المساعد الشخصي الرقمي

مشاهدة النسخة كاملة : :::...:::::حوامل الكويت وينهم :::...:::::



مراوي
04/12/2009, 11:37 PM
مرحبا يا حوامل الكويت

و جتى اللي مو حامل بعد حياها الله فيكم الخير و البركه :)

انا احتمال زايرتكم اسبوع الياي

فقلت خل روحتي بفايده هالمره

بغيتكم تساعدوني و تدلوني اذا ابي اتشرى شغلات حق استقبال ولادتي ان شاء الله

و حق البيبي و حقي مافي بالي شي معين بس ابي شغلات حلوه و فنتوقيه

يعني حركات كشخه حق استقبالي

وين تنصحوني اروح و شنو الشغلات اليديده عندكم بليز لاتاخرون عليي عشان لا يضايقني الوقت و اروح وانا ماعندي عناوين F: :D

مراوي
05/12/2009, 11:16 AM
معقوله مافي حوامل من الكويت

ماكان هكذا الظن بكم :(

s7aba
05/12/2009, 12:37 PM
حطي الموضوع في قسم السياحة والسفر يمكن حوامل كويتيات لكن في ناس تعرف حتى لو ما كانو حوامل صح ؟؟

مراوي
05/12/2009, 01:15 PM
مشكوره هودي

قسم السياحه تطنيش اكثر جربته من قبل

مافي غير السفيره جزاها الله خير ساعدتني يم كنا بنروح تايلند

محد لحد يا ختي

نيهال66
05/12/2009, 01:43 PM
حبوبه انا مش من الكويت

بس في سوق السالميه وو المباركيه ومدينه المعلم الي في السالميه فيه ارواب لك حق النفاس لبس مره كشخه بس للاسف مااعرف اسم المحلات شاريه منهم من ثلاث سنين

العوبة
06/12/2009, 04:41 PM
حبيبتي انا من الكويت امري بالضبط انتي شنو تبين وانا بالخدمة فديتج

مراوي
07/12/2009, 12:29 PM
مشكوره نيهال ماقصرتي :)

===========

اختي العوبه

تسلمين والله

انا ابي اماكن اروحها احصل شغلات حلوه و حركات حق الضيافه و حق البيبي

يعني مثلا شنو شغلات جديده عندكم تنفع حق الضيافه قبل فتره كان في يحطون غرش صغيرات تتعلق بستكانه الشاي حلو شكلها و حركه حق الضيافه

جذي يعني شغلات فنتوقيه عرفتي :) و هم لو في شغلات حق البيبي فنتوقيه بعد حلو

انا كنت بسوي اوردر حق جوتي بنوتي حق عمر 3 شهور بكعب يونس شكله :)

فيعني ابي شغلات جذي حركات روشه مثل مايقولون

توزيعات شنو حلو نازل موضه عندكم جذي يعني

العوبة
07/12/2009, 02:27 PM
شووفي في عندنا سرداب اسمه سرداب بياع الورد بحولي العماره قبال مستشفى دار الشفاء

اهو سرداب و فيه كل شي حق التزيين و هالسوالف و اسعارهم رخيصه تلقين كل اغراض التوزيعات من العلب الصغيرة والشرايط وجذي ليمن الاستاند للتوزيعات
اما ملابس البيبي عندج بالمباركية يم سوق الذهب سرداب النصار للبيبي وقمصان النفاس
وموضة التوزيعات الحين على حسب كل وحدة وذوقهااا في بنات يحطون شمع الللي تكون ريحته فراولة وغيره - في بنات يسووون لوشن بس العلب تكون كلهاااا ميني يعني للتوزيع
وفي بنات يسوون كب كيك مغلف او جار ( برطمان ) متروس انواع الكوكيز
ولا تردين على المووديل القديم كاكاو :)
اطقم الضيافة في مجمع بحولي اسمه بيروت تحت كله سوق مواعين ومطارات الجاي والقهوة وجذي
وامممممم نسيت انا نفسج حامل وقاعدة اجهز خخخخخخ اذا بدك شي ثاني امريني بس يا قلبي

مراوي
08/12/2009, 12:27 AM
مشكووووره يا وخيتي الله ينقلك لتمامه و كل الحوامل ان شاء الله انتي اي شهر الحين ظ :)

بسجل عندي كل العناوين اللي عطيتيني اياها

بياع الورد مار عليي اسمه يمكن قريته من بنات الكويت يذكرون اسمه

انا التوزيعات كنت حاطه عيني على شغلات كنت بسوي عليها اوردر بالنت بس كانت تناسب جنس معين

الحين انا عندي جنس المولود طلع غير عن اللي توقعته فيبيلي اغير خطتي :)

PrinCess SariTa
08/12/2009, 10:35 PM
مراوي في محل بنفس مجمع بياع الورد اسمه مارسيللو ان ما خاب ظني

عنده حركات في تعليقات السكر حق الجاي عرفتي يشوقون .

مراوي
09/12/2009, 12:09 PM
مراوي في محل بنفس مجمع بياع الورد اسمه مارسيللو ان ما خاب ظني

عنده حركات في تعليقات السكر حق الجاي عرفتي يشوقون .


مشكوره برنسيس ساريتا فرحتي قلبي حسيت اني لقيت المحل اللي بحصل فيه خزعبلاتي اللي ابيها :lol:

على فكره انتي ماشيه مثلي بالشهور فرق اسبوع بيني و بينك بس

جهزتي شي ولا للحين

ايماني قوي
09/12/2009, 06:52 PM
شووفي في عندنا سرداب اسمه سرداب بياع الورد بحولي العماره قبال مستشفى دار الشفاء

اهو سرداب و فيه كل شي حق التزيين و هالسوالف و اسعارهم رخيصه تلقين كل اغراض التوزيعات من العلب الصغيرة والشرايط وجذي ليمن الاستاند للتوزيعات
اما ملابس البيبي عندج بالمباركية يم سوق الذهب سرداب النصار للبيبي وقمصان النفاس
وموضة التوزيعات الحين على حسب كل وحدة وذوقهااا في بنات يحطون شمع الللي تكون ريحته فراولة وغيره - في بنات يسووون لوشن بس العلب تكون كلهاااا ميني يعني للتوزيع
وفي بنات يسوون كب كيك مغلف او جار ( برطمان ) متروس انواع الكوكيز
ولا تردين على المووديل القديم كاكاو :)
اطقم الضيافة في مجمع بحولي اسمه بيروت تحت كله سوق مواعين ومطارات الجاي والقهوة وجذي
وامممممم نسيت انا نفسج حامل وقاعدة اجهز خخخخخخ اذا بدك شي ثاني امريني بس يا قلبي



ما قصررررررررررررت لا تنسين خصوصا النصار عجييييييييييييب وسعره رخيص وكل شي فيه وجوده وحتى الجلابيات لج بتلقين انا جهزت منه يجنن واذا تبين ماركات وسوالف هذي عندج لافنيوز بس اعتقد نفس المحلات الي عندكم (( ماذركير وسنتربوينت ))


بس لا تنسين اذا شريتي وخلصتي تورينا تجهيزاتج ان شالله

مراوي
09/12/2009, 09:10 PM
ما قصررررررررررررت لا تنسين خصوصا النصار عجييييييييييييب وسعره رخيص وكل شي فيه وجوده وحتى الجلابيات لج بتلقين انا جهزت منه يجنن واذا تبين ماركات وسوالف هذي عندج لافنيوز بس اعتقد نفس المحلات الي عندكم (( ماذركير وسنتربوينت ))


بس لا تنسين اذا شريتي وخلصتي تورينا تجهيزاتج ان شالله

ان شاء الله اذا رحنا ووصلنا الاماكن اللي دليتوني عليها بحط لكم شنو شريت

انزين المباركيه مافيها شي؟ لان زوجي لاااازم اذا بيروح الكويت لازم يمر بنا هناك كانه واجب :lol:

ما الاقي عندهم محلات او سراديب حق هالشغلات

ايماني قوي
11/12/2009, 02:04 AM
ان شاء الله اذا رحنا ووصلنا الاماكن اللي دليتوني عليها بحط لكم شنو شريت

انزين المباركيه مافيها شي؟ لان زوجي لاااازم اذا بيروح الكويت لازم يمر بنا هناك كانه واجب :lol:

ما الاقي عندهم محلات او سراديب حق هالشغلات



هذا اهو النصار في المباركيه اممممممممممم انا اعتقد ان كافي النصار لان انا متاكده انج بتلاقين كل شي فيه عجييييييب بمعنى الكلمه انا كنت مفكره اروح كذا محل بس بصراحه كفاني هذا السرداب كل شي شريت منه حتى ملابسي وتكرمين ملابس الداخليه للنفاس والبانيو لياهل اذا سبحته والسرير والمهادات والسلال ومفرش التقديم وديباج للياهل وووو هذا الي اذكره

مراوي
11/12/2009, 10:52 AM
تحمست وايد

مشكله معانا اختي و زوجها يعني كلشي بيكون قدامهم كان خاطري تجهيزي يكون مفاجأه بس يالله :)

مشكوووره ايماني قوي و مشكورين كل البنات اللي ساعدوني

و اللي عندها اماكن ثانيه بعد تفيدني لحين قدامي لاسبوع الياي

حرم السويدي..
11/12/2009, 07:24 PM
خساره .. ليتني قريت هالموضوع قبل ماارجع من الكويت :/ .. انا شغلات الاستقبال للولادة معظمها خذتها من الكويت .. اسعارهم تجنن وعندهم شغلات مميزه كثيره ..
في محل بالمباركيه كللللللللللله تحف واشكال عجيبه .. مري عليهم .. شوفيهم ..

بس كنت اتسوق عالبركة .. للاسف سألت قبل مااروح ..

ومشكورة عالموضوع

مراوي
13/12/2009, 03:52 PM
خساره .. ليتني قريت هالموضوع قبل ماارجع من الكويت :/ .. انا شغلات الاستقبال للولادة معظمها خذتها من الكويت .. اسعارهم تجنن وعندهم شغلات مميزه كثيره ..
في محل بالمباركيه كللللللللللله تحف واشكال عجيبه .. مري عليهم .. شوفيهم ..

بس كنت اتسوق عالبركة .. للاسف سألت قبل مااروح ..

ومشكورة عالموضوع

مشكوره حرم السويدي على مشاركتنا تجربتك

ماقلتي لي شسمه هالمحل اللي رحتيه في الباركيه و عنده شغلات عجيبه

PrinCess SariTa
19/12/2009, 05:51 PM
مشكوره برنسيس ساريتا فرحتي قلبي حسيت اني لقيت المحل اللي بحصل فيه خزعبلاتي اللي ابيها :lol:

على فكره انتي ماشيه مثلي بالشهور فرق اسبوع بيني و بينك بس

جهزتي شي ولا للحين

لا والله ما جهزت بس شريت كبوسين مع دسوسهم و دلاغاتهم من محل Max

ايماني قوي
20/12/2009, 05:06 PM
بعد في محلات بسوق الفحيحيل حلوووه ...

اسم المحل ((بيبي كير ))تلقونه مجابل سوق الشاهبندر بالفحيحيل ... وهو بعد سرداب حلووو امس كنت فيه نجهز لبنت خالتي ...

blak shogar
21/12/2009, 08:44 PM
اذا للحين مارحتى الكويت عندج محل طيور الجنة وميقات هذول أسواق شعبية رخيصة من 100 فلس وفوق فيه شغلات مثل السوفينيرات للمواليد مرى عليه
طيور الجنة بكل مكان لكن أنا اللى يعجبنى اللى بحولى وسوق ميقات بخيطان :) وأى شى أنا حاضرة