المساعد الشخصي الرقمي

مشاهدة النسخة كاملة : الخدامه وعمتي



خش خش
12/12/2010, 11:11 AM
السلام عليكم جميعاً


بكتب مشكلتي لكم وان شاء الله تحصلون لي حل لهاا تعبت منها


انا موظفة وعندي ولد عمره سنه ونص محتاجه حق خدامه في الفترة الصباحية تكون مع ولدي

لانه عمتي ام زوجي مريضه فيهاا القلب والضغط والسكر ماتقدر على الاهتمام في ولدي

المشكله انهاا ماتحب الخدم هذي ثاني خدامه اجيبهاا تطردهاا وتسوي معاهاا مشاكل

والحين انا ماعندي خدامه ثنتين وسفرتهم وزوجي ماايبي يجيب خدامه لانه تعب من موضوع الهواش ؟؟؟


أبي الحل شاسوي انا محتاجه حق خدامه اكثر من اني احط ولدي في حضانه الصبح .

فهدونه
12/12/2010, 11:25 AM
يمكن نصيحتي ما تعجبج بس انا أم و جربت كل أنواع

الضغوطات التي انتوا قاعدين اتمرون فيها و خبرة زواج طويلة

ما شالله .....

ما في مثل الأم لعيالها و سنة ونص صغير وايد على خدامة

تمسكة تدرين بالنسبة للطفل أكثر السنوات المؤثرة في

حياتة المستقبلية السنوات الأولى من عمرة لانها سنوات

بناء النفسية القوية الثابتة ليستطيع أن يكمل حياتة بأمان

و الله ثم و الله لا العمل ينفع و لا المال و لا اي شي يسوى

لما ولدج يكبر و تكتشفين أنج ما تفرغتي له و لا عطيتيه

اللي يحتاجه من تفرغ و حنان و راحة بال .....

أما أم زوجك فحاولي تقنعينها أنج محتاجة للخدامة

و أن كل أنسان لازم فية عيوب و الخدم بشر مثلنا

فنستحملهم علشان مصلحتنا....

أرجوا أن الفكرة تكون وصلتجF:

كادي الدلوعه
12/12/2010, 11:48 AM
الله يعينك على عمتك واضح انها شديده على الخدم

والله مايصير كل مره هواش انتي وزوجك عشان هالخدم

مافي احلا من الحضانه لولدك صدقيني ويتعلم ويلاقي ناس يكلموه ويلعبو معاه الصباح
افضل من الخدامه وحتى لو عندك خدامه افضل الحضانه لولدك :thumbs_up:


اما بالنسبه للخدامه وعمتك والله الحل بيد ام زوجك
لابد انها تكون مع الخدم اوكي :thumbs_up:ولا ماراح احد يتحملها :thumbs_up:


فكلميها ممكن ربي يهديها :thumbs_up::L:او اطلعي اسكني لوحدك والله يكووون بعونك :L::L::L:

كادي الدلوعه
12/12/2010, 11:50 AM
او عندي لك هذا الحل

خذي ولدك الصباح وخدامته وديهم لهلك
كل يووم

عشان تتجنب المشاكل معها الصبااااااااااح

والله يعينك:L:

.. أمــ عــلــيــ ..
12/12/2010, 04:17 PM
أحسن حل لك هو ~ الحضانة ~

في الحضانة يلاقي اطفال يلعب معاهم ويتعلم اشياء كثير أحسن له من ~ شغالة ~ ما تدرين وش تسوي فيه ؟.!

ويا كثر ما سمعنا عن مشاكل ومصايب الخدم وكيف يتعاملون مع الاطفال خاصة .. !!

ريحي بالك منها .. وولدك وديه الحضانة أضمن لك من الشغالة .. والله يعينك ويصبرك على مشكلتك ..

( :057: )

ْ

~

مربع دائري
12/12/2010, 04:43 PM
اذا انتي موظفه جيبي شغاله من جيبك
وخليها عند اهلك دايم وخلي طفلك عندهم .
ويجيك بالاجازات الاسبوعيه او بأي وقت تشتاقون له .
وتكون الشغاله عند الاهل طول السنتين

قلب ميدو
12/12/2010, 04:51 PM
بالنسبه للولد وديه للحضانه

وبالنسبه للشغاله جيبي من الشغالات اللي يجون باليوم وبلا مشاكل وبلا هم

Sweet N Sour
13/12/2010, 12:23 PM
اختي اعتقد ان الافضل للطفل سواءا نفسيا او تربويا انه يبقى اما عند جدته او بحضانة،،افضل كثير من الخدامة

أم هـادي
13/12/2010, 03:21 PM
اختي اعتقد ان الافضل للطفل سواءا نفسيا او تربويا انه يبقى اما عند جدته او بحضانة،،افضل كثير من الخدامة

:thumbs_up:

بالاخص ان كان تووه صغير يعني يحاول يفهم الي حوووله و ياخذ صفاتهم و اطباعهم .. و اللغة .....

دلوعة ومحد قدي
13/12/2010, 03:30 PM
اني نصيحتي اليش خيووو انش اتوديني ولدش الحضانة وعمتش قولي اليها يمكن تقتنع بالخدامة هالمرة واذا مااقتنعت خليها على راحتها


والله يعينش خيووو

لجلكـ بكيت
13/12/2010, 03:31 PM
الحضانه احسن

بنت الاصايل
13/12/2010, 07:32 PM
مثل ما قالوا البنات..
اختاري حل من اثنين..!

يا انج تاخذينه الحضانة وقت دوامج.. يا انج تودين الخدامة بيت اهلج اذا كان قريب منج..
والله يكون في عونج ويسهل لج

um yassaf
13/12/2010, 09:11 PM
انه بعد مع البنات الحضانة احسن من الخدامة او انج اتودينه بيت اهلج احسن له ولج

بلوووله
13/12/2010, 11:28 PM
حبيبتي خليه يتربى عند جدته هي اكثر وحده ممكن تاخذ بالها عليه وقولي لام زوجك بخلي الولد عندك انتي اامن واذا قالت لا قوليلها بخليه عندك والخدامه انتي تامرين عليها عشان ما اتعبك يعني سايسيها

مريوومة حياتي
14/12/2010, 01:28 AM
يمكن نصيحتي ما تعجبج بس انا أم و جربت كل أنواع

الضغوطات التي انتوا قاعدين اتمرون فيها و خبرة زواج طويلة

ما شالله .....

ما في مثل الأم لعيالها و سنة ونص صغير وايد على خدامة

تمسكة تدرين بالنسبة للطفل أكثر السنوات المؤثرة في

حياتة المستقبلية السنوات الأولى من عمرة لانها سنوات

بناء النفسية القوية الثابتة ليستطيع أن يكمل حياتة بأمان

و الله ثم و الله لا العمل ينفع و لا المال و لا اي شي يسوى

لما ولدج يكبر و تكتشفين أنج ما تفرغتي له و لا عطيتيه

اللي يحتاجه من تفرغ و حنان و راحة بال .....

أما أم زوجك فحاولي تقنعينها أنج محتاجة للخدامة

و أن كل أنسان لازم فية عيوب و الخدم بشر مثلنا

فنستحملهم علشان مصلحتنا....

أرجوا أن الفكرة تكون وصلتجF:

:thumbs_up: