المساعد الشخصي الرقمي

مشاهدة النسخة كاملة : لو كنت من مواليد 1980 / 1990 تعالي إركبي قطر الذكريات



meramia
04/11/2010, 05:19 AM
السلام عليكم
الموضوع ده شوفته من زمان في منتدي مش فاكره إسمه
وعجبني موووت
حسيت إني في رحله ذكريات جمييييله
فحفظته عندي
وبعدين وأنا بقلب لقيته
قلت لازم تمتعوا بيه معايا
يللا بقي من غير رغي كتييير
إتفضلوا إركبوا القطر ياقمرات

لو كنت من مواليد 1980 / 1990 ادخل العصر الذهبى



دى كانت حياتنا فعلا بس هى اجمل ايام


عاوز تتأكد أنك من الجيل الموكوس ؟ اذا كنت عشت الحاجات دي كلها او جزء منها تأكد انك من الجيل ده.

1990/1980

راجع معايا كده

1.اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون (يا حبذا لو كانت ماركة انتربول التركية كنت تبقى ملك).


2.اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.


3.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحية).


4.اذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسه).


5.اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي.


6.إذا كانت كل البنات من حولك معجبين بأحمد عبد العزيز ويرينه فارس أحلامهن (رغم قصر قامته وشنبه اللي مش عاطفي اطلاقا).


7.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية)


8.اذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)..حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالي.


9.اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار).


10.اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.


11.اذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقن!).


12.اذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل السحري الأكثر أمانا ومتعة (الحشيش)!!!


13.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين).


14.اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب)!


15.اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر.


16.اذا كنت قد عاصرت الصراع على قمة مبيعات الكاسيت بين عمرو دياب (قبل ان يتجه للعالمية التى لا يؤمن بها إلا هو ومجموعة من محبيه) ومحمد فؤاد (قبل ان يتحول لدب قطبي).


17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!


18.اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضحك يابو علي يا خفيف الدم)!!!!


19.إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان).


20.اذا كنت قد مشيت في شوارع المعمورة لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط (سحراني) لايهاب توفيق.


21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد).


22.أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) .


23.ان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناو).


24.ان تكون قد شعرت بحرج بالغ عندما شاهد والدك او والدتك احد حلقات مسلسل (فريندز) معك لما يحتويه على كلام جنسي بذئ (بمقاييس وقتها طبعا!).


25.ان تكون شاهدت كليب المغنية حنان الشهير (اضحك بقى وافرجها ياعم)..واطلقت على المغنية بينك وبين اصدقائك لقب (المعزة).


26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها).


27.اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)!


28.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)


29.اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون).


30.اذا اعتدت في الصيف ان تشغل الكاسيت بصوت عالي عصرا وتقف في البلكونة بالفانلة الداخلية والسلسلة وفي يدك كوب الشاي والسيجارة (لو كنت مدخنا) مستمتعا بسماع الموسيقى ومعاكسة البنات وانت متأكد من أن الحوار الدائر بينهن يدور حول وسامتك!


31.اذا تكون قد استخدمت علبة جيل الشعر كلها مرة واحدة (لو كنت ابن ناس ومعاك فلوس) او قمت بفرد شعرك بكريم جلات (لو كنت ابن ناس برضه بس مش معاك فلوس) لتقوم بزحلقة شعرك ليبدو مثل عمرو دياب في أغنية نور العين.


32.اذا كنت قد لعبت في طفولتك باحدى اشكال لعبة (الميكانو).


33.اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة - الشبح).


34.اذا كنت قد اشتريت (بلوفر تملى معالك) بالوانه الشهيرة الابيض والاسود والاخضر.


35.اذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم.


36.ان تكون قد لاحظت حسن مصطفى وهو يميل على اذن فيفي عبده ليقرأ لها اسم الفيلم في الورقة (لم تكن قد تعلمت القراءة بعد).


37.اذا شهدت النجاح الساحق لاغنية حمدي باتشان (ايه الاساتوك ده..اللى ماشي يتوك ده).


38.اذا شهدت تحويل نفس الاغنية لاعلان مسحوق غسيل سافو بمشاركة حمدي باتشان والموديل الأشهر في مصر وقتها (نسرينا).


39.اذا كنت قد شهدت انحدار ذوق ذكور مصر لدرجة جعلت وفاء عامر ملكة للأغراء ونهلة سلامة نموذج للأنوثة وجعلت هياتم تغوي جميع الرجال


40.اذا كنت قد شاهدت نادي الزمالك يترك أفضل لاعب في مصر (رضا عبد العال) يرحل للغريم التقليدي الأهلي بسبب رفض طلبه لزيادة راتبه السنوي برقم ضخم للغاية (خمستاشر ألف جنيه!!!)


41.اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا)..خاصة شخصية بطرس منقريوس التي لعبها النجم حسن حسني.


42.اذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان.


43.اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول).


44.اذا كنت قد تابعت بشغف مسلسل (الرقص على سلالم متحركة) وتحدثت مع اصدقاءك عن شخصياته (دينا طحن ووديدة صاروخ وناصر اورجنايزر).


45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.


46.اذا شاهدت مسلسلا للمخرج حسام الدين مصطفي ورأيته في أخر التتر بصلعته اللامعة وسلسلتة الذهبية ينظر للكاميرا بابتسامة غريبة وهو يشير بابهامه لأعلى.


47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..


48.اذا قمت بتركيب (موتور) لتحريك الاريال فوق السطوح وقمت بتزويده بجهاز (بوستر) لتقوية الاستقبال وسهرت في ليلة صيفية تحرك الاريال بحثا عن قنوات المستقبل والام تي في وسيجما واسرائيل الثانية!!


49.اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة.


50.اذا كنت قضيت ايام و ليالي بتسمع اغنيه "دي دي" بتاعه الشاب خالد الي كانت مكسره الدنيا و لما كانت تخلص تجيبها تاني من الاول


51.اذا كان كل مصروفك ضايع علي الفيديو جيم خصوصا لعبه الديناصورات بتاعه مصطفي و حنان , و عمرك ما قفلتها لحد دلوقت


52.اذا كنت ضيعت تحويشه سنه علي سماعتين بايونير بيضاوي و ايكوليزر جينسن و ركبتهم في عربيه ابوك الي كنت بتقلبها منه بليل


53.اذا كنت بتبقي قاعد مستني حلقه مازنجر و بمنتهي البساطه و انت مندمج في الاحداث يقطعوها عشان يجيبوا مجلس الشعب


54. اذا كنت دخلت فيلم "تيتانيك" اسطوره الرومانسيه و شفت البنات و هي طالعه من السينما منهاره و بتعيط من احداث الفيلم و انت طالع بتعيط علي فلوس التذكره

يا رب تكون دى الحقيقه الكامله

مواضيعي

أماكن محلات الأثاث والنجارين بمصر ومميزاتهم (http://forums.3roos.com/showthread.php?p=13531412#post13531412)

كونسول ولا جزامه ؟!!! (http://forums.3roos.com/showthread.php?p=13460818#post13460818)

ايه الحكايه ورا اسمك الرمزي (nickname) (http://forums.3roos.com/showthread.php?t=566185)

أخيرا هتعرفي تلبسي الساري الهندي صح (http://forums.3roos.com/showthread.php?t=571077)

تعالوا احلموا معايا بأحلي حاجه في الدنيا (http://forums.3roos.com/showthread.php?t=569497)

meramia
04/11/2010, 05:25 AM
يااااااااه والله ذكريات حلوه
كلها بالحرف حصلت ايام جمييله
وافتكر كمان ماما ساميه والدبه مش فاكره اسمها...... وعروستي وماما نجوي وبقلظ واهم حاجه مازينجر وماهر (هيا يامازنجر انا معك ) انا كنت بموت فيه وسينما الاطفال ولا البرلمان الصغير بتهيئلي كان اسمه كده


وكانت انتشرت قوي في المدارس حاجه كده اسمها الاجلاسير كان كل الطلبه شايلينو بس بصراحه انا مجربتوش
ولما برضه كل المسلسلات كانت بتتكلم عن الارهابيين


وبالنسبه لينا احنا البنات موضه اللبس اتغيرت تغيير جذري فاكره بدايه ظهور التونيك وبعدين للاسف البديهات
ولا لما كل البنات لبسوا فوشيا او بيستاج مش عارفه كان لون بشع مع انه موجود دلوقتي بس ساعتها كان وحش قوي

وبدايه شهره احمد خلد توفيق ود\ رفعت اسماعيل وتفوقه علي كل من سبقه
ولا برنامج يوسف معاطي الست دي امي ولا مني الحسيني ومفيد فوزي
ولا انغام لما كان صوتها حلو
ولا حفلات كاظم الساهر والدبادييييييب
ولا مسرحيه الواد سيد الشغال دي باين قعدت اكتر من عشر سنين

ولا بدايه السقا وهنيدي وكريم ومني زكي وحنان ترك ولا اغنيه قمرين وكنزي ولا اغنيه اصاله مابقاش انا
ونسيتوا الاغاني يااه جدو علي وتوت توت ويافيل يابو كرش وطبعا كل اغاني صفاء ابو السعود
ولا اغنيه بولا بولا كنت بحبها مع اني معرفش حتي بتقول ايه الا قريب
ومسلسل ونيس ولا سنبل وحد ينسي بدايه بكار
وطبعا فوازير شريهان

وايامها كانت احلي ملاهي في الدنيا هي السندباد (الاخطبوط وبيت الرعب والزحليقه الطويله قوي دي)


ونسيتوا الاغاني يااه جدو علي وتوت توت ويافيل يابو كرش ويلابينا يلا يلا بينا وطبعا كل اغاني صفاء ابو السعود
ولا اغنيه بولا بولا كنت بحبها مع اني معرفش حتي بتقول ايه الا قريب
عارفين انا قاعده دلوقتي بسمع الاغاني دي
ياااااه الدنيا كانت حلوه ملمومه كده وصغيره كنت بحس ان المصريين مصريين اكتر من دلوقتي مش عارفه ليه

مواضيعي

(http://forums.3roos.com/showthread.php?p=13591842#post13591842)لو كنت من مواليد 1980 / 1990 تعالي إركبي قطر الذكريات (http://forums.3roos.com/showthread.php?p=13591842#post13591842)

أماكن محلات الأثاث والنجارين بمصر ومميزاتهم (http://forums.3roos.com/showthread.php?p=13531412#post13531412)

كونسول ولا جزامه ؟!!! (http://forums.3roos.com/showthread.php?p=13460818#post13460818)

(http://forums.3roos.com/showthread.php?p=13591842#post13591842)ايه الحكايه ورا اسمك الرمزي (nickname) (http://forums.3roos.com/showthread.php?t=566185)

(http://forums.3roos.com/showthread.php?p=13591842#post13591842)أخيرا هتعرفي تلبسي الساري الهندي صح (http://forums.3roos.com/showthread.php?t=571077)

(http://forums.3roos.com/showthread.php?p=13591842#post13591842)تعالو احلموا معايا بأحلي حاجه في الدنيا (http://forums.3roos.com/showthread.php?t=569497)

(http://forums.3roos.com/showthread.php?p=13591842#post13591842)

amy85
04/11/2010, 06:05 AM
رجعتينى لايام حلوه بجد
مشكوره على الموضوع الجميل

علوم
04/11/2010, 07:12 AM
ياااااااااااااااااااااااا اااااااااه
فعلا كل الحاجات ده اغالبها حصل
مسلسل ابناء ولكن
ومسلسل الرقص على السلالام المتحركة
وايه كمان اه
عمرو دياب تملى معاك
واغنية دى دى كانت بتقول دى دى دى وا هههههههههههه
لا وكمان ايمان الطوخى هى والكتوت الاصفر ده ههههههههههه
ورأفت الهجان كان بيجى الساعة 3 العصر تقريبا
شكرا ياميراميا بجد كانت ايام من عمر الواحد

totytwety
04/11/2010, 08:16 AM
ههههههههههههههههههه بجد موضوع جامد جدا موتينى من الضحك ورجعتينى لذكريات جميله

محبةللطبيعة
04/11/2010, 09:36 AM
ياااااااة رجعتينا الايام زمان وفكرتينا بذكريات حلوة :051: :045: شكر ليكى:025:

saso_m
04/11/2010, 12:52 PM
موضوعك روعة ضحكتينى فى اول الموضوع ورجعتينى لذكريات جميلة اووووى وفى اخر الموضوع دموعى نزلت لانى افتكرت ناس كانو غالين اوووووى ومش معانا دلوقتى
ياريت الفترة دى كانت دامت والله يرحمك يابا ويغفرلك كان ديما يتريق على كل البرامج دى
والله انتى قولتى كل الى كان بيقولوا
وليكى منى احلى تقييييم كفاية انك خليتينى اقرى الفاتحة لبابا

hoba bodyyy
04/11/2010, 01:20 PM
ههههههههههههههههه بجد انا فاكره كل الحاجات دى كانها من يومين انا فعلا كنت بلبس البنطلون الشلستون ده وحاجات ياما وكمان كنت بتفرج على كل المسلسلات دى وايمان مع البطوط الكبييييييييير ده انا من مواليد 1987 وخطيبى ساعات بيبعتلى اعلانات من قبل ما اتولد واحلى اعلان انا بحبه محمود ايه ده ا محمود حتى لما بروح اشترى حاجه وخطيبى معايا بقوله عبود ايه ده يا عبود هههههههههه ويقعد يقولى بستك بستك بستك نااااااااااو شوكولاته جيرسى واكله الجاااااااااااو واعلان صاحبتى نجوى يعنى نوجه والكل مفيش فى جمالها نوجه هههههههههههه الله يحظك يا ميرا

saso_m
04/11/2010, 03:12 PM
هههههه انا كمان بحب اعلان محمود ايه ده يامحمود عشان الباشا خطيبى اسمه محمود

يارب وفقني مرمر
04/11/2010, 03:14 PM
ههههههههههههههههههه مسخررررررررره
بس انا اتولدت و عشت ف الكويت جيت هنا من 4 سنين على الجامعه
كان كل ده اندثر معاصرتش ولا حاجه فيهم بس في جروب كاتب برده زي كده بس للي كان عايش ف الكويت كان مسخررررره زي ده كده

monna vision
04/11/2010, 04:27 PM
هههههه فكرتينا بأيام زمان يا ميرا فاكرين الاسكوبى دو اللى انتشرت من 10 سنين دى برده دى من الاحداث المهمة :)

asma_moaa22
06/11/2010, 02:02 AM
ههههههههههههههههه تحفة يا ميرو بجد انتى بت جدعنة من الاخر قوى

فاكيتى عننا والله بالحاجات دى التحفة اللى فكرتينا بيها من زماااااان بدل الخناقات اللى شغاله دى ميكونش ده موسم الخناقات ولا ايه

اصلى برضه لسه متخنقة مع خطيبى!!!!

نرجع للموضوع ههههههه

اه انا كنت بلبس البنطلون التلجى ده بجد وكنت بجيب تقريبا كل لون ينزل جديد

وكنت متابعة البرنامج الفضيييييع دهب دهب دهب ههههههههه فظيع قوى دهب دهب دهب تصدقى بيرن فى ودانى دلوقت

وكمان كنت متابعة مسلسل بتاع الناس اللى بتحب فاطمة ومش بتحبها دى هههههههه برضه كان تحفة وبحبه لغاية دلوقت

وفى كمان ههههههه نسيت هشوف الموضوع من الاول وابقى ارجع

عثل يا ميرووووو بجد

meramia
06/11/2010, 04:23 AM
والله كلكم بنات أحلي من العسل

بفرح بردود أفعالكم قوي

ذكريات حلوووووه
ربنا يجعل أيامنا الجايه كلها أحلي وأحلي
ونعجز بقي ونبقي كباااار في السن كده
ونقعد علي عروس ونخلي أحفادنا يكتبولنا ماإحنا مش هنبقي شايفين كويس بقي هههههههه
ونقعد نفتكر في الأيام دي برضه ونقول كانت أيام حلووووه
هههههههههههههه
ربنا يسعد أيامنا جميعا يااارب

مواضيعي

(http://forums.3roos.com/showthread.php?p=13591842#post13591842)لو كنت من مواليد 1980 / 1990 تعالي إركبي قطر الذكريات (http://forums.3roos.com/showthread.php?p=13591842#post13591842)

كونسول ولا جزامه ؟!!! (http://forums.3roos.com/showthread.php?p=13460818#post13460818)

(http://forums.3roos.com/showthread.php?p=13591842#post13591842)ايه الحكايه ورا اسمك الرمزي (nickname) (http://forums.3roos.com/showthread.php?t=566185)

(http://forums.3roos.com/showthread.php?p=13591842#post13591842)أخيرا هتعرفي تلبسي الساري الهندي صح (http://forums.3roos.com/showthread.php?t=571077)

(http://forums.3roos.com/showthread.php?p=13591842#post13591842)تعالو احلموا معايا بأحلي حاجه في الدنيا (http://forums.3roos.com/showthread.php?t=569497)

سارة العروسة القديمة
07/11/2010, 12:47 PM
يااااااااااااااااااااااة
خطفتينى فى ثوانى لاجل ايام ايام عمرى بجد
يا ريتها كانت دامت

Habiby dody
07/11/2010, 04:00 PM
ياااااااااااااااااااااااا اااااااااة
رجعتينا لايام الطفولة الجميلة
اللى مش ممكن الواحد ينساها كانت احلى ايام فى عمرنا
و كلها حاجات حصلت معانا فعلا
و كان زمان الواحد حاسس بدفى
و حب حتى رمضان زمان كان احلى بكتير
و الجو بتاعة كان تحفة و انتى بعد الفطار بتابعى الكاميرا الخفية
بتاعة ابراهيم نصر ( زكية زكريا ) هههههههههههههههههههه
و لا القرموطى كان لية وقت كدة بردة
بجد مشكورة على الموضوع الرائع دة
فكرتينا باحلى ايام عمرنا

تـيـولـيـب
07/11/2010, 08:59 PM
ايه ده هو محدش غيري هنا كان بيدور على الجادون ولا ايه
ولا البوماااااااااااااااااااا ت الشمعدان الشمعدان ذي مابتحبه هيحبك كمان وكمان

LA ßØήїŦÂĂ ŊăĐǿó
08/11/2010, 12:55 AM
يا خساره انا مواليد 78
هههههههههههههههه

مشمشة تامر
08/11/2010, 01:06 PM
هههههههههههه موضوع جميل فكرتيني باجمل ايام العمر يا قمرة بس انا جيت في اواخرها لانى من مواليد 89

زهرة نورما
08/11/2010, 05:35 PM
خلتينى اضحك وقلبى يحزن فى نفس الوقت فعلا كانت ايام جميلة اووى
بس هو فعلا ازاى الحاجات دى فى وقتها كانت بتستهوينا
سعنى برنامج امانى واغانى انا فاكرة كان بيجى فعلا الساعة 3 العصر ويجيب شباب الجامعه وكنت ببقى لسة راجعة من المدرسة وكنت بخلص غدا بسرعة علشان اتفرج عليه علشان اشوف الكليبات
واغنية انا من النظرة الاولى فعلا كانت غاية فى الرومانسية بالنسبه لى كنت بحبها جدااااااااااااااااااااااا مش عارفة لية
ميرسى يا جميلة على التوبيك الجاااااااااامد دة يا حبيبتى

.. أمــ عــلــيــ ..
08/11/2010, 06:38 PM
بصراحه .. فيه بعض الاشياء عرفتها .. لكن أغلبها يمكن اشتهر في " مصر " ..!!!

ع العموووم .. التعليقات روووعة :085:

شكراً لكِ

:025:

meramia
11/11/2010, 04:43 AM
فعلااااااااااااا
معاكي حق
أحلي حاجه في الوضوع تعليقات إخواتي حبايبي
ربنا يسعدكم كلكم ويحققلكم أمانيكم ياأحلي قمرات يارب

مواضيعي

(http://forums.3roos.com/showthread.php?p=13591842#post13591842)لو كنت من مواليد 1980 / 1990 تعالي إركبي قطر الذكريات (http://forums.3roos.com/showthread.php?p=13591842#post13591842)

كونسول ولا جزامه ؟!!! (http://forums.3roos.com/showthread.php?p=13460818#post13460818)

(http://forums.3roos.com/showthread.php?p=13591842#post13591842)ايه الحكايه ورا اسمك الرمزي (nickname) (http://forums.3roos.com/showthread.php?t=566185)

(http://forums.3roos.com/showthread.php?p=13591842#post13591842)أخيرا هتعرفي تلبسي الساري الهندي صح (http://forums.3roos.com/showthread.php?t=571077)

(http://forums.3roos.com/showthread.php?p=13591842#post13591842)تعالو احلموا معايا بأحلي حاجه في الدنيا (http://forums.3roos.com/showthread.php?t=569497)

أم نجود الأحساء
11/11/2010, 07:12 AM
تسلمي ياعسل

حفيدة فاطمة
11/11/2010, 11:16 AM
موضوع جميل خالص ومتميز

فكرتينا باحلى ايام

واعلان كوفرتينا على العريس يبقى حيتجوز ويهيس

موووووووووووووه

ولا موكلى وبوررينجر القديمة وبوجى وطمطم وعم شكشك والزبادى

كانت ايام حلوة والله

تسلم ايدك يا جميل :)

Rano0o
11/11/2010, 12:23 PM
http://sl.glitter-graphics.net/pub/1603/1603853hc9542uxr2.gif

لولو احمد
11/11/2010, 02:51 PM
ييياه كانت ايام جميله انا بقى مواليد86 وفكره انى وانا صغيره كنت بعمل حاجات هبله لما بفتكرها بتحرج مره ماما كانت بتتكلم عن باباها لما كانت صغيره لانه اتوفى وهيه فى الاعدادى رحت انا اتاثرت بالموضوع واعدت اعيط رحت ادور فى لبسى على حاجه سوده البسها لانى حزينه رحت ملقتش غير قميص نوم لماما اسود رحت لابساه ونزلت الشارع يااه بابا ساعتها جه من الشغل الله يرحمه يارب واعد يزعق وماما ضربتنى بس بعد ايه ماالناس كلها شافتنى بس انا زعلانه ازاى مش فاكرين بكار ورشيده والمغامرون الخامسه وسندباد وفكرين اغنيه انا لما بحب اتسلى مابحبش ائزئز لب مش عرفه اكتبها انا عندى اقرى مجله او ارسم زى ماحب ولا شباب الجيل المستقبل كانوا شويه ولاد بس امرات راحوا فين الولاد دول انقرضوا ولا شبسى ليز والله مش بقيت اشوفه كان بيبقى فيه جوايز طيب مين كان بيعمل شعره قطه ولا نخله كانت ايام فكرتونى بالذى مضى ولا اسماعيل ياسين على القناه التانيه يوم الجمعه وفى رمضان الشيخ محمد متولى الشعراوى قبل الفطار ويوم الجمعه سر الارض راح فين سر الارض يااه وفكرتنى بناس فعلا راحت من حياتنا كانت هيه محور السعاده لينا الله يرحمك يابابا انته وتيتا يارب ويرحم كل المسلمين

MIYA !!!
11/11/2010, 06:25 PM
10.اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.

.إذا كنت قد تابعت بشغف واحد من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)

ههههههههههههههه حلو الموضوع تسلمي