المساعد الشخصي الرقمي

مشاهدة النسخة كاملة : تجمع بنات الجزائر لشهر جمادى الاول 2010/1431



الصفحات : [1] 2 3

OM AIA
15/04/2010, 10:52 PM
السلام عليكم ورحمة الله وبركاته
نداء لبنات الجزائر رجاء التجمع العاجل للقصرة هههههههه
هنا في هذا الملتقى نضع روابط موضوعاتنا نتشارك في كل شئ مشاكل افراح تسؤلات اي شئ ندعم بعضنا البعض نكون يدا واحدة انا في انتظاركم
نحن بنات الجزائر:016::016::016:

هـذيـان
16/04/2010, 03:44 AM
ادخلو وباركو لي ،، :040:


http://forums.3roos.com/showthread.php?t=528004


:027::013::093:

hachemia
16/04/2010, 04:04 AM
اهلا علاش غلقو التجمع الاول

lina20
17/04/2010, 07:17 AM
weshrakom ya lebnat
inchallah kamel bkhir
ana ferhana biltajamo3
salam

دانة قلبه
17/04/2010, 09:06 AM
هلابكم
هذي موضيعي تهم كل أم لديها اطفال
وكل حامل
اتمنى ان تزورو مواضيعي وتستفيدو من المعلومات
وسائل طبية لتخفيف آلام أسنان المرأة الحامل

http://forums.3roos.com/showthread.php?t=454042 (http://forums.3roos.com/showthread.php?t=454042)

مسح عنق الرحم

http://forums.3roos.com/showthread.php?t=458088


أعانى من ضغط نفسى! هل سيؤثر ذلك على جنينى؟


http://forums.3roos.com/showthread.php?t=519753

ولادة طبيعية أم قيصرية؟

http://forums.3roos.com/showthread.php?t=521869


الرضاعة والصحة العقلية
http://forums.3roos.com/showthread.php?t=528010 (http://forums.3roos.com/showthread.php?t=528010)

للأمهات الجدد

http://forums.3roos.com/showthread.php?t=528261 (http://forums.3roos.com/showthread.php?t=528261)

احتفالك بمولودك الجديد


http://forums.3roos.com/showthread.php?t=393050

اختارى بعناية سرير طفلك

http://forums.3roos.com/showthread.php?t=528263 (http://forums.3roos.com/showthread.php?t=528263)
صفراء حديثي الولادة

http://forums.3roos.com/showthread.php?t=521200 (http://forums.3roos.com/showthread.php?t=521200)

طرق العناية بأسنان طفلك منذ الولادة وحتى البلوغ

http://forums.3roos.com/showthread.php?t=471012 (http://forums.3roos.com/showthread.php?t=471012)

نمى ذكاء طفلك- من 3 إلى 5 سنوات

http://forums.3roos.com/showthread.php?t=521870 (http://forums.3roos.com/showthread.php?t=521870)

هل يتحداك طفلك دائماً؟
http://forums.3roos.com/showthread.php?t=528007 (http://forums.3roos.com/showthread.php?t=528007)

لماذا يسرق طفلى؟


http://forums.3roos.com/showthread.php?t=522129 (http://forums.3roos.com/showthread.php?t=522129)

دراسة حديثة: رقائق البطاطا تضعف مناعة الطفل

http://forums.3roos.com/showthread.php?t=416433 (http://forums.3roos.com/showthread.php?t=416433)

لخوف قد يكون إحساس طاغي


http://forums.3roos.com/showthread.php?t=520677 (http://forums.3roos.com/showthread.php?t=520677)

الإمساك لدى الأطفال


http://forums.3roos.com/showthread.php?t=458086

طفلك والدواء

http://forums.3roos.com/showthread.php?t=456739 (http://forums.3roos.com/showthread.php?t=456739)

الاضطراب في العادات الغذائية لدي الأطفال يبدأ في سن الخامسة


http://forums.3roos.com/showthread.php?t=454039 (http://forums.3roos.com/showthread.php?t=454039)




وجونة مرت من هنا

**سوسو **
19/04/2010, 06:25 PM
اها فتحتي تجمع تاني على بركة الله كيفكم يالبنات نمشي نخبر سولاف http://forums.3roos.com/showthread.php?p=11747299#post11747299

امل قلب
19/04/2010, 09:14 PM
بالبركة علينا التجمع الثاني

ان شاء الله تكونو كامل بخير

محتاجة دعوتكم عرسي بقالو اقل من شهر

اشــراق
22/04/2010, 06:35 PM
السلام عليكم
واش راكم لبنات ان شاء الله كامل بخير
معاكم أختكم دنيا عضوة جديدة في المنتدى
وشكرا ليك أم آية على فتح الشات
الأخت أمل قلب كل شئ مبروك وربي يتمملك زواجك على خير و يهنيك و يرزقك بالذرية الصالحة

اشــراق
22/04/2010, 06:37 PM
بصح قولولي لبنات علاش غير الجزايريات اللي قلال هكدا ؟؟؟

**سوسو **
22/04/2010, 07:14 PM
مسائكم طاعه يالبنات امل قلب الله يكملك بالخير حبيبتي ياسمين نوتي الجروب ان شاء الله تلقي الفائده فيه من اي منطقه انتي

**سوسو **
22/04/2010, 07:15 PM
يا اختي كاين بصح راهم متودرين خاصنا لموهم ههههههه

اشــراق
22/04/2010, 09:58 PM
الله يسلمك و مبروك مرة أخرى على وسام التميز
أنا من الجنوب ومن واد سوف تحديدا
أنا العضوة Algérienne à 200% اذا متفكرتني
غبت فترة على المنتدى وكي رجعت نلقى le mot de passe راحت
pourtant اعطوني d'autres mots de passe
mais sans résultat
و انت من أي منطقة أختي سوسي وواش تديري في الحياة ؟

اشــراق
22/04/2010, 11:01 PM
موضوعي الأول شوفوه وان شاء الله يعجبكم

http://forums.3roos.com/showthread.php?t=529836

°• أم السآإدة •°
23/04/2010, 01:20 AM
نوريني يالغلااا

.★ . رسمي بالرصاص وفن التظليل .★ . (http://forums.3roos.com/showthread.php?t=529860)

الشرقاط
23/04/2010, 06:32 PM
السلام عليكم ورحمة الله وبركاته

مساء الخير صبايا

حبيباتي ممكن اكون منكم، انا من عمان بس نفسي اتعرف ع بنات جزائريات احبهم مووووت

فديت الجزاير واهلها

اشــراق
23/04/2010, 07:11 PM
طبعا يا غالية
متشرفين بمعرفتك وبصداقتك يا بنت السلطنة الحبيبية
على راسنا أنتي من فوق

اشــراق
23/04/2010, 07:13 PM
أعرفك على نفسي
أختك دنيا من جنوب الجزائر
عمري 27 سنة و اشتغل استاذة لغة فرنسية بالمرحلة المتوسطة

اشــراق
23/04/2010, 07:20 PM
وينك يا نوووووووور

الشرقاط
23/04/2010, 08:59 PM
السلام عليكم ورحمة الله وبركاته

يسلملي راسك الغالية ،الشرف لينا حب
انا 30 سنة وموظفة

اتمنى نتعرف عبعض اكثر


تصبحي ع خير قلبي

اشــراق
23/04/2010, 09:06 PM
وعليكم السلام ورحمة الله وبركاته

نورتينا و شرفتينا يا نور
ان شاء الله تكونلنا الفرصة حتى نتعرف على بعض آكثر في الأيام القادمة
وتصبحي على ألف خير حبوبة

ghano
24/04/2010, 02:24 PM
السلام عليكم
واش راكم يا غاليات ان شاء كلكم بخير

معاكم أختكم غنو من الغرب الجزائري

وشكرا ليكي يا ياسمين على الدعوة للشات

واي جديد او استفسار راني هنا ادعوني فقط

اشــراق
24/04/2010, 02:43 PM
و عليكم السلام
أهلا غنو بين بنات بلادك
وتنوري التجمع في كل وقت

الشرقاط
24/04/2010, 06:25 PM
مساء الخير بنوتات

اشــراق
24/04/2010, 06:31 PM
مساء النور يا نوووووور انتي
كيف الحال

الشرقاط
24/04/2010, 06:36 PM
الحمد لله طيبة

شلونك الغالية

اشــراق
24/04/2010, 06:38 PM
الحمد لله بخير حبوبة
كيف الجو عندكم في عمان

الشرقاط
24/04/2010, 06:48 PM
عمان طيبة الحمد لله

بس حر هالايام

انت شلونها الجزائر انت من وين من الجنوب الجزائري.؟

اشــراق
24/04/2010, 06:56 PM
الجزائر لاباس = طيبة ( راح ابدا اعلمك اللهجة الجزائرية ههه )
أنا من منطقة اسمها الوادي في الجنوب الشرقي
على الحدود مع تونس
الجو معتدل اليوم رغم أنو مرينا بأيام حارة
لكن قوليلي كيف حتى حبيتي الجزائر والجزائريات
يعني مثلا أي أكثر صفة تعجبك فيهم

الشرقاط
24/04/2010, 07:53 PM
يا هلا والله اهل الوادي والله

اعرف اسرة جزائرية هناكن حبيتهم بزاااااااااف مثل اهلي

بس بالمسيلة بو سعادة

اشــراق
24/04/2010, 07:59 PM
نعم بوسعادة في ولاية المسيلة و هي ولاية شبه صحراوية
أعتقد انك حبيتي الجزائريين من خلال هالعايلة صح

الشرقاط
24/04/2010, 08:07 PM
ايه وبناتهم مثل خواتي حبوبات كثير


حنونة انت

اشــراق
24/04/2010, 08:11 PM
الله يخليك يا غالية
لما يكون عندك وقت شوفي هالموضوع وقوليلي رأيك

http://forums.3roos.com/showthread.php?t=530239

لكن قوليلي انتم عندك دوام بالسبت ولا عطلة مثلنا

الشرقاط
24/04/2010, 08:34 PM
ايه قلبي عندنا دوام

عطلتنا الخميس والجمعة

اشــراق
24/04/2010, 08:41 PM
اوكي
سعيدة أنو الصور اللي اخترتها عجباتك و شكرا على الرد و التقييم
بلدكم رائع ماشاء الله من مدة مش طويلة كان فيه وثائقي بالتلفزيون الجزائري على سلطنة عمان تحدث على كل المجالات فيها وصراحة كل شئ كان مفرح و مشرف
الله يحفظهالكم

لكن حابة نعرف صورة الجزائر ما اتأثرتش عندكم في عمان بالدعايات المصرية بعد مباراة أم درمان ؟

OM AIA
25/04/2010, 03:22 PM
حبيباتي السلام عليكم ورحمة الله وبراكاته واش راكم عندي مدة مدخلتش ان شاء الله قع لاباس اهلا وسهلا بنور وباهل عمان اعتبري نفسك منا نورتينا والله رح اسافر ان شاء الله يوم السبت على الساعة التاسعة صباحا ان شاء الله تشتاقولي ههههههه وقبلاتي اليكم جميعا الشات امانة في رقبتكم وخلوه احلى شات بتجمع الجزائريات

الشرقاط
25/04/2010, 07:33 PM
اوكي
سعيدة أنو الصور اللي اخترتها عجباتك و شكرا على الرد و التقييم
بلدكم رائع ماشاء الله من مدة مش طويلة كان فيه وثائقي بالتلفزيون الجزائري على سلطنة عمان تحدث على كل المجالات فيها وصراحة كل شئ كان مفرح و مشرف
الله يحفظهالكم

لكن حابة نعرف صورة الجزائر ما اتأثرتش عندكم في عمان بالدعايات المصرية بعد مباراة أم درمان ؟


بالعكس عمري والله انا كنت اشجع الجزائر والله

ون تو ثري فيف الريجيرا ههههههههههههه

الشرقاط
25/04/2010, 07:35 PM
حبيباتي السلام عليكم ورحمة الله وبراكاته واش راكم عندي مدة مدخلتش ان شاء الله قع لاباس اهلا وسهلا بنور وباهل عمان اعتبري نفسك منا نورتينا والله رح اسافر ان شاء الله يوم السبت على الساعة التاسعة صباحا ان شاء الله تشتاقولي ههههههه وقبلاتي اليكم جميعا الشات امانة في رقبتكم وخلوه احلى شات بتجمع الجزائريات


النور بوجودك الغالية

تروحي وترجعي بالسلامة يارب

OM AIA
25/04/2010, 08:26 PM
الله يسلمك يا عمري

اشــراق
25/04/2010, 08:51 PM
مساااااااااااااااااااء الخير

اشــراق
25/04/2010, 08:55 PM
السلام عليكم :025:
هاذا وين رجعت من المدرسة جيت نجري ديراكت على عروس
على سلامتك أم آية
نورتي الشات من جديد
راني تهليت في الشات وانت غايبة :093:

:083:نور مساء الورد والفل عليك
كيف الحال اليوم

الشرقاط
26/04/2010, 06:41 PM
السلام عليكم ورحمة الله وبركاته


مساء الورد ع كل البنات الحبوبات

اشــراق
26/04/2010, 06:57 PM
و عليكم السلام ورحمة الله وبركاته
مساء الفل والياسمين نوووووووور
شلونج اليوم

هـذيـان
27/04/2010, 03:14 AM
مواضيعي .. بعضهم قديمة فـ الي ما شافوهم من قبل يدخلهم :o


1- سر الخطوط الحمراء في معجون الأسنان
http://forums.3roos.com/showthread.php?t=530873


2 - اثاث × اثاث > متجدد
http://forums.3roos.com/showthread.php?t=478972


3- سيد جنيد للعطور > متجدد
http://forums.3roos.com/showthread.php?t=384117


4- سماء بلادي
http://forums.3roos.com/showthread.php?t=509816


5- خليجنا واحد
http://forums.3roos.com/showthread.php?t=518397


6- الورد من له ؟!
http://forums.3roos.com/showthread.php?t=503791


7 - تنظيف الرؤوس السوداء ( صورة بالداخل )
http://forums.3roos.com/showthread.php?t=498427


8 - مانجو 2010
http://forums.3roos.com/showthread.php?t=500439


9- ولادة قبل
http://forums.3roos.com/showthread.php?t=524687


10 - ماسك للبشرة
http://forums.3roos.com/showthread.php?t=340378


11 - أَلْوَانُ اَلأصْدِقاءْ .. فَأيُ لونٍ مِنْ اَلأصْدِقاءِ أَنْت
http://forums.3roos.com/showthread.php?t=514094


12 - :: طبقات الجلي و الحليب المركز ::
http://forums.3roos.com/showthread.php?t=501275


13-طلعتنا ب يوم 14 فبراير
http://forums.3roos.com/showthread.php?t=524141


14- :: تغليف الهدايا بالصور ::
http://forums.3roos.com/showthread.php?t=504611

.
.

لا تنسوني من دعواتكم الصادقة او التقييم ..

اشــراق
27/04/2010, 01:16 PM
يبدو أن الجزائريات مقاطعين شاتهم بالتحديد رغم أنهم كل يوم في المنتدى ويشاركوا
لا أدري لماذا تم فتحه اذن ؟؟؟؟

OM AIA
27/04/2010, 04:46 PM
واشراكم ان شاء الله لاباس وينراكم متخبين وراهم مواضعكم يالفنيانين:019::019::019:افطنووو ووووووووووووا هههههه نداااااااااااء

اشــراق
27/04/2010, 04:50 PM
أختي المواضيع والردود راهم كاين في المنتدى
الدخلة للشات الجزائري هي اللي متفنينين عليها
براحتهم
كل واحد يرقد على الجنب اللي يريحو
أنا برك غاضني شات بلادي اللي باقي اللخر
الناس راها عاطية قيمة لشات بلادها والمشاركة فيهم كامل فايتة الألف واحنا شاتنا يحشم تقول مداوسين

OM AIA
27/04/2010, 04:53 PM
راني عاينة من النفيض وراسي يسطر ونحيت الضرسة وراهي توجع وراني نكتب في الشات اهئ اهئ:'(:'(:'(

OM AIA
27/04/2010, 04:54 PM
عندك الحق ما نيش عارفة علاه وقيلا غير انا وياك نطلعوها للالف ههههههههههههههه

OM AIA
27/04/2010, 04:57 PM
راني ندووووووور غير وحدي لا ل لالا ل

OM AIA
27/04/2010, 04:58 PM
هل من مجيب يا بنات بلادي

OM AIA
27/04/2010, 05:00 PM
نشرة الثامنة

خبر عاجل يبدوا ان هناك خلل في تجمع الجزائريات ماهي الاسباب يا ترى
نوافيكم بالاخبار والاجوبة لاحقا

وشكرا للمتابعة

اشــراق
27/04/2010, 05:02 PM
سلامتك أختي
الله يشافيك عاجلا غير آجل
وان شاء الله مايجي وقت السفر الا تكوني في أحسن أحسن حال
و تروحي و ترجعي بالسلامة

اشــراق
27/04/2010, 05:13 PM
اسمحيلي أم آيــــــــــــــة المنتدى كان ثقيل عندي
ماراحش نطول عليك خاصة مع التعب اللي راكي فيه مع راسك وضرسك
بصح راني نستنى في نشرة الثامنة هههههههههه
و عنوانها : أم آية تحل اللغـــــــــــــــــز :biggrin:

OM AIA
27/04/2010, 06:04 PM
هههههههههه راكي تسناي في النشرة اسناي درك اروح ليهم :011:ومنبعد نحمرهم:012:ومنبعد ليزنديا:015::015::015:ومنبعد :081: يولوا غير يدخلوا للمنتدى يجوا يجروا للشات:thumbs_up:

عيشوش
27/04/2010, 06:28 PM
راكم دايرين تجمع من مورايا ربحت هههههههههههه
من اول ماسجلت في المنتدى شفت ان شات الجزائريات نايم ولا اي حد يدخل
على هذي اعتزلت من قسم الشات خخخخخ
كيراكم غايا؟ <<< صباح الخير ههههههههههه

اشــراق
27/04/2010, 06:39 PM
يو يو يو يو يو
المنتدى بدا ينشط :thumbs_up:
ايه يا أم آية جيبيهم طوعا :D ولا كرها :mad:
و راني معاااااااااااك في خطتك الاستراتيجية :thumbs_up: لأحياء التجمع F:

عيشوش
صباح الخير يا لعشية ;)
لازم يروح عصر نوم الجزائريات :I: ويجي عصر جديد عصر الازدهار والنشاط :cool:

و ملتقى الجزائريات لازم يكون من بين الأفضل و الأحلى والأقوى



زعمه ؟؟؟؟;)

الشرقاط
27/04/2010, 07:23 PM
مساء الخير ا احلى جزائريات

اشــراق
27/04/2010, 07:38 PM
مساء الفل والياسمين يانور
كيف الحال ولا عدمنا هالطلة الحلوة

الشرقاط
27/04/2010, 08:12 PM
النور نورك الغالية

OM AIA
27/04/2010, 10:11 PM
هههههههههههههههههههه والله وحلات هيا عيشوش لازم شوي نشاط جسمين شتيني شحال وعرة ههههههههههههههه

OM AIA
27/04/2010, 10:12 PM
لزم يغلقوا الموضوع مالردود الي بزاف

اشــراق
27/04/2010, 10:17 PM
ههههههههههههه والله غير عندك حق أم آية
ملتقانا راهو داير ضغط على السيرفر تاع المنتدى ههه

اشــراق
27/04/2010, 10:19 PM
لك أهلييييييييييييييييييين بالزعيمة أم آية
نستعرف بيك يا أم ايوتة راكي جبتيلنا ستار المنتدى عيشوش
عندك برك ترجع تهرب كي لخرين

اشــراق
27/04/2010, 10:21 PM
شفتي شفتي كيفاش نستيني نسقسيك
واش راهم راسك وضرسك ذركى ان شاء الله لاباس

اشــراق
27/04/2010, 11:16 PM
نوروني



من تراث بلادي (( الأكسسوارات المرجانية ))


http://forums.3roos.com/showthread.php?t=530777





موسوعة مطابخ لكل الأذوااااق


http://forums.3roos.com/showthread.php?t=530959





أجمل مكتبات العالم


http://forums.3roos.com/showthread.php?t=530035





بحيرة وردية ...حقيقة لا خيال


http://forums.3roos.com/showthread.php?t=530557





بدانة الحامل خطر على قلب مولودها


http://forums.3roos.com/showthread.php?t=527939&page=7

**سوسو **
27/04/2010, 11:57 PM
السلام عليكم والله غيرسمحولي راني مخسرتها مع حباباتي المهم كيراكم دايرين ان شاء الله بخير ادعولي يالبنات راه تقدم لي واحد في الحقيقه مزال ماشفته بصح ادعولي ادا فيه الخير ربي يكملي :087:

اشــراق
28/04/2010, 12:16 AM
وعليكم السلام سوسو
على سلامتك F:
ان شاء الله يكون كيما تتمناي حبوبة
وربي يتمم على خير ان شاء الله

OM AIA
28/04/2010, 03:30 PM
مساء الورد يالبنات وشراكم هك نحبكم كيما جسمين وروابط موضيعها سوسو ربي يكمل بالخير

**سوسو **
28/04/2010, 03:42 PM
ربي يبارك لي فيكم يالغاليات فرحتوني بصح في بشار الحرارة جد مرتفعه

عيشوش
28/04/2010, 04:03 PM
السلام عليكم بنات
افتكرت انه فيه شات قلت ندخل نهدر شوية خخخخخ
كيراكم غايا لاباس؟
سوسو الله يوفقك وان شاء الله يكون فارس احلامك
بصاح بشاااار شوية صعيبة الحالة
المهم لي فيها الخير ربي يجيبها ان شاء الله

**سوسو **
28/04/2010, 04:22 PM
عيشوش الله يبارك فيك حبيبتي انا راني نهدر ومازل حتى مشفته ههههههههه ولا شافني عاد باغي يجي باش نديرو لقاء شرعي المهم انا تاني اصلي من بشار بصح راه مخوفني الحرارة
والله غير ندوب ولا يلاقاني غير قاعده مبرزه ههههههه ادا ربي كتب غادي نشرط الكيماتيزور حتى فالكولوار ههههههه

عيشوش
28/04/2010, 04:31 PM
ههههههههههههههههههههههههه هههههههههههه
خيار الناس البشاريين
غادي دوبي خخخخخ يجي يحوس عليك مايلقاكش هههههههه
اشرطي الكليماتيزور والانترنت متنسيش ههههههههههههه << راني نحرش فيك ههههههههه

ميسون الجزائرية
28/04/2010, 05:24 PM
سلام لبنات واش راكم ...............عقلو فيها تحلو تجمع للجزائريات وهدا وين تخبروني:mad:
نحب نشكر استاذتنا دنيا عالدعوة و الله غير فرحت بزاف كي لقيتكم مجتمعين
المهم نعرفكم بنفسي انا من بشار عمري 22 سنة متزوجة وقاعدة في البيت
نتمنى من كل وحدة فيكم تدعيلي دعوة بظهر الغيب ان ربي يرزقني الذرية الصالحة عاجلا غير اجل يا رب
سلام F:

عيشوش
28/04/2010, 05:35 PM
ربي يرزقك اختي ميسون بالخلف الصالح يارب
ولكل البنات المتزوجات

ميسون الجزائرية
28/04/2010, 05:43 PM
شكرا ليك اختي عيشوش وربي يعطيك ماتتمناي ...............على فكرة انا تاني اسمي عيشة و تشرفت بمعرفتك

عيشوش
28/04/2010, 05:47 PM
الشرف لي اختي

**سوسو **
28/04/2010, 05:48 PM
ههههههههه والله غير عندك الصح يابنتي الكليماتيزور ومن بعد الانترنت ساهل ميسون تشرفت بيك والله يرزقك بدريه ماعليك غير بالاستغفار وتشوفي الفرج الي يجيك جوليلي بالله كيراها دايره بشار

عيشوش
28/04/2010, 05:51 PM
سوسو ماكان لاه تصبري روحك
راكي عارفة مليح كيراها دايرة بشار بلا ماتقولك ميسون
ههههههههههههههههههه

**سوسو **
28/04/2010, 05:53 PM
ياويلييييييييي بالعربيه احنا بلاطو خسرتنا طبايعنا الكوروندار وبرد الحال

ميسون الجزائرية
28/04/2010, 05:55 PM
سلام سوسو واش راكي ان شاء الله بخير ..................و السخانة راهي دايرة فينا رايها وكي تجي تشوفي روحك ونقولك حاجة شرطي عليه تصيفي في داركم خخخخ ..........ونتي من وين

ميسون الجزائرية
28/04/2010, 05:57 PM
تسكني في بلاطو وهرن ولا ارزيو انا حمايا ساكن في بلاطو ارزيو ومن الصيف للصيف نهربو عنده خاطرش عازب بصح هاد الصيف ناوي يتزوج .........غادي نضبرو على رواحنا ونشوفو وين نهربو

**سوسو **
28/04/2010, 05:58 PM
والله غير بخير ميسون ياودي راه قالي من يعطوني العطله راه يديني قوليلي انت من اي منطقه في بشار

**سوسو **
28/04/2010, 05:59 PM
ههههههههه ضحكتيني ميسون عيشوش عقلي عقلي ههههههه

عيشوش
28/04/2010, 06:00 PM
ههههههههه
ربحت ياسوسو وجدي روحك باه تنشواي
عنها الحق ميسون اشرطي عليه الصيف في وهرن خخخخخ
الراجل مسكين مازال موصلش عندك وراكي تحلفي فيه ههههههههههه

vraie algeroise
28/04/2010, 06:00 PM
السلام عليكم و رحمة الله و بركاته

و اخيرا تجمع لبنات بلدي

درتو تجمع من ورايا و حتى لدرك بش تقولولي :091:

شكرا ام اية على الدعوة و بالشفا عليك

سوسو ربي يتمملك على خير اذا كان فيه الخير و نفرحو معاك ان شاء الله

و العقوبة لقع البنات

عيشوش واشراكي توحشتك بزاف

ميسون ربي يرزقك بالذرية الصالحة عاجلا غير اجلا

**سوسو **
28/04/2010, 06:03 PM
ياااااااااااااااي شكون الي شرفتنا vrai algeroise نورتي والله التجمع

والله يسلمك على الدعوه عيشوش والله مانشرط عليه والو مقل الكليماتيزور

عيشوش
28/04/2010, 06:06 PM
وعليكم السلام والرحمة
يتوحشك الخير يارب انا تاني توحشتك من مدة ماشفتكش
سوسو المهم الهنا ربي يتمملك على خير

ميسون الجزائرية
28/04/2010, 06:08 PM
مرحبا بيك بيناتنا اختي vraie algeroise وان شاء الله يكون هاد التجمع فاتحة خير علينا
سوسو حمدي ربي نتي لي راجلك في الولاية تاع بشار انا غير من ضواحيها وكي تجينا ان شاء الله نزيد نقولك على المنطقة بالتحديد خاطرش دوكا ما تعرفيش
وعيشوش الا ماكيش متزوجة ان شاء الله يجيك واحد من ادرار باش تنقلاي ههههههههههههه

**سوسو **
28/04/2010, 06:12 PM
:069: ضحكتيني ميسون بصح دعوه شابه عيشوش ولا واش رايك في ادرار ههههههههه

عيشوش
28/04/2010, 06:12 PM
ميسون خلينا ملاح شاهاد الدعوة هههههههههه
بعيد الشر شاداني لادرار
سقمي دعوتك وعاودي ارسليها راني نقارع هههههههههههههه

ميسون الجزائرية
28/04/2010, 06:14 PM
ههههههههههههههههه باش ما تضحكيش على سوسو وربي يجيبلك السعد الي يديك وين تحبي

vraie algeroise
28/04/2010, 06:14 PM
مرسي سوسو انتي اللي منورة و الله

اي لازم تشرطي كليماتيزور و انترنت ههههه و كيما قالت عيشوش الصح في الهنا

المهم ما تنسايش تفرحينا معاك اذا تمت الموافقة و ما تنسايش صلاة الاستخارة

عيشوش و الله راني مع القراية منها ما نخرجش

و الله راني حابة نزيد نقعد معاكم بصح الله غالب راني مع la revision

عندي امتحان الاسبوع الجاي بصح ان شاء الله ندخل مرة على مرة

بوسة لكل وحدة فيكم :087: تهلاو في رواحكم

عيشوش
28/04/2010, 06:17 PM
اللهم آمين يارب
هاكا نتفاهمو
سوسو موتي بالغيرة شفتي الدعوة شحال شابة هههههههههههه

فوفو ربي يوفقك المهم القراية نتاعك ومن بعد راكي تلقينا ان شاء الله
ونحكوا بخاطرنا
ربي يوفقك

**سوسو **
28/04/2010, 06:22 PM
ههههههه يالله نشاء الله نفرحو بيك عيشوش يارب وقريب انت وvrai algeroise والله يوفقكم في الدراسه يارب وان شاء الله ادا تم القبول نفرح حباباتي انا راني صليت الاستخاره والله هو الي يختار

ميسون الجزائرية
28/04/2010, 06:23 PM
ربي يعاونك ياختي على قرايتك هاديك هي الصح وماديريش علينا حنا ..................
لبنات شكون فيكم سافرت للخارج....................انا امنيتي نروح لعمرة ولا حجة ونزور دبي و بررررررررررك

ميسون الجزائرية
28/04/2010, 06:24 PM
سوسو وين لقيتي البشاري ............ويادرى عجبك

عيشوش
28/04/2010, 06:29 PM
اللهم آمين يارب
تسلمي
ميسون خلي البير بغطاه
لقاته فال- Bonus<< هههههههههههههههههههههه
ولا ربحاته فالطومبولا هههههههههههههه

**سوسو **
28/04/2010, 06:30 PM
والله وكان نقولك انا مشفته ولا شافني هههههههه راني غير نهدر ههههههه هي في الحقيقه يالحبيبه اخته تقرا مع بنت عمي وقالتلها ادا تعرفو كاش وحده خوها كلفهم باش يشوفوله وحده قالتلها عندي بنت عمي قاتلها واش تقبل تروح لبشار ايوا سقستني وقلتلها نشوفه ويشوفني ومن بعد نهدر مبدئيا مارانيش رافضه المهم قالهم خصني نروح ندير اللقاء الشرعي وقالهم راني حاس الخير في هد الشيرة الي هي انا ههههههههه ولحد الان راني نقارع:085:

**سوسو **
28/04/2010, 06:33 PM
عيشوش عقلي عقلي ههههههههههههه لقيته فطمبوله ياك :047:

عيشوش
28/04/2010, 06:34 PM
مليح سوسو
الله يوفقك يارب وياه وديري دوار نتاع دراري هههههههههههه
وتجينا تشكي

عيشوش
28/04/2010, 06:35 PM
يتصفح الموضوع حالياً: 5 (5 من الأعضاء و 0 من الزوار) ‏عيشوش (http://forums.3roos.com/member.php?u=212399), ‏سوسو الجزائرية (http://forums.3roos.com/member.php?u=197850)+, ‏Jasmine-DZ (http://forums.3roos.com/member.php?u=347018), ‏ميسون الجزائرية (http://forums.3roos.com/member.php?u=320098)
ماشاء الله

ميسون الجزائرية
28/04/2010, 06:38 PM
سوسو المهم يكون مخلق و مربي و يخاف ربي ..........نتي توكلي على ربي واستخيري والي فيها الخير تلحق حنا صحرواة اطيب ناس خخخخخخخخخخخخخخخخ شكون يشكرك يا لعروسة
ونتي يا عيشوش عقلي فيها

عيشوش
28/04/2010, 06:40 PM
ميسون حوحو يشكر روحو
هههههههههههههههههههههه
ايه خيار الناس بصاح تاني الوهارنة ماعندك ماتقولي فيهم خخخخخ

**سوسو **
28/04/2010, 06:48 PM
هاداك مكان ياخواتاتي وبارك الله فيكم على الدعوات البنات معندكمش السكايب

عيشوش
28/04/2010, 06:49 PM
انا نكره السكايب منحملهش

اشــراق
28/04/2010, 06:49 PM
السلالالالالالالالالالالا م عليكم
الله الله على بنات بلادي
ان شاء الله دايما مجمووووووعين على الخير والمحبة

عيشوش
28/04/2010, 06:50 PM
وعليكم السلام
ان شاء الله

**سوسو **
28/04/2010, 06:53 PM
هلا بياسمين نورتي يالورده

عيشوش
28/04/2010, 06:55 PM
سوسو ماكانش حداكم واحد يبيع لي ميكرو بورتابل راني باغيا واحد
ومالكيتش حوانيت بزاف

اشــراق
28/04/2010, 06:55 PM
الله يخليك سوسو
واش راكم بنات ان شاء الله كامل بخير
راهي تحققت أمنيتي كي تلقينا مرة كيما هكا والشات راهو بدا ينشط الله يبارك علينا:adore:

**سوسو **
28/04/2010, 06:57 PM
غير هما حبيبتي كاين واحد لبلاصه مجيت السبيطار وادا تحبي جاع نتلاقاو ونديك :08:

عيشوش
28/04/2010, 06:58 PM
صايي غادي نولي كل يوم ندخل هنا ان شاء الله
الله يجمعنا على خير
انا باقيلي شوية ونروح
سوسو شاراكي دايرة كونكسيو انا فوري راهي مهبلتني

**سوسو **
28/04/2010, 06:58 PM
والله عندك الحق يا ياسمين مقلتليش وين تسكني

عيشوش
28/04/2010, 06:59 PM
شكرا سوسو حتى نلقى الوقت ان شاء الله
انا قلت بالاك كاين واحد فالسونتروفير
خاطرش راني رايحة غدوا معا ختي ان شاء الله قلت نضرب طلة

**سوسو **
28/04/2010, 06:59 PM
انا ايزي عيشوش

اشــراق
28/04/2010, 07:00 PM
أنا ثاني من الصحراء كي le mr
بصح بعيد على بشار من الوادي

عيشوش
28/04/2010, 07:01 PM
قالي خويا ايزي مليحة غادي يبدل
مرضتني فوري

**سوسو **
28/04/2010, 07:02 PM
الله يبارك ياسمين

اشــراق
28/04/2010, 07:04 PM
يعيشك سوسو
واش راكي دايرة مع الحرب ضد النحافة
كاش ما وصلتي لنتيجة

**سوسو **
28/04/2010, 07:04 PM
واه ايزي علاما قليل وين النت يكون تقيل تبارك الله نخاف ادا نعينه هههههه

عيشوش
28/04/2010, 07:05 PM
الله يبعد عليه العين
غادي ننضم انا تاني ان شاء الله
شكون لي راها تشكي مالسمنة
انا الحمد لله مشي سمينة

**سوسو **
28/04/2010, 07:05 PM
هههههههه الحمد لله وينكنت وين راني درك راني زدت 2 كيلو ودرك راني نهدر معاكم وناكل لبيري

اشــراق
28/04/2010, 07:06 PM
الله يبارك
واش درتي خلطة ولا دواء ولا واش
وقداش قعدتي حتى زدتي 2 كيلو

**سوسو **
28/04/2010, 07:07 PM
راني نعاني من النحافه مشي من السمنه والى عندك كاش وصفه رسليهالي ههههههه

عيشوش
28/04/2010, 07:07 PM
ميسون اهدري صرتي لسانك ؟ خخخخخ

عيشوش
28/04/2010, 07:09 PM
حتى نلقاها لروحي قبل هههههههههههههه

**سوسو **
28/04/2010, 07:11 PM
ياسمين راني رديت عليك وكتبتلك قاع واش درت في منتدى النحيفات

اشــراق
28/04/2010, 07:12 PM
آه صحة سوسو
راني مازلت مادخلتش لمنتدى النحيفات

اشــراق
28/04/2010, 07:13 PM
آه صحة سوسو
راني مازلت مادخلتش لمنتدى النحيفات

ميسون الجزائرية
28/04/2010, 07:14 PM
سلام لبنات ..........طولت عليكم راجلي رجع وجاب معاه ضياف
مرحبا بيك ياسمين ونشكرك بزاف عالدعوة للانضمام
انا نعاني من السمنة ملي تزوجت و انا غير نزيد.........سوسو ماتسمنيش بزاف باسكو كي تتزوجي غادي تسمني حتى تكرهي

عيشوش
28/04/2010, 07:15 PM
يلا بنات استودعكم الله
غدوا ان شاء الله

ميسون الجزائرية
28/04/2010, 07:15 PM
سلام لبنات ..........طولت عليكم راجلي رجع وجاب معاه ضياف
مرحبا بيك ياسمين ونشكرك بزاف عالدعوة للانضمام
انا نعاني من السمنة ملي تزوجت و انا غير نزيد.........سوسو ماتسمنيش بزاف باسكو كي تتزوجي غادي تسمني حتى تكرهي:!!:

ميسون الجزائرية
28/04/2010, 07:16 PM
في حفظ الله عيشوش وما تطوليش الغيبة

**سوسو **
28/04/2010, 07:17 PM
في امان الله عيشوش ميسون نوصل غير 50 انا بروحي منبغيش السمنه راني درك 47 بفضل الله

اشــراق
28/04/2010, 07:18 PM
في امان الله عيشوش
مرحبا ميسون
و الله بعثت بزاف دعوات انت الوحيدة اللي لبت دعوة
بصح الحمد لله الشات راهو في تقدم
ان شاء الله de mieux en mieux

اشــراق
28/04/2010, 07:21 PM
ميسون
انا نحيييييييييفة تخيلي وزني في حدود 46 و لا 47
راهو ناقص على الوزن المثالي بزاااااااااااف
تخيلي تلميذاتي تاع 4 متوسط يبانو أكبر مني
حابة نوصل لل 55
au moins نبان قد عمري
حتى الرجال نضن ماكان واحد يحب يتزوج واحدة كي السلك:)
والحمد لله على كل حال

ميسون الجزائرية
28/04/2010, 07:22 PM
درتي مليح ياسمين و الله غير شابة اللمة

ميسون الجزائرية
28/04/2010, 07:23 PM
سبحان الله السمين حاب ينقص النحيف حاب يسمن ...............انا راجلي يعيطلي غير السمينة و و الله ما قدرت نتبعحتى رجيم كرررهت وراني عاطيتها غير للماكلة

اشــراق
28/04/2010, 07:25 PM
ههههههه بصحتك
أنا بدواء فتح الشهية و مانيش ناكل
غير كون نتقاسمو شوي

ميسون الجزائرية
28/04/2010, 07:27 PM
و الله غير علامة .........انا فريجيدار راني لاحساته ما خليت فيه والو تامني كي تزوجت كنت 50 ومن بعد الزواج راني في 80

**سوسو **
28/04/2010, 07:29 PM
لبنات انا استودعكم الله الدي لاتضيع ودائعه ونتلاقاو غدا ان شاء الله بابا راه باغي يرقد والكمبيوتر في غرفة النوم

اشــراق
28/04/2010, 07:29 PM
سبحان الله
ووزنك جاي مع الطول تاعك ولا لا

اشــراق
28/04/2010, 07:29 PM
في امان الله سوسو
الى الملتقى ان شاء الله

ميسون الجزائرية
28/04/2010, 07:37 PM
في حفظ الله سوسو
انا طولي 1.68

ميسون الجزائرية
28/04/2010, 07:39 PM
يتصفح الموضوع حالياً: 1 (1 من الأعضاء و 0 من الزوار) ‏ميسون الجزائرية (http://forums.3roos.com/member.php?u=320098)
راني وحدي:thumbs_down:

اشــراق
28/04/2010, 07:42 PM
راني رجعت ميسون
نضن راكي فايتة الوزن المثالي بشوية
كيما قلتي كل الضعيف حاب يسمن والسمين حاب يضعف
والفايدة في الصحة en fin de compte
قداش ليك متزوجة ميسون

ميسون الجزائرية
28/04/2010, 07:51 PM
راني في عامين وشهر

اشــراق
28/04/2010, 08:01 PM
امالا تزوجتي صغيرة يا ميسو
الله يرزقك بالذرية الصالحة
علابالك أنا عندي بنت اختي اسمها ميسون ونعيطولها ميسو

ميسون الجزائرية
28/04/2010, 08:06 PM
امين يا رب العالمين و يرزقك الزوج الصالح ان شاء الله ..................وانا اسمي الحقيقي عايشة وكي جيت نسجل بيه لقيته كاين فسجلت ميسون و لوكان تزيد عندي بنية نسميها ميسون

اشــراق
28/04/2010, 08:10 PM
ان شاء الله
اسم حلو ومامنوش بزاف

واش هوما اكثر الأقسام اللي تحبيهم في عروس ميسون

OM AIA
28/04/2010, 08:11 PM
جسمين يسقسي عليك الخير الحمدلله راني خير من البارح

اشــراق
28/04/2010, 08:14 PM
لك أهلين وسهلين بأم أيوتة
الحمد لله كي راكي بخير حبوبة

❀Ẅάŧëêή❀
28/04/2010, 08:28 PM
- ██ ஜஜ[ التجمع المثالي ل شهر ربيع الثاني ..]ஜஜ ██ - (http://forums.3roos.com/showthread.php?t=530223)

تعالوا بآركوا لنا F:

ميسون الجزائرية
28/04/2010, 08:29 PM
اهلين ام اية واش راكي تشرفت بمعرفتك
وانا القسم لي نكون فيه بزاف هو قسم المتاخرات بالحمل
ربي يرزقني و كل متاخرة يارب

❀Ẅάŧëêή❀
28/04/2010, 08:29 PM
- ██ ஜஜ[ التجمع المثالي ل شهر ربيع الثاني ..]ஜஜ ██ - (http://forums.3roos.com/showthread.php?t=530223)

تعالوا بآركوا لنا F:

OM AIA
28/04/2010, 10:29 PM
الله يبارك الله يبارك الله يبارك هك نحبكم والله غير خافو جسمين جبتهم يجرو ههههههههههه

عيشوش
28/04/2010, 10:30 PM
انا جيت :094:

اشــراق
28/04/2010, 10:34 PM
صح أم آية
نستعرف بيك راكي جبتيهم :thumbs_up:
ومنهم عيشووووووش واحدة من أهم الستهدفات :cool:
راهي جات :D

اشــراق
28/04/2010, 10:35 PM
أهلا عيشوش

وصال الرحمة
29/04/2010, 01:54 AM
بصح قولولي لبنات علاش غير الجزايريات اللي قلال هكدا ؟؟؟


الحاجة القليلة ديـما عزيزة :p
راني جيت،،، حوست عليكم حتى لقيتمكم hhhh... متشرفـة بمعرفة الجميع

اشــراق
29/04/2010, 09:37 AM
ههههههه فوووور
مرحبا بيك أختي

OM AIA
29/04/2010, 09:47 AM
اهلا وسهلا بكم جميعا والشرف ليا

اشــراق
29/04/2010, 09:49 AM
صباح الخير أم آية
واش راكي و واش راها آية
و ألف شكر على ردودك بمواضيعي وعلى التقييم

عيشوش
29/04/2010, 11:55 AM
صباح النور والسرور
باينة ماكان حتى واحد
الى لقاء قريب ان شاء الله

**سوسو **
29/04/2010, 12:27 PM
صباح الخير ياوردات الجزائر عيشوش انا هنا وانت ممممم:01:

عيشوش
29/04/2010, 01:19 PM
انا تاني راني هنا وين رحتي

OM AIA
29/04/2010, 03:23 PM
صباح الورد والياسمين واشراكم انا الحمد لله واية ثاني لباس راهي فرحانة يمكن هذي اخر مرة ندخل للمنتدى المهم بقاو على خير وادعولي انروح ونولي بالسلامة اليوم رحت درت الفاكسة وراكوا عرفين هدو اليومين نكون مشغولة مع الضياف الي يجو ان شاء الله نصيبكم بخير ومتنساوش وصيتي في الشات ههههههههههه اللللللف قبلة

**سوسو **
29/04/2010, 03:28 PM
تروحي وتولي باسلامه ان شاء الله غادي نتوحشوك بزااااااااااف بوسيلي ايه

اشــراق
29/04/2010, 03:37 PM
في امان الله
عمرة مباركة و مقبولة أختي
و ادعيلنا معاك

وصال الرحمة
29/04/2010, 04:20 PM
سلام عليكـم،
أم آية، عمرة مباركة يتقبل الله منا ومنك صالح الاعمال اللهم آميـن...
و إن شاء الله تروحي و ترجعي بالسلامة
الأخوات، راه كـاين موضوع لتجهيزات العروس الجزائرية،،،،
هذا هو الرابط للي بغات تشارك

العرائس الجزائريات..هنا سيكون ملتقانا.. (http://forums.3roos.com/showthread.php?t=523186)

يالله ادخـلو ماتبخـلوووووش:cool:

اشــراق
29/04/2010, 04:30 PM
أهلا
الأخوات المقبلات على الزواج لازم تكونو يد واحدة و تتجمعو في الموضوع
لازم ماتقلش تجمعاتنا شأنا ولا اقبالا على التجمعات الاخرى

ميسون الجزائرية
29/04/2010, 04:39 PM
صباح الخير لبنات واش راكم ان شاء الله بخير
حلم وامل متشرفين بمعرفتك:thumbs_up:

ميسون الجزائرية
29/04/2010, 04:44 PM
عمرة مباركة اخت اية و ربي يتقبل منك صالح الاعمال ان شاء الله وماتنسايش تدعيلي معاك بالذرية الصالحة

اشــراق
29/04/2010, 04:59 PM
أهلا أختي عايشة
واش راكي اليوم

عيشوش
29/04/2010, 06:25 PM
الحمد لله بخير ميسون
تجي وحدة تروح وحدة خخخخ
ام اية عمرة مبارة الله يتقبل منك يارب
دعواتك لنا

اشــراق
29/04/2010, 07:13 PM
مساء الخير عيشووووش
واش راكي

**سوسو **
29/04/2010, 07:14 PM
السلام عليكم ها انا من جديد كيراك عيشوش لفوار غدوا تحل ادا عندك كاش دراهم خخخخخخ من مختلف البلدان بصح متروحيش بجمعه ولا السبت والتلاتاء لعشيه لخطرش تلقايها معمره

**سوسو **
29/04/2010, 07:19 PM
لبنات لعلمكم بما يخص التجمع التاني لاستفسارا جهاز العروس اياكم تحطو صور لنساء يعني لازم متبينوش الوجوه والا سايتم الحدف

**سوسو **
29/04/2010, 07:20 PM
يسمين كيراكي دايره

اشــراق
29/04/2010, 07:32 PM
أهلا سوسو
انا مليحة واش راكي انتي
ان شاء الله لاباس

عيشوش
29/04/2010, 07:32 PM
كيراكي ياسمين
مساء النور والسرو
سوسو راهي ناشفة الحالة خخخخ ادا عندك كاش دراهم سلفيلي هههههههههه
كل مانروح للفوار متعجبني حتى حاجة يالطيف
اذا رحتي قوليلي شافيها بالاك نروح

اشــراق
29/04/2010, 07:34 PM
صحة ليكم يديرولكم في لي فوار ومن البلدان الأخرى en plus
و لالة عيشوش تفوت في الفرصة وماشي حابة تروح

**سوسو **
29/04/2010, 07:38 PM
الحمد لله كيراكم بخير ان شاء الله نروحلها بالحد ونخبرك وش فيها ياربي يكنو فيها لهنوده ههههههه:049:

عيشوش
29/04/2010, 07:39 PM
ياسمين انت من وين
علاه ميديروش عندكم لافوار؟
معنديش الوقت بالاك نروح غدوة

عيشوش
29/04/2010, 07:40 PM
سوسو شاغادي ديري بالهنودا خخخ

اشــراق
29/04/2010, 07:42 PM
انا من واد سوف
يديرو لي فوار بصح ماشي انترناسيونال

**سوسو **
29/04/2010, 07:43 PM
لهنوده كاش اكسسوارات نموت عليهم

عيشوش
29/04/2010, 07:45 PM
اهاااااااااااا
سوسو روحي وقولينا واش فيها
راني باغيا نشري شوية قش للصيف
خالي جابلي زوج تناع لي غوب مفرنسا ولازملي شانلبس معاهم مالفوق

عيشوش
29/04/2010, 07:53 PM
يلا بنات بالاك شوية ونولي
استودعكم الله

**سوسو **
29/04/2010, 07:54 PM
اااااه شوفي روحي لمدين جديده راه فيها كل خيييييير متامنيش عقلك الالوان الاختيار على مختلف الادواق

**سوسو **
29/04/2010, 08:50 PM
http://forums.3roos.com/showthread.php?p=11942478#post11942478

عيشوش
29/04/2010, 10:14 PM
وين راكم

اشــراق
29/04/2010, 10:15 PM
:cool:on est là

اشــراق
29/04/2010, 10:16 PM
عيشوش انا حابة نسقسيك انتي قارية انفورماتيك ولا تعلمتي الفوتوشوب من دورات المنتدى

عيشوش
29/04/2010, 10:22 PM
اهلا
واه قريت افرماتيك والفوتو تعلمته من المنتديات ومن عروس ثاني
وانت قريتيها ؟

اشــراق
29/04/2010, 10:29 PM
لالا مانعرفهاش بصح نتمنى نتعلمها
بالشوية بالشوية ان شاء الله نتبع مواضيع الدورة اللي كاينة وان شاء الله نتعلم
au moins نقدر نكتب اسمي على الصور ولا حوايج سامبل كيما هكا

عيشوش
29/04/2010, 10:29 PM
راني رايحة نسقم لي شان لخالي دوك نولي

اشــراق
29/04/2010, 10:31 PM
okkkkkkkk

اشــراق
29/04/2010, 10:37 PM
حتى انا نروح نصلي ذرك
و مبعد نولي ان شاء الله

ميسون الجزائرية
29/04/2010, 11:27 PM
سلام لبنات واش راكم ................راكم هنا ولا خرجتو كامل

اشــراق
29/04/2010, 11:33 PM
وعليكم السلام ميسون
واش راكي حبوبة

ميسون الجزائرية
29/04/2010, 11:36 PM
لاباس ياسمين ونتي واش راكي ان شاء الله بخير..................و كيراكم دايرين مع السخانة

اشــراق
29/04/2010, 11:37 PM
و الله غير راهي دايرة فينا حالة
مزية العشية ماخدمتش
واش الحالة في بشار

ميسون الجزائرية
29/04/2010, 11:39 PM
والله الحالة راهي كيما كل اليوم وانا ما نحبش نخرج بزاف غير الا خرجني راجلي ..............و الروتين راه قاااااااااااااتلني

عيشوش
29/04/2010, 11:39 PM
انا جييييييييييييت
الكوناكسيو هبلتين
كيراكي ميسون اليوم
راه عندنا حمااااان بزااااااااااااااااف

اشــراق
29/04/2010, 11:45 PM
شفتي ميسون وهران فيها السخانة مالا احنا في الصحراء واش نقولو
ربي يصبرنا على هذاك الصيف

اشــراق
29/04/2010, 11:49 PM
بنات كاين موضوع تجمع العناية بالبشرة لكل الجزائريات
اذا حبيتو تشاركو فيه
http://forums.3roos.com/showthread.php?t=530266 (http://forums.3roos.com/showthread.php?t=530266)

ميسون الجزائرية
29/04/2010, 11:51 PM
سلام عيشوش واش راكي............وهرن و السخانة:| مالا حنا واش نقولو
تعرفي واش يجيك مليح فوتي على سوسو وروحو لبحر طفرت فيا غير انا و ياسمين:study:

عيشوش
29/04/2010, 11:54 PM
راني بخير الحمد لله
نروحوا للبحر كملت هههههههههه
علاه وكالة من غير بواب قال بحر قال خخخخخ
نروحوا فالنوم خخخخ
ربي يكون معاكم

اشــراق
29/04/2010, 11:54 PM
ههههههه شفتي ميسون
ربي معانا
واش رايكم في الستيل الجديد تاع المنتدى أنا عجبني هايل لاكولور والتنسيق
اتهنينا من هذيك la couleur الصفرااااا لا علاقة

اشــراق
29/04/2010, 11:55 PM
ماشي شرط تعومو
حتى احنا اذا رحنا شكون قالك نعومو
منظرو برك يرد الرووووح


ميسون راهي عيشوش تطلهلنا في المورال هههه

عيشوش
29/04/2010, 11:57 PM
نروح نتعشى بالاك نولي

اشــراق
29/04/2010, 11:58 PM
بصحتك d'avance

ميسون الجزائرية
29/04/2010, 11:59 PM
وعلاه ما تروحوش الناس راهي تجي عندكم من الصحرا كوفات كوفات غير باه يتبحرو
ولاكولور مليحة بزاف هاديك الصفرا بلستني نظل نحك في عينيا:sleep:

اشــراق
30/04/2010, 12:03 AM
شفتي تهنينا منها

تسكني في le centre ville ميسون وللا في بلدية من البلديات

ميسون الجزائرية
30/04/2010, 12:07 AM
لا ما نسكنش في السونتر غير في بلدية وهادا لي مكمل عليا

اشــراق
30/04/2010, 12:09 AM
علاش
ياخي اهلك معاك في نفس البلدية ولا لالا ؟

ميسون الجزائرية
30/04/2010, 12:15 AM
لالالالالالالالالالالالال الا غير وحدي غريييييييييييييييييبة مانعرف حتى حد:'(

اشــراق
30/04/2010, 12:18 AM
و أهلك وين

ميسون الجزائرية
30/04/2010, 12:22 AM
بعاد عليا شوية مانشوفهمش بزاف

اشــراق
30/04/2010, 12:27 AM
الله يكون في عونك
ذرك يولي عندك ولاد و يملولك الدنيا بالحس والعياط
و تولي تقولي وينك يا ايامات الكالم والروتين هههههه

ميسون الجزائرية
30/04/2010, 12:36 AM
هههههههههههههههههه ان شاء الله ربي يسمع منك ان شاء الله

اشــراق
30/04/2010, 12:39 PM
http://forums.3roos.com/showthread.php?t=531582

اشــراق
30/04/2010, 01:45 PM
صباح الخير ميسون واش راكي اليوم
ردك في موضوع الخواتم هايل هههههه

ميسون الجزائرية
30/04/2010, 01:57 PM
صباح الخير يسمينة واش راكي ان شاء الله بخير ............واش هوما الاقسام لي تكوني فيهم بزاف

اشــراق
30/04/2010, 02:06 PM
انا تقريبا ندور الاقسام الكل غير الاقسام التقنية مانحبهمش كمبيوتر و تصاميم والخ و ثاني طلبات التوظيف و اقسام الامومة والطفولة و الحمل نادرا ما ندخللهم

ميسون الجزائرية
30/04/2010, 02:17 PM
اه انا نكون غير في اقسام الحمل و الاسرة بزاف ........................ واش اليوم راكي روبو تهنيتي

اشــراق
30/04/2010, 02:21 PM
ايه صح امس لعشية واليوم و غدوة ان شاء الله
اتهنينا من les élèves و تكسار الراس معاهم

ميسون انتي واش قريتي

ميسون الجزائرية
30/04/2010, 02:24 PM
قريت بيولوجي مي ما كملتش تزوجت وبعدت عالجامعة ............... ونتي واش تقري و استاذة ليسي ولا سيام

اشــراق
30/04/2010, 02:32 PM
أنا نقري في السيام فرونسي

ميسون ماتقلقيش روحك ياسر على قضية الحمل راهم بزاف مايحملوش غير بعد العامين
انا مرت ولد خالي ماحملتش غير بعد عامين ودرك راهي عندها طفلة عمرها عامين و نص كي البوبية لالا و التشوطين اللي فيها و اخت صاحبتي تزوجت ثاني في 2008 و لدرك ماراهيش enceinte و ماهيش مقلقة روحها خلاص لا هي لا راجلها
راني شفت مشاركاتك نلقا لامجوريتي تاعها في موضوع الحمل تقول عادلك 10 سنين متزوجة يا ختي مازلتي صغيرة و الاولاد جايين جايين بربي وجدي روحك برك للهرج و المرج تاعهم ههه

ميسون الجزائرية
30/04/2010, 02:45 PM
ربي يسمع منك حنونتي و الله غير خففتي عليا بكلامك ..........وراجلي و الله ماراه مقلق مالقري كبير بصح لي دايرهالي الوحدة و البعد و القنط
ربي يفرحني بذراري و يجيبلك السعد الي يهنيك يا ربي ...........وما تنسايش تدعي معايا و اليوم الجمعة

اشــراق
30/04/2010, 03:00 PM
آمين يا رب العامين
اكيد راح ندعيلك أختي ميسون راكي كيما اختي
والحمد لله كي ولى راجلك ماهوش مكبر الموضوع و حاطو في اطارو الطبيعي ماشي كيما هذاك الصنف تاع الرجال المتخلفين اللي يديرو من الحبة قبة
بالنسبة للوحدة حاليا والله غير خير هكا راكي بعيدة على المشاكل و ووجع الراس
كاين ياسر ناس تخربت ديارهم بعيد الشر غير من الاصحاب والجيران تاع السوء
عسى أن تكرهو شيئا وهو خير لكم

ميسون الجزائرية
30/04/2010, 03:05 PM
الحمد لله على كل حال

اشــراق
30/04/2010, 03:09 PM
حابة نبدل اسمي بصح مالقيتش اسم مناسب
ايماجيني كنت حابة 2 اسماء لقيتهم كاينين ديجا واحد في عروس وواحد في منتدى آخر

ميسون الجزائرية
30/04/2010, 03:11 PM
علاه ماله سمك شباب

اشــراق
30/04/2010, 03:14 PM
زعمة ؟
حاساتو خفيف وماهوش مميز :)

ميسون الجزائرية
30/04/2010, 03:21 PM
خخخخخخخخخخخخخخخخ لخفيف خير واش لك بالثقيل لي فيه زوج جملات ..............خليه خفيف ظريف

اشــراق
30/04/2010, 03:23 PM
ههههههههههه

ميسون الجزائرية
30/04/2010, 03:24 PM
انا نروح يسمينة نشوفك عشية ...................تهلاي في روحك وماتنسايش تحضري الدروس:082:
خخخخخخخ انا نروح :019:
سلالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالام F:

اشــراق
30/04/2010, 03:27 PM
وعليكم السلام
في أمان الله ميسوووووووو

اشــراق
30/04/2010, 03:28 PM
نوووووووووووووور الشات ب Melle Nisou

nisou
30/04/2010, 03:34 PM
ahleeeeeeeeeeeeen bikom banatte wechrakom

اشــراق
30/04/2010, 03:38 PM
مرحبا بيك نيسو
نورتينا

**سوسو **
30/04/2010, 07:53 PM
جمعه مباركة الشيرات هههههه قصدي لبنات ههههههه ماتنساوش سورة الكهف تقروها اليوم تنورلكم الاسبوع كامل نيزو نورتي الشات يسمين كيراكي دايره عيشوش وين راكي ولا راكي في لافوار ميسون حبيبتي معليك غير بلاستغفار وقراءة سورة البقره يوميا ممكن اعراض عين لاسمح الله ماعليك غير بالقران وتشوفي الخير وداومي على الاستغفار انت وزوجك والله كام قصه قريتها وسمعتها في تيلي سبحان الواحد يقول لشيء كن فايكون

ميسون الجزائرية
30/04/2010, 08:12 PM
سلام لبنات واش راكم ان شاء الله بخير......................نيسو متشرفة بمعرفتك
سوسو واش راكي ويادرا لقيتي لهنودا والاستغفار مارانيش ناسيها و بخصوص سورة البقرة راني معولة نبداها هاد الشهر انشاء الله

اشــراق
30/04/2010, 09:01 PM
مساء الخير سوسو مساء الخير ميسون

ميسون الجزائرية
30/04/2010, 09:13 PM
اهلا يسمينة ............وين راهم لبنات اليوم

اشــراق
30/04/2010, 09:33 PM
الله أعلم
ماراهمش كوناكتي

nisou
30/04/2010, 10:33 PM
سلام مشكورات لبنات عن ترحيبكم بيا وش احوالكم

اشــراق
30/04/2010, 10:45 PM
لاباس الحمد لله
واش أحوالك انتي نيسو