعقلج حبووبة و شيلي العاطفه منج ..
و اوزني الامورصح الزواج مو لعبه ما احبه ما يحبني ..
احسه ما يناسبني ..
و و و و ...

بالعشرة بتحسين غييير عقب ..
بالاخص ان كان الي متقدم لج ريال زين و اخلاقه تشهد له ..
و الاهم من ذي كله ابووج امج راضين و مقتنعين فيه ..
هاي دليل شنوو ؟؟ ان يحسونه ان هو الشخص المناسب لج ..
لو امج و ابوج ما يحسون هالشي جان ما استانسوو يوم يه و اخطبج ؟؟
و رحبوو فيه ..
تقولين شغلته مو عاجبتج ما عنده طمووح .. !!
ليش هالشي مقياس للزواج الناجح ؟؟

مو عاجبج شغله .. تقدرين انتي تشجعينه و يطور من روحه حتى يترقى او يحصل وظيفه افضل من شغلته ..
ما عنده طمووح؟؟ انتي تقدرين تزرعين الطموووح بداخله ان جافج طمووحه ..
تحسين انج ما بتفهمينه عصبي و و ... هاي مجرد احساس .. انتي ما عايشتيه ما جفتي طبايعه وياج ..
الريال ويا زوجته غيييييير ويا الناس خليها هذي نقطه في بالج ..
بالاخص ان كان الريال شاريج و يبيج .. و بيتكم مقتنعين منه لا تضيعينه من يدج ..
مو كل مرة بيتقدملج واحد صفاته الحمدالله مصلي و يصوم و اخلاقه واايد تمام .. شنو تبين اكثر من جذي ؟؟
بتمين تنطرين الحبيب ايمع و يتقدملج ؟؟ اقولج اصحي اختي .. لو يبيج كان اتقدملج حتى لو ما عنده و لا فلس ..
اقلها يبينلج ان شاريج .. و ما عليج من كلامه كنت باسوي جذي حق حالتي الماديه تتحسن بس ما صار .. الخ ..
و الراي الاول و الاخير لج اختي .. فكري بعقلج .. لا تخلين العواطف تسيطر عليج .. خلي قلبج على صوووب ..
جوفي عقلج شيقوولج .. المنطق شيقوولج ؟؟ ..
الحب مو اهم شي بالزواااج .. الحب ايي بالعشرة حبيبتي ..
و انتي الي تخلين الريال يحبج ويهتم فيج و انتي تبادلينه بالمثل بعدين بالاخص ان كنتي مرتاحتله ..
اول شي بتترددين ما اقدر افهمه بتقولين بينا مشاكل ما اعرف احلها .. لازم بدايه اي حياة يديده بتلاقين مشاكل ..
الحياة ما تمشي الا هلوون .. حتى تقدرين تفهمين الطرف الثاني لازم في اختلافات بينكم مع الوقت تفهموون بعض ..
حتى ترتاحين بعدين و ما تندمين عقب ..
و الله يوفقج ان شاء الله و يريح بالج و قلبج :)

قالت لك كل الكلام اللي كنت بقوله لك ..

حبيبتي .. فكري بعقلك مو بقلبك ..

وحبيبك الاول لو يبيك صدق كان تقدم لك ع الأقل بالكلام .. يقول لأهله يجون بيتكم ويتكلمون .. مو عذر " انتظر اجمع لي فلوس ".........!!! مبين عليه انه مو مستعجل على الزواج هذا ان ما كان بعد ما فكر يتقدم لك .. اللي بينكم مجرد صداقة عادية لا راحت ولا جت .....!!!

بصراحه انا أرشح انك تتزوجين قريبك .. مادام انه رجّال كامل والكامل الله .. والحب حبيبتي ما يجي الا بعد الزواج .. لا تخلين القصص الأجنبية تخرب تفكيرك ....!!!!

:study:

حساسه حيييييل
26/12/2010, 08:34 PM
اختي ايسكريم والله كلام ام علي مقنع واغلبية الاخوات ما قصرنا,حبيبتي الزواج مو لعب .الزواج مسوولية وعبارة عن موسسة لازم تدار بحكمة .حكمي عقلج .اعتقد عطيتي زميلج اكثر من فرصة وما بادر باي حركة ايجابية .توكلي ع الله ووافقي وتزوجي ولد عمج اهوة طيب ومع العشرة بتبين لج صفاتة ,وانتي استخيرى ربج وبنية صافية.فية وايد امورمع الوقت بتتبين لج.الشيخة من قرايتى حسيت انج تبين من الجميع رد واحد.تبين تسمعين انج فضلي زميلج بس الكل عطاج عكس توقعاتج ما لج غير ولد عمج,بعدين ما فية أب بيزعل لفرح بنتة ولو شرحتيلة الفكرة من كل جوانبها راح يقتنع .استخيري الله بارك الله فيج واستغفري الله .السموحة.ابوج لة نظرة وهوة ادري بالرجال

أيسكريم لايقاوم
26/12/2010, 09:12 PM
بس يا حساسه انا ما احس نفسي ابيه او احس بأي شي تجاهه حتى اذا اكلمه احس اني ابي اخلص بسرعه ومب طايقه اتكلم .. وما ابي اندم اذا اخذته
وابوي ما راح يعيش مع الولد انا بعيش معاه والشي الي خلاني اتذكر زميلي هو ان زميلي كان يعجبني طموحه وتفوقه وكنت احسه مثلي وهو بعد نفس الشي
بس الي يصير لي ما عنده طموح ومايبي يطور من نفسه وبصراحه في فرق واسع بين الشخصيتين واحس ان بصير معنا مشاكل ..
انا فعلا كنت احب زميلي ولاكن لو يتقدم لي احد غيره واجد فيه الطموح والكفاءه والأخلاق ما برفضه لاكني هنا محتاره لاني ما ابي ازعل ابوي ولا أهلي وخواته

كمايو
26/12/2010, 11:44 PM
قعدي مع الي متقدم مع اهلج وتكلمي معاه

شوفي نضرة للحياة وبمانج من اهلة بتقدرين تعرفين معلومات وايد شوفي اشلون علاقتة بأهلة طريقة كلامة تصرفاتة

اقعالة قعدي مع خواتة وسولفي عنة ترى هالاشياء وااايد مهمة واحنى نتقاضى عنها ما نفكر فيها اله بعد الخطبة او الزواج

ونتحسف عليها ....................... فكري

كمايو
26/12/2010, 11:45 PM
ونسيت اقولج ترى الحب مو اي شي

ولا حب الحين نفس حب قبل وااااااااااااااايد في فرق

غارقة في دوامة الحب
27/12/2010, 01:34 AM
صدقيني هذا مو حب هذا فراغ عاطفي خصوصا في نهاية كلامج اثبت الشئ ..انتي خدي خيره وخير انشالله

د\امونة
27/12/2010, 10:35 PM
الزواج من اهم شروطه القبول , واذا لم يكن هناك قبول بينك وبين الشخص اللي متقدملك ,يبقى ارفضيه بغض النظر عن علاقتك باهله

انا شايفة انك تقطعي علاقتك بزميلك نهائيا ولا تفكري فيه كزوج, وحاولي ان تتقربي من الشخص اللي متقدملك وتعرفيه اكتر ,يمكن لما تتعرفي عليه اكتر تحبيه

نزهة الزمان
28/12/2010, 02:57 AM
انا يا حبيبتي لما ما كنت خاطبه كنت احب شخص كثير ومعجبه فيه كثير واتخيله زوجي وكان بينا اعجاب قوي ولما اجا شخص اخر طلب ايدي صرت اقارن بين قلبي واللي متقدملي وهو متعلم وما ناقصه شي
بس ما قدرت اخترت اللي اختاره قلبي لاني ما ارتحت الا لما قلبي ارتاح مع انو ما كان متقدم لي بس بعدها تقدم لي وطلبني وخطبنا وقريبا بنتزوج


الحمد لله


اختاري اللي بيحبه قلبك

mrs.7la
28/12/2010, 03:00 AM
برأيي تصلي الاستخاره وربنا بيده كل شي وبيقدملك الحل الاحسن

العروس 22
28/12/2010, 03:23 AM
اللهـ يكون بعونكـ ويارب ربي يسر اموركـ باللي يسر خاطركـ
انتي اهم شي استخيري ولا تيسين من رحمهـ ربي والله انا كنت تقريبا مثل وضعكـ اللي ابيهـ ظروفهـ ماكانت تساعد لانهـ كان يدرس وما عندهـ وظيفهـ وتقدمولي واجد وما كنت اقدر ارفض لان ما عندي سبب مقنع واصلا اهلي كانوا معارضين زواجي منهـ من البدايهـ لانهـ حاول يخطبني بس ما وافقوا وخلاص تقريبا كلن راحهـ بطريقهـ
بس كنت دايم ادعي واستخير ان ربي يكتبلي الخير بحياتي لانهـ ربي اعلم بالاحسن لي
وبعد سنهـ وشهرين تقدم وهو متوظف حتى انا انصدمت لما ابوي جا وفتح معاي موضوع زواجي منهـ [سبحان اللهـ تغيرت الامور للافضل لصالحي 180 درجهـ ]
فانتي واضبي ع الدعاء وان شاللهـ ربي يكتبلكـ ما فيهـ الخير..
وصدقيني كل شئ غصب الا الزوااااااااااااااااااااا ج

life is dream
28/12/2010, 01:13 PM
الله يسهل عليك اختي ... بس انا بصراحة مافهمت شي لاني ماتابعت القصة الاولية

ســالــي
29/12/2010, 12:45 AM
استخيري الله

LoLo Wa BaS
29/12/2010, 03:35 PM
صلي استخارة ويمكن مع الايام والعشرة زميلك يكون مجرد ماضي ولمن تتذكريه تضحكين على روحك
انا ما اقول لج وافقي على الي من اهلج بس صلي استخارة وفكري بقناعة ترى الزواج عشرة عمر مو يوم ولا يومين لا تتسرعي عشان ما تاخذي القرار الغلط

والله يوفقج