المساعد الشخصي الرقمي

مشاهدة النسخة كاملة : أنا بهذلت بنتي



ملكه على عرشي
16/08/2010, 02:37 AM
السلام عليكم ورحمة الله وبركاته

مبارك عليكم الشهر

بصرااااااااااااحه انا عندي مشكله مكرهتني في الخروج من البيت اوزيارة احد لي

وهي بنتي دايما" تحط يدها بالمنطقه الحساسه وهي تتكلم وهي تتابع التلفزيون

وربي تعبت عجزت معاها بالبدايه قلت لها ماما هذا عيب وبعدها صرت اهاوشها لحد ما وصلت

لدرجة اني اطقها ومرررررررره تحرجني وهي تسوي هالحركه بوجود عمانها وجدانها وش راح

يقولون عني.......تو الحين طقيتها قبل لاكتب هالموضوع وربي تعبت منها وكسرت خاطري من

كثر ما اطقها وبدون فائده بس من اشوفها تسوي هالحركه افقد شعوري واتهورحتى ابوها يطقها ويهاوشها


تكفون قولولي تجاربكم اذا كنتوا مريتوا بهالشي انصحووووني وربي محتاجه لمشورتكم

راح ادعي لها بكل صلاه اللي تريحني من هالمشكله

انقذوها وانقذوني

❤ذآبحني آلشوق❤
16/08/2010, 02:51 AM
يمكن عندهآ حسسآسيه وتحط يدهآأإ .. !!

مادري ولله ان شاء الله آلعرروسسآت بيفيدونج

حنين 66
16/08/2010, 02:52 AM
الله يعينك

بس اعرضيها على دكتورة افضل

مكارم الأخلاق
16/08/2010, 02:54 AM
هلا حبيبتي الله يعينك ...بس ماقلتي كم عمرهااا؟؟

ملكه على عرشي
16/08/2010, 03:06 AM
عمرها 3سنوات و6 شهور
والمشكله ماتشتكي من شي

Rabea3 al-ward
16/08/2010, 03:10 AM
اممم اهي في عمر تفهم حاولي تزعلين منها او تخاصمينها او تحرمينها من شي وتفهمينها سبب منعج للشي الي تحبه بطريقه تفهمها
بس بالطق ماينفع لان بتعاند اكثر واليهال حبهم للعناد
فانتي عانديها باشياء وقولي لها انج تسوين جذي انه مابعطيج

ملكه على عرشي
16/08/2010, 03:17 AM
جزاكم الله خير جميعا"

تصدقون عجزت اقفل اللاب توب اخاف وحده ترد وانا ماشفته

الاصيله55
16/08/2010, 03:22 AM
اختي حالتج نفس حالتي مع ولدي الصغير ما يتكلم او يطالع التلفزيون او يسوي اي شي الا يده على المنطقه الحساسه بس ما اضربه اقوله ماما عيب بس طاح لساني وما يسمع كلامي وما اذكر ان اخوه الكبير سوى مثله .. واذا رحت لاحد يقولون ولدج ليش ماسك منطقته ..ومب عارفه شسوي!!!
مع انه ما يشتكي من شي على قولة وحده يستكشفون وبيملون ..

Um Noor
16/08/2010, 03:25 AM
انتي متأكدة إن البنت ما عندها التهاب أو يمكن لما تروح الحمام ما تغسل نفسها زين فسبب لها حساسية

نوسة حياتي
16/08/2010, 03:43 AM
يمكن نوعية الملابس الداخلية اللي تلبسيها ياها تسويلها الم او حساسية جربي غيريها .
احرميها من الاشياء اللي تحبها ..وعاقبيها ..العقاب ينفع اكثر من الضرب
بسالك سؤال متى نظفتيها من الحفاضة ؟؟

ام القمر علي
16/08/2010, 04:11 AM
الله يهديها اختي في اطفال وااايد اسون جذي وتتعب الام منهم وفي النهاية يفهمون الصح ويتركون هالعادة السيئة

بنت خالي كانت جذي وقامت مرت خالي تعاقبها ولا استفادت شي
بس لما فهمت تركت هالعادة ....

اختي حاولي تحرمينها من اي شي تحبه

ملكه على عرشي
16/08/2010, 04:15 AM
جزاكم الله الف خير
ومن ناحية الغسيل انا اللي اغسلها
وتقريبا" تاركه الحفاظ من شهر وزياده

سندريلا الكون
16/08/2010, 04:22 AM
الله يكون بعونك
حاولي تشغلينها باي شي بالالعاب او انك تسوين معها اي شغل بس تخلينها تنسى هالحركه وانشالله تنساها مع الوقت

دلوعة بنكية
16/08/2010, 04:26 AM
الله يكون في عونج حيبتي

انا عندي بنت عمرها خمس سنوات كانت عندها هالمشكله تنرفزت وطقيت واصرخ واعصب على الفاضي
حتى قامت تجذب اتعور يعورني وحاله وطلع ما فيها شي بصراحه

بس بعدين قررت اهدد واخرعها عساها تخاف من هالشي ومن هالمنقطه خطره غصب
تميت اقولها الدكاترة بيطقونج ابره هاي شي مو زين كله دم بعدين وحاله

هانت ما تمت اتعيدها

زوآيـا آلـورد
16/08/2010, 04:30 AM
هلا خيتووو

تبين رايي

الافضل تودينها لدكتورة تكشف عليها مب خسرانة شي

الشي الثاني

حاولي تلبسيها بناطلين .. او شباحات مسكرة لحتى يصعب عليها وتنسى

الشي الثالث حاولي تركزي عليها اكثر تلهيها بألعاب او شي كدا

لا تخليها على التلفزيون لوحدها تالي تنسى روحها

وبنتج الان تفهم لو قلتي لها

انتي قولي لها بدون ضرب بس المهم انها تعرف انج جاادة

الحاجة الرابعة
عطيها هدايا لانج تحبيها وقولي لها حتى لو تركتي هالعادة بعطيج بعد هدية

وتحياتي

أم أغلى فهد
16/08/2010, 05:09 AM
انا من رأي الاخت ياقوت لا تلبسينها ملابس جدا قصيرة وتسهل عليها هذا الشي
وخذيها احتياط للطبيبة ترى الاطفال والبنات خصوصا تصيدتهم التهابات ويمكن تسبب لها حكة وتضايقها

..★شـــااانيل★..
16/08/2010, 06:26 AM
الله يكون بعونج والله

بوح الكلمات
16/08/2010, 07:48 AM
ادا انتين متأكدة انها ما تشكي من شي وانش تغسلين ليها المنطقة عدل بعد قضاء حاجتها نبههيها في البداية ان هدا المكان مو حلو نلمسه الاعشان انغسله بعد دخول الحمام وفهميها : ماما انتين لما تروحين الحمام وتسوين ( الككا ) تشوفين ريحة المكان كلش موحلوة صح ( سووري بس الموضوع يبي له ! ) بعدين ترى ادا لمستين اهني بتصير ريحة ايدش موحلوة مثل . . . وادا جيتين تاكلين بتمرضين لأن يدش ريحتها موحلوة وصار فيها دودة من ال. . . لكن بعد موتنبهينها في كل مرة تجاهلي في بعض المرات حتى لوكان الموضوع زاعجنش عشان ما تعاند وتسوي الحركة لمجرد اثارتش وغير جدي أول ما تشوفينها مسوية الحركة جيبي ليها لعبة أو دفتر وألوان المهم انش تشغلينها عن هدا الشي من غير ماتحس وبعد تقدرين أول ما تسوي هدا الشي تجين وتلعبين وياها لعبة التصفيق مع بعض بالأيدي ( الأطفال يستانسون عليها واجد ) وغير جدي دائما لبسيها شباحة ادا كانت تلبس حفاظ أو ملابس صعب اتدخل يدها من تحتها عشان يصعب عليها الموضوع اشوي ولا تتركينها أبدا بس بالكلوت حتى لوكنتين ألحين بتغيرين ملابسها أو بتسبحينها وغير جدي بعد سووووري هي يمكن في احدى المرات لما تحسست المكان حصلت ليها اثارة بسيطة فحاولت انها تعيد الكرة عشان تحصل على نفس الشعور وهي ياحرام صغيييرة وما تفهم أن هدا الشي غلط وعيب انسويه . عزيزاتي المشرفات ادا كان دكر اسماء ممنوع فأرجو شطب هده العبارة من الرد ( اطلعي على كتابات د. فوزية الدريع في هدا الموضوع لأنها ناقشت هدا الموضوع باسلوب حلو يستوعبه الطفل ولا يخدش الحياء ) . .

زوجي حبيب قلبي
16/08/2010, 01:51 PM
ما تشوف شر

mozun
16/08/2010, 01:57 PM
حبيبتي اعرضيها على دكتور اكيد في عندها شي وموقادره تعبر بس الضرب ما راح يجيب نتيجة حرام

Um Noor
16/08/2010, 04:12 PM
أختي دام البنت ما عندها مشكلة وأنتي إلي تغسلينها بنفيج لما تسوي هالحركة لا توبخينها بدل ما تضربيها وتبهدليها حاولي تشغلينها بأي شي طين مكعبات تصفيق أو حتى تساعدج في أي شي بس لا تبينين لها إن هالحركة مو مرغوبة لأن كل شي ممنوع مرغوب فحاولي تبعدينها عن هالحركة من غير ما تحس أو حتى تسهلين عليج المسألة في هالفترة لبسيها على طول افرولات حتى في البيت فيه افرولات للبيت من القطن أخذي لها منهم أو في الطلعة علشان لا تحرجش لبسيها أفرول للطلعة يكون جينز مثلا وإن شاء الله بتترك الحركة بس لا تشدي معاها خذيها بالين لأن العقاب والشد ما يجيب نتيجة

ملكه على عرشي
16/08/2010, 05:23 PM
اشكركم من كل قلبي
وماقصرتوا وجزاكم الله خير
بنتي ماتدخل يدها للمنطقه من تحت الملابس
تتحط يدها من فوق الملابس بس بكثررره لدرجة تحرجني عند الناس وصعبه ماانبهها عند الناس
وش بيقولون تشوف بنتها تسوي هالحركه وساكته

يتوم
16/08/2010, 05:31 PM
اكيد عندها التهاب ... لانه اكثر البنات اللي يسوون هالحركة عندهم التهاب ..

سنو44
16/08/2010, 05:31 PM
حبيبتي انتبهة لها يمكن عادة ولا تخلينها مع الشغالة لوحدة وغيري ملابسها الداخلية دايما وبعد عرضية علىدكتورة وقطعي الشك باليقين والله يخليها لج :L:

hoobie
16/08/2010, 10:00 PM
اختي اولا لازم تتأكدي ان مفيش عندها التهابات لان البنات معرضات جدا للالتهابات اكثر من الاولاد

ثانيا البنت لسه صغيره على انها تفهم ان ده عيب ويمكن هي بتعمل كده لانها كده بتلفت نظرك وبتزعقيلها ..انتي حاولي مش تتعصبي عليها نهائي لما تعمل لكن اشغليها ..يعني اول ماتعمل كده قوليلها تعالي شيلي كذا او خدي ارسمي كذا ..يعني حاولي تنسيها الموضوع ده

أجاثا كريستي
16/08/2010, 11:31 PM
في طريقة جربتها المربية ناني بس على شيء ثاني جربيها انتي وشوفي النتيجه ...

كل ما تمرين عليها وهي تسوي هالحركة شيلي يدها بهدوء ... وكوني هادئة جدا ...

وحاولي كل اشوي تمرين عليها وتشيلين يدها بهدوء ... هذي الطريقة تولد داخل الطفل الشعور بالتصرف الخطأ من غير صراخ او عناد .... اشوي اشوي كل ما بتحط يدها بتتذكرش وانتين تشيلين يدها وبيكون عندها دافع الى عدم تكرار العملية ...

كوني صبورة لانه الصبر بيفيد اكثر .... هو صار عندها شيء لا ارادي ... فانتي طبقي هالطريقة .... كل ما تمرين عليها شيلي يدها بهدوء وقولي عيب ماما ... روحي وردي رجعي عليها وكل مرة شيلي اليد .. وان شاء الله بترتاحين من هالحاله ...

واذا شلتي يدها في كل مرة حاولي تشتتين فكرها بسوالف عن اي شيء ... وبروحها بتتعود كل ما تحط يدها تشيلها ...

بسمة أطفالي
17/08/2010, 12:48 AM
ابدا لا تمنعينها عن هالاسلوب بالضرب

لان الاطفال يحبون يعاندون

مسز عادل
17/08/2010, 01:31 AM
بالنسبه لي اتبع مع ولدي الأسلوب الي قالت عنه وحده من الأخوات

طبعاً هو ما يكرر هالشي بس اكتشاف عادي كأي ولد بسنه او تكون عنده حكه بس اني اخاف من هالسالفه فاقول له ماما وع لا تلمس هني تتوصخ ايدك ما تشوف اذا تروح الحمام يطلع منك ككا و يقتنع

جربي و شوفي الله يساعدش

al7la mima
17/08/2010, 01:36 AM
انا اقووول اذا جاات تناام قصي لهااا قصه و خليهااا تنسجم مع القصه

ملكه على عرشي
17/08/2010, 04:22 AM
جزاكم الله خير وان شاءالله راح اطبق كل كلمه قلتوها لي
والله يهديها بس ويفكها من هالعاده

غارقة في دوامة الحب
17/08/2010, 04:36 AM
انتي حكريها ....لان ادا قلتين لها شئ بتعاند ...لان اكييد هذا طبع فييها ادا ما كان فيها شئ ..اختي فيها اطباع ادا نصارخ عليها ونضربها تعاند بس لما تسكت بروحها تنسى الموضوع وتبطل

قمرة حبيبها
17/08/2010, 04:36 AM
الله يعينك خيتوو
ماقصروا الاخوات

طمنينا عليها

نرجس النرجسية
17/08/2010, 04:49 AM
الله يساعدك
البنات عنيدات والضرب ما ينفع
تعاملي معاها بالسياسة
اشغليها دائما باللعب وإلعبي معاها بأي شي حروف ، مكعبات ، قصص ...الخ
لازم بتحصلين حل وهذي المرحلة يكون فيها الطفل حساس ويحاول يكتشف الاشياء بنفسة ،
مثلا قصي لها قصة تبين هذا السلوك الخاطئ

أم فضول
17/08/2010, 04:50 AM
الله يعينك عليها

بنت خالتي نفس حالتها عمرها 5 سنوات

بس امها عرضتها على دكتورة خاصة

وطلع عندها فطريات

وعطتها كريم وغسول

والحين الحمد لله راحت عنها الحكة

انتي عرضي بنتج على دكتورة احسن

لان الضرب ما راح يفيد

وانشاء الله ما عليها شر

لمارتي
17/08/2010, 07:02 AM
الله يساعدك

خادمه امها
17/08/2010, 08:47 AM
هالكلام نقلته لك من موقع ثاني للاخت توليب.....ادعي لي بالوظيفه الحكوميه عاجل غير اجل وصلاح ابنائي

مشكلة محرجة...بس ألين متى نخبي ونتجاهلها؟؟؟
أهلين حبيباتي...منورين...

قبل فترة حضرت دورة برا...وكانت عن مشاكل الطفولة المبكرة..ومدتها اسبوع...دورة خفيفة ومفيدة...سجلت فيها عشان بنتي...قولت يللا أحضر ممكن أستفيد........واخترت لكم منها موضوع برأيي مهم...

وهي مشكلة محرجة...وكان لازمني الكثييييييير من الجرأة...عشان أتكلم عنها...رغم ان الكل عارفها...وممكن تكون صايرة ببيت وحدة مننا...بس محد يتجرأ ويقولها...رغم انها محرجة كثييييير...وتكون سبب بمواقف نحنا بغنى عنها...

وهي ملامسة الطفل لأعضاءه التناسلية بشكل مستمر ومتعمد سواء كان البيبي بنت أو ولد...
وتكون بفترة طفولته المبكرة...ولو عملها قدام أحد تسببلنا احراج...غير انها توترنا وحركة مقززة من طفل لسا ماعرفت من الدنيا شي...

ليـــــــه تصير هذي الحركة؟

الطفل بذأه السن من (سنة ـــ 3 سنوات)...تقريبا...يكون بمرحلة الاكتشاف...يعني فيه حب استطلاع عجيب...

يحاول يكتشف كل شوي حوله...ويتعرف ع كل شي جديد...
فالأولى بهذي المعرفة هو جسمه...يبدأ يلامس الأشياء الغريبة واللي تلفت انتباهه...
ومن هذي الأجزاء...( الأعضاء التناسلية)....

لاتفكري انه بس يكتشف ذأه العضو...لا حبيبتي...هو يكتشف كل شي بجسمه...أصابع رجله...ويدينه...والأذن...
بس نحنا ماننتبه لملامسته لهذي الأعضاء...لأنها شي عادي بالنسبة لنا...ومألوف وبالتالي مايلفت انتباهنا ولا نشعر فيه...
حتى لاحظي...أوقات يلامس وجه الأم أو الأب أو الاخوان...يبغى يحس ويفهم كل اللي يدور حوله...

بس أول ماتعدي فترة الاستكشافات لأجزاء جسمه...ويبدأ بالأعضاء التناسلية...ع طول الأم تنتبه وتلاحظ...وتخاف...وتاخذها الظنون...

عزيزتي...لا يجي ببالك أبدا...ان طفلك يشعر بشي من المتعة أوأي من المشاعر الثانية اللي ممكن يشعر فيها شخص بالغ أو بعمر الفهم والاستيعاب...

كل هذي المشاعر بعيدة كل البعد عنه...كأنه يلمس يده...أو رجله........مايشعر الا بشي واحد بس وهو ان ذأه العضو جديد عليه...

بعض الأمهات...أو الآباء...أول مايشوفوا طفلهم عمل هذي الحركة...ع طول يخاصموه...أو يقولو(أف)...
أو عيب...ويبدأو يركزوا ع ذأه الموضوع...

الطفل هنا...يصير حتى هو يركز...ليه؟...اش معنى هذي المنطقة لأه؟أكيد فيها شي...
وبكذا...تثيروا فضوله أكثروأكثر لمعرفة العضو...ويزيد من لمسه...لأنه يعاند..الا يبغى يعرف اش فيه هنا؟وليه هنا بالذات لأه؟

الأم والأب...زاد تركيزهم عليه...وزاد المنع...والبيبي زاد اللمس....
حتعدي فترة الاستكشاف....وهو لسا ماترك هاذي العادة...
وممكن يوصل الموضوع لأكثر من كذا...
ان البيبي يفهم ان الحركة هذي مايقدر يسويها قدام الأهل...لأنهم مايخلوه ياخذ راحته بالاستكشاف...
اذا اش الحل؟ الحل انه يسويها بالخفى...وهو بعيد عنهم...

وكثير أمهات وقت الكورس...قالوا انهم بعد ماصاروا يمنعوا أولادهم بشكل مستمر...صاروا يلاحظوهم يستخبوا...خلف الباب...أو تحت السرير..أو خلف المكتبة...
تجي الأم تلاقيه جالس ومستخبي...ويده بالأعضاء...

هنا تأكدي انك صعدتي الموضوع...ووصلتيه لحاجة أكبر من كذا...
وهي ان البيبي يعدي مرحلة الاستكشاف..وهو مسك هذي العادة...ويجي لعمرالاستيعاب تقريبا الــ5 سنوات...
والحركة هذي لسا معاه ولاتركها...
هنا المصيبة...بهذي المرحلة...ماصارالموضوع موضوع استكشاف وبس...لاااااا...تعداها لشي أكبر...
الطفل صار يحس بشي غريب وشي من الاستمتاع...(موشرط استمتاع جنسي)...

هنايصير الطفل ذكي وحريص...ان محد من الأهل يلاحظه ويكتشفه...ويكبر الطفل ويكبر ويكبر...
وتحولت لعادات أسوأ....(عادة سرية)...(افراط جنسي)...(رغبة مستمرة)...( ميول جنسية منحرفة)...

وكله بسبب فترة مدتها الشهرين أو الثلاثة...لو الأم عرفت انها شي طبيعي...كان عدت بسلام..



طيب بفترة الاستكشاف..اللي هي الفترة الطبيعية...كيف تتصرفي؟؟؟

- أول مايبدأ طفلك بهذي العادة...طنشيه...لاتركزي عليه أبدا...وفهمي كل اللي بالبيت انه شي طبيعي...وانهم يتجاهلوه...
- لاتخليه لفترة طويلة بلا حفاظ...أو اندر وير...عشان مايقدر يوصل يده بسهولة.
- نمي ميول الاستكشاف بجوانب ثانية...مثلا: اشتري الالعاب المبهمة...أو الألعاب اللي تكون دائرة أو مربعة بلاستيك شفاف...وداخلها أشياء ملونة...عشان يبدأ يستكشفها ويشغل تفكيره فيها.
- وقت الاستحمام...عبي البانيو المخصص له...بابلز...(رغوة)...عشان تعمل حاجز بينه وبين الأعضاء...فكذا ماراح يشوفها...وبيظل يلعب بالألعاب...
- لاتخليه ينام ع بطنه أبدا بهذي الفترة...أول ماتسديحه خليه ع ظهره أو جنبه...بس لما يستغرق ويدخل بالنوم..عادي...<<< أصلا هذي النومة مكروهه...تشبه بالشياطين...وباب للشيطان لدخول الانس...ولأن الشياطين يجروا يوم القيامة ع بطونهم...
- لاتلبسيه شي ضيق ع المنطقة الحساسة...عشان مايحس بوجود شي...

وبكذا باذن الله تعدي الفترة...بسلام...

كان نفسي أنزله لكم من زمان...بس كل ماأبدأ الكتابة...أغير رأيي...كنت محتاجة دفعة قوية من الجرأة...
وان شاء الله قدرت أوصلكم الفايدة بدون خدش للحياء...
وربي يحفظلكم بيبياتكم...ويحفظكم لهم...ويرزق كل محرومة من المسلمات يارب العالمين...

أختكم المحبة:رنونتكم.

بوح الكلمات
17/08/2010, 09:11 AM
مشكوورة خادمة أمها على الطرح الأكثر من رائع كفيتين ووفيتين انشاللة تعم الفائدة على الجميع لأن هدا الموضوع ممكن أي وحدة فينا تتعرض ليه بطريقة أوأخرى ومثل ماقالوا معظم الأخوات الضرب هنا لامحل له من الاعراب خخخ يعني ممنوووووع لأنه بيعزز السلوك عند الطفل أكثر مما يعالجه . تم التقييم

همــسات
17/08/2010, 10:11 AM
مثل مشكله صديقتي
حطي ايدين (الدوا الاحمر) وهي فكرت من اتحط ايدها ان طلع دم اليها

ملكه على عرشي
18/08/2010, 03:32 AM
مشكورين وماقصرتوا وفعلا"كفيتوا ووفيتوا
وخاادمة امها الله ينولك اللي فبالك ويحقق لك ماتتمنين

رموووو
18/08/2010, 03:46 AM
مشكورة اختي خادمة امهااااا ع الطرح
فعلاً طرح ولا اروع الله يصلح ابنائك
ويعطيك الوظيفه العاجله

sweeteya
18/08/2010, 03:49 AM
thhhhhhhhx

ببتعد بسكآت ~
18/08/2010, 03:56 AM
حبيبتى ... انا عندي الحل .. هذا الحل كل العايله تستخدمه مع المبزرهـ

وبنتك توها صغيرة ..عطيها الصبح ارياال ..اكيد راح تستانس واسكتى عنها لى العصر وبعدين عطيها كمان ريال .. لين المغرب واليوم الثاني الصبح

اغريهاا بريال ... بس انتبهى تعطينهاا ...قوليلهاا لاتسمكى المنطقه ... لين العصر واعطيك .. وهكذاا لييين مااتتعود
ادرى رااح ترووح منك قروووش هههه بس بنتك ولازم تدورين لها حل واصبرى وحاولى تمنعينهاا من كل شى تبيه اذا مستكة بس بشووويش
والضرب مااينفع والله يوفقك

مــجـــرد دمــعــــة
18/08/2010, 04:58 AM
اختي الحبيبة
حاولي اتغسلين بنفسج المنطقة الحساسة لبنتج
ارحميها
يمكن عندها حكه و اتحكها
قوليلها ماما وين اتحكج عسب احكلج..فمن خلال هاي كلام تعرفين اذا كانت عندها حساسية و لا!

بس من خلال تهديد و ضرب اتزيدين عنادها...
تقبلي مروري

مرمروره
18/08/2010, 05:31 PM
حبيبتي الاطفال البنات خصوصا مممكن يكون عندها التهابات داخليه


كمان متحوليش تهتمي بالموضوع كتير لان االاطفال بتعند

وكلميها بالراحه


وهاتيلها لعب مكافاه مثلا لو معملتش كده

وهيه هتنساه ان شاء الله

أسمي برسمي !
21/08/2010, 09:11 AM
أنا مع الاخت بوح الكلمات 100%

والله يخليها لك ان شاء الله

ღام عبودღ
21/08/2010, 10:28 AM
اول شي تأكدي هي ماعندها فطريات وهذي الاشياء
اذا الحمدلله مافيها شي
فهذا شي طبيعي عند الاطفال
وكل ما منعتينها زادت في فعلها
وان شاء الله باقي البنات يفيدونج

ملكه على عرشي
28/08/2010, 04:24 AM
مشكوررررررررررررين وماقصرتوا
الله يعطيكم الف عافيه
ابشركم ارتحت من هالمشكله
تدروووووووووووووون ليه ؟؟؟؟!!!!!!




لاني رجعتها للخفاظ لانها صارت تسوي على نفسها
مع انها بالبدايه ماشاء الله كل شي تسويه بالحمام الله يكرمكم بس الحين مدري وش صار لها

@ام فروس@
28/08/2010, 06:28 AM
يمكن اتييها حكه او ملابسها الداخليه ضيقه . ساليها اهي تفهم ..؟

امم محمدد
28/08/2010, 07:11 AM
لا يمكن ولا ما يمكن
اقري في هذي الامور وبتعرفين الاسباب عندي مثلا في احد المصادر:
عندما يلمس الأطفال أعضائهم التناسلية
ماذا يمكن ان يكون السبب؟
- يفعلون ذلك عن غير قصد
- يحصل ذلك من خلال اكتشافهم لأجسامهم
- ملابسهم ضيقة
_ تسبب لهم الحفاظ الحساسية
- بسبب الضجر_ اذا ما وضعناهم بالسرير قبل شعورهم بالنعاس
- بسبب اهتمامهم بسرية المنطقة التناسلية
_ فيما تكتشف البنت لماذا ليس لديها قضيب , وفيما يتأكد الولد ان قضيبه مازال في مكانه, يكتشفان ان هذا العمل يعطيهما نوعا من اللذة, ويتابعان القيام بهذا التصرف.
كذلك,
الطفل الذي لا يجد الحب والثقة في عائلته قد يبحث عن اللذه في جسمه....

ماذا يجب ان نفعل؟
- يجب ان نحافظ على هدوئنا ولا نجعل من الأمر مشكلة
- ابتكار الالعاب التي تلهي الأطفال وتلفت انتباههم .. تساعدهم على نسيان التصرف وتجعلهم يقومون به بشكل اقل
- نتخلص من سبب التصرف..( الملابس الضيقة جدا, وضع الطفل في السرير قبل الشعور بالنعاس..الخ)

حبيبتي ابحثي عن التربية الجنسية وبتشوفين هالأمور ولا تحاتين

ملكه على عرشي
29/08/2010, 01:20 AM
جزاكم الله خير
والله يعطيكم العافيه

wajd الحب
29/08/2010, 02:09 AM
اختي الي اعرفه انو في فترة من فترات نمو الطفل يبداء يكتشف اعضائه وهذا شي طبيعي الي موطبيعي انك تضربيها هي ماتفهم انو هدا غلط حتى لوكنتي بتقوليلها

سمعت مره شريط اسمه طفلك من 2 الى 6 فيه معلومه تقول لوتبين طفلك يترك اي عاده او اي سلوك خاطئ اتجاهلي سلوكه لانو اتي بتعطيه تنبه لشي الي بيسويهوبعد فتره راح ينسى اتمنى اكون افدتك

بنت الاصايل
29/08/2010, 02:12 PM
أنا بنتي كانت تسوي مثل هالحركة عقب ما تركت الحفاظ..
في البداية خفت قلت يمكن عندها التهاب او شي..

عرضتها على طبيبة وكشفت عليها وقالت لي ان ما فيها شي.. وعطتني لها كريم احتياط لا أكثر..
المشكلة ان هم في هالعمر يستكشفون أعضاءهم..

مادري والله شقول لج.. عارفة شعورج.. لأني حتى البكاء بكيت لما شفتها تسوي هالحركة حتى واحنا نمشي بالسوق تدخل يدها والناس تطالع فيها وانا منحرجة وموعارفة شلون أتصرف.. وقمت ماحب أطلع عشان محد يشوفها وينظر لها نظرة ريبة والله..!!

قمت أهاوشها وأضربها وأحسها بالعكس بدل ما تنسى تزيد.. وتحاول تسوي هالشي بعيد عن عيني.. وهالشي يزيد الطين بلة

مع ان انا ما كنت ألبسها قصير.. بعدين قلت لازم ألبسها شي بحيث ما تعرف توصل لهالمكان..

أخذت لها شورتات طوال الين الركبة.. وضاغطين.. وفوق الشورت ألبسها شباحة اللي تتسكر عشان لو بغت تحط يدها ما تعرف ومع الوقت نست الموضوع صدق..

الله يريح بالج ويهدي لج بنتج!

ادم و حواء
29/08/2010, 05:34 PM
اختي انا اعرف وحده اكبر منه او كله اتسوي هل الحركه او امه كانت مو منتبه بس عقب ما قلنه ليه اكيد فيه شئ قامت ودته الدكتور او طلع فيه التهاب

بوح الكلمات
30/08/2010, 04:30 AM
بنت الأصايل انت صح :thumbs_up::thumbs_up::thumbs_up: وميزانش رافض التقييم باحاول مرة ثانية . .

شجــن
30/08/2010, 04:51 AM
لا تضربينها الضرب راح يخليها تعاند ..
اتوقع اهي في عمر تفهم .. حاولي تكلمينها بالطيب او مثل ما قالو البنات خاصميها

منوى
30/08/2010, 02:35 PM
يمكن عندهاحساسية او ألتهاب

ملكه على عرشي
03/09/2010, 11:28 PM
معاك حق بنت الاصايل بس بنتي تفرق عن بنتك بشغله وهي بس تحط يدها على المنطقه من فوق اللبس يعني ماتدخل يدها



الحين ابي حل لمشكلتي الثانيه وهي انها صارت تسوي على نفسها ورجعت لها الحفاظ

ضحكة كذوووووووووبة
08/09/2010, 08:45 AM
اختي هاي شي طبيعي في هالسن ..... ومومعقولة من شهر ونص خلاص يعي ماراح تسويها على روحها يبيلها وقت وصبر والبنات بعضهم يطول في هالسالفة

الام بطبيعتها تخاف على البنت من هالاشياء بس مثل ماقالوا اغلب البنات تأكدي اول انها مافيها اي التهاب او فطريات انا بنتي كان عندها نفس المشكلة ومن كثر مانشوف ونقرا من الاشياء اللي تخرع كنت اخاف عليها مع اني معاها اربع وعشرين ساعة ..... اول شي سويته اني من صغرهم بنتي وولدي مابدل ثيابهم او الحفاظ الله يعزكم قدام احد ..... يعني بنتي حتى قدام ابوها ما فصخها ومن صغرهم اقولهم عيب تربوا على الاساس ان هالمنطقة لازم ماتنكشف على احد حتى لو مثل جنسهم .... يات فترة حسيت انها تحط يدها في المنطقة الحساسة وطبعا بدت السالفة من شلت الحفاظ عنها ... انتي لو بتلاحظين قبل من تغيرين الحفاظ على طول يحطون يدهم عالمنطقة ..... بداية عمرهم وعلى حسب علم النفس اللذة عندهم في انهم يحطون كل شي في فمهم .... بعدين يبتدون الاكتشاف وبيتدون يحسون انهم راح يتبولون او غيره .... فيتركز اهتماهم على هالمنطقة ...... المهم اول مابديت الاحظ بنتي كنت وايد خايفة بس بعدين قمت انبها بالكلام او اني اروح لها واشيل يدها واقولها اني اشوفها .... حسيتها تزيد فعرفت اني انبها زيادة فقمت اتجاهل ونفس وحدة من البنات كانت تقول يحكني او يعورني فقمت اقولها ان اللي تسويه عيب واذا حد شافها ويمكن يطلع دم وبعد قمت اغسلها بنفسي لما تدخل الحمام الله يعزكم و املا لها البانيو ماي دافي او ماي وغسول مخفف انقعها فيه طبعا بعد استشارة الدكتورة اللي خبرتني ان البنات ما تنظف المنطقة عندهم لازم نهتم فيها وقالت لي كل يوم في الليل اخذ زيت زيتون اللي نستخدمه للاطفال و اشبع فيه قطنه وانظف المنطقة والحمدلله لحد الحين احس بنتي مرتاحة وانا ارتحت ولي حسيت انها تحك او تحط يدها على طول اسالها

بس بطبيعتهم البنات يحتاجون عناية ونظافة ولاتحاتين الحفاظ انا بنتي خذت وقت طويل لي عودتها تترك الحفاظ وكانت كثير تتبول على نفسها خصوصا لما تلعب او في الليل
عكس اخوها من تسع شهور بديت اعلمه وادربه و ماكمل السنتين الا مايلبس الحفاظ يمكن تستغربين وتقولين صغير بس جدتي ماقصرت علمتني طريقة بدائية ههههه بس نفعت وهي طولت ولحد الحين ماشاء الله عليها عمرها ست سنوات لما تلعب تنسى روحها وما رتوح الحمام وما اشوف الا قامت تنط وتركض او الايام كانت تنقط شوي في ملابسها الداخلية بس لما خبرتها ان راح يضرها الحمدلله قامت تغسل وتنشف روحها واذا بللت شوي على طول تبدل ملابسها ........

سامحيني على الاطالة بس حبيت اوصلك فكرة ان دام بنتك تحت رعايتك وعينك ومافيها اي التهابات اللي تمر فيه عادي ولاتضخمين الامور عشان ماتركز في بالها
بالنسبة للحفاظ يحتاج وقت طويل يمتد لشهور او سنة عشان تتعود فلا تخافين ...... ومشكلة التبول اللا اراردي تمتد لسن كبير فمبالك انها توها صغيرة الله يحفظها

عروس زمان
14/09/2010, 07:00 AM
لا تلبسينها الكلوت النص لان الخياطه بالنص تضايقها
ونضفها زين واهتمي انت بها فتره وشوفي الفرق

وهل عندك شغاله ؟
والله وحده من قريباتنا تقول ان شغالتهم عودت البنت ان تكون يدها على المنطقه على طول
وهي اكتشفتها وهي تعلمها وشلون تمسك المنطقه الحساسه

لحظات حب
14/09/2010, 07:39 AM
خيوو اغلب الاطفال في هالسن جدي خصوصاً لين توهم تاركين الحفاظه تكرمون ..
لانه يصير الشي يديد عليهم مو متعودين انتي الهيها باي شي واعملي نفسش تزعلين لما تشاهدينها جدي ..
او حتى سوي نفسك تبكين قولي ليها ماما انه زعلت عيب ما يسوون جدي شوي شوي بتستسلم ..
انه اختي الصغير الحين نعلمها انها تترك الحفاظه ولما تكون بدون حفاظه ايدها كله في هالمنظقه لكن لما
نسوي نفسنا زعلانين منها على طوول تشيل ايدها,,