المساعد الشخصي الرقمي

مشاهدة النسخة كاملة : محتاره في أكل بنتي ساعدوني بخبرتكم



زوزو13
09/08/2010, 08:56 PM
السلام عليكم ورحمة الله وبركاته
بنات أنا طالبه نصيحتكم أنا بنتي دخلت الشهر العاشر ماشاء الله
هل ممكن اعطيها دجاج او لحوم او سمك ؟^o)
ولو ممكن كيف هي الطريقه الي ممكن تأكل فيها هذه اللحوم
البنت جسمها ضعيف والمسكينه ملت من الزبادي والسيريلاك وانا مش عارفه ممكن تاخذ لحوم في هذا السن ولا لأ ؟
أنتظر مساعدتكم

...( هنوده )...
09/08/2010, 11:01 PM
حبيبتي في هذا السن تعطينها أشي مب مشكله

من رز وخضروات وفواكه وشوفان ومعكرونات واللحوم بأنواها مثل اللحم والدجاج والسمك الابيض ولكن ليس الروبيان والأكلات البحريه بعد السنه من عمرها

وأيضا صفار البيض

والروب والجبن والخبز كله تقدرين تعطينها

سويلها زر مع خضروات وأضيفي له قطعه من اللحم أو الدجاج أو السمك

فالفطور عطيها صفار بيض

وهكذا

مزيونة الوصوف
10/08/2010, 12:26 AM
المفروض من بديتي فطام البنت ماعطينها ألا الاكل الصحي وتبتعدي عن المعلب والبسكوت وتخلين البسكوت كتصبيره او وقت العصر وليس وجبه رئيسيه والوجبات اللي ممكن تعطينها من عمر 6 شهور جميع الفواكه والرز والخضروات ماعدا الفراوله لأنها ممكن تسبب حساسية ومن الشهر الثامن ممكن تضيفي اللحم والدجاج ماعدا الاكلات البحرية والبيض وبعد السنة البيض وجميع الاكل العادي ماعدا العسل يفضل تأخيره الى بعد السنتين ..

أم علااااااوي
10/08/2010, 03:05 AM
معلومات هامه
ما كنت اعرف ان في اشياء
لازم مانأكلها الطفل الا بوقت متأخر
او معين خصوصا العسل والبيض
توقعت انه من الاشياء الي يقدر
ياكلها الطفل من البدايه
دخلت واستفدت من ردود الاخوات
وان شاء الله صاحبة الموضوع تستفيد

زوزو13
12/08/2010, 01:05 AM
جزاكم الله خير يا بنات أنا سألت لأن في ناس حذروني أن اعطي البنت اي لحوم قبل السنه بس بصراحه البنت شربها للحليب قليل ولازم اعوض لها البروتين
بس كيف اعطيها اللحوم وهي ما عندها ضروس علشان تمضغ؟؟؟؟؟؟؟؟؟؟؟؟؟
ياريت تقولو لي جزاكم الله خير

um 3looy
12/08/2010, 05:17 PM
جزاكم الله خير يا بنات أنا سألت لأن في ناس حذروني أن اعطي البنت اي لحوم قبل السنه بس بصراحه البنت شربها للحليب قليل ولازم اعوض لها البروتين
بس كيف اعطيها اللحوم وهي ما عندها ضروس علشان تمضغ؟؟؟؟؟؟؟؟؟؟؟؟؟
ياريت تقولو لي جزاكم الله خير

هلا حبيبتي بدأي معاها بالدجاج والسمك تقدرين اتضيفينه للأرز وطحني معاه

أو تقدرين تقطعينه لها قطع صغيرة وتفتفتينه بايدش وتأكلينها اياه شوي شوي

أما اللحوم الحمرا فابتعدي عنها حاليا وبدأي تأكلينها بعدالسنة

بوح الكلمات
12/08/2010, 11:16 PM
تقدرين في سن العشر شهور اتأكلينها رز واخلطي وياه كل الخضارالللي تخطر على بالش واضيفي شوي شوفان هومفيد جدا ودرة بعد مفيد واسلقيهم في طنجرة البخارالشغلة كلها عشر دقايق وبعدين اضيفي اللحم والدجاج وياه واخلطيه بالخلاط بس انتبهي ان ماتكثرين رز وبطاطا وجزر ، اختاري نوع أو نوعين من هالثلاثة لأنهم يسببون امساك واحرصي على وجود الكوسة لأن فيه ألياف واجد ومفيد للي يعانون من الامساك بتلاحظين ان الوجبة بعد ماتجهز طعمها ثقيل شوي خففيها بشوية ماء السلق وعشان يكون طعمها أحلى أضيفي الطماطم بعد مفيد عشان الدم ، أما بالنسبة للسمك فهو لين وسهل الهضم وتقدرين تهرسينه شوي بيدش عشان ان ماعندها أسنان ، هالوجبة مفيدة وتحتوي على كل العناصر تقريبا ، جربيها وياها لأن في عمر السنة لازم تاكل من أكلكم العادي مع بهارات خفيفة . موفقة وبوسي الحلوة !

زوزو13
13/08/2010, 11:29 PM
هلا حبيبتي بدأي معاها بالدجاج والسمك تقدرين اتضيفينه للأرز وطحني معاه

أو تقدرين تقطعينه لها قطع صغيرة وتفتفتينه بايدش وتأكلينها اياه شوي شوي

أما اللحوم الحمرا فابتعدي عنها حاليا وبدأي تأكلينها بعدالسنة
جزاكي الله خير يا غاليتي على المساعده
ان شاء الله بجرب ولن انساكي من الدعاء

زوزو13
13/08/2010, 11:31 PM
تقدرين في سن العشر شهور اتأكلينها رز واخلطي وياه كل الخضارالللي تخطر على بالش واضيفي شوي شوفان هومفيد جدا ودرة بعد مفيد واسلقيهم في طنجرة البخارالشغلة كلها عشر دقايق وبعدين اضيفي اللحم والدجاج وياه واخلطيه بالخلاط بس انتبهي ان ماتكثرين رز وبطاطا وجزر ، اختاري نوع أو نوعين من هالثلاثة لأنهم يسببون امساك واحرصي على وجود الكوسة لأن فيه ألياف واجد ومفيد للي يعانون من الامساك بتلاحظين ان الوجبة بعد ماتجهز طعمها ثقيل شوي خففيها بشوية ماء السلق وعشان يكون طعمها أحلى أضيفي الطماطم بعد مفيد عشان الدم ، أما بالنسبة للسمك فهو لين وسهل الهضم وتقدرين تهرسينه شوي بيدش عشان ان ماعندها أسنان ، هالوجبة مفيدة وتحتوي على كل العناصر تقريبا ، جربيها وياها لأن في عمر السنة لازم تاكل من أكلكم العادي مع بهارات خفيفة . موفقة وبوسي الحلوة !
بارك الله فيكي يا حبيبتي على الشرح الرائع الي ان شاء الله استفيد منه انا وغيري