المساعد الشخصي الرقمي

مشاهدة النسخة كاملة : المفاشر في المنتدى !



الريح الباردة
14/11/2010, 12:06 AM
السلام عليكيم و رحمة الله و بركاته ...

في موضوع لاحظته في هذا المنتدى الرائع للأسف !!

مابي اطول عليكم و بلا مقدمات لاحظت وايد عضوات ايحبون المفاشر ليش بس ودي افهم ؟ انا الصراحة كنت اشوف مواضيع و اقول في نفسي صج اتفوشر لين ما مرة امي كانت يمي في اللاب توب و راويتها موضوع وحده قالت لي بل صج امفوشر طبعا هذي مب اول مرة امي تقول كم مرة اراويها مواضيع و عقب احكمت...


يعني في وحده اتراويج عطورها قلنا معاليه و لا حفلتها بعد معليه لكن اللي اتراويج انها تركب سيارات فخمة وهي رايحة الشغل و في سياق موضوع ثاني رحت اوروبا .. انا في لندن .. او تستعرض لنا شناطها الماركات أو اللي تقول جميع تجهيزاتنا من اوروبا للبيبي !!

يعي بالذمة ليش ؟ مب عشان تجذب أكبر قدر ممكن من المشاهدين لمواضيعها !! اتمنى محد يفهمني غلط لكن لاحظت في عضوات يعني مب مرة وحده لا كل مواضيعهم امفاشر ... !!! ترى ياناس في وايد غيركم ابخير لكن ما سوو اللي انتوا اتسوونه:biggrin:

أريج المحرق
14/11/2010, 12:26 AM
الصراحة أنا يومياً أتصفح هالمنتدى و ما لاحظت هالشئ ، أحس الأخوات ءلي يعرضون مواضيعهم جداً متواضعين وطبعاً من أسلوبهم في كتابة الموضوع بس إذا انتي ملاحظة ذي الشي على بعض الأخوات ما أقول إلا أن الله يهديهم

بحرينية ..
14/11/2010, 12:34 AM
الله يهدي الجميع

وهذا الشي موجود بــ كل مكان مو بس بالمنتدى

[]فـرح القلـب[]
14/11/2010, 12:40 AM
عادي يا قلبي
كل وحدة عندها أغراض تحب تعرضها
ويمكن هي نفسها العضوة ما تقصد هي طبعها كذا
وكل واحد حر
وعني ما صدفت هيك مواضيع

بكاء الدهر
14/11/2010, 12:58 AM
اختي اسمحلي انا ماشفت هالشيء مادري يمكن يكون موجود بس صراحة ماصار وصدافت موضوع من هالنوع

احنرم وجهة نظرك

تحياتي

.. أمــ عــلــيــ ..
14/11/2010, 01:07 AM
بصراحه انا ما لاحظت اللي تقولينه على الاقسام اللي اشوفها .. !!

يمكن انتي تدخلين منتدى خاص مثلاً بالسفر والسياحة .. فشئ اكيد انك تشوفين كل وحده تحط صور رحلتها وتمدح المكان الفلاني ........... الخ من الاشياء اللي شافتها واعجبتها وحبت انها تفيد خواتها في المنتدى ..!!!

بالأخير .. كل وحده لها وجهة نظرها وحكمها على اقسام المنتدى ..

:)

**توتة**
14/11/2010, 01:17 AM
عادي اختي بالعكس حليو انه كل وحدة تراوينه أشياء تخصها مثل شنط أو عبايات أو سفراتها إلى لندن أو غير لندن

أحس الشي عادي وما نقدر نعتبره مفوشر ولا شي..

Rmosa
14/11/2010, 01:51 AM
عادي حبيبتي مااحس كدا
بلعكس المنتدى يجنن والعضوات اللي يحطون خبراتهم والمواضيع اللي يحطوها اتجنن ورائعه مافيها ابد المفاشر
واحنا استفدنا كثير منهم ومن خبراتهم ورحلاتهم و و و وانا شخصيا استفدت الكثثثثثثثثثثثثثثثثثثثثثث ثثثثثثثثثثثير
والله جد يعني منتدى ولا اروع <<<<<<<<وجهه نظر

انا الملكه
14/11/2010, 02:06 AM
الصراحه على اني يديده بس شفت هالفئه قليله جدا في المنتدى ^^
وانا حاليا موقفه مشاركاتي عشان محد يقول عني اني افوشر ^^

ام ميمى
14/11/2010, 02:28 AM
عادى خيو ما فيها شى
البنات في المنتدى واجد حلوين

الزينهـ
14/11/2010, 02:48 AM
اسمحيلي اختي

ماشفت هالشيء موجود هنا بتاتا :-#

بالعكس البنات هنا عسولات والله وقمة التواضع :thumbs_up:

ومن ناحية يورونا المشتريات بالعكس كلنا بنات ونحب السوالف هذي :adore: ناخذ افكار بعض ونشووف اراء بعض في مشترياتنا بالعكس الدعوه ماهي فشار بالمره :|

وحتى اللي تقولين عنها جميع مشترياتها من لندن , عادي كانت بلندن وقضت لمولودها من هناك وين المشكله ؟:worn_out:


عالعموم انا من قبل لا اسجل متابعة للمنتدى وماشفت شي زي كذا وهذا اللي خلاني اتحمس واسجل ;)

الريح الباردة
14/11/2010, 03:25 PM
انا ماقصد قسم السياحة لا اقصد في مواضيع اخرى بالعكس قسم السياحة حلو ان الوحده اذا سافرت اتفيدنا !! انا تره من زمان و اتابع كل شي في المنتدى و دخولي متكررر فألاحظ اللي ما تلاحظونه و انا ماقصد مثلا في قسم المشتريات لا هذي القسم يستدعي هلون لكن اقصد شي انتوا ما اكتشفتوه يمكن

و تره باقولكم شي بعد تره اللي يقول سويت و سويت و فعلت تره ذي المفاشر عيل المفاشر شنو تفسيره في نظركم ؟!!! يعني وحده بتقول شي سوته للإستفدة معليه لكن على كل شاردة ووارده قالت و انشرت شنو ذي معناه عندكم؟؟

الرازجية
14/11/2010, 03:31 PM
اتفق معاج و يمكن الأغلبية ما يشوف ذي مفاشر لأنها اصبحت عادة متأصلة في المنتدى !

㋡ام عبودي وعموري㋡
14/11/2010, 04:13 PM
عادي حبيبتي مااحس كدا
بلعكس المنتدى يجنن والعضوات اللي يحطون خبراتهم والمواضيع اللي يحطوها اتجنن ورائعه مافيها ابد المفاشر
واحنا استفدنا كثير منهم ومن خبراتهم ورحلاتهم و و و وانا شخصيا استفدت الكثثثثثثثثثثثثثثثثثثثثثث ثثثثثثثثثثثير
والله جد يعني منتدى ولا اروع <<<<<<<<وجهه نظر



:thumbs_up::thumbs_up:وانا مع كلام الاخت صح لساانج:thumbs_up::thumbs_up:

فهدونه
14/11/2010, 05:06 PM
أختي لا تاخذين الأمور بحساسية
الأنسان لما (يفوشر) أو يظهر ما لديه
أمام اصدقائه في المدرسة او الجامعة
فهنا يتضايق منه الغير لكن في المنتديات يختلف الأمر
أذا أحدى العضوات
يمكن أنا أو أنتي أو غيرنا كتبنا أو عرضنا ذلك للفائدة و المتعة
و للتسلية ...
حلو الوحدة منا تشوف أشياء جديدة يمكن في يوم من الايام تحتاجة
ويمكن اليوم ما نقدر نشترية أو ما نحتاجة بكرة نسال عنة ونلاقية في منتدانا الغالي
و اللي أستعرضت عطوراتها او سيارتها عليها بالعافية
تبي اتشاركنا وناستها و فرحتها ....
جميع ردود العضوات اثبتت حسن النية و أن هذا الشي ما يضايقهم
فسبحان الله فنحن نحكم على الظاهر و النيات في القلوب التي لا يعلمها ألا الخالق
المنتدى من أحسن المنتديات التي مررت بها ما شالله ترابط و أخوة و فوائد
لا توجد تكتلات بل الكل حبايب:L: ...

شمـس و قمـر
14/11/2010, 05:43 PM
شو يعني مفاشر ؟! :)

لي عودة !

انفاسـﮱگ دخـﮱون
14/11/2010, 06:04 PM
في اغلب المنتديات البنات يعرضون اغراضهم وخبراتهم من عطور من ميك اب مو كل وحده صورت اغراضها تتفاخر بالعكس تفيد وتستفيد بس يمكن فيه بعضهم بزياده الله يعين

Dreamer Lady
14/11/2010, 06:09 PM
انا ماقصد قسم السياحة لا اقصد في مواضيع اخرى بالعكس قسم السياحة حلو ان الوحده اذا سافرت اتفيدنا !! انا تره من زمان و اتابع كل شي في المنتدى و دخولي متكررر فألاحظ اللي ما تلاحظونه و انا ماقصد مثلا في قسم المشتريات لا هذي القسم يستدعي هلون لكن اقصد شي انتوا ما اكتشفتوه يمكن

و تره باقولكم شي بعد تره اللي يقول سويت و سويت و فعلت تره ذي المفاشر عيل المفاشر شنو تفسيره في نظركم ؟!!! يعني وحده بتقول شي سوته للإستفدة معليه لكن على كل شاردة ووارده قالت و انشرت شنو ذي معناه عندكم؟؟

اي قسم تقصدين ؟؟؟
بالعكس المنتدى تبادل خبرات لا تتحسسين حبوبه

حب من اول نظرة
14/11/2010, 07:08 PM
خيو هذا المفوشر في معضم البنات يعني شي مو جديد او مشكورة

**ام يارا**
14/11/2010, 07:19 PM
كلهم قاالولك انا ماشفت هالشي ,,, انا شفت مو بس في منتدنا في كثير منتديات ,,, تتفوشر يعني تتفشخر يعني نافخه ريشه على البنات ,,,

وحراااااام في بعض العضوات تتفرج على الصور وهي ماتقدر توصل للندن ولاتقدر تشتري شنطه ماركه ولا تركب السياره الفلانيه ,,,

وتنقهر وتقعد تتحسر على حاله ولا تروح لزوجها وتقوله شوف الناس وين يروحون او وش يشترون ,,, وتصير حسد ومشاكل بين الناس ,,,

انا عن نفسي شخصيا احب ادخل هالمواضيع عشان اخذ فكره مثلا عن ملابس الاطفال او عن اغراض واثاث وغرف البيوت وكذا ,,,

مشكوره اختي على الموضوع ,,, ولك مني الف تحيه ,,, والله يهدي الجميع

mimati
14/11/2010, 07:26 PM
أختي لا تاخذين الأمور بحساسية
الأنسان لما (يفوشر) أو يظهر ما لديه
أمام اصدقائه في المدرسة او الجامعة
فهنا يتضايق منه الغير لكن في المنتديات يختلف الأمر
أذا أحدى العضوات
يمكن أنا أو أنتي أو غيرنا كتبنا أو عرضنا ذلك للفائدة و المتعة
و للتسلية ...
حلو الوحدة منا تشوف أشياء جديدة يمكن في يوم من الايام تحتاجة
ويمكن اليوم ما نقدر نشترية أو ما نحتاجة بكرة نسال عنة ونلاقية في منتدانا الغالي
و اللي أستعرضت عطوراتها او سيارتها عليها بالعافية
تبي اتشاركنا وناستها و فرحتها ....
جميع ردود العضوات اثبتت حسن النية و أن هذا الشي ما يضايقهم
فسبحان الله فنحن نحكم على الظاهر و النيات في القلوب التي لا يعلمها ألا الخالق
المنتدى من أحسن المنتديات التي مررت بها ما شالله ترابط و أخوة و فوائد
لا توجد تكتلات بل الكل حبايب:L: ...

وانا معاك يا اختي في كل كلمة قلتيها
والاعمال بالنيات
ولا نحكم على الناس بدون سبب
ربنا يهدي
والكلمة الطيبة صدقة
وكل عام اونتم الى الله اقرب

هدبا
14/11/2010, 10:15 PM
عــــــــــآآدي جدا ً ..

مافيها شي ياا قلبي ..

ريما الدلوعه*
14/11/2010, 11:49 PM
أختي لا تاخذين الأمور بحساسية
الأنسان لما (يفوشر) أو يظهر ما لديه
أمام اصدقائه في المدرسة او الجامعة
فهنا يتضايق منه الغير لكن في المنتديات يختلف الأمر
أذا أحدى العضوات
يمكن أنا أو أنتي أو غيرنا كتبنا أو عرضنا ذلك للفائدة و المتعة
و للتسلية ...
حلو الوحدة منا تشوف أشياء جديدة يمكن في يوم من الايام تحتاجة
ويمكن اليوم ما نقدر نشترية أو ما نحتاجة بكرة نسال عنة ونلاقية في منتدانا الغالي
و اللي أستعرضت عطوراتها او سيارتها عليها بالعافية
تبي اتشاركنا وناستها و فرحتها ....
جميع ردود العضوات اثبتت حسن النية و أن هذا الشي ما يضايقهم
فسبحان الله فنحن نحكم على الظاهر و النيات في القلوب التي لا يعلمها ألا الخالق
المنتدى من أحسن المنتديات التي مررت بها ما شالله ترابط و أخوة و فوائد
لا توجد تكتلات بل الكل حبايب:L: ...





:thumbs_up:وانا كمان رايي من رايك 100% كلامك عين العقل وصح لسانك اختي فهدونه :ok:


&&&&&&&&&&&&&&&&&&&&&&&&&&&&&&&&&&&&&


حبيبتي شمس وقمر مفاشر يعني تتفشخر على الناس او تشوف حالها باغراضها وتستعرض فيهم بالمنتدى على العضوات انا مثلك او ل مادخلت وقريت الموضوع مافهمت الكلمه ^o) ودخلت حتى افهم وش القصد من هالكلمه ومن ردود البنات فهمت الموضوع احنا اهل الشام صعبه :-#شوي علينا لهجة اهل الخليج كثيير اتنح عندها هههههه

شذى الأطياف
15/11/2010, 12:10 AM
أختي الكريمه لم أري هذا من جميع الأخوات لمن دخلت مواضيعهم بمختلف الأقسام وحتى من عرضت مالديها من أصقاع العالم فهو مجرد عرض عادي مع كلام لطيف جدا للفائده من معلومه أو خبره أو حتى إستمتاع فقط فقد يكون بمنتدى آخر وليس بعروس ويبدو أن الأمر إلتبس عليك

Bronzag
15/11/2010, 10:08 AM
انا مالاقتني مواضيع من هل النوع بس لو وجدت مواضيع كده الله يهدي اصحابها
ومافي داعي للمفوشر

الرازجية
15/11/2010, 01:12 PM
انا بس حابة اضيف شي ... كل وحده تعرض مشترياتها لازم تسأل نفسها أنا ليش اعرض ؟ عشان افيد و لا عشان الناس تمدح في أغراضي و تسألني من وين شريتيه ...؟؟ تره في ناس جذي خصوصا النساء تحب المدح و كلمات الإطراء ... لازم الوحده تكون واثقة بنفسها وأنا الصراحة اعترف كنت احب اسمع المدح عقب قلت ليش اسوي جذي هل فيني خلل ؟ ناقصني شي أنا؟ لين ماغيرت الحمدلله و صار ما يهمني هذا الشي

أحلى خجل
15/11/2010, 04:35 PM
أنزين
شفيها
بعدين هذا بالمثل
كل وحده تفيد الثانيه
و المنتدى للفائده و الاستفاده
و ا لبنات طيوبات و عسولات
و لا شفت منتدى مثله الصراحه
و مع البنات في الي قالوا

reem m
17/11/2010, 03:33 AM
:thumbs_up::thumbs_up::thumbs_up::thumbs_up::thumb s_up:
الصراحة أنا يومياً أتصفح هالمنتدى و ما لاحظت هالشئ ، أحس الأخوات ءلي يعرضون مواضيعهم جداً متواضعين وطبعاً من أسلوبهم في كتابة الموضوع بس إذا انتي ملاحظة ذي الشي على بعض الأخوات ما أقول إلا أن الله يهديهم
:thumbs_up::thumbs_up::thumbs_up::thumbs_up::thumb s_up:

محرقيه حتى النخاع
17/11/2010, 12:51 PM
اهمه حليوين البنات اللي هني وفعلا انا لاحظت جم وحده مب اللي يصورون ويحطون لا هاي في ناس تحب تراوي كل شي بس تحسين من اسلوبها انها من هالنوع وطيوبه وتبي تشارك الكل وفي بنات لا من كلامها يبين انها مفوشريه انا الصراحه لاحظت البعض

عالم الاسرار
18/11/2010, 03:54 AM
الحق ينقال.........
انا جديده على المنتدى ولاحظت فيه عضوات
بعض المواضيع فيها مبالغه
على العموم اذا كانت صادقه المفروض تخاف على نفسها من العين الناس ماتعطي خير اذا انتي عندك غيرك محروم
واذا كانت تكذب فتخاف من ربها ............

الرازجية
18/11/2010, 05:19 PM
الحمدلله في أحد قال غيري عشان ماطلع متوهمة

Shahy Shekoo
18/11/2010, 05:39 PM
الحقيقة انا عمرى ما شفت كدا

يمكن مرة ولا اثنين بالكتير

ربنا يهدى الجميع

بس المفاشر فى كل مكان

مشكلتي دلوعة
22/11/2010, 07:25 AM
استهدو بالله يابنات
وحكاية الفشخرة مو جديدة
الى تقول مو موجودة والى تقول شفتها ببعض المواضيع
اولا : هذا سنة الله فى خلقة ربك جعل الناس طبقات
ومن قديم الزماااان ولا بيدي وبيدك نعدل الكون
يمكن الى تشوفيها فشخرة صاحبتة تعتبرة عادي متعودة على هالشي ومايعني لها بالمعني المقصود
ونقطة مهمة اغلب البنات من جد يستفيدو لمن تكون مثلا صاحبة الفشخرة على قولك عارضة اشياءها وماركاتها وفية بنات عندهم امكانيات بس اغلب الاختيارات غلط فيستفيدو هنا .. وكمان التفرجة ببلاش ..
والانسان منزهة وواعي لاافكاره وافعالة انتي الموضوع الي مايعجبك لاتفتحية ياحياتي والبشر تفكيرها مو واحد هذي سنة الحياة
وربي لو تكتبي من هنا الى بعد مليون سنة مابيتغير شي ..
من عمرنا فية الغني وفية المتعالي وفية المقتدر وفية المتوسط وفية الفقير <<< سبحان الله فى خلقة ولو شاء لسواهم اجمعين

♥جنـوني نظرتـه
22/11/2010, 07:54 AM
*حبيبٺي اڷمڹٺڊى اښمه عرۈۈښ ۈڪڷ اڷي فيه بڹاٺ ۈفي قښم اڷمڪياج ۈۈۈ اڷخ ,,

ڹعرض اڷمشٺرياٺ مب بقصڊ اڷمفۈشر مثڷ ماٺفضڷٺي باڷعڪښ يمڪڹ ۈحڊه ٺعجبها شغڷه مڹ اڷي جافٺها عڹڊڹا ۈٺرۈح ٺشٺريها ۈڷا ڹښٺفيڊ ۈڹجۈف شڹۈ يڊيڊ اڷښۈۈق ۈشڹۈ ٺجاربهم باڷڹښبه ڷي ۈايڊ اښٺفڊٺ مڹ مشٺرياٺ اڷبڹاٺ شفٺهم ۈرحٺ خذٺ مثڷهم بڊۈۈڹ ڷاڊۈۈر ۈڷا اعۈۈر راښي ڪڷڹا هڹي خۈاٺ ۈڹحب بعض ~

ايام وليالي
19/01/2011, 10:31 AM
اختي كلامك صحيح ,,,,
في ناس تعرض اشيائها بقصد تراوينا وتاخذ راينا واحنا بعد نستفيد منها ,,, وهذه الفئة ما قصدها شيء
اما في ناس ,,, سبحان الله بالجد تستغربي عليهم ,,,, اليوم قرات موضوع في المنتدى 1000000000% تتفشر
في الاول كنت اقول مافي بس الحين تاكدت