المساعد الشخصي الرقمي

مشاهدة النسخة كاملة : أصحاب واخوات ويارب دوم احباب,,,جمعتنا السورية لشهر جمادى الاول



الدمشقية
15/04/2010, 04:58 PM
السلام عليكم ورحمة الله وبركاته
الله يديم هالحمعة شهر بعد شهر وعام بعد عام والجميع بألف خير وصحة
ومبروك علينا التجمع الجديد

يالله كاتس وشامية ولولية وبيرل وبنوتة وسمورة وسورية ومن غير شر لمون
يالله اتفضلوا على المجلس الجديد ,,, مية اهلين وسهلين ومية السلامة للكل

http://195.200.117.174/upload/ambience/2132596893434123ec619b6.JPG

ولا نجلس هون أروء يالله كل وحدة تاخدلها مكان
http://www.nsaayat.com/up/uploads/nsaayat02175344a8.bmp (http://go.3roos.com/PjKsaKNDvpt)

ومافي شي من واجبكن تفضلوا

http://www.hotagri.com/data/media/66/4374.jpg (http://go.3roos.com/mPRHTCWRlkX)

http://upload.wikimedia.org/wikipedia/commons/thumb/d/d3/Supreme_pizza.jpg/800px-Supreme_pizza.jpg (http://go.3roos.com/3NxXgpaQnrC)

http://www.iranian.com/Ravon/2006/December/Food/Images/4.jpg (http://go.3roos.com/QXqSO3aLCFa)
http://www.alhsa.com/forum/imgcache/306458.imgcache (http://go.3roos.com/TMwWkGANd5a)

وهي التحلاية مع فنجان قهوة

http://www.yabdoo.com/users/623/gallery/366_p71740.jpg (http://go.3roos.com/UT0AtPpcS73)

http://farm3.static.flickr.com/2330/2161231947_431f3018ec.jpg
http://www.waraqat.net/2008/02/cafe10.jpg

ونورونا ياحلوين بهالجلسة وسمعونا اخباركم :065::087:

CATS_ANGEL
15/04/2010, 06:39 PM
:013: :013: :013: :013: :013:


الف الف مبروك الجزء الجديد و ان شاء الله مجتمعين على الخير و المحبة دايما
وان شاء الله يكون هادا الجزء وجهو خير علينا جميعا

ما شاااااااء الله يا دمشقية على هالجلسة الحلوة اااااااااااااااااااااه فتحتيلي جروحاتي و نحنا مو لاقيين حفرة مي نقعد جنبها و الحمد لله على كل شي و الله كريم

و يا سلاااااااااام على البيتزا و لا المشاوي ولا الحلو شو عاملينلك نحنا اليوم لحتى تعملي فينا هيك :036: :036: :036:
و نصيحة مني لا تخلي سورية تشوف هيك شوفات بلاش يغط على قلبها بعيد الشر عنها

مونو اشتقنالك و اشتقنى لحكياتك الحلوات و الله ييسر امورك وين ما كنتي و ترجعيلنا بالسلامة انتي و رورو:058:
سورية صمصومة قلبي الله يتمم حملك على خير و تفرحي باحلى بنوتة:063:
شامية طمنينا عنك و ان شاء الله فك عنك حصار النت و عقبال ما تخبرينا انك عم تستني بيبي و نبدى نعد معك اشهر:074:
ياسمينا قرب القفص الذهبي و ان شاء الله تكون امورك كلها تمام و تكون الايام يلي جاي متل ما بدك و احسن:068:
لولية طمنينا شو صار مع بنتك الكبيرة و ان شاء الله بتتطمني على بناتك و بتفضي لابن عمك و تجددو زواجكم:054:
بيرل شو اخر اخبار البنوتة و شو حابة تجيبيلها هدية اكيد رح تكون هديتها غير شكل ما هيك الله يخليكم اياها يا رب:064:
بنوتة ما عاد طليتي حتى نعرف اخبارك مع خطيبك و شو مشاريعكم عم نستناكي :087:
ياااااااااااارب ما كون نسيت حدا
دمشقية حبيبتي الي رجعة خصوصي لرد عليكي من الجزء الماضي بس اجى جوزي اسفة كتير

لولية
15/04/2010, 07:46 PM
مسا الخير يا بنوتات ومبارك عليكن التجمع الجديد
دمشقية يا عمري لك شو هالأكلات الطيبة ايه منظر البتزا بيطير العقل وأنا هالأكلة تعتبر من الممنوعات عندي لإنه فيها كالوري بلاوي بس والله طيبة
كاتس حبيبتي ليكي كمان أنا سيارتي هوندا بس جيب CRV ولونها فضي وفعلا هالسيارة نوعها كويس وهاللون أنا بحبه لإنه ىما ببين عليه الغبرة والوسخ
شو شامية ما عادت طلت ان شاء الله بنت احماها ما تكون زاعجتها يا عمري واللع غريب هي أنا بنت احمى والله بخاف على نسوان إخواتي كتير وبقول لحالي اكسبهن بكسب إخواتي
سورية الله يخليكي يا رب وان شاء الله تشوفي ولادك شباب وعرايس وتفرحي فيهن
دمشقية اللي جاي بدو يخطب بنتي لبناني من صيدا هي صرنا آخدين واحد من بيروت وواحد من صيدا شوبدي أعمل في ناس كتير لاموني إنه ما عم أعطي سوريين بس هالشي كله قسمة ونصيب بعدين أنا دائما بقول الواحد لازم ياخد من نفس بيئته اللي عايش فيها يعني صعب جبلها واحد عايش بحمص وقلها عيشي معه لا هو حيتأقلم معها ولا هي حتتأقلم معه وبرجع بقول كله قسمة ونصيب
بقى ادعولي بس الله يسرلي

ρяєттч αšмα
15/04/2010, 08:31 PM
مرحبا .. :083:

بدي ائعد معكم .. :01:

انا اختها لكاتس انجل :029:

CATS_ANGEL
15/04/2010, 08:32 PM
اناااااااااااا رجعت واول شي اختي موجودة معنا هون شفتك لا تتخبي تفضلي عرفينا عنك ههههههههههههههه

CATS_ANGEL
15/04/2010, 08:37 PM
نرجع لدمشقية اول شي الحمد لله على سلامة اختك وزوجها و عن جد الدنيا انقلبت بس حلو الشب يهتم بحالو بدون ما حد يحكيلو بعرف ازواج ما بهمهم منظرهم ابدا لانو اسمو شب و هيدا كان زماااااااااااااان

ما حكيتيلنا شو مخططاتكم انتي و اختك و كيف كان عيد ميلاد زوجك و ان شاء الله توفقتي في الهدايا و عوضتي ابو الشباب

CATS_ANGEL
15/04/2010, 08:42 PM
مسا الخير يا بنوتات ومبارك عليكن التجمع الجديد
دمشقية يا عمري لك شو هالأكلات الطيبة ايه منظر البتزا بيطير العقل وأنا هالأكلة تعتبر من الممنوعات عندي لإنه فيها كالوري بلاوي بس والله طيبة
كاتس حبيبتي ليكي كمان أنا سيارتي هوندا بس جيب CRV ولونها فضي وفعلا هالسيارة نوعها كويس وهاللون أنا بحبه لإنه ىما ببين عليه الغبرة والوسخ
شو شامية ما عادت طلت ان شاء الله بنت احماها ما تكون زاعجتها يا عمري واللع غريب هي أنا بنت احمى والله بخاف على نسوان إخواتي كتير وبقول لحالي اكسبهن بكسب إخواتي
سورية الله يخليكي يا رب وان شاء الله تشوفي ولادك شباب وعرايس وتفرحي فيهن
دمشقية اللي جاي بدو يخطب بنتي لبناني من صيدا هي صرنا آخدين واحد من بيروت وواحد من صيدا شوبدي أعمل في ناس كتير لاموني إنه ما عم أعطي سوريين بس هالشي كله قسمة ونصيب بعدين أنا دائما بقول الواحد لازم ياخد من نفس بيئته اللي عايش فيها يعني صعب جبلها واحد عايش بحمص وقلها عيشي معه لا هو حيتأقلم معها ولا هي حتتأقلم معه وبرجع بقول كله قسمة ونصيب
بقى ادعولي بس الله يسرلي

اهلين لولية لكان طلع عنا تشابه في لون السيارات :014:
و الله يتمم لبنتك على خير و هو قسمة و نصيب و الواحد ما بعرف وين نصيبو اهم شي يكون الشب منيح مهما كانت جنسيته و يلي كاتبو الله رح يصير و الله ييسر امورك وامور بنتك يا رب:083:

ρяєттч αšмα
15/04/2010, 08:44 PM
كيف بغير توقيعي هون ؟

CATS_ANGEL
15/04/2010, 08:52 PM
عدلي اجابتك و ما تحطي اسمك نحنا هون بنتعامل بس باليوزر

°• أم السآإدة •°
15/04/2010, 08:52 PM
نوريني

~ْ. عضووة في ورطة ماسنجرية .ْ~ (http://forums.3roos.com/showthread.php?t=527904)

&

~ْ. عضووة في ورطة هاتفية .ْ~ (http://forums.3roos.com/showthread.php?t=527874)

CATS_ANGEL
15/04/2010, 08:54 PM
كيف بغير توقيعي هون ؟

بتروحي على لوحة التحكم يلي في راس الصفحة بعدين في خيارات على جنب من ضمنها تعديل التوقيع :ok:

ρяєттч αšмα
15/04/2010, 08:57 PM
بتروحي على لوحة التحكم يلي في راس الصفحة بعدين في خيارات على جنب من ضمنها تعديل التوقيع :ok:

ما في :091:

CATS_ANGEL
15/04/2010, 09:07 PM
ما في :091:

كيف ما في :047: يمكن لانك جديدة ما بعرف

هـذيـان
16/04/2010, 03:45 AM
ادخلو وباركو لي ،، :040:


http://forums.3roos.com/showthread.php?t=528004


:027::013::093:

دانة قلبه
17/04/2010, 09:12 AM
هلابكم
هذي موضيعي تهم كل أم لديها اطفال
وكل حامل
اتمنى ان تزورو مواضيعي وتستفيدو من المعلومات
وسائل طبية لتخفيف آلام أسنان المرأة الحامل

http://forums.3roos.com/showthread.php?t=454042 (http://forums.3roos.com/showthread.php?t=454042)

مسح عنق الرحم

http://forums.3roos.com/showthread.php?t=458088


أعانى من ضغط نفسى! هل سيؤثر ذلك على جنينى؟


http://forums.3roos.com/showthread.php?t=519753

ولادة طبيعية أم قيصرية؟

http://forums.3roos.com/showthread.php?t=521869


الرضاعة والصحة العقلية
http://forums.3roos.com/showthread.php?t=528010 (http://forums.3roos.com/showthread.php?t=528010)

للأمهات الجدد

http://forums.3roos.com/showthread.php?t=528261 (http://forums.3roos.com/showthread.php?t=528261)

احتفالك بمولودك الجديد


http://forums.3roos.com/showthread.php?t=393050

اختارى بعناية سرير طفلك

http://forums.3roos.com/showthread.php?t=528263 (http://forums.3roos.com/showthread.php?t=528263)
صفراء حديثي الولادة

http://forums.3roos.com/showthread.php?t=521200 (http://forums.3roos.com/showthread.php?t=521200)

طرق العناية بأسنان طفلك منذ الولادة وحتى البلوغ

http://forums.3roos.com/showthread.php?t=471012 (http://forums.3roos.com/showthread.php?t=471012)

نمى ذكاء طفلك- من 3 إلى 5 سنوات

http://forums.3roos.com/showthread.php?t=521870 (http://forums.3roos.com/showthread.php?t=521870)

هل يتحداك طفلك دائماً؟
http://forums.3roos.com/showthread.php?t=528007 (http://forums.3roos.com/showthread.php?t=528007)

لماذا يسرق طفلى؟


http://forums.3roos.com/showthread.php?t=522129 (http://forums.3roos.com/showthread.php?t=522129)

دراسة حديثة: رقائق البطاطا تضعف مناعة الطفل

http://forums.3roos.com/showthread.php?t=416433 (http://forums.3roos.com/showthread.php?t=416433)

لخوف قد يكون إحساس طاغي


http://forums.3roos.com/showthread.php?t=520677 (http://forums.3roos.com/showthread.php?t=520677)

الإمساك لدى الأطفال


http://forums.3roos.com/showthread.php?t=458086

طفلك والدواء

http://forums.3roos.com/showthread.php?t=456739 (http://forums.3roos.com/showthread.php?t=456739)

الاضطراب في العادات الغذائية لدي الأطفال يبدأ في سن الخامسة


http://forums.3roos.com/showthread.php?t=454039 (http://forums.3roos.com/showthread.php?t=454039)




وجونة مرت من هنا

CATS_ANGEL
17/04/2010, 09:54 AM
صباااااااااااااااح الخيرااااااااااااااااات

و ينكن يا بنوتات ان شاء الله خير طمنونا عنكم

الدمشقية
17/04/2010, 07:13 PM
صبح صبح ومسي مسي على الحلوين واسسسسسسسسسسسسسفة على الانقطاع والله مشغوووولين بضيوفنا على الاخر
بس والله قلبي عندكم وخصوصي كاتس حبيبة قلبي لاني بعرفك بطللي كل يوم ومابهون علي تكوني لحالك

ومنشان القعدة والصور اللي فوق اي والله شي بجنن واشتهيتكم فيها والله كريم الله يبعت الخير عليكم وعلينا
كيفك كاتس طمنيني عنك وشو اخبار تالا ونور الشات باختك والله مية اهل وسهلا فيكي معنا
بس تصدقي لهلأ ماعرفت قول اسمك بالمنتدى عم يطلع الاسم بالمقلوب عندي مابعرف ليش ؟
المهم نورتينا وكتير انا مبسووطة بجمعتك معنا وان شالله بتنبسطي معنا عرفينا عن حالك وهيك يعني المعلومات الشخصية ....

************
لولية اهلا وسهلا ياعسل الحمد لله الله يتمم فرحة بنتك على خير ويسعدها يارب
ومو مهم لبناني ولا سوري المهم انه ابن ناس وطيب والتمام لخير يااارب وربي يسر امرك وامر بنوتك ياااارب
ومنشان البيتزا لك كللي ولا يهمك بالعافية يااارب وماشالله صحتك حلوة اللهم صللي على النبي كللي ولا يهمك وبلا كالوري بلا هم

الدمشقية
18/04/2010, 10:55 AM
حبيت اصبح على الحلوين وقلهم اننا مشتاقين
يارب الجميييع يكون بخير وعوافي ياااارب وسلامي لكم جميييعا
كاتس واختها وبيرل ولولية ومون وشامية وسمورة وبنوتة طولتو الغيبة يارب تكونو بالف خير جميييع

الياسمينة السمرا
18/04/2010, 05:51 PM
سا الخير صبايا
كيفكون وكيف اخباركون
مبروك التجمع الجديد ودايمين ع بعض ان شاء الله
اهلا وسهلا باخت كاتس خانم زان شاء الله بتنبسطي معنا واكيد رح تصيري منا وفينا

لولية كيفك حبيبة قلبي وشو اخبارك وان شاء الله الف مبروك خطبة بنوتة والتمام ع خير
وهي وحدة ببيروت وحدة ب صيدا من شان كل يوم تكون بمكان خخخخخخخخخخخخخخ مو انتي بتحب السفر
وكلو اسمة ونصيب

الياسمينة السمرا
18/04/2010, 05:52 PM
سلام خاص لمون وين ما كنت ان شاء الل بتنبسطي

دمشقية كيفك وكيف ايامك وضيوفك
سلامي للكل

CATS_ANGEL
18/04/2010, 05:55 PM
صبح صبح ومسي مسي على الحلوين واسسسسسسسسسسسسسفة على الانقطاع والله مشغوووولين بضيوفنا على الاخر
بس والله قلبي عندكم وخصوصي كاتس حبيبة قلبي لاني بعرفك بطللي كل يوم ومابهون علي تكوني لحالك

ومنشان القعدة والصور اللي فوق اي والله شي بجنن واشتهيتكم فيها والله كريم الله يبعت الخير عليكم وعلينا
كيفك كاتس طمنيني عنك وشو اخبار تالا ونور الشات باختك والله مية اهل وسهلا فيكي معنا
بس تصدقي لهلأ ماعرفت قول اسمك بالمنتدى عم يطلع الاسم بالمقلوب عندي مابعرف ليش ؟
المهم نورتينا وكتير انا مبسووطة بجمعتك معنا وان شالله بتنبسطي معنا عرفينا عن حالك وهيك يعني المعلومات الشخصية ....

************
لولية اهلا وسهلا ياعسل الحمد لله الله يتمم فرحة بنتك على خير ويسعدها يارب
ومو مهم لبناني ولا سوري المهم انه ابن ناس وطيب والتمام لخير يااارب وربي يسر امرك وامر بنوتك ياااارب
ومنشان البيتزا لك كللي ولا يهمك بالعافية يااارب وماشالله صحتك حلوة اللهم صللي على النبي كللي ولا يهمك وبلا كالوري بلا هم



حبيبة قلبي و صمصومتي من جواااااا والله انك كلك زوء شفتي كيف تركوني لحالي اشكي الليالي :01:
و نحنا بنعرف اوضاعك و معذورة صدقيني بكفي انو قلبك عنا ما بدنا اكتر من هيك و طمنينا كيف عم تقضو اوقاتكم و شو اخر مشاريعكم

انا طلعت يوم الجمعة على قلعة بصرا و على الزبداني و كان الجو في الزبداني مطر بس حلو بجنن و كانت قلعة بصرا مليانة رحلات مدارس و سياح و كأنهم كانو بدهم يعملو حفلة للطلاب بس نحنا استعجلنا لحتى نكمل على دمشق و الزبداني لانو ما عنا مجال غير يوم الجمعة بس تسلينا و غيرنا جو معظمو صورتو فيديو بس في كم صورة لقلعة بصرا مع الطلاب رح نزلهن في اقرب فرصة ان شاء الله
و اختي قال شو نحنا ما بنحكي كتير و لما نحكي كأنو الواحد بحكي مع حالو بدها تفاعل اون لاين ست الحسن :085: هي دارسة لغات فرنسي انجليزي و عم دور انا و هي على شغل لانها تخرجت من فترة بسيطة و مقضياها على النت تصدقو بكون عندهن بروح بحكي معها على النت اكتر مما بحكي معها وانا عندهن :037:

و ضلي اطمني علي ما الي غيرك هلأ :091:
و سلميلي على سورية يلي ما عادت طلت هي كمان و على اختك يلي زارتكن:025:

سورية وبفتخر
18/04/2010, 08:33 PM
انا اجيييييييييييييت كيفكم ياعسولات ان شاء الله الف مبرروك علينا التجمع الجديد وعقبال لمامنتجمع شخصيا مافي شي بعيد
والله اشتقتلكم كتير بس بتعرفوا انه اختي اجت وهيه هلأ قاعدة عند الدمشقية وانا كل يوم بروح لعندهم وبرد ارجع بالليل لبيتي يعني بس النومة ببيتي وبقية النهار عند الدمشقية
اهلين بأختها لكاتس سامحيني حتى انا ماعرفت اقرأ الاسم ههههههههههه والله نورتينا
كاتس صمصومة قلبي كيفك ياعسل وكيف تالا الامورة الله يحميها يارب
لولية كيفك ان شاء الله بخير والله متل ماقالت الدمشقية سوري ولالبناني مابيهم المهم يكون بيحبها وبتحبه وهو يكون ابن حلال والله يتمملهم على خير يارب
سمورة وشامية وبنوتة وبيرل وحشتونا كتير ان شاء الله تكونوا بخير
مون اشتقنالك كتير ومستفقدينلك بالتجمع الجديد الله يبسطك يارب

ρяєттч αšмα
19/04/2010, 12:17 AM
كيفك كاتس طمنيني عنك وشو اخبار تالا ونور الشات باختك والله مية اهل وسهلا فيكي معنا
بس تصدقي لهلأ ماعرفت قول اسمك بالمنتدى عم يطلع الاسم بالمقلوب عندي مابعرف ليش ؟
المهم نورتينا وكتير انا مبسووطة بجمعتك معنا وان شالله بتنبسطي معنا عرفينا عن حالك وهيك يعني المعلومات الشخصية ....


اسمي بريتي اسما وعمري 22 :083:
اهلين فيكي :072:


سا الخير صبايا
كيفكون وكيف اخباركون
مبروك التجمع الجديد ودايمين ع بعض ان شاء الله
اهلا وسهلا باخت كاتس خانم زان شاء الله بتنبسطي معنا واكيد رح تصيري منا وفينا



ان شاء الله خصوصا اني جيت على التجمع الجديد :08:



و اختي قال شو نحنا ما بنحكي كتير و لما نحكي كأنو الواحد بحكي مع حالو بدها تفاعل اون لاين ست الحسن :085: هي دارسة لغات فرنسي انجليزي و عم دور انا و هي على شغل لانها تخرجت من فترة بسيطة و مقضياها على النت تصدقو بكون عندهن بروح بحكي معها على النت اكتر مما بحكي معها وانا عندهن :037:


:085::085::085:

لولية
19/04/2010, 11:18 AM
صباح الخير يا بنوتات يا حلوات حبيت حكيكن قبل ما روح غلى الرياضة واطمن عليكن
أهلا وسهلا بأخت كاتس وان شاء الله تنبسطي معنا بالتجمع السوري
عندي أخبار بس هلأ بدي روح بسرعة ان شاء الله برجع وبحكيلكن
يلا باي

CATS_ANGEL
19/04/2010, 11:45 AM
انا اجيييييييييييييت كيفكم ياعسولات ان شاء الله الف مبرروك علينا التجمع الجديد وعقبال لمامنتجمع شخصيا مافي شي بعيد
والله اشتقتلكم كتير بس بتعرفوا انه اختي اجت وهيه هلأ قاعدة عند الدمشقية وانا كل يوم بروح لعندهم وبرد ارجع بالليل لبيتي يعني بس النومة ببيتي وبقية النهار عند الدمشقية
اهلين بأختها لكاتس سامحيني حتى انا ماعرفت اقرأ الاسم ههههههههههه والله نورتينا
كاتس صمصومة قلبي كيفك ياعسل وكيف تالا الامورة الله يحميها يارب
لولية كيفك ان شاء الله بخير والله متل ماقالت الدمشقية سوري ولالبناني مابيهم المهم يكون بيحبها وبتحبه وهو يكون ابن حلال والله يتمملهم على خير يارب
سمورة وشامية وبنوتة وبيرل وحشتونا كتير ان شاء الله تكونوا بخير
مون اشتقنالك كتير ومستفقدينلك بالتجمع الجديد الله يبسطك يارب


اهلييييييييييييييييين عاش مين شافك :013:

و الحمدلله على سلامة اختك ان شاء الله تكونو مبسوطين مع بعض و عوضو كل يلي فاتكن ولا يهمك
وتالا بتسلم عليكي تسلميلي يا رب:025:

CATS_ANGEL
19/04/2010, 12:28 PM
اسمي بريتي اسما وعمري 22 :083:
اهلين فيكي :072:



ان شاء الله خصوصا اني جيت على التجمع الجديد :08:



:085::085::085:


ليش الضحك اه :039: الا حطيتي اسمك :025:

الدمشقية
19/04/2010, 07:58 PM
حبيبة قلبي و صمصومتي من جواااااا والله انك كلك زوء شفتي كيف تركوني لحالي اشكي الليالي :01:
و نحنا بنعرف اوضاعك و معذورة صدقيني بكفي انو قلبك عنا ما بدنا اكتر من هيك و طمنينا كيف عم تقضو اوقاتكم و شو اخر مشاريعكم

انا طلعت يوم الجمعة على قلعة بصرا و على الزبداني و كان الجو في الزبداني مطر بس حلو بجنن و كانت قلعة بصرا مليانة رحلات مدارس و سياح و كأنهم كانو بدهم يعملو حفلة للطلاب بس نحنا استعجلنا لحتى نكمل على دمشق و الزبداني لانو ما عنا مجال غير يوم الجمعة بس تسلينا و غيرنا جو معظمو صورتو فيديو بس في كم صورة لقلعة بصرا مع الطلاب رح نزلهن في اقرب فرصة ان شاء الله
و اختي قال شو نحنا ما بنحكي كتير و لما نحكي كأنو الواحد بحكي مع حالو بدها تفاعل اون لاين ست الحسن :085: هي دارسة لغات فرنسي انجليزي و عم دور انا و هي على شغل لانها تخرجت من فترة بسيطة و مقضياها على النت تصدقو بكون عندهن بروح بحكي معها على النت اكتر مما بحكي معها وانا عندهن :037:

و ضلي اطمني علي ما الي غيرك هلأ :091:
و سلميلي على سورية يلي ما عادت طلت هي كمان و على اختك يلي زارتكن:025:

تؤبشي قلبي يااارب كاتس القمر يخليلي ياكي ياعسل انتي :065:
وحقك علينا والله الوحدة صعبة بهالشات ههههه الله يلم جمعنا وشملنا ههههه

وبالنسبة للوقت عم يمر بسرعة والله يادوبك عم نلحئ ناخدهم على الاسواق زوجها عم يشتري الهدايا مساكين مالحئو اجو لعنا محملين هدايا ومن هلأ عم يجيب هدايا لهناك خخخخخ
تجرة خسرانة هههههه مو كاتي ,,,, يعني سوق ومولات لسى مابلش الجد
الجمعة درينا انو جاية امه لزوج اختي يعني بنت حمايي :01: بقى راح اكووون فايتة بمية حيط
يعني حماتي وبنتها بقى الله يبيض وجهنا ادعيلي كاتي :060:

وماشالله حلو كتير روحتكم على سورية والزبداني بتجنن وجوها ساحر
اما قلعة بصرا فانا مالي شايفتها ابدا ,,,, برافو ماقصرتي وربي يهنيكي انتي وزوجك ويسعدكم دوووم يارب

ومنشان اختك والله معها حق رزق الله لما كنا هيك ياكاتي هلأ يادوووب نلاقي وقت وندخل
والله لا يحرمنا هالجمعة يارب ... وان شالله بتلاقي الوظيفة الكويسة اللي بتعجبها وترضي طموحها

الدمشقية
19/04/2010, 08:00 PM
اسمي بريتي اسما وعمري 22 :083:
اهلين فيكي :072:





هلا ومية غلا بريتي نورتينا ياقمر وان شالله منبقى على تواصل معك وماتقطعينا
وانتي من عمر اختي سورية ويارب العمر كله الك والها يارب :086:

الدمشقية
19/04/2010, 08:02 PM
يسعد صباحك ومساكي لولية ومية اهلين فيكي
ويارب خير اكيد حددتو موعد الخطبة او كتب الكتاب لبنتك ؟ المهم طمنينا عنك ويارب التمام لخير
كيف الجو بلبنان حاليا ؟ والعلاقات اهم شي خخخخخ منيحة ولا نص نص

CATS_ANGEL
19/04/2010, 08:41 PM
تؤبشي قلبي يااارب كاتس القمر يخليلي ياكي ياعسل انتي :065:
وحقك علينا والله الوحدة صعبة بهالشات ههههه الله يلم جمعنا وشملنا ههههه

وبالنسبة للوقت عم يمر بسرعة والله يادوبك عم نلحئ ناخدهم على الاسواق زوجها عم يشتري الهدايا مساكين مالحئو اجو لعنا محملين هدايا ومن هلأ عم يجيب هدايا لهناك خخخخخ
تجرة خسرانة هههههه مو كاتي ,,,, يعني سوق ومولات لسى مابلش الجد
الجمعة درينا انو جاية امه لزوج اختي يعني بنت حمايي :01: بقى راح اكووون فايتة بمية حيط
يعني حماتي وبنتها بقى الله يبيض وجهنا ادعيلي كاتي :060:

وماشالله حلو كتير روحتكم على سورية والزبداني بتجنن وجوها ساحر
اما قلعة بصرا فانا مالي شايفتها ابدا ,,,, برافو ماقصرتي وربي يهنيكي انتي وزوجك ويسعدكم دوووم يارب

ومنشان اختك والله معها حق رزق الله لما كنا هيك ياكاتي هلأ يادوووب نلاقي وقت وندخل
والله لا يحرمنا هالجمعة يارب ... وان شالله بتلاقي الوظيفة الكويسة اللي بتعجبها وترضي طموحها


اهليييييييييييين دمشقية ما في غيرك يفش بالي هالايام رح اشكيهم لمونو بس ترجع على خير و سلامة يا رب :01:

عن جد انها مشوار للخسارة يعني الواحد قبل ما يفكر يروح شي محل بدو يحط ميزانية للهدايا رايح جاي غير تكاليف سفرتو الله بعين عشان الواحد يفكر مية مرة قبل ما يطلعلو شي مشوار :094:

و هي بصراحة طلعات الاسواق و المولات كمان حلوة خصوصا مع الجمعة ومع الاخوات بتكون غير شكل الله يخليكن لبعض يا رب:025:

و الله يعينك هو انتي بحماتك يا دوب كيف مع بنتها كمان هيدا انتي و شامية صرتو في الهوا سوا ابعدهن عنا يا رب :02: و الله يساعدك و يحمل عنك قولي امين :096:

اما قلعة بصرا فهي اقرب منطقة النا يعني ما بنحس انو بعدنا كتير عن الحدود الاردنية لهيك زرناها اول شي بعدين كملنا على الشام يعني يلي بدو يغير جو في سوريا بنهار واحد صار يروح على بصرى و السويدا و يرجع على الاردن بس ادعي يضل القانون على ما هو عليه لانو في كل مشوار كان بدنا ما يعادل 6400 ليرة سوري بس على الحدود و لشخصين :093:

هيدي اختي ما بعجبها العجب و هي مشتركة في منتدى ما شاء الله عليهم 24على 24 على سيرة تودي سيرة فانا اشتركت معها لحتى نرجع نلم شملنا :091:و هي اشتركت معي لتتعرف عليكن لاني دايما بحكيلها عنكن

طمنينا عنك كل فترة و بعرف انو وقنك ديق بس قلبك كبير حبيبة قلبي :032:

CATS_ANGEL
19/04/2010, 08:43 PM
شامية حبيبتنا وينك ما عاد بينتي طمنينا عنك ليكون بعدها عم تحتكر النت لالها بنت حماكي
يا ريت تلاقي شي دقيقة تردي علينا فيها

لولية
19/04/2010, 09:17 PM
مسا الخير حبيباتي شايفين كيف كلنا انشغلنا وتسلملي كاتس هي الوحيدة اللي مواظبة يلا شو بدنا نعمل الله يسر للجميع
أخباري إنه أم العريس ايجت زارتني هي والعريس جماعة أكابر الحمدلله وملتزمين وأهل صيدا عاداتهم كتير قريبة مننا بقى ناطرين الصيف لتصير قراية الفاتحة وتلبيس الدبل وبشهر اتنين ان شاء الله منعمل حفلة الخطبة متل ما عملت لبنتي الصغيرة كرمال اضمن إنه أهلي وأختي وأولادها يجوا
دمشقية الله يكتر الأحباب ويخلي بيتك عامر يا رب ويبيض وجهك دائما
يا جماعة عنجد شو أخبار شامية ماعاد طلت ان شاء الله خير يا رب

الدمشقية
20/04/2010, 05:13 AM
اهليييييييييييين دمشقية ما في غيرك يفش بالي هالايام رح اشكيهم لمونو بس ترجع على خير و سلامة يا رب :01:

عن جد انها مشوار للخسارة يعني الواحد قبل ما يفكر يروح شي محل بدو يحط ميزانية للهدايا رايح جاي غير تكاليف سفرتو الله بعين عشان الواحد يفكر مية مرة قبل ما يطلعلو شي مشوار :094:

و هي بصراحة طلعات الاسواق و المولات كمان حلوة خصوصا مع الجمعة ومع الاخوات بتكون غير شكل الله يخليكن لبعض يا رب:025:

و الله يعينك هو انتي بحماتك يا دوب كيف مع بنتها كمان هيدا انتي و شامية صرتو في الهوا سوا ابعدهن عنا يا رب :02: و الله يساعدك و يحمل عنك قولي امين :096:

اما قلعة بصرا فهي اقرب منطقة النا يعني ما بنحس انو بعدنا كتير عن الحدود الاردنية لهيك زرناها اول شي بعدين كملنا على الشام يعني يلي بدو يغير جو في سوريا بنهار واحد صار يروح على بصرى و السويدا و يرجع على الاردن بس ادعي يضل القانون على ما هو عليه لانو في كل مشوار كان بدنا ما يعادل 6400 ليرة سوري بس على الحدود و لشخصين :093:

هيدي اختي ما بعجبها العجب و هي مشتركة في منتدى ما شاء الله عليهم 24على 24 على سيرة تودي سيرة فانا اشتركت معها لحتى نرجع نلم شملنا :091:و هي اشتركت معي لتتعرف عليكن لاني دايما بحكيلها عنكن

طمنينا عنك كل فترة و بعرف انو وقنك ديق بس قلبك كبير حبيبة قلبي :032:

اهلين كاتس ولا يهمك حبيبة قلبي قلبك كبييير وبيوسع كل الناس ههههه:016:
وان شالله بترجع العكيدة مونو خانم وقتها بتعرف تجيب الشعب بطرقها ههههه

ومنشان المشوار اي والله كلافة وخسارة اذا بدك المكسب الوحيد هي العمرة وزيارة الرسول عليه الصلاة الله يطعمك ياها يااارب وكل متمني قولي امين

وان شالله بتبقى العلاقات متوطدة ومحكمة كمان خخخخخ وبلا تكاليف دخيلك والله الواحد مو ناقصوا ,,,, وان شالله بتنبسطي وتزوري اللاذقية والسمرا وكسب وغيرهم لانهم عن جد جنة الله بالارض

والله يقويني ويبيض وجهي قدام هالضيوف وبيني وبينك هلأ مبسوطة باخواتي بس لما تجي جماتها مابعرف شو بصير بقى الله يعين لان الاقامة عنا منشان امهم واكيد راح تجي بنتها اللي هون وتصير بدها تبات كمان منشان اختها ويكمل النقر خخخخخ :060:
بس مع كل هاد مابقطعك كاتي لازم ادخل واطمئن عليكي وعلى البنات ولووووو:025:
وسلميلنا على اختك قليلها تعالي سجلي على الحائط وروحي لشاتك مابدنا نستغني عنك :065:

الدمشقية
20/04/2010, 05:16 AM
مسا الخير حبيباتي شايفين كيف كلنا انشغلنا وتسلملي كاتس هي الوحيدة اللي مواظبة يلا شو بدنا نعمل الله يسر للجميع

أخباري إنه أم العريس ايجت زارتني هي والعريس جماعة أكابر الحمدلله وملتزمين وأهل صيدا عاداتهم كتير قريبة مننا بقى ناطرين الصيف لتصير قراية الفاتحة وتلبيس الدبل وبشهر اتنين ان شاء الله منعمل حفلة الخطبة متل ما عملت لبنتي الصغيرة كرمال اضمن إنه أهلي وأختي وأولادها يجوا
دمشقية الله يكتر الأحباب ويخلي بيتك عامر يا رب ويبيض وجهك دائما

يا جماعة عنجد شو أخبار شامية ماعاد طلت ان شاء الله خير يا رب


الله يقويكي يااارب لولية وماشالله البنات بيسحبوا بعض بقى ربي يتمملك على خير
ويسعد بنوتك بحياتها يااارب ... بس والله الخطبة بعيدة كتييير لشهر اتنين والله كتير معناها الفرح ايمتى بصير ؟

وتسلميلي يارب وربي يجعل بيتك عامر بحسك وحس زوجك ويبيض وجوهنا جمييع اللهم امين

وشامية مسكينة والله قلبي عندها يارب تكون بخير والله يفرج همها وترجعلنا

CATS_ANGEL
20/04/2010, 10:18 AM
مسا الخير حبيباتي شايفين كيف كلنا انشغلنا وتسلملي كاتس هي الوحيدة اللي مواظبة يلا شو بدنا نعمل الله يسر للجميع
أخباري إنه أم العريس ايجت زارتني هي والعريس جماعة أكابر الحمدلله وملتزمين وأهل صيدا عاداتهم كتير قريبة مننا بقى ناطرين الصيف لتصير قراية الفاتحة وتلبيس الدبل وبشهر اتنين ان شاء الله منعمل حفلة الخطبة متل ما عملت لبنتي الصغيرة كرمال اضمن إنه أهلي وأختي وأولادها يجوا
دمشقية الله يكتر الأحباب ويخلي بيتك عامر يا رب ويبيض وجهك دائما
يا جماعة عنجد شو أخبار شامية ماعاد طلت ان شاء الله خير يا رب

يا هلا لولية شفتيني كيف وانا بداوم كل يوم رح اخد اعلى علامة عليكن:08:
ان شاء الله التمام على خير يا رب و عقبال ما تفرحي فيهن الفرحة الكبيرة و تشوفي اولادهن و تصيري تيتا :049:

بفهم من كلامك انو الخطبة رح تكون السنة الجاي ؟؟:047:

سورية وبفتخر
20/04/2010, 10:44 AM
صباح الخير للجميع
كاتس حبيبتي شو نتركك لحالك وراكي رجال خخخخخخخخخ الله يسعدك يارب
بريتي اهلين وسهلين فيك نورتي ترى انا صحيح عندي بنت وولد وهلأ حامل بس عمري من عمرك ههههههههههههه شو نساوي استعجلنا الحمد لله وعقبال لمانفرح فيك
لولية كيفك ياقمر وان شاء الله الف مبروك والتمام لخير يارب بس فعلا يعني الشغلة مطولة شوي عسى لخير يارب
شامية والله قلبنا عندك ان شاء الله تكوني بخير يارب

CATS_ANGEL
20/04/2010, 01:16 PM
اهلين كاتس ولا يهمك حبيبة قلبي قلبك كبييير وبيوسع كل الناس ههههه:016:
وان شالله بترجع العكيدة مونو خانم وقتها بتعرف تجيب الشعب بطرقها ههههه

ومنشان المشوار اي والله كلافة وخسارة اذا بدك المكسب الوحيد هي العمرة وزيارة الرسول عليه الصلاة الله يطعمك ياها يااارب وكل متمني قولي امين

وان شالله بتبقى العلاقات متوطدة ومحكمة كمان خخخخخ وبلا تكاليف دخيلك والله الواحد مو ناقصوا ,,,, وان شالله بتنبسطي وتزوري اللاذقية والسمرا وكسب وغيرهم لانهم عن جد جنة الله بالارض

والله يقويني ويبيض وجهي قدام هالضيوف وبيني وبينك هلأ مبسوطة باخواتي بس لما تجي جماتها مابعرف شو بصير بقى الله يعين لان الاقامة عنا منشان امهم واكيد راح تجي بنتها اللي هون وتصير بدها تبات كمان منشان اختها ويكمل النقر خخخخخ :060:
بس مع كل هاد مابقطعك كاتي لازم ادخل واطمئن عليكي وعلى البنات ولووووو:025:
وسلميلنا على اختك قليلها تعالي سجلي على الحائط وروحي لشاتك مابدنا نستغني عنك :065:

:072: :072: :072: :072: :072: :072: دمشقية ام قلب كبير كيفك :093::093:

ااااااااامين الله يكرمنا و نطلع عمرة زوجي مفكر على رمضان بس حسب الظروف و ان شاء الله خير

انا هلأ مشروعي الجاي هي كسب ان شاء الله و بصراحة سوريا كلها بتجنن ما شاء الله

كماااااااااااااان بنتها اللي عندكن بدها تبات وين بدكن تحطو كل هيدول الله يعينك انتي و جوزك الصيفية عندكن مبينة من اولها و الله يعطيكي الصحة لتقومي في الامور كلها و دايما وجهك ابيض يا رب
اما اختي فلا تخافي بتلحق على الكل :037:

CATS_ANGEL
20/04/2010, 01:20 PM
صباح الخير للجميع
كاتس حبيبتي شو نتركك لحالك وراكي رجال خخخخخخخخخ الله يسعدك يارب
بريتي اهلين وسهلين فيك نورتي ترى انا صحيح عندي بنت وولد وهلأ حامل بس عمري من عمرك ههههههههههههه شو نساوي استعجلنا الحمد لله وعقبال لمانفرح فيك
لولية كيفك ياقمر وان شاء الله الف مبروك والتمام لخير يارب بس فعلا يعني الشغلة مطولة شوي عسى لخير يارب
شامية والله قلبنا عندك ان شاء الله تكوني بخير يارب

حبيبتي سورية ما انتبهت انك موجودة كنت اكتب رد لدمشقية
اكيد وراي احلى صبايا بس انا بحب ادلع لاني اذا ما ادلعت بحس شي ناقصني :037:

انتي هلا ديري بالك على البيبي و على حالك و على اختك و نحنا مبسوطين :025:

الدمشقية
20/04/2010, 08:02 PM
:072: :072: :072: :072: :072: :072: دمشقية ام قلب كبير كيفك :093::093:

ااااااااامين الله يكرمنا و نطلع عمرة زوجي مفكر على رمضان بس حسب الظروف و ان شاء الله خير

انا هلأ مشروعي الجاي هي كسب ان شاء الله و بصراحة سوريا كلها بتجنن ما شاء الله

كماااااااااااااان بنتها اللي عندكن بدها تبات وين بدكن تحطو كل هيدول الله يعينك انتي و جوزك الصيفية عندكن مبينة من اولها و الله يعطيكي الصحة لتقومي في الامور كلها و دايما وجهك ابيض يا رب
اما اختي فلا تخافي بتلحق على الكل :037:

تؤبشي قلبي ياكاتي شو بتحرجيني بكلامك:040: وانا وجهي حيا على الاخر خخخخخ
الله يكرمكم يارب ويطعمكم هالزيارة انتووكل متمني يارب لانها رحلة العمر ومابتتعوض ابدااا

اما عن سوريا اي والله حلوة وبتبقى شهادتنا مجروحة فيها بس والله جنة ....

هو زمان كانو يقول بيت الضيق بيسع الف صديق ,,,, مااختلفنا بس والله يااختي حاسة بضيقة
وعم اركض اركض يادوبك عم لحئ بقى الله يكملها معي على خير ويبيض وجهي وماقصر بحقهم ابدا ابدا ...
واي والله صيفيتنا عامرة وبعد كل هالعمار حاسة حالي على رمضان راح انزل سوريا وارخي بدن عند اهلي ,,, اذا ربي راد وكتب لي

CATS_ANGEL
21/04/2010, 09:02 AM
تؤبشي قلبي ياكاتي شو بتحرجيني بكلامك:040: وانا وجهي حيا على الاخر خخخخخ
الله يكرمكم يارب ويطعمكم هالزيارة انتووكل متمني يارب لانها رحلة العمر ومابتتعوض ابدااا

اما عن سوريا اي والله حلوة وبتبقى شهادتنا مجروحة فيها بس والله جنة ....

هو زمان كانو يقول بيت الضيق بيسع الف صديق ,,,, مااختلفنا بس والله يااختي حاسة بضيقة
وعم اركض اركض يادوبك عم لحئ بقى الله يكملها معي على خير ويبيض وجهي وماقصر بحقهم ابدا ابدا ...
واي والله صيفيتنا عامرة وبعد كل هالعمار حاسة حالي على رمضان راح انزل سوريا وارخي بدن عند اهلي ,,, اذا ربي راد وكتب لي

ايه دمشقية اذا ماكان الحكي الحلو لالك لمين لكان :040:

انا كتير مشتهية روح على العمرة صحيح انا رحتها مرتين من قبل بس كنت صغيرة و نفسي عيدها بهالوقت الله يكتبلنا اياها اجمعين :065:

الله يعطيكي الف عافية فاهمة قصدك هو الواحد بيجي ضيوف عاديين و نهار واحد ما بيجي اخر النهار الا هو مو حاسس بجسمو فكيف اذا يلي عم تنامي عليه عم تصبحي فيه غير انو زوجك واولادك لا بشوفوكي ولا بتشوفيهن و الحمد لله على كل شي ما قلتيلي كم يوم ضايلين عندك ولا اقامة غير محددة المدة :02:

و فكرتك حلوة انك تنزلي على سورية و ترتاحي فترة و تغيري جو و تكوني ضيفة مو مضيوفة :03:

الياسمينة السمرا
21/04/2010, 02:25 PM
مرحبا صبايا كيفكون
انا اليوم هربت من الشغل ع بكير وقلت لحالي لاكسب الفرصة وشوف اخباركون
هالايام كتير مشغولة ضب الشتوي ومطالعة الصيفي وغسيل سجاد وتعزيل وكتير شغلات

كاتس معلي يمكن معلوماتي ضعيفة شوي بس انتي وين مقيمة بسوريا يعني ولا وين

دمشقية كيفك وكيفون ضيوفك بيت عامر ان شاء الله ما شاء ما بيلحق يفضا بيتك الا بينتلا
والله يكون بعونك كمان
لولية الله يتتم ع خير ان شاء الله وتفرحي بالصبايا كلون

شامية وسورية ومون وكل الشبيحة اخباركون ايه

سيرة الحب عنا اليوم بامية ورز
اتفضلو

الياسمينة السمرا
21/04/2010, 02:27 PM
كاتس من شان العمرة انا خطيبي واعدني السنة الجاي ان شاء الله ياخدني ع العمرة انا وماما
ان شاء الله بتظبط معنا وببقا منروح ع دمشقية ضيوف خخخخخخخخخخخخ

الياسمينة السمرا
21/04/2010, 02:31 PM
صبايا مين هي المتخفية

الدمشقية
21/04/2010, 09:22 PM
ايه دمشقية اذا ماكان الحكي الحلو لالك لمين لكان :040:

انا كتير مشتهية روح على العمرة صحيح انا رحتها مرتين من قبل بس كنت صغيرة و نفسي عيدها بهالوقت الله يكتبلنا اياها اجمعين :065:

الله يعطيكي الف عافية فاهمة قصدك هو الواحد بيجي ضيوف عاديين و نهار واحد ما بيجي اخر النهار الا هو مو حاسس بجسمو فكيف اذا يلي عم تنامي عليه عم تصبحي فيه غير انو زوجك واولادك لا بشوفوكي ولا بتشوفيهن و الحمد لله على كل شي ما قلتيلي كم يوم ضايلين عندك ولا اقامة غير محددة المدة :02:

و فكرتك حلوة انك تنزلي على سورية و ترتاحي فترة و تغيري جو و تكوني ضيفة مو مضيوفة :03:

يسعدلي اوقاتك كاتي وكللك ذوووق والله ياعسل انتي
شو ناويين لبكرا ان شالله وشو هو البروجرام تبعك
منشان العمرة الله يكرمك وتروحي وتعملي بس الشغلة بدها عزم يعني فكروا بالموضوع بصير ان شالله

والله يعافي قلبك ياعسل اي والله جسمي موجووع على الاخر بس والله مبسوطة باختي بس كمان في تعب اكيد ...واجيتي على الجرح مبارح عم قول لزوجي ولادي عم ينظلموا كتييير ياعلي يعني كتيير قصرت بحقهم اكل وشرب ونوم اما زوجي فهو موال ثاني ياعليي
يالله بس كمان صار في تجديد وروتين تاني غير اللي متعودينه ههههه

والله يكرمني وانزل سورية بس اول بدي اطمن على اختي سوريّة وبعدها منقول يارب

هلا ان شالله ناويين بكرا نروح على البحر ونخيم هناك يعني ونبات للجمعة نتغدى ونرجع
يعني منسبح ومننبسط ورجالنا بتصطادخخخخخ بقى الله يبسطنا ويبسطكم قولوا امين

الدمشقية
21/04/2010, 09:29 PM
اهلين سمورة عاش من شافك يارب
والله يعطيكي الف عافية بلشت الصيفية وبلشت الالوان ماشالله والسهر والليالي الملاح
والله يسلمك شو نعمل قال مابيجيك الا اللي بحبك مو ؟
خلصتي جهازك وتجهيزات فرحك ولا لسى ؟

********
شااااااامية وينك والله اشتقتلك امانة فوتي وطمنيني عنك قلبي مشغول عليكي كتيير

CATS_ANGEL
21/04/2010, 09:40 PM
مرحبا صبايا كيفكون
انا اليوم هربت من الشغل ع بكير وقلت لحالي لاكسب الفرصة وشوف اخباركون
هالايام كتير مشغولة ضب الشتوي ومطالعة الصيفي وغسيل سجاد وتعزيل وكتير شغلات

كاتس معلي يمكن معلوماتي ضعيفة شوي بس انتي وين مقيمة بسوريا يعني ولا وين

دمشقية كيفك وكيفون ضيوفك بيت عامر ان شاء الله ما شاء ما بيلحق يفضا بيتك الا بينتلا
والله يكون بعونك كمان
لولية الله يتتم ع خير ان شاء الله وتفرحي بالصبايا كلون

شامية وسورية ومون وكل الشبيحة اخباركون ايه

سيرة الحب عنا اليوم بامية ورز
اتفضلو


كاتس من شان العمرة انا خطيبي واعدني السنة الجاي ان شاء الله ياخدني ع العمرة انا وماما
ان شاء الله بتظبط معنا وببقا منروح ع دمشقية ضيوف خخخخخخخخخخخخ


لااااااااا هيك رح ازعل كتيييييييييير كل هيدا و مو عارفة انا وين

انا من الاردن و تحديدا في العاصمة عمان و بتشرفيني وقت ما تحبي :087:

الله يطعمنا العمرة اجمعين يا رب و بنعمل غارة جوية على دمشقية :013: :013:

طمنينا شو اخر تجهيزاتك شكلو مامتك بدها تستفيد منك لاخر لحظة في البيت :037: يعطيكي الف عافية يا رب

CATS_ANGEL
21/04/2010, 09:55 PM
يسعدلي اوقاتك كاتي وكللك ذوووق والله ياعسل انتي
شو ناويين لبكرا ان شالله وشو هو البروجرام تبعك
منشان العمرة الله يكرمك وتروحي وتعملي بس الشغلة بدها عزم يعني فكروا بالموضوع بصير ان شالله

والله يعافي قلبك ياعسل اي والله جسمي موجووع على الاخر بس والله مبسوطة باختي بس كمان في تعب اكيد ...واجيتي على الجرح مبارح عم قول لزوجي ولادي عم ينظلموا كتييير ياعلي يعني كتيير قصرت بحقهم اكل وشرب ونوم اما زوجي فهو موال ثاني ياعليي
يالله بس كمان صار في تجديد وروتين تاني غير اللي متعودينه ههههه

والله يكرمني وانزل سورية بس اول بدي اطمن على اختي سوريّة وبعدها منقول يارب

هلا ان شالله ناويين بكرا نروح على البحر ونخيم هناك يعني ونبات للجمعة نتغدى ونرجع
يعني منسبح ومننبسط ورجالنا بتصطادخخخخخ بقى الله يبسطنا ويبسطكم قولوا امين

يا هلا بيلي مداوم معي لازم يحطولنا نجمة على الدفتر تبعنا ما هيك :08:
والله يا دمشقية ما في برنامج و لا شي حتى هيدا الاسبوع ما الي نفس اطلع يمكن لاني الجمعة الماضية حسيت حالي طلعت كتير لانو شفت شغلات كتير بيوم واحد و الجمعة هيدي شكلنا رح نقضيها في البيت او ممكن زيارات عائلية لانو و الله مقصرين كتير وما عم نزور حدا انا و جوزي طالعين ما بنحب الجمعات كتير بس الواجب لا بد منه :02:

هو تغيير الروتين احلى شي في الموضوع و اكيد رح تتذكري هيدي الايام بعد ما يروحو بدون شر و رح تضحكي كتير على مواقف و شغلات صارت و بتنسي كل التعب باذن الله

و عقبال ما تتطمني على سورية و اطمنينا عليها و نفرح بالزائر الجديد و سلميلي عليها كتير

وماشاء الله برنامجكم حلو كتير تتهنو يا رب امييييييييييين:013: :013:

CATS_ANGEL
22/04/2010, 08:27 AM
صباااااااااااااح الخير

بما اني صاحية اليوم بدري .... و بما اني خلصت شغلي على بكير.......و بما انو تالا نايمة
فهيدي ساعة الصفا عندي يلي ما ممكن تصحلي كل يوم لهيك عازمتكن على احلى فنجان نسكافيه

http://www.3roos.com/files/ups/2010/179352/01271913709.jpg

و بأحلى جمعة بدها احلى جلسة

http://www.3roos.com/files/ups/2010/179352/11271913709.jpg

و هيدي الجلسة شو بدااااا بدا فطور خفيف لننزل نسبح ( هههه بعدني عم احلم شكلي )

http://www.3roos.com/files/ups/2010/179352/21271913709.jpg

واحلى شي الصبح انك تشمي الورد و هيدي الباقة حسيتها متلنا كل وحدة غير شكل بس اجتمعو بباقة بتجنن متلنا تمااام

http://www.3roos.com/files/ups/2010/179352/31271913709.jpg

و ان شاء الله يكون صباح حلو علينا جميعا ما بدي اذكر اسماء بس يا ريت الكل يطمنا عن حالو لانو طالة الغيبة

بناتى حياتى
22/04/2010, 09:07 AM
http://forums.3roos.com/showthread.php?p=11881708#post11881708


نورونىىىىىىى

سورية وبفتخر
22/04/2010, 12:15 PM
صباح الخير للجميع
كاتس كيفك الله يقويكي يارب انتي الوحيدة يلي عم تداومي فينا كل يوم وبعدين شو النسكافيه يلي بتفتح النفس ولا الفطور ولا الجلسة الحلوة هيك كتير علينا هههههههههه الله يسعدك يارب معلش سامحيني ماعم بدخل كتير بس والله مشغولة بعبودي اخد اللقاح يوم الاحد ومن يومها وهوعلى سخونة لمابعطيه خافض حرارة بتروح وبترد بترجع اله اربع ايام على هالحالة جبتله تحاميل يعني مفعوله اقوى من الشراب نفس الشي مبارح اخدناه بالليل شي الساعة 3 ماكان في طبيب اطفال كان في طبيب عام فحصه وقلنا انه معه التهاب بحلقه والله شاف حرارته طلعت اربعين قلي خديه عالغرفة التانية وشلحيه ملابسه وروشيه بالمي العادية وبعدين عطاه ابرة ووصفله دوا اليوم صحي كمان مسخن والله مقطعلي قلبي الله يشفيه يارب
سامحيني يمكن وجعتلك راسك الحمدلله على كل حال

سورية وبفتخر
22/04/2010, 12:19 PM
اهلين والله سمورة كيفك ماشاء الله عليكم بلشتوا شغل بهالبيت يالله الله يقويكم يارب علمك بكرة اجت الشتوية والله الايام عم تركض ركض بس اكيد الشتوية الجاية بتكوني ببيتك ان شاء الله والف صحة وهنا على البامية انا مبارح اكلتها عند الدمشقية

سورية وبفتخر
22/04/2010, 12:21 PM
لولية وشامية وبيرل وبنوتة وينكم ياحلويين طمنونا عنكم يارب تكونوا كلكم بخير وصحة وعافية

بناتى حياتى
22/04/2010, 01:40 PM
http://forums.3roos.com/showthread.php?t=529718

نورونى

لولية
22/04/2010, 07:19 PM
مسا الخير يا قمورات كيفكن حبيباتي
سورية يا عمري ان شاء الله ابنك صار أحسن الله يسلملك ياه يا رب كلشي ولا مرض الصغير بيقطع القلب وهلأ يمكن على تغيير هالطقس ما بعرف إنته عندكن متل عنا نحنا اليوم رجع شتا مطر وبرد
كاتس حبيبتي تسلمي على هالفطور بيشهي وخصوصا القعدة ان شاء الله نجتمع عنجد بيوم
دمشقية يا عمري والله الضيوف حلوين بس ليكي مو أكتر من 3 أيام لإنه فعلا الواحد بينطوش يا أختي الروتين والنظام حلوين شو بدك بهالحكي والله يعينك على جية بنت حماكي أد من كانوا حبابين بس سبحان الله بيضلوا بيت احما يلا الله يقويكي
بالنسبة لبنوتي عم تقولولي عم تتأخروا حبيبتي هيك العادة هون وخصوصا إنه نحنا رح تسافر شهرين بالصيف فمارح نرجع قبل شهر 10 والعريس الجديد بعدها بدو يسافر على الصين شي شهرين بقى كرمال هيك ما مستعجلين بكتب الكتاب
أخباري مافي شي جديد اليوم ضليت بالبيت على عكس العادة لإنه كنت ناطرة الشركة يجيبولي الغسالة الجديدة وضليت قاعدة عملتها رياحة وخصوصا إنه يمكن يوم السبت رحلي يومين على حمص شم شوية هوا حمصي وارجع
لك يا جماعة حدا بيحسن يطمنا على شامية شو صار فيها

CATS_ANGEL
22/04/2010, 08:39 PM
صباح الخير للجميع
كاتس كيفك الله يقويكي يارب انتي الوحيدة يلي عم تداومي فينا كل يوم وبعدين شو النسكافيه يلي بتفتح النفس ولا الفطور ولا الجلسة الحلوة هيك كتير علينا هههههههههه الله يسعدك يارب معلش سامحيني ماعم بدخل كتير بس والله مشغولة بعبودي اخد اللقاح يوم الاحد ومن يومها وهوعلى سخونة لمابعطيه خافض حرارة بتروح وبترد بترجع اله اربع ايام على هالحالة جبتله تحاميل يعني مفعوله اقوى من الشراب نفس الشي مبارح اخدناه بالليل شي الساعة 3 ماكان في طبيب اطفال كان في طبيب عام فحصه وقلنا انه معه التهاب بحلقه والله شاف حرارته طلعت اربعين قلي خديه عالغرفة التانية وشلحيه ملابسه وروشيه بالمي العادية وبعدين عطاه ابرة ووصفله دوا اليوم صحي كمان مسخن والله مقطعلي قلبي الله يشفيه يارب
سامحيني يمكن وجعتلك راسك الحمدلله على كل حال


حبيبتي سورية انتو بتستاهلو متل هيك و اكتر و حتى لو ضل فوت كل يوم بضل مقصرة معكم وما بتعرفي يمكن انا يصير عندي ظروف متلكن لحتى تستفقدوني :094:

والله وجعتيلي قلبي على عبودنا كلنا واذا النا ما حكيتي لمين بدك تحكي لا تخليني ازعل منك و الف سلامة عليه و ما عليه شر بس الحق على يلي اعطاه اللقاح لازم يتأكد انو مانو مريض او عليه سخونة و لو خفيفة :039: لانو اللقاح بدون شي بخلي الولد يمرض كيف لو كان بدو يمرض او مريض الله يعينك و يعينو يا رب و طمنينا عليه اول باول :065:
هو انتي ما طالعة مع دمشقية و اختك التانية على التخييم ولا ظروفك و ظروف عبودي ما سمحت:01:

CATS_ANGEL
22/04/2010, 09:12 PM
اهلين لولية نورتي و ان شاء الله بنجتمع على خير عن جد شو نفسي اشوف كل وحدة فيكن لو دقيقة

و الله انا كمان مش عارفة كيف نوصل لشامية اذا وحدة عندها رقم تليفونها تتطمن عليها ما بعرف ليش قطعتنا مرة وحدة الحق علينا لازم نلاقي طريق تانية نطمن على بعض اذا صارت ظروف متل هيك عن جد شغلتلي بالي كتير

CATS_ANGEL
23/04/2010, 02:41 AM
صباحوووووووووووووووو شكلي رح انفرد بهيدا الشات ههههههههههه

المهم اليوم الجمعة و ان شاء الله تكون مباركة علينا جميعا

و بما انو مونو سلمت العهد لدمشقية و دمشقية مشغولة و عم تعمل تخييم قررت اني فطركن على حسابي ههههههه

و فطور يوم الجمعة رح يكون ........................

http://www.3roos.com/files/ups/2010/179352/01271979218.jpg

http://www.3roos.com/files/ups/2010/179352/11271979218.jpg

ما في بعد صحن الفتة

http://www.3roos.com/files/ups/2010/179352/21271979218.jpg

http://www.3roos.com/files/ups/2010/179352/31271979218.jpg

http://www.3roos.com/files/ups/2010/179352/41271979218.jpg

http://www.3roos.com/files/ups/2010/179352/51271979218.jpg

وما في غير كاسة الشاي بالنعنع بعد هيك فطور

http://www.3roos.com/files/ups/2010/179352/61271979218.jpg

و الف صحة و هنا يا رب

CATS_ANGEL
23/04/2010, 02:51 AM
و لا تنسو قراءة سورة الكهف متل ما عودتنا مونو تذكرنا فيها كل يوم جمعة

سبحان الله و الحمد لله و لا اله الا الله و الله اكبر

سبحان الله و الحمد لله و لا اله الا الله و الله اكبر

سبحان الله و الحمد لله و لا اله الا الله و الله اكبر
(( اللهم يا حي يا قيوم ، يا ذا الجلال والإكرام ، أسألك باسمك الأعظم الطيب المبارك ، الأحب إليك الذي اذا دعيت به أجبت ، وإذا استرحمت به رحمت ، وإذا استفرجت به فرجت ، أن تجعلنا في هذه الدنيا من المقبولين والى أعلى درجاتك سابقين ، واغفر لي ذنوبي وخطاياي وجميع المسلمين اللهم اغفر لي وعافني واعف عني واهدني الى صراطك المستقيم وارحمني يا أرحم الراحمين برحمتك أستعين سبحان الله والحمد لله ولا إله إلا الله ، والله أكبر ولله الحمد ، وأستغفر الله عدد خلقك ورضى نفسك وزنة عرشك ومداد كلماتك اللهم اغفر للمسلمين جميعا الأحياء منهم والأموات وأدخلهم جناتك ، وأعزهم من عذابك ، ولك الحمد ، وصلى اللهم على أشرف الخلق سيد المرسلين محمد صلى الله عليه وآلهوسلم وعلى أهله وصحبه أجمعين ))




(( اللهم يامالك الملك وياواسع العطاء ياحي ياقيوم ياذا الجلال والإكرام إني أسألك في هذا اليوم العظيم.. وبعدد من سجد لك في حرمك المكرم،،، من يوم خلقت الدنيا إلى يوم القيامة أن تعافي قارئ هذا الدعاء،،،وتحفظه، وأسرته، وأحبته وأن تبارك عمله، وتسعد قلبه وتفرج كربه،،وتيسر أمره،،وتغفر ذنبه..آمين يارب العالمين.. ))

الدمشقية
24/04/2010, 07:20 AM
يا هلا بيلي مداوم معي لازم يحطولنا نجمة على الدفتر تبعنا ما هيك :08:
والله يا دمشقية ما في برنامج و لا شي حتى هيدا الاسبوع ما الي نفس اطلع يمكن لاني الجمعة الماضية حسيت حالي طلعت كتير لانو شفت شغلات كتير بيوم واحد و الجمعة هيدي شكلنا رح نقضيها في البيت او ممكن زيارات عائلية لانو و الله مقصرين كتير وما عم نزور حدا انا و جوزي طالعين ما بنحب الجمعات كتير بس الواجب لا بد منه :02:

هو تغيير الروتين احلى شي في الموضوع و اكيد رح تتذكري هيدي الايام بعد ما يروحو بدون شر و رح تضحكي كتير على مواقف و شغلات صارت و بتنسي كل التعب باذن الله

و عقبال ما تتطمني على سورية و اطمنينا عليها و نفرح بالزائر الجديد و سلميلي عليها كتير

وماشاء الله برنامجكم حلو كتير تتهنو يا رب امييييييييييين:013: :013:

يسعدلي الرايق يااارب
والله ياكاتي انتي الوحيدة اللي تستاهلي النجمة لك الله لا يحرمنا من طلتك ياعسل انتي
ويالله كمان الزيارات العائلية حلوة ومهضومة وخااااصة اذا انتي الضيفة مو المضيوفة خخخخخ

وعن الروتين اي كسرنا الحمد لله ومبسوطة باللمة والله وعن حماة اختي اللي هي بنت حمايي أتأجلت جيتها من مبارح الجمعة الى يوم الثلاثا وكل تاخيرة اكيد فيها خيرة ههههه

اماعن التخييمفرحنا والله وانبسطنا سهرنا لوجه الصبح على عشا وتسالي وارجيلة وغيرو :037:
بس ماقدرنا نبقى لاكتر من الساعة تسعة الصبح لانو كان هوا قوي والتراب بعيونا يعني حتى سباحة ماسبحنا ولا حتى شوينا ارجعنا على البيت نمنا وبعدها زوجي جاب اكلة سمك وجمبري وخلصت القصة هههههه يعني طلعة فاضية بس والله انبسطنا :013: الحمد لله

وشو هالقعدة الحلوة والاكلات الطيبة والفطور لك والله شي بشهي تسلم الايادي ياااارب
لك ماننحرم منك
وبسلموا على تذكيرنا بيوم الجمعة وهالدعاء الحلو الله يغفرلنا ويهدينا يارب

الدمشقية
24/04/2010, 07:25 AM
لولية مية اهلا وسهلا بطلتك الحلوة
ومنشان بنتك غريب والله هالعادات بس يالله كل تأخيرة وفيها خيرة عنا على طووول بيكتبوا الكتاب وبعدها قد ماطولوا مو مشكلة
بس بتبقى الظروف هي الغالبة الله يقويكي يااارب
ومنشان حمص لك والله اللي سماكي ابن بطوطة ماكذب بسم الله وماشالله وعيني عليكي باردة الله يهنيكي ويسعدك يااارب
دخيل عينك جيبيلي معك هي الحلاوة اللي فيها قشطة وجوز لجوزي واذا مريتي على النبك بدي هريسة يييي شو طيبة لا تنسي ...هههه

اما عن الضيوف اي والله الروتين حلو وكتير منحن نرجعلو ههههه ,,, بس اكيد كرمة لعين اختي تكرم مرج عيون والله يقدرنا ويبيض وجهنا قدامهم

اما عن شامية عن جد متل ماقالت كاتس المفروض يكون عنا ارقام بعض حتى تطمئن يارب
تكون بخير يااارب وتطل علينا معقول لهلأ بنت جماها عندها ؟؟؟ الله يعينها ويطمنا عنها بالخير

بناتى حياتى
24/04/2010, 12:58 PM
http://forums.3roos.com/showthread.php?t=529939


نورونى

بناتى حياتى
24/04/2010, 01:04 PM
http://forums.3roos.com/showthread.php?t=529940

عروسة ليبيا
24/04/2010, 01:06 PM
موضوع يهم كل العرايس

شنطه الفندق يوم الزفاف

http://forums.3roos.com/showthread.php?p=11894956#post11894956 (http://forums.3roos.com/showthread.php?p=11894956#post11894956)

بناتى حياتى
24/04/2010, 01:20 PM
http://forums.3roos.com/showthread.php?p=11888669#post11888669

ام فارس2010
24/04/2010, 11:06 PM
ليه الاسامى فى المنتدى.............مستعارة... (http://forums.3roos.com/showthread.php?t=530117)

اتمنى تشرفونى

سورية وبفتخر
25/04/2010, 03:07 AM
الله يسعدلي اوقاتكم يارب
كاتس تسلمي لقلبي يارب والله يخلينا لبعض والحمدلله عبودي صار بخير راحت الحرارة منه وبلش هلأ بالرشح هههههههه منخلص من شي بيطلع شي تاني الحمدلله على كل حال
وشو هالفطور الملوكي هاد الله يسلم هالايدين وسفرة دايمة والله يعوض عليك يارب والله يجزيك الف خير على هالدعاء الحلو ويجعله بميزان حسناتك ان شاء الله
وبالنسبة للتخيم رحت معهم بعني بصير مابيمشي المركب من دوني خخخخخخخ بس الحمدلله كان عبودي متحسن وماغلبني

سورية وبفتخر
25/04/2010, 03:16 AM
لولية الله يسعدك يارب والحمدلله عبودي صار بخير والله صدقتي مرض الصغير بيوجع القلب بتحتاري شو تساويله
ووالله برافوا عليك رايحة عالحمص روحي لاتقصري والله ساعة الصفا والبسط مابتتفوت ان شاء الله دوم مبسوطة يارب
والله كلنا قلقانين على شامية يارب يطمنا عليها

CATS_ANGEL
25/04/2010, 09:00 AM
صباح الخيرااااااااااااااات صبايا

ما تزعبة مني بس مبارح و اليوم كنت مشغولة شوي و رح ارجع رد عليكن بس خلص الصباحية يلي عندي اليوم

بس حبيت صبح عليكن و سجل على الحيط على قولة دمشقية و يا ريتكن عندي اليوم بهالصباحية

بناتى حياتى
25/04/2010, 12:22 PM
http://forums.3roos.com/showthread.php?t=529940

الدمشقية
25/04/2010, 05:42 PM
شطورة سورية سبقتني مالها بالعادة خخخخ

كاتي شهيتيني شو هي الصبحية اللي عندك اكيد اخواتك ما ؟
بعدين نحنا نزعل منك لك انتي الكل بالكل ولوووو وان شالله بتتهني يااارب واعتبرينا كنا معك قلبا وقالبا
نحنا اليوم عند سورية وانا داخلة من لاب توبها واليوم عاملين الها مفاجئة وهي مو عااارفة خخخخخ مبارح كان عيد ميلادها
ونحنا عايدناها هيك بس كلام وزوجها عمل نفسه مو عارف حتى ماعايدها وهي الجدوبة هههه فكرت انو ناسي
المهم اليوم حفلتها ان شالله ووالله مشتهيتك ياكاتس انتي والبنات
جبتلها شوز خفيف وحلو ان شالله يعجبها واختي التانية جابتلها شنطة وهيك صارو طقم اسود شو رايك ؟

يعني حبيت قلكم اخر الاخبااار
وسلامي لبيرل ومون وشامية قلبنا عندك وسمورة ولولية وبنوتة والجميييع

CATS_ANGEL
25/04/2010, 08:30 PM
يسعدلي الرايق يااارب
والله ياكاتي انتي الوحيدة اللي تستاهلي النجمة لك الله لا يحرمنا من طلتك ياعسل انتي
ويالله كمان الزيارات العائلية حلوة ومهضومة وخااااصة اذا انتي الضيفة مو المضيوفة خخخخخ

وعن الروتين اي كسرنا الحمد لله ومبسوطة باللمة والله وعن حماة اختي اللي هي بنت حمايي أتأجلت جيتها من مبارح الجمعة الى يوم الثلاثا وكل تاخيرة اكيد فيها خيرة ههههه

اماعن التخييمفرحنا والله وانبسطنا سهرنا لوجه الصبح على عشا وتسالي وارجيلة وغيرو :037:
بس ماقدرنا نبقى لاكتر من الساعة تسعة الصبح لانو كان هوا قوي والتراب بعيونا يعني حتى سباحة ماسبحنا ولا حتى شوينا ارجعنا على البيت نمنا وبعدها زوجي جاب اكلة سمك وجمبري وخلصت القصة هههههه يعني طلعة فاضية بس والله انبسطنا :013: الحمد لله

وشو هالقعدة الحلوة والاكلات الطيبة والفطور لك والله شي بشهي تسلم الايادي ياااارب
لك ماننحرم منك
وبسلموا على تذكيرنا بيوم الجمعة وهالدعاء الحلو الله يغفرلنا ويهدينا يارب

ميييييييييين دمشقية عندنا يا مرحبا يا مرحبا نورك طفا على نور الكهربااااااااااااااا:025:

ايه ما شاء الله طلعة حلوة و خفيفة نضيفة صحيح ما كانت متل ما توقعتي بس الا ما يصير شغلات مو بالحسبان بس بتكون مغامرات حلوة و احلى شي السهرة صباحي :094: و جوزك ما شاء الله عليكي عوضلكن اياها باحسن منها و ان شاء الله بتطلعو طلعة متل ما بدكن و احسن

واكيييييييييييد كل تاخيرة فيها خيرة خصوصي بقصة الحموات و اهل الحموات هههههههه

انا يوم السبت رحت عند اهلي طبعا الزيارة الاسبوعية لا بد منها و اخت زوجي كانت عازماني مع سلفتي و اختها التانية على الغدا و على اساس يلحقني زوجي يعني اخوها المسا على العشا بس انا ما رحت على الغدا لاني ما حبيت تكون قعدتي معهن طويلة و قضيتها عند ماما لحتى اجى زوجي و رحت معو لحتى تكون القعدة رسمية بيناتنا و بيني و بينك حسيتهن عم يطلعولي من فوق لتحت لاني ما كنت بالجمعة معهن:02:

CATS_ANGEL
25/04/2010, 08:34 PM
الله يسعدلي اوقاتكم يارب
كاتس تسلمي لقلبي يارب والله يخلينا لبعض والحمدلله عبودي صار بخير راحت الحرارة منه وبلش هلأ بالرشح هههههههه منخلص من شي بيطلع شي تاني الحمدلله على كل حال
وشو هالفطور الملوكي هاد الله يسلم هالايدين وسفرة دايمة والله يعوض عليك يارب والله يجزيك الف خير على هالدعاء الحلو ويجعله بميزان حسناتك ان شاء الله
وبالنسبة للتخيم رحت معهم بعني بصير مابيمشي المركب من دوني خخخخخخخ بس الحمدلله كان عبودي متحسن وماغلبني


يا هلاااااا بصماصيم قلبي كلهم

الحمد لله على سلامة حبيب الجماهير عبودي و هنن هيك الاولاد ما بريحو ولا كان لقيتيني سبقتك بالحمل و الولادة هههههههههههه

و صحة و هنا على قلبكن شو بتمنى انو يكون فطور بحق و حقيق و الله كريم ما بتعرفي شو مخبالنا الايام يلي جاي

انا قلت مستحيييييييييييل المركب يتحرك بدون ما تكوني بالمقدمة و تعطي اشارة الانطلاق و ما شاء الله كانت طلعة فيها مغامرة و الحمدلله انو ما تغلبتي و على طول مبسوطين ان شاء الله:013:

CATS_ANGEL
25/04/2010, 08:45 PM
شطورة سورية سبقتني مالها بالعادة خخخخ

كاتي شهيتيني شو هي الصبحية اللي عندك اكيد اخواتك ما ؟
بعدين نحنا نزعل منك لك انتي الكل بالكل ولوووو وان شالله بتتهني يااارب واعتبرينا كنا معك قلبا وقالبا
نحنا اليوم عند سورية وانا داخلة من لاب توبها واليوم عاملين الها مفاجئة وهي مو عااارفة خخخخخ مبارح كان عيد ميلادها
ونحنا عايدناها هيك بس كلام وزوجها عمل نفسه مو عارف حتى ماعايدها وهي الجدوبة هههه فكرت انو ناسي
المهم اليوم حفلتها ان شالله ووالله مشتهيتك ياكاتس انتي والبنات
جبتلها شوز خفيف وحلو ان شالله يعجبها واختي التانية جابتلها شنطة وهيك صارو طقم اسود شو رايك ؟

يعني حبيت قلكم اخر الاخبااار
وسلامي لبيرل ومون وشامية قلبنا عندك وسمورة ولولية وبنوتة والجميييع

حبيبتي دمشقية لا ما حزرتي هههههه الصبحية كانت لعماتي تنتين و بناتهم الكبار هو بصراحة ما كنت ناوية الها ابدا بس عمتي يلي جاي من السعودية ما ركبو النت في البيت و حبت تحكي مع ابنها بدرس في اوكرانيا و تشوفو يعني صوت و صورة و حكتلي انو بدها تيجي تستعمل النت عندي و هي كان بينها و بين عمتي التانية اختها يعني خلاف صغير فرحت عزمتها هي كمان لصفي النفوس ( ما عرفت حالي و الله هههههههههه ) و قعدنا و انبسطنا و غيرنا شكل بس صار بدي مين يصالحني مع اختي لاني ما عزمتها بس كلها اجت فجأة و اختي متلكن ما بتعرف تيجي لحالها لازم كون حاكية قبل بوقت لحتى جوزها يجيبها بس و عدتها بصبحية غير شكل و على شرفها لحتى ما تاخد على خاطرها

بشوف انتقل موقع الاجتماعات لعند سورية ههههههه حرام عليكن تزعلوها و تعملو حالكن مطنشين بس اكيد المفاجأة رح تنسيها كل الزعل و نيالها فيكن و الله يخليكن لبعض

ما شاء الله حلوة كتير الفكرة يعني حلو انكن تتفقو تلبقو هدية و ان شاء الله تهريهن بالعافية

ووافينا بتفاصيل الحفلة و ردة فعل سورية على المفاجأة

CATS_ANGEL
25/04/2010, 09:32 PM
هلأ فضينا لعيد ميلاد سورية

http://www.3roos.com/files/ups/2010/179352/01272220024.png

و هيدا احلى قالب كيك اجت فكرتو من هدية دمشقية و اختها هههههههه

http://www.3roos.com/files/ups/2010/179352/11272220024.jpg

واذا ما عجبك هيدا احلى قالب لاطفولة المنتدى و البيبي يلي على الطريق

http://www.3roos.com/files/ups/2010/179352/21272220024.jpg

وما رح ننسى الشوكلاتة لحتى يطلع البيبي حلوووووووووو

http://www.3roos.com/files/ups/2010/179352/41272220024.jpg

و اكييييييد البوفيه المفتوح هيدا للمعازيم يعني النا

http://www.3roos.com/files/ups/2010/179352/51272220024.jpg

و في الاخير هيدي هديتي يا رب تعجبك

http://www.3roos.com/files/ups/2010/179352/31272220024.jpg

وكل عام و انتي بالف خييييييييير

الدمشقية
26/04/2010, 07:12 AM
ميييييييييين دمشقية عندنا يا مرحبا يا مرحبا نورك طفا على نور الكهربااااااااااااااا:025:

ايه ما شاء الله طلعة حلوة و خفيفة نضيفة صحيح ما كانت متل ما توقعتي بس الا ما يصير شغلات مو بالحسبان بس بتكون مغامرات حلوة و احلى شي السهرة صباحي :094: و جوزك ما شاء الله عليكي عوضلكن اياها باحسن منها و ان شاء الله بتطلعو طلعة متل ما بدكن و احسن

واكيييييييييييد كل تاخيرة فيها خيرة خصوصي بقصة الحموات و اهل الحموات هههههههه

انا يوم السبت رحت عند اهلي طبعا الزيارة الاسبوعية لا بد منها و اخت زوجي كانت عازماني مع سلفتي و اختها التانية على الغدا و على اساس يلحقني زوجي يعني اخوها المسا على العشا بس انا ما رحت على الغدا لاني ما حبيت تكون قعدتي معهن طويلة و قضيتها عند ماما لحتى اجى زوجي و رحت معو لحتى تكون القعدة رسمية بيناتنا و بيني و بينك حسيتهن عم يطلعولي من فوق لتحت لاني ما كنت بالجمعة معهن:02:

بووووووووو من النور الزايد اللي غطا على الكهربا صار ماس خخخخخخ
تسلميلي ياعسل انتي
واي والله طلعة خفيفة وحلوة وبيني وبينك قلت انا وزوجي هي اخر مرة منعملها لان التخييم مع الصغار والكبار بالعمر متل امه مابيمشي الحال ابدا كلها لبكة ونئ ليوم النئ
وبالنسبة لروحتك عند بنت حماكي والله انك قوية طلعتي مو قليلة هههههه .. شاطرة يابت:049:
يعني بصراحة روحتك بعد الغدا وتطنيشك للغدا تبعهم تعتبر جرئة هلأ هنن راح يفتكروها تكبر منك ولا لاء ؟ لاني بعرف وجهات النظر وخصوصي من بيت الاحما ... وانتي اكيد قصران للعي واللعي والكركر تبعهم خخخخ


حبيبتي دمشقية لا ما حزرتي هههههه الصبحية كانت لعماتي تنتين و بناتهم الكبار هو بصراحة ما كنت ناوية الها ابدا بس عمتي يلي جاي من السعودية ما ركبو النت في البيت و حبت تحكي مع ابنها بدرس في اوكرانيا و تشوفو يعني صوت و صورة و حكتلي انو بدها تيجي تستعمل النت عندي و هي كان بينها و بين عمتي التانية اختها يعني خلاف صغير فرحت عزمتها هي كمان لصفي النفوس ( ما عرفت حالي و الله هههههههههه ) و قعدنا و انبسطنا و غيرنا شكل بس صار بدي مين يصالحني مع اختي لاني ما عزمتها بس كلها اجت فجأة و اختي متلكن ما بتعرف تيجي لحالها لازم كون حاكية قبل بوقت لحتى جوزها يجيبها بس و عدتها بصبحية غير شكل و على شرفها لحتى ما تاخد على خاطرها

بشوف انتقل موقع الاجتماعات لعند سورية ههههههه حرام عليكن تزعلوها و تعملو حالكن مطنشين بس اكيد المفاجأة رح تنسيها كل الزعل و نيالها فيكن و الله يخليكن لبعض

ما شاء الله حلوة كتير الفكرة يعني حلو انكن تتفقو تلبقو هدية و ان شاء الله تهريهن بالعافية

ووافينا بتفاصيل الحفلة و ردة فعل سورية على المفاجأة

اي دخيل المصلح الاجتماعي انا هههه والله حلال عليكي ياعيني اديش كسبتي حسنات بهالعمتين الله يديم المحبة ويبعد الزعل يااارب ... بس ماقلتيلي شو عملتيلهم صبحية خخخخ

واما عن اختك لااااء هي بدها حق عرب :01: خلص الصبحية الجاية عزمينا معها حتى نكسبها نحنا كمان ونشوف هالوجوه الطيبة

واي والله مبارح كان الموقع عند سورية تؤبش قلبي نحنا مازعلناها بالعكس عايدناها قبل بيوم وطنشنا خخخخ ومبارح كانت المفاجئة مسكينة لاخر وقت وهي مفكرة انو زوجها مطنشها
خخخخخ المهم جابلها الكيكة وزوج اختي التانية جاب العشا ونحنا صفينا الهدايا كلها تبع زوجي وزوجها وانا واختي
وفوتناها على الغرفة وغنينالها كمان شو بدها احسن من هيك (( بمنية كمان ههه ))
واترك المايك لسورية هههههه :049:
والله يخلينا لبعض ويخليكي النا كاتي ياعسل وياذوق انتي ويخليلك احبابك
وياعين ياعين على هالحفلة اللي انتي عاملاها لسورية شي بجنن والصور تحفففة
لك دخيل المذوق انا ... واحلى شي الكاتو اللي على شكل شنطة وشوز خخخخخ
الشنطة قريبة بس الشوز لاء بيختلف لاني جبتو فلات خخخخخ

CATS_ANGEL
26/04/2010, 10:33 AM
بووووووووو من النور الزايد اللي غطا على الكهربا صار ماس خخخخخخ
تسلميلي ياعسل انتي
واي والله طلعة خفيفة وحلوة وبيني وبينك قلت انا وزوجي هي اخر مرة منعملها لان التخييم مع الصغار والكبار بالعمر متل امه مابيمشي الحال ابدا كلها لبكة ونئ ليوم النئ
وبالنسبة لروحتك عند بنت حماكي والله انك قوية طلعتي مو قليلة هههههه .. شاطرة يابت:049:
يعني بصراحة روحتك بعد الغدا وتطنيشك للغدا تبعهم تعتبر جرئة هلأ هنن راح يفتكروها تكبر منك ولا لاء ؟ لاني بعرف وجهات النظر وخصوصي من بيت الاحما ... وانتي اكيد قصران للعي واللعي والكركر تبعهم خخخخ



اي دخيل المصلح الاجتماعي انا هههه والله حلال عليكي ياعيني اديش كسبتي حسنات بهالعمتين الله يديم المحبة ويبعد الزعل يااارب ... بس ماقلتيلي شو عملتيلهم صبحية خخخخ

واما عن اختك لااااء هي بدها حق عرب :01: خلص الصبحية الجاية عزمينا معها حتى نكسبها نحنا كمان ونشوف هالوجوه الطيبة

واي والله مبارح كان الموقع عند سورية تؤبش قلبي نحنا مازعلناها بالعكس عايدناها قبل بيوم وطنشنا خخخخ ومبارح كانت المفاجئة مسكينة لاخر وقت وهي مفكرة انو زوجها مطنشها
خخخخخ المهم جابلها الكيكة وزوج اختي التانية جاب العشا ونحنا صفينا الهدايا كلها تبع زوجي وزوجها وانا واختي
وفوتناها على الغرفة وغنينالها كمان شو بدها احسن من هيك (( بمنية كمان ههه ))
واترك المايك لسورية هههههه :049:
والله يخلينا لبعض ويخليكي النا كاتي ياعسل وياذوق انتي ويخليلك احبابك
وياعين ياعين على هالحفلة اللي انتي عاملاها لسورية شي بجنن والصور تحفففة
لك دخيل المذوق انا ... واحلى شي الكاتو اللي على شكل شنطة وشوز خخخخخ
الشنطة قريبة بس الشوز لاء بيختلف لاني جبتو فلات خخخخخ

قلتيلي طلعة مع نئ و نئ ههههههههههه زكرتيني في ابو الهنا (دريد لحام ) لما طلع رحلة ما صاحبو و امو و وام صاحبو و ام مرتو تخيلي هالجمعة و اخر جملة حكوها ( سيران مبهدل غبرة و عفرة و قلة واجب ) طبعا لانو اولاد صاحبو ما قصرو , اكيد مو متل رحلتكن بس لما حكيتي عن الغبرة اجت في بالي

اما روحتي بعد الغدا فكانت بطريقة ذكية لاني تحججت بجوزي انو مو حلوة نطلع بسيارتين و نروح كل واحد بسيارة متل زفة العروس :049: شو رأيك بهالافكار طبعا خوات زوجي بلعوها بس سلفتي شكلها ما عرفت تبلعها و يلي زاد و غطا لمى روحنا طلعنا مع بعض و زوجي حكالي سوقي ما الي نفس على السواقة و هي ما بدي قلك كيف صار لونها :037:

اما عماتي فهنن اقرب عمتين لالي في عمتين غيرهن بس هيدول غير شكل ولانو الصباحية كانت فجأة فكلو جبتو جاهز من معجنات و كرواسان و كاتو للقهوة و طبعا اي فطور جماعي لا يخلى من الفتة بحمص و الفلافل متل الصور يلي حطيتهن تمام لاني بس شفتهن اشتهيتهن و اجت الفرصة بهيك فطور مع التسالي بعد الفطور و العصير صحيح هي صبحية بس بقيو لبعد الضهر و تسلينا كتير

اما اختي اكيد الها كل العز و بعرفها ما بتزعل مني حتى بحسها هي الصغيرة مو انا:02: و شكلها كمان كانها 15 سنة مع انو عندها اربع اولاد ما شاء الله عليها
و رح تكون احلى صبحية لانكن كلكن خواتي رح تكونو و الله بنبسط فيكن :087:

حلوة فكرة عيد ميلاد سورية كتييييييير شو كان نفسي اشوف ردت فعلها :094: منيح ما ولدت :085:
و نحنا بنستنى تعليقات سورية على الموضوع الله يهنيكن يا رب وعلى طول مجتمعين على خير

CATS_ANGEL
26/04/2010, 07:36 PM
بما انو ما في حدا مبين و لازم سميتو هادا الشات باسمي هههههههه قلت خليني احط عشا يمكن تشمو الريحة و تيجو

http://www.3roos.com/files/ups/2010/179352/01272299649.jpg


http://www.3roos.com/files/ups/2010/179352/11272299649.jpg

يتبع بعد ما نتعشا

CATS_ANGEL
26/04/2010, 10:15 PM
صحتين على قلبكن

هلأ موعد فنجان القهوة

http://www.3roos.com/files/ups/2010/179352/01272307297.jpg

و هادا الفنجان خصوصي لدمشقية

http://www.3roos.com/files/ups/2010/179352/11272307297.jpg

و شو فنجان القهوة بدو

http://www.3roos.com/files/ups/2010/179352/01272309260.jpg

و شو ناقص غير هيك صحن

http://www.3roos.com/files/ups/2010/179352/11272309260.gif

سورية وبفتخر
27/04/2010, 02:28 AM
مسا النور والسرور على الجميع
كاتس حبيبية قلبي الله يسعدك ويجبر بخاطرك شو هالحفلة الحلوة هي والله خجلتيني والله يجعلك يارب دوم بخير وصحة وعافية وتسلم ايديك عالهدية كلك ذوق ياعسل انتي
شايفة اخواتي وجوزي شو عملوا فيني الله يسعدهم والله ماخطر ببالي ابدا يساووا هيك وحتى جوزي ماكنت زعلانة منه لأنه ماعايدني قلت يمكن نسي الله يعينه اما اخواتي فكانوا عم يتغامزوا سوى مع جوز اختي ولما جوز اختي راح عالسوق مع رجالنا قلتلها للدمشقية شو فيه قالتلي انه جوز اختك بده يجيب غداء من برا وكان عم يقلها انه لاتخليها تطبخ طبعا انا كنت مطلعة الدجاج ومقطعته ومقطة البصل كنت بدي ساويلهم زربيان ولما قالتلي هيك الدمشقية صدقت ومااجى شي تاني ببالي ولمارجعلوا الرجال من السوق كنت بالمطبخ عم طلع الصحون والسفرة والذي منه ولما دخلت الغرفة اتفاجأت كلهم صاروا يغنولي ولقيت قالب كيك ووزعولي الهدايا وانا كنت مو مستوعبة ابدا وخجلانة منهم كلهم قلي جوزي انا مو نسيان ههههههههههه الله يجبر بخاطرهم يارب والله يقدرني اقدر كافيهم

سورية وبفتخر
27/04/2010, 02:34 AM
اما عن صبحيتك ياكاتس والله حلوة ماشاء الله عليك والله يجزيك الخير يارب على تصفية القلوب بين عماتك الله يجعل بيتك دوم عامر يارب اما عن سلفتك فلا تحطيها ببالك هيه تاعبة حالها لحالها هههههههههههههههه قال مركب الضراير سار ومركب السلايف غار خخخخخخخخخخخ هاد متل عنا
سلامي لكل البنات لولية وشامية وسمورة وبيرل وبنوتة ان شاء الله الكل يكون بخير يارب

هـذيـان
27/04/2010, 03:18 AM
مواضيعي .. بعضهم قديمة فـ الي ما شافوهم من قبل يدخلهم :o


1- سر الخطوط الحمراء في معجون الأسنان
http://forums.3roos.com/showthread.php?t=530873


2 - اثاث × اثاث > متجدد
http://forums.3roos.com/showthread.php?t=478972


3- سيد جنيد للعطور > متجدد
http://forums.3roos.com/showthread.php?t=384117


4- سماء بلادي
http://forums.3roos.com/showthread.php?t=509816


5- خليجنا واحد
http://forums.3roos.com/showthread.php?t=518397


6- الورد من له ؟!
http://forums.3roos.com/showthread.php?t=503791


7 - تنظيف الرؤوس السوداء ( صورة بالداخل )
http://forums.3roos.com/showthread.php?t=498427


8 - مانجو 2010
http://forums.3roos.com/showthread.php?t=500439


9- ولادة قبل
http://forums.3roos.com/showthread.php?t=524687


10 - ماسك للبشرة
http://forums.3roos.com/showthread.php?t=340378


11 - أَلْوَانُ اَلأصْدِقاءْ .. فَأيُ لونٍ مِنْ اَلأصْدِقاءِ أَنْت
http://forums.3roos.com/showthread.php?t=514094


12 - :: طبقات الجلي و الحليب المركز ::
http://forums.3roos.com/showthread.php?t=501275


13-طلعتنا ب يوم 14 فبراير
http://forums.3roos.com/showthread.php?t=524141


14- :: تغليف الهدايا بالصور ::
http://forums.3roos.com/showthread.php?t=504611

.
.

لا تنسوني من دعواتكم الصادقة او التقييم ..

الدمشقية
27/04/2010, 07:13 AM
قلتيلي طلعة مع نئ و نئ ههههههههههه زكرتيني في ابو الهنا (دريد لحام ) لما طلع رحلة ما صاحبو و امو و وام صاحبو و ام مرتو تخيلي هالجمعة و اخر جملة حكوها ( سيران مبهدل غبرة و عفرة و قلة واجب ) طبعا لانو اولاد صاحبو ما قصرو , اكيد مو متل رحلتكن بس لما حكيتي عن الغبرة اجت في بالي

اما روحتي بعد الغدا فكانت بطريقة ذكية لاني تحججت بجوزي انو مو حلوة نطلع بسيارتين و نروح كل واحد بسيارة متل زفة العروس :049: شو رأيك بهالافكار طبعا خوات زوجي بلعوها بس سلفتي شكلها ما عرفت تبلعها و يلي زاد و غطا لمى روحنا طلعنا مع بعض و زوجي حكالي سوقي ما الي نفس على السواقة و هي ما بدي قلك كيف صار لونها :037:

اما عماتي فهنن اقرب عمتين لالي في عمتين غيرهن بس هيدول غير شكل ولانو الصباحية كانت فجأة فكلو جبتو جاهز من معجنات و كرواسان و كاتو للقهوة و طبعا اي فطور جماعي لا يخلى من الفتة بحمص و الفلافل متل الصور يلي حطيتهن تمام لاني بس شفتهن اشتهيتهن و اجت الفرصة بهيك فطور مع التسالي بعد الفطور و العصير صحيح هي صبحية بس بقيو لبعد الضهر و تسلينا كتير

اما اختي اكيد الها كل العز و بعرفها ما بتزعل مني حتى بحسها هي الصغيرة مو انا:02: و شكلها كمان كانها 15 سنة مع انو عندها اربع اولاد ما شاء الله عليها
و رح تكون احلى صبحية لانكن كلكن خواتي رح تكونو و الله بنبسط فيكن :087:

حلوة فكرة عيد ميلاد سورية كتييييييير شو كان نفسي اشوف ردت فعلها :094: منيح ما ولدت :085:
و نحنا بنستنى تعليقات سورية على الموضوع الله يهنيكن يا رب وعلى طول مجتمعين على خير

هلا والله وحيالله بالحلوة واي والله ههههه اهلين كاتي
اي والله سيران مبهدل ومجئجئ اذا بدك خخخخ من كتر النئ والسئ :-# ماعلينا كسبنا شوفة البحر :thumbs_down:
اما عن روحتك فشطوورة لاقيتلك حجةلك والله البعد غنيمة وابعد تحلى ماقصرتي
اما سبفتك فعجيبة بس يالله مابتعرفي امثل بيقلك مركب الضراير سار ومركب السلايف غار هههه والله يبعد كيدها وغيرتها عنك وعن اسرتك

وماشالله ماشالله صبحية عماتك حلوووة الله يخليهم الك ويخليكي الهم شو مرضية ماشالله سفرتك حلوة وعامرة دووووم يارب والله يخليلك اختك كمان ماشالله عنها ربي يخليلها ولادها
وانتي كمان كاتس والله اخت عزيزة وغااالية على قلبنا

ويسلموا على الاكلات الطيبة والله عم تخجلينا ياااذووق انتي والقهوة لحالها بتشهي ساااال لعابي على حبوب القهوة:worn_out:
وخصوصي خلصو من عندي ماعندي غير مطحونة ومو عاجبني طعمها :'(
ادعيلي اتخلص من هالادمان ياعليها شو طيبة رايحة اكلي سفة منها خخخخخ

الدمشقية
27/04/2010, 07:14 AM
سورية ولوحيوووتي اتي لك بتستاهلي كل خير واوزد كمان الله يتمم حملك يالسلامة يااارب ويخليلك عبودي وجوجو والبيبي وزوجك ياااارب

CATS_ANGEL
27/04/2010, 02:11 PM
مسا النور والسرور على الجميع
كاتس حبيبية قلبي الله يسعدك ويجبر بخاطرك شو هالحفلة الحلوة هي والله خجلتيني والله يجعلك يارب دوم بخير وصحة وعافية وتسلم ايديك عالهدية كلك ذوق ياعسل انتي
شايفة اخواتي وجوزي شو عملوا فيني الله يسعدهم والله ماخطر ببالي ابدا يساووا هيك وحتى جوزي ماكنت زعلانة منه لأنه ماعايدني قلت يمكن نسي الله يعينه اما اخواتي فكانوا عم يتغامزوا سوى مع جوز اختي ولما جوز اختي راح عالسوق مع رجالنا قلتلها للدمشقية شو فيه قالتلي انه جوز اختك بده يجيب غداء من برا وكان عم يقلها انه لاتخليها تطبخ طبعا انا كنت مطلعة الدجاج ومقطعته ومقطة البصل كنت بدي ساويلهم زربيان ولما قالتلي هيك الدمشقية صدقت ومااجى شي تاني ببالي ولمارجعلوا الرجال من السوق كنت بالمطبخ عم طلع الصحون والسفرة والذي منه ولما دخلت الغرفة اتفاجأت كلهم صاروا يغنولي ولقيت قالب كيك ووزعولي الهدايا وانا كنت مو مستوعبة ابدا وخجلانة منهم كلهم قلي جوزي انا مو نسيان ههههههههههه الله يجبر بخاطرهم يارب والله يقدرني اقدر كافيهم

و لوووووووووو يا سورية شو ما عملنا مقصرين لو بنقدر نعملها عن جد مش بس صور:L:

يا عليي شو نيتك صافية و صدقتي وما شكيتي فيهن اكيد بتستاهلي كل خير و الله يخليكن لبعض كلكم و يسعدلي الخجول يا رب :o



اما عن صبحيتك ياكاتس والله حلوة ماشاء الله عليك والله يجزيك الخير يارب على تصفية القلوب بين عماتك الله يجعل بيتك دوم عامر يارب اما عن سلفتك فلا تحطيها ببالك هيه تاعبة حالها لحالها هههههههههههههههه قال مركب الضراير سار ومركب السلايف غار خخخخخخخخخخخ هاد متل عنا
سلامي لكل البنات لولية وشامية وسمورة وبيرل وبنوتة ان شاء الله الكل يكون بخير يارب

حبيبة قلبي سورية تسلميلي و على قولتك سلفتي مغلبه حالها بحالها الله يعين كل واحد على عقلاتو بس اخرتها تعرف انو ما حدا تعبان غيرها ههههههههههه

CATS_ANGEL
27/04/2010, 02:18 PM
هلا والله وحيالله بالحلوة واي والله ههههه اهلين كاتي
اي والله سيران مبهدل ومجئجئ اذا بدك خخخخ من كتر النئ والسئ :-# ماعلينا كسبنا شوفة البحر :thumbs_down:
اما عن روحتك فشطوورة لاقيتلك حجةلك والله البعد غنيمة وابعد تحلى ماقصرتي
اما سبفتك فعجيبة بس يالله مابتعرفي امثل بيقلك مركب الضراير سار ومركب السلايف غار هههه والله يبعد كيدها وغيرتها عنك وعن اسرتك

وماشالله ماشالله صبحية عماتك حلوووة الله يخليهم الك ويخليكي الهم شو مرضية ماشالله سفرتك حلوة وعامرة دووووم يارب والله يخليلك اختك كمان ماشالله عنها ربي يخليلها ولادها
وانتي كمان كاتس والله اخت عزيزة وغااالية على قلبنا

ويسلموا على الاكلات الطيبة والله عم تخجلينا ياااذووق انتي والقهوة لحالها بتشهي ساااال لعابي على حبوب القهوة:worn_out:
وخصوصي خلصو من عندي ماعندي غير مطحونة ومو عاجبني طعمها :'(
ادعيلي اتخلص من هالادمان ياعليها شو طيبة رايحة اكلي سفة منها خخخخخ

يا حياتي يا دمشقية ان شاء الله بتعوضوها برحلة غير شكل يا رب انتو عملتو يلي عليكن وما الك بالباقي:thumbs_up:

صحة و هنا انا قلت بركي شمو ريحة الاكل هالصبايا و اجو شاركونا لانو ما حدا مبين فيهن من غير شر خصوصي شامية شاغلة بالي كتييييير

اما القهوة فالشغلة بايدك انك تتركيها لانو كلو باثر عليكي و بعرف كترتها بتأثر على الكلى لا سمح الله و بعيد الشر عنك بنصحك لا تجيبي حبوب قهوة لحتى تتعودي على عدم وجودها لانها مركزة كتير و جسمك الو عليكي حق ما بصير هيك
بدك توعدينا من هلا انك تبعدي عنها خليكي على القهوة العادية بالفناجين اهون بكتير بعدين خففي عدد الفناجين بس تخلصي من عادة حبوب القهوة :mad:

لولية
27/04/2010, 05:51 PM
مسا الخير يا بنوتات عم حكيكن من حمص قال ايجين أعمل إجازة فعمتي أخت أبوي اتوفت بقى سامحوني إذا ما قادرة ادخل
حبيبتي مونو تسلميلي يا عمري بس لما ايجيت بدي حكيكي اتوفت عمتي وانشغلنا
ادعولها بالرحمة

حبيبة رؤودة
27/04/2010, 06:26 PM
F::L::L:مسا الخير يا صبايا ممكن اتعرف عليكن :)
F:

اشــراق
27/04/2010, 11:50 PM
نوروني



من تراث بلادي (( الأكسسوارات المرجانية ))


http://forums.3roos.com/showthread.php?t=530777 (http://forums.3roos.com/showthread.php?t=530777)





موسوعة مطابخ لكل الأذوااااق


http://forums.3roos.com/showthread.php?t=530959 (http://forums.3roos.com/showthread.php?t=530959)





أجمل مكتبات العالم


http://forums.3roos.com/showthread.php?t=530035 (http://forums.3roos.com/showthread.php?t=530035)





بحيرة وردية ...حقيقة لا خيال


http://forums.3roos.com/showthread.php?t=530557 (http://forums.3roos.com/showthread.php?t=530557)





بدانة الحامل خطر على قلب مولودها


http://forums.3roos.com/showthread.php?t=527939&page=7 (http://forums.3roos.com/showthread.php?t=527939&page=7)

سورية وبفتخر
28/04/2010, 03:05 AM
الله يسعد صباحكم ومساكم يارب
كاتس تسلمي لقلبي يارب والله ماقصرتي قدمتيلي متل اخواتي وازود الله يديم هالمحبة بينا يارب وبوسيلي تالا الحلوة الله يحميها شو اخر حركاتها وحكياتها معك احكينا

سورية وبفتخر
28/04/2010, 03:08 AM
اهلين دمشقية حبيبتي الله يسعدك ويخليلي ياكم وماانحرم منكم وانتي الله يخليلك ابومحمود ومحمود وشام وتفرحي بشهادتهم الكبيرة

سورية وبفتخر
28/04/2010, 03:09 AM
اهلين لولية وحشتينا والله قلقنا عليكم وياعليي على حظك يالله ان شاء الله العمر الكم يارب والله يرحمها ويجعل مثواها الجنة

سورية وبفتخر
28/04/2010, 03:12 AM
اهلين فيك حبيبة رؤودة نورتي اكيد بتقدري تتعرفي علينا اتفضلي

الياسمينة السمرا
28/04/2010, 05:58 PM
مساء الخير
كيفكون يا احلى صبايا وشو اخباركون
انا اسفة عم اتأخر عليكون ولكن انتو بتعرفو ظروفي
الحمد لله انا منيحة كتير وبلشنا بتفصيل الفستان الابيض بعد ما قطعت قماشتو
كتير حلوة وتقيلة ان شاء الله بيطلع متل ما بدي
لولية سلامة راسك يارب والبقية بحياتك حبيبة قلبي عم حاول اتصل فيكي ع الرقم لسوري عم يطلع خارج التغطية حاكيني انتي اذا فيكي
سلامي للكل

الياسمينة السمرا
28/04/2010, 06:02 PM
سلامتو لابنك سورية ي علي كل هالاولاد بهالفترة عم يمرضو م تغيير الطقس لانو لحد الان الطقس عم يكون بارد مساء
كاتس هلق انتي يلي بتستحقي لقب العقيدة بعد مون لانك ما شاء الله مستمرة بلا انقطاع عن الشات
دمشقية كيفك وكيفون ضيفوك واكيد متل ما قلتي ما بيجي غير كل محب
الله يديم المحبة يارب
صبايا حماه قايمة قاعدة عم تستعد لمهرجان الربيع الشوارع كلها مزينة وعامليني منصة كبيرة بنص البلد مقابل شغلي مباشرة ونازلين كل يوم تدريب رقص وغنا وفرق مسرحية وهيك قصص وعم بقولو انو بدها تجي نجوى كرم تغني

شامية للعظم
28/04/2010, 06:02 PM
يسعد مساكن ياحلوين اشتقتلكن كتير كتير كتير دمشقية مونو لولية بيرل وكاتس وياسمينة و
سورية كمان من بكرا خلص رح ترجعو تشوفوني هون كل يوم

كاتس شكرا لسؤالك عني اتخيلي اليوم حتى قرأت الرسالة عالخاص على كل حال اذا بدكن تعرفو يلي كان زاعجني ومضايقني رح تضايقو كتير وتتجاكرو أكتر

والله طقت روحي شهر كأنو كان شي سنة

اليوم الصبح انفك الحصار عني باركولي

شو أخباركن ما قدرت أقرا كل شي لأنو ما شالله عشر صفحات

الياسمينة السمرا
28/04/2010, 06:04 PM
صبايا حكت معي مون وبتسلم عليكون كلكون كلكون
وبتسأل عن اخباركون
ويا حرام رورو عم تعذبا وما عم تخليها تدرس لانها مو اخدة وجه ع حدا
وامتحانها بعد شهر

شامية للعظم
28/04/2010, 06:04 PM
ياسمينة كيفك ياحلوة مو بس أنا من زمان غايبة وأنت كمان

وبعدين وينك بتسلميلي على نجوى كرم كتير ههههه لا عنجد بحبها لهالمطربة ومن كتر ما بحب أغانيها بعرسي رقصت على غنيتين من أغانيها

شامية للعظم
28/04/2010, 06:08 PM
الله يسلمها عنجد هالبنت أخت عنجد ومافي منها من شي اسبوع بعتتلي رسالة تسلملي شو مزوقة سلميلي عليها سلام خاص اذا رجعت حاكتك أمانة

الياسمينة السمرا
28/04/2010, 06:11 PM
عيد ميلاد سعيد سورية وعقبال كل سنة

وحلو الكول يلي عملتو فيكي دمشقية
ما شاء الله كاتس ما قصرت ابدا

الياسمينة السمرا
28/04/2010, 06:14 PM
تكرم عينك شامية بيوصل سلامك
هلق طمنينا عن اخبارك وكيف ايامك وسافرت بنت حماك ولا لا
وليه كنت ايبة هالغيبة

شامية للعظم
28/04/2010, 06:14 PM
أخباري الحمد لله منيحة وسافرت اليوم الصبح بنت حماي بس شو بعد ما جابت أجلي

شامية للعظم
28/04/2010, 06:15 PM
كيفك أنت و خطيبك وكيف تحضيراتك للعرس ؟؟

الياسمينة السمرا
28/04/2010, 06:16 PM
شامية صحيح بصير المهرجان وبصيل احتفالات ومسرحيات وكتير شغلات بس انا ما بحضر شي لانو كتير زحمة والناس اشكال الوان بالمهرجان يعني كل الناس خير وبركة ...........بس انا بكره الزحمة

الياسمينة السمرا
28/04/2010, 06:16 PM
هههههههههههههههه
اي متل ما ودعتي تلاقي

الياسمينة السمرا
28/04/2010, 06:18 PM
تمام انا وخطيبي مناح وتحضيرات لسا عندي كتير شغلات ما عملتا
وما عرفاني كيف بدي لحق
عن جد حاسة حالي فرطت انا وماما عم نركض وما عم نلحق
شايفة ما ابشع البنت الوحيدة

الياسمينة السمرا
28/04/2010, 06:18 PM
شامية حبيبتي صار لازم سكر لانو بدي روح شوي ع المكتب
بشوفك ان شاء الله

شامية للعظم
28/04/2010, 07:04 PM
ياسمينة أنا وعم أكتبلك رد انطفت الكهربا وهلق اجت رجعت فتحت لشوف بعدك موجودة ولا لاء

❀Ẅάŧëêή❀
28/04/2010, 08:19 PM
- ██ ஜஜ[ التجمع المثالي ل شهر ربيع الثاني ..]ஜஜ ██ - (http://forums.3roos.com/showthread.php?t=530223)

تعالوا بآركوا لنا F:

الدمشقية
29/04/2010, 05:46 PM
السلام عليكم ورحمة الله
ومية اهلا وسهلا بشامية والله نورتي والحمد لله اللي اتطمنا عنك بالخير واللي انفك عنك الحصار الله يعينك يااارب

برجع لحبيبة قلبي كاتس الله يسعد الحاضر على طوول بس مبارح مابينتي يارب تكوني بخير وعوافي
ومنشان القهوة والله بحاول وبوعدك بس انتي ادعيلي اكرها ههههه لاني عن جد مجرد ماشم ريحتها اممممم مدري شو بصرلي وحاليا ماعاد جبتها حبوب
اصلا مافي وقت واجت بنت حماي واليوم البيت عامر الكل بدو يجي ويسم عليها
وان شالله ببطل ادمان خخخخخخ

وادعولي الله يقويني ويبيض وجهي قدامهم

شامية احكيلنا حبيبتي شو صار معك وكيف انقضت فترة حبسك على خير ... الله يعينك يالله المهم تم الافراج عنك ههههه
سمورة مية هلا والله ومبروك الفستان مقدم ويارب يطلع متل مابدك واحلى والله يكون بعونك بس يالله دوبكم تحلئو والايام عم تركض بسرعة

لولية العمر الك يااارب ومسكينة رحتي تشمي هوا انشغلتي ,,, ستي الله المستعان وهي هي الدنيا على ودع واستقبل الحمد لله على العافية

مضطرة اطلع سامحوني بدي اكتب وارد على الكل بشكل مفصل بس مشغوولة والله
سلاااام

CATS_ANGEL
29/04/2010, 06:33 PM
مسا الخير يا بنوتات عم حكيكن من حمص قال ايجين أعمل إجازة فعمتي أخت أبوي اتوفت بقى سامحوني إذا ما قادرة ادخل
حبيبتي مونو تسلميلي يا عمري بس لما ايجيت بدي حكيكي اتوفت عمتي وانشغلنا
ادعولها بالرحمة


اهلين لولية الله يرحمها و يدخلها فسيح جنانه يا رب و البقية في حياتك

لولية عم افهم منك انك حاكيتي مونو و اذا عندك اخبارها قوليلنا شو عم تعمل و شو صار معها بالجامعة

CATS_ANGEL
29/04/2010, 06:34 PM
F::L::L:مسا الخير يا صبايا ممكن اتعرف عليكن :)
F:

اهلى و سهلا بتشرفيناF:

CATS_ANGEL
29/04/2010, 06:45 PM
الله يسعد صباحكم ومساكم يارب
كاتس تسلمي لقلبي يارب والله ماقصرتي قدمتيلي متل اخواتي وازود الله يديم هالمحبة بينا يارب وبوسيلي تالا الحلوة الله يحميها شو اخر حركاتها وحكياتها معك احكينا

يسعدلي اياكي يا رب ولو شو مانعمل مقصرين F:F:F:F:F:

اما عن تالا فبدها مجلدات عن كلامها و مشاكلها يعني هي هلأ ما شاء الله عم تحكي معظم الحكي بس بمصطلحاتها الخاصة و عم نفهم على بعض كتير حتى اكتر كلمة بتحكيها مزبوط هي قهوة من كتر ما جوزي بطلبها و عم تناديني باسمي بدل ماما كمان متل ابوها :mad: وعم فكر علمها على التواليت بس تصيف شوي لكن الكل عم يقولي انو بعدها صغيرة وانا ما بعرف ابدى علمها او استنى متل ما بقولو للسنتين ^o)
و هلأ كل الادراج و الخزاين عليها اقفال على قد ما زهقتني و طلعت روحي خصوصي المطبخ:'(
بدك كمان ولا بكفيكي لهون :D
طمنيني شو اخبار حملك ان شاء الله ما عم يتعبك هالايام

CATS_ANGEL
29/04/2010, 07:04 PM
مساء الخير
كيفكون يا احلى صبايا وشو اخباركون
انا اسفة عم اتأخر عليكون ولكن انتو بتعرفو ظروفي
الحمد لله انا منيحة كتير وبلشنا بتفصيل الفستان الابيض بعد ما قطعت قماشتو
كتير حلوة وتقيلة ان شاء الله بيطلع متل ما بدي
لولية سلامة راسك يارب والبقية بحياتك حبيبة قلبي عم حاول اتصل فيكي ع الرقم لسوري عم يطلع خارج التغطية حاكيني انتي اذا فيكي
سلامي للكل

اهليييييييين بالعروس نورتي ونحنا بنعرف العروس كيف بتكون عم تركضو ما عم تلحق الله يعينك اهم شي ترتاحي فترة منيحة قبل العرس ليكون وجهك مرتاح و تطلعي احلى عروس
ومبروك الفستان الابيض مقدما و بدنا صورة الو بس يخلص ان شاء الله:thumbs_up:


سلامتو لابنك سورية ي علي كل هالاولاد بهالفترة عم يمرضو م تغيير الطقس لانو لحد الان الطقس عم يكون بارد مساء
كاتس هلق انتي يلي بتستحقي لقب العقيدة بعد مون لانك ما شاء الله مستمرة بلا انقطاع عن الشات
دمشقية كيفك وكيفون ضيفوك واكيد متل ما قلتي ما بيجي غير كل محب
الله يديم المحبة يارب
صبايا حماه قايمة قاعدة عم تستعد لمهرجان الربيع الشوارع كلها مزينة وعامليني منصة كبيرة بنص البلد مقابل شغلي مباشرة ونازلين كل يوم تدريب رقص وغنا وفرق مسرحية وهيك قصص وعم بقولو انو بدها تجي نجوى كرم تغني

تسلميلي حبيبتي ياسمينة بس لقب العقيد حصري لمونو و نحنا اقل شي ممكن نعملو انو نتابع اخبار بعض اول في اول متل ما وصتنا مونو و الكل مشغول هالفترة الله يعين الجميع و يرجعو يشاركونا

CATS_ANGEL
29/04/2010, 07:51 PM
يسعد مساكن ياحلوين اشتقتلكن كتير كتير كتير دمشقية مونو لولية بيرل وكاتس وياسمينة و
سورية كمان من بكرا خلص رح ترجعو تشوفوني هون كل يوم

كاتس شكرا لسؤالك عني اتخيلي اليوم حتى قرأت الرسالة عالخاص على كل حال اذا بدكن تعرفو يلي كان زاعجني ومضايقني رح تضايقو كتير وتتجاكرو أكتر

والله طقت روحي شهر كأنو كان شي سنة

اليوم الصبح انفك الحصار عني باركولي

شو أخباركن ما قدرت أقرا كل شي لأنو ما شالله عشر صفحات


:013: :013: :013: :013: :013::013:
شاااااااااااااااااااااااا اامية يا هلا يا هلا الحمدلله على سلامتك طولتي الغيبة

و بما اني صرت المداومة في الشات فبحقلي اني اطلب حصة نق تحكيلنا فيها شو صار معك و انتي مو لحالك لانو انا صارت معي شغلات مع اخو جوزي و مرتو اللي هي سلفتي :mad: و حاسة فيكي قبل ما تحكي
و بدنا اياكي تفضفضي و تفشي حالك و اكيد رح ترتاحي و لو اشي بسيط:thumbs_up:

اما اخبارنا فانا المداومة في الشات هالفترة وما شاء الله الكل مشغول خصوصي دمشقية و سورية فالضيافة عندهن على اشدها وما عم يفضو يحكو راسهم و كان عيد ميلاد سورية قبل يومين
وانا عطلة هالاسبوع مقضياها وحدي قاعدة في البيت :'( لانو اخو جوزي صمم ياخد جوزي معو على سورية و حكالو بتبرى منك اذا ما رحت لانو جوزي كان مو حابب يتركني لكن ما حب يزعل اخو الكبير و راح معو وهو مو مبسوط ابدا بس الله يصطفل فيه يا رب على قد ما بجاكر فيي لكن انا ما قصرت فيه ومع هيك اصر انو يروح لانو جوزي اخدني مشوارين على سوريا و هو لا تقولي ضرتي ما هو هيك وانا ما حبيت نكد على جوزي لانو متنكد اكتر مني ووعدني يعوضلي اياها بس والله مقهورة رح اكمل التفاصيل بعد حصة النق يلي الك هيدي مقدمة لتعرفي انك مو لحالك :-#

CATS_ANGEL
29/04/2010, 08:06 PM
السلام عليكم ورحمة الله
ومية اهلا وسهلا بشامية والله نورتي والحمد لله اللي اتطمنا عنك بالخير واللي انفك عنك الحصار الله يعينك يااارب

برجع لحبيبة قلبي كاتس الله يسعد الحاضر على طوول بس مبارح مابينتي يارب تكوني بخير وعوافي
ومنشان القهوة والله بحاول وبوعدك بس انتي ادعيلي اكرها ههههه لاني عن جد مجرد ماشم ريحتها اممممم مدري شو بصرلي وحاليا ماعاد جبتها حبوب
اصلا مافي وقت واجت بنت حماي واليوم البيت عامر الكل بدو يجي ويسم عليها
وان شالله ببطل ادمان خخخخخخ

وادعولي الله يقويني ويبيض وجهي قدامهم

شامية احكيلنا حبيبتي شو صار معك وكيف انقضت فترة حبسك على خير ... الله يعينك يالله المهم تم الافراج عنك ههههه
سمورة مية هلا والله ومبروك الفستان مقدم ويارب يطلع متل مابدك واحلى والله يكون بعونك بس يالله دوبكم تحلئو والايام عم تركض بسرعة

لولية العمر الك يااارب ومسكينة رحتي تشمي هوا انشغلتي ,,, ستي الله المستعان وهي هي الدنيا على ودع واستقبل الحمد لله على العافية

مضطرة اطلع سامحوني بدي اكتب وارد على الكل بشكل مفصل بس مشغوولة والله
سلاااام


اهلين دمشقية بتعرفيني ما بقدر على فراقكم بس فتحت مبارح الصبح ما رضي يفتح معي المنتدى و بعديها ما فضيت لليوم و هلأ عرفت السبب انهن عم يجددو الستايل بس الصراحة حلو الستايل الجديد ما هيك ;)
و على طول وجهك ابيض و منور و بيتك عامر
شو مشاريعكم في هالعطلة و رحتو عمرة مع اختك و لا ايمتى ناويين F:F:F:F:

شامية للعظم
29/04/2010, 11:44 PM
يسعد مساكن جميع ياأخواتي دمشقية تسلميلي يارب الله يديم عليكم البسط واللمة الحلوة

كاتس طولي بالك الواحد أحيانا بيكون مغلوب وبيعرف حالو أنو مغلوب بس المسايرة مطلوبة من وقت لوقت لتمشي هالحياة بس انا اذا حكيتلكن يلي صار عنا هون رح تقولو انو زودتها بالمسايرة كتير ويمكن تقولو اني جدبا بس كل واحد بهالدنيا بيعمل بأصلو وتربايتو أنا ماما بحياتها ما كبتتني ولا منعتني من شي كانت تنصحني وتقنعي الله يخليلي ياها ما حسيت بقيمة تربايتها الا لماشفت ضيفتي يلي أمها قاسية وشديدة مسلسلات تركي بالبيت مافي أغاني مافي نت ساعة باليوم بعد العصر وبس شغل بالبيت وتنضيف بقسوة أنا ماما أيام الدراسة ولا شيل كاسة من الأرض

ولما بيرحو بيت حماي زيارة حماتي بتخللي بناتها يساعدو العالم بحط الضيافة والجلي حماتي لما تشوف بنت تنبل او بتجيب اكل جاهز أو بتروح مطاعم او وسخة بتنشر عرضها وبتصير سيرة على لسانها

ياسيدي هي من أول يوم شرفت الخانم وهي متبسمرة ورا الكمبيوتر بتقيق من النوم دغري عالكمبيوتر وما بتلحلح حتى يجي الأكل وحط الطاولة أول يوم قلنا ضيفة تاني يوم تالت يوم بعدين زاد الموضوع عن حدو لأنو ما وقفت الشغلة على هيك وبس تخليو تخيلو تخيلو ضيفها الموزة تضل قشرتها جنب شاشة الكمبيوتر يومين حتى شيلها انا والأضرب من هيك العفو حطتلي تيابها الداخلية بالغسيل مو جمعت تيابها وحطتهن وجبة والله أنا بخجل من ماما حطلها تيابي الداخلية لما كنت بنت

ويضلو تيابها يلي اغسلن وانشرن أنا عالمنشر يومين ولا تشيلهن وأنا كون معتازة المنشر شيلن وحطن عالصوفاية قدامها كمان يضلو نهار كامل ولا تشوفن

بعدين زادت الوقاحة تغيب طول الوقت وكون أنا عم اطبخ لما تجوع تجي لعندي عالمطبخ وتقللي شو طابختيلنا اليوم يعني أنا مفكرة حالي جايبة صبية عمرها 25 سنة مو طفلة بدي اطبخلها ونضفلها واغسللها العفو الحمام تتركلي ياه مليان شعر بعد ما تتحمم وانا لما بتمشط عندي عادة بتمشط على قطعة قماش وما بتحرك من مكاني حتى ما تهر ولا شعرة وبحياتي ببيتي ما تفركشت بشعرة اذا تنقرشنا بش أو شربنا شي الصحون بتضل حتى أنا شيلها


شو بدي أحكيلكن والله بضل لبكرا عم احكي ما بخلص قلتلو لزوجي اذا أمك شافت وحدة هيك متل اختك شو بتحكي عليها قللي ولي والله عرس مطنطن العالم كلها تدرى فيه
اتخيلو أمها ملبستها مانطو من صف التامن أجت لعندي شلحتو وصارت تتمكيج وتطلع يعني بصريح العبارة وحدة مكبوتة وهي نتيجة الكبت

طبعا انا ما حاكيتها شي بنوب وقلت بتحمل كرمال زوجي وبس بالعكس اجي وجيبلها السناك النقرشة لعندها ولا قللها خدي تيابك أو شطفي الحمام بعد ما تتحممي ولا شي مضيت هالفترة مع اني من كتر ما حبست بنفسي الغيظ نزلو لوزاتي وماعاد طابو لحتى راحت

هادا غير لما تنزل عالسوق وتنبحت تخيلو الواحد لما بدو يجيب معو شي بيجيب شي مو موجود ببلدو تخيلو الشامبو الديودانت كريمات الشعر وصبغة شعر لأمها لك سوريا مليانة بس هيك مكسب وأنا والله والله زوجي اتدين

تشتري القطعة تاني يوم تقول عم يقللي عقلي اشتري متلها لأختي وآخد عليها بنطلون وما تختار الا أغلى شي

اي وشو كمان لو تشوفو شو جايبة هدية لأخوها لو تشوفو هالعيلة الأم والأب والأخوات شو جايبين لزوجي والله كنزة قياسها يادوب لولد عمرو عشر سنين بتقرف ممسحة كتير عليها ما بتسوى 200 ليرة وعلبة حلو أكلتها هي
والي لحشتين تبعات ال 150 ليرة

ولما تنزل عالسوق تنبحت بدها تشتري كل شي

بقى عطوني رأيكن

طبعا لسا في كتير كتير كل يوم وكل حركة تتحركها فيها هزة بدن إلي

سورية وبفتخر
30/04/2010, 10:48 AM
الله يسعد صباحكم يارب وجمعة مباركة عالجميع ولاتنسوا سورة الكهف
سمورة الله يسعد قلبك يارب والله اشتقنالك بس معذورة ربي يكون بعونك وييسرلك امورك ومبروك الفستان ومتل ماقالت كاتس بس يخلص بدنا صورته
والله يسلم قلبك يارب عبودي صار بخير وهي الاولاد همهم هم
اما بالنسبة للمهرجان فكتير بيحكوا عنه انه حلو انا والله ولامرة رحت وشفته وياسلام نجوى جاية اكيدرح يولع المهرجان
وشايفة على هالمقلب يلي ساووه فيني اخواتي بعيدميلادي ههههههههههه بس حلو

CATS_ANGEL
30/04/2010, 10:52 AM
سوريااااااااااااا

سورية وبفتخر
30/04/2010, 11:03 AM
كاتس صمصومة قلبي هههههههه الله يسعدك ويسعد تالا ودخيل قلبها على هالحركات الحلوة ماشاء الله عنها الله يحميها اكيد ابوها طاير عقله فيها وبالنسبة لتنضيفها انتي بلشي من هلأ بس على الخفيف يعني بعدما تشيليلها الحفوضة حطيها عالمستعملة وخليها تتمرن عليها لأنه في اولاد بتخاف تقعد عليها وبتاخد وقت لتتعود عليها هيه والله مرحلة صعبة بس لابد منها عبودي هلأ الحمدلله ماعاد جبتله حفاضات بس لازم يساويها على حاله حتى لو مرة باليوم هههههه بس الحمدلله قطعنا شوط كبير اما حملي فالحمدلله والله مستتقلة كتير وحاسة بطني نازل هاد غير المغص الحمدلله هلأ دخلت بالتامن يعني هانت ادعيلي الله يهون عليي ولادتي
وبالنسبة لسلفك والله غريب روحي الله يعينك ويصبرك ذكرتيني باختي اول اتزوجت كانت حماتها كتير منيحة معها بس مين طلعلها عمها كان مايحبها ابدا وحاطط دابه من دابها ووقتها كلنا استغربنا انه بالعادة بيكون العم هو المنيح ومابيدخل بكناينه بقى انتي منين اجاكي سلفك مابعرف الله يعينك

سورية وبفتخر
30/04/2010, 11:04 AM
ايواااااااااااااااااااااا ااااااااااا الله يسعدلي هالصباح يارب كيفك كاتس

سورية وبفتخر
30/04/2010, 11:16 AM
شامية اجت :adore: مو مصدقة حدى يقرصني والله نورالشات اشتقنالك وغليتي قلبنا عليكي يالله الحمدلله يلي رجعتيلنا وخلصتي من هالضيفة التقيلة دم او بالاحرى مافيها دم ابدا هههههههههههههههه يالله منيح انك بعيدة عنهم من غير شر بس لاتزعلي متلها متايل انا عندي من هالنوعية بس شكل تاني طبعا نفس الكسلنة لابتشيل ولابتحط بس ربك حميد انها بتشتغل ولما بتجي من شغلها بتقعد بغرفتها عالنت وعلى الجوال ومامنشوفها الا اذا طلعت عالحمام وعلاقتي فيها رسمية كتير ودخيلك انا بشتغل وبساوي كل شي بس المهم انه مافي بينا خناق او جدال يعني انا وياها عالطويل

CATS_ANGEL
30/04/2010, 11:19 AM
اهلين صباح الفل

سورية وبفتخر
30/04/2010, 11:26 AM
اما عن اخبارنا انا والدمشقية فهلأ التمركز عند الدمشقية الله يعينها وانا والله كل يوم عندها وبرجع على بيتي اخر الليل وهلأ مع جية بنت حماها يلي هيه بتكون خالته لجوزي بلشت العزايم والجمعات واليوم والله معزومين كلنا نحنا والدمشقية وبنت حماهاواختي التانية عند بنت اختها يلي هون وبعدين الدمشقية بدهم يعملوا عزيمة للكل وبعدين نحنا وهيك منمشي بالدور هههههههههههههه فالله يبيض وجهنا ووجهكم على طووووووووووووول

miss sh
30/04/2010, 12:31 PM
http://forums.3roos.com/showthread.php?p=11947410#post11947410


اتفضلو وشرفوني

CATS_ANGEL
30/04/2010, 01:36 PM
شامية تصدقي حسيت فيكي قبل ما تحكي و ما بقدر اقول غير اااااااااااااخ من صمصومة قلبي على اللي صار معي و معك
و بدك راينا مهو الكلام واضح ما بدو راي هو اخوها عدوها حتى تخلي يداين لشغلات بتقدر تستغني عنها او تجيبها من سوريا باسعار رخيصة مو حاسة في اخوها انو مغترب وعم يشوف الويل بكل ليرة بلمها ما بقول غير حسبي الله ونعم الوكيل عن جد الام مدرسة و ببين من الخريجين شو هي الام الحمدلله يلي انتي بعيده عنهم تقولي بنت حماكي نازلة في فندق مو عند اخوها ومرت اخوها و هيك جوزك عمرو ما بغلط و بحكي لحدا تعال عندي و عرف شو هي اختو وكان لا بد من مشوار متل هيك ليعرف و انتي ما شاء الله عليكي و على امك شو عرفت تربي و شو انو جوزك محظوظ فيكي ما شاء الله عنك

صدقي انو اخوي في اميركا وما بحب اطلب منو شغلة مع انو بكون يسالني شو ابعتلك بقولو كل شي عندنا ما بدنا غير سلامتك و مرة عجبني جهاز لاب توب عندو بعتلو حوالة بعدين طلبتو منو قد ماكان بضل اخوي و بخاف ادايقو لو بطلب صغير والله يهدينا و يهديهم اجمعين

اهم شي انك تروقي هلأ و ترجعيلنا متل اول و احسن كمان و خديلك فترة نقاهة من النكد و عقبالي يا رب
قوليلي بتعرفو كيف الجو بسوريا اليوم يعني الشام يا رب ما يكون الجو حلو خخخخخخخخخخخ

CATS_ANGEL
30/04/2010, 01:55 PM
كاتس صمصومة قلبي هههههههه الله يسعدك ويسعد تالا ودخيل قلبها على هالحركات الحلوة ماشاء الله عنها الله يحميها اكيد ابوها طاير عقله فيها وبالنسبة لتنضيفها انتي بلشي من هلأ بس على الخفيف يعني بعدما تشيليلها الحفوضة حطيها عالمستعملة وخليها تتمرن عليها لأنه في اولاد بتخاف تقعد عليها وبتاخد وقت لتتعود عليها هيه والله مرحلة صعبة بس لابد منها عبودي هلأ الحمدلله ماعاد جبتله حفاضات بس لازم يساويها على حاله حتى لو مرة باليوم هههههه بس الحمدلله قطعنا شوط كبير اما حملي فالحمدلله والله مستتقلة كتير وحاسة بطني نازل هاد غير المغص الحمدلله هلأ دخلت بالتامن يعني هانت ادعيلي الله يهون عليي ولادتي
وبالنسبة لسلفك والله غريب روحي الله يعينك ويصبرك ذكرتيني باختي اول اتزوجت كانت حماتها كتير منيحة معها بس مين طلعلها عمها كان مايحبها ابدا وحاطط دابه من دابها ووقتها كلنا استغربنا انه بالعادة بيكون العم هو المنيح ومابيدخل بكناينه بقى انتي منين اجاكي سلفك مابعرف الله يعينك


اهلين سورية يخليلي اياكي يا رب و عقبال ما تفرحي في البيبي الجديد وتشوفي عم يركض قدامك
و الله يهونها عليكي يا رب و ان شاء الله ما بتحسي فيها ابدا و تكون اخف من شكة الدبوس بس قولي امين و انتي لازمك راحة على هوا ما حكيتي و راح الكتير ما بقي الا القليل

اما اخو زوجي فحدث و لا حرج وانا بعرف انو معظمو من نق سلفتي فوق راسو والله يا سوريا وانو قلبي غاصص و رح صير مية شقفة وما بايدي اعمل شي و زوجي بضل يحكيلي هيدا اخوي الكبير وما بعرف ازعلو حتى الكل حكالو روحو طلعة عائلية مع اني ما بحب اطلع معهم بس قلت اهون ما انو يروحو لحالهم بس اخو زوجي ما رضي و يبس راسو لانو عارف اني رح اضايق و هيدا يلي بدو اياه هو و مرتو وما قدرت احكي غير الله يصطفل فيه و في مرتو و قررت اني ما اتعامل معهم حتى ولو رسمي بصراحة ما بقدر اخبي و اجي على حالي اكتر من هيك:'(
قوليلي شو بقدر اعمل غير هيك:-#

CATS_ANGEL
30/04/2010, 02:02 PM
اما عن اخبارنا انا والدمشقية فهلأ التمركز عند الدمشقية الله يعينها وانا والله كل يوم عندها وبرجع على بيتي اخر الليل وهلأ مع جية بنت حماها يلي هيه بتكون خالته لجوزي بلشت العزايم والجمعات واليوم والله معزومين كلنا نحنا والدمشقية وبنت حماهاواختي التانية عند بنت اختها يلي هون وبعدين الدمشقية بدهم يعملوا عزيمة للكل وبعدين نحنا وهيك منمشي بالدور هههههههههههههه فالله يبيض وجهنا ووجهكم على طووووووووووووول

قلتيلي انتقلت ساحة المعركة كمان مرة :lol:
الله يقويكم يا رب انتي و دمشقية و بيوتكم عامرة دايما و ما بتقصروا و على قد المسؤولية واكتر كمان:thumbs_up:
سلميلنا على دمشقية F: F: F:

سورية وبفتخر
01/05/2010, 12:29 AM
الله يسعدك ياكاتس ويخليلي ياكي وربي يكون بعونك ويعطيك الصبر من عنده لأنه والله شي بيقهر بس لاتخافي ربك كبير وانتي بتعملي عين العقل بعدي عن الشر وغنيله والله يبرد قلبك

شامية للعظم
01/05/2010, 06:14 AM
صباح الخير للجميع سورية وكاتس حبياتي غيمة ومرقت ان شالله
بس متل ما قالت كاتس كانت ترباية النا
أنا ما بيزعجني أنها ما تشتغل بس يلي يزعجني الخدمات الشخصية يعني وحدة صبية تحطلي تيابها الداخلية لأغسلن وانا أنشرهم وأطويهن وهي قاعدة وآخر كل نهار أنا لملم يلي على طاولة الكمبيوتر من صحون وكاسات وقشر موز وكل ما تحممت أنا روح اشطف الحمام ونشفو وراها أنا زوجي علمتو أنو يلي بيتحمم بيشطف الحمام وبينشفو حتى بعد الوضوء أنا بكره الجئجئة كتير بقى معلمة زوجي انو كمان بعد الوضوء الحمام بيتنشف هادا يلي بيزعج

لاء وبتحسي حالك قاعدة باختبار ومن مين من ناس بحياتك ماشفتي منهن شي حلو لا والله ما بنسى السنة الماضية وقت عرسي رحت لبوس رجل حماتي مشان تحضر العرس وهي رافضة

بس أنا باحدى الأيام قلتلو لزوجي أنا بروح عالمطبخ وأنت اسالها ماعم يسالوكي أهلك عني وعن مرتي قام سألها قالتو اي بيسالوني نضيفة شي؟؟ شلون بتطبخ بالبيت ؟وسالوها عن زوجي اذا نحفان ولا سمنان

بقى هي طار عقلها بطبخي وصارت تحكيلهن وتوصف وربكن حميد سمنت عندي بعتت لأهلها صورها دغري قالولها سمنانة وأول ما شافت زوجي قالتو سمنان مو متل أخوك بعد ما تزوج نحف مرتو ما بتعرف تطبخ

لك أنا رئيهن كلهن ما بيهمني بس مشان زوجي يكون مبسوط وبس

CATS_ANGEL
01/05/2010, 03:30 PM
الله يسعدك ياكاتس ويخليلي ياكي وربي يكون بعونك ويعطيك الصبر من عنده لأنه والله شي بيقهر بس لاتخافي ربك كبير وانتي بتعملي عين العقل بعدي عن الشر وغنيله والله يبرد قلبك

حبيبة قلبي سورية مبارح عملت شغلة ما عمري تصورت اعملها بس من كتر قهري طلعت عن السيطرة اتصلت فيي سلفتي الساعة 12 بالليل بتسأل اذا زوجي حكى معي و ايمتى بدهن يرجعو لانو جوزها قايلها المغرب بنكون روحنا ومع انها هي يلي شجعت زوجها على الطلعة بس جكر فيني رحت ما قصرت فيها و قلتلها ما بهمني ايمتى يرجعو و لا حكيت مع زوجي ولا حكى معي و انا كنت نايمة و ازعجتيني:mad: صدقي اولها حسيت بشي و انزاح عن صدري بس لما حكيت للماما بهدلتني :o و قالتلي عيب مهما عملت فيكي انتي لازم تكوني اوقى من هيك بس صدقوني ما قدرت اتحمل يعني يمكن لو ما اتصلت و حكيتها هيك كان صبحت في المستشفى من كتر ما كنت كابتة على حالي
قولولي شو رايكن بصراحة وما رح ازعل من حدا :-#
بس على قولتك برد قلبي كتير وقتها ;)

CATS_ANGEL
01/05/2010, 03:43 PM
صباح الخير للجميع سورية وكاتس حبياتي غيمة ومرقت ان شالله
بس متل ما قالت كاتس كانت ترباية النا
أنا ما بيزعجني أنها ما تشتغل بس يلي يزعجني الخدمات الشخصية يعني وحدة صبية تحطلي تيابها الداخلية لأغسلن وانا أنشرهم وأطويهن وهي قاعدة وآخر كل نهار أنا لملم يلي على طاولة الكمبيوتر من صحون وكاسات وقشر موز وكل ما تحممت أنا روح اشطف الحمام ونشفو وراها أنا زوجي علمتو أنو يلي بيتحمم بيشطف الحمام وبينشفو حتى بعد الوضوء أنا بكره الجئجئة كتير بقى معلمة زوجي انو كمان بعد الوضوء الحمام بيتنشف هادا يلي بيزعج

لاء وبتحسي حالك قاعدة باختبار ومن مين من ناس بحياتك ماشفتي منهن شي حلو لا والله ما بنسى السنة الماضية وقت عرسي رحت لبوس رجل حماتي مشان تحضر العرس وهي رافضة

بس أنا باحدى الأيام قلتلو لزوجي أنا بروح عالمطبخ وأنت اسالها ماعم يسالوكي أهلك عني وعن مرتي قام سألها قالتو اي بيسالوني نضيفة شي؟؟ شلون بتطبخ بالبيت ؟وسالوها عن زوجي اذا نحفان ولا سمنان

بقى هي طار عقلها بطبخي وصارت تحكيلهن وتوصف وربكن حميد سمنت عندي بعتت لأهلها صورها دغري قالولها سمنانة وأول ما شافت زوجي قالتو سمنان مو متل أخوك بعد ما تزوج نحف مرتو ما بتعرف تطبخ

لك أنا رئيهن كلهن ما بيهمني بس مشان زوجي يكون مبسوط وبس

طلعتي يا شامية بتتحملي اكتر مني وما شاء الله عنك و الحمدلله يلي هم و انزاح عنكم
و هي متل ما قلتي ما صدقت تبعد عن امها لتاخد راحتها من الشغل كلو حتى الامور الشخصية لانو لو النضافة من طبع الواحد ما بيعمل هيك و الله يصلح امورنا كلها يا رب و يهدي بالك و بالنا

شو اخر اخبار المعهد و رحتي على دكتورة بخصوص الحمل ولا بعدك F: F:

الدمشقية
01/05/2010, 08:00 PM
سلام الله على الحلوين والامامير
والله اشتقتلكم بس والله تمشيط شعري ماعم افضاله بقى خلوها لله ياحلوات

كاتس حبيبة قلبي وصلني سلامك وكلامك دايما ربي يسعدك ويخليلي ياكي ياذوووق انتي ....
انا مني ومنك كل يوم وبكل ساعتين بتصل على زوجي وبتطمن عليه وعلى قولة الله يهنيك والله يسعدك وانتبه على حالك
وانبسط قد ماقدرت وحتى لو كنت بركاان من جوا لانو اهل زوجك هيك بدهم بدهم وحدة تعرف تغيظهم وترد كيدهم بنحرهم وماقصرتي منشان تلفون سلفتك
عين العقل رديتي ولو اني كنت متمنية تكوني كووووول بهالاتصال وريلاكس مثلا تقليلها على شو مستعجلة خليهم ينبسطو ومن هالحكي ...الخ
ومع هيك ماقصرتي بدها هالرد تمام وسلامة قلبك لا تزعلي ولا تحطي ببالك ياعسل والله يبعد مشاكلهم وزناختهم عنكم

*****************

شامية الله يعينك يااارب اتاريكي كنت بحصار عن جد وسجن كمان مع اشغال شاقة بس يااختي نحنا مامنقدر الا نتعامل باصلنا
وهي بنت حماكي عملت بالمثل ان لم تستحي فاصنع ماشئت .... ستي اجرك على الله وكويس اللي انقضت على خير
اما انو زوجك يتدين منشان الاخت فزوجك غلطان وعاطيها وجه اكثر ماتستاهل لا تزعلي مني قال يافرعون مين فرعنك قال مالقيت مين يردني
هلمرة انقضت ومشي الحال تاني مرة والله لا يعيدها ههههه بدك انتي وزوجك تكونوا غير هيك والا بيبقى حيطكم مايل وواطي كتيير لا تزعلي مني
الله يعوض عليكم ويعطيكم الف عافية والدنيا مدرسة ومامنتعلم الا من كيسنا والحمد لله
ونورتي الشات والله والله لا يحرمنا هالطلة يااارب

بناتى حياتى
01/05/2010, 09:08 PM
http://forums.3roos.com/showthread.php?t=531144

CATS_ANGEL
02/05/2010, 11:38 AM
حبيبتي دمشقية ان شاء الله بيتك عامر دايما و يعطيكي الف عافية وما شاء الله عنك ما بتقصري حتى بتمشيط شعراتك ههههههه
بصراحة يا دمشقية كان نفسي ارد عليها متل ما قلتي بس ما طلع معي لانو الي في قلبي على راس لساني وماما حكتلي متلك بس متل هيك شغلات بدها قوة ارادة غريبة وانا بعدني مو قادرة عليها الله يقويني على هيك شغلات
و يلي بضحك اكتر انو اتصلت على جوزها و نكدت عليه هههههههه يلا بصراحة ارتحت منها و من مجاملتي الها

الياسمينة السمرا
02/05/2010, 06:02 PM
مسا الخير صبايا
ولييييييييييي عم اقرا اخباركون ولمس ع راسي انو بكرا هيك رح يصير فيني بس اتجوز سلايف واولاد احمى وشو بعرفني بس انا ناوية تكون علاقتي فيون رسمية هيك يمكن اريحلي

الياسمينة السمرا
02/05/2010, 06:08 PM
شامية الحمد ع السلامة من الحصار اللي كنت فية بس انا حابة قول رأي انو الحق عليك بتصرفاتها ولا تزعلي مني
بس انا محلك ما بتحملها اكتر من 3 ايام وبعدين بحطها وبحكي معها وقلها انو هاد بيت الو قوانين ولازم تحترميها نحنا منحطك ع راسنا والبيت بيتك وانت مانك غريبة يعني ممكن تنضفي الحمام بعد ما تتحمي لانو نحنا هيك معودين وانت ما بتقبليها ع حالك مو هيك وفيها انو بيت الو قوانينها ولازم تحترمها يعني بالمشرمحي تحطييلها حد
وجوز عليه حق اكتر منك لازم يقلها انت اختي ونو عيني وغالية علي بس انا هي امكانيتي يا ريت فيني قدملك اكتر يعني انتي بترضي ادين من شان تشتري اشياء بلا طعمة
انا هيك بحب المعاملة ما بحب ابدا حد يدعسلي ع طرفي بدك تقليلي ضيفة وما يعرف شو الضيف اذا محترمني ومحترم بيتي بحط ع راسي انا هيك رأي بس ان شاء الله ماتزعلي مني

وكاتس انا رأي ما قصرتي بسلفتك يقطع عمرها شو مدودة لو انك محاكيتيها برواق اكتر كنت موتيها من غيظها

شو رأيكون صبايا ب كلامي صحيح ولا لا انا في كتير اشخاص ما بوافقوني كلاي بس انا هيك ما بحب المجاملة بكل شغلة يعني كل شي الو حدود

الياسمينة السمرا
02/05/2010, 06:09 PM
دمشقية بيت عامر ان شاء الله الله يقويك ويجزيك الخير

سورية الله يقويكي انتي كمان ويقومك بالسلامة تقبشي قلبي

سلامي للكل
بوسكون

CATS_ANGEL
03/05/2010, 08:04 AM
مسا الخير صبايا
ولييييييييييي عم اقرا اخباركون ولمس ع راسي انو بكرا هيك رح يصير فيني بس اتجوز سلايف واولاد احمى وشو بعرفني بس انا ناوية تكون علاقتي فيون رسمية هيك يمكن اريحلي


شامية الحمد ع السلامة من الحصار اللي كنت فية بس انا حابة قول رأي انو الحق عليك بتصرفاتها ولا تزعلي مني
بس انا محلك ما بتحملها اكتر من 3 ايام وبعدين بحطها وبحكي معها وقلها انو هاد بيت الو قوانين ولازم تحترميها نحنا منحطك ع راسنا والبيت بيتك وانت مانك غريبة يعني ممكن تنضفي الحمام بعد ما تتحمي لانو نحنا هيك معودين وانت ما بتقبليها ع حالك مو هيك وفيها انو بيت الو قوانينها ولازم تحترمها يعني بالمشرمحي تحطييلها حد
وجوز عليه حق اكتر منك لازم يقلها انت اختي ونو عيني وغالية علي بس انا هي امكانيتي يا ريت فيني قدملك اكتر يعني انتي بترضي ادين من شان تشتري اشياء بلا طعمة
انا هيك بحب المعاملة ما بحب ابدا حد يدعسلي ع طرفي بدك تقليلي ضيفة وما يعرف شو الضيف اذا محترمني ومحترم بيتي بحط ع راسي انا هيك رأي بس ان شاء الله ماتزعلي مني

وكاتس انا رأي ما قصرتي بسلفتك يقطع عمرها شو مدودة لو انك محاكيتيها برواق اكتر كنت موتيها من غيظها

شو رأيكون صبايا ب كلامي صحيح ولا لا انا في كتير اشخاص ما بوافقوني كلاي بس انا هيك ما بحب المجاملة بكل شغلة يعني كل شي الو حدود



اهلين اهلين باحلى العرايس F:F:F:

لا ما بدنا تخافي من كلامنا ما بتعرفي يمكن تطلع سلفتك متل اختك و اولاد حماكي متل اخوانك مو كل اصابيعك متل بعضها في ناس بتنشرب مع المي العكرة و في ناس لو صبيتيلها حالك دهب ما بيعجبهن و هي المعاملة الرسمية اكيد احسن و اضمن لكن انا فكروني شايفة حالي لما عملت هيك بس انا هيك خلص ريحت راسي لانو والله لو ما بقيت هالبحصة كان وقفت بحلقي :worn_out:
وانا مو على المشوار عصبت عليها لانها كانت بوجهين قدامي شكل و قدام الناس شكل وانا هيدول ما بطيقهن بالمرة
هلأ انسي كل هالحكي و ما بدنا غير تفكري شو بدك تعملي يوم عرسك و شو ناقصك تجهيزات و لا تنسي اهم شي الراحة قبل العرس بفترة و خبرينا وين شعر العسل :rolleyes:

حبيبة رؤودة
03/05/2010, 09:00 AM
صباح الخير

شامية للعظم
03/05/2010, 12:18 PM
صباح الخير يا بنات كيفكم

كاتس شوبدو يعمل الواحد يعني بدو يساير وسلفتك عادي جدا انك ترديلها وما تسكتيلها وهيك المفروض والله يابنات يلي بيشوفني لما كنت بنت وما أسكت لحدا ودايما انتقد أختي وتعاملها مع بيت حماها ما بيقول هي نفسها بس سبحان الله الواحد بيتغير مع الأيام
ياسمينة حتى أنت رح تتغيري وبكرا بتشوفي بتصيري بتطنشي لأنك اذا بدك تدققي على كل شي بينخرب بيتك أنا تصرفت هيك لاتنسي أنو هي أول مرة بيصير بيني وبين بيت حماي علاقة مباشرة واحتكاك مباشر كل شي كان بيننا من بعيد لبعيد وكل هالحكم وهالغضب علي ولسا ما بيعرفوني ولا بيعرفو أهلي لأنو كان مجرد فرض رأي وتسلط مو أكتر يمكن هنن مو مقتنعين بالكلام يلي قالوه عني

حتى موضوع الدين دمشقية زوجي اتدين لأنو ياحرام عم يحاول يرضيهم باي طريقة بس طبعا انا قلتلو والله اذا بتعيدها مالي قاعدة عندك يا أنا ياهنن يعني اذا بدن يجو انا بسافر وانت خدمهم وطبعا هو مستحيل يجيبهم وأنا مو هون

على كل حال خلص هالموضوع صفحة وانطوت وكل واحد بيعمل بأصلو

شامية للعظم
03/05/2010, 12:28 PM
أما عن سؤالك يا كاتس عن المعهد هاد الأسبوع آخر اسبوع بالدورة ورح سجل بيلي بعدها لأني كتير مبسوطة واستفدت
كتير والحمد لله أنا كتير متميزة بالدورة وان شالله رح كون الأولى لأنو لحد الآن علاماتي أحسن شي بالصف

وعن سؤالك التاني عن الدكتورة قصة طويلة شوي بس رح أحكيلكن ياها ياستي لما دمشقية قالتلي شوفي دكتورة بركة بتعطيكي منشط مبايض والله رحت بس هون عنا الله لا يمرض حدا ولا يدخلو مشافي أو عيادات رحت مرة وصفتلي تحاليل ب20 ألف ريال يعني شي 100 دولار غير المعاينة لأنو هون تكاليف المعاينة أقل شي 50 دولار لك وياريت بترتاحي وبيعجبوكي الدكاترة قلت لحالي أحسن وأشطر دكتورة عنا ب 600 ليرة مابقى بدي اتحكم هون رح استنى لسافر

دورت على هالنت على منشط مبايض طبيعي لاقيت العسل مع خلطة حبة البركة وكتير شغلات اشترينا خلطة من عند واحد مضمون والخلطة هي عسل وجينسينغ وقرفة وحبة البركة ومكسرات ومابعرف شو كمان المهم ياستي ناكل انا وزوجي كل يوم ملعقتين من خامس يوم الدورة هيك حتى صار موعد الاباضة ووقفنا بعدين العسل

يوم الجمعة كان موعد الدورة نسيانة أنا بالمرة ما أجتني بالليل اتذكرت وكل الليل عم أحلم اني حامل ما صدقت ايمتى اجى الصبح فقت لصلي وعملت الاختبار بالبيت طلع خطين يعني حامل قمت مانمت من فرحتي ولهلق مارحت لعند دكتورة

بهاليومين بروح انشالله


بقى باركولي وادعولي الله يثبتلي الحمل ويكملها معي وانا ماخبرت حدا غيركن لسا حتى أتأكد مية بالمية

CATS_ANGEL
03/05/2010, 02:35 PM
أما عن سؤالك يا كاتس عن المعهد هاد الأسبوع آخر اسبوع بالدورة ورح سجل بيلي بعدها لأني كتير مبسوطة واستفدت
كتير والحمد لله أنا كتير متميزة بالدورة وان شالله رح كون الأولى لأنو لحد الآن علاماتي أحسن شي بالصف

وعن سؤالك التاني عن الدكتورة قصة طويلة شوي بس رح أحكيلكن ياها ياستي لما دمشقية قالتلي شوفي دكتورة بركة بتعطيكي منشط مبايض والله رحت بس هون عنا الله لا يمرض حدا ولا يدخلو مشافي أو عيادات رحت مرة وصفتلي تحاليل ب20 ألف ريال يعني شي 100 دولار غير المعاينة لأنو هون تكاليف المعاينة أقل شي 50 دولار لك وياريت بترتاحي وبيعجبوكي الدكاترة قلت لحالي أحسن وأشطر دكتورة عنا ب 600 ليرة مابقى بدي اتحكم هون رح استنى لسافر

دورت على هالنت على منشط مبايض طبيعي لاقيت العسل مع خلطة حبة البركة وكتير شغلات اشترينا خلطة من عند واحد مضمون والخلطة هي عسل وجينسينغ وقرفة وحبة البركة ومكسرات ومابعرف شو كمان المهم ياستي ناكل انا وزوجي كل يوم ملعقتين من خامس يوم الدورة هيك حتى صار موعد الاباضة ووقفنا بعدين العسل

يوم الجمعة كان موعد الدورة نسيانة أنا بالمرة ما أجتني بالليل اتذكرت وكل الليل عم أحلم اني حامل ما صدقت ايمتى اجى الصبح فقت لصلي وعملت الاختبار بالبيت طلع خطين يعني حامل قمت مانمت من فرحتي ولهلق مارحت لعند دكتورة

بهاليومين بروح انشالله


بقى باركولي وادعولي الله يثبتلي الحمل ويكملها معي وانا ماخبرت حدا غيركن لسا حتى أتأكد مية بالمية



ايواااااااااااااااا هيك بدنا من زماااااااااااان اخبار تفرح القلب :L: :L: :L: :L: :L:

وانااااااااااا هيك اول وحدة رح تباركلك اول شي بالمعهد وان شاء الله تكوني الاولى على طول
وتاني شي الحمل :093: :093: :093: :093: و الله يتمملك على خير و رح نبلش نعد هههههههه و ما بدي اعطيكي امل كتير بس اختبار البيت دقيق وانا عملتو قبل ما اروح على الدكتورة و قالتلي اذا طلع الفحص حمل ان شاء الله اكيد و على فكرة انا حملت بتالا بنفس هيدي الفترة و ان شاء الله ما يخيب ظنك و يعوض صبرك خير اما الخلطة فهي بصراحة احسن من الادوية و الكيماويات و بضل شي طبيعي احسن بكتير و عملتو عين العقل انتي و جوزك
و هلأ ما بدنا زعل و لا شغل زيادة اهم شي الحمل و بس وكل شي زيادة ممكن يتأجل

صدقيني فرحتلك من كل قلبي F:F:F:F:F:F:F:F:F:F:F:F:F:F:F:F:

ريتـا
04/05/2010, 04:23 AM
أفرح بمروركم يا قمرات
ماذا لو تم تعينك مربية أطفال؟
http://forums.3roos.com/showthread.p...2#post11981462 (http://forums.3roos.com/showthread.php?p=11981462#post11981462)

سورية وبفتخر
05/05/2010, 10:03 AM
الله يصبحكم بالخير يارب
شامية تؤبشي قلبي ان شاء الله الف الف مبرووووووووووووووووك والله فرحتلك من قلبي وان شاء الله انه تحليل البيت مزبوط وان شاء الله ربي يتمملك على خير بس امانة عليك ديري بالك على حالك وماشاء الله عليك يعني انتي الاولى بالمعهد والله برافوا عليك مافي احلى من العلم الله يزيدك يارب وعشان بنت حماك متل ماقلتي صفحة سودة وانطوت وكل مين بيعمل بأصلوا وربك كبير

سورية وبفتخر
05/05/2010, 10:12 AM
كاتس صمصومة قلبي والله اشتقتلك وياربي سلامتك من القهر والغيظ وماقصرتي بسلفتك احسن ماتحطي بقلبك خليهم هنن يلي يزعلوا ويدايقوا والله هالعالم عم تمشي معها بالمنيح عم تعاملك بالقبيح ستي عند الله مابيضيع شي
ياسمينة عروستنا كيفك ياقمر ان شاء الله بيطلعوا بيت حماك من احسن مايكون معك ولاتخافي متل ماقالت كاتس مو كل اصابيعك متل بعضها وخبرينا بأخر التجهيزات يالله قربت ليلة العمر

سورية وبفتخر
05/05/2010, 10:26 AM
اما عن اخر اخبارنا فالتمركز لسى عند الدمشقية الله يعينها ويقويها ومبارح كانت عزيمتهم وساووا مسخن كان كتير طيب مابعرف اذا بتعرفوا هالاكلة هي اكلة فلسطينية وطبعا انا اكلت لنفزرت واخدت حصتي عالبيت كمان ههههههههههههههههههه وان شاء الله الخميس الفجر رايحين عالمدينة المنورة بس انا لسى مو مأكدة روحتي اليوم جوزي بده يشوف اذا بيقدر ياخد اجازة يوم الخميس ومنطلع بسيارتين ان شاء الله تزبط طلعتنا لأنه نفسي روح خايفة بكرة نرحل من هالبلد ومايصحلي روح عالمدينة بعدين وطبعا بعد رجعتهم من المدينة رح تكون عزيمتي يعني بقلب الاسبوع الجاية ومحتارة شو ساوي كنت ناوية جيب اكل من برا بس بنت خالته لجوزي ساوتلهم عزيمة دبيحة ماشاء الله وابن خالته جبلهم سمك وهي الدمشقية مسخن فمبارح اقترحت عليي الدمشقية اعمل اوزي وجنبه شيش برك وتبولة وقالتلي انه هيه واختي التانية بيساعدوني بقى مابعرف لسى ماقررنا لعيتلكم قلبكم مو خخخخخخخخ
هي اخر اخبارنا وسلامي ل لولية وبيرل وبنوتة ومون ان شاء الله يكونوا بخير يارب

عروسة الميدان
05/05/2010, 10:37 AM
صباااااااح الخير ، ممكن اتعرف عليكن؟!!

CATS_ANGEL
05/05/2010, 11:24 AM
كاتس صمصومة قلبي والله اشتقتلك وياربي سلامتك من القهر والغيظ وماقصرتي بسلفتك احسن ماتحطي بقلبك خليهم هنن يلي يزعلوا ويدايقوا والله هالعالم عم تمشي معها بالمنيح عم تعاملك بالقبيح ستي عند الله مابيضيع شي
ياسمينة عروستنا كيفك ياقمر ان شاء الله بيطلعوا بيت حماك من احسن مايكون معك ولاتخافي متل ماقالت كاتس مو كل اصابيعك متل بعضها وخبرينا بأخر التجهيزات يالله قربت ليلة العمر

اهليييييييين سورية يسعدلي الصمصومة شو طالعة منك بتجننF:
ايه والله فشيت قلبي من اول ما اتزوجت و نفسي افش قلبي بس ضليت احكي عيب يا بنت و خليكي انتي الاحسن بس اخر شي كان الشيطان شاطر :D



اما عن اخر اخبارنا فالتمركز لسى عند الدمشقية الله يعينها ويقويها ومبارح كانت عزيمتهم وساووا مسخن كان كتير طيب مابعرف اذا بتعرفوا هالاكلة هي اكلة فلسطينية وطبعا انا اكلت لنفزرت واخدت حصتي عالبيت كمان ههههههههههههههههههه وان شاء الله الخميس الفجر رايحين عالمدينة المنورة بس انا لسى مو مأكدة روحتي اليوم جوزي بده يشوف اذا بيقدر ياخد اجازة يوم الخميس ومنطلع بسيارتين ان شاء الله تزبط طلعتنا لأنه نفسي روح خايفة بكرة نرحل من هالبلد ومايصحلي روح عالمدينة بعدين وطبعا بعد رجعتهم من المدينة رح تكون عزيمتي يعني بقلب الاسبوع الجاية ومحتارة شو ساوي كنت ناوية جيب اكل من برا بس بنت خالته لجوزي ساوتلهم عزيمة دبيحة ماشاء الله وابن خالته جبلهم سمك وهي الدمشقية مسخن فمبارح اقترحت عليي الدمشقية اعمل اوزي وجنبه شيش برك وتبولة وقالتلي انه هيه واختي التانية بيساعدوني بقى مابعرف لسى ماقررنا لعيتلكم قلبكم مو خخخخخخخخ
هي اخر اخبارنا وسلامي ل لولية وبيرل وبنوتة ومون ان شاء الله يكونوا بخير يارب


ما شاء الله الله يهنيكن ايه المسخن بعرفو حبيب قلبي بس كيف عملتو ارغفة مفرودة و لا متل العرايس يعني متل الشاورما لانو في ناس بعملوها هيك او هيك وانا بحب يلي متل الشاورما و صحتين على قلبك و قلب البيبي ما بتاكلو الا العافية و الصحةF:

ايه ان شاء الله بطلعلكن تروحو و بتتسهل معكن وانا كمان نفسي اروح :(

ما شاء الله كل عزايمكم بتشهي و حلوة فكرت دمشقية بالعزيمة و هيي بتكون اقل كلفة و بنفس الوقت وجاهة اكتر لانو مهما جبتي جاهز بتحسي انو ما في بركة و مو دايما بيطلع متل ما بدك الا اذا مطعم مضمون و بتتعاملي معو دايما و هي الاكلات خصوصي الشيشبرك الها محبة خاصة عند الكل اساليني انا :adore: و ابعتيلي صحن :lol:

الله يهنيكن و يسعدكن بهالجمعات الحلوة و سلميلي على دمشقية و على اختك التانية:thumbs_up:

CATS_ANGEL
05/05/2010, 11:26 AM
صباااااااح الخير ، ممكن اتعرف عليكن؟!!

يا صباح الورد F: بنتشرف تفضلي معنا

عروسة الميدان
05/05/2010, 11:30 AM
كيفكن يا حلوين
عرفكن عن حالي ، ألي من الميدان وكنت ساكنة بالزاهرة الجديدة واتزوجت للأردن :'(
إلي متزوجة سنة وعشر شهور وعندي بنوتة اسما فرح عمرا ست أشهر ، خلصت بكالوريا دخلت جامعة اسبوعين وطلعت ماحبيتا أبدا:mad:
وهلا بالبيت بحفظ قرآن وبدرس أشياء دينية عالنت وبس:)

*جمال الروح*
05/05/2010, 11:36 AM
http://forums.3roos.com/showthread.php?p=11993948#post11993948

شرفوني بموضوعي

شامية للعظم
05/05/2010, 11:59 AM
يسعدلي صباحكم ياحلوين هلق رجعت من المعهد والامتحان كان صعب كتير والأسئلة 11 صفحة والوقت بس ساعة ونص انحولت والله بس باذن الله منيحة بكرا النتيجة وببقى بخبركم عنها

كاتس وسورية تسلمولي حبيبات قلبي على هالمشاعر الحلوة وان شالله عقبالكم وقت يلي بتحققو كل يلي بدكن ياه مارح ادعيلكن بالحمل الا ليلي بدها والله لايحرم حدا من هالنعمة يارب


دمشقية الله يقويكي وان شالله تدوم المناسبات واللمات الحلوة وصحتين عالمسخن طبعا المسخن معروفة أكلة فلسطينية لذيذة

عروسة الميدان أهلا وسهلا فيكي شرفتينا وهون معظمنا عايشين برا سوريا بس قطتنا كاتس أردنية الأصل وعايشة ببلدها بس هي سورية وأردنية الانتماء مو هيك كاتس

انا عايشة باليمن اصلي من القنوات تولد باب الجابية وزوجي ميداني من حارتكم

بس استغربت منك ليش تركتي الجامعة وليش ما حبيتيها شوفي هو الجامعة بتختلف كتير عن المدرسة وشي طبيعي تشعري باختلاف في فرق كبير الجامعة عالم كبير وبيشمل عالم وناس أشكال وألوان من مختلف الجنسيات والمحافظات والأديان بس مو طبيعي انك تستسلمي

عروسة الميدان
05/05/2010, 12:42 PM
بصراحة انا مو متعودة على جو الإختلاط فما كتير حبيتها بعد لو ضليتني بالجامعة كان ما خطبني هلا حبيبي :) لأنو ملتزم ومابدو واحدة جامعية ههههههه
أهلا فيكي حبيبتي ،، شو بتدرسي؟

عروسة الميدان
05/05/2010, 12:55 PM
نسيت إلك إنو الله يجنحك بامتحانك وتجيبي 100%
هلكت وانا عم بليف الحيطان حدا بيعرف شي طريقة سهلة؟؟

شامية للعظم
05/05/2010, 05:39 PM
عروسة الميدان أهلا وسهلا فيكي مرة تانية بين أخواتك ياستي أنا متخرجة من الجامعة من 4 سنين أدب فرنسي وكنت اشتغل مدرسة فرنسي بمدرسة الثقفي

السنة الماضية ب 29/5 تزوجت وانتقلنا عاليمن ومن كتر الفراغ يلي حسيت فيه لأني أنا كمان هون مو كتير بختلط بالعالم المهم سجلت دورة انكليزي وكتير مبسوطة أنا من الناس يلي بحب طور حالي وضل أتعلم شي جديد شو ماكن حتى لو كان طبخة جديدة يعني زوجي بيقللي تعرفي على عالم وروحي وتعي لعندن بس أنا مابحب جو الزيارات والحكي وبلا طعمة وخصوصا خارج نطاق العيلة بتعرف على ناس بس من بعيد لبعيد مابحب حدا يفوت لجوا حياتي
وهلق الحمد لله الله رزقني بالحمل لأني بعد زواجي ب3 شهور حملت بس أجهضت ولهلق حتى رد صار حمل

تسلميلي على أمنياتك الحلوة وأنت كمان برافو عليك أنك عم تشغلي حالك بحفظ القرآن أنا بلشت بالحفظ بس حفظ القرآن بحس أنو بدو جماعة حدا يسمعلك ويشجعك ما حسيت حالي لوحدي متشجعة كتير وضليت عالقراءة وبس

شامية للعظم
05/05/2010, 05:41 PM
ومشان تلييف الحيطان بيختلف الوضع اذا بيتك ممدود موكيت أو لاء يعني الحيطان من فوق انا عندي مكنسة بايد طويلة بلكها بسطل فيو شوية مي ومنظفات وبعدين بمسح بمي حلوة طبعا اذا كان وسخ كتير

عروسة الميدان
05/05/2010, 06:27 PM
متلك بدي حدا يشجعني عالحفظ ،،، خلص زبطوا الحيطان،،،، أنا بحب الفرنسية كتير درستا مرة واحدة ، كإنك بتحبي اللغات ، حلو كتير مجالك الله يوفقك يارب

CATS_ANGEL
05/05/2010, 07:10 PM
كيفكن يا حلوين
عرفكن عن حالي ، ألي من الميدان وكنت ساكنة بالزاهرة الجديدة واتزوجت للأردن :'(
إلي متزوجة سنة وعشر شهور وعندي بنوتة اسما فرح عمرا ست أشهر ، خلصت بكالوريا دخلت جامعة اسبوعين وطلعت ماحبيتا أبدا:mad:
وهلا بالبيت بحفظ قرآن وبدرس أشياء دينية عالنت وبس:)


اهلين عروسة شرفتينا بالاردن ليش البكى صحيح الغربة صعبة بس اكيد اعتبري حالك بين اهلك
وين ساكنة في الاردن يمكن تطلعي قريبة و نتعرف على بعض بتشرف فيكي اكيدF:

و الله يخليلك بنوتك بحب اسم فرح كتير لانو على اسم اختي اخر العنقود بموت عليها
وانا عندي بنت عمرها سنة و نص و اسمها تالا:L: و انا اتخرجت من الجامعة و كنت اشتغل لحد بعد ما اتزوجت بكم شهر و حملت تركت الشغل و هلأ بعد ما كبرت تالا شوي عم دور على شغل :confused:

CATS_ANGEL
05/05/2010, 07:18 PM
يسعدلي صباحكم ياحلوين هلق رجعت من المعهد والامتحان كان صعب كتير والأسئلة 11 صفحة والوقت بس ساعة ونص انحولت والله بس باذن الله منيحة بكرا النتيجة وببقى بخبركم عنها

كاتس وسورية تسلمولي حبيبات قلبي على هالمشاعر الحلوة وان شالله عقبالكم وقت يلي بتحققو كل يلي بدكن ياه مارح ادعيلكن بالحمل الا ليلي بدها والله لايحرم حدا من هالنعمة يارب


دمشقية الله يقويكي وان شالله تدوم المناسبات واللمات الحلوة وصحتين عالمسخن طبعا المسخن معروفة أكلة فلسطينية لذيذة

عروسة الميدان أهلا وسهلا فيكي شرفتينا وهون معظمنا عايشين برا سوريا بس قطتنا كاتس أردنية الأصل وعايشة ببلدها بس هي سورية وأردنية الانتماء مو هيك كاتس

انا عايشة باليمن اصلي من القنوات تولد باب الجابية وزوجي ميداني من حارتكم

بس استغربت منك ليش تركتي الجامعة وليش ما حبيتيها شوفي هو الجامعة بتختلف كتير عن المدرسة وشي طبيعي تشعري باختلاف في فرق كبير الجامعة عالم كبير وبيشمل عالم وناس أشكال وألوان من مختلف الجنسيات والمحافظات والأديان بس مو طبيعي انك تستسلمي



ما شااااااء الله 11 صفحة الله يقويكي يا رب و نحنا بنعرف انك قدها و قدود ما هيك :thumbs_up:
و بنستنى نتيجة الامتحان و نتيجة تأكيد حملك من الدكتورة ان شاء الله وهيك بدنا حلوان محرز اكيد:D

ايه انا انتمائي سوري اردني بس هوني سوري و بس لانو محلكن و بيتكن و لازم كون منكن و فيكن:o
شو بدي احلى من هيك لمة سورية:L:

لولية
05/05/2010, 09:48 PM
كيفكن يا أحلى الحلوات اتدكرتوني معليه لا تواخزوني بس والله ما بعرف شو صايرلي ما عم إهدى وخصوصا بعد ما رجعت من حمص رجعت خالتي معي واليوم لحتى سافرت من غير شر
أول شي شامية يا عمري ألف ألف ألف مبروك يا رب التمام على خير وديري بالك على حالك وبالنسبة لبين حماكي برافو عليكي اللي استحملتيها بس ما رح نقلك معناتها متل ما ودعت تلاقي ان شاء الله ما بتعيدها
لك واله اشتقتلكن كلكن كلكن بس أأكيد رح تعزروني
هلأ أنا فنيانة من التعب ان شاء الله بكرة بيصحلي افتح وكون معكن
تصبحوا على خير

CATS_ANGEL
06/05/2010, 07:46 AM
كيفكن يا أحلى الحلوات اتدكرتوني معليه لا تواخزوني بس والله ما بعرف شو صايرلي ما عم إهدى وخصوصا بعد ما رجعت من حمص رجعت خالتي معي واليوم لحتى سافرت من غير شر
أول شي شامية يا عمري ألف ألف ألف مبروك يا رب التمام على خير وديري بالك على حالك وبالنسبة لبين حماكي برافو عليكي اللي استحملتيها بس ما رح نقلك معناتها متل ما ودعت تلاقي ان شاء الله ما بتعيدها
لك واله اشتقتلكن كلكن كلكن بس أأكيد رح تعزروني
هلأ أنا فنيانة من التعب ان شاء الله بكرة بيصحلي افتح وكون معكن
تصبحوا على خير


يا اهلييييييييين لولية و هل يخفى القمر صحيح بيطلع في الشهر مرة بس اكيد ما بننساهF:
و الله يعطيكي العافية و متل ما ودعتي تلاقي يا رب و بنستناكي بكرا ان شاء اللهF:

CATS_ANGEL
06/05/2010, 07:55 AM
اما انا اليوم عندي موعد لتغيير اللوك و الحلو انو اجت في وقت بكرا عندي حفلة خطبة لبنت خالتي
و صبحت عم اخد اخر قرار بخصوص اللون القصة و الصبغة و اذا لقيت صورة قريبة في النت ليلي بدي اعملو بنزللكم اياها ادعولي ما يخيب ظني

عروسة الميدان
06/05/2010, 10:50 AM
الله لايخيب ظنك ،،، صباح الخيرررر، كيفكن ؟،،، ان شاء الله يارب تكوني عروس حلوة وقمر

عروسة الميدان
06/05/2010, 10:52 AM
كاتس هلا قريت مشاركتك،، أنا ساكنة بعمااان

CATS_ANGEL
06/05/2010, 02:03 PM
الله لايخيب ظنك ،،، صباح الخيرررر، كيفكن ؟،،، ان شاء الله يارب تكوني عروس حلوة وقمر


كاتس هلا قريت مشاركتك،، أنا ساكنة بعمااان

تسلميلي يا رب كلك زوء :o

وين بعمان بالزبط اذا مو حابة على العام ابعتيلي على الخاص:thumbs_up:

عروسة الميدان
06/05/2010, 02:15 PM
لا عادي ،، عند دوار المدينة ،، أنتي؟

شامية للعظم
06/05/2010, 05:01 PM
مسالخير الخير للجميع كيفكم
دمشقية الله يعطيك ألف عافية قد ما كنت مشغولة طللي علينا اشتقنالك وبعدين ما بدك تعرفي أخباري الجديدة
لولية يا ألف أهلا وسهلا فيك والله يعطيك الف عافية يارب ويبارك فيك وان شالله عقبال عندك بناتك لما تفرحي فيهم وتشوفيهم أمهات وتصيري ست أنت كيفن بنوتاتك قربت امتحاناتهم أكيد بانتظار أخبار جديدة عنك ومتل ما وعدتينا طللي علينا عن قريب

كاتس وعروسة الميدان وسورية تسلمو على الكلام الحلو
وكاتس انتي من عضام هالرقبة وأخت عزيزة والله وبعدين ماشالله عنك أكتر وحدة نشيطة بهالشات

ياسيدي اليوم رحت جبت نتيجتي من المعهد 97 طبعا أعلى علامة بالصف والعلامة يلي بعدي بالتمانينات هلق عندي فترة راحة أسبوع ومن السبت الجاية بتبلش دورة جديدة ان شالله

بهالمناسبة احتفات وعملت لزوجي ملوخية ورز لأنو زوجي عاشق الملوخية ههههههههه
بكرا بدي أعمل صيادية السمك أخدت وصفة الها من عالنت هديك المرة وكالعادة حطيت لمساتي واضافاتي وجربتها طلعت تحفة

يالله سلام

وجمعة مباركة للجميع ولا تنسو قراءة سورة الكهف ههههه رح اشتغل مونو شوي الله يذكرها بالخير وييسرها وينجحها يارب

شامية للعظم
06/05/2010, 05:02 PM
صحيح رحت عالدكتورة ما رضيت تعمللي تحليل دم قالتلي مافي داعي خلص التحليل المنزلي مضمون وعطتني حب تثبيت وحب فوليك أسيد وقالتلي بعد شهر بتجي لأعملك سونر ونشوف الجنين

عروسة الميدان
06/05/2010, 05:03 PM
هلا شامية،، مباررررك بالعلامة وبالتقدم،،بموووت بالملوخية

بنت الشام المعذبه
06/05/2010, 09:10 PM
مساء الورد


مشتاقتلكم كثير .......اسفه انقطعت عنكم لانو ماعندي انترنت ببيتي لأني



تزوجت يوم الجمعه .........إن شالله إلي رجعه

شامية للعظم
06/05/2010, 10:50 PM
عروسة الميدان الله يبارك فيكي كان بودي اعزمك عالملوخية والله

بنوتة ألف ألف ألف مبروك بس شو قصتك انت بتدخلي بتزتي خبر هالقد وبتروحي تعالي اشرحيلنا شو قصة زواجك المفاجى لسا من شهر قلتيلنا انخطبت

على كل حال بانتظار رجعتك لا تطولي علينا

** سعودية هلالية **
07/05/2010, 04:17 AM
http://www.3roos.com/files/ups/2010/206852/11273194251.gif


عن أبي سعيد الخدري قال : " من قرأ سورة الكهف ليلة الجمعة أضاء له من النور فيما بينه وبين البيت العتيق " ..



قال رسول الله صلى الله عليه وسلم:
"إن من أفضل أيامكم يوم الجمعة، فأكثروا على من الصلاة فيه، فإن صلاتكم معروضة على"
رسول الله صلى الله عليه وسلم ذكر يوم الجمعة فقال :
(( فيه ساعة لا يوافقها عبد مسلم وهو قائم يصلي يسأل الله تعالى شيئاً إلا أعطاه إياه وأشار بيده يقللها )) .



F:أكثروا من الصلاة على النبي صلّى الله عليه وسلّم F:

بناتى حياتى
07/05/2010, 08:06 AM
http://forums.3roos.com/showthread.php?p=12009528#post12009528

بناتى حياتى
07/05/2010, 08:22 AM
http://forums.3roos.com/showthread.php?p=12009559#post12009559

لولية
07/05/2010, 08:34 AM
صباح الخير يا عسولات اشتألكن كتير كتير وشايفة إنه في حلوات انضموا للشات أهلا وسهل فيكن
كاتس يا عمري تسلميلي يا رب والله يخليلك بنتك وتفرحي فيها
والله يا بنات زواجة البنت فرحة وخصوصا إدا الشب كان شاري بنتك بقى ربي يتم عليهن يا رب ويفرح قلبي ببنتي الوسطانية
بنوتة ألف ألف مبروك طمنيني عنك حبيبتي
دمشقية وين غاطة
اطمنت عليكن يا حلوات وهلأ لازم روح وصل بناتي على الجامعة وبعدين روح على الرياضة لإنه ان شاء الله ناوية انحفلي شي خمسة كيلو قبل الصيف لإنه عندي مناسبات كتير ولازم كون حلوة وأمورة ادعولي

CATS_ANGEL
07/05/2010, 09:45 AM
لا عادي ،، عند دوار المدينة ،، أنتي؟

اهلين عروسة لسى كنت مبارح هناك:D انا قريبة شي 10 دقايق بالسيارة:cool:

CATS_ANGEL
07/05/2010, 09:56 AM
مسالخير الخير للجميع كيفكم
دمشقية الله يعطيك ألف عافية قد ما كنت مشغولة طللي علينا اشتقنالك وبعدين ما بدك تعرفي أخباري الجديدة
لولية يا ألف أهلا وسهلا فيك والله يعطيك الف عافية يارب ويبارك فيك وان شالله عقبال عندك بناتك لما تفرحي فيهم وتشوفيهم أمهات وتصيري ست أنت كيفن بنوتاتك قربت امتحاناتهم أكيد بانتظار أخبار جديدة عنك ومتل ما وعدتينا طللي علينا عن قريب

كاتس وعروسة الميدان وسورية تسلمو على الكلام الحلو
وكاتس انتي من عضام هالرقبة وأخت عزيزة والله وبعدين ماشالله عنك أكتر وحدة نشيطة بهالشات

ياسيدي اليوم رحت جبت نتيجتي من المعهد 97 طبعا أعلى علامة بالصف والعلامة يلي بعدي بالتمانينات هلق عندي فترة راحة أسبوع ومن السبت الجاية بتبلش دورة جديدة ان شالله

بهالمناسبة احتفات وعملت لزوجي ملوخية ورز لأنو زوجي عاشق الملوخية ههههههههه
بكرا بدي أعمل صيادية السمك أخدت وصفة الها من عالنت هديك المرة وكالعادة حطيت لمساتي واضافاتي وجربتها طلعت تحفة

يالله سلام

وجمعة مباركة للجميع ولا تنسو قراءة سورة الكهف ههههه رح اشتغل مونو شوي الله يذكرها بالخير وييسرها وينجحها يارب

ما شاء الله شو هالتفوق هيدا :thumbs_up: و ان شاء الله على طول يا رب
و تسلميلي على كلامك الحلو متلك كلك زوء :o


صحيح رحت عالدكتورة ما رضيت تعمللي تحليل دم قالتلي مافي داعي خلص التحليل المنزلي مضمون وعطتني حب تثبيت وحب فوليك أسيد وقالتلي بعد شهر بتجي لأعملك سونر ونشوف الجنين

الحمد لله يلي اطمنتي و طمنتينا عليكي F: F: F: و هلأ بدك تديري بالك كتير و ما تنسي ولا حبة من الفوليك اسيد هو ل3 اشهر كتير مهم للجنين و لازم تركزي على اكلك منيح خصوي اول اشهر لانهم هم يلي بفيدو البيبي و اذا ما خاب ظني انتي بنفس الوقت يلي جبت فيه تالا يعني بشهر 12 عشان اذا بنوتة تسميها تالا :rolleyes:

CATS_ANGEL
07/05/2010, 10:00 AM
مساء الورد


مشتاقتلكم كثير .......اسفه انقطعت عنكم لانو ماعندي انترنت ببيتي لأني



تزوجت يوم الجمعه .........إن شالله إلي رجعه

شو هالمفاجئة الحلوة الف مبروك يا رب F:F:F:F:F:F:F:

بس شو هالسرعة ما الك فترة خاطبة يعني فجأة خطبتي و فجأة تزوجتي شو القصة خبرينا:!!:

CATS_ANGEL
07/05/2010, 10:07 AM
دمشقية و سورية نياااااااااالكم بتكونو عند الكعبة المشرفة الله يطعمني اياها يا رب ما تكونو نسيتونا من دعواتكم حبيباتي
بس ترجعو بالسلامة طمنونا عليكم و جمعة مباركة عليكم و علينا

http://www.3roos.com/files/ups/2010/179352/01273215991.jpg

" اللهم زد هذا البيت تشريفا، وتعظيما وتكريما ومهابة، وزد من شرفه وكرمه، ممن حجه أو اعتمره، تشريفا وتكريما وتعظيما وبرا، اللهم أنت السلام، ومنك السلام ، فحّينا ربنا بالسلام " .

CATS_ANGEL
07/05/2010, 10:10 AM
صباح الخير يا عسولات اشتألكن كتير كتير وشايفة إنه في حلوات انضموا للشات أهلا وسهل فيكن
كاتس يا عمري تسلميلي يا رب والله يخليلك بنتك وتفرحي فيها
والله يا بنات زواجة البنت فرحة وخصوصا إدا الشب كان شاري بنتك بقى ربي يتم عليهن يا رب ويفرح قلبي ببنتي الوسطانية
بنوتة ألف ألف مبروك طمنيني عنك حبيبتي
دمشقية وين غاطة
اطمنت عليكن يا حلوات وهلأ لازم روح وصل بناتي على الجامعة وبعدين روح على الرياضة لإنه ان شاء الله ناوية انحفلي شي خمسة كيلو قبل الصيف لإنه عندي مناسبات كتير ولازم كون حلوة وأمورة ادعولي



يا هلا لولية انتي دايما حلوة و امورة و الله يخليكي لبناتك و اتضلي تفرحي فيهم و في ولاد ولادهم:L:

CATS_ANGEL
07/05/2010, 10:12 AM
مونو و بيرل و ياسمينة طولتو الغيبة طمنونا عنكم اشتقنالكم كتيييييييييييير

سورية وبفتخر
08/05/2010, 09:33 AM
ربي يسعدهم ويسعد اوقاتهم كيفكم ياحلوين
عدنــــــــــــــــــــــ ـــــــــــــــــــــــــ ـــــــا سبيس سورية تون :lol:
والله اشتقتلكم كتير ومتلهفة لأسمع اخباركم واطمن عليكم والحمدلله اطمنت
كاتس ياروحي الله يسعدك وهالشات مابتكمل من دونك وياستي المسخن ماكان سندويش كان ارغفة خبز كبيرة مفرودة وطبعا الشعب عنا بيحب يقطع وياكل بايده وبالنسبة لعزيمتي والله لسى مااتحددت جيتهم لعنا لأنهم بدهم ينزلوا على الاسواق ويوم الاربعاء مسافرين من غير شر والله يسلم قلبك يارب بيوصل السلام

سورية وبفتخر
08/05/2010, 09:39 AM
عروسة الميدان اهلا وسهلا فيك نورتي انا سورية اصلنا من الشويكة ومتزوجة يمني وعايشة بالسعودية يعني جامعة الدول العربية ههههههههههههه وعندي جودي 3سنين ونص وعبودي سنة وسبع شهور وهلأ حامل بالشهر التامن ولايغرك كل هالشي انا اطفولة هالشات على قولة كاتس اصغر وحدة فيكم كيف لاتسأليني خخخخخخخخخخخخ وانا اخت الدمشقية يلي ان شاء الله قريبا رح تتعرفي عليها واهلا وسهلا فيكي وهلأ انتي اختنا ومنا وفينا

سورية وبفتخر
08/05/2010, 09:48 AM
شامية تؤبشي قلبي ماشاء الله عليك ان شاء الله يارب دوم متفوقة والله يتمم حملك على خير يارب ويفرح قلبك بس انتي امانة انتبهي على حالك
لولية الله يكون يعونك ويحمل معك وان شاء الله ربي بيفرح قلبك ببناتك وتشوفيهم متل مابتحبي واكتر واااااااااااااااااااه لاتحكيلي على الرشاقة والجسم انا كرهانة جسمي كتير صاير كله تشققات بكل مكان و المصيبة بعد الولادة انها بتظهر اكتر وقال مالها علاج يروحها نهائيا بقى يابنات يلي بتعرفي شي طريقة تقلي ورح ادعيلها
بنوتة ان شاء الله الف مبروك يارب ومستنينك تخبرينا القصة عم تشوقينا كتير

سورية وبفتخر
08/05/2010, 09:58 AM
اما عن اخبارنا ياحلوين فالحمدلله زوجي اخد اجازة وانطلقنا مع بيت الدمشقية وطبعا اختي التانية وحماتها على المدينة يوم الاربعاء شي الساعة وحدة ووصلنا الفجر ونزلنا بفندق ريحنا شوي ونمنا ورحنا عالصلاة وزرنا النبي عليه الصلاة والسلام وكان زحمة عالاخر و طبعا المدينة كتير حلوة وفيها راحة نفسية الله يطعمكم زيارتها كلكم يارب الحمدلله كانت الرحلة بمنتهى الروعة وانبسطنا كتير ورجعنا الجمعة على العشرة تقريبا وصلنا الى جدة طبعا هلكانين من الطريق بس والله احلى سيران ومشوار الله يكتبلكم زيارتها يارب

CATS_ANGEL
09/05/2010, 08:52 AM
ربي يسعدهم ويسعد اوقاتهم كيفكم ياحلوين
عدنــــــــــــــــــــــ ـــــــــــــــــــــــــ ـــــــا سبيس سورية تون :lol:
والله اشتقتلكم كتير ومتلهفة لأسمع اخباركم واطمن عليكم والحمدلله اطمنت
كاتس ياروحي الله يسعدك وهالشات مابتكمل من دونك وياستي المسخن ماكان سندويش كان ارغفة خبز كبيرة مفرودة وطبعا الشعب عنا بيحب يقطع وياكل بايده وبالنسبة لعزيمتي والله لسى مااتحددت جيتهم لعنا لأنهم بدهم ينزلوا على الاسواق ويوم الاربعاء مسافرين من غير شر والله يسلم قلبك يارب بيوصل السلام

اهلين بصمصومة و اطفولة الشات :cool:
بخصوص المسخن هو زاكي على الجهتين بس انا عكس الشعب عندك بحب اكل بدون ما اغلب حالي لهيك بفضل يلي متل الساندويشات بس زوجي ما بحبها لهيك ما بعملها :o

شكلو سفرتهم قربت ان شاء الله يكونو انبسطو فيكم و انتو انبسطو فيهم ولا بد منها زيارة الاسواق لانو في ناس عم تستنى الهدايا :D

و ان شاء الله تكون عزيمتك متل ما بدك و احسن يا رب و يلي برد على دمشقية ان شاء الله ما بيخسر :thumbs_up:

و بخصوص التشققات انا بعرف زيت الزيتون او اي زيت للاطفال بدك تدهني كل يوم اكتر من مرة خصوصي بعد الحمام و خصوصي هلأ و انتي حامل و بدها متابعة و استمرار طويل مع الرياضة بعد الولادة طبعا و رح يغلبك لانك حملتي اكتر من مرة بس ان شاء الله رح يخف كتير اذا تابعتي على الزيت و انتبهي على حالك كتير بعدك صغيرة :thumbs_up:



اما عن اخبارنا ياحلوين فالحمدلله زوجي اخد اجازة وانطلقنا مع بيت الدمشقية وطبعا اختي التانية وحماتها على المدينة يوم الاربعاء شي الساعة وحدة ووصلنا الفجر ونزلنا بفندق ريحنا شوي ونمنا ورحنا عالصلاة وزرنا النبي عليه الصلاة والسلام وكان زحمة عالاخر و طبعا المدينة كتير حلوة وفيها راحة نفسية الله يطعمكم زيارتها كلكم يارب الحمدلله كانت الرحلة بمنتهى الروعة وانبسطنا كتير ورجعنا الجمعة على العشرة تقريبا وصلنا الى جدة طبعا هلكانين من الطريق بس والله احلى سيران ومشوار الله يكتبلكم زيارتها يارب


الحمد لله على سلامتكم جميعا و الله رحلة حلوة و بتفتح النفس و انا بديت عم نق على زوجي لحتى نروح اذا الله راد في رمضان بس خايفة من العجئة وقتها اذا هلأ عم تقولي زحمة كيف في رمضان :worn_out:

شامية للعظم
09/05/2010, 06:02 PM
مسالخير للجميع كيفكم

سورية صحتين وهنا على المسخن لذيذ كتير مع اني ولا مرة عملتو بس دقتو مرة عند صديقتي وكان أرغفة
والله يسعدكم ويبسطكم ويهنيكم بالمشوار الحلو امانة سلمي على الدمشقية وقوليلها اشتقنالك كتير كتير

شامية للعظم
09/05/2010, 06:07 PM
كاتس شو تفوق ما تفوق ولو انا بعجبك لا كمان الواحد لما بيعمل شي بيحبو بيأبدع فيه وعقبال ما تلاقي شغل انت التانية
ومشان الأكل والله مابعرف عم اشرب حليب وآكل كل مشتقات الحليب بس أنا ماباكل لحم ابدا باكل جاج بس عالخفيف كتير وسمك أحيانا بس اوقات بيمر علي جمعة أو أكتر مابحط بتمي قطعة لحمة مابعرف اذا هالشي بياثر واذا في شي يعوض لأني ما لي مراق كتير باللحم مثلا بعمل فريكة كبسة ملوخية بسكب بصحني بس مابحط بصحني ولا قطة لحمة أو جاج الجاج ممكن آكلو بروستد وبيني وبينك عم حس حالي معي فقر دم اليوم الصبح فقت لصلي الفجر ودخت نزل ضغطي شفت نجوم الضهر
يعني مع اني عم آكل خضرة وفواكي وعم اعمل تبولة لأنو فيها بقدونس والبقدونس مفيد بس مابعرف كيف بدي عوض عن اللحمة انصحيني

شامية للعظم
09/05/2010, 06:09 PM
عروسة الميدان وينك من يومين عسى يكون خير

لولية يا هلا ياهلا فيكي اشتقنالك والله يقويك وان شالله بتفرحي ببناتك كلن يارب

الدمشقية
10/05/2010, 03:31 AM
السلام عليكم ورحمة الله وبركاته
والله والله والله اشتقتلكم كوماااايات كومااايات واول رد الي بعروس بعد هالانقطاع هو هلأ حتى اطمنكم عني واسمع اخباركم

كاتس حيووووتي وصمصومة قلبنا انتي والله ,,, اشتقنالك كتيير والحمد لله انك وتالا بخير يارب دووم والله يطعمك زيارة الرسول ومكة ان شالله
لاني والله انبسطنا كتير وتمنيناها لكل محب ومشتاق ودعينا للكل وربي يتقبل
طمنيني كيف طلع سعرك واللوك الجديد ان شالله متل مابدك ؟ وان شالله ريتو الف نعيما

********
شامية العسل مية وردة لك ان شالله الف الف الف مبروك وربي يتمم بالخير والله فرحتلك من قلبي وربي يرزقك الذرية الصالحة والخلقة التامة
نتي بتستاهلي كل خير ... وخير ماعملتي بخصوص الوصفة الشعبية وخصوصي باين من مكوناتها انها قوية ومضمونة واكيد الاتكال على الله قبل
كل شي ... متل ماقالت كاتس الفوليك مهم كتييير بهالاشهر الاولى لا تنسيهم ابدا وحاولي تاكلي اكتر شي الاكلات اللي فيها كالسيوم لانها اساسية
بتكوين البيبي ويعني معليش اغصبي على حالك وكل من كل نوع ولو شي قليل لان الحمل والولادة بدو صحة وقوة

ومبروك منشان الاختبار انتي شطوورة ماشالله ومابينخاف عليكي وان شالله من تفوق لتفوق يااارب

**********

لولية الحلوة الله يقويكي يارب وتخسري الوزن اللي بدك ياه وان شالله بتفرحي ببنوتك الوسطانية وبتشوفيهم كلهم امهات وجدات كمان
والله يقوكي الحال من بعضو وهالدنيا تلاهي والله لا يلهينا عن ذكره

***********

عروسة الميدان اهلا وسهلا فيي معنا ونورتي ياحلوة اتشرفنا بمعرفتك وربي يخليلك الحلوة بنوتك .. وعمان قريبة للشام يعني ماتعتبر غربة كبيرة
وياترى يعني زوجك اردني ولا سوري بس مغتربين ؟
اعرفك عن نفسي انا دمشقية متزوجة ومقيمة بالسعودية صارلي 8 سنين ونص
وعندي ولد اسمه محمود عمره سبعة تقريبا وعندي بنوتي اسمها شام عمرها خمسة تقريبا ..... وبس

الدمشقية
10/05/2010, 03:37 AM
اما عن اخبارنا فبيض الله وجه سورية ماقصرت نقلتلكم الاخبار كلها وطمنتكم عنا
والله ملتهية مع ضيووفي على الاخر ومافي وقت عندي ابدا ويوم الاربعا من غير شر مسافرين وقتها بفضالكم تمام وبعوض الناقص ان شالله
اليوم والله جبت سورية من بكير لعنا حتى نتسلى مع بعض وقلنالها تعملنا زربيان بيطلع بيجنن من ايدها وعذبناها وطبختلنا وطلع شي ناااهي اشتهيتكم والله
وكمان احتفلنا بذكرى زواج اختنا اللي جاية من سوريا وعملنالهم بارتي صغير ويعني غيرنا جو ... راح استفقد لالها والله تقبر قلبي هي قبل اخر النقود ودلووعة وربي يرزقها الخلف الصالح يارب ادعولها اماانة

لي عودة ان شالله ,,, امممموووواا بحبكم والله

CATS_ANGEL
10/05/2010, 10:50 AM
كاتس شو تفوق ما تفوق ولو انا بعجبك لا كمان الواحد لما بيعمل شي بيحبو بيأبدع فيه وعقبال ما تلاقي شغل انت التانية
ومشان الأكل والله مابعرف عم اشرب حليب وآكل كل مشتقات الحليب بس أنا ماباكل لحم ابدا باكل جاج بس عالخفيف كتير وسمك أحيانا بس اوقات بيمر علي جمعة أو أكتر مابحط بتمي قطعة لحمة مابعرف اذا هالشي بياثر واذا في شي يعوض لأني ما لي مراق كتير باللحم مثلا بعمل فريكة كبسة ملوخية بسكب بصحني بس مابحط بصحني ولا قطة لحمة أو جاج الجاج ممكن آكلو بروستد وبيني وبينك عم حس حالي معي فقر دم اليوم الصبح فقت لصلي الفجر ودخت نزل ضغطي شفت نجوم الضهر
يعني مع اني عم آكل خضرة وفواكي وعم اعمل تبولة لأنو فيها بقدونس والبقدونس مفيد بس مابعرف كيف بدي عوض عن اللحمة انصحيني


شامية انا هيك رح ابدى ازعل كتير :mad: شو هيدا بحبو ولا ما بحبو ما بصير ابدا ابدا لازم كل اسبوع حصة من اللحمة و حصة من الجاج و حصة او حصتين من السمك هيدا و اذا الشخص مو حامل كيف لو حامل هيدا البيبي امانة بين ايديكي هلأ و انتي بتعرفي اكتر منا كيف تغلبتي لحتى الله رزقك في ولازم تحافظي عليه... الحليب و منتجاتة و البيض هيدا اشي اساسي كل يوم يعني الصبح كاسة حليب بدون نسكافية :mad: اذا عندك حبيبات شوكلاتة او سادة مع بيضتين مسلوقات انا كنت اكلهم بدون خبز لانو بشبع بسرعة :o
و اذا ما بتحبي اللحمة و الجاج في اي طبخة قطعيهم قطع صغيرة و اخلطي مع الاكلة يعني لحتى ما يبين طعمها معك بس لازم توكلي باي طريقة و فكري في البيبي :adore:
و اعملي فحص دم و اعطيه لدكتورتك و هي بتشوف اللازم و ما في شي بعوض عن شي سبحان الله كل شي الو فوائد
و صحتك و صحة البيبي ضرورية يوم الولادة بتصدقي انا لولا صحت تالا كانت منيحة يوم الولادة لا سمح الله كنت خسرتها لانو تعبنا كتير انا و هي و بقيت 3 ايام لحتى ولدتها و هي ضعفت بهيدول ال3 ايام يعني صحتها فادتها و فادتني
بعرف تقلت عليكي بس لاني مجربة ما بدي حد يمر بيلي مريتو لهيك عم موت مية موتة بس افكر بالحمل و الولادة و ان شاء الله يتمملك على خير و تفرحي باحلى بيبي :L:

CATS_ANGEL
10/05/2010, 12:14 PM
يا هلااااااااا بدمشقية و ان شاء الله و جهك ابيض على طول يا رب و يديمكم لبعض و ما يحرمكن من هالجمعات الحلوة

الله ينعم عليكي يا رب اي طلعت القصة و اللون كتير حلوين شفتي الصورة يلي بتوقيعي نفس اللون بس انا قصيت شعري قصير كتير لاني مليت من الطويل و الصيف بدو لوك جديد ما هيك
بدي اسالكم بتعرفو حمام الشعر باناويلا انا الي فترة بستعملو بس اتفاجئت انو صاحبة الصالون بتقولي انو الشركة ما عادت منيحة متل اول و هلأ مش عارفة شو اجيب نوع تاني هي نصحنتني في بانتين بديل الزيت ما بعرف شو رايكن و بتعرفو فترة الصيف الشعر بدو هيك شغلات اكتر من الشتا
و ان شاء الله بطعمنا الحج و العمرة سوا يا رب

CATS_ANGEL
10/05/2010, 12:23 PM
اما عن اخبارنا فبيض الله وجه سورية ماقصرت نقلتلكم الاخبار كلها وطمنتكم عنا
والله ملتهية مع ضيووفي على الاخر ومافي وقت عندي ابدا ويوم الاربعا من غير شر مسافرين وقتها بفضالكم تمام وبعوض الناقص ان شالله
اليوم والله جبت سورية من بكير لعنا حتى نتسلى مع بعض وقلنالها تعملنا زربيان بيطلع بيجنن من ايدها وعذبناها وطبختلنا وطلع شي ناااهي اشتهيتكم والله
وكمان احتفلنا بذكرى زواج اختنا اللي جاية من سوريا وعملنالهم بارتي صغير ويعني غيرنا جو ... راح استفقد لالها والله تقبر قلبي هي قبل اخر النقود ودلووعة وربي يرزقها الخلف الصالح يارب ادعولها اماانة

لي عودة ان شالله ,,, امممموووواا بحبكم والله


ايه سوريا كانت في بث مباشر من قلب الحدث :lol:

شو هي هيدي الطبخة كنت بدي اسالك عنها قبل هالمرة و نسيت اسمها غريب كتير:)

كم سنة اختك الها متزوجة و ما شاء الله الله يديم الفرح عليكم يا رب
و الله يعطيها احلى بيبي و نفرح فيها هي و شامية مع بعض و الله كريم F:F:F:F:

عم نستناكي لا تتاخري

CATS_ANGEL
10/05/2010, 12:29 PM
حبيبتي شامية هيدي مجموعة نصايح ان شاء الله تفيدك

الأطعمة والمشروبات الممنوعة (وممنوعة كلمه كافيه انو ابداً ما ناكلها اثناء الحمل)

- الامتناع عن شرب المنبهات مثل الشاي والقهوة والمشروبات الغازيه (بالاحرى اي مشروب بيحتوي على الكافيين)
- عدم أكل كبد الغنم أو البقر أو كبد الدجاج ( لأحتوائها على فيتامين A،، ولو بتعرفو ئديش هالفيتامين خطر على صحة البوبو )
-طبعاً زي ما قلت انو فيتامين أ مضر جداً ولازم نبتعد عنو كحوامل،، والسبب الرئيسي للابتعاد عنو هو (انو هالفيتامين بيعمل تشوهه خلقي للاجنه الله يبعد هالشي عن كل الامهات الحوامل) ولهيك لازم نمتنع عن أكل الجزر والأناناس والبابايا.
-طبعاً المتناع عن اكل البيض الغير مطبوخ (النيء) أو ايا نوع لحمه مش مطبوخه بشكل كافي ،، ونحنا بلادنا معروفه بالكبه النيه اوعك ثم اوعك تقربيلها لانها خطر كبير
-عدم أكل الاجبان الغير مطبوخه متل الفيتا
-ما تقربي لخل التفاح بالاكل والسلطات

الاكلات المفيده
-اول شي واهم شي للحوامل شرب المااااااااااااااااء
-وطبعاً ما ننسى الحليب
-وناكل اغذيه مفيده للام والطفل يعني طبخات البيت ونقلل من الاكل الجاهز
-طبعاً الاكثار من اكل الفواكه والخضره (من الفواكه المفيده البرتقال والكيوي) (ومن الخضره كتري البقدونس والبروكلي ونوعي بالخضره التانيه)
-طبعا عشان نسهل عمليه الهضم للماما الحامل لازم ناكل اطعمة مليانه بالالياف أو الحبوب.
-يفضل اكل الزبيب لانو فيو فوائد صحيه

بالنسبه للتمر ومع انو فوائدو عديده بس الام الحامل ما تاكل منو باول فتره حملها لانو بيحمي الطلق يفضل اكلو من الشهر التامن وطالع
-وطبعاً اكيد كلكن بتعرفو خطر القرفه للحوامل

أمـ علآوي ـ
11/05/2010, 12:31 PM
~ ✿ شاورما الدجاج من تحت إيديا وحيات عنيا { بالصور } ✿ ~ (http://forums.3roos.com/showthread.php?t=534297)

سورية وبفتخر
12/05/2010, 09:42 AM
صباح الخيرات والليرات على احلى صبايا كيفكم ياحلويين وحشتوني
كاتس الامورة الله يسعد صباحك وربي يطعمك زيارة الكعبة والرسول عليه الصلاة والسلام والروحة برمضان كتير حلوة ولاتستني الزحمة تخف لأنه ماشاء الله دائما زحمة بكل الاوقات
وبالنسبة للتشققات والله جسمي تشوه ومشي حاله من لما حملت بجودي يالله الحمدلله هي ضريبة الامومة ههههههههه
شامية الشحرورة الله يسعدصباحك وانتي ان شاء الله ربي بيطعمك زيارة بيته الحرام
وماشاء الله هي كاتس ماقصرت فيكي بقى اسمعي الكلام وانتبهي على حالك وعلى البيبي ربي يتمملك على خير يارب

سورية وبفتخر
12/05/2010, 09:53 AM
اخر الانباء من قناة سورية :lol::lol:
اليوم من غير شر اختي مسافرة عالشام طيارتها عالساعة خمسة العصر الله ييسرلها يارب اختي الها سنتين متزوجة يعني طبقت السنتين عنا ولهلأ ماحملت ادعولها ربي يطعمها ويطعم كل محروم يارب وان شاء بأقل من شهر بيكونوا اهلي عنا عشان ولادتي قدموا اوراقهم من زمان ومابقى الا تطلع وبدهم يستنوني ادخل بشهري ويجوا
كاتس بالنسبة للزربيان فهو قريب للمندي بس الزربيان بيجي الرز تلات الوان لأنه منعمله طبقات الطبقة الاولى بتكون حمرة يعني صلصة الكبسة العادية والطبقة التانية بيضة والطبقة التالتة منحط للرز صبغة واذا عملناه بالدجاج مامنسلق الدجاج بس منقليه بالزيت نص قلية ومنكمل طبخه مع الصلصة والرز واذا باللحم طبعا اللحم بده سلق طبعا ان شاء الله شي مرة بساويه وبصورلكم ياه

CATS_ANGEL
12/05/2010, 01:39 PM
صباح الخيرات والليرات على احلى صبايا كيفكم ياحلويين وحشتوني
كاتس الامورة الله يسعد صباحك وربي يطعمك زيارة الكعبة والرسول عليه الصلاة والسلام والروحة برمضان كتير حلوة ولاتستني الزحمة تخف لأنه ماشاء الله دائما زحمة بكل الاوقات
وبالنسبة للتشققات والله جسمي تشوه ومشي حاله من لما حملت بجودي يالله الحمدلله هي ضريبة الامومة ههههههههه
شامية الشحرورة الله يسعدصباحك وانتي ان شاء الله ربي بيطعمك زيارة بيته الحرام
وماشاء الله هي كاتس ماقصرت فيكي بقى اسمعي الكلام وانتبهي على حالك وعلى البيبي ربي يتمملك على خير يارب

بقول ليش الشات منور كيفك طولتي الغيبة F:

لا حبيبتي بدك تديري بالك على حالك منيح بعدك صغيرة بس تولدي على خير ان شاء الله لازم تشتغلي في حالك منيح بعرف انو صعب بوجود 3 اطفال بس لازم تلاقي وقت لحالك و اهم شي الرياضة
انا يلي ساعدني من اول ما عرفت اني حامل بلشت ادهن بعد كل حمام و الحمد لله ما صارلي شي تشققات و كملت رياضة بعد ما ولدت و رجعت متل الاول و بدي انتي كمان ترجعي تهتمي بحالك و في خلطات كتيرة على النت :thumbs_up:


اخر الانباء من قناة سورية :lol::lol:
اليوم من غير شر اختي مسافرة عالشام طيارتها عالساعة خمسة العصر الله ييسرلها يارب اختي الها سنتين متزوجة يعني طبقت السنتين عنا ولهلأ ماحملت ادعولها ربي يطعمها ويطعم كل محروم يارب وان شاء بأقل من شهر بيكونوا اهلي عنا عشان ولادتي قدموا اوراقهم من زمان ومابقى الا تطلع وبدهم يستنوني ادخل بشهري ويجوا
كاتس بالنسبة للزربيان فهو قريب للمندي بس الزربيان بيجي الرز تلات الوان لأنه منعمله طبقات الطبقة الاولى بتكون حمرة يعني صلصة الكبسة العادية والطبقة التانية بيضة والطبقة التالتة منحط للرز صبغة واذا عملناه بالدجاج مامنسلق الدجاج بس منقليه بالزيت نص قلية ومنكمل طبخه مع الصلصة والرز واذا باللحم طبعا اللحم بده سلق طبعا ان شاء الله شي مرة بساويه وبصورلكم ياه


متل ما ودعتو تلاقو حبيبتي سورية و عقبال ما تفرحو بجية اهلك يا رب بالسلامة
و الله يطعم اختك احلى بيبي و ان شاء الله بس توصل بتفرحكم انها حامل :L:

شهيتيني اتفرج عليها شكلو منظرها بيطلع حلو لهيدي الاكلة شو نوع الصبغة يلي بتحطوها شو بكون اللون شو حابة اشوفها ^o)

عروسة الميدان
13/05/2010, 03:05 PM
السلام عليكم ورحمة الله وبركاته
كيفكن اشتقتلكن ، أهلي عندي مشغولة كتير كتيييير
ادعولي يمكن سافر عكويت ادعولي مابدي سافر مشان الله ،،، بدي ضلني هون .

الياسمينة السمرا
13/05/2010, 03:58 PM
مرحبا صبايا كيفكون
كنت عم اقرا اخباركون بس ما لحقت اقراها كلها لانو مستعجلة حرام جوز بنت خالي اتوفى بحادث سير يا علي شب اول عمرو وبنت خالي صبية اكبر بنت عندها 10 سنين ف بدي روح لعندونه شوي


شامية مبروك الحمل عن جد فرحتلك من كل قلبي الله يتمم عليكي يارب وتصيري احلى ماما وديري بالك ع حالك وما شاء الله الصبايا ما قصرو بالنصايح

الياسمينة السمرا
13/05/2010, 04:02 PM
اما اخباري فهي متل ما هي عم استكمل الاغراض اللي ناقصتني وحاليا عم شك فستان سهرة ع ايدي وكتير عم ياكل مني وقت يعني بقضي كل السهرة وانا راسي براس هالفستان
وربطنا ع الدهان من شان يجي يدهن البيت يمكن نبلش الاسبوع الجاي
وبكرا مسافرين ع حلب انا وخطيبي من شان نجيب مرت عمي من المطار جاي من الامارات كانت عند ابن حماي (مرت عمي بتكون خالتو مرت ابوه لخطيبي ) لانو حماتي متوفية


صبايا مون بتسلم عليكون كتير السلام وهي كتير اشتاقتلكون ويا حرام كمان ملتاشة بنزلة السواق مع اختها لانو عرسها بأخر الشهلر وما عم يصحلها تدرس

الياسمينة السمرا
13/05/2010, 04:08 PM
لولية كيفك حياتي وشو عم تعملي هالايام
طلي علينا
دمشقية الله يعطيكي العافية اكيد ملتهية مع ضيوفك

الياسمينة السمرا
13/05/2010, 04:09 PM
سلام
بشوفكون

شامية للعظم
13/05/2010, 08:08 PM
يسعد مساكم وصباحكم اشتقتلكم

صحيح من يومين ما فتت بس والله أول ما صحلي دغري أول رابط بفتحو المنتدى والشات

طبعا انا حكيتلكن قصة مسلسل قطع الكهربا عنا من يومين انقطعت وزوجي شغل المولد اجت فيها الكهربا قوية قام احترق الهارد والشاشة تبع الكمبيوتر الهارد شغلتو بتكون عادة بسيطة في جواتو منظم للكهربا بيحترق بس الشاشة ما اكتشفناها الا بعد ما جبنا الهارد وشاحن موبايلي والله الاساسي كمان احترق

المهم الشاشة اخدناها اليوم عالتصليح ما بتخلص للسبت قام زوجي استعارلي شاشة من شغلو مشان ما يضيق خلقي بالعطلة وأول ما فتحت الكمبيوتر دغري عالشات

شامية للعظم
13/05/2010, 08:11 PM
شامية انا هيك رح ابدى ازعل كتير :mad: شو هيدا بحبو ولا ما بحبو ما بصير ابدا ابدا لازم كل اسبوع حصة من اللحمة و حصة من الجاج و حصة او حصتين من السمك هيدا و اذا الشخص مو حامل كيف لو حامل هيدا البيبي امانة بين ايديكي هلأ و انتي بتعرفي اكتر منا كيف تغلبتي لحتى الله رزقك في ولازم تحافظي عليه... الحليب و منتجاتة و البيض هيدا اشي اساسي كل يوم يعني الصبح كاسة حليب بدون نسكافية :mad: اذا عندك حبيبات شوكلاتة او سادة مع بيضتين مسلوقات انا كنت اكلهم بدون خبز لانو بشبع بسرعة :o
و اذا ما بتحبي اللحمة و الجاج في اي طبخة قطعيهم قطع صغيرة و اخلطي مع الاكلة يعني لحتى ما يبين طعمها معك بس لازم توكلي باي طريقة و فكري في البيبي :adore:
و اعملي فحص دم و اعطيه لدكتورتك و هي بتشوف اللازم و ما في شي بعوض عن شي سبحان الله كل شي الو فوائد
و صحتك و صحة البيبي ضرورية يوم الولادة بتصدقي انا لولا صحت تالا كانت منيحة يوم الولادة لا سمح الله كنت خسرتها لانو تعبنا كتير انا و هي و بقيت 3 ايام لحتى ولدتها و هي ضعفت بهيدول ال3 ايام يعني صحتها فادتها و فادتني
بعرف تقلت عليكي بس لاني مجربة ما بدي حد يمر بيلي مريتو لهيك عم موت مية موتة بس افكر بالحمل و الولادة و ان شاء الله يتمملك على خير و تفرحي باحلى بيبي :L:

حبيبة قلبي والله عم حاول متل ما قلتي لحمة ناعمة يعني افضل شوي ومشان فقر الدم انا سألت ماما قالتلي أول أعراض الوحام نزول ضغط وفعلا بعد اليوم يلي نزل فيه ضغطي عم حس بنفسي عم تخبط خبط ولي هالشعور ما اسئلو بيحس الواحد انو دايما حاسس حالو رح يستفرغ العفو بقى الله يعيني كاتس احكيلي عن فترة وحامك كيف كانت وكم شهر ضلت

شامية للعظم
13/05/2010, 08:13 PM
حبيبتي شامية هيدي مجموعة نصايح ان شاء الله تفيدك

الأطعمة والمشروبات الممنوعة (وممنوعة كلمه كافيه انو ابداً ما ناكلها اثناء الحمل)

- الامتناع عن شرب المنبهات مثل الشاي والقهوة والمشروبات الغازيه (بالاحرى اي مشروب بيحتوي على الكافيين)
- عدم أكل كبد الغنم أو البقر أو كبد الدجاج ( لأحتوائها على فيتامين A،، ولو بتعرفو ئديش هالفيتامين خطر على صحة البوبو )
-طبعاً زي ما قلت انو فيتامين أ مضر جداً ولازم نبتعد عنو كحوامل،، والسبب الرئيسي للابتعاد عنو هو (انو هالفيتامين بيعمل تشوهه خلقي للاجنه الله يبعد هالشي عن كل الامهات الحوامل) ولهيك لازم نمتنع عن أكل الجزر والأناناس والبابايا.
-طبعاً المتناع عن اكل البيض الغير مطبوخ (النيء) أو ايا نوع لحمه مش مطبوخه بشكل كافي ،، ونحنا بلادنا معروفه بالكبه النيه اوعك ثم اوعك تقربيلها لانها خطر كبير
-عدم أكل الاجبان الغير مطبوخه متل الفيتا
-ما تقربي لخل التفاح بالاكل والسلطات

الاكلات المفيده
-اول شي واهم شي للحوامل شرب المااااااااااااااااء
-وطبعاً ما ننسى الحليب
-وناكل اغذيه مفيده للام والطفل يعني طبخات البيت ونقلل من الاكل الجاهز
-طبعاً الاكثار من اكل الفواكه والخضره (من الفواكه المفيده البرتقال والكيوي) (ومن الخضره كتري البقدونس والبروكلي ونوعي بالخضره التانيه)
-طبعا عشان نسهل عمليه الهضم للماما الحامل لازم ناكل اطعمة مليانه بالالياف أو الحبوب.
-يفضل اكل الزبيب لانو فيو فوائد صحيه

بالنسبه للتمر ومع انو فوائدو عديده بس الام الحامل ما تاكل منو باول فتره حملها لانو بيحمي الطلق يفضل اكلو من الشهر التامن وطالع
-وطبعاً اكيد كلكن بتعرفو خطر القرفه للحوامل


يسلمو عالنصائح حبيبتي

بس أكتر شي استغربت وخفت منو الجزر لأني أكلت جزر فكري عم اعمل منيحة لأني بحب الجزر كتير وهون عنا طيب وظريف

شامية للعظم
13/05/2010, 08:15 PM
صباح الخيرات والليرات على احلى صبايا كيفكم ياحلويين وحشتوني
كاتس الامورة الله يسعد صباحك وربي يطعمك زيارة الكعبة والرسول عليه الصلاة والسلام والروحة برمضان كتير حلوة ولاتستني الزحمة تخف لأنه ماشاء الله دائما زحمة بكل الاوقات
وبالنسبة للتشققات والله جسمي تشوه ومشي حاله من لما حملت بجودي يالله الحمدلله هي ضريبة الامومة ههههههههه
شامية الشحرورة الله يسعدصباحك وانتي ان شاء الله ربي بيطعمك زيارة بيته الحرام
وماشاء الله هي كاتس ماقصرت فيكي بقى اسمعي الكلام وانتبهي على حالك وعلى البيبي ربي يتمملك على خير يارب

لك تسلميلي على هالدعوة الحلوة وعلى سلامتك بعدين جد خدي بنصائح كاتس لأنو عنجد أنا قرأت كتير أنو هي التشققات ما دواها الا الترطيب الدائم

وان شالله بيجو اهلك بالسلامة والله يطعم اختك الحمل يارب وينك جد انصحيها بالخلطة يلي قلتلك عليها اذا ماعندن مشاكل طبعا هي مفيدة انا قرات عالنت أنو بتزيد حجم البويضة 3 أضعاف وطبعا اذا الرجال كمان أخدها بيزيد عدد الحيوانات المنوية بشكل كبير كمان

شامية للعظم
13/05/2010, 08:17 PM
السلام عليكم ورحمة الله وبركاته
كيفكن اشتقتلكن ، أهلي عندي مشغولة كتير كتيييير
ادعولي يمكن سافر عكويت ادعولي مابدي سافر مشان الله ،،، بدي ضلني هون .

خير ان شالله وانت لاتقولي بدي سافر ومابدي ضللي قولي الله يختارلي يلي فيه الخير
وضللي اتذكري عسى ان تكرهو شيئا وهو خير لكم

شامية للعظم
13/05/2010, 08:20 PM
مرحبا صبايا كيفكون
كنت عم اقرا اخباركون بس ما لحقت اقراها كلها لانو مستعجلة حرام جوز بنت خالي اتوفى بحادث سير يا علي شب اول عمرو وبنت خالي صبية اكبر بنت عندها 10 سنين ف بدي روح لعندونه شوي


شامية مبروك الحمل عن جد فرحتلك من كل قلبي الله يتمم عليكي يارب وتصيري احلى ماما وديري بالك ع حالك وما شاء الله الصبايا ما قصرو بالنصايح


الله يبارك فيك يارب وعقبال عندك ان شالله نفرح فيك عن قريب تسلميلي الله يفرحك دائما


اما اخباري فهي متل ما هي عم استكمل الاغراض اللي ناقصتني وحاليا عم شك فستان سهرة ع ايدي وكتير عم ياكل مني وقت يعني بقضي كل السهرة وانا راسي براس هالفستان
وربطنا ع الدهان من شان يجي يدهن البيت يمكن نبلش الاسبوع الجاي
وبكرا مسافرين ع حلب انا وخطيبي من شان نجيب مرت عمي من المطار جاي من الامارات كانت عند ابن حماي (مرت عمي بتكون خالتو مرت ابوه لخطيبي ) لانو حماتي متوفية


صبايا مون بتسلم عليكون كتير السلام وهي كتير اشتاقتلكون ويا حرام كمان ملتاشة بنزلة السواق مع اختها لانو عرسها بأخر الشهلر وما عم يصحلها تدرس

الله يعطيك ألف عافية وياعيني نيالو خطيبك فيك شغل برا البيت وشغل بالبيت لاء وست بيت وبتطبخ كل شي كمان ماشالله عنك

وامانة سلميلنا على مون كتير كتير يالله لو كان صار عرس أختها وهي بقطر كانت بدها تضايق كتير اذا ما حضرتو الاخوات مالن غير بعض