المساعد الشخصي الرقمي

مشاهدة النسخة كاملة : معاناتي مع طفلي ..



مالكة الليل
23/07/2010, 01:10 PM
مرحبا خواتي

والله اني اعاني من مشكله مع طفلي اللي راح يكمل سنتين .,, من يوم هو صغير ماالحق عليه االا هو ياكل رمل .. واقول اليه عيب ماما ما ياكلون هذا وصخ وابدا مافي فايده وياه ..

وليومكم هذا هو من يشوف رمل برى البيت راح يلعب ولازم يذوقه استحمق عليه نفس الشيء .. اني خافه انه ياثر عليه مستقبلا .. فرايكم شنو الحل ؟؟!!!!

والمشكله الثانيه انه لحين ما يتكلم او يقول كلمات بسيطه ماما وبابا ويهدر بس كلام مفهوم مافي ,, يعني مدري اشلون اتعامل وياه ,., يعني لين يبي شيء يجي يعطيني اياه اسويه اليه مثلا عصير ايجيبه علشان ابطله له ..

واذا يبي ماي يجي ياخذني ويود يني المطبخ ويوقفني صوب الكولر يعني يبي ماي والرموت يجيبه اليي يعني بدلي القناه وهكذا..

اني خايفه انه ما يتكلم ..!! بعيد الشر عنه ,., فهل احد صاده جدي ولحين ولدها مااتكلم وبعدين اتكلم واشلون اتعامل وياه واخليه يتكلم ؟؟ وغير هذا ولدي ما يضرب بس يضربون ولا يدافع عن نفسه يعني اني مابيه يضرب بس من يضربونه سيده يجي اليي زعلان و يصيح والحل ؟؟

مهندسسة
23/07/2010, 01:18 PM
حبيبتي في كتير ولااد بهالعمر ومابتكلمة عاادي وبتقدري كمان تاخديه على طبيب بس يشوف وضعه وان شاء الله طبيعي مافيه شي بما انه بحكي بابا وماما

اما بالنسبة للرمل في ولاد كتيير بعملو متله واعتقد كمان فترة وبتعدّي

وجيف قلب
23/07/2010, 01:28 PM
مرحباً

بالنسبة إلى الكلام ... تقدري تاخذيه إلى طبيب .. عشان تطمني أكثر ..

أحياناً يكون في شي بسيط مسبب له المشكله ..

أنا ما أبي أخوفش .. بس ولد حماتي أذكر يوم كان في هالسن ما كان يتكلم أبد

ودته إلى أكثر من طبيب تالي طلعت العله من أذونه .. ( ما يسمع عدل ) والحمدلله سووا له عملية

وخلاص .. اكو الحين مو بس يتكلم .. إلا باللغه العربية الفصحى ..

أنا ما أبي أخوفش .. بس لازم تتابعين ولدش .. وحاولى انش تتكلمي معاه .. هذا يساعده على الحجي واجد

---------

بالنسبة إلى أكل الرمل .. أني أذكر للحين يوم كنت صغيرة كنت آكل السكر كذا وحده .. وساعات حليب النيدو .. اتغيب وأبلع فيه

يعني عادي .. فتره وتعدي ههههه

مالكة الليل
23/07/2010, 01:30 PM
هلا اختي مهندسه .. هو اشوف اطفال يسسون نفسه ويلعبون بالرمل بس لوفي حل عندكم جربتونه وفاد مع اطفالكم ,, لاني المشكله لما اجي له واقومه يقعديصيح يبي يواصل في اكل الرمل !!!!!!!!!!

وبالنسبه للكلام .. هو له موعد هلاسبوع حق تطعيم سنتين .. وراح اشوف الدكتوره شنو تقول لي ؟؟ وان شاء الله يكون طبيعي ..


ومشكوره حبيبتي ع الرد..

um 3looy
23/07/2010, 01:40 PM
هلا اختي بالنسبة للرمل واااااااااجد جهال في هالسن ياكلون أي شي يشوفونه لازم يجربونه

بس انتين حاولي لما تشوفينه ياكل الرمل تصرفين نظره لشي غير يعني قولي قوم بنروح الالعاب أو تعال براويك شي حليو

أو لين ما أكلت بعطيك هدية وشجعي وعلى طول قولي ليه وع الرمل سوي روحش بتاكلين بس ماتقدرين تفلي قولي ليه وع كريه
وشوي شوي بيتعود

وبالنسبة للكلام في أطفال يتأخرون في الكلام بس سنتين لازم ع الاقل يقول جملة من كلمتين وانتين موعد تطعيمه لازم بتسألش الدكتورة
وبتفحص عليه وانشالله يكون كل شي طبيعي

أم حســــين
23/07/2010, 01:41 PM
اهلين خيوتي
الله يخليه ليش يارب و اتشوفينه معرس ان شاء لله
غناتي لاتحاتيين
الشي طبيعي
في اطفال بسنه ما يتكلمون الا متاخرين
و بعدين مره وحده ينطلق السابهم و اتشوفينهم احس مما يكون
و انتي حاولي حبيبتي
اتقولين له كلمات بسيطه
و خليه يررد و راش
حاولي تاخذين له كتب الى الاطفال فيه صور فواكه حيوانات
و اتعلمينه و اتخليينه يررد وراش الكلمه و شوي شوي
وما عليه الا العافيه ان شاء لله


بخصوص الرمل
حسون كان جذي النتفه
من نروح البحر يستخف
بس فتره و عدت
كل ما نقول ليه عيب يزيد
فتركته اني و ابوه
بعدها فتره كنا راحين مع اختي البحر
ومعاها و لدها عمره سنه ونص و بدا ياكل راح ليه الا يقول ليه عيب ما ياكلون ههههههههه
و بس
فتره و بتعدي لاتحاتين حبيبتي

مالكة الليل
23/07/2010, 01:49 PM
هلا اختي وجيف قلب ,,

تصدقين اني ولدي كله انادي عليه ويالله اللي يسمعنا وساعات احسه يطنشنا وكله اقول شكلها اذونه ونوديه عادي مافيها التهاب .. وبعد فتره صاده التهاب ,,وعالجناه والحين اووكي

بس كل ما شاف ولدي يقولون جي عمره جم ولحين ما اتكلم ؟؟!! ويستغربون منه .. وكل وحده تقول اني ولدي تكلم من وقت وعندي بنت خاله من يوم هي عمرها سنه وهي تتكلم ومن صارت في عمره لسنانها فصيح ما شاء الله .. والحين ولد حماتي في قد عمر ولدي ويتكلم ويقول اسم ولدي .. ويقعدون يقارنون بينهم .. من جدي احس انه ولدي عنده مشكله .. غير هذا وااجد يندكج مع التلفزيون مع قناه طيور الجنه وكراميش وطه وبراعم .. وما يسكت الا بهالقنوات ..

تشكرين ع الرد ..

مالكة الليل
23/07/2010, 01:53 PM
ام علي وام حسين

الله يسمع منكم وان شاء الله فتره وتعدي .. وعن الرمل انه كله اقول له عيب ماما ما ياكلون .,,

وبالنسبه للكلام اني اتكلموياه واقولقولما يقول بس لين سويت شيء يقلدني ويحاول يسوي نفسي وان شاء الله في موعده راح اشوف الدكتوره شنو تقول لي ..

مشكورين ع الرد

um alooy
23/07/2010, 02:44 PM
الكلام مو مشكلة

يعني ابن اختي ما كان يتكلم حتى وصل سنتين و ما يقول كلام مفهوم

بعدين ما شاء الله عليه تكلم بطلاقة وكل شي يقوله

بس دام يأشر و يدلك على الأشياء اللي يبيها معناته يفهم مافيه خوف من هالشي

وردةحب
23/07/2010, 09:54 PM
كانش تتكلمين عن بنتي تحب تاكل ارمل الاطفال لازم يذوقون كل شي . الله يخليه ويهديه

hiba82
24/07/2010, 03:00 AM
بنتي هيك بس مو رمل بتحب تاكل الصابونة واللوشن والكريمات واي شي ريحته عطرة وحلوة عمرها ٣ سنوات وبحاول افهمها انه غلط وبخفي كل شي من بين ايديها ومع ذلك باي مناسبة بتوقع بايدها صابونة او لوشن مابتقصر والله رافعة كل شي منها بخاف عليها

زوجي حبيب قلبي
24/07/2010, 09:18 AM
خيتو معظم الاطفال ما يتكلمون في هذا العمر
مافيه الا الخير ان شاء الله
وعن اكل الرمل الاطفال كل جدي اذكر اختي يوم كانت صغيرة مو بس تاكل رمل حتى الصابون والبخور
يعني بالمختصر اي شي يشوفونه ياكلونه <<<<<<يا ريت ياكلون اكلهم

لوناآآ
24/07/2010, 09:31 AM
قلبو لاتخافي ولد خالتي عمرو سنتين ومايتلكم الى يقول ماما وبابا وبنده ههه عشان دايما يروحو ماركت بنده هه

هما في اطفال زي كذا انتي اتكلمي معاه وعلميه زي خالتي تكلمو وتقلو بابا يقول بابا تقلو ماما يقول ماما انتي علميه

ولا تتسرعين مارح يتعلم بسرعه جيبيلو التعليم للكلام بطريقه محببه يعني مثلا روحو محل العاب قولي هذي سياره السياره حلوه

انا خالتي كذا تعلمو بطريقه محببه بالاطفال وعلى اكل الرمل هههه لاتخافي كل الأطفال كذا يحبو يلعبو وياكلوو كل شي وانشالله افدتك

مالكة الليل
24/07/2010, 11:42 AM
الحمدلله انكم طمنتوني خواتي

وان فيه اطفال نفس طفلي .. يعني مو بس اني اعاني ..

الحمدلله ع كل حال ..