المساعد الشخصي الرقمي

مشاهدة النسخة كاملة : مازلت احتاج اليك بعد الله



اجرح على كيفك
07/09/2009, 07:18 PM
السلام عليكم ورحمة الله وبركاته

اشحالج ؟؟؟ كل عام وانتي بالف خير

حبيت اخبرج اني بكمل 3 شهور من عرست والحمدلله على كل حال وصار لي اسبوعين بالجامعة يعني ارد البيت بس بنهاية الاسبوع ويوم زعل ويوم رضا ويوم حلو ويوم ضيج وتمضي الحياة

لكني احس بنهار او ممكن تتحطم حياتي معاه وانا للحين ما بديت وبعد الله مافكرت بمخلوق غيرج يساعدني لاني والله ماعرف وين اروح واكلم منو ومنو بيفهمني او حتى بيفهمني زوجي شلون او منو فينا الصح

احس بضغط كبير علي لاني ادرس ومتزوجة وماخذه 6 مساقات بالجامعة وبادية تخصص اكاونتنك

ولما اتضايق احس خلاص بنهار وبموت من التعب والضيج

انا ازعل وايد من زوجي لان اسلوبه وطريقته بالكلام تضايقني وااايد وكم مرة افهمه بس للاسف هو على حاله واكره شي عندي يوم يحرجني صوب اهله احس افقد اعصابي او اتماسك واتركه واروح غرفتي

ساعات احسه ما يعرف يتكلم ولا يعرف الخصوصية للمتزوجين يعني اذا قلت له بروح مكان ينزل تحت عند اهله وانا اكون وياه ويقول لهم حضرتها تبى تطلع وتبى الخ والخ

دوم يقولي انتي اسلوبج مثل الرياييل وساعات صوتج يصير خشن نفس الريال وما تعرفين تتكلمين وكله تزعلين وكله مبوزة مع اني افهمه اني ازعل من كلامك مو من شي ثاني بس للاسف ما يفهم
ودايما يقولي انا ما يهمني حد ولا يهمني شي اهم شي عندي نفسي ويقول حطي ببالج دامج تزعلين معناها انتي عدوة لي


انزين كيف ما ازعل من كلام يجرحني كيف؟؟؟
وادري اذا طوفت له يتمادى وبيقول تعودت خلاص


يوم السبت وصلني هو الجامعة وبسبة سؤال بسيط عصب ويقولي انتي ما تفهمين وانا اسالج سؤال تسوينها قصة لي والخ وانتي ملوعة بجبدي وانا خلاص طفرت

وانا ظليت ساكتة ما قلت ولا كلمة وامس ما رفعت الفون ولا اتصلت له ولا هو اتصل
واليوم الساعة 2 وشي اتصلي بس كنت بالكلية واتصلت به الساعة 3 وشي ومارد ورد اتصلي ساعة 6 تقريبا
كنت عادية بس سالني وين امس ما اتصلتي قلت له مابي الوع جبدك زيادة وتم يتكلم ويقولي انتي مدري كيف كله تزعلين وكله تيلسين فوق وما تنزلين تحت وانا ارتاح يوم ما اكلمج وانا ما اطلعج وايد لانج مملة وكله زعلانة وحزينة وانتي مو جنج بنت نفس الرياييل تردين علي والخ



احس جرحني وايد والله لو ما اكلمه عادي وياي الحين
انا مملة بالطلعة صح لاني دايما ساكتة طبعي هادي جداااااااااااا جداااا بس ما ازعل بدون سبب ابدا لاني ماحب اضيج بعمري

نقول نحب بعض لكني احس معرف كيف اسوي جو معاه او اسوي له اشيا يشتاق لها بغيابي او امزح معاه
ما عرف اسوي حركات تضحكه او تعصبه او الخ وماعرف ادلع صدق عليه

ويوم احس اني ادلع يقولي لا تسوين عمرج دلوعة ترى والله ما يليق عليج ابد وما تعرفين مع اني اكون على طبيعتي

شسوي وشلون اغير من نفسي والله تعبت
سنة ونص مالجة وحياتي مشاكل وهم
والحين بكمل 3 شهور وتزوجت واحس بضيج وهو شكله مل
ابى اعرف انا صح والا هو
ابي افهم كيف اصحح الغلط
كيف احافظ على حياتي
كيف اسعده ويسعدني



اترياج

ساعة غروب
14/09/2009, 09:37 AM
هلا ختي

انسب حل انج تقعدين معاه وتاخذين بخاطره وتخلينه يتكلم ويقول كل اللي بقلبه ويمكن يقولج كلام جارح خليه ولا تزعلين لانها جلسة مصارحة وكلامه شوفيه ووزنيه واذا في شي تقدرين انج تسوينه سويه لان الرياييل نفس اليهال وتعاملي معاه على انه ياهل صغير يعني ولدج دلعيه وشوفي طلباته حسسيه انج مهتمه فيه

اجرح على كيفك
14/09/2009, 07:00 PM
الحمدلله انج رديتي علي
يوم الاربع هو خذني من الجامعة ورحنا البيت وكنا اوكي ويوم الخميس بدت الهوشة لاني من فترة طويلة ما زرت اهلي وهو ما طايع يوديني فاتصلت امي وقالت لي ان اذا زوجج ما يبى اييبج لنا انا واختج بني ناخذج ويوم الجمعة بنرجعج لان المسافة طويلة شوي بين بيتنا وبيتهم وزوجي قالي روحي
ويوم نزل عند اهله قالي اتصلي لاهلج وقولي انا بوديج وكنت امزح معاهم
رحت انا واتصلت وكانوا هم طالعين يعني بالطريق بيون ياخذوني
وهو شكله ما كان راضي وظل يقول امج ليش زوجتج اذا تباج وانا اروح وارد من طريج والخ
وقبل لا يروح المسجد بصلاة العشا قال لامه اللي هي خالتي قولي لاختج اذا تبى تودي بنتها خلها توديها لان انا مش راضي وراح
وخالتي خبرتني بهالكلام وانا قلت مقدر اطلع وهو مش راضي وما عرفت شسوي فرحت كلمت ابوي لان الحمدلله ابوي شخص راقي بتفكيره ومتفهم ويوزن الامور

قالي ابوي دام زوجج مش راضي لا اتين لنا وقولي لزوجج مشكور ويزاك الله خير واتصل لامي واختي وقال لهم ردوا البيت وهم كانوا كثير قريبين من بيتي فرجعوا

وانا طرشت مسج لزوجي " اني ما بروح المرفا وابوي يوقولك مشكور وماتقصر" كنت ابي احسسه بانه غلط يوم قال لاهلي انه راضي وبعدين قال لاهله مش راضي

ويوم يا البيت كان معصب حده وخفت منه وايد وظل يعق علي انواع الكلام اللي عمري ما تخيلت اسمعه لين احس انعدمت ثقتي فيه , صرت اتحاشى اشوفه لاني اقول هو ما يحبني ولا يحب يشوفني
ما عاد عندي ثقة او رغبة او قدرة اني اقرب منه او حتى ابتسم له او اكلمه ابد لانه بكلامه حسسني انه مو طايقني

وطبعا ما قمت اكلمه ولا يكلمني والجمعة الظهر قالي روحي مع ابوي عند اهلج لان ابوه كان عنده شغل بنفس منطقة اهلي قلت له مابى اروح قالي روحي مابي اشوفج هني
رحت مع ابوه عند اهلي وشفتهم وارتحت وبنفس اليوم بعد التراويح رجعنا انا وعمي
ولا كلمته ولا كلمني وانا اروح الغرفة انتظره اقول يمكن يحن بس للاسف يروح يجلس عند اهله لين اذان الفجر ولا كنه في حرمة موجودة عنده
وانا ساعات اصيح وساعات اقول احسن ما اباه لان مكرهني عيشتي
ويوم السبت قلت بيي الجامعة بالباص بس هو ظل نايم لين 2 الظهر وساعة 10 ونص بالليل طلعت وييت الجامعة معاه وما بينا كلام ابد بس عطاني مصروفي وخلاص
طرشت له مسج ساعة 1 ونص وصلت البيت قالي لا بعدي فقلت له انتبه بالطريج وربي يحفظك

وامس ساعة 2وشي باليل طرشلي مسج يسالني عن كوبرونات مالت الفنادق للاكل بس من قهري ما رديت عليه مافكر يسال عني ويفكر ببطنه

واليوم الساعة 10 خبرته وين مكانهم وبس



احس مقدر ايلس معاه ما عدت احب هالشي كرهت كلامه واسلوبه احس خلاني افقد الثقة بنفسي حسسني اني شي كريه جرحني وايد
واقول لو ما يباني شو يتريا والله مليت من كثر ما اتريا يتعدل

اجرح على كيفك
25/09/2009, 10:49 AM
كل عام وانتي بخير

وينج؟؟؟؟

احس مليتي مني هههه
نزلت يوم الاربع معاه قبل العيد وطبعا ظلينا ساكتين لين وصلنا ورحت غرفتي ورتبت اغراضي وهو جا فوق ونام كنت حاسة انه يبيني لانه ما يجي بالعادة وينام بهالوقت وقبل الفطور لكني ماهتميت له رحت خلصت اغراضي واتاخرت ساعة او اكثر عليه وبعدين قلت برقد قبل الفطور واول ما حطيت جسمي على الفراش قرب مني وظلينا كذا بس كله بدون كلام وحتى اذن الفطور ونحن بعدنا ما وعينا
وبعد الفطور صليت ورحت اسبح وهو كان بالغرفة يترياني لكني تاخرت واااايد وكنت متعمدة وبعد ما طلعت من الحمام كان هو مش موجود لانه مل من الانتظار
وبعدها بشوي رجع وكلمني عادي وحسسني انه مشتاق لي والحمدلله تراضينا بس يمكن كل واحد بقلبه يقول شي ما قدر يقوله بصوت عالي خصوصا انا

ومر الاسبوع حلو وبخير والحمدلله
لين امس الخميس وهو بالدرب جاي من دوامه طرشت له مسج اختار من 1 الى 7 اذا انت كريم وقولي تم
رد علي معاج انا مو كريم
انا استغربت بس قلت شكله يمزح وطرشت له ترا مابي شي والارقام ما فيها طلبات اشيا عادية

قالي ادري بس مابى اصلا
قلت له خلاص براحتك
قالي عناد بختار رقم 4
ورقم 4 كان لازم يقول رايه فيني
على طول كتب لي انتي لوعة جبد
بصراحة انفجرت صياح ما توقعته جي يقول ذبحني بكلامه ومليت من كثر ما يجرحني
ولما وصل حطيت له الغدى بس يا المطبخ وقالي مابى غدى وشكله كان طالب من الكافتيريا
انا قلت يمكن هو شي مضايقة او تعبان او غيره
لكنه يالس مع اهله ضحك وسوالف ومزاجه رايق بس انا مو مسوي لي اي اعتبار
مع انه ما صار شي بيني وبينه

وابد ما ناقشته ولا سالته بس امس ساعة 10 بالليل قلت له بروح بيت اختك زيارة قالي اوك
ورحت ورجعت ساعة 11 وشي وصليت لي ركعتين ورقدت وهو طبعا تحت
يا فوق على الساعة 1 او 1 وشي سبح ورقد والحين وعيته لصلاة الجمعة والله كريم


شو شخصية زوجي؟
وشو يحتاج؟
احس خلاص طفرت والله متى ربي بيهديه ويصلحه او انا شو سويت عشان استاهل هالاشيا!