المساعد الشخصي الرقمي

مشاهدة النسخة كاملة : كل عام وانتم بالف خير .......يله كل وحده تدخل وتخبرنا بروجرام العيد



um.3badee
19/09/2009, 07:13 AM
هلا يا حلوين ...
كل عام وانتم بالف خير وعساكم من عواده
وتقبل الله مني ومنكم صومكم وطاعتكم

يله كل وحده تخبرنا على شو ناويه وشو بتلبس
ادري انا في غربه وبعيد عن اهلنل واحبابنا بس هذا الشي لازم ما يمنعنا من الفرح
انا سارلي 3 سنوات بامريكا وهذي الرابعه والحمد لله كل عيد نسوي شي ونفرح فعاد يله كل وحده تشد حيلها وتفرحنا وياها ببروجرام العيد ....

بما اني اول وحده بخبركم بالبروجرام الي سويته وان شاء الله ربي يسعدني انا وعيالي

اولا ناويه اصحى الصبح بدري ابخر البيت وملابس زوجي وعبادي وبنوتي
بعدين زوجي يروح الصلاه ........يجي من الصلاه نروح نفطر في مطعم ....وبعدين نروح اجتماع الجاليه السعوديه منظمينه في مطعم من الساعه 12 الى 3 ....وبعدين نطلع من هناك نروح البارك حفلة المسجد من الساعه 3 الى 7 بس سالفة حفلة المسحد لسه ما متاكد اذا بروح لانا من المتوقع يكون مطر وان شاء الله ما ينزل مطر ويكون الجو جميل علشان نستانس .

بالنسبه للملابس ...
اشتريت لبنتي من اولد نيفي ولعبادي من جمبوري وليا جايبه من البلد

وبس يله عاد انتظركم لا تتاخروا علينا (f)(f)(f)

ولا تنسوني من الدعاء ليا ولعائلتي الصغيره (f)(f)(f)

..★شـــااانيل★..
23/09/2009, 02:56 PM
كل عام وانت بالف خير يالغاليه

وعقبال ما تعيدي مع اهلج

انت واطفالج وريلج

صباح العيد بما اني لست مغتربه000

كان يملئه الفرح والسرور وسماع صوت تكبيرات العيد

والصلاه في مشهد العيد

ثم نقوم بأكل فطرت العيد وهو عباره عن عيش ابيض وعليه بعض السمن واللبن

ثم نقوم بزيارت الاقارب ومعايدتهم

ولا ننسى الاطفال فلهم نصيب من فرحت العيد بشراء الهدايا

وقرع بيوت الجيران لاخذ العيديه سواء حلاوة العيد او مبلغ مالي

وسلامتك يالغاليه

دلوعه امها و ابوها
23/09/2009, 06:43 PM
كل عام و انتوا بالف خير

يا قلبي انا بصراحه ما احس بطعم العيد بكل معني الكلمه مجرد اني اعيد مع عيالي بالبيت و الاتصال علي الاهل و الاصدقاء و تهنئتهم بالعيد و سلامتج و ربي يسعدكم يا رب

um.3badee
24/09/2009, 04:09 PM
شانيل ..
تسلمي عزيزتي وربي يسمع منك دعواتك ونعيد مع اهلنا الاعياد الجايه .
ويحفظلك اليعال يارب وكل غالي
دلوعة امها وابوها...
ربي يسهلها عليكي يارب وويسرهااا .........انا بعد مدام عيالي بخير وبصحه وعافيه واعيد معاهم هذا اهم شي عندي بدنيا . ربي يحفظلك عيالك ويحفظلي عيالي يارب