المساعد الشخصي الرقمي

مشاهدة النسخة كاملة : حبيبي الجلندى



انثى طموحة2
20/07/2010, 07:55 AM
مرحبا أخواتي


يمكن يكون الموضوع انطرح من قبل بس صدق ما عارفة كيف اتعامل مع هالولد الله يهديه


عمره 4 سنين
عسل لما يكون رايق
ما في لعبه ما يكسرها يعني حد اللعبة يوم وبعدها خلاص باي باي
عصبي بشكل! ويتنرفز ويشمخ...كلي علامات!
المصيبة ان انا وابوه رايقين انا بعد اعصب واتنازع على الولد لما يغلط بس عصبيته ما ادري من وين جابها!
لما يعصب يبدأ يعض على اسنانه بقوة ويضرب راسه بايده بقوة!! يخوفني :confused:


والعناد عاد الله اكبر على العناد



في شيء انا غلطانه فيه؟!!!!

عروس جنان
20/07/2010, 07:59 AM
هلا اختي ام الجلندى..

فديت العصبي هههههه.. هو ما يروح روووضــة؟؟
لو تدخليـــه يمكن بيهدأ شوي..
وحاولي ما تصرخي وتتعصبي قدامـــه لانهم في هالعمر
يقلدوا ويريدوا يلفتوا الانتباه..
انتبهي عليه يعصب ويدق راســه ع الجدا
خطرررر

انثى طموحة2
20/07/2010, 08:10 AM
يروح حبوبة وفي المدرسة تمام...............بس العناد قمة عندي انا وابوه

حتى الأكل ما ياكل زين

والحمام يا يرضى يررروح لين ما يحس انه ينفجر!!! حتى يقطر بملابسه (سوري لوعتكم) بس هالشيء مضايقني....اضطر ادخله الحمام بالغصب واجلس هناك لين ما يعملها لاني اشوفه محتصر ويمسك نفسه غصب!! ليش ما اعرف!

شووق المشاعرر
20/07/2010, 09:59 AM
ياناسي على العصبي خخخخخخخخخ
حاولي تاخذيه بالهدواة
وسوي له جدول واكتبي فيها الاشياء اللي تبغيه يسويها
وقولي له اذا سوى الاشياء اللي تبغيها راح تكافيه وشوفي هذي الطريقه جابت نتايج مع اطفال كثير
وبالنسبه للالعاب هذا سن الاكتشاف اصبري عليه او احرميه فترة من الالعاب
والله يحفظه ويهديه

أنا الشوق
20/07/2010, 10:45 AM
بالنسبه للألعاب فهالشي تراه طبيعي

في أولاد يهتمون باللعب ويحتفظون بها وفي أولاد يكسرونها بسرعه مثل ولد اختي كل لعبه لازم تتكسر من ثاني يوم ومايعتني بأغراضه ولا شي


أما عن العناد ففي احتمالات وايد لأسبابه

واحد من الاحتمالات ان يمكن انتي تدلعينه
فــ هو عارف هالشي ويستغله عشان تلبين له الطلب اللي يبيه
فيعاند لأنه يعرف انج بالأخير راح ترضخين له

وترى الاطفال اذكيا
يشوف انه اذا عاند وصرخ وضرب نفسه انتي راح تخافين عليه وتحاولين توقفينه بأي طريقه
فهذا تكتيك خخخخ من عنده يعني

لو أنا مكانج راح أكون أكثر صرامه معاه
واتجاهله اذا بدى بهالحركات

أما عن الأكل فبد خليه على راحته
لا تغصبينه على الأكل وخليه على راحته ولا تترجينه
وهو متى مايبي ياكل هو بروحه بيقول لج أبي آكل

انثى طموحة2
20/07/2010, 12:22 PM
من جهتي صايرة الضابط العسكري في البيت الورطة في ابوه يدلعه للآآآآآآآآآآآآآآآآآآآآآآآ آآآآآآآآآآآآآآخر فوق ما تتصوروا
اذا عصب عليه بعد ساعة بيروح ياخذله لعبه الألعاب كل يوم بمناسبة وبدون

آآآه احاول بس صايرة العنصر الشرير في العيلة عشان بس احاول اوازن الوضع لان لو انا رخيت وزوجي يرخي بنكون في وضع سيء جدا


وبقولكم شيء بس لا تنصدموا ولدي لين الحين يشرب من الرضاعة!!!!!

وكل ما بغيت امنعها عنه زوجي يرفض ويقول انه ما راح يشرب حليب بكمية زينة!!!

وشيء ثاني بعد



البسه حفاظه وقت النوم

لاني جربت ما البسه ولعوز الدنيا!!!!!

يعني جربت اصحيه في عز نومه عشان يروح الحمام ما رضى يعملها وكانت نايم على المرحاض!!!



احس الموضوع معتفس!!!!!!!!!!!!!!!!

zara.bh
20/07/2010, 01:10 PM
واااي فديت العصبي الله يخليه لش انشاء الله
يعني اني ما عندي خبره في الاطفال اللي بهذا العمري ولدي بعده صغنون

عموما بس تذكرت شي يوم قريت معانتش وياه في برنامج يحطونه في التيفي وانا من متابعينه اسمه super nanny هذا البرنامج يحل مشاكل الاطفال ويعدل السلوك عند الطفل
في حاله تشبه حالت ولدش فبكل بساطه شسوت الناني سوت له مثل السبوره قسمتها الى قسمين قسم السلوك الخاطئ والسلوك الجيد وعلى كل شي يسويه يحطون له نقطه
واي شي يسويه البيبي خطا يعاقبونه بكل صرامه ويقعدونه في غرفه منعزله اختاري اي مكان في البيت وخليه لمده خمس دقايق وقولي ليه فكر في اللي سويته اول البدايه بيعصب وبيكسر الاشياء بس لا تتنازلين عن موقفش وخلش قويه وفي نهايه كل اسبوع اعطيه مكافاه اذا كان سلوكه جيد طوال ايام الاسبوع بس مو تعطينه العاب خذيه مشوار صغنون الى الالعاب وبس

ويفضل ان الطرف اللي يدلع الطفل هو اللي يكون حازم وياه يعني اذا كان زوجش هو اللي مدلع البيبي لازم يكون حازم وياه انتي قعندي ويا زوجش وتفاهمي معاه ترا يد وحده ما تصفق

وسوري على الاطاله

shamma501
20/07/2010, 02:41 PM
انا راي من راي zara.bh

هيبة الصمت
22/07/2010, 04:18 AM
حوراء كانت واايد عصبية بنتي .. امم حااولي انج ماتصرخين بويها وحاولي انج تتقربين منه عشان يحس ان في حد معاه او يمكن اهو يمل لان مافي احد يلعب معاه فأنتي حاولي تلعبين معاه وانشاءلله الله يهديه
مشكووووووورة ..