المساعد الشخصي الرقمي

مشاهدة النسخة كاملة : انا وريلي وعيالي



ام راشد الجابري
28/11/2010, 11:32 AM
السلام عليكم ورحمة الله وبركاته

شخباركم ,, شحالكم

هي مش مشكله بس ابا افضفض:biggrin:
انا مربيه من شهرين يبت بنوته وعندي غيرها بعد بنت وولد الحمدالله :) الله يحفظهم

بس من يبت الثالثه انا تعبانه ماعرف اخلي وقتي حقها ولا حق خوانها ولا حق ريلي

انا بعدني صغيره عمري 21 بس الي يشوفني يقول اكبر :'( من الاهمااال

وما شاء الله عيالي يطفرون بالواحد وانا صرت عصبيه واتنرفز بسرعه واضرب عيالي :mad:

حتى بنوتي الصغيره يوم تنش الصبح وقت عز نومي اضربها ع ريولها بس ع الخفيف خخ:hysterical:

وخذت الها مصاصه ( لهايه) بس ماتاخذها 8o|

ومن صوب ريلي يقول ماتهتمين فيني واهملتي واجباتج طشوونه وما يساعدني فتربية عيالي يوم اقوله ساعدني يقول ماعرف لليهال ها شغلج مش شغلي :( بس مرات اكسر خاطره يشلهم ويوديهم يلعبهم ولا عند امه لان انا ساكنه فبيت اهله بس عندي قسم لحالي,,


الحينه انا ابا اغير من نفسي 24 ساعه ب بجامة النوم :lol: كيف اغير من نفسي يعني شكلي اصبغ شعري اتحنى البس ملابس يديده والله ماعرف ومتعايزه


ادري موضوعي متلخبط بس فضفضه يعني



:woo:

السقف العالي
28/11/2010, 12:12 PM
الله يكون فى عونك اختي الحبيبه صحيح لازم تغيرين فى حياتك وفى طباعك حتي يتعدل وقتك ربي يسعدك ويسعدنا انه على ذالك قدير تحياتي

بنت العر
28/11/2010, 02:33 PM
الله يكون ف عونج صدق العيال يطفرون بالواحد ويطلعونه من طوره


غيري من شكلج غيري قصة قصتج وصبغي شعرج وتحني ولبسي ملابس مرتبه مب كله ببجامتج

حتى الريال له حق


ويوم يكون ريلج عندج لاتصارخين ع عيالج لانهم مايحبون الصراخ ولا تضربينهم جدامه

خليه هوه يتصرف


والسموووحه

منتهى الرقه....
28/11/2010, 03:08 PM
ماشالله 21 وثلاثة عيال متى تزوجتي اجل
لا يااختي مايصير كذا لازم تنضمين الحمل عشان تربين وتكبرين وتعطين وقت لك ولجسمك ولنفسيتك بعد..
وبعدين انتي صغيره المفروض معك واحد واذا كثرتي اثنين .. انا مادري عن وضعك بس اذا امكانيتك تسمح جيبي
شغاله تساعدك او دخلي عيالك حضانه او روضه عشان يفرغون طاقتهم هناك ..واذا عاللبس انا شخصيا ماارتاح الا بالبجايم
القطن بس مره البس شورت قطني او برمودا او التنانير القصيره مره بس قطن حتى شكلها يكون احلا ومغري اكثر من الجيزات
بس كل هالشكليات ماتهم عند الرجال اذا ماكنتي نظيفه دايم خلي ريحتك تعج من العطور والبخور.

دلوعة أبو البرنس
28/11/2010, 04:15 PM
الله يعطيكي الصحة و العافية عزيزيتي
ويحفظ لك عيالك يلي هم نعمة لك و بركة بإذن الله

انا عندي ولد واحد و اطفر منه...و كنت حاسة بضغط لاني اربيه وحدي لن زوجي يجيني فالسبوعين مرة

بس الحمدلله غيرت حياتي
شفت مافي فايدة من التذمر من حالتي
هذا ولدي و هذي حياتي ولازم اتاقلم عليها
و الحمدلله الحين سعيييييدة بفضل الله و مرتاحة جدا
كل ما يضايقني ولدي اتعوذ من الشيطان و احاول اهدي...مهما كان هذا جاهل و عبالة كل شي لعب
و احاول العب معه و اقضي معاه اوقات حلوة لن فترة الطفولة من احلى الفترات

اما بالنسبة لزوجي...فحرام كل ما يجي يلقاني معصبة و متبهدلة و اشكيله عن حالي و يومي ...ألخ ألخ الخ

صرت إيجابية اكثر
....يعني ولو متضايقة أبتسم...

و عن نفسي...اول ما ينام ولدي تكون فرصتي اهتم بنفسي....مناكير و بوديكير...حماما زيت...حماما مغربي
يعني ادلع نفسي...×خخخ

و الحمدلله كل شي أسهل الحين
حتى وزني زاد...خ خ خ

سوري طولت عليكي....بس حبيت اشاركك تجربتي

ام راشد الجابري
28/11/2010, 05:23 PM
انا تزوجت اول ماخلصت الثانويه كان عمري 17 ><

شسوي طفرت ,, انا ما احب الخدم :(

مشكورات وماتقصرن

ان شاء الله باخذ برايكن ^^

انفاسـﮱگ دخـﮱون
28/11/2010, 06:25 PM
غاليتي لازم ما تهملين نفسج حاولي تنظمين وقتج وحتى لو تجيبي الخادمه اللي تجي بالساعات بس لازم تهتمي لنفسج لان الازواج يدورون بس شي بسيط عشان يقولون والله اهملت والله مدري شتسوي ويحطون عليج اللووم الله يعينيج يارب حاولي تغيرين من الستايل حقج روحي قصي شعرج واصبغيه واستشوريه وسوي حمام مغربي وحطي مناكير اشتريت بلوزات دلع وبناطيل وتنانير قصيره يعني ترجعي مثل ماكنتي بنوته عمرها 17 ترى الريايل يحبون هالسوالف البيجامه لو راح لونها قطيها واذا عندج اهلج وودي اولادج عندها وروحي الكوافير وارجعي عروس من اول ويديد خلي زوجج يتفاجىء بشكلج ولا تقصري بالعطور والبخور ونعومه الجسم ترى فيه ريايل مايهمهم البياض قد مايهمهم انج نظيفه وجسمج ناعم واذا تبين خلطات اسامي عطور احنا جاهزين

ح ـبـيبـة زوجهـــا
28/11/2010, 06:43 PM
الله يكون بعونك ماشاء الله 3 وانا متعاجزه من وحده
بعض الاحيان اقول اول واخر طفل
بس انتي اعطي نفسك كمان شوية حق عشانك اولا
وعشان زوجك ثانيا
اكيد اهلك او اهل زوجك قريب منك يوم كذا ودي لهم الصغار
وارجعي بيتك وافضحي لنفسك دلع حالك اخر دلع
وسوي كم حركه حلوه وشاركي زوجك فيها
انا اقول لك نظامي مع بنتي اخليها بغرفه واحط لها العاب واشياء
جديده ومن هالكلام تجلس ما تطلع الا بعد كم ساعه
سويها لعيالك ومن فتر لفتره غيري الغرفه عشان ما يملون
اسفه طولتها :rolleyes:
الله يوفقك حبيبتي ويهون عليك ويحفظ عيالك

معكرونة حارة
28/11/2010, 09:12 PM
الله يعينج انه وحده ومطفرتني

أم سلمى2007
28/11/2010, 09:42 PM
الله يعينك ويسخر لك زوجك وأهله

ويسخر لك اولادك ويهديهم لك

ادخلى موضوع أسرار سعادتى الزوجية فى توقيعى

وغن شاء الله تلاقى المساعدة اللى محتاجة لها

أختك فى الله أم سلمى

اريج الليلك
28/11/2010, 11:30 PM
الله يعينج


انتي بنوتـه بعدج ومسؤلياتج اكبرت بعد الطفل الثالث اكييد


مـا عندي شي اقولـة لج .. بس حاولي قد ما تقدرين اتنظمين وتقسميـن وقتج


بين اهتمامج بالعيـال والزوج والاهم شكلج ومضهرجـ عشـان لا يمل منج واحسـ انج مو مهمتـة فيه كزوج


جددي حياتكم كل فترة بلفته حلوة .. حركـة غريبة .. شـي رومانسيـة ...... الخـ


والله يخليلج العيال وابوهـم ويبعد عنكم المشـاكل انشـاء الله

ROSE3ROOS
29/11/2010, 02:13 AM
اختي جيبي خادم على الاقل الى ان تحسين انه تقدرين تصيطرين على الوضع لان عندك مولوده وقبلها عيال صغار وحتى لو ماتحبين الخدم خلي لها امور معينه بالبيت لزم تتفرغين لنفسك وريلك ماطول اهو قال انتي ماتهتمين فيني معناتها طالعه من قلبه لزم تحاولين تتصرفين بسرعه وربي يخليكم لبعظ ويهدي عيالك وعيالي يارب

ad11
29/11/2010, 02:30 AM
الله يعينك ويسخر لك زوجك وأهله

ويسخر لك اولادك ويهديهم لك

فراااات
29/11/2010, 02:34 AM
الله يعيــــــــــــــــــــــ ـــــــــــــــــــــــــ ــنك

~¤ô_ô¤~ ام تومة ~¤ô_ô¤~
29/11/2010, 04:39 AM
عزيزتي الصراحة تعب انا عندي بنت وولد وعمارهم متقاربة بس هالكيني الحمد لله سجلت البنت بالحضانة حتة كدرت اصيطر عل وضع شوية انتي اذا عندج طفل بسن روضة سجلي وذا لا جيبي خدامةوراقبيهة اذا تخافين منهم لا مالازم تهملين نفسج لان المغريات كثيرة بهل زمن ديري بالج الرجال مرة مرتين يكلم مرتة عن نفسهة حتة تغير من شكلهة او لبسهة بس بعدين ايمل


الله يعطيج العافية لان حاسة فيج

ام راشد الجابري
29/11/2010, 01:16 PM
انا مش قصدي اني ما اتنظف وهيك يعني عادي اتسبح واحط لوشنات بس كله البس بجاايم من عقب ما ربيت

يعني مالبس تنانير ولا بناطلين ولا مخاوير >> جي قصدي

ولدي الكبير عمره 4 سنوات بس ان شاء الله السنه اليايه بدخله الكيجي وبنتي الثانيه سنتين ونص >< واخر العنقود عمرها شهرين ,,

ماتخيل احطهم ف حضانه قلبي ما يطاوعني انا ترا ماعندي شغله يالسه فالبيت ..

ان شاء الله هالسبوع سايره بيت اهلي هم ف اماره ثانيه بحاول اسير الصالون واسير المول اخذلي ملابس يديده ولوشنات وعطور ودخون يديده


ماعليكن زوود شجعتوني وحمستووني

الله يوفقكن

ام شهووودة الحلوة
29/11/2010, 01:34 PM
الله يعينج ولازم تنظمين النسل لان العيال بيشغلونج عن زوجش

اهتمي بنفسج لاتخسرين ريلج

انفاسـﮱگ دخـﮱون
29/11/2010, 04:21 PM
[QUOTE=ام راشد الجابري;13819857]انا مش قصدي اني ما اتنظف وهيك يعني عادي اتسبح واحط لوشنات بس كله البس بجاايم من عقب ما ربيت

يعني مالبس تنانير ولا بناطلين ولا مخاوير >> جي قصدي

ولدي الكبير عمره 4 سنوات بس ان شاء الله السنه اليايه بدخله الكيجي وبنتي الثانيه سنتين ونص >< واخر العنقود عمرها شهرين ,,

ماتخيل احطهم ف حضانه قلبي ما يطاوعني انا ترا ماعندي شغله يالسه فالبيت ..

ان شاء الله هالسبوع سايره بيت اهلي هم ف اماره ثانيه بحاول اسير الصالون واسير المول اخذلي ملابس يديده ولوشنات وعطور ودخون يديده


ماعليكن زوود شجعتوني وحمستووني

الله يوفقكن[/

خيتو عاد لا رحتي خبرينا شنو سويت لوك يديد وردت فعل ابو الشباب متاكده انه بيتفاجىء بلوك اليديد >>> ملقوفه هالبنت

احلى رورو**
29/11/2010, 04:45 PM
سبحان الله حتى تتغيرر النفسيه وترتاحين وقت ماتكونين متكشخه تغيررر روتين يعني مثلا استأجرو قريب من بيت اهلك
وحطي ولادك في بيت اهلك لمده يوم او نص يوم اذاا اضروف سمحتلك انك تحطيهم هناك وسوي ليله رونسيه وحركات تكوني مجهزاهم من البيتك وووووووووووووووووواو راح يخق عندك في النت حركات واووووووووووو قولى لزوجك عندي مفاجئه يعني انتي
فبركيها بأسلوبك والله يسعدك ويخليلك ولادك يارب

زوجي حبيب قلبي
29/11/2010, 06:44 PM
الله يعينك
3 ما شاء الله
لازم تهتمين بزوجج شوي لانهم بسرعة يستملوون

حنين الوردي
30/11/2010, 01:12 AM
هلا حـبيبتي

يعطيج العافيه

ويخلي لج اعيالج أمانه بوسي لي اياهم :$

اول شي تفكيرج بالتغيير هاي نقطه وايد حلوة

من ناحيه الملابس ادري انج تلبسين ثياب وبجامات نوم لانها خفيفه وتريحج ولا تعبين روحج وتشترين بنطلين وهالسوالف

ترى اكو وايد اشياء حلوة مريحه خذيها لج

مثلا الحين الاسترج كل مكان فيه وخذي معاهم فوانيل حلوة وجذي اشياء

رتــــــــــــــــبي وقتج اهم شغله رتبي وقتح وخلي لكل شغله وقتها

صدقيني بيحس زوجج انج مو هامله شي

يوم أجـازة او يوم فضاوة

او حتى كنتي مشغولة

مايحتاج ورد من الباب لي الغرفه .........

احيان كلام حلو كلام جـديد يغير من الروتين

او ع الاقل ورده

صدقيني اشياء صغيره بتفرحينها فيه بس اهمشي تكون من قلبج

لا تنسين مسجات حب وشوق باي وقت

حتى لو تو طالع من البيت دزي له بيشتاق للرده للبيت

كل شي بيدج

بس مثل ماقلت لج رتبي وقتج

سوري ع التطويل بس ودي جـد اخدمج وتبشريني بالنتايج الحلوة

:)

أختج حنين

فاتي86
30/11/2010, 02:23 AM
الله يكوون بعوونج اختي

بس لازم تحاولين تغيريين من نفسج وتهتمين بزووجش

ترى الرجال مالهم امآآآن

بنوتة فن
30/11/2010, 09:37 AM
حبيبتي توج 21 يعني صغيروووونة !

نفس ما عيالج لهم حق عليج,, نفسج بعد لها حق وزوجج بعد له حق !

حاولي تجيبين شغالة تساعدج في امور الشقة والاطفال,,

لو ع الاقل تاخذين اذا بيت اهل زوجج عندهم تاخذينها كم ساعه او تيييبين وحدة بالساعات

البجر دخليه حضانة

حتى ام سنتين ونص دخليهم حضانه حتى لو انتي قاعده في البيت


من الحيييين قبل ما تسيرين تزورين اهلج ,, سوي لج خطة تقدرين تمشين عليها في بيتج,,

متى ينشون اليهال ومتى ترقديهم ومتى تخليهم يلعبون ومتى للتفزيون,, ويفضل لو يكونوا بغرفة وحدة احسن عن الفوضى في باجي المكان

تقدرين تحولين الغرفة الى محل العاب وتلفزيون,, يييبي لج كذا لعبة بطريقة حلو ودفاتر تلوين والعاب بازل وهالاشياء اللي في الروضة عشان يتحمسوا ويقعدوا مكانهم وبهالطريقة يكون عندج شوية وقت لروحج!


دامج مع بيت عمج ساكنة فـ حاولي ع الاقل ساعه في اليوم تنزلينهم وتقعدين معاهم هناك

خلي زوجج في الليل مثلا المغرب يوديهم حديقة ويلعبهم واطلعي معاهم,, بهالطريقة بيلعبوا ويتعبوا في نفس الوقت ويرجعوا ويناموا ويكون فيه شوي وقت خصوصي لج ولزوجج



انيي لج الحين
بالنسبة للبس,,
اذا تشوفين التنانير وهالاشياء ما تريح في اللبس ,,
تقدرين تاخذين جلابيات حلووة,, وفيه الحين اللي طالعين ميني جلابية ع قولتهم الا هما جلابيات قصار وحلوين
فيه فساتين نعووومة تصلح للبيت ,,
بيجامات نووم كشووخية تقدرين تلبسينها!


ولما تزوري اهلج
سووووي لج تغييير للوك تبعج
قصي شعرج وصبغيه
حفاف الحواجب غيريها اذا تحبين ,,
سوي حلاوة وكل شي

ورجعي لزوجج كأنج عروووس :D

:D حتى الحنة تحني!!

والعطور والدخووون غيريها اذا حابة,,

وغيره وغيره


المهم الارادة,, وتنظيم الوقت عندج!

وبالتوفيق

وننطر منج المستجدات واخر التطورات والجديد عندج :thumbs_up:

orange mango
30/11/2010, 07:13 PM
هههههههههههه الحال من بعضه ههههههههههه

انا نفسج بالضبط

بس الحين شو سويت طلعت حرتي

بخبرج ف الخاص شو سويت مب جدام الكل خخخخخخخخخ

سحابة شوووق
30/11/2010, 07:42 PM
سبحااان الله
حسيت كأنك تتكلمين عني>>نفس حالتي بالضبط
بس انا الحمد لله للحين ماجبت الثالث
البنت 6 سنتوات والولد5>>>يعني ورى بعض :(
ولما تزوجت كان عمري 16 وبعدي أدرس في ثاني ثانوي >>>يعني انا زيادة على مسؤولية العيال اثنينهم كنت ادرس
والحمد لله خلصت كلية بعد>>هذا كله بفضل الاارادة
الحين عمري 22 وعيالي كبروا ارتحت شوي من مسؤوليتهم
المهم حبيت اقول لك لو تخصصين يوم او يومين >>>يوم اجازة زوجك مثلا
وتعطين زوجك حقه من حركات ورومانسيات وتقضين معاه الليل كله >>>العيال صرفيهم او نوميهم غصب عليهم هههههههه

حطي مكياج حلو سوي شعرك لبسي شئ حلو

او طلعو مطعم
المهم مايصير فيه روووتين
عشان مايزهق الرجال كل مارجع البيت شافك مع العيال وهو مو عاطيته وجه
قومي استقبليه اول مايدخل من الباب
واهم شئ اهم شئ اول مايرجع من الدوام لاتشتكين له وتقولين له تعبت وزهقت ومادري ايش >>هذا يطفر الرجال

تناقشي انتي معاه على وضعكم خليه يتفهم الوضع انك انتي مو بكيفك اهملتيه
عشان هو بيحاول يساعدك في تربيتهم ولو بالشئ البسيط

اذا عادي اهل زوجك ياخذون عيالك وديهم لهم في لمدة 4 ساعات عالاقل وتفرغي لنفسك ولزوجك


والله يوفقك ان شاء الله ويساعدك على ترتبيتهم وحاسة فيك والله الله يعينك

Bronzag
30/11/2010, 07:58 PM
والله مااعرف لسوالف اليهال لاني بعدني بنوته ....... اجل ايش اللي مدخلج موضوعي :mad:
بس سوري حبيت ارفع لج الموضوع عشان العروسات يفيدوكي
تقبلي مروري