المساعد الشخصي الرقمي

مشاهدة النسخة كاملة : كيف يثبت لهم زوجي انه مو متزوج



*سمر*
07/12/2010, 12:03 PM
السلام عليكم
زوجي يسافر كثير لبلد عربي في شغل وانا متاكده انه شغل
لكن الناس طلعوا اشاعه انه متزوج هناك
ولما قلت له قام يضحك وقال لي ايش تبين اسوي عشان اثبت لهم اني مو متزوج
قلت له بعدين اقولك
وانا جايه استشيركم ايش اقوله يعمل عشان يثبت لهم
لانه يدري اني انغثيت من تلميحاتهم ويبي يريحني

فهدونه
07/12/2010, 12:30 PM
و ليش تثبتين لهم أصلاً من كانوا ؟؟؟

خلي أمورج بينج و بين زوجك و حاولي أذا سافر ما تقولين لهم

في ناس من الحسد أيحاولون أيشككونج بزوجج

أنصحج لا تفتحين له الموضوع و قوليله أنا مايهمني حد

و كثرة الزن على هالموضوع ترى الرجال بيستسهلها

أستغرب من الناس سبحان الله :|

نغمة أمل
07/12/2010, 01:06 PM
مثل ماقالت أختي ** فهدووونة ** المفروض ماتفتحين الموضوع قدامه ..لإنكـ بــ كذا راح تفتحين عيونه على شيء أهو غااافل عنه ...
ويمكن يحطه في باله يوم من الأياااام ... ولا يهمكـ كلامهم الناس إذا شااافو أحد مرتاح في حياااته ينغثوون ويحبون ينكدووون ...
فــ طننشيهم ولا تعطينهم مجااال انهم يتكلموووون بــ الموضوع أصلاً ... لإن هذا الشيء خاااص بكــ وبــ حياتكـ ..
وإذا تكلمووو أو شيء بيني لهم إنه مايسافر إلا لإنه في شغل عشان يوووفر لي ولــ ألادي العيشة الهنية ولقمتنا الحلال ...
وبــ النهاية أقووولكـ رضا الناس غاااية لاتدركـ ... ولا تتعبين نفسكـ معهم مادام أنكـ واثقة بــ زوجكـ ...
ودمتِ بــ حفظ الرب ...

ROSE3ROOS
07/12/2010, 06:34 PM
والله ماعندي لك حل لكن صج شلون بيثبت لهم؟؟؟ وانتي ان اليوم اثبتي لهم انه مومتزوج باجر بيقولن اي موشرط متزوج .......عاد ناس وحجيها ...انزين انتي بتقظين عمرك تثبتين لناس ....وتدوخين عمرك ماراح اقولك تفتحين عينه لان مافي ريال عينه مومفتوحه وعارف وقادر لكن عاد الثقه مهمه وربي يبعد عنك كل شر ويخليلك ابو عيالك

آهات مكتومة
07/12/2010, 06:42 PM
مو مهم الناس المهم انتين واثقه فيه واذا زدتين في الحنة يثبت للناس بيطفش وبتصير مشاكل بينكم اهم شيء انتون متفقين ومرتاحين مع بعض

تعلمت من الدرس
07/12/2010, 06:53 PM
وش عليك في الناس اهم شي انت تكوني عارفة قصده من السفر عمل مو شي ثاني ولاتفتحي عيونه بكثر الحنه يروح يسويها ويتزوج من وقتها تكوني انت اللي هدمتي بيتك بيدك اهتمي بزوجك وحياااااااااااتك مالك في كلام الناس لا راح يقدم ولا يأخر الا راح يخرب بيتك
طنشي ولاتهتمي

lovely-one
07/12/2010, 07:23 PM
روحي معاه كذا مره لنفس البلد

موفقه

اريج الليلك
07/12/2010, 07:43 PM
فعلا مو مهم الناس يعرفون .. المهم


انتي واثقة فيه ومتأكدة انه ما يخدعج وسوي شي من وراج ..


عيوني ما عليج منهم اهم ماعليج ريلج وهم بطقاق ..


اصلا بتقولين لمن وبتخلين من النـاس الفاضية


شغلتهم بس اطلعون حجي على الاوادم .. يبون بس احد يعلجون فيه ..


الله يخلي لج زوجج ولا اتحطين ها السوالف في مخج ولا شي ..

إشراقة نور
07/12/2010, 09:45 PM
لاتستمعين لكلام الناس وخليكي واثقة من زوجك وإذا ظروفك تسمح ولاعندك إرتباطات سافري معه وزي ماقالوا الأخوات لا تحاولين إنك تشكين فيه أو إنك مانتي واثقة فيه.. بس كمان راقبي زوجك من بعيد ولاتهملينه..

ساهرة مع القمر
07/12/2010, 09:52 PM
الناس ارميهم ورا ظهرك


وخليهم آآآآآآآآآآآآآآآآآآآآآآآآآ خر اهتماماتك


ومش مظطره تقنعينهم او تثبتين لهم


اهم شي انتي عارفه زوجك

عروسة غير
07/12/2010, 09:57 PM
ماعليج من كلامهم أهم شي انتي واثقة من ريلج خلاص خل الي يتكلم يتكلم

انفاسـﮱگ دخـﮱون
07/12/2010, 11:50 PM
انتي وش عليج بالناس وكلامهم الناس مالهم الا الظاهر مايدرون عن شي وهذي حياتكم الشخصيه منتم ملزومين تبروون ولا شي ولا تاخذون راي الناس بشي انت ليش شاغله نفسج بها الموضوع اذا كنتي واثقه فيه لاتخلي احد يخرب حياتج ولا تسمعي لكلام الناس الناس مايحبون الخير لااحد

Rabea3 al-ward
08/12/2010, 02:01 AM
مثل ما قالت اختي فهدونه
شكوو تثبتين لهم
منو اهم
اهم ماعليج ريلج وانتي واثقه فيه
جذي تبينين له انج مو واثقه فييه وتضايقيينه
ترى اهم يبقون ناس لا راحوا ولا يو مابخربون حياتج الا اهم وبيهدمونه لج وبتعيشين في ندم
انتي تعرفين ريلج اكثر منهم مايحتاي تروحين تقولين له المفروض انتي تثبتين لهم ان ريلج ماله بهالسوالف
ترى بني اد مايملي عينه الا التراااب تركيهم عنج وخلج ويه ريلج لا يثبت لهم ولا يبين لهم ولا تخربين بيتج يمه

كادي الدلوعه
08/12/2010, 09:07 AM
وشعلي انا من الناس وشعلا الناس منا :D:D:D:D:D:D:D
اذا اثبت لكي كأنه اثبت لجميع الناس:D
الناس تعرف ذلك من عيونك:D
اذا انتي سعيده ام حزينه :D


اعطيه الثقه ولا تعطيه الامان
تكوني سعيييييييييده :):):)

غلاs
08/12/2010, 10:44 AM
مرحبا .. حبوبه

انا بقولج وايد تصير جدمنا .. ها المواقف .. ودايما احصل ردود افعال مختلفه

بحيث اذا حد قال هكو تزوج عليج وحده.. تقول برايه محلل له 4
وبعد فتره وصل لزوجها ها الرمسه .. وحطه في باله ومن بعد فتره تم يقول لزوجته بتزوج بتزوج ..
وهي ساكته عنه ما ترد عليه .. الين ما تزوج وصارت امبينهم مشاكل

و الثانيه تقول .. الحمدالله انا مب امقصره بشي .. لو انتو جفتو ولا خبركم اسالو بشو مقصر وجوفو شو رده بيكون

اهني الزوجه واثقه من نفسها حتا جدام اهله .. وتقول اذا تزوج علي عادي .. ايبلي ورقة الطلاق .. انا اوفي له بكل طلباته وحقوقه وهو يتزوج انا ما اباه

وهاي الشخصيه معروفه انها قويه مب وحده على نياتها لا .. اذا حد قال لها شي ما عيبها ترد عليه ذيج الساعه وعايشه حياتها .. وزوجها مب امقصر معاها


عطيتج موقفين ..

يعني كل منا يعاني بها الشي .. وخصه الحريم الي مختلفين ولا منقطعين ع بعض ولا ما تزجو بالاساس ,, يقولون ها الرمسات الي تقهر بالزوجه الي مع زوجها سمنه على عسل

وانا اقول خذي حقج بيديج .. مب شرط تظاربينهم لا قولي كلامج وعلى حق .. وبيني لهم انج واثقه فيه حيل حيل ..

يعني زوجج شو له دخل اذا الناس تكلمو عنه
انتي الحين سكتي عن الناس و عاتبتي زوجج صح ؟

انا اقول .. انج ما تفاتحنه بالموضوع واذا سالج قوليله انا واثقه فيك ومن ها الكلام الحلو

وبس هذا هو راي


و بالتوفيج حبوبه ..

عين قطر
08/12/2010, 11:08 AM
حبيبتي مب شي مهم عشان تثبتين للناس...ارضاء الناس غايه لا تدرك ولا تسمعين كلام النااااس لان كلامهم واااااايد وطنشي لهم واهم شي انتي واثقه فيه وما تخلين كلام الناس ياثر فيج..الكلااااام ما يخلص..

حور السلطنة
08/12/2010, 11:13 AM
لا تسمعين كلام احد اهم شي الثقة اللي بينكم

umjana79
08/12/2010, 11:26 AM
اختي تبين تثبتين حق نفسك ولا حق الناس..

ان كان حق الناس... فكلام الناس ما يخلص .. وهو فعل من افعال الشيطان عشان الوساوس... ويركب هالشي براسج مع الوقت"

عيشي حياتك وخلي اذن من طين واذن من عجين

ام جنى

حبيبة زين
08/12/2010, 01:29 PM
اسمعي
مالك با الناس وخلي راحة بال الفضولييين اخر اهتماماتك
بس اجلسي مع زوجك جلسه هااااديه
وقولي له مالي في الناس داهيه تاخذهم
اهم شئ احلف انك مو متزوج وبا المصحف
واذا حلف صكري الموضوع وعيشي حيااتك عادي

سومه جده
08/12/2010, 02:35 PM
ماراح يفيدوك الناس اذاصارماصارولاتسمعي كلام الحاقدين يمكن بيخربواعليك وانتي على نيتك الطيبه وقوليلهم لومتزوج هو لي انابالاول والاخيرلوياخذعشرين

مووووف
08/12/2010, 05:21 PM
قولي لهم
اذا الله كاتب له انه يتزوج بيتزوج غصب عني وعنكم

Lovely lolo*
08/12/2010, 07:15 PM
روحي معاه كذا مره لنفس البلد

موفقه


:thumbs_up::thumbs_up:
سافري معاه

oum saad
09/12/2010, 01:04 AM
ارضاء الناس غاية لا تدرك

غريبة في دنياي
09/12/2010, 05:16 PM
ما عليكي منهم

**ام يارا**
10/12/2010, 02:50 AM
الناس مايعجبهم العجب ,,,

mrs.7la
10/12/2010, 02:57 AM
ليش تثبتيلهم مالك ومال الناس كلامهم لايودي ولا يجي ولا يأكل عيييييش خليكي منهم الناس ماعليها غير الكلام خليكي انتي وزوجك بحالكم ويكفي انك واثقه فيه وانت ادرى

ميمونة وبس
10/12/2010, 03:45 AM
حبيبتي الناس بلا للناس ما عليكي فيهم مدام أنتي بتحبي زوجك وواثقه فيه ولا يهمك ومدام متأكده أنو بحبك ومستحيل يسخى فيكي تحت أي ظرف ولا يهمك عملي أدن من طين وأدن من عجين وبنهايه الحساد حولينه أكتر من الحبايب وما تصدقي وحده بتحطك وبتقلك أنتبهي من زوجك وزوجك عامل وزوجك مساوي ألا وبتغار منك وبذات عمقولي أنو منيح معك فالعيون مفتحه عليكي الله يجيرك ويخليلك زوجك تاج فوق راسك يا عمري فلا تحطي ببالك حكيهم ولا تظهري لزوجك أنو هالموضوع مأثر عليكي بشي لأنو الرجال قد ما كان ألا ما يمر بلحظات ضعف فخليه دوم عاملك حساب وعرفان ومتأكد أنو ثقتك فيه مستحيل تنهز ولا بأي شكل من الأشكال مع تمنياتي لك بالهدوء وراحة البالF::L:F:

ام القراعين
10/12/2010, 03:58 PM
سبحان الله مشكلتك نفس مشكلتي اول ماقريت المشكله قلت يمكن اكون اني هههههههه شوفي عزيزتي ماعليش من كلامهم طنشي والي يقول لش قولي لهم اني عشره مع زوجي وواثقه فيه تجون انتو بين يوم وليله تخربوها والافضل من هذا انك تحقريهم ولا كنك تسمعيهم وتجاهلي نظراتهم ومسيرهم راح يكتشفو انهم غلطانين ويتفشلو بينهم وبين حالهم حزتها الي قالت لش لا تسامحيها ناس تبي تخرب بيوت حسبي الله عليهم مــــودتي

دانة وسط البحر
10/12/2010, 05:04 PM
مرحباااااا
انا مو متزوجة ولا اعرف بهذه المواضيع
بس حبيت اقول لك لاتهتمين بالكلام الناس لان كلام الناس لا يودي ولا يجين
اهم شي انتي وزوجك علاقتكم كويسة والحمدلله
لان انا كمان عمتي نفسك بضبببببببظ ان زوجها يسافر كثير وكان يسافر لشغل
بس طلعت اشاعات كثيرة بس هي ماكانت تصدقها وهو لامتزوج ولا شي
وربي يوفقكم

$دموع الورد$
10/12/2010, 06:43 PM
سافري معاه

orange mango
10/12/2010, 11:59 PM
خخخخخخ

انا لو منج بضحك وبقول هيه امعرس ماخذ موافقتي بعد