المساعد الشخصي الرقمي

مشاهدة النسخة كاملة : لكل اللي بتسافر امريكا وخصوصا كالفورنيا



عاشقة المنزل
09/08/2010, 04:41 AM
ازيكم يا بنات اخباركم ايه يارب تكونوا بخير وكل سنه وانتو طيبين

لو سمحتم اني كنت عايزه اتعرف علي اي حد في كالفورنيا لاني هسافر قريب بس والله متردده جدا اني اسافر لجوزي لاني سافرتله قبل كده وبصراحه كنت هطرق من الوحده كنت طول اليوم قاعده لوحدي ومعرفش اي حد خالص هناك نفسي يبقا ليا اصحاب هناك والو حتي نتكلم عالنت مش لازم نتقابل بس عالاقل الواحد يحس اني في بني ادم يتكلم معاه ياريت اللي عايشه هناك تبعتلي هنا او عالخاص بليييز
وكنت عايزه اسالكم لو في حد هيسافر امريكا الشهر ده يقولي انا خايفه بصراحه اني اسافر لوحدي وخصوصا ان اللغه عندي مش كويسه خالص وكمان هبدل الطياره في نييويورك ومش عارفه هقدر اعمل كده ولا لا ياريت لو حد مسافر يقولي يمكن اقدر اسافر في نفس اليوم انا لسه محجزتش بجد ربنا هيكرمها قوي اللي هتساعدني في الموضوع ده وخصوصا اني هتبقي بنتي معايا وهي لوحدها عايزه مجهود كبير لانها لسه عندها سنه وشهرين يارب الاقي حد فيكو هيسافر قريب

مايونيز
09/08/2010, 08:47 AM
ازيك ياقمر توصلي بالسلامه يارب انا مصريه بس بولاية نيوجيرسي والله لو كنتي معايا في نفس الولايه ماكنتش هاسيبك لوحدك خالص بس انتي بعيده عني ولو عايزه ايميلي بردو انا في الخدمه لو عاوزه تسالي عن حاجه اي حاجه انا هابقي سعيده اوي بمساعدتك

وبالنسبه للمطار ماتخافيش خالص هما هايقدروا اللغه عندك وهايشوفو اوراقك وهايدلوكي هما لو مافهمتهمش من الكلام هايفهموكي بالاشارات والله وكل حاجه هاتمشي متقلقيش ابدا واي استفسار انا موجوده

..★شـــااانيل★..
09/08/2010, 09:50 PM
http://forums.3roos.com/showthread.php?t=421116
هنا ملف لبنات امريكا ان شاءالله يساعدونج

عاشقة المنزل
10/08/2010, 01:16 AM
ازيك ياقمر توصلي بالسلامه يارب انا مصريه بس بولاية نيوجيرسي والله لو كنتي معايا في نفس الولايه ماكنتش هاسيبك لوحدك خالص بس انتي بعيده عني ولو عايزه ايميلي بردو انا في الخدمه لو عاوزه تسالي عن حاجه اي حاجه انا هابقي سعيده اوي بمساعدتك

وبالنسبه للمطار ماتخافيش خالص هما هايقدروا اللغه عندك وهايشوفو اوراقك وهايدلوكي هما لو مافهمتهمش من الكلام هايفهموكي بالاشارات والله وكل حاجه هاتمشي متقلقيش ابدا واي استفسار انا موجوده
كلك زوق والله يا حبيبتي
كتر خيرك
يخساره انتي فعلا بعديه قوي عني بس طبعا يشرفني اني اخد اميلك وهبعتلك اميلي عالخاص الوقتي اهو حتي نتكلم برضو لما اسافر ان شاء الله احسن من مفيش
انا بس قلقانه شويه من بعض الحاجات بس دعواتك معايا ربنا يسهلها يارب

فرصه سعيده قوي والله يا حبيبتي وكل سنه وانتي طيبه

عاشقة المنزل
10/08/2010, 01:17 AM
http://forums.3roos.com/showthread.php?t=421116
هنا ملف لبنات امريكا ان شاءالله يساعدونج
الف شكر يا حبيتي ربنا يخليكي