المساعد الشخصي الرقمي

مشاهدة النسخة كاملة : @تجمع أمهات السعودية لشهر ذي القعدة [email protected]



!w!
21/10/2009, 12:32 AM
السلام عليكم ورحمة الله وبركاته



كيفكم ياحلى عرايس كل السالفه اني ماشفت تجمع سعودي فحبيت ابديه واتمنى نلاقي تفاعل ونكون صداقات واخوه
وين اللي حابين ينظمون لنا حيااااااااااااااااااااهم

متفائله خير بكره ادخل الاقي خمس على الاقل:):)

فراشه بين الزهور
27/10/2009, 01:10 AM
هلا اختى ومشكوره على فتح تجمع

وان شاء الله يتفعل التجمع

@نوووسه@
28/10/2009, 06:28 PM
السلام عليكم

حياكم الله اخواتي

ماني عارفه كيف أبدا ...

بس حابه احذركم من وحده تدعي انها ( خطّابه )

وتدعي ام ساره ( ريه )

وحده صديقتي كلمتها عشان اختها

وقالت لازم تدفعين في الاول 1500 ريال كعربون

وقالت انه عندها العريس اللي هي تباه

وصديقتي وثقت فيها لأنه من كلامها كانت صادقه

وتقول هي تخاف الله وعندها بنات

وانها وتبى ماعند الله ومالها بالدنيا

لكن تخيلوا انها بمجرد ماتحولت لها الفلوس

صارت ماترد على جوالها

قلنا امكن مشغوله وامكن وامكن

لكن دقت عليها من جوال ثاني

وردت ولما سمعت صوتها قفلت

شفت الانسان لما يطغى عليه حب المال كيف يصير ؟؟

الجشع والطمع يخلي الانسان ياكل مال حرام

اهم شيء بغيت احذركم منها هي في الرياض ...

عشان لاتضحك وتسرق الناس

واتمنيى اللي في الرياض ينشروا هذا الخبر

ودمتم احبتي ....

مصممه
03/11/2009, 03:08 AM
اهلين حبيباتي.........

بصراحه بودي اشارك معكم....بس وين السعوديااااااااات؟؟؟مالهم حس....خخخخخخخخخ

يالله يابنات تفاعلوووووووووووو

دلعونة
07/11/2009, 11:09 AM
السلام عليكم ’’’’’’’’’’’’’’’’ ’’ كيف الحال ..هلا فيكم w.......وفراشة بين الزهور ومصممة ونوسة انا من الرياض يلا خلونا نتعرف ........؟؟؟؟؟؟؟؟

فراشه بين الزهور
09/11/2009, 01:09 AM
هلا كيفكم

وين السعوديات

دلعونه هلا فيج
كيفيج واخبار الصحه

التجمع نايم

أم هادي 10
10/11/2009, 02:00 AM
وآنا بعد وياكم:D:D

بس هالموضوع وش بيكون النقاش فيه؟ يعني وش بتتكلموا عنه بالضبط؟

بما إنه بداية الشتا (وينه يحسرة) أقترح نشوف تجهيزاتنا للشتا وايش اللي تغير علينا من العام اللي فات؟ ووش خطتنا لهذي السنة من كل النواحي لينا أو لعيالنا.

ام فآآطمة
10/11/2009, 05:05 AM
سلام عليكم

انا معكم ان شاء الله

بس شوي شوي بتشوفوني

لاني مشغوله هاليومين

فراشه بين الزهور
10/11/2009, 07:41 AM
صباح الخير

هلا فيكم جميع والله السنه مدري الى الان ما خطط الوضع تغير عندي طفل وانا بكريه
والوضع جديد العام كنت حامل ما حسيت بي البرد

عــطــ المحبه ــر
10/11/2009, 10:46 AM
يااااهلا ياااااااااااهلا ببنات الرياض

انا معاكم

ام فآآطمة
11/11/2009, 08:14 AM
البرد قصتي قصه صرت البس ملابس وبس وانا كنت

توني متزوجه ودعت ملابس النوم وملابس الكشخه وصرت البس ملابس صوفيه وثقيله

احس انحرمت من ملابسي بسرعه لان تزوجت وزوجي يسافر وعلى مايرجع جاء الشتاااا

وبعدها حمل وماقدرت البسها والحين لما ولدت راح يرجع الشتا بسرعه حتى ملابس لازالت جديده :)

راح تكون السنه مختلفه معنا اطفال وبرد راح نجرب حياة جديده بس الله يعينا عليهم

أم هادي 10
12/11/2009, 06:06 AM
البرد قصتي قصه صرت البس ملابس وبس وانا كنت
توني متزوجه ودعت ملابس النوم وملابس الكشخه وصرت البس ملابس صوفيه وثقيله
احس انحرمت من ملابسي بسرعه لان تزوجت وزوجي يسافر وعلى مايرجع جاء الشتاااا
وبعدها حمل وماقدرت البسها والحين لما ولدت راح يرجع الشتا بسرعه حتى ملابس لازالت جديده :)
راح تكون السنه مختلفه معنا اطفال وبرد راح نجرب حياة جديده بس الله يعينا عليهم
الله يعينش أختي وخصوصاً إذا كانت شقتكم في الدور العلوي، العام اللي فات كان ولدي في الشتا عمره خمس شهور تقريباً، وتعذبت وياه كيف أدفيه، وكنت البسه ثقيل وساعات أحسه يعرق:(، وأخاف أشيل عنه البجامة الداخلية ويبرد.
غير الزكام وإنسداد الخشم، غير وقت السبوح اللي أحتار كيف أشيل عنه كل الثياب ولما أطلع وياه من الحمام الماي دافي وبرى برد، أعتبر الشتا مع شقة في الدور العلوي معادلة متعبة:confused:
إن شاء الله السنة نلاقي حل للبرودة الزايدة اللي عندنا، لأن حتى الدفايات ما تفيد في الصقيع اللي عندنا في الشقة:D

أم محمد وطلال
13/11/2009, 03:01 AM
السلام عليكم
صباح الخير على كل الحلوات الامهات.
انا ودي اسولف معاكم عن تجارب كل وحدة مننا عن الامومة بس الظاهر هالحزة ما فيه احد.. :(
مودتي لكم ولاطفالكم الحلوين

ام فآآطمة
13/11/2009, 03:37 AM
ام هادي معاج حق انا بعد شقتي في الدور العلوي

وبررد برد قوووووي كنت ماحب اطلع من الحمام لما اسبح والجو داخل دفاا وبرى برد

احس اني ابي اظل داخل لان بخار وجو دافي

الحين احتاج لزوجي يساعدني يعني راح اخليه يدفي المكان علشان بنتي ماتمرض

مع انه مايحب شيء اسمه دفايات يقول انها زي السمووم وهي اللي تحسسنا بان الجو برى برد ونحب

الكسل ومانطلع من الغرفه نتعيجز خخخخخخ

بس مانقدر عنها لا بد نشغلها ومو عارفه خايفه من هالمؤليه وهالتجربه مع بنتي

صدى النسيااااااااااان تكلمي وان شاء الله كل مادخلت وحده ترد

مو لازم نكون مع بعض اهم شيء نتواصل

أم غلاووي
15/11/2009, 01:09 PM
اتمنى تقبلوني معكم في التجمع

أم غلاووي
15/11/2009, 11:08 PM
وين الناس

أم هادي 10
15/11/2009, 11:13 PM
موجودين أم غلاوي، بس هاليومين النفسيه الله بالخير والا كان التجمع وصل لصفحات وش كثر من هدرتي

أم غلاووي
15/11/2009, 11:15 PM
بسم الله عليش ماتشوفين شر يارب

أم هادي 10
15/11/2009, 11:16 PM
يا هلا والله أختي أم غلاوي
دام إنش موجوده خلينا ندردش شوي عشان يصير في موضوع نبدأ منه الشهر اللي إنتهى ومحد قال شي

أم غلاووي
15/11/2009, 11:18 PM
يالله سولفي

أم هادي 10
15/11/2009, 11:21 PM
اول أختي إنتي من وين وكم عندش عيال؟
وكيف الجو عندكم؟ بدأ يتغير والا باقي حر ورطوبة مثلنا؟
ووش تجهيزاتش للشتا ليهم (لأني حاملة هم الشتا:()

أم غلاووي
15/11/2009, 11:25 PM
من السعودية ومن حائل بالتحديد

وعندي بنوته ومجننتني وللحين ماجهزت والجو بدأ يبرد

وانتي

أم هادي 10
15/11/2009, 11:32 PM
أنا من الشرقية أختي، وبالنسبة للتجهيزات، أول شي الملابس من العام اللي فات شريت له تقريباً كامل كل شيمن تخفيضات الشتا، بس باقي أشياء قليلة، وطبعاً لا يخلو الأمر من الشطحات (ويا كثر شطحات الأمهات)، يعني من غير التخفيضات اشتريت له اشياءت من السنة هذي.
وقبل فترة شفت مثل المكيف السبلت عند ناس بس حجمه مررررررررة صغير، يقولوا إنه تكييف حار (دفاية) ناوية إن شاء الله إذا دخل الشتا أدور عليها، وطبعاً في دفاية من العام اللي فات بس ما تكفي، لأن شقتنا مرررررررررة باردة.
الحين الجو عندنا حار، بس داخل الشقة مرررررررررة حليو يعني ربيع على بارد وخصوصاً أول النهار، حتى أفكر هالإسبوع أروح أشتري لي بيجامات ربيعية لأن كل اللي عندي صيفي والا شتوي ثقيل يعني ما يصلح.
هذا اللي في بالي حالياً وإذ تذكرت شي أجي أنفخ راسكم فيه.

أم غلاووي
15/11/2009, 11:34 PM
الله يحييييييش انفخي براحتش

أم هادي 10
15/11/2009, 11:59 PM
سولفي إنتي أختي وقولي وش عندش، وش الموضوع اللي ودش نتناقش فيه، عشان كل وحدة تعطي الثانية من خبرتها

أم غلاووي
16/11/2009, 12:05 AM
ودي اسولف
بس خلاص النوم بدا يداهمني

تصبحين على خير

تشرفت بمعرفتك

أم هادي 10
16/11/2009, 12:39 AM
وإنتي بخير إن شاء الله.

فراشه بين الزهور
16/11/2009, 04:16 PM
هلا كيفكم واخبار صغاركم

ام هادي فيه دفيه مثل الكيف كيف شكله

وين ممكن نشوف مثلها

ام فآآطمة
16/11/2009, 08:56 PM
هلا بالجدد هلا والله

حبيت اخبركم وانبهكم بما ان الشتاء جاي

واكيد احنا ندور لاطفالنا كل ماهو افضل

انتبه لاطفالكم وخاصه ان الشتاء بدأ والاطفال بسرعه مايتحملون

يعني لازم تكون الغرفه جوها دافي بعد متحممونهم

وهم لازم تنتبه لدرجة حرارة الماء ادري بتقوولون لازم بنظبطه قبل مانحط اطفالنا في الماي

بس اليوم توني سمعت عن وحده ولدها عمره 21 يوم وجايه بتسبحه وعملت الماي دافي بس وراحت تجيب ولدها

وجابته وهي متاكده ان الماي متوسط يعني دافي بس اللي ماكانت متوقعته ان الماي البارد انطفى انتهى وماتبقى الا الماي الحار

وحرقة ولدها ومن الحراره اغمى على ولدها

فحاولو انكم تستخدمون حاجه تصبو الماي على راس اطفالكم بدل الماي المباشر

كسر خاطري بيبي صغير احترق وتدرون اللاطفال جلدهم مايتحمل رقيق

يعني خذو حذركم وانتباهكم

فراشه بين الزهور
16/11/2009, 10:26 PM
اميره مشكوره على النصيحه

والله مسكين عورني قلبي عليه الله يصبر اهله

انا اذا جيت احمام ابني اخليه الفوطه عليه وهو على الرجولي اسوي الماي اتاكد منه
واحطها في الطشت الخاص فيه والماي دافي وعندي وعاء عشان اصب الماي عليه
الحمد الله اني ما خذها كل احيطه والحذار

أم غلاووي
16/11/2009, 11:54 PM
شوفوا ياانتم تهتمون بزيااادة ياانا مااهتم

كل هالاهتمام عشان الشتاءعادي يعني مايسوى كل هذا