المساعد الشخصي الرقمي

مشاهدة النسخة كاملة : مشكلتي زوجي صار قاسي رغم طيبة قلبه



ريح العطر
08/09/2010, 12:13 PM
السلام عليكم ورحمة الله وبركاته



بغيت المشوره في مشكلتي



انا متزوجة صار لي سنة و3 اشهر، عندي بنوته 5 شهور الله يحفظها ويبارك فيها



مشكلتي علاقتي بزوجي


صار ما يهتم فيني، احس انه يخاف من اهله ويحسب لهم الف حساب، شخصيته قويه بس احس اهله مسيطرين عليه ويخاف ان اهله يشوفوه يهتم فيني او يساعدني في شئ، يعاندني بطريقه تضايقني منه، الشئ لازم اطلبه مية مره ويسويه بعد شهر هذا اذا سواه… احس صار بينا جفاء، يرتاح لما يطلع من البيت، احياناً ارتاح لمن هو يطلع واحيانا اتضايق… ما يهتم اذا شافني ابكي.. اذا زعلت وطلعت من الغرفة ما يجي يراضيني واذا كنت تعبانه او زعلانه ما يواسني ولا حتى يدلعني، ما يحب يجلس بالبيت كله يطلع سواء معي او مع ربعه..

انا جربت اكون دلوعه معه، جربت ادلعه، اشتريله هدايا ويفرح فيهم بس هو ولا يعبرني بهديه (بس اذا طلبت منه).. جربت اعامله بجفاء… كل شئ ما نفع معاه هو هو ما يتغير عصبي قاسي علي، كله يطلع من البيت يروح يجلس عند ابوه (يعطيه التقرير اليومي) ولا عنده رومانسيه ولا يتعامل معي بحنان.. اتعب ولا يواسيني ولا يجلس معاي بالبيت (وبدل ما هو يجلس يريد يرسل اخته تجي عندي!).. حتى دموعي صارت ما تسوى شئ عنده ولا تهز كيانه… يخليني احس ان اهله اقربله مني

اذا زعلت او شكيت له عن شئ او عاتبته على حاجه لازم يسمعني انا سويت لك وسويت وسويت وانتي ما تقدري اللي اسويه ايش الفايده اتعب نفسي وانتي ما تقدري…

صار ما يهتم بمظهره ولا نظافته، واذا لفت نظره على شئ يقولي انتي تحرجيني ويعصب او يقول ان هو حر وكيفه


اهل زوجي هم اهلي قبل ما يكونوا اهله


يحبوني واحبهم واحترمهم كثير.. عمتي مثل امي وبناتها مثل اخواتي (الله يديم المحبه، الحمدلله والشكر)




يا ليت احصل عندكم الاجابه الشافيه والحل المفيد االي يساعدني

SHREEFA
10/09/2010, 03:03 AM
السلام عليكم
اختي العزيزه

اقولج نقطه مهمه جدا وخليها في بالج على طول

الدموع لابد ان تكوووووون غاليه .. لاتقولين انا حساسه وما اقدر بسرعه تنزل دمعتي ... الدمعة لازم تكون للشديد القوي

لكي يحترمها الرجل .. ويخاف منها .. ويعمل الف حساب لهذه الدمعه

من الان وصاعد مسكي نفسك لا تبكين امامه ابدا ... خليك قوية اذا مشى مو مشكله ابجي ليما ترتاحين ولكن في وجوده لاتبكين نصيحه والله العظيم خليه يرتعد اذا شافه دمعتج

وبخصوص جلوسه بالمنزل لابد ان هناك شي يضايقه ... سبحان الله .. اقرئي سورة البقرة كل ثلاث ايام سبحان الله احد حاط عينه عليكم سبحان الله لاحد يعلم مافي القلوب اهلكم ، اصدقائكم ، جيرانكم والسلاح والحل بيدك قراءة سورة البقرة وان شاءالله تنحل المشكله


وبخصوص نظافته لا تقولين هالشي في وجهه مباشرة لا
بخصوص النظافه

مثلا من الافكار الموجوده في المنتدى

اعمل له كل اسبوع مثلا .. دعوة بأن يكون الملك .. ادخل مع الحمام وانتي بكرامه
احممه وانظفه وازيل الشعر الزائد واعطره وافرش اسنانه اقص اظافره اخليه يتعود على هالشي


يوميا
قبل لا يلبس ملابسه ... تكونين مجهزه كل الملابس النظيفه من الملابس الداخليه والخارجيه وتضعين له الديودرنت والعطر قوليله احب هالعطر فيك
احب اشم هالدهن العود اللي فيك وانتي وشطارتج ان شاالله كل شي يتغيير ويتحسن للاحسن

ودائما وابدا لا تنسين الدعاء
ادعي الله ان يؤلف مابين قلوووبكم



دمتم سالمين
اختكم شريفة

ريح العطر
11/10/2010, 07:58 AM
مشكووره عزيزتي شريفة عالرد

وبالنسبه لهذي النقطه.. للاسف هو ما يحب هالسوالف


اعمل له كل اسبوع مثلا .. دعوة بأن يكون الملك .. ادخل مع الحمام وانتي بكرامه
احممه وانظفه وازيل الشعر الزائد واعطره وافرش اسنانه اقص اظافره اخليه يتعود على هالشي


عموما هو تصير معاه طفرات.. مره يكون احسن ما يكون

ومره يضايقني

وان شاء الله بتبع نصيحتك وما ابكي كثير لان فعلا دموعي صارت شئ عادي عنده

من اليوم ورايح بخليها تكون شئ كبير

اشكرك اختي.. والله يرزقك من حيث لا تحتسبي

SHREEFA
11/10/2010, 11:18 PM
حياك الله والله يسعدج ويهنيج ان شاءالله