المساعد الشخصي الرقمي

مشاهدة النسخة كاملة : عبداله يعضني في صدري



الوان سحرية
01/08/2010, 09:02 AM
السلام عليكم ..

مشكلة جديدة تواجهني ...

عبدالله ذي الايام متعلم يعضني في صدري .. لما يشرب حليب ..

اخ مقرف ويعور .. هو ما يعض بس يشد صدري ..

وعلشان ما اعوده ع الضرب

قلت له بابا عيب .. صرت اقرصه من اذنه او فخذه ..

بس ما جايبه

هو لما يسمعني اصرخ .. يضحــك ..

محسب الموضوع يضحــك

مرات من العصبيــة والالم ..

ما ارضى اكمل معه الرضاعــة .. واعصب عليه ..


بس ارحمــه لما يبكي .. ايش الحل ؟؟

والله تعبت ..:'(

طرحت المشكلة في تجمع بنات السلطنة

ونصحوني اني امثل اني ابكي لما يسوي فيني كذا .

انا واياه لما نلعب وو يمثل اني يضربني .. انا ابكي .. وهو يضحـك

فاخاف السالفة تكون مضحكة كمان بالنسبة له

اللي واجهت نفس مشكلتي ياريت تخبرني ايش عملت ..

أريج الأقحوان
01/08/2010, 09:11 AM
هههههههههه
عادي حبيبتي كل الأطفال يسوون كذا .
حتى أختي بنتها كذا بس عودتها إن ما ترضعها إلا إذا هي مية جوع^_^ عشان تنشغل بالرضاعة وما تلعب..

وشي ثاني بعد أول ما تبدأ ترضعها تبدأ تحكيها وتدلعها عشان تنشغل عن العض^_^

الله يعينك على عبود^_^
يمكن عاد عضة الأولاد قوية..*_*

ترنيمة شاعر
01/08/2010, 09:42 AM
باختصار اذا عضش ابسرعة مسكي
خشمه وخلاص

ام عــلاوووي
01/08/2010, 09:46 AM
من يسوي الحركه !

صيري حازمه شوي وامسكي خشمه !

وممكن يكرها بس على طول امسكي خشمه وبيفتح ,

ومع الوقت خلاص ما بيرجع يسويهاا !

الله يخلييه ..!

Blossoms
01/08/2010, 09:58 AM
مثل ماقالوا البنات امسكي انفه بس مو بقوة

الله يهديه ان شاء الله

الوان سحرية
01/08/2010, 10:21 AM
هههههههههه
عادي حبيبتي كل الأطفال يسوون كذا .
حتى أختي بنتها كذا بس عودتها إن ما ترضعها إلا إذا هي مية جوع^_^ عشان تنشغل بالرضاعة وما تلعب..

وشي ثاني بعد أول ما تبدأ ترضعها تبدأ تحكيها وتدلعها عشان تنشغل عن العض^_^

الله يعينك على عبود^_^
يمكن عاد عضة الأولاد قوية..*_*



لااااااااا ما كل العيــال .. اخواتي عندهم عيــال ما يسون كذا ..

ترا انا متى ارضعــه الا لما يكون يريد حليب يعني جوعان .. واصلا انا كثير مقللة ساعات الرضاعة .. صرت معودتنه ع الاكل اكثر شيء يعني صدري ما يجيني الا وقت الجووووع ووقت النوم ..

وع الدلع والحكايات ما مقصرة ..

الله يبارك فيك الغالية ويخلي لك اختك وبنتها يارب

الوان سحرية
01/08/2010, 10:23 AM
باختصار اذا عضش ابسرعة مسكي


خشمه وخلاص



من يسوي الحركه !

صيري حازمه شوي وامسكي خشمه !

وممكن يكرها بس على طول امسكي خشمه وبيفتح ,

ومع الوقت خلاص ما بيرجع يسويهاا !

الله يخلييه ..!


مثل ماقالوا البنات امسكي انفه بس مو بقوة

الله يهديه ان شاء الله


هو حـاليا مزكــم .. اخــاف يصير له شيء ..

بس فكرة حلوة هههههههههه .. مشكورين فديتكم

بلسومز .. كيف ولدك ؟؟

الدمشقية
01/08/2010, 06:26 PM
مثل ماقالولك البنات امسكي انفه بالتالي يفتح فمه لانه محتاج يتنفس وياخد هواء
ومرة على مرة يبطل يعمل معاكي هالحركة هههه ربي يحميه ان شالله

الحب4
02/08/2010, 04:14 AM
يسافي يسوي هالحركة بس ارحمه لانه في مرحلة تسنين واي شي يعضضه

واحيانا اشوفه يعض باقوى شي عنده يا عمري هو

اما اذا عضني وحسيت بالم شديد ادخل اصبعي الصغير في فمه ويترك صدري وبعدين نرجع نكمل الرضاعة

زهرة السعادة
02/08/2010, 07:46 AM
هلا حبيبتي

نفس مشكلتي هاليومييين !!

طبعا اول ما عضني .. حسيت بالم !
و مباشرة كنت حازمة معاه و قلته له عيب !

و لانه هو في مرحلة التسنين يحسب الموضوع لعبة و يبي يضحك
لكني صوتي يكون حازم لما اقول له عيب و يترك صدري !!

و لما رجعت احاول اعطيه صدري ما يبيه !! >> يعني زعل !!!
احترت اني اخلي يعضض او لا !!

طبعا الالم مو بسيط .. فاول ما يعض اقول له عيب و اشيله من بوزه و اعطيه المصاصة على طول
و بعد دقيقتين ارد ارضعه و يرضع عادي بدون عض =)


اتمنى تستفيدي من تجربتي !

عروس جنان
02/08/2010, 08:15 AM
الــوان مثل ما خبرتك حاولي تبعديه عن صدرك وتحرميه من الرضاعـة
وخلي نفسك تصيحي من الألم.. يمكن يحن قلبه شوي هههههه
الله يحفظــه ياارب