المساعد الشخصي الرقمي

مشاهدة النسخة كاملة : ختنت ولدي اليوم وعندي كم سؤال



ريـــتـــاج
02/08/2010, 01:03 AM
السلام عليكم

بنات انا ختنت ولدي اليوم .
بس صياحه مو طبيعي يصرخ بقوه لين يتجمد. حتى الاحظ احمرار . وتورم مو في الراس لا بالي وراها . بالقضيب نفسه .
وخايفه عليه لانه يصرخ بقوه اذا تبول وانتو بكرامه
وسمعت عن زيت الزيتون .. وش يفيد فيه لو حطيته ..
ياليت تفيدوني لانه اول ولد لي ومو عارفه وحاسه نفسي حايسه معاه .

عطيته نص مل ادول واحسه هدا شوي وبعدها رجع للصياح
الله يجزاكم الجنه يارب

سندريلا الكون
02/08/2010, 01:07 AM
انشالله امهات الاولاد يساعدونك لاني ماعندي الا بنت

والله يقومه بالسلامه

ام هنـد
02/08/2010, 01:21 AM
مثل الاخت سندريلا ما عندي الا بنوتات و ان شاء الله الاخوات يفيدونج

لولو الصغيـرة
02/08/2010, 01:26 AM
اني لما طهرت ولدي صرخ بعد اول وثاني تبول ورحنا الصيدلية نبغي مسكن قالوا مايحتاج بيتعود على الالم

وزيت الزيتون حطيته من ثاني يوم عشان يلين الربله

وكريم ميبو بعد كل تبديل



ان شاء الله أكون افدتش

ام نسايم وعلي
02/08/2010, 01:38 AM
انا ولدي ختنتة بلحلقة وماكان يصيح عشان كدة مااقدر افيدك ان شاءالله يفيدونك الاخوات

أوركيدة السماء
02/08/2010, 01:39 AM
انا ام زوجي الله يرحمها
قالت لي اول بوله للطفل بعد الختان تهتبر دوا
وبعدبن قالت لي اشفطي حليب من صدرك وصبيه عليه
ويعتبر مبرد له
هذا كل اللي اعرفه وبعدها بيومين بيطيب على خير
ومايشوف شر الولد صار رجال

أمي سر سعادتي
02/08/2010, 01:39 AM
اختي لاتخافين هذا طبيعي وماعليج الا انج تحططينله زيت بين فترة وفترةوباجر ان شاء الله راح يخف والله يكون في عونج ويريحج على ولدج وطمنيناعليه..

Nadoon
02/08/2010, 01:48 AM
انا ابني ختنتو بالحلقة كمان اول شي عملتو لبستو بامبرز كبير اكبر من مقاسو عشان ما يتضايق وكنت اغسلو اول باول بماء بارد من الحنفية وكنت احطلو كحول عشان الجرح يتعقم وبعد كنت اعملوو مغطس ماء وملح بس مش كتير ملح يعني احملية واقعديه فيو ربع ساعة بيرتاح انا بس طهرتو قالولي حطية بماء وملح 3 مرات في اليوم يعني لمدة5 يام و تحاميل ادول بانتظام

ان شاء الله اكون فدتك

فرووووولة
02/08/2010, 02:30 AM
ياعمرررري يكسرون الخاطر الاولاد لما يتختنون

انا لما ختنت ولدي عطاني الدكتور قائمة من التعليمات الي اسويها له لمدة 4 ايام

وهي اول شي اني احط زيت بيبي اويل (جونسون) كل ما ابدل حفاظته وثاني يوم 3 مرات في اليوم وثالث يوم نفس الشي ولمن طاح الشاش رحت للدكتور مرة ثانية ومادري شسوو له وكتبنا على بودرة ناخذها من الصيدلية بس ماعرف شسمها تكون مخصصة لجذي

وان شاء لله يا رب كلها اسبوع ويصير زين لا تحاتينه

دموع كربلاء
02/08/2010, 03:11 AM
السلام عليكم...


اختي ان شاء الله افيدج في شي من خبرتي من تطهيرة ولدي


اختي اول يوم بجوفين طول اليوم اهو يصيح ما يسكن وكل ما تبول وانتو بكرامه يزيد في الصياح لانه تحرقه واني الدكتور قال اليي ما تبدلينه من اول يوم بس تغيرين الحفاظ وتخلي عليه زيت الزيتون او المرهم ميبو وبعدين بجوفي في اليوم الثاي ان شوي هدء عن اليوم الاول وان الشاش بروح بطيح لا تحاولين اشيلينه من نفسك اهو بطيح بروحه وكل تبديله حطي مرهم ميبو على طول ويجوفي ان العضو كله منتفخ ومتورم حتى اني خفت اقول الى زوجي ليش جدي لايكون التهب الجرح بس الدكتور طمنا وقال الينا ادا زاد عن 10 ايام وما طاحت الربله اوديه يجوفه وبس في اليوم العاشر طاحت وبس رجع كل شي الى طبيعته......طولت عليش...
وخلاص.

ايسمار
02/08/2010, 03:31 AM
احيانا يكون التهاب في العادة البكاء في الساعات الأولى وخصوصا بعد اول تبول وانتوا بكرامة والتبول اللي بعده يألمه بعد بس مو كثر الأول حاولي تستخدمي حفاظ اكبر او ان مايلصق فيه ولفي الطفل علشان مايحرك رجلينه ويتألم وممكن تستخدمي زيت زيتون او الميكروكروم يخليه يجف بسرعة واعطيه مسكن ولو حسيتي الطفل يبكي متواصل ومتألم راجعي معاه المستشفى

مــجـــرد دمــعــــة
02/08/2010, 03:32 AM
اختي الغالية حاولي لا تعطرين ...يعني باختصار حاولي خلال اسبوع غرفة اللي فيها ولدج ما يكون فيه ريحة عطر او صابون او ديتول ...لانه لو كان في ريحة مثل ما ذكرت لج قبل شوي يمكن الورم يزيد..
اتمنى لو افدتج

زوجي حبيب قلبي
02/08/2010, 07:50 AM
بفيدج بخبرتي<<<<<<<صرت خبيرة
احنا لمن انطهر الجاهل انحط عليه زيت الزيتون في كل تبديلة ومرهم عيون

عروس جنان
02/08/2010, 08:13 AM
عادي اختي هذا شي طبيعي..
عليكِ بزيت الزيتون ومرهم العيون كثير مفيد امي كانت تسويه لولدي
ومن يطبح فيه بودرة في الصيدلية استخدميها له..

hoobie
02/08/2010, 08:25 AM
شوفي اختي انا ختنت ابني عند جراح اطفال كبير في مصر وقالي اعمل الاتي:

اولا كل يوم احطه في ماء دافئ "مغلي مسبقا" يعني مش من ماء السخان العادي

ثانيا احطله مرهم جارامايسين وده يعتبر مرهم مضاد حيوي وبيساعد على التئام الجرح

ثالثا اديله مسكن وانا كنت بديله سيتال

الكلام ده لمدة اسبوع وخلاص

وطبعا متنسيش البامبرز يكون واسع عليه

.. أمــ عــلــيــ ..
02/08/2010, 08:35 AM
احسن شي تستعملين زيت الزيتون كل ما حسيتي ان الشاش جف .. بلليه بشوي زيت زيتون ..

وماعليه الا العافيه ان شاءالله .. كلها يومين او 3 .. وتشوفينه مستانس ..

:)

مملكة بلقيس
02/08/2010, 04:04 PM
اول بوولة للطفل تعتبر دوااء و حاولي تشطفين حليب وتحطينه له تحت
واذا صاااح حمليه على ذرراعك لانه ينسيه الالم شوووي
والملااابس لبسيه شبااحااات اكبر عشااان لا تضغطين على تحت واايد ويتااالم واذا ماعطينج كررريم حطيه عليه بعد كل تبديلة للحفاااظ واذا بتبدليه اخذي قطنه فيهااا مااء ونظفيه لا تودينه الحماااام لاااااااا والاستحمااام عالاقل بعد يوومين او ثلااثه اياااااااام سبحيه وتقدرين تستخدمين المناااديل المرطبة الخااصه بالاطفال لتنظيف جسمه والعطوور لا تحطوون له او لكم عطوور لانه يسبب التهاااب له

واذا شفتي انه الدم للحين ينزل منه على طول وديه الطوارى والشااش او الحلقهي الليبتطيح من نفسهااااا اذا ما طاااحت بعد 10 اياام روحي المستشفى

أم الحلووو
02/08/2010, 04:28 PM
لما ختنت ولدي عطوني ورقة بالتعليمات الي اسويها

وهي اني مايصيدها ماي لمدة يوم كامل بس مجرد تبديل الحفاظ
ومااحط عليها اي شي
وانه بعد عشرة ايام راح اطيح الربله كمدة اقصى

واول يوم كان لما يتبول يصرخ واني خليته يومين مادخلته الحمام قلت افضل ولا خليت عليها اي شي لا كريم ولا زيت
وبعد تقريباً خمس ايام طاحة الربله

مامة يوسف
02/08/2010, 05:00 PM
ضعى على الجرح فيوسيدين كريم وهو على شكل مرهم ومكتوب عليه مضاد حيوى ضعى على حلقة الجرح مع كل غيار 3 أو 4 مرات فى اليوم وان شاء الله هيبقى كويس

Smile Heart
02/08/2010, 05:50 PM
اختي يختلف الختان ممن ولد الى ولد ثاني ..
وعلى حسب الي خته بعد ..

اخدي التعليمات الي عطاك اياها الدكتور الي ختن ولدك..
هو اخبر بالي يحتاجه ولدك من ادويه ومنظفات ..

انا ختان ولد غير عن البلد بس الحمدلله كل شيء تمام
وكنت اتعامل معاه عادي وكل مره ابدل ال اغير اله الشاش لانه ماكانت لاصقه واحط فيها مرهم من عندهم..

كانت جراحه بس الخياطه من الخيوط النباتيه الي تدوب بروها ماتطيح ..

الله يعافيها ومايشوف شر ان شاء الله ويبلغك فيه يارب ..

ريـــتـــاج
02/08/2010, 09:18 PM
الله يجزاكم الخير يارب .
بس الاحظ شي غريب . كل مابدل الحفاظ القى شي ابيض ينزل من مكان الجرح نفسه
كانه غي لزج .
وانا نقعته بماي وملح مرتين .

جمال الزهره
02/08/2010, 10:55 PM
كلما تبدلين حفاضته خليهعليه زيت
والانتفاخ اللي تشوفينه من بعد الحلقه ترى عادي ,, والحلقه تطيح بروحها بعد اسبوع أو 10 أيام
وما عليه شر البطل ..

um 3looy
02/08/2010, 11:02 PM
هلا اختي
عادي يتألم
بعد كل تبديل حفاظ خلي عليه زيت الزيتون وبعدين كريم اسمه ميبو من الصيدلية
ومايبغى ليه الا 5 ايام ويطيح

وماعليه شر
ولاتستخدمين البودرة أبدا أبدا لانها تيبس الجرج وتخليه يلصق في الرببل

واذا طاف 10 ايام وماطاح راجعي المستشفى

وع البركة على التطهير

نوريه القاسم
03/08/2010, 03:57 AM
بفيدج بخبرتي<<<<<<<صرت خبيرة
احنا لمن انطهر الجاهل انحط عليه زيت الزيتون في كل تبديلة ومرهم عيون

صحيح اني بعد لمى سويت لولدي اعادة ختان وتصحيح كتب لنا الدكتور مرهم عيون:thumbs_up:

هيبة الصمت
03/08/2010, 11:17 PM
السلام عليكم صح ماعندي ولد بس ممكن افيدج لازم تخلينة على طول نايم لأن رلما رح تحملينة رح يوجعة واهوا رح يتضايق ويبكي وخليه يبكي عادي انتي المهم لا تمسيكينة علشان مايعورا وممكن تحطين زيت زيتون شوي عشان ييخفف الالم وانشاءلله خير

ريـــتـــاج
04/08/2010, 02:31 AM
الله يجزاكم الخير يارب
الحمدلله امس راجعت المستشفى وكل شي طبيعي والحمدلله .
والربله طاحت قبل شوي وانا مستغربه اليوم لها ثالث وطاحت بروحها . هل هالشي عادي ؟؟