تكفن يا بناااات .... محتاجة لكن لا تخلني ....

[العصية]

السلام عليكم ورحمة الله وبركاته

صباحكم/مسائكم عسل ...

انا يا بنات محتارة حيييل ومحتاجة مشورتكن... فماخاب من أستخار ولا خسر من أستشار ..

أنا أستخرت وباقي المشورة .. وهذاني محتاجتكن فلا تخلني تكفن ...

أنا بإختصار ..
عمري 31سنة وَ 3شهور ..
عندي مشكلة صحية (خلع بالوركين منذو الولادة)..
وعشان كذا ما قط احد خطبني .. أختي الآصغر مني صار لها متزوجة 6سنوات وعندها ولدين الله يحفظهم لها ..
خطبني مرة واحد من أقاربي البعاد... عنده تخلف عقلي بسبب حادث ..
لكن ابوي رفضه ..
واليوم تقدم لي شاب عمره بأخر الثلاثينات .. عنده مشكلة نفسية ويآخذ مهدئات ...بسبب عين على تفوقه الدراسي ... وعاطل عن العمل ..
هذا ثاني خطيب وووبس ...
محتارة اوافق او لا ...؟!
انا حياتي عند ابوي سعيدة ولله الحمد ... ابوي مدللني لدرجة اني ما حسيت ان عمري بالثلاثين ابد .. كأني في عيونه طفلة ...
ما بقى من البنات إلا أنا ..كل خواتي تزوجن..
انا ما همني الزواج .. لكن أشعر بالفراغ العاطفي والفراغ الحسي ..
أبوي مريض فالقلب ...وامي مريضة بفايرس كبدي سي ..
لما أفكر عقب عينهم بعد عمر طويل وين اروح ؟؟
ولمن ؟؟
خاصة ان اخوي الوحيد زوجته ما تنطاق ... تجيب الأكتئاب للي يعيش معها ....
مدري اوافق او لا ؟؟
انا أستخرت بس مووب حاسة بشئ ...
أخاف الشاب مرضه مزمن ثم اندم مع الوقت ..
هل لو وافقت وكان عنده عيوب .. اكون بقراري تسرعت .. خاصة أني ثلاثينية ...
هل انلام لو وافقت وكان سيئ..؟؟
انا تعبت من التفكير ..
خاصة ان ابوي متردد ولا وده...!!
وخواتي متشجعات ..
وزوج اختي اللي كنه اخوي .. متشجع ويقول لبوي : ان ما زوجتها~ انا بزوجها ....
زوج اختي يبي لي الستر .. والآستغناء عن خلق الله بتقضية حوايجي ...
سؤالي الثاني :للمتزوجات فقط...
انا عندي مشكلة الخلع الوركي بكلا الوركين ..
هل يمنعني من تاديت حقوق زوجي < ما يحتاج أني أوضح !!
وهل بيسبب لي مشاكل فالحمل والولادة؟؟
طمنني الله يطمنكن دنيآ وآخرة ..ويشرح صدوركن ..
ويسعدكن بكل الدارين ..
نفسي اتزوج .. مو عشان العيال ..
بس نفسي اتزوج.. عشان احد يشيل همي عن ابوي ... والقاء من استند على صدره يوم أحس بالضيق ..
القاء احد اتكلم معه ... واحس اني مسؤلة عن احد .. واحد مسؤل عني ...
وسيارة وين ما ابقى توديني .. لاني محرومة عند اهلي ...
نفسي أكشخ والبس عرياني .. لآني ما البس إلا الساتر واقول بكرة اتزوج والبس عند زوجي على كيفي ...
عمري ضاع وانا مسوية شعري كعكع والبس قمصان البيت ..لاني ما طالع ابد من بعد تخرجي ...

هل هالآسباب كافية اني اتهور واوافق على الشاب اللي تقدم لي ؟؟؟؟

انتظر ردودكن ....

[جناح الروح]

مساء الورد الغالية...


نصيحتي حبيبتي ..

الزواج عمر ... وعيشة حتى الممات ..

انتي احكمي ... ان هذا الشخص وبهاي المواصفات أقد أعيش معاه العمر كله ...

من رأيي ... صعبة ..

الزوج بكامل قواه العقلية ويا الله تقدرين عليه خخخ (( امزح حبيبتي ))

بس أقول دام انتي مرتاحة عند أهلج ... لا تستعجلين

الله يوفقك ياااااارب

[العصية]

نسيت اقول لكن :
أبوي ما وده موو لشئ .. بس ما يبي يزوجني أبد .. مشفق علي ..
انا أقدر امشي وشغل البيت كله علي ..
بس عندي عرج خفيف ....

و ابوي يحبني ويخاف علي ... وراحمني ...
لكن الشاب كل اللي سألناهم عنه يقولون ما شفنا عليه شئ !!!

[أمورة*]

والله ياقلبي مدري ايش اقولك بس استخيري مرة واثنين وثلاثة وشوفي انتي ترتاحي لإيه

صراحة الاول اشوف صعب العيشة معاه بس الثاني ممكن

وعليكِ بالاستغفار وقيام الليل والدعاء

والله يفرجهآ عليك يارب

ودعواتي لك بالزوج اللي يسعدك ويهنيك

[عروس الحب]

المريض النفسي شخص متعب صدقيني و فوقه عاطل عن العمل

اشلون راح يصرف عليج وعلى اولادج؟؟

فكري فيها اختي عدل وشوفي راي دكتور نفسي عن حالته؟؟

وشنو اسباب عطله عن العمل؟؟

هل هو بسبب مرضه ؟؟

[العصية]

أنا أحس ان المجتمع ظلمة زي ما ظلمني ..

يعني حط عليه وحقرة زيي ...
انا حاسة فيه ... !!

انا بنات خواتي تزوجن وهن اصغر مني بكثيير ..
لما أجلس معهن احس بالآحتقار لنفسي ...
مدري انا متوترة ولا ادري وش أبي ..

اخاف ارفضه ولا يتقدم لي غيره ..
خاصة ان مجتمعي يشوفني معاقة .... وووبس ..
لا كن ما يشوف اني متعلمة وخلوقة وست بيت ...

[Soft Touch female]

انا من رايي ان ابوووج يروح لدكتوووره النفسسي ويسال عنننه قداامه هل هو خطر ولا لا ..في ناس فيه مرض نفسسي حتى موية حارة يكبونها على زوجاتتهم او ناس يطقونهم ولا يعرفوون يعني عمري مايصير تطلعين من سعاااادة وتروحين لي تعاسسة وجحيييم يمكن بطققج او لا سمح الله يصير شي ونتي جوفيه وكلميييه في الشوووفة وسالييه عن حالته

[amy85]

حبيبتى استخيرى وفكرى اكتر من مره وخلى ابوكى يسأل عن العريس كويس
وان شاء الله ربنا يقدملك اللى فيه الخير
وربنا يرزقك بالزوج الصالح اللى يسعدك

[umjana79]

طيب من وين بيصرف عليج دامه ما يشتغل ...

ولي عوده

[..Moony..]

حبيبتي انتي ف البدايه استخيري بس مريض نفسي انشالله انه بيصحى ع ايدك لايكون املك بالله ضعيف هو مامرض الا لسبب معين وكل شي بالدنيا له علاج مو معناتها ان الدنيا وقفت ع ممرضه ياما ناس تعالجو ويعيشون احلى عيشه ماتدرين يمكن يقدرك ويدللك وترتاحين معاه هذا بصراحه رايي وانتي فكري مره ومرتين والف وانا مقدره طريقه تفكيرك ان مابعد هالانسان عريس بس صدقيني انا اريد وانت تريد والله يفعل مايريد انتي ف الاول والاخير استخيري واذا الله كاتبك من نصيبه اكيد بتاخذينه

تقبلي تحيااتي ^_^

[ღ ورد ღ]

مرحبا طفلة في الثلاثينات

بالنسبة لمشكلة زواجك..
المرض النفسي ما نوع واحد ، يعني لازم تعرفي مدى مرضه
وحتى لو يشرب مهدئات ، جايز يكون مو لذيك الدرجة مريض..
لكن
حذراي تتسرعي وتوافقي ، أولا هو عاطل عن العمل ، وثانيا
نفسيته تعبانة ، يعني احتمال ما بيقدر يسعدك أبدا ،
ومثل ما فهمت من كلامك إنت تريدي تحسي بشعور جميل وبالحرية
التي يشعرنها المتزوجات .. ويمكن هالشخص بيقيد حريتك ..
وما بيحسسك بالشعور إللي تريديه .. لأنه وببساطة مريض نفسي
في نفس الوقت يمكن يكون زواجه شفاء له .. لكن ما أدري أي نوع
من الأمراض النفسية هو يعاني .. لازم تستفسرين وتعرفي بالتفصيل
تشخيص مرضه..

وبالنسبة للخلع عندك .. اعذريني ما فهمت
لكن قلتي إنك تعرجين شوي.. رغم ذلك تقومين بكل اعمال المنزل
يعني ما أظن فيها مشكلة.. لكن أحسن تسألي طبيبة في هالمجال

تقبلي مروري
ღ ورد ღ

[غريبه بلا عنوان]

هلا حبيبتي ,,
اذا انتي حاسه انك من النوع الصبور واللي يتحمل اقولك وافقي عليه ,,,وخذي فيه اجر,,
اما ان كنتي من النوع المعروف بيننا يامعشر النساء,,, فارفضي وبشده,,ههههههه,,
ومن ناحيه ثانيه ممكن مرضه يخليه معقد ويحرمك من اللي نفسك فيه ,,,وتتورطي معاه,,,
ونصيحتي لك لا تستعجلي يمكن ربي يرزقك برجل افضل منه,,,
انا اعرف وحده كانت معي نفس حالتك تزوجت من رجل متزوج وموظف عنده سبعه اطفال ,,والله انه يموت فيها مره ,,تزوجته بعد الثلاثين,,الله يوفقك يارب,,,

[دلوعة حbيbها]

الله يوفقك يارب ويكتب لك اللي فيه الخير

حبيبتي مافي سبب في الدنيا يخليك تتهوري وتتسرعي
انتي ضلي استخيري مرة واتنين وعشر محد يدري وين الله كاتبله الخير وابدا لاتفكري انه توافقي وانتي مو مرتاحة او مو مقتنعة خدي وقتك وفكري على مهل عشان ماتاخدي قرار تندمي عليه

وبالنهاية هده حياتك ولازم انتي اللي تقرري بنفسك

الله يوفقك

[العصية]

مشكورات والله

بالنسبة لكيف يعيشني ..

هو مسجل بلضمان الآجتماعي وابوه بيعطينا راتبه التقاعدي ..
وانا متخرجة من الكلية وقاعدى انتظر تعيني بإذن الله..

اما مرضه فهو بسبب عين ..
الله يشفيه ..

وانا استخرت وراح استخير بس ولو محتارة ...
ودي اتزوج واثبت للمجتمع اني ما في شئ يعيبني لآن المجتمع معتبرني انسانه معاقة ...
ما تنفع لشئ ..

اكره مجتمعي .. اكرهه !!

[شوق الدروب]

شوفي اختي ليه انت كذا ماشاء الله عليك مايعيبك شي وهذا الي عندك عيب بسيط فكري عدل ولا تستعجلي الزواج عشرة عمر و رزقك على الله ياما بنات في عمر الزهو تزوجو شباب الكل يشهد لهم في الاخلاق وفي النهايه تطلقوا وانتي لسه شباب موكبيره واجد في ناس اكبر منك ماتزوجوا واستخيري وتوكلي على الله في كل امورك واكثري من الدعاء والاستغفار والله يوفقك ويرزقك على قد نيتك ودمتي في حفظ الله

[الشيخة]

نسيت اقول لكن :
أبوي ما وده موو لشئ .. بس ما يبي يزوجني أبد .. مشفق علي ..
انا أقدر امشي وشغل البيت كله علي ..
بس عندي عرج خفيف ....

و ابوي يحبني ويخاف علي ... وراحمني ...
لكن الشاب كل اللي سألناهم عنه يقولون ما شفنا عليه شئ !!!


العرج الخفيف ما يمنعك من انك تتزوجين افضل رجل
وانا اعرف بنت عرجها واضح متزوجة وماشاء الله عايشة حياة كريمة جدا
وخلفت ولد ماشاء الله لا إله إلا الله قمر 14 وصاحي واحلى من العسل


اتمنى لك السعادة