المساعد الشخصي الرقمي

مشاهدة النسخة كاملة : بنوتي ما تأكل



حياتو أنا
07/08/2010, 11:18 AM
مرحبا أمهات
شخباركم .....
بنوتي عمرها 9 شهور ونص ما شاء الله
ما تبي تأكل واذا أكلت تأكل شوي بس
وأحاول اعطيها من اكلنا مثلا ارز وصالونه
تأكل شوي وبعدين ما ترضى
واعطيها عصير تشرب شوي وخلاص
شسوي معها ؟؟؟
وشنو أعطيها وجبات عشان تتقبل الاكل ؟؟
ساعدوني بليز _ الله يخليكم _

ينبوع الامل
07/08/2010, 11:42 AM
احتمال بنتك مو ماتبي تاكل لا ماتحب الاكل اللي انتي تقدميه لها
جربي اعملي لها كاسترد شوفي اقبالها عليه اغلب الاطفال يحبوه
وشوفي اكل الاطفال الثانيين شنو جايز بنتك تحب مثله
المشكلة ان الامهات يلزمو الاطفال بوجبات معينة واذا مااكلوها ظنو ان الطفل مايحب الاكل وهو مسكين ميت جووع لكن مايحب الاكل المقدم له

همــسات
07/08/2010, 11:45 AM
مثل المشكلة اللي تواجهني
ولدي اكبر من بنتش بس على حسب احيانا الطفل قدرات
بالنسبه لي لحط اليه اكل مقطع في صحن واتركة يروح ويجي ياكل فيه واني اراقب من بعيد
كمثرة مقطع خيار تفاح علوي احب الخوخ واجد بس اراعي انه فيه الياف واجد عشان جدي ما اعطيه واجد
كورن فلكس ملون الاحظه واجد احب ياكله
عصير اخليه على راحته ادري اتصير عاصفه من الشغب يمه بس احسه ياكل افضل من لين اقعد على راسه
كستر في الرضاعه
عصير فواكة ويه حليب
عمر بنتش المفروض تاكل كل شي
نوعي اليها وخليها على راحتها

ام هنـد
07/08/2010, 06:22 PM
مثل مشكلتي في بنتي الرز و الخبز الهمبرغر البطاطس اي شي تاكل لقمتين او 3 :'(

اما اذا عطيتها عصير ولا بسكوت و شيبس تاكل عادي و يوم تخلصهم تطلب اكثر

و تاكل تفاح و موز جربي تعطينها فواكه طازجه قطعي لها صغار واطعميها بيدج

يعني ما تعطينها التفاح في ايدها يمكن يسبب لها اختناق لا سمح الله

الحاضره .. الغائبه
07/08/2010, 10:39 PM
بنتي كانت مثل بنتك ماتاكل ابدا بس من اعطيتها بدياشور انفتحت شهيتها ع الاكل بس بنتك صغيره عليه لانه من سن السنه وما فوق .... حاولي تنوعي لها بالاكل يمكن تحب شي معين .. جربي الجريش مع الحليب او العسل او الارز المهروس .....

زوجي حبيب قلبي
07/08/2010, 10:59 PM
حبيبتي حالتك نفس حالتي الزيادة انه بعده ماطلع له ولاسن يعني لازم ما اعطيه اي شي

اعز احبابي
08/08/2010, 01:52 PM
هلا اختي
عادي ها الشي اطفال وايد مايكلون اذا فطمتينها بتاكل

أم حســــين
08/08/2010, 01:59 PM
هلا حبيبتي
حاولى اتنوعين لها بالاكل
فواكه ( تفاح , كمثري , كيوي , موز , ...الخ)
خضار ( كوسا , يقطين , بطاطس)
فوحيه لها و اهرسيه
و عطيه و ياه و بعدها اعصير لها برتقاله و خففيها بالماي و عطيها و ياها

شوي شوي و بعدها تدخل لها الرز و بعض اللحوم
و ربي يخليها لك يارب
و يحفظها من كل شر

بوح الكلمات
08/08/2010, 02:31 PM
مثل ماقالوا الخوات أهم شي التنويع وحتى ادالقيتنها حابة شي لاتظليين عليه يوميا عشان متمل منه وتطورتين أكثر ماانتين متورطة اعطيها جبن حتى لو بروحه معظم الأطفال يحبونه بس بعد لاتكثرين والفواكه حتى الأطفال اللي ماياكلون يحبون عددمعين من الفواكه وأعطيها مثلا روب وابشري فيه اشوية خيار وحتى لو جزر مبشور عادي وادا كانت بنتش ماتاكل لحوم أودجاج سوي ليها خطتي ( أرز ، ذرة ، خضار منوعة وشوية شوفان وبعد السلق اخلطيهم في الخلاط ) وبعدين اهني السر يمكن ماتعجبها ألأكلة قومي واخلطيي وياهم نصف حبة طماطم لأن بيعطي الطبق حموضة خفيفة ومابيكون ماسخ مثل أكل الأطفال .. ولاتنسين أضافة اللحم أودجاج وتاكله وهي خبر خير !!

فيض الحب
08/08/2010, 04:37 PM
نفس حكاية بنتي
لكن انا ما ترضى تاكل من يدي
اماتاكل بنفسها او اخواتها يأكلونها تتقبل الاكل
الرضاعة مستحيل تاخذ فيها الا الموية ودي افطمها بس اخاف اظلمها

ام عمـار
08/08/2010, 09:57 PM
حبيبتي الاخوات ما قصروا

و ازيد على كلامهم انه بعمر 9 شهور الطفل صغير و معدته صغيرة فلا تتوقعينها تاكل وايد

و حاولي تنوعين لها

بالتوفيق

*سارة*
08/08/2010, 10:11 PM
اعطيها موز وخوخ وعنب
خضار مسلوقه مع قطعه دجاج
او خضار مسلوقه مع شوفان لذيذم ومفيده
سيريلاك وبسكويت اطفال
ومهلبيه بيضا ومكرونه مسلوقه
ورز مع زبادي واهم شي رتيأسين حاولي معها دايما والله يخلي لك البنوته

حياتو أنا
09/08/2010, 07:02 AM
مشكورين عالنصائح يا عسولات
والله يحفظ لكم عيالكم يارب