المساعد الشخصي الرقمي

مشاهدة النسخة كاملة : بخصوص تزييت جسم البيبي بدهن زيت الزيتون + اللهايه



أم علااااااوي
07/08/2010, 01:26 AM
السلام عليكم ياعرايس

بغيت أستفسر منكم

اذا بغيت ازيت جسم ولدي بزيت الزيتون شنو انسب وقت له
خصوصا لما تقولون لي قبل ينام بالليل اخاف ازيته وألفه وبعدين
ينام بالمكيف ويصيده برد او ضيقه (ربو) بسبب ان جسمه بيظل
رطب وبيبرد من المكيف وهل اضع في شعره بعد زيت زيتون؟

واذا قلتوا لي قبل ما احممه (أروشه) يعني أمسجه بالزيت قبل بكم
ساعه او دقيقه؟
وياليت اذا في نصائح بخصوص التزييد تخبروني
اني كنت امسجه بالزيت بس اول ما وضعت يمكن ثلاث ايام او اربع
ولاعاد مسجته وولدي كمل شهر الحين ويومين


وبخصوص اللهايه
انا بغيت اشتري لولدي لهايه لانه عذبني على طول يبجي
ويبي يرضع فقلت أخذ له لهايه و أريح نفسي شوي من البكى
فقلت بأخذ له ماركة شيكو لقيت فيه منها الي حلمتها صفراء
و في منها بيضاء
ولا اعرف شنو الفرق بينهم ياليت تقولون لي أي وحده أفظل
وشنو الفرق وليش أفظل

وتسلمووووووون والله يخليكم حبايبي

فاطمة..
07/08/2010, 02:57 AM
بعد كل استحمام مسجيه ببيبي اويل من جونسون ريحته حلوه ويثقل الياهل منها ويطول بلرقده
وزيت زيتون مثلا وقت القيلولة حطي له على جسمه وشعره ولفيه زين

rawiyah
07/08/2010, 03:41 AM
اللي سمعته عن زيت الزيتون حار فيأثر على بشرة بعض الأطفال قبل فترة كان قيه موضوع في القسم عن أم تحذر منه سبب حرق على بشرة طفلها فابتعدي عنه أفضل ممكن تستخدمي أي كريم مرطب أو بيبي أويل
بالنسبة للهاية صبري حالك على صريخ طفلك إن شاء الله فترة و تعدي لأن إذا الطفل تعود عليها يكون صعب يتنازل عنها ( تأكدي أن طفلك شبعان ـ نظيف مو موسخ ، درجة حرارة جسمه زينة مو حارة و لا باردة ، ما في شئ مضايقه ) و الله يهديه

نملة كووول
07/08/2010, 03:56 AM
انا مانصحج باللهايه لان مثل ماقالوا صعب يتركها بعدين او ينقطع عنها ,, وممكن تضر بأسنانه بعدين
وبعدين لازم يبجي لج بهالاشهر الاولى وانتي قلتي انه توه بالشهر الاول وهذا البجي يمكن يكون بسبب الغازات او مثل ماقالت الاخت
جوعان او يحتاج تغيير الحفاظ ..


انا ازيت بنتي كل يومين وترك واذا بزيتها يكون كامل يعني شعرها بجسمها ويكون ببيبي اويلق قبل لا اسبحها بساعه او ساعه ونص وبنتي الحين خمسه اشهر بس يوم كانت بسن ولدج كنت استخدم لها زيت زيتون بس مخفف هذا حق الاطفال تلاقينه بالحواج تقولين له زيت زيتون مخفف بيعطيج


واتمنى افدتج

أم علااااااوي
07/08/2010, 05:13 AM
مشكورين حبايبي عالرد

بالعكس انا مهتمه في ولدي
واغير له على طول و ارضعه وايد بس كل يبي يرضع
وحاسب له عن البر والحر بس مدري ليش على طول بجي
ومعاه فعلا غازات وايد لانه وايد يتعصور

ومشكورين ياعرايس والباقي لاتبخلون علينا

سندريلا الكون
07/08/2010, 05:32 AM
البنات ماقصروا معاك

جوري الحبj
07/08/2010, 06:05 PM
الله يساعدج اختي ولدج مثل بنتي في الأربعين كل تبي ترضع وتمصمص في ايدها وخصوصصا اذا معاها مغص فأخذت لها سهاية وافتكيت تهدأ عليها وبخصوص الزيت استخدمي بيبي اويل جونسون بعد ماتسبحيه ولبسيه ولفيه ورضعية راح يهدا وينام طبعا انتظري ربع ساعة بعدين شغلي المكيف

ام هنـد
07/08/2010, 06:14 PM
البنات ما قصروا

اللهاية ان تعود عليها ما بيتركها عقب مهما حاولتي و بتتعبين

زوجي حبيب قلبي
07/08/2010, 11:04 PM
الهاية زينة للي كل يصيحون لكن تخرب كتها عنهشكلهم انا كنت اعطي ولدي لكن كل واحد يقول لي كلام لما تر

أم علااااااوي
08/08/2010, 03:53 AM
مشكورين يالغاليات
جوري الحب والله تحسين فيني
تعبت من كثر التمصمص حشى
حتى صدري يعورني حتى صرت اشك
ان مافيني حليب واعصر صدر اشوف فيه
ساعات اقول يمكن خلص من كثر المص
الله عينا متى يكبرون ونفطمهم ونرتاح

أخذت له لهايه بس اذا يمصها ويشوف ما يجيه شئ
يصيح ويمص بقوه واذا مافاد يرميها :)

وبخصوص جونسون اويل
عندي من ضمن الاشياء الي خذيتها من
المستلزمات لكن ما عجبتني ريحته يوم
سبحته وجيت بحط له شميته ما عجبني
ولا حطيت له

بوح الكلمات
08/08/2010, 06:19 AM
حبيبتي عن زيت الزيتون للطفل ما عندي فكرة وزين اللي طرحتين الموضوع لأني من زمان حابة أعرف عن فائدته وطريقة استخدامه أما عن اللهاية فالشائع ان ادا اتعود الطفل عليها صعب يتركها لكن من تجربتي مع بنتي غفران عرفت ان كل طفل يختلف عن اثاني أني حتى ماعطيت روحي فرصة حتى أشوف ادا بنتي اتزن واجد أولا عطيتها أياها من ثاني يوم الولادة يعني طلعت من بطني مني وخدت اللهاية مني ! ! المهم اني لما أكون مرضعتنها كفاية ومبدلتنها وبعد شفتها تبغي تمص أعطيها اياها حتى ماتشرب أكثر من حاجتها وترجعه وبعد لأن المص اريحها ادا ممغوصة أوشي وبعدين لما كبرت اشوي قمت أقلل من مصها للهاية مع الأكل واللعب وياها لكن لما أكون تعبانة ماليها الا اللهاية أول شي لأني جايبتنها قيصري وثاني شي أني محتاجة نوم وطاقة عشان أقدر أعتني فيها عدل ولاحقين على السهر أيام الله واجد ! واستمريت عليها وياها لين ماكملت سبعة أشهر وقتها سافرنا ونسيت آخد اللهاية ويايي وهي ماصارت متعلقة فيها واجدلأنها كبرت وفي أشياء ثانية تشغلها وكلش كان الوضع عادي من غير اللهاية ولاتغربلت ولاشي وبنت أختي بعد اخدت اللهاية 9شهور كاملة وألحين بتكمل الأربع سنوات وأسنانها زينة مافيهم شي . .

أم علااااااوي
09/08/2010, 03:30 AM
مشكوره اختي
ولدي متعبني مو راضي يتقبل اللهايه
كل ما اعطيه يرجع يرميها ما يبيها
واحيانا قليله ياخذها واذا يمص ولايجي
منها شئ يبجي ويرميها مره ثانيه

واني تعبت من المص بصراحه خصوصا
ان اني معتمده على صدر واحد بس
ما اعرف ارضع الا منه والثاني مبين انه
جف لاني ما ارضعه منه الا بالسنه حسنه

بوح الكلمات
09/08/2010, 04:51 AM
أول شي لا تغلطين غلطتي وترضعين من صوب واحد حاولي مهما صعب عليش الموضوع ولدي صار عمره خمس سنوات ونص وللحين في اختلاف في الحجم لهدا السبب ومع اني عوضت في أولادي التاليين لكن ظل بعد في فرق شوي أما عن اللهاية فحاولي انش ماترضعينه فترة طويلة اشوي وعطيها اياها وبعدين ولدش عدى الشهر وعلى كلام بعض الدكاترة عصير البرتقال مايضره انتين اخدي الحلو موالحامض ومسحي اللهاية ابه شوي وبيتقبلها واداموحابة تعطينه عصير في هدي الفترة لاتكثرين بس عشان يتقبل اللهاية وبعدين في ناس يعطون اولادهم تمر جت على البرتقال يعني ؟ واني شربته أولادي الثلاثة وهم بخير وصحة المهم بعد اعطيه اللهاية اداكلش شفتينه بينام وخلي أحد غيرش أبوه مثلا يعطيه أياها عشان لاتشوفينه يصيح ويعور قلبش ومرة بعد مرة بيتعود عليها ؟ ؟

ام عمـار
09/08/2010, 08:45 AM
حبيبتي افل وقت للزيت هو قبل الحمام مع شويه مساج و انصحك ببيبي اويل من جونسون او غيره من الماركات ابرد من زيت الزيتون

سوي بحث بالقسم و بتلاقين مووع خاص بمساج الطفل بالصور

و بالنسبة للهاية انا مؤيده لها لانها تهدئ الطفل بشكل مو طبيعي اختاري الحجم المناسب لعمر طفلك و هو اصغر حجم

بالتوفيق

أم علااااااوي
10/08/2010, 03:29 AM
لو تشوفون شكثر شريت لهايات
ماخليت ماركه ما شريتها
واشكال حلوه تعجبني بس قلبي
ما يطاوعني اعطيها ولدي حتى لو
ظل شوي يمص فيها بعد معاناه
اني يعورني قلبي خصوصا لما
يمصها بقوه ويطلع صوت متضايق
مثل الي بيبجي يعني يحس ان
مايجي منها شئ
يتقطع قلبي ما اقدر واخذها مره ثانيه
واعطيه صدري ولو اني اعاني من الرضاعه
احس طفلي وايد يرضع حتى لو مو عطشان
والدليل انه احيانا من يرضع يستفرغ كميه
كبيره من الحليب

وعلى التزييت قبل يومين زيته بزيت بيجون ريحته حلوه
بس ما مسجت ولا زيت جسمه كامل بس بطنه قلت
يمكن يرتاح شوي من كثر الغازات الي ذابحته ويتعصور
لي ويتلوى و مسجت بطنه بس ما لاحظت تغيير

بوح الكلمات
10/08/2010, 05:57 AM
ادا يعورش قلبش في موضوع اللهاية وتحسينه يشرب أزيد من حاجته اعطيه ابهامش بعد ما تغسلينه ايمصه بس عشان يهدأ وبعد ادا ما فاد ياتشترين ليه الكرسي الهزاز ( يروح للأمام والخلف بحركة هادئة من الأم وادا بعد ما فاد ماليش الا تدورين ابه في الحجرة عشان يسكت في الوقت اللي الناس نايمة فيه وتشخر بعد وهدا الحل اكيد ما تبغينه صح ؟ ما بقت فكرة الاوقلناها بس انتين يا تطاوعينه وظلي كل اشوي رضعيه وبتروح تعبتش على الفاضي لأنه بيرجع أو تهونين المسألة وبتهون ! !

أم علااااااوي
10/08/2010, 06:02 AM
بوح المشاعر
ما ادري ليش احسج معصبه؟
وشكلي بعصبج اكثر
هههههههههههههه
لان حبيبتي عندي الكرسي الهزاز واستخدمه
وساعات يفيد وساعات مايفيد خصوصا بعد ما يرضع
ما ابغي اهزه وايد بعدين يرجع :)
والله يعطيج العافيه حبيبتي
ادري أمهات أول مره يبطون الجبد
لاني اني مقهوره من نفسي اصلاً

بوح الكلمات
10/08/2010, 06:08 AM
لا معصبة ولا شي بس انتين واجد اتعقدين المسائل وكل ماحاولنا انطمنش تردين تحاتين لكن ألحين مابارد لوويش اتقولين عشان مانتهاوش على المنتدى من الصبح خخخخ

أم علااااااوي
10/08/2010, 06:15 AM
:) صباح الخير
واكيد صايمه وماتبغين تعطشين من الهذره
مشكوره حبيبتي عيل لو تشوفين شمسويه
في امي مسكينه
شكله بس تبغي اخلص الاربعين وتفتك من
طحنتي غير الاتصالات بالي عندهم خبره
ههههههههههههه

تعبت عليه و لاتبغيني احاتي
ان شاء الله تعدي هالفتره على خير
ويرتاح ويريحني

اني من ناحية احاتي اي وايد احاتي
احاول اغير هالطبع بس ما اقدر
والحين من جبته زاد حالي بالمحاتاه

والله يعينكم عليي :)

ومابتردين عليي
لا ما اتوقع خيه بتبخلين عليي بخبرتج
الله يخليج لعيالج ويخليهم لج

صج نسيت اقول لج
صبري مشواري معاكم طويل بعد بتجي فترة التطعيم
والكلام والحركات متى يحبي متى يقعد متى يمشي
وغيره وغيره اي صج والاكل يااااعلي مشوارنا طويل
انتين بس برزي روحج وهدي اعصابج وخلج ريلكس :)

بوح الكلمات
10/08/2010, 06:23 AM
هع هع هع ( الضحك ما يعطش )