المساعد الشخصي الرقمي

مشاهدة النسخة كاملة : ام زوجي ؟؟؟؟



Noor M
24/12/2010, 02:58 PM
السلام عليكم

بدخل ف مشكلتي على طول

من شهرين ولدت الحمد لله .. و قبل الولادة انا و زوجي احلى منا ما فيه .. و بعد الولادة بشهر علاقتنا و لا اروع .. بس في الشهر الثاني بعد الولادة تغيرت علاقتنا 180 درجة .. في هالشهر زوجي انتقل لبيت اهله لان سوينا لشقتنا صيانة .. و انا في بيت اهلي .. المهم صار زوجي يعصب علي ع ابسط شي .. و أبدا ما يهتم فيني و لا في ولده .. و لما يجي يشوف ولده يسمعني كلام مادري من وين ياابه .. مثلا يقولي الولد شكله مريض لأنك ما تهتمي فيه و انتي اصلا ما تعرفي للأطفال و الولد يسوي هالصوت من الحليب الصناعي ، و انتي ما ترضعيه من صدرج .. و انتي ما تقمطي الولد عشان جيه هو كله مريض .. و ليش تلبسيه عالملابس .. و ليش تحطي مكياج الولد يخاف منج .. و الخ
يعني يختلق كلام من راسه .. ولدي صحته زينة و لا عمره مرض الحمد لله .. و ما شا الله كل من شافع صلى ع النبي و مدحني ف تربيتي له و عنايتي فيه .. حتى الحرار اللي اغلب الاطفال يصيدهم ف منطقة الحفاض ولدي الحمد لله ما ياه .. و انا ما رضعت ولدي حليب صناعي الا قبل أسبوعين عشان اعوده عليه .. لأني اشتغل و إجازتي قربت تخلص ..
يعني كلامه ماله اساس اصلا و استغرب من وين يابه .. المهم لما ارد على كلامه ما يقتنع و يصر ع اللي ف راسه .. و بعدين يعصب و يطلع من عندنا ..

انا قلت لازم اعرف من يحشي راسه بهالكلام .. و مره ناقشت معه سالفة الحليب الصناعي و خليت امي شاهده اني ما عطيته .. عاد هو انحرج و قال ان امه قالت له اني ما ارضع ولده .. و من بعدها اكتشفت ان كل الكلام اللي يقوله ينقله من امه .. و بس صاير ينازعني .. يعني اذا بتصل فيه اسال عنه .. لازم يجيب سالفة عشان يصرخ علي .. اخر مره قالي طلعي تمشي و زوري صديقاتج بس ولدي لا تاخذيه معج .. هو ما يتحمل مشاوير و لا انتي ما علموج اهلج كيف تربي طفل ..
بنات انا من ولدت ما طلعت مكان .. حتى الشارع ما شفته .. اصلا كيف اطلع بدون لا استأذن منه .. لما قتله كذا قالي لا طلعتي و ناس شافوج ..!!!
خبروني شسوي فيه .. يصدق كلام امه و يردده ف كل شي .. انا ما قلت كل شي بس هذه أمثلة بسيطة ..
ياريت يردد شي واقع صدق صاير .. كله كذب .. و لما اواجه يكذبني و يصدق كلام امه ..

واللحين عرفت هي شو تبا .. هي محتره لان لما برجع لشعبي بخلي ولدي عند امي .. اللحين يقولي لما تردي الدوام امي بتمسك ولدي .. سكت ما عرفت شرد عليه .. وصلت حدي منه .. صاير انسان ثاني مو زوجي اللي اعرفه .. و صاير يردد وايد عبارة اذا الله رزقني بتزوج وحده ثانية .. مو مزاح و غشمرة .. يقولها بطريقة ثانية .. وانا متأكدة ان امه ورأ هالشي

و تخيلوا من بعد ما ولدت بأسبوعين واهدني بنقضي اسبوع ف منتجع .. و كان المفروض الاسبوع القادم .. بس لما امه عرفت .. سوت سالفة و قالت له انا بتم ف البيت بروحي محد معي .. و الاخ متصل يقولي ان هالاسبوع بنجلس مع امه و انه لغى الحجز ..

اللحين شو الحل .. هالحرمة شسوي فيها .. انا لحد اللحين ما تصرفت اي تصرف لا ويا زوجي و لا امه .. قلت أستشيركم عشان اعرف شو التصرف السليم اللي ارجع فيه زوجي لي ..

والله بنات صرت ما حسه يحبني .. يعني فرق كبير بين قبل و اللحين .. و بعد فتح له رقم ثاني و لما يجي عندي يكون قافل الجهاز اللي فيه الرقم الثاني .. و لما أسأله يقول خربان .. و هو ما يخرب الا لما يجي عندي !!

الله يستر ..


ساعدوني .. و اسمحولي اذا فيه اخطأ مطبعية لأني داخلة من تلفوني

نمنومة
24/12/2010, 03:23 PM
نور الله يكون في عونج لاكن شتسوين هذه والدته ولازم تتحمليها انا اقولج شنو اتساوين احسن شي انك اتحاولين تتواصلين معاها لان جائز هيه اتحس انك باعده نفسك وابنك عنها لهذه السبب هيه ضايجه وحاولي من زوجج يروح لعندها روحي معا واخذي ابنج وخليها تلعب معا واتكلمي معاها مثل مااتكلمين والدتج وحاولي دائما ان تساليها باشياء تخص ابنك وحتى لو كنتي تعرفيها حسسيها ان لها اهميه وانك ماتستغنين عنها وصدكيني بتشوفيها تتغير معاكي

نمنومة
24/12/2010, 03:25 PM
وفي ذاك الوقت بتحس انها مهمه وانك اتحبيها ومو متقصدين انكم تبعدون عنها

Noor M
24/12/2010, 03:30 PM
نمنومة .. تسلمي ع ردك .. يمكن صح ا باعده عنها .. بس هالشي غصب عني لان كنت والدة و صعب اطلع و غير ان الجو برد و ما ابي اطلع بولدي فيه .. بس مع هذا يوميا اتصل فيها .. انا بطبق اللي قلتيه .. و هالاسبوع بضحي و بقضيه معها .. و عسى تغير اسلوبها و ما تحشي راس زوجي بالكلام الفاضي

fery
24/12/2010, 03:50 PM
نوور انا حاسه بيكى لانى كتير عانيت من تدخل ام زوجى فى حياتى من اول يوم لزواجنا وهى بتدخل فى ادق تفاصيل حياتى الخاصة . وبعد ما خلفت ابنى برده كانت بتدخل فى طريقة تربيتى لابنى ودايما عايزه تبينى ان اللى بعمله غلط و هيه الصح تعبت كتيير اووى منها بس بالرغم من كده والله عمرى ما زعلتها . انصحك انك تتحمليها ومتحطيش اى تصرف تعمله فى دماغك و عامليها و كلميها كويس اووى كده صدقينى زوجك مش هيلاقى فرصه لانه يغلطك و هيحبك و يقدرك اكتر . و برده خلى زوجك يلاحظ اد ايه انتى بتهتمى بابنك و بتخافى عليه ده هيخليه ميسمعش كتير لكلام امه و يفهم انه كلام ملهوش لازمه وانك اكتر واحده بتخافى على ابنه و تحبيه.

.. أمــ عــلــيــ ..
24/12/2010, 04:32 PM
الله يعينك عليها ويهديها ويسخرها لكم ..

يمكن مثل ما قالت الأخت .. تحس انك بعيدة عنها وأخذتي منها ولدها ..!!

انتي حاولي تزوريها كثير الايام هذي .. وخوذي ولدك معك وخليه مثلاً يجلس معها فترة طويلة شوي .. تلاعبه وتدلعه .. يعني مثلاً اذا صرتي تجهزين سفرة العشاء خليه معها .. او رحتي للسوق ع السريع خليه عندها .. وان شاءالله تتغير معاملتها لكم ..

واحرصي على الهدايا سواء بمناسبة ولا بغيرها .. لأنها تقرب القلوب ..

هدوء الأسحار
24/12/2010, 05:10 PM
فعلا الزيااااااااارة يعني صلة الرحم عشان ربي يباركلك بزوجك وولدك

زوريها وياليت تاخذين بايدك شي كل مارحتي

كيكة سويها بالبيت والاسبوع اللي بعده هدية ولو بسييييطة غرشة عطر مثلا مع شيلة

يعني ترى ام الزوج تفررررح لما تزورها زوجة ولدها وتسال عنها وتهتم فيها

واهم شي دوري رضا ربك ثم زوجك يعني اعتبري وصلك لله تعتبر عبادة

وادعي ان الله يقر عينك بزوجك وولدك " ربنا هب لنا من ازواجنا وذرياتنا قرة اعين واجعلنا للمتقين إماما "

ادعي دايم بصلاتك وباي وقت واشغلي نفسك بالإستغفار وتلقين اللي يسرك بإذن الله

weeb
24/12/2010, 05:31 PM
سيري عندها جربي وعطيها الولد وعقب شوفي شو تعاملتها معاج

Noor M
24/12/2010, 06:43 PM
تسلمون خواتي ع الردود .. بسمع كلامكم .. و بروح عندها هالاسبوع .. مع ان هذا اخر اسبوع اجازة لي و بعدها برجع دوام و كنت أتمني اقضيه مع زوجي و ولدي بروحنا .. انا خايفة اسايرها ف اللي تبيه و تصير دائماً تتحكم بحياتنا .. يلا نشوف شو أخرتها معها .. انا مو هامتني هيه .. بس ابي زوجي يرجع لي نفس قبل

أحب أولادي
24/12/2010, 06:56 PM
نور حبيبتي الله يعينك
أنا مثلك عاااااااااانيت لكن الحمدلله زوجي عارف أهله
لكن مثل ما قالوا لك لأني كنت أسوي اللي قالوه البنات والحمدلله تغيرت لدرجة ما أقدر أروح مشوار صغير مع زوجي ولو سمعوا اني رحت قوموا الدنيا وقعدوها لكن الحمدلله
ربي يهدي لك زوجك ويسخره لك

أم سلمى2007
24/12/2010, 08:21 PM
بصراحة موقفك محتاج تفكير كويس جدا

وإلا أى خطأ هيزيد النكد بينك وبين زوجك

مثلا إذا جاء زوجك وقال لك لا تلبسين ابنى هكذا

كونى ذكية وقولى له خلاص ياقلبى كلامك هو

اللى هيمشى

بس تعرف أنا كنت سمعت الدكتور فلان الفلانى

فى قناة كذا بيقول إن الأفضل للطفل يلبس كذا

بس عامة إنت أكيد هتخاف على ابنك اكثر منى

لأن ده لحمك ودمك وما تتحمل عليه اى اذية تصيبه

نتيجة كلام أى حد مش متخصص

وبس

ونفذى كلامه اللى قاله لك شوية

حاولى تثبتى له إنك لست سيئة كما تتهمك أمه

وإنك لست عنيدة ولا تحاولين أن تفرضى رأيك عليه

وتشعريه بانه لا يفهم

فمن خلال كلامك اعتقد أن زوجك يريد فى هذه

المرحلة المرأة التى تجيد قول سمعا وطاعة

يازوجى الحبيب بدون نقاش أو تبرير

لأن هذه هى النقطة التى تعمل عليها أمه

أن تظهرك لا تفهم أى شىء وليس فقط هذا

وإنما إمرأة لا تطيع زوجها

ففوتى عليها ذلك كله

تريد ان ترعى طفلك فى غيابك

أتركى لها طفلك

ولكن إتفقى مع زوجك أن تتركى طفلك مع أمه

أسبوع ومع أمك الاسبوع الذى يليه وهكذا أسبوع

عند أمه واسبوع عند أمك لان امك ايضا تشتاق

لطفلك كما تشتاق له امه وأيضا حتى لا تشقى

أمه برعاية هذا الطفل الصغير الذى تزيد متطلباته

كلما كبر فى السن

ولا تحاولى أن تعانديه فى أى أمر اتركيه يتحمل

مسئولية قراراته الخاطئة ولا تلوميه على أخذه لها

حتى لا يكررها فقط عندا معك

وداومى على الدعاء بان يكفيكى الله شر حماتك

ويسخر لك زوجك ويبعد عنكما شياطين الإنس

والجن ويحفظ لكما ولدكما

أختك فى الله أم سلمى

النهاية
25/12/2010, 01:53 AM
الله يعينك
روحي الاسبوع هذا وقضيه عندهاوعامليها بالتي هي أحسن
والله ييسر لك امورك حبيبتي

زوجة حبيبها
25/12/2010, 02:10 AM
الله يسخرهم لك يارب مدري وش اقول ولا بيدي الا الدعاء لك اللهللصواب يكون بعونك ويرشدك وباين انك انسانه واعيه وفاهمه وعاااقله الله يحميك وين يلاقي به الزمن وحده تحتويه وتتفهم لامه والله يكون بعونك تقبلي مروري دمتي بكل الود

دفء الياسمين
25/12/2010, 02:34 PM
أختي العزيزة ....مشكلتك متشابكة فمن حيث ان زوجك كان في السابق لايتأثر بكلام أمه أو كانت حماتك لاتكلمه عنك ؟
ومالذي تغير الان ...يبدو ان البعد عنه جعله يستمع الى كلام أمه باعتبارها خبرة في التربية ...وفي نفس الوقت هو لا يجلس معك وقتا طويلا ليشاهد الواقع ....افعلي كما قالت الاخت ام سلمى وأثناء زيارته لك ركزي الى أشياء مشتركة بينكم ومواضيع غير الولد مثل ماكنتوا سابقا ومواضيع الولد لاتعطيها اهتمام واجد .........


تمنياتي لك بحياة سعيدة وهانئة

حساسه حيييييل
25/12/2010, 02:45 PM
اولا الف مبروك ولادة المولود.يتربى بعزج.شوفي ما دمتى بديتي ترضعينة صناعي .جربي تخلين الولد عند ام ريلج وقولي حق المحترم بنروح مشوار بنتغداء برع .شوفي مدى تحمل العمة وصبرها مرة ومرة وبتبداء تمل انتي عاد قوليلة انا ما اامن غير عند امك.خليها لين تمل بس فهمي امج بالمخطط عشان ما تتضايق واصلا ريلج بيمل من المشوار اليومي ومن تاففات امة .بتجلس تقولة ولدك وولدك لين ما يبدى يتملل من تصرفات امة .ربي يسهل امورج.انا عشت ما اهل ريلي وكانوا كذا ويتمللون بسرعة مجرد اخلي الولد واروح اسوى عشاء حق ولدهم ما اكمل 10دقايق الا وهم ينادون عليي تعالي شلية ع فكرة يكون معاي وانا اطبخ وبعد ما يساعدونى لا وبعد بياكلون معانا.ربي يكون بعونج ويهدي ريلج

رغييده
25/12/2010, 03:37 PM
هلا خيوتي نور وحشتييييييني من زمان ما دخلتي المهم خيو الله يعينش يا قلبي ونصيحتي

لش عاملي عمتش زي امك

بالضبط وحسسي زوجش بأهمية الوالده في حياتش وامدحيها دوووم قدامه وحاولي

تطلعين معه واتركي ولدش عندها ولا

تتحجين مع زوجش عن المشاكل ابدا وسوي ليه ليله حللللوه نسيه الدنيا وما فيها وانشاء

الله بتتحسن حياتش للافضل

احبش خيوتي وكان الله في عونش يالغاليه

الدنيا 2005
26/12/2010, 08:29 AM
مادري ليش ام الزوج تسوي جدي

تصدقين اني متزوجة صار لي 13 سنة وما اكل شي الا اذكرها قبلي وما تروح مكان الا انا التاكسي مالها

وبعد تبغي الشارة عليي عشان بس تقلب قلب ولدها عليي

رغم ان ولدها اذا نسى يسوي ليها شغلة اني اذكره

لكن مو ضايع عند الله

الله يساعدش

cheekygirl119
26/12/2010, 08:19 PM
نور حبيبتي انا حاسة فيج في مسألة ام زوجج
لان ام زوجي نفس الشي
تحشي راس زوجي باشياء مالها اي اساس من الصحة
وتخترع لها سوالف تخلي زوجي يعصب عليي
لكن انا رجعت شقتي من وقت لهاي السبب
لان لما يجي يكون معصب يسوي لي مثل مايسوي زوجج
ومن تقول امه شي يعتبره صحيح 100%
واذا دكاترة بلسانهم يقولون له الكلام الاصح مايقتنع فيه لان امه قالت يعني امه كلامها صح
لان مايعرف
ومسألة التلفون تجاهليها ولاتحطين اوهام في راسج وتقعدين تشكين
لان بعدين الشك ماراح يروح من بالج حتى لو كان مو مسوي شي
وبتصير مشاكل على قلة الفاضي

مثل حالتي
قمت احط نحاسي ويا زوجي على تلفونه الثاني وكل يوم هوشة وكل يوم مشكلة وفي النهاية على ولا شي مجرد تتعبين نفسج
حاولي تسوين الشي قدام عيون زوجج يعني كل شي امه تقوله ان انتي تسوينه راويه ان انتي في الاساس ماتسوينه عشان يعرف ان انتي ماتسوين شي مايرضيه
وفي هالحالة ماراح يكون عنده مجال يختلق اي مشكلة ووالسبب امه
والحمد الله انا كل شي اسوي لزوجي واراويه ان كلام امه غلط اثبته بشكل غير مباشر عشان ماتكون في حزازية بيني وبين امه

وان شاء الله خير يالغالية
اتمنى ماكون طولت