المساعد الشخصي الرقمي

مشاهدة النسخة كاملة : رابطة امهات واطفال مصر لشهر ربيع الثاني (كل عام وانتم بخير واحسن حال)....



الصفحات : [1] 2 3 4 5 6 7 8 9 10 11 12 13 14 15 16

رعشة قلب
16/03/2010, 04:20 PM
http://www.3roos.com/files/ups/2010/57035/01268746069.gif




اللهم اجعله تجمع كله خير وحب وفائدة لينا ولاطفالنا

ربنا يبارك لنا فيهم ويحفظهم من كل سوء


امييييييييييييين






http://www.3roos.com/files/ups/2010/57035/11268746497.gif

شهيدة
16/03/2010, 04:29 PM
مبرووووك التجمع والشهر الجديد
يارب يكون خير علينا وعالامة الاسلاميه كلها

ازيك يا شيماء؟ واخبار حسن والحمل معاكى ايه؟

"أم حمودى وفلة"
16/03/2010, 04:35 PM
السلام عليكم
مبارك التجمع الجديد
ربنا يجعله فاتحة خير علينا وعلى اولادنا

شهيدة
16/03/2010, 04:35 PM
كل البناتيت العسولات في تجمعنا الجميل

يارب تكونو بخير وولادكم في احسن حال

بالله عليكم ما تنسو المسجد الاقصى واخواتنا في القدس وفلسطين كلها من دعواتكم

"أم حمودى وفلة"
16/03/2010, 04:36 PM
ازيك ياشوشو وازى صحتك دلوقتى
واخبار عمر ايه دلوقتى يارب يكون يقه احسن؟؟

شهيدة
16/03/2010, 04:36 PM
ازيك يا سالي؟ وازى حمودى؟
طمنينى عليكى
اخبارك ايه دلوقتى

رعشة قلب
16/03/2010, 04:36 PM
ازيك شهيدة

ازيك سالي

ربنا يجعله تجمع كله حب وخير

شهيدة
16/03/2010, 04:37 PM
الحمد لله يا سالي
عمر بياخد كورس مضاد حيوي محترم وغالبا هيستمر لمده شهر
ربنا هو الشافي
الحمد لله

شهيدة
16/03/2010, 04:37 PM
الحمد لله يا شيماء

اللهم امين

"أم حمودى وفلة"
16/03/2010, 04:38 PM
حسبى الله ونعم الوكيل
اللهم اجعل كيدهم فى نحورهم
وزلزل الارض من تحت اقدامهم
انا اول ما عرفت افتكرت الاية الكريمة

((ولا تحسبن الله مخلف وعده رسله ان الله عزيز ذو انتقام))الى اخر الايات
وربنا مش هيسيبهم يعملو كده وقادر ينزل عليهم طيرا ابابيل زى ما عمل مع ابرهه لما كانو عاوز يهدم الكعبة
ربنا كريم اوى

شهيدة
16/03/2010, 04:40 PM
سالي
كنت عايزة اسالك على حاجه
انا فاكرة انك كنتى بتشتكى من سنانك وانتى حامل صح؟
عملتى ايه فيها؟
اصل عندى الام رهيبه وغالبا عندى التهاب في اللثه محترم بالاضافه لانى كنت بدات قبل الحمل اعالج سنانى وطبعا وقفت في النص والحشو المؤقت وقع ويظهر التسوس رجع تانى

الله يسامحها الدكتورة مش تشلي ضرس العقل لا عالجته وطلع اى كلام والتسوس رجع بقوة

"أم حمودى وفلة"
16/03/2010, 04:40 PM
ازيك يا سالي؟ وازى حمودى؟
طمنينى عليكى
اخبارك ايه دلوقتى

الحمد لله يا شوشو بس لسه تعبانة والله
بيجيلى مغص وتشنجات كتير فى بطنى
وطبعا لسه الالتهابات مبهدلانى
الحمد لله على كل حال
وحمودى بخير بس مش راضى ياكل خالص مجننى وخس جدا ووشه بقه قد اللقمة
ولسه الصيف داخل والعار هيبان لما نخفف الهدوم ههههههههههههه

شهيدة
16/03/2010, 04:43 PM
حسبى الله ونعم الوكيل
اللهم اجعل كيدهم فى نحورهم
وزلزل الارض من تحت اقدامهم
انا اول ما عرفت افتكرت الاية الكريمة

((ولا تحسبن الله مخلف وعده رسله ان الله عزيز ذو انتقام))الى اخر الايات
وربنا مش هيسيبهم يعملو كده وقادر ينزل عليهم طيرا ابابيل زى ما عمل مع ابرهه لما كانو عاوز يهدم الكعبة
ربنا كريم اوى

اللهم امين

والله يا سالي الواحد مش عارف يقول ايه ولا يعمل ايه
زمن المعجزات انتهى والامة في سبات عميق
" ان الله لا يغير ما بقوم حتى يغيرو ما بانفسهم"
تفتكرى ربنا هينصرنا والامة وضعها كده وكل شويه حته تتاخد منها ..
ربنا يلطف بينا ويردنا اليه مردا جميعا
ويحقن دماء اخواتنا ويحفظ المسجد الاقصى الاسير ويرده الينا

"أم حمودى وفلة"
16/03/2010, 04:44 PM
سالي
كنت عايزة اسالك على حاجه
انا فاكرة انك كنتى بتشتكى من سنانك وانتى حامل صح؟
عملتى ايه فيها؟
اصل عندى الام رهيبه وغالبا عندى التهاب في اللثه محترم بالاضافه لانى كنت بدات قبل الحمل اعالج سنانى وطبعا وقفت في النص والحشو المؤقت وقع ويظهر التسوس رجع تانى

الله يسامحها الدكتورة مش تشلي ضرس العقل لا عالجته وطلع اى كلام والتسوس رجع بقوة

الف سلامة عليكى يا شوشو
هو فعلا درس العقل كان تاعبنى اوى فى اول الحمل وكان بيطلع عندى فى اللثة وطبعا عامل التهاب رهيب جمبه فى اللثة والدكتور قالى نشيله بس بعد ما يروح الالتهاب
فكتبلى اوجمنتين وده طبعا سيف فى الحمل ومعجون اسمه e_z وغرغرة بس الحمد لله الالتهاب راح والمفروض كنت اروح اشيله بس انا خفت بصراحة من البنج فى الحمل وكمان اول مرة اخلع فقلت بعد الولادة بقه..

"أم حمودى وفلة"
16/03/2010, 04:46 PM
اللهم امين

والله يا سالي الواحد مش عارف يقول ايه ولا يعمل ايه
زمن المعجزات انتهى والامة في سبات عميق
" ان الله لا يغير ما بقوم حتى يغيرو ما بانفسهم"
تفتكرى ربنا هينصرنا والامة وضعها كده وكل شويه حته تتاخد منها ..
ربنا يلطف بينا ويردنا اليه مردا جميعا
ويحقن دماء اخواتنا ويحفظ المسجد الاقصى الاسير ويرده الينا

امين يارب
عارفة يا شوشو كنت لسه بقول لماما مبقناش زى زمان ربنا سبحانه وتعالى كان بيبعت ايات وعلامات
دلوقتى فعلا حالنا هو اللى منع عطاءات ربنا عننا
ربنا يلطف بينا جميعا

"أم حمودى وفلة"
16/03/2010, 04:49 PM
بنات هاقوم اصلى العصر واجى تانى بأمر الله

شهيدة
16/03/2010, 04:50 PM
الف سلامة عليكى يا شوشو
هو فعلا درس العقل كان تاعبنى اوى فى اول الحمل وكان بيطلع عندى فى اللثة وطبعا عامل التهاب رهيب جمبه فى اللثة والدكتور قالى نشيله بس بعد ما يروح الالتهاب
فكتبلى اوجمنتين وده طبعا سيف فى الحمل ومعجون اسمه e_z وغرغرة بس الحمد لله الالتهاب راح والمفروض كنت اروح اشيله بس انا خفت بصراحة من البنج فى الحمل وكمان اول مرة اخلع فقلت بعد الولادة بقه..
سلامتك الف سلامة يا حبيبتى
تقريبا نفس المشكله بس الضرس كان سوس وبدات اخد اوجمنتين فعلا بس من نفسي لانى فعلا عارفه انه سيف
بس الالم رهيييييييييييييييب فعلا
لدرجه كنت بحس الوجع طالع من سنانى لقمة الراس
وحاليا باخد اوجمنتين ولما الوجع يزيد اوى باخد بنادول

شهيدة
16/03/2010, 04:52 PM
بنات هاقوم اصلى العصر واجى تانى بأمر الله
وانا كمان هاقوم اصلي

هيا شيماء راحت فين؟

"أم حمودى وفلة"
16/03/2010, 04:58 PM
انا جيييييييييييت
صحيح شيماء قين ؟؟
يمكن راحت تصلى هيا كمان

"أم حمودى وفلة"
16/03/2010, 05:00 PM
طب عن إذنكم يا بنات
انا هاروح اتغدى واجى ان شاء الله

شهيدة
16/03/2010, 05:10 PM
محدش هنا..

"أم حمودى وفلة"
16/03/2010, 05:45 PM
http://forums.3roos.com/showthread.php?t=520521

رعشة قلب
16/03/2010, 06:13 PM
انا جييييت

معلش بنات حسن كان عايز ينام وبيزن

فروحت غديته ونيمته وصليت واتغديت

ههههههههههههههههه

يعنى عملت كل حاجه



.

mokka
16/03/2010, 06:31 PM
مبروك يا امهات التجمع الجديد وربنا يهدى اولادنا ويحفظهم ويبارك فيهم
سالى وشهيدة ربنا يشفيكوا ويعافيكوا ويقويكوا على الحمل انتم وشيماء وهوبا وكل الحوامل

mokka
16/03/2010, 06:40 PM
والله حرام اللى بيحصل فى المسجد الاقصى وفى المسجد الابراهيمى ربنا ينتقم منهم وينصرنا يارب اميييييييييييييين

عطرالحياةالياسمين
16/03/2010, 11:27 PM
اهلا بالحلوووووين وحشتوووووووووووووووووني قوووووووووووووووووووي
مبروك عليكم التجمع الجديد كنت بدور عليكم
وازي الممهات والحوامل والكتاكيت

بناتى حياتى
17/03/2010, 02:14 AM
السلام عليكم

مبروك التجمع يا حلوين

Emo0o0Z
17/03/2010, 03:00 AM
السلام عليكم
ازيكوووووووووووووو
مبروك الجزء الجديد
ربنا يجعله فاتحة خير علينا يارب
ومعاذ يتعلم يعمل بي بي في التواليت ياااااااااااااااااااااااا ااااااااااااااااااااااااا ااااارب
وحسن كمان ابن رعشة التوام الروحي بتاع معاذ ههههههههههههههههه
وكل ولادنا يكونو بخير دايما يارب

ام مـايا
17/03/2010, 04:13 AM
انتو جيتوا هنا وانا معرفش :)
ازيكممم

محبة_الرسول
17/03/2010, 12:43 PM
ازيكوووووووووو
مبروووووووووك عليكو الجزء الجدييد
:)

رعشة قلب
17/03/2010, 02:03 PM
السلام عليكم
ازيكوووووووووووووو
مبروك الجزء الجديد
ربنا يجعله فاتحة خير علينا يارب
ومعاذ يتعلم يعمل بي بي في التواليت ياااااااااااااااااااااااا ااااااااااااااااااااااااا ااااارب
وحسن كمان ابن رعشة التوام الروحي بتاع معاذ ههههههههههههههههه
وكل ولادنا يكونو بخير دايما يارب




ههههههههههههههههههههههههه هه

اميييييييييييييين يا ايماااااااان

يارب يتعلمو التواليت قبل التجمع الجاى ان شاء الله

عشان نفتتح التجمع الجاي بحفله .. وداعا للبامبرز















.

رعشة قلب
17/03/2010, 02:04 PM
شهيدة عمر عامل ايه دلوقتى

يارب يكون احسن وربنا يبعد عنه كل شر يااااااااااااااااارب








.

&&رانيا&&
17/03/2010, 02:36 PM
ههههههههههههههههههههههههه هه

اميييييييييييييين يا ايماااااااان

يارب يتعلمو التواليت قبل التجمع الجاى ان شاء الله

عشان نفتتح التجمع الجاي بحفله .. وداعا للبامبرز















.
:085::085::085::085::085:جامده موت يا ام حسن والله ضحكت ضحك ربنا يعزك هههههههههههههههه وداعا لللبامبرز هههههههههه


شهيدة عمر عامل ايه دلوقتى

يارب يكون احسن وربنا يبعد عنه كل شر يااااااااااااااااارب








.
ماله عمر؟ربنا يشفيه ويعافيه ويعافى كل ولاد المسلمين :025:

Emo0o0Z
17/03/2010, 05:13 PM
السلام عليكم
ايه الاخبااااااااااااار
بنات انا الموقع مش شغال معايا كويس
هو بايظ ولا اييييييييييييه

Emo0o0Z
17/03/2010, 05:16 PM
ههههههههههههههههههههههههه هه

اميييييييييييييين يا ايماااااااان

يارب يتعلمو التواليت قبل التجمع الجاى ان شاء الله

عشان نفتتح التجمع الجاي بحفله .. وداعا للبامبرز

.


ههههههههههههههههههه يارب يا شوشو
كل يوم معاذ يقعد ويقوم من غير ما يعمل وانا طبعا خايفة اخد الخطوة اني البسه بنطلون من غير البامبرز طبعا السجاجيد والسراير هتبقى حاجة مقرفة جدا يعني ههههههههههههه
بس الجو رجع برد تاني كمان وده مش مشجعني
ان شاء الله اول موجة حار هتيجي هشيل السجاجيد واعيش حياتي مع معاذ
وربنا ييسريارب

Emo0o0Z
17/03/2010, 05:22 PM
يتصفح الموضوع حالياً: 2 (2 من الأعضاء و 0 من الزوار)
‏*Om Mo3az*, ‏ياسمين100 100+

ياسميييييييييييييييين
ازيك عاملة ايه واخبار ايه وشهد ايه
وحشتينا يا بنتي فينك من زمان
انتي لسة ماولدتيش مش كده
واخبارك ايه في الحمل بقيتي في الشهر الكام دلوقتي

ياسمين100 100
17/03/2010, 05:26 PM
يتصفح الموضوع حالياً: 2 (2 من الأعضاء و 0 من الزوار)
‏*Om Mo3az*, ‏ياسمين100 100+

ياسميييييييييييييييين
ازيك عاملة ايه واخبار ايه وشهد ايه
وحشتينا يا بنتي فينك من زمان
انتي لسة ماولدتيش مش كده
واخبارك ايه في الحمل بقيتي في الشهر الكام دلوقتي
انا الحمد الله تمام ياايمان بس حاسة انى تقلت خالص وانا كدا فى اول التاسع ان شاء الله معادى مع الدكتورة 28 3 تحددلى ميعاد الولادة دعواتك معايا ياجميل وانتى اخبارك ايه وازى ميزو العسو ل ربنا يهديه ليكى ويقلع البامبرز علطول ومش يغلبك

Emo0o0Z
17/03/2010, 05:29 PM
ربنا معاكي يا ياسمين ان شاء الله وتكون ولادة سهلة باذن الله

انا ومعاذ بخير الحمدلله وفعلا موضوع البامبرز ده ماثر عليا اليومين دول بس زعلت ان الجو بقى برد تاني وده كسلني شوية
بس الحمدلله كل يوم بيقعد مرة على الاقل على التواليت بس طبعا لسة مش بيعمل فيه
الله المستعان

Emo0o0Z
17/03/2010, 05:31 PM
الدكتورة اكدت لك انه ولد ان شاء الله ؟

ياسمين100 100
17/03/2010, 05:31 PM
اهم حاجة تقعديه اول ما يصحى من النوم وحتلاقيه ان شاء الله عمل فيها

ياسمين100 100
17/03/2010, 05:34 PM
الدكتورة اكدت لك انه ولد ان شاء الله ؟
تصدقى ياايمان انى مش متاكدة وسالتها اخر مرة قلتلى ولد بس مشفتيش بالسونار اعتمدت على اللى كتباه عندها فى الورقة انا قلت حتبص تانى بالسونار وتقولى ان شاء الله يكون ولد صالح سليم كامل الخلقة وا لخلقة بدون زيادة او نقصان

Emo0o0Z
17/03/2010, 05:36 PM
بس متهيالي طالما قالت لك ولد الولاد غالبا مش بيبقى فيهم شك
ان شاء الله ربنا يرزقك باللي تتمنيه
واهم حاجة فعلا انه يكون سليم معافي ويكون بار بيكي وبابوه ان شاء الله

ياسمين100 100
17/03/2010, 05:40 PM
انتى مروحتيش لدكتورتك تانى ياايمان والا سيبها كدا

رعشة قلب
17/03/2010, 05:40 PM
السلام عليكم ورحمة الله وبركاته

اخباركم بنات


فعلا ايمان الموضوع بيبقي صعب جدا لو انطلقو كدة من غير بامبرز

هيبقي انهيار فى البيت كله

انا بقي حسن راااافض رفض تام انه يقعد على قاعده التواليت

بس امبارح نجحت انى اقنعه يقعد على البوتي

وكل شويه يقوم ويبص يشوف فى حاجه ولا لا

ههههههههههههههههههه

ولما لقاها فاضيه كذا مرة

راح قام وغضب ومارضيش يكمل

تقوليش انا السبب هههههههههههههههههههه

وطبعا زى مانتي شايفه الجو قلب بررررررد وماقدرتش احاول تانى النهاردة

خفت يجيله دور البرد من اول وجديد

اصلا دور البرد والزكام بيتلكك كل شويه يتجدد عنده

Emo0o0Z
17/03/2010, 05:42 PM
لا مارحتش والله من ساعة ما شلت اللوب يا ياسمين
بصراحة كل شهر جوزي يقول روحي بس انا بخاف ومش عاوزة ادخل في دوامة المنشطات والكلام ده
ربنا ييسر الشهر ده ويكون فيه حمل باذن الله
انا عندي اعراض كتيرة المرة دي بس بقول لنفسي ما انا كل شهر كده فمش عاوزة احط امل يعني

ياسمين100 100
17/03/2010, 05:43 PM
رعشة قلب ازيك وازى حسن وفعلا الجو برد تانى استنوا كدا على اول اربعة

Emo0o0Z
17/03/2010, 05:45 PM
هههههههههههههههههههه مش ممكن حسن ده عسل والله ما شاء الله

بس كويس يا رعشة انه قعد ع البوتي ما شاء الله

عارفة معاذ انهرده كنت حاسة انه عاوز يعمل بس عمال يقول ياع وفي الاخر عيط عشان اقومه هههههههههههههههههه
هو ايه اللي ياع انه يعمل في الحمام ولا في البامبرز هههههههههههه
ربنا يهديهم يارب

ياسمين100 100
17/03/2010, 05:45 PM
ان شاء الله ربنا ييسر ليكى الخير ياايمان وتكونى حامل الشهر ده باذن الله

Emo0o0Z
17/03/2010, 05:46 PM
بس الابسبوع اللي فات كان حار جدا انا يوم الجمعة كنت رايحة عند ماما الضهر ومعاذ كان لابس بنص كم ولما وعلى ما وصلت البيت عند ماما كان عرقان خالص من الحر
انهرده درجة الحرارة 20
ربنا يستر والجو مايبردش اكتر من كده

Emo0o0Z
17/03/2010, 05:47 PM
ياااااااااااارب يا ياسمين

Emo0o0Z
17/03/2010, 05:48 PM
اهئ اهئ معاذ صحي
ماكملش ربع ساعة نايم :(

بس احسن عشان بالليل ينام بدري وباباه مسافر انهرده وهيتاخر وانا اقعد ع النت براحتي بقى ههههههههههههههه

ياسمين100 100
17/03/2010, 05:49 PM
تصدقى ياايمان انا فى موجة الحر دى خفت اخفف للعيال حاجة من الهدوم ليبردوا

Emo0o0Z
17/03/2010, 05:52 PM
انا كنت صيفت لمعاذ بس وانا خارجة
والحمدلله مافيش اي خساير


انا هقوم بقى دبست نفسي وقلت لمعاذ تشرب عصير لقيته شبط وعمال يعيط وعاوزني اقوم
يلا هقوم اعمل له بقى ولو عرفت اقعد منه هاجي تاني

سلام

ياسمين100 100
17/03/2010, 05:55 PM
سلامى ياايمى وبوسيلى ميزو

رعشة قلب
17/03/2010, 06:05 PM
هههههههههههههههههههه مش ممكن حسن ده عسل والله ما شاء الله

بس كويس يا رعشة انه قعد ع البوتي ما شاء الله

عارفة معاذ انهرده كنت حاسة انه عاوز يعمل بس عمال يقول ياع وفي الاخر عيط عشان اقومه هههههههههههههههههه
هو ايه اللي ياع انه يعمل في الحمام ولا في البامبرز هههههههههههه
ربنا يهديهم يارب



ههههههههههههههههههههههههه هههههههههههههههههه

رهييييب معاذ

تقريبا احنا الى ياع بانسبه لهم

العيال مش مقتنعين بينا ابداااا ولا مقتنعين باللى بنعمله لهم

LaMar's MuM
17/03/2010, 06:06 PM
السلام عليكم
ازيكم يامامييهات

ياسمين100 100
17/03/2010, 06:11 PM
وعليكم السلام ورحمة الله

LaMar's MuM
17/03/2010, 06:13 PM
بنات حد يعرف حاجة اسمها التهاب في الغدة النكافية للرضع

رعشة قلب
17/03/2010, 06:16 PM
بس الجو كان حر اوى ياسمين

انا بصراحه صيفت لحسن ولما حسيت ان الجو برد رجعت تانى تقلت له شويه

بس مايعتبرش شتوي اوى يعنى تيشرت كم قطن وبانطلون قطن

LaMar's MuM
17/03/2010, 06:18 PM
:01::01::01:

رعشة قلب
17/03/2010, 06:19 PM
بنات حد يعرف حاجة اسمها التهاب في الغدة النكافية للرضع


انا اعرف انه الغدة النكافيه بتيجي للاطفال

بتبقي انتفاخ خلف الاذن

بس ماشفوتش قبل كدة فى الرضع

LaMar's MuM
17/03/2010, 06:20 PM
اصل بنتي عندها كده وخايفة اوي ولمار لسه تلات شهور

Emo0o0Z
17/03/2010, 06:32 PM
انا جييييييييييييت بس مش عارفة اقعد من معاذ
ازيك يا سيييييييييييمو عاملة ايه

بصي اللي ورا الودان دي يا رعشة الغدة الليمفاوية
لانها كانت جات لمعاذ كلكيعة كده ورا ودنه اسمها غدة ليمفاوية وراحت في اسبوع بالظبط بالعلاج
لو هي كده يا سيمو تبقى عادية يعني ماتخافيش

Emo0o0Z
17/03/2010, 06:33 PM
ادعولي لمعاذ بالتسهييييييييييييييييل
هههههههههههههههههههههههه

لقيته دلوقتي بدا يعمل بيبي جريت بيه ع الحمام وكان عمال يعيط بس قلت له لو قعدت هشغل لك الكرتون وقعد
بس مش عارفة هيعمل ولا لا

ياااااااااااااارب يا مسهل
ههههههههههههههههههههههههه ههههه

رعشة قلب
17/03/2010, 07:12 PM
ادعولي لمعاذ بالتسهييييييييييييييييل
هههههههههههههههههههههههه

لقيته دلوقتي بدا يعمل بيبي جريت بيه ع الحمام وكان عمال يعيط بس قلت له لو قعدت هشغل لك الكرتون وقعد
بس مش عارفة هيعمل ولا لا

ياااااااااااااارب يا مسهل
ههههههههههههههههههههههههه ههههه


هههههههههههههههههههههههه

كلنا معاااااك يا معااااااااااااااااااااااا ااااذ

شد حيييييييييييييييييلك

ههههههههههههههههههههههههه ههههههههههههههههههههه












.

&&رانيا&&
17/03/2010, 07:14 PM
هه يلا يا معاذ تمااااااااااااااااسك هههههههههههههه

Emo0o0Z
17/03/2010, 08:23 PM
ههههههههههههههههههههههه
والله مش قادرة امسك نفسي من الضحك

للاسف طبعا معاذ ماعملش
قعد شوية وبعد كده قعد يعيط جامد اوي وعاوز يقوم فصعب عليا وقومته وحتى بعد مالبس البامبرز ماعملش والله
انا خايفة احسن الموضوع ده يجيب له امساك انا سمعت قبل كده ان واحدة بنتها قعدت اربع او خمس ايام مش بتعمل وخايفة

ربنا يستر بقى ويعدي الموضوع ده على خير يارب

"أم حمودى وفلة"
17/03/2010, 08:27 PM
ازيك يا ايمان
ربنا يسهل لمعاذ ان شاء الله وينتعه بالسلامه
ههههههههههههههههههههههههه هه
نتخافيش انتى بس اعرضيه كل يوم حتى لو معملش اهو يتعود

رعشة قلب
17/03/2010, 08:28 PM
ههههههههههههههههههههههه
والله مش قادرة امسك نفسي من الضحك

للاسف طبعا معاذ ماعملش
قعد شوية وبعد كده قعد يعيط جامد اوي وعاوز يقوم فصعب عليا وقومته وحتى بعد مالبس البامبرز ماعملش والله
انا خايفة احسن الموضوع ده يجيب له امساك انا سمعت قبل كده ان واحدة بنتها قعدت اربع او خمس ايام مش بتعمل وخايفة

ربنا يستر بقى ويعدي الموضوع ده على خير يارب


ياااقلبي عليه

بعد الشر عنه

تعرفي يا ايمان الموضوع دة فعلا هو اللى مخليني مش عارفه اظبط حسن فى موضوع التواليت

لانى اكتشفتها اكتر من مرة

لما بيكون خلاص هيعمل واشيله فجاة كدة واقطعها عليه فبلاقيه ماعملش وقعد ممكن لتانى يوم لما يعمل

يظهر الخضه اللى بيخضوها بتخليهم مايعملوش

بقيت بشوفه وهو هيعمل ومش بقدر الحقه بخاف يقطعها وميرضاش يعمل وتتعبله بطنه

بجد غلبوووونا وحيرووونا

رعشة قلب
17/03/2010, 08:30 PM
ازيك يا ايمان
ربنا يسهل لمعاذ ان شاء الله وينتعه بالسلامه
ههههههههههههههههههههههههه هه
نتخافيش انتى بس اعرضيه كل يوم حتى لو معملش اهو يتعود


ازيك يا سالي واخبار حمودى

وانتى عامله ايه مع الحمل

تعرفي ياسالي ممكن فعلا لما تقعده كل يوم يتعود والتنشنه دى تروح ويعمل

ياااااربي الموضوع صعب اوى

خصوصا الولاد كل دماغهم فى اللعب ومش عايزين يقطعو اللعب عشان يفضلو قاعدين 10 دقايق ولا ربع ساعه لما يتعودو التواليت

الله المستعااااااااااان

Emo0o0Z
17/03/2010, 08:33 PM
ازيك يا سالي عاملة ايه
كنتي على بالي والله ايه اخبار التعب معاكي

انا بقعده والله كل يوم مرتين او تلاتة من غير ما يعمل بس لما ييجي يعمل بقى مابيرضاش يقعد ولما اجي اشطفه بعد ما يعمل يفضل يشاور لي ع القاعدة وعاوز يقعد بقوم مقعداه واشطفه وخلاص
ربنا يهديهم يارب

رعشة فعلا والله بيقطعوها ومش بيكملو
دلوقتي معاذ بيعمل اهو ورحت بيه ع الحمام قعد يعيط وطلع بره الحمام وقاعد في الاوضة لواحده بيعمل اهو
انا مش رضيت اضغط عليه بصراحة عشان الامساك
ربنا يسهل يارب في الموضوع ده

"أم حمودى وفلة"
17/03/2010, 08:40 PM
يارب يسهلهم جميعا ان شاء الله
وفعلا لما بيكونو بيعملو وحد يقاطعهم مش بيعرفو يكملو
عندك محمود مثلا لما احس انه بيعمل لو حد كلمه او ضحكه بس تلاقيه عمل حتة صغيرة وميكملش غير بعد شوية وساعات ميعملش غير ناتى يوم

انا كمان نفسى اجرب معاه موضوع التواليت ده بس بقول لسه صغير وفى نفس الوقت ليا صحابى بيقولو انهم عودو ولادهم على التواليت من زمان يعنى تلاقيه سنة و3 شهور وبيعمل فى التواليت
انا محتارة والله ونفسى يتعود ربنا يعينا جميعا

"أم حمودى وفلة"
17/03/2010, 08:41 PM
ازيك يا ايمى
وازيك ياشوشو
ايه اخباركم ؟

"أم حمودى وفلة"
17/03/2010, 08:43 PM
الحمد لله يا ايمى بس والله لسه الم الالتهابات رهييييييييب وضهرى حاسة انه هيتقطم نصين وخصوصا النهاردة مقعدتش من الصبح نضفت اوضتى وطبخت

"أم حمودى وفلة"
17/03/2010, 08:43 PM
رحتو فين ؟؟
طب انا هاقوم اصلى العشا واجى ان شاء الله

Emo0o0Z
17/03/2010, 08:48 PM
معلش يا سالي كنت بغير لمعاذ

ربنا يكمل لك على خير يارب يا سالي ويشفيكي من الالتهابات دي ان شاء الله

Emo0o0Z
17/03/2010, 08:54 PM
شكلكو قمتو

انا هقوم انا كمان اصلي العشا بس ماظنش هرجع تاني
لما معاذ ينام بقى ان شاء الله ابقى ادخل

"أم حمودى وفلة"
17/03/2010, 08:57 PM
امين يارب
ربنا يكرمك يا ايمان ويرزقك الذرية الصالحة ان شاء الله

رعشة قلب
17/03/2010, 09:10 PM
انا جييييت

حسن بيجي يقومنى من على الجهاز بالعافيه

كلكم قمتو ولا ايه

طيب انا هروح اصلي العشا

"أم حمودى وفلة"
17/03/2010, 09:40 PM
تقبل الله منا ومنكم
انا صليت وجيت الحمد لله

محبة_الرسول
17/03/2010, 10:06 PM
ههههههههههههههههههههههههه هه
ههههههههههههههههههههههههه هههههههههههه

:085::085::085::085::085::085:

ايمان ورعشة
والله مش قادرة امسك نفسى من الضحك على كلامكو

يا حبيبى يا معااذ امك بتعمل فيييييييك اييييييييييييييه

ههههههههههههههههههههه

يالا ربنا معااكو ويسهللكو

:02::02:

رعشة قلب
17/03/2010, 10:56 PM
ههههههههههههههههههههههههه هه
ههههههههههههههههههههههههه هههههههههههه

:085::085::085::085::085::085:

ايمان ورعشة
والله مش قادرة امسك نفسى من الضحك على كلامكو

يا حبيبى يا معااذ امك بتعمل فيييييييك اييييييييييييييه

ههههههههههههههههههههه

يالا ربنا معااكو ويسهللكو

:02::02:


ازيك محبة الرسول

شوفتى معاذ وحسن جننونا خلاااااص

مغامرااااات طول الوقت

ربنا يحفظهم ويحفظ اولادنا جميعا ياااااااااااارب

ويرزقك بالذرية الصاااالحه ويفرح قلبك امييييييييييييييييييييييي ييين

LaMar's MuM
17/03/2010, 11:09 PM
ازيك ياام معاذ ؟ :087::087:
طمنيتي شوية بجد لما قولتي انها غدة ليمفاوية وكانت عند ميزو اصل الدكتور قالي انها غدة نكافية وملتهبة بس انا كنت درست ان اتهاب الغدة النكافية بتاثر على الانجاب سواء بنت او ولد بعد كده يارب يعافيي اولادنا يارب ودلوقتي وديتها لدكتور تاني قالي فعلا دي التهاب بسيط في الغدد اليمفاويه اللي تحت وادانها ولمار بتاخد مضاد حيوي يارب يشفيها يارب

LaMar's MuM
17/03/2010, 11:26 PM
بنات انا هقولكم تجربة اختي مع بنتها في موضوع البوتي
هي دلوقت عندهاسنتين وماشاء الله بتعمل في التواليت كويس بس طبعا بتحط ليها القاعدة الصغيرة اللي بتكون ع التواليت
هقولكم عملت ايه معاها طبعا من بداية سنتة وشهرين بدأت معاها محاولات جبارة وكان في الصيف وطبعا عياط وحوارات وكانت تقوم من على البوتي من غير ماتعمل واول ماتلبس البامبرز تعمل علطوووووووووول واختي كانت بتتعصب اوي ومرة في مرة ومفيش فايدة
وبعدين بعد شهرين من المحاولات ضربتها على التوتا بسيط فكانت ياروحي تعيط جامد وخافت وبقت لما تيجي تعمل تقول للاختي بوتي طبعا كانت تقول بالهريوغليفي بس كانت مفهومة هههههههههههههههههههههه
ومكلتش اسبوع وحصل انتكاسه وتعند مع اختي جامد لان الضرب عملها خوف واضطرابات
ولما تمت سنة ونص اختي قررت انها تقلعها البامبرز بالنهار وتبسله وهي نايمة بس من غير ماتحس انها لابسه كانت بتلسها بعد مانتام عشلان فعلا كانت عارفه انها لابسه بامبرز وكانت بتعند وتعمل
في فترة النهار كانت مش لابسه وطبعا مره تقول و10 لآ وكانت اول ماتعمل بي بي ع نفسها اختي تقولها اخيييييي يع شايفة القرف شايفة لينا عملت ايه وتوريها البانتي وهو مبلول تقولها يع يع وفعلا والله مره فمرة البنت بقت لما تيجي تعمل تقول يع يع مامي فاختي كانت تفهم انها هتعمل تروح حطاها ع البوتي علطوووووووووووول وطبعا مره تصيب ومرة تخيييييييب
وكنت انا سمعت دكتور هشام حتاته بيتكلم عن البوتي والاطفال قال نصيحة ممتاااااااااااااااااااااز ة واختي طبقتها في الاخر وفعلا جابت نتيجة معاها ولغاية دلوقتي ماشية بيها:ok:
قال نشوف اي اكتر شخصية بيحبها الطفل ونجيب بوتي تانيه صغيرة ونقوله يلا خلي سبايدر مان يعمل بوتي معاك وعلمه ازاي يعمل بوتي صح ونقولها اول ماتحس انك عايز تعمل بوتي خد سابايدر مان و خليه يقعد معاه ع البوتي طبعا مش هيعمل كده بس مره فمرة هيقول انه عايز يعمل ده غير انه هيكون حابب يعمل لان الشخصية اللي بيحبها هتكون معاه في نفس الحاجة فمش هيعيط
:060: طولت عليكو

Emo0o0Z
18/03/2010, 01:14 AM
السلام عليكم
مين موجووووووووووود

Emo0o0Z
18/03/2010, 01:20 AM
بنات انا هقولكم تجربة اختي مع بنتها في موضوع البوتي
هي دلوقت عندهاسنتين وماشاء الله بتعمل في التواليت كويس بس طبعا بتحط ليها القاعدة الصغيرة اللي بتكون ع التواليت
هقولكم عملت ايه معاها طبعا من بداية سنتة وشهرين بدأت معاها محاولات جبارة وكان في الصيف وطبعا عياط وحوارات وكانت تقوم من على البوتي من غير ماتعمل واول ماتلبس البامبرز تعمل علطوووووووووول واختي كانت بتتعصب اوي ومرة في مرة ومفيش فايدة
وبعدين بعد شهرين من المحاولات ضربتها على التوتا بسيط فكانت ياروحي تعيط جامد وخافت وبقت لما تيجي تعمل تقول للاختي بوتي طبعا كانت تقول بالهريوغليفي بس كانت مفهومة هههههههههههههههههههههه
ومكلتش اسبوع وحصل انتكاسه وتعند مع اختي جامد لان الضرب عملها خوف واضطرابات
ولما تمت سنة ونص اختي قررت انها تقلعها البامبرز بالنهار وتبسله وهي نايمة بس من غير ماتحس انها لابسه كانت بتلسها بعد مانتام عشلان فعلا كانت عارفه انها لابسه بامبرز وكانت بتعند وتعمل
في فترة النهار كانت مش لابسه وطبعا مره تقول و10 لآ وكانت اول ماتعمل بي بي ع نفسها اختي تقولها اخيييييي يع شايفة القرف شايفة لينا عملت ايه وتوريها البانتي وهو مبلول تقولها يع يع وفعلا والله مره فمرة البنت بقت لما تيجي تعمل تقول يع يع مامي فاختي كانت تفهم انها هتعمل تروح حطاها ع البوتي علطوووووووووووول وطبعا مره تصيب ومرة تخيييييييب
وكنت انا سمعت دكتور هشام حتاته بيتكلم عن البوتي والاطفال قال نصيحة ممتاااااااااااااااااااااز ة واختي طبقتها في الاخر وفعلا جابت نتيجة معاها ولغاية دلوقتي ماشية بيها:ok:
قال نشوف اي اكتر شخصية بيحبها الطفل ونجيب بوتي تانيه صغيرة ونقوله يلا خلي سبايدر مان يعمل بوتي معاك وعلمه ازاي يعمل بوتي صح ونقولها اول ماتحس انك عايز تعمل بوتي خد سابايدر مان و خليه يقعد معاه ع البوتي طبعا مش هيعمل كده بس مره فمرة هيقول انه عايز يعمل ده غير انه هيكون حابب يعمل لان الشخصية اللي بيحبها هتكون معاه في نفس الحاجة فمش هيعيط
:060: طولت عليكو


بصي يا سيمو انا برضو مش مع موضوع الضرب خصوصا في الموضوع ده
بس اانا انهرده كنت اتخنقت ع الاخر وقلت لمعاذ لو ماعملتش بي بي هضربك وهو كان قاعد ع التواليت ساعتها
بس طبعا هو قعد يعيط جامد اوي اوي وعياط بطريقة غريبة جدا بس انا ماضربتوش انا بس قلت له هضربك لانه كان بدا يعمل في البامبرز وفعلا عمل نقطة صغننة اوي وكان نفسي انه يعمل مرة واحدة حتى في التواليت لانه بعد كده هيحس بالفرق وواحدة واحدة هيتعود
بس للاسف صعب عليا واخدته ولبسته

انا برضو كنت بدات مع معاذ الصيف اللي فات كنت بقعده ع البوتي بس لما الشتا دخل بقى وكده سبت الموضوع خالص
ربنا ييسر يارب ويعديه على خير

Emo0o0Z
18/03/2010, 01:22 AM
ههههههههههههههههههههههههه هه
ههههههههههههههههههههههههه هههههههههههه

:085::085::085::085::085::085:

ايمان ورعشة
والله مش قادرة امسك نفسى من الضحك على كلامكو

يا حبيبى يا معااذ امك بتعمل فيييييييك اييييييييييييييه

ههههههههههههههههههههه

يالا ربنا معااكو ويسهللكو

:02::02:
ماااااااااااااااشي يا تحفة انتي
واسكتي احسن اجيب معاذ عندك ومش هجيب معايا بامبرز
وانتي حرة بقى في اللي هيحصل لك ههههههههههههههه


يارب يارب اشوفك محتاسة بتوام

Emo0o0Z
18/03/2010, 01:23 AM
على فكرة معاذ برضو كل ما يعمل بي بي يفضل يشاور ع البامبرز ويقول لي ياع
هو فاهم انه يع بس خايف يعمل في الحمام



مهاااااااااااااااا انتي هنا اخبارك ايه واخبار البنات ايه

بناتى حياتى
18/03/2010, 01:33 AM
السلام عليكم
حد هنااااااااااااااا

بناتى حياتى
18/03/2010, 01:34 AM
الحمد لله ياايمان ازيك

وازاى مغمراتك مع معاذ
فكرتينى باللذى مضى مع بتول حببتى

بناتى حياتى
18/03/2010, 01:36 AM
يتصفح الموضوع حالياً: 3 (3 من الأعضاء و 0 من الزوار) ‏بناتى حياتى (http://forums.3roos.com/member.php?u=141267), ‏أم حموودى القمر (http://forums.3roos.com/member.php?u=273674)+, ‏*Om Mo3az* (http://forums.3roos.com/member.php?u=135581)+

جبايبى ف الله

Emo0o0Z
18/03/2010, 01:37 AM
الحمدلله يا مها تمام

المغامرات شغااااااااااااااااالة لما انا خلاص زهقت والله

"أم حمودى وفلة"
18/03/2010, 01:42 AM
ازىك يا ايمان معاذ نام ولا ايه؟
ازيك يامها

بناتى حياتى
18/03/2010, 01:45 AM
ايمااااااااااااااان طووولى بالللللك لسة بدرى ع فكرة
ربنا يصبرك

الحمد لله ياسالى
ازيك انتىومحمود

Emo0o0Z
18/03/2010, 01:45 AM
اه يا سالي الحمدلله ناااااااااااااام

وحمودي نام ولا لسة صاحي

Emo0o0Z
18/03/2010, 01:47 AM
مطولة بالي والله يا مها
انا بس مستنية الجو يحرر شوية وهقلعه نهااااااااااااااائي بقى حتى ساعة النوم فيه بروجرام في دماغي كده لاني قريتت كتير الفترة اللي فاتت عن الموضوع ده
وربنا هو المستعان بقى

صحيح انتي عند طنط ولا في شقتك ولا هتروحي بكرة ولا مش هتروحي الاسبوع ده
ههههههههههههههههههههه

بناتى حياتى
18/03/2010, 01:53 AM
طنط مين؟ امى

هما اصلا عندنا من الاسبوع اللى فااااااات
ومزال العرض مستمر
ني ها نياها نياها

بناتى حياتى
18/03/2010, 01:58 AM
ازيك يا سالى وازى ابنك

Emo0o0Z
18/03/2010, 01:59 AM
ههههههههههههههههههههههههه
تحفة يا مها

مين اصلا اللي عندك باباكي يعني

بناتى حياتى
18/03/2010, 01:59 AM
ايمااااااان رحتى فين؟؟؟؟

بناتى حياتى
18/03/2010, 02:00 AM
بابا اية صباح الطراااااااااااوة

بناتى حياتى
18/03/2010, 02:01 AM
مش اسرائيل احتلت فلسطين
ههههههههههههههههههههههههه

بناتى حياتى
18/03/2010, 02:04 AM
ازيك يا ايمان انت كمان
وازى النونو ربنا يقومك بالسلامه

وازى ابنك يا حبيبتى

Emo0o0Z
18/03/2010, 02:05 AM
ههههههههههههههههههههه
لا بجد مش فاهمه حاجة يا مها
انتي مش مامتك مسافرة يعني مشفاضل غير باباكي
ولا اختك وولادها كمان عندكو
ولا تقصدي حمااااااااااااااااااااااا اااتك

Emo0o0Z
18/03/2010, 02:07 AM
ازيك يا ايمان انت كمان
وازى النونو ربنا يقومك بالسلامه

وازى ابنك يا حبيبتى

هو فيه هنا ايمان غيري :039:
ولا انتي لاسعة انهرده
ولا انا اللي لاسعة باين عليا كده والله هههههههههههههههههههههه

بناتى حياتى
18/03/2010, 02:09 AM
معلش ياايمان اختى بتهرج

بناتى حياتى
18/03/2010, 02:14 AM
انا مبهرجش انا فعلا باسلم على ايمان
بس دخلت باسم مها غلط

بناتى حياتى
18/03/2010, 02:15 AM
حماتشى يا نينة
دلوعة علياااااااااا
هههههههههههههههه

بناتى حياتى
18/03/2010, 02:16 AM
ماشى يااخوتشىىىىى

بناتى حياتى
18/03/2010, 02:16 AM
اكلمووووووووووا

Emo0o0Z
18/03/2010, 02:17 AM
هي اختك مسجلة في عروس يا مها

الله يسلمك يا مي انا كويسة الحمدلله بس مافيش نونو :(
هو معاذ بس ههههههههههههههههه
انتي اخبارك ايه واخبار البنات ايه

"أم حمودى وفلة"
18/03/2010, 02:17 AM
مها انتى شكلك لاسعه فعلا
ربنا يهديكى
هههههههههههههههههههه

بناتى حياتى
18/03/2010, 02:17 AM
وبسلم كمان على سالى

Emo0o0Z
18/03/2010, 02:17 AM
وبعديييييييييييييين معاكو بقى
هو انتو الاتنين بتتكلمو بنفس الاسم ولا ايه
انتو كده هتيجيبو لي تخلف

Emo0o0Z
18/03/2010, 02:18 AM
هههههههههههههههههه
شفتي يا مها سالي كمان قالت عليكي لاسعة انهرده

يعني مها اللي الخط بتاعها ملون ومي الخط بتاعها اسود مش كده

"أم حمودى وفلة"
18/03/2010, 02:18 AM
اه يا سالي الحمدلله ناااااااااااااام

وحمودي نام ولا لسة صاحي

لا لسه صاحى بناكف فى بعض
ربنا يهديه وينام هو على كتفى اهه

بناتى حياتى
18/03/2010, 02:19 AM
ايوة اختى مسجلةف عروس
بس ناسية ودخلت باسمى
عاااااااااااااااااااااااا ااا

احتلت شخصيتى
اصحابى هيقولوا عليا مجنونة

بناتى حياتى
18/03/2010, 02:19 AM
ايووووة صحححح ياايمااااان
ههههههههههههههه

بناتى حياتى
18/03/2010, 02:20 AM
ياساالى دى اختى اللى بتسلم عليكى

بناتى حياتى
18/03/2010, 02:21 AM
اخبار الهدايا اية؟؟؟؟؟؟

Emo0o0Z
18/03/2010, 02:21 AM
ايوة اختى مسجلةف عروس
بس ناسية ودخلت باسمى
عاااااااااااااااااااااااا ااا

احتلت شخصيتى
اصحابى هيقولوا عليا مجنونة


طب دي مها بس الخط بتاعها اسود

ايووووة صحححح ياايمااااان
ههههههههههههههه


ودي مي بس الخط بتاعها ملون
لا بجد مش عارفة مين فيكو مها ومين مي

بناتى حياتى
18/03/2010, 02:22 AM
هفضل اكلم نفسى كتير كدة

ايماان انا روحت مريم واسواق مكة النهاردة
عندهم حاجات حلللوة

بناتى حياتى
18/03/2010, 02:22 AM
انا مها ف الاتنين ياايمان والله

يا ما ماما الحقينىىىىى

Emo0o0Z
18/03/2010, 02:24 AM
الصيفي نزل يا مها ولا لسة
انا عاوزة انزل تاني بس خايفة الاقي المحلات تكون شتوي لسة

Emo0o0Z
18/03/2010, 02:25 AM
انا مها ف الاتنين ياايمان والله

يا ما ماما الحقينىىىىى


طب ما كده تبقي لاسعة لاسعة يعني
روحي نامي احسن يا حبيبتي هتصحي تبقي كويسة الصبح ان شاء الله

Emo0o0Z
18/03/2010, 02:26 AM
اخبار الهدايا اية؟؟؟؟؟؟

هدايا ايه يا مها

هي سالي بتروح فين
بتروح الحوامل ولا ايه

"أم حمودى وفلة"
18/03/2010, 02:27 AM
انا عارفة انك بتستهبلى والله يا مها
مى ايه اللى هيصحيها لدلوقتى وراها شغل الصبح
دا انتى مصيبة

بناتى حياتى
18/03/2010, 02:28 AM
والله العظيم مى دخلة باسمى

ايوة الصيفى نزل ياايمان

"أم حمودى وفلة"
18/03/2010, 02:29 AM
انا هنا اهه يا ايمان بس محموووووود هيجننى قاعد يزن مش عارفة عاوز ايه؟؟

بناتى حياتى
18/03/2010, 02:32 AM
اديلة خيارة
هههههههه

بناتى حياتى
18/03/2010, 02:37 AM
هدايا يوم الام
ولا مش بتعترفوا باليوم دة؟؟؟

بناتى حياتى
18/03/2010, 02:39 AM
يتصفح الموضوع حالياً: 3 (3 من الأعضاء و 0 من الزوار) ‏بناتى حياتى (http://forums.3roos.com/member.php?u=141267), ‏همس الصفا (http://forums.3roos.com/member.php?u=200967), ‏*Om Mo3az* (http://forums.3roos.com/member.php?u=135581)+


اختى جتتتتتتت

"أم حمودى وفلة"
18/03/2010, 02:43 AM
بنات شوفو برنامج صبايا على المحور

Emo0o0Z
18/03/2010, 02:48 AM
بببببببببببخخخخخخخخخخخخخخ
بتعملو اييييييييييييييييييييييه

انا جوزو جه مش هعرف اقعد معاكو

Emo0o0Z
18/03/2010, 02:49 AM
ايه يا اخت مها
اولا مش اسمه عيد لان احنا عندنا عيد فطر وعيد اضحى بسسسسسسس

ثانيا بددددددددددددددددددعة طبعا
انا عن نفسي مش بجيب هدايا ولا حد عندنا بنعمل لليوم ده اي اعتبار

على فكرة انا كده هيبقى بقى لي 4 سنييييييييييييييييييين لابسة النقاب هههههههههههههههههههههه
كنت لابسه يوم عيد الام
قصدي يوم 21 مارس عشان هو مش عيد ههههههههههههههههههههه

بناتى حياتى
18/03/2010, 03:03 AM
ايماااان والله قولت يوم مش عيد حتى شوفى المشاركة كدة تانى
ويلا قمى عشان جوزك
مع السلاااامة

عالم سمسم
18/03/2010, 10:02 AM
ازيكم

زهرة السعادة
18/03/2010, 10:03 AM
؛ دورة فن تزين الكيك و الجاتوه و باسهل الطرق ؛ (http://forums.3roos.com/showthread.php?t=521021) :013:
حياكم

محبة_الرسول
18/03/2010, 01:30 PM
ازيك محبة الرسول

شوفتى معاذ وحسن جننونا خلاااااص

مغامرااااات طول الوقت

ربنا يحفظهم ويحفظ اولادنا جميعا ياااااااااااارب

ويرزقك بالذرية الصاااالحه ويفرح قلبك امييييييييييييييييييييييي ييين


آميييييييييييييين ياااااااااااااااااااااااا ااااارب


ماااااااااااااااشي يا تحفة انتي
واسكتي احسن اجيب معاذ عندك ومش هجيب معايا بامبرز
وانتي حرة بقى في اللي هيحصل لك ههههههههههههههه


يارب يارب اشوفك محتاسة بتوام

هههههههههههههههههههههه
لالالالالالالالالالالالال الا
كله الا ده وانا ماالى ومال البهدلة دى يا اختى :039:

يااااااااااااااااارب نفسى بجد اجيب توام مرة وااحدة ههههههههههههههه


السلام عليكم
حد هنااااااااااااااا


وعليكم السلاااااااام
ازيك يا مها عاملة ايه

ليكى زياارة ان شاء الله بجد مع ايمااااااان :025:

بناتى حياتى
18/03/2010, 03:29 PM
ازيك ياعلياء
واحشنى والله
اجدع بكاشين انتى واختك

"أم حمودى وفلة"
18/03/2010, 07:59 PM
السلام عليكم
ازيكم

Emo0o0Z
18/03/2010, 10:33 PM
ازيكو يا بنات
انتو فيييييييييييييييييييييين

"أم حمودى وفلة"
18/03/2010, 11:40 PM
انا هنا يا ايماااااااااااااااااااااا اااااااان
ازيييييك؟؟

Emo0o0Z
18/03/2010, 11:50 PM
الحمدلله يا سالي
انتي عاملة ايه وحمودي اخباره ايه
هتروحي عند طنط بكرة وﻻ قاعدة ؟

بناتى حياتى
19/03/2010, 12:10 AM
انا جيت ازيكوووووووووو

Emo0o0Z
19/03/2010, 12:11 AM
ايك يا مها عاملةايييييييييييه
واخبار الاحتلال عندك ايه ههههههههههههههههههههههههه

Emo0o0Z
19/03/2010, 12:57 AM
هو انتو كل واحدة فيكو تدخل وتسيبني وتروحو حتة تانية
ماااااااااااااااااااااااا ااااااااااااااااااااااااا ااااااااااااااااااشي

بناتى حياتى
19/03/2010, 01:04 AM
الحمد لله كويسة
معلش قومت اكل برتقال عندى برد فظيععععععع والله

بناتى حياتى
19/03/2010, 01:17 AM
جيتىىىىىىى

Emo0o0Z
19/03/2010, 01:19 AM
هههههههههههههههههههه
سلامتك يا مها
انا كنت بنيم معاذ

Emo0o0Z
19/03/2010, 01:21 AM
مها شفتي باندة اللي فتح في احمد ماهر
احنا نزلنا انهرده بس حلو جدااااااااااااااااا احلى من الوكالة ومترو بكتير عاجبني اوي والله

بناتى حياتى
19/03/2010, 01:23 AM
الله يسلمك ياايمان

ايوة شوفتة
وسالى قالتلى ع يوم الافتتاح الاسبوع الى فات كان موووت

قولت لمااجى مرة ف الرواقة نبقى نروح ان شاء الله
واسعارة اية؟؟؟؟؟؟

بناتى حياتى
19/03/2010, 01:24 AM
عندة اية غير البقالة؟؟؟؟؟

بناتى حياتى
19/03/2010, 01:25 AM
كانت اختى عايزنا نروح الافتتاح قولتلها هيبقى زحمة
وفعلا سالى قالتلى كان موت معرفناش ندخل

Emo0o0Z
19/03/2010, 01:26 AM
انا كنت جاية تاني يوم بعد الافتتاح كان احمد ماهر كله ورد ههههههههههههههههههههههههه
بصراحة جامد اخر حاجة والله
والاسعار الحاجات العادية دي بتاعة البقالة يعني زي بره عادي وفيه اصلا دلوقتي تخفيضات عشان يوم اﻻم على الادوات المنزلية

Emo0o0Z
19/03/2010, 01:27 AM
الدور الول والتاني بقالة تشمل كوووووووووووووووووووول حاجة طبعا
والتالت ادوات منزلية فيه كل حاجةبرضو

بناتى حياتى
19/03/2010, 01:32 AM
الله شوقتينى ادخلة

ان شاء الله لما اجى هروحة
انتى هتروحى امتى؟؟؟

بناتى حياتى
19/03/2010, 01:34 AM
ايمااااان بتروحى فين؟؟؟؟؟؟

بناتى حياتى
19/03/2010, 01:35 AM
ايماان عملتى حاجة لمعاذ يوم ميلادة؟؟؟

Emo0o0Z
19/03/2010, 01:35 AM
انا كنت مع ماما انهرده وكانفيه حاجات كتيرة جدا عاوزاها بس ماجبتش حاجة بصراحةﻻن جوزي ساعات بييجي ياخدني والعربية مش بتكون معاه فهتبقى شيلةيعني
مش عارفة هروح تاني امتى والله يا مها
بس عادي لما تيجي تروحي قولي لي وانا اجي معاكي لو كنت عند ماما

Emo0o0Z
19/03/2010, 01:36 AM
انتي تقصدي هروح شقتي امتى يعني وﻻ ايه
ههههههههههههههههههههههه

ع الهموم انا هروح يوم السبت ان شاء الله

بناتى حياتى
19/03/2010, 01:37 AM
بقولك هتروحى شقتك امتى؟؟؟؟؟

Emo0o0Z
19/03/2010, 01:38 AM
ﻻ يا مها انا قبلها باسبوعين كده كنت عازمة ماما واخواتي وخالتي في شقتي وكنت جايبة جاتوه وحاجة ساقعة ومزوقة اوضة معاذ
بس كان بهدف اللمة بس والله وكمان كنت عاوزة اعمل تغيير في الشقة فزوقت اوضة معاذ بس يعني

والاسبوع اللي فات انا كنت عاملة تورتة في البيت

بناتى حياتى
19/03/2010, 01:38 AM
ان شاء الله خلاص لو الجو حلو ممكن نروح ع المغرب كدة قبل مااروح باردو
لان ان شاء الله هاجى بكرة وابات

بناتى حياتى
19/03/2010, 01:39 AM
اااة الحقى نفسك قبل مااقولك بمناسبة اية؟؟؟؟
هههههههههههههههه

Emo0o0Z
19/03/2010, 01:42 AM
ههههههههههههههههههههههههه ههههههههههههههههه
مش بلحق نفسي والله ﻻن انا ماكنش في نيتي اي حاجة
وانما الاعمال بالنيااااااااااااااات

ماشي يامها حاسة انك بتتلككي والله


انابعت لك رسالة خاصو شوفيها وردي عليا اللينك فتح معاكي وﻻﻻ

Emo0o0Z
19/03/2010, 01:43 AM
طيب لو جيتي تروحي ابقي كلميني وقولي لسالي كمان ننزل نتمشى مع بعض

بس مش هاخد معاذﻻنه انهرده جنني والحاجات بتتكسر وده ايده شغالة لعب وعمال يزق في الثبت اللي بنحط فيه الحاجاة ويخبط في الناس هههههههههههههههههههههههه

بناتى حياتى
19/03/2010, 01:52 AM
ثوانى ياايمان

بناتى حياتى
19/03/2010, 01:53 AM
ماشى ياايمان

Emo0o0Z
19/03/2010, 01:56 AM
ههههههههههههههههههههههههه ههه
معاذ صحي دلوقتي ومارضيش يخليني اشيله ومشي وطلع بره الاوضة وبيعيط ويقول ماما ههههههههههههههههههههههههه هههه
مش عارفة كان بيحلم وﻻ شايفنيواحدة غيرامه وﻻ ايه
ههههههههههههههههههههههه

Emo0o0Z
19/03/2010, 02:00 AM
مهااااااااااااااااااااااا ااااااااااااااا

Emo0o0Z
19/03/2010, 02:10 AM
مها
انتي رحتي فين انا زهقت مش ﻻقية حاجة اعملها

Emo0o0Z
19/03/2010, 02:15 AM
يتصفح الموضوع حالياً: 3 (3 من الأعضاء و 0 من الزوار) ‏*Om Mo3az* (http://forums.3roos.com/member.php?u=135581), ‏محبة_الرسول (http://forums.3roos.com/member.php?u=235798), ‏hoba555 (http://forums.3roos.com/member.php?u=106786)

هوباوعلياء
ازيكوووووووووووووو عاملين ايه
اتكلمو بقى احسن شكلي هقوم انا زهقت

محبة_الرسول
19/03/2010, 02:15 AM
ايماااااااان
عاوزة ايييييييييه
:)

Emo0o0Z
19/03/2010, 02:16 AM
شكلي هقعد اكلم نفسي كده كتير
عادي بقى
هبل بهبل
اديني بسلي نفسي
هي هي هي

الساحرة الشرييييييييييييييييرة

محبة_الرسول
19/03/2010, 02:17 AM
ايمان انتى على طول مخنووقة كده

قومى شوفى حاجة مفيدة اعمليهااااااااا

انا شوية وهقوم انام
:(

Emo0o0Z
19/03/2010, 02:17 AM
اخيييييييييييييييرا حد نطق
عادي بتراخم عليكي
هقوم افتح الباااااااااااااااااااب

Emo0o0Z
19/03/2010, 02:18 AM
هههههههههههههههههههههههه
انا مخنوقة على طول
ربنا يسامحك

بناتى حياتى
19/03/2010, 02:31 AM
انا جيت تااااانى
ايمان بعتلك رسالة ع الموبيل

بناتى حياتى
19/03/2010, 02:34 AM
ازيكوووووووووو

بناتى حياتى
19/03/2010, 02:34 AM
ايماااااان وعليااااء
بكاشيننننننن
هههههههههههههههه

Emo0o0Z
19/03/2010, 02:35 AM
ههههههههههههههههههههههههه هههههههه
طيب يا مها
زمان جوزي بيقراها في البيت بقى
هههههههههههههههه

انا نسيت الموبايل هناك :(
ابعتيهالي بقى ع الخاص

Emo0o0Z
19/03/2010, 02:36 AM
ﻻ والله يامها مش بكاشين هنيجي لك بجد بس لما الجو يتظبط شوية ان شاء الله


مي ازيك عاملة ايه منورة واخبارهمس ورغد القماميرايه

بناتى حياتى
19/03/2010, 02:36 AM
ههههههههههههههه
بجد

اية السطل بتاعك دة
امال لو معاكى تؤم
ههههههههههههههه

Emo0o0Z
19/03/2010, 02:40 AM
ههههههههههههههههه
مش عارفة والله يا مها
مع اني حطيته هو والشنطة جنب بعض ع الجزامة ودخلت كملت لبسي بعد كده اخدت الشنطة وماشفتش الموبايلبس زعلت اوي والله
يلا خير

بناتى حياتى
19/03/2010, 02:41 AM
هيتعدل ف المشمش ان شاء الله
هههههههههه

Emo0o0Z
19/03/2010, 02:42 AM
ههههههههههه
خلاص عشان نيجي لك في المشمش

بناتى حياتى
19/03/2010, 02:42 AM
معلش ياايمان يلا خير

انا مرة نسيتة باردو بس عند ماما
وطبعا ما بطلش مسدات

همس الصفا
19/03/2010, 02:42 AM
ازيك يا ايمان
منوره يا جميل

بناتى حياتى
19/03/2010, 02:42 AM
خلاص ابقى هاتى مشمش معاكى
هههههههههههههههههههه

بناتى حياتى
19/03/2010, 02:44 AM
يتصفح الموضوع حالياً: 3 (3 من الأعضاء و 0 من الزوار) ‏بناتى حياتى (http://forums.3roos.com/member.php?u=141267), ‏همس الصفا (http://forums.3roos.com/member.php?u=200967)+, ‏محبة_الرسول (http://forums.3roos.com/member.php?u=235798)



فين ايمااااااااااااااااان

Emo0o0Z
19/03/2010, 02:45 AM
انا هنا
بس كنت فيتجمعالبشرة وجيت على طول

Emo0o0Z
19/03/2010, 02:47 AM
هههههههههههههههههههههههه ماشي يا مها من عينيا
وشوفي اروتك كمان عاوزة ايه اجيبه لها


ربنا يخليكي يامي ده نورك
ايه اخبارك

Emo0o0Z
19/03/2010, 02:48 AM
ماهو جوزي كلمني لما روح يا مها ولقى الموبايل في البيت
بيقول لي لقيت13 رسالة هههههههههههههههههههههه

بناتى حياتى
19/03/2010, 02:49 AM
عقبال ماتيجى هتكون اروتى كلت كل حاجة
فاانتى وزوقك اللى تجبية
ههههههههههه



13 رسالة ههههههههه

فكرنى يوم ماكنت بولد بتول كنت سايبة موبيلى ف البيت
لقيت حاجة وخمسين مسد
ورسايل كتير باردو
هههههههههههههههههه

Emo0o0Z
19/03/2010, 02:51 AM
همالبنات بتوعكو نايمين وﻻ ايه
معاذعمال يتقلب الناموس هنا كتير كاننافي الارياف والله هههههههههههههههههههههههه

بناتى حياتى
19/03/2010, 02:51 AM
شوفتك بتكلمى عن مقشر شهر العسل
انتى جربتية
وحلو فعلا؟

كنت عايزة اعملة بس الحكومة اعترضت
قولت حاضر يافندم
ههههههههههههه

بناتى حياتى
19/03/2010, 02:51 AM
اروتى نايمة
وبتول بتناكف ف باباها


والله دة اهم سبب مخلينى مترددة اجى ابات
انا بتهرى لما باجى باردو
ربنا يستر
واروتى بتقرقش

"أم حمودى وفلة"
19/03/2010, 02:52 AM
الحمدلله يا سالي
انتي عاملة ايه وحمودي اخباره ايه
هتروحي عند طنط بكرة وﻻ قاعدة ؟

الحمد لله يامونة بخير
لا هروح عند ماما ليه انا قاعدة وماما هى اللى عندى اصلا

همس الصفا
19/03/2010, 02:54 AM
مشاركتى فين مش شايفاها
ازيك يا سالى

Emo0o0Z
19/03/2010, 02:54 AM
هههههههههههههههههههههههه وهي الحكومة مين الليتعترضوليه اصﻻ تعترض وانتيليه اصﻻ تقولي حاجة زي دي

بس حلو جدا يا مها انا جربته وكنت مواظبة عليه وجميل وبينعم والله خالص وبيشيل الشعر الليتحت الجلد كمان

بناتى حياتى
19/03/2010, 02:55 AM
الحمد لله يامونة بخير
لا هروح عند ماما ليه انا قاعدة وماما هى اللى عندى اصلا



منوووووورة

Emo0o0Z
19/03/2010, 02:55 AM
سالي انتي لسة صاحية
انا افتكرتك نمتي

طب كويس ان طنط عندك فاكراكي قاعدة لواحدك
مش هتقضو يوم الجمعة هناك بكرة وﻻ هييجو يقضوه عندك

همس الصفا
19/03/2010, 02:55 AM
اياكى تيجى مادام حرمانى من اروى
لحسن هقولك ياللللللللللله

بناتى حياتى
19/03/2010, 02:56 AM
هبل تقولى اية عليا

بس هجرب اعملة ف الخباثة

Emo0o0Z
19/03/2010, 02:56 AM
يا عيال انا عاوزةاقوم انااااااااااااااااااااااا ااااااااااام
اختي هتصحيني بكرة بدري عشان هتنضف

بناتى حياتى
19/03/2010, 02:57 AM
ههههههههههههههههههه

ماشى يامى

بناتى حياتى
19/03/2010, 02:58 AM
وانتى هتتفرجى عليها

وازاى تنضف وانتى موجودة محبكتش يعنى
ههههه
بهدى النفوس

Emo0o0Z
19/03/2010, 02:58 AM
مها انتي حارمة مي من اروى وﻻ ايه
حرام عليكي

ماهي حرمانا هنها احنا كمان يا مي كل لما تيجي لي او تروح لسالي تسيبها نايمة وتيجيمن غيرها
بس هي مش فاهمه بقى اننا اصلا مش عاوزينها هي احنا عاوزين اروى وبتول
هههههههههههههههههههههههه

بناتى حياتى
19/03/2010, 02:58 AM
يتصفح الموضوع حالياً: 4 (4 من الأعضاء و 0 من الزوار) ‏بناتى حياتى (http://forums.3roos.com/member.php?u=141267), ‏أم حموودى القمر (http://forums.3roos.com/member.php?u=273674)+, ‏*Om Mo3az* (http://forums.3roos.com/member.php?u=135581)+, ‏همس الصفا (http://forums.3roos.com/member.php?u=200967)+


عايزين نروح اسواق بندة احنا الاربعة
ههههههههههههههههههه

همس الصفا
19/03/2010, 02:59 AM
تصبحو على خير جميعا

بناتى حياتى
19/03/2010, 02:59 AM
ماشى يا حببتى تعالى خديهم هما الاتنين
ههههههههههههههه

Emo0o0Z
19/03/2010, 02:59 AM
ههههههههههههههههههههههه
ﻻهي هادية لواحدها يا حبيبتي
والله بتصعب عليا الشقة كبيرة عليها فبضطر اساعدها
انابعمل المطبخ وبطبخ
اصلي بحباطبخ اوي وماما بتبقى قاعده تلعب مع معاذههههههههههههههههههههه ههههههه

بناتى حياتى
19/03/2010, 03:00 AM
هتنامى دلوقتى؟؟؟؟؟
لسة بدرى
امال عايزة اروى ازااااى

Emo0o0Z
19/03/2010, 03:01 AM
مع السلامي يا مي انا كمان هحصلك دلوقتي

يلا يامها والله
انهرده كنت انا وماما واختي واخويا ومعاذ
كنا بنتفسح ههههههههههههههههههههه

بناتى حياتى
19/03/2010, 03:02 AM
طب ع خيرة الله
خدوا ايدكو ف ايد بعض وقومو اكلكو يللللللللللللة
ههههههههههه

Emo0o0Z
19/03/2010, 03:02 AM
هي سالي بتروح فين كل شوية

بناتى حياتى
19/03/2010, 03:03 AM
تلاقى محمود مجنناها
الله يعينها
كنا بنكلم اسماء من شوية ع الميل
بتسلم عليكى

Emo0o0Z
19/03/2010, 03:04 AM
انا هقوم انام بقى انا كمان

بناتى حياتى
19/03/2010, 03:04 AM
اروتى صحت
حد عايزهاااااااااااااا؟؟؟؟؟؟ ؟؟؟؟؟؟؟؟

بناتى حياتى
19/03/2010, 03:04 AM
ماشى ياايمى
هابى دريمز

عقبااااااااالى

Emo0o0Z
19/03/2010, 03:04 AM
بجد
مش بتيجي هنا ليه
سلمي لي عليها كتير انا الماسنجر عندي بايظ وهنا ناسية افتحه

يﻻ سﻻم بقىانا تعبت بجد وعاوزة انام
الكرسي اللي قاعدة عليه متعب اوي ههههههههههههههههههههه

همس الصفا
19/03/2010, 03:05 AM
kamal: عايزه اقوم انام بدل الكفاح اللى انا فيه ده
mohamed kamal: المنتدى بطئ
maha ahmad: كفاح اية خير
maha ahmad: لية؟
mohamed kamal: وانتو بتكتبو مشاركت على طول
mohamed kamal: ووانا مع الماوس بس قاعده اتكتك
maha ahmad: اكتبى انتى كمان ع طول
maha ahmad: حتى لو اى كلام عشان تشوفى الكلام
maha ahmad: ههههههههههههههههههههههههه ههههههههههههههههههههههههه
mohamed kamal: ههههههههههههههههههههه
maha ahmad: سيبك من الماوس
mohamed kamal: اقلب الصفحه والف وارجع تانى
mohamed kamal: زى التايهه
maha ahmad: ههههههههههههههههههههههههه هههههههههههه
mohamed kamal: هههههههههههههههههه

Emo0o0Z
19/03/2010, 03:05 AM
ههههههههههههههههه عقبالك ايه بقى
ده انتي يومك طويل ربنامعاكي

Emo0o0Z
19/03/2010, 03:06 AM
ايه ده يا مي
مش فاهمه حاجة

بناتى حياتى
19/03/2010, 03:08 AM
نمتووووووووووا

"أم حمودى وفلة"
19/03/2010, 03:08 AM
الله يسلمك ياايمان

ايوة شوفتة
وسالى قالتلى ع يوم الافتتاح الاسبوع الى فات كان موووت

قولت لمااجى مرة ف الرواقة نبقى نروح ان شاء الله
واسعارة اية؟؟؟؟؟؟


مرات عمى راحت وبتقول اسعاره غالية اغلى من الوكالة وعوض الله


سالي انتي لسة صاحية
انا افتكرتك نمتي

طب كويس ان طنط عندك فاكراكي قاعدة لواحدك
مش هتقضو يوم الجمعة هناك بكرة وﻻ هييجو يقضوه عندك

انا هنا يا ايمان
بس محمود مش عارفة ماله خلال نص ساعه صحى 5 مرات كل 10 دقايق وبيعيط عياط هيستيرى وحتى مش عاوز يشرب مية مش عارفة ماله الواد ده ربنا يهديه ويشفيه

بناتى حياتى
19/03/2010, 03:08 AM
كانت بتكلم اهلها ف مصر

"أم حمودى وفلة"
19/03/2010, 03:09 AM
انا كنت بصلى وجيييييييت

ايمان هتجيلى بكرة؟؟؟

Emo0o0Z
19/03/2010, 03:10 AM
معلش يا سالي ربنا يهديه يارب

بس اناشايفة ان اسعارهعاديةخالص ع فكرة
مشعارفة بقى وماما كمان بتقول الاسعار عادية


بنات سﻻم بقى بجد المرة دي

Emo0o0Z
19/03/2010, 03:11 AM
سالي بكرة الجمعةمش بينفع اخرج والله
عمتي وعمي بييجولنا واخواتي كمان
انتي عارفة
تعالو ننزل يوم السبت نروح اي حتة

بناتى حياتى
19/03/2010, 03:12 AM
نروح اسواق بندة

Emo0o0Z
19/03/2010, 03:13 AM
ههههههههههههههههههههههه
ماشي يا مها احسن يطلع لك وحمة باندة وﻻ حاجة
ههههههههههههههههههههههههه ههههههههههههههههه

"أم حمودى وفلة"
19/03/2010, 03:13 AM
خلاص ربنا يسهل هشوف وابقى ارد عليكى
انا نزلت النهاردة انا وماما اتمشينا وجبت طلبات للبيت ومحمود كان فى العربية
بس جننى وكل شوية عاوز ينط منها وقعد يعيط عاوزنى اشيله
بس مبعدناش اوى حوالين البيت بس

بناتى حياتى
19/03/2010, 03:13 AM
هههههههههههههههههههههه
ماشى

"أم حمودى وفلة"
19/03/2010, 03:15 AM
ماهى المشكلة يا ايمان ان مها بتحب تتفرج بس مش بتشترى حاجة
يعنى هندخل ومش هتجيب حاجة هيبقى شكلك وحش اوى يامها
ههههههههههههههههههههههههه هههههه

Emo0o0Z
19/03/2010, 03:15 AM
اخر مشاركة هكتبها بججججججججججججججججججد

سلااااااااااااااااااااااا اااااااام

"أم حمودى وفلة"
19/03/2010, 03:17 AM
مها عندها هواية اللف والفرجة بس متشتريش
ههههههههههههههههههههههههه هههه
امبارح دوخت نفسها فى اسواق مكة ومريم ومشترتش حاجة برضه
ههههههههههههههههههههههههه ههههههههههههه

بناتى حياتى
19/03/2010, 03:17 AM
لية ياسالى محدش لة حاجة عندنا
هههههههههههههه
وبعدين اانا مش بحيب طلبات البيت

طب ما تشترى انتى عشان شكلنا مايبقاش وحش
هههههههههههههههههه

"أم حمودى وفلة"
19/03/2010, 03:18 AM
صحيح يا مها بما انك بتحبى الفرجة ههههههههههه
رحت محل روز اللى فى الترعه جمبنا ده فاكراه اللى كنا دخلناه مع بعض قبل كده ولقيت فى حاجات تحف للبنات ولينا كمان
ابقى روحى اتفرجى هههههههههههههههههههه

بناتى حياتى
19/03/2010, 03:19 AM
مش قولتلك لسة معرفش العجز ف البيت ولا الخروج
ولا هجيب حاجة مش محتاجها واللى احتاجة معرفش اجبية واقول يارتنى

Emo0o0Z
19/03/2010, 03:19 AM
بس يا بنات ماتتخنقوووووووووووووووووو ووش
العبو مع بعض عشان انا هقوم انام

"أم حمودى وفلة"
19/03/2010, 03:19 AM
لية ياسالى محدش لة حاجة عندنا
هههههههههههههه
وبعدين اانا مش بحيب طلبات البيت

طب ما تشترى انتى عشان شكلنا مايبقاش وحش
هههههههههههههههههه


ماشى بس انا لسه شارية النهاردة بيض ولبن جهينة وزبادى وعيش وجبن
يعنى مش هيلحقو يخلصو على يوم السبت
بس عموما نبقى نبص على الادوات المنزلية يمكن اجيب حاجة لحماتى

بناتى حياتى
19/03/2010, 03:19 AM
وانا هروح من غيرك
وانتى ما شترتيش حاجة لية
ههههههههههههههه

بناتى حياتى
19/03/2010, 03:20 AM
قومى ياايمان متتحجيش بينا
انا وسالى لا يمكن نتخانق ابداااااااا
ههههههههههه

Emo0o0Z
19/03/2010, 03:21 AM
خلاص هبقى اشتري انا

سلام بقى ومش هعمل ريفريش تاني

"أم حمودى وفلة"
19/03/2010, 03:22 AM
اه طبعا ربنا ميجبش خناق
احنا حبايب
والله يامها مشترتش لان لبس الصبيان مش قد كده وبالنسبة ليا قلت استنى بعد ما اولد والكرش ينزل علشان اجيب الحاجة مظبوطة عليا

Emo0o0Z
19/03/2010, 03:22 AM
ماشي يامها
هتلعبومع بعض يعني ههههههههههههههههههههههههه ههه

"أم حمودى وفلة"
19/03/2010, 03:22 AM
يلا يا ايمان قومى وانا كمان هتلاقينى وراكى جررررررررى اهو

"أم حمودى وفلة"
19/03/2010, 03:23 AM
عملتى ريفريش ليه
؟؟؟؟ههههههههههههههههههههه