المساعد الشخصي الرقمي

مشاهدة النسخة كاملة : مستشفيات جده



ساساش
18/12/2009, 10:00 PM
الي من جده ياليت تنصحني اي مستشفى افضل في الولاده وعند اي دكتوره وياليت الي تعرف مكان لتجهيزات االنفاس في جده تفيدني ولكم مني كل تقدير واحترام:|

ام عموري وعبودي
19/12/2009, 09:34 AM
هلا يا ساساش وتولدي بالسلامة ان شاء الله بالنسبة لي انا راح اولد باذن الله في مستشفى بقشان عند الدكتورة عيشة وهى جدا ممتازة وهي اللي ولدتني في ولدي الاول
بالنسبة للتجهيزات لسه انا مثلك قاعدة ادور اذا عرفتي مكان قولي لي

ساساش
19/12/2009, 11:13 AM
يسلمو اختي على المرور

فريده 2009
19/12/2009, 01:17 PM
بالنسبه للولاده انا ولدت باولادي اثنين بالمتحدون وبصراحه مستشفى كويس للولاده وانصحك بدكتوره صباح حداد اما بالنسبه للتجهيزات اذا كان قصدك اللحاف وسرير البيبي سمعت عن المفتي اللي جنب الجمجوم وانشالله اكون افدتك:)

فرروحه عروس
19/12/2009, 01:26 PM
انا اولد بالعسكري

مرررررررره روعه الحمدلله

روح الربيع
19/12/2009, 03:29 PM
والله انا حبيبتي اسمع عن فاطمه العتيبي في فقيه وحنان الشمراني في الاطباء المتحدون كل خير
واذا عادي دكتور انصحك شكري عبد العظيم في مستشفى الزهراء لأن كلمه رائع فيه كثير
وبالتوفيق

ملاك الروح--2009
19/12/2009, 04:08 PM
انا ارجع عند الدكتوره جوهر بمستشفى جده الوطني الجديد بفضل من الله ربي سخرها ليه كنت عند بدر الدين ما حملت 11 سنه بس دخلت عندها وماكنت مقتنعه فيها لان الدكتور عنده زحمه وما يقبل الا عدد معين بس والحين الحمد لله انا حامل والله يحفظه ليه ويجي بالسلامه وبنسبه للتجهزات ملابس الحمل والولاده والبيبي من الهرم الي في النعيم وفي اشياء ثانيه حلوة ورخيصه والبس حق المستشفى من ستي بلازا اشتري طقم كامل والله يوفق الجميع

samoha2009
19/12/2009, 04:38 PM
عليكي بالاطباء عناية والولاده والخياطه جدا رائعه
والتجهيزات في محل عند فندق صن سيت في الكبري المربع
اسمه الكرستال اشياءه جدا رائعه

ساساش
19/12/2009, 05:36 PM
الله يجزامن كل خير يعني ما احد جاب طاري مستشفى بخش في الشرفيه الي تنصحني بيها يايت تفيدني

دلوعة حياتيS
20/12/2009, 03:32 AM
عندك الدكتورة سمر الشاقي في بقشان مرررررررررة ممتازة ماشاءالله عليها و عن تجربة شخصية

"TOOM"
20/12/2009, 07:09 PM
انا ان شاء الله بولد عند الدكتوره سوزان الكافي في مستشفى المركز الطبي (فتيحي)مره ارتحت لها طيوبه والمستشفى روعه وبالنسبه للتجهيزات والله لسه في البدايه الله يعينا كلنا..

"TOOM"
20/12/2009, 07:12 PM
الله يجزامن كل خير يعني ما احد جاب طاري مستشفى بخش في الشرفيه الي تنصحني بيها يايت تفيدني


مادري والله بس كثير مايمدحوه يقولوا تصير فيه اخطاء طبيه كثيره انا وحده اعرفها نسوا فيها مناديل وقت الخياطه..

MOORA
22/12/2009, 04:58 AM
انا عند دكتور (حسان عبد الجبار) في المتحدون ممتاز قليله في حقوا والله

وبالنسبه لتجهيزات النونو تبعي بصراحه ربي مهما لفيت السوق والمحلات مافي احلى من بنات افكاري مش مدحا في نفسي بس انا اصلا البزنس تبعي توزيعات المواليد لو تحبي اي استفسار او تشوفي بعض من توزيعاتي عالخاص ابعتلك هيا

جي جي شوب
26/12/2009, 11:39 AM
اناكمان اراجع بالطبي فتيحي عند هناء بدران كويسه

t3ooma
28/12/2009, 02:38 AM
أنا بأتابع مع المتحدون .... معروفة المستشفى ممتازة في الولادة

دكتوري البروفيسور حسن جمال جدا ممتاز و مريح .....

و في وحدة من صحباتي ولدت في مستشفى فتيحي عند دكتورة سوسن بس مو فاكرة لقب الدكتورة و قالت انها ارتاحت معاها ...

سحاب الود
28/12/2009, 11:48 AM
السلام عليكم ورحمة الله وبركاته


ما شاء الله تبارك الله ، انا زوجي يقول لي انو احسن مستشفى المتحدون بس نحن ما عندنا تأمين فيه، عشان كدا انا اراجع في فقيه، عند الدكتورة نادية الحازمي، مرررررة ممتازة ما شاءا لله عليها، ارتحت لها جدا، وافكر ان شاء الله اولد في فقيه عندها.


بخش مررررررررررررررررررة مو كويس
انا كنت اراجع هناك ، بس ما ارتحت لهم مواعيد اي كلام، وكأنك تتشحتي منهم موعد شي مو مو طبيعي، مع انو يمدحوه في التخصصات التانية، والله اعلم
بس من ناحية التعامل انا ما ارتحت لهم



بالنسبة للتجهيزات، والله انا زيك ما اعرف شي في جدة، بس بجرب اروح الاماكن اللي قالوا عليه الاخوات، وان شاء الله القى حاجات حلوة ورخيصة


الله يتمم لنا جميعا على خير
:072:

..★شـــااانيل★..
28/12/2009, 02:29 PM
اب للفائده

رمــــش تركــــواز
28/12/2009, 09:48 PM
التجهيزات عندك الهرم واكسينا عند رد تاغ (اخر فرصه سابقا) بعد مستشفى عرفان عنده
اشياء حلوووووه ورخيصه عندك البوادي وبعد البوادي في محلات للاطفال
وطبعا الماركات المعروفه وسنتر بوينت رووووووووووعه
وربي يسهل عليك ياقلبي

cendy
29/12/2009, 01:06 AM
انا كمان ابغى اعرف اش افضل مستشفى

انا اراجع في فقيه وبخش

بس ماعجبتني معاملتهم في فقيه بجد بهدلوني وحتى المواعيد زفت

كنت اروح على موعدي ماادخل الا بعد ساعتين تلاته

اما في بخش مواعيدهم تمام يدخلوني بسرعه ومعاملتهم جدا رائعه

بس محتاره فين اولد في فقيه ولا بخش مدري والله

سوالف عشق
12/05/2010, 10:25 PM
للـــــــــــــــــــــــ ــرفع

ماسة الجمال
13/05/2010, 12:30 AM
والله حبيبتي انا بعد ماسألت عن بخش وقريت عنه في النت رحت راجعت فيه وان شاء الله بولد فيه لان خالاتي ولدوا فيه ومره يمدحونه ويدلعووووونك دلع

انا الحين اتابع عند الدكتوره كيتي رااااااائعه وروحي اقري عنها في النت ويمدحوها اثناء الولاده الله يسخرها لي وتولدني يااااااااااااااااااااااار ب

MOORA
13/05/2010, 01:36 AM
بصراحه أنا كل عيالي في المتحدون

ودكتوري بروف:حسان عبد الجبار ماأفكر اغيروا وأتعب اقلك ممتاااااااااااااااااز

انصحك فيه