المساعد الشخصي الرقمي

مشاهدة النسخة كاملة : تجمع البنوتات السوريات للشهر الفضيل شهر رمضان الكريم



MONOSTEPS
22/08/2009, 03:37 AM
http://www.lahaonline.com/media/images/ecards/ramadan/imgcards/ramdan6.jpg

السلام عليكم ورحمة الله وبركاته

كل سنة وانتم بالف خير انتم وحبايبكم ويارب يعيد عليكم رمضان
مرات ومرات بخير وصحة وعافية والله يتقبل منكم الصيام والقيام
ويعينا ويعينكم على غض البصر وحفظ اللسان

http://forums.3roos.com/uploaded1/153029_61250899093.jpg

بنات لاتنسوا تنوا صيام رمضان خالص لوجه الله تعالى
لانه النية واجبة قبل صيام شهر رمضان والنية يجب ان تكون لفظية

وياريت لو تختموا القران الكريم برمضان ان شاء الله
ويارب اكتر من مرة

وحاولوا انه تستغلوا هالايام الفضيلة بالطاعة حتى الله يبارك لكم في حياتكم
رمضان ايام معدودة والمسلسلات لاحقين عليها كلها معادة بعدين
بقى الله يرضى عليكم استغلوا وقتكم بالصلاة والذكر وقيام الليل على الاقل
نحس حالنا عم نعمل شي منيح وحتى الاغاني والشيشة ياريت نخففها او نلغيها
ونحتسب الاجر والثواب عند الله لانه لاتنسوا في سيئات بتاكل الحسنات
كما تاكل النار الحطب

بعرف عم تقولوا عني سئيلة وكترت حكي بس ما بايدي
نحن اخوة في الله وكلنا ما بنعرف بعضنا وجمعتنا الدنيا
ويارب تجمعنا الجنة لهيك حلو نذكر بعضنا وننبه بعضنا

اتفضلوا على القعدة الرمضانية الحلوة

http://forums.3roos.com/uploaded1/153029_11250899093.jpg


بلا طول سيرة اتفضلوا على السحور



http://forums.3roos.com/uploaded1/153029_31250899093.jpg



والافطار

http://forums.3roos.com/uploaded1/153029_21250899093.jpg





http://forums.3roos.com/uploaded1/153029_71250899093.jpg

http://forums.3roos.com/uploaded1/153029_41250899093.jpg


طبعا مافي محروسة هالمرة وان شاء الله بنعوضها بعض رمضان
لا توصوا ة قصدي حريص ههههههههههههههههههههه :tongue:

PEARL2000
22/08/2009, 10:03 AM
صباح الخير على عيون احلى بنات بهالمنتدى كيفكن يا حلوات

كل عام وانتوا بالف خير الله يعيده عليكن بالخير و الصحة و السعادة لكم و لعائلاتكم يارب

المهم يا ستات و يا آنسات يا كريمات أنا رجعت من الاجازة الأسبوع الماضي يعني صار لي هلأ اسبوع بالتمام و الكمال بالكويت و الحمدلله قضينا اجازة كتير حلوة يمكن هي اول مرة بنزل فيها على سوريا و منقضي اجازة متل ما بدنا نحن مو متل ما بده غيرنا ههههههههههههه
بس بتقولوا كأن عين و صابتنا من ورا هالاجازة رجعنا لقينا البراد خربان و التكييف كمان و صار لنا الأسبوع الماضي كله و نحن عم نشتغل فيهم ومن ورشة لورشة لحتى تصلحوا و الحمدلله بس مونتي اللي جايبتها معي كلها موزعتها عند العالم لبين ما يشتغل البراد لهيك لسه لحد الآن اموري مكركبة شوي و طبعا رجعت عالشغل شي بالبيت وشي الوظيفة و بالبداية بيرجع الواحد ما له نفس لشي وحاولت ادخل من يومين عالشات كأن المنتدى كان خربان وماقدرت ادخل المهم هي أخباري اشتقت لكن كتير كتير

رجعت شوي للي فاتني أول وقرأت اخباركن وعرفت انه مونو نازلة اجازة ان شاءالله بتتهنوا فيها ما في احلى من لمة الأهل بالعيد ان شاءالله بتروحوا و بترجعوا بالسلامة يارب

دمشقية حياتي اشتقت لك كتير كتير الحمدلله على سلامتك انت كمان انت هالمرة نزلت قبلي و رجعت قبلي ان شاءالله تكونوا قضيتوا اوقات حلوة

لولية ياابن بطوطة ماشاءالله عنك من بلد لبلد يادوب تفتحي شنط و تضبي شنط بس وقت اللي بيكون الواحد مبسوط كل تعبه بيهون ان شاءالله تكوني وصلت السعودية بخير و تقضوا رمضان و العيد وانتوا مجتمعين مع بعض و ان شاءالله على طول جمعتكن بتكون بالفرح بس بالظاهر ما طولت بسوريا كم يوم قعدت هناك ووين رحتوا فيها ؟

سمورة مبروك خطبتك حياتي و عقبال التمام يارب ان شاءالله بتتهني حبيبتي أنا بعرف انك زعلانة مني لأن ما عطيتك رقمي بسوريا ياستي أنا يمكن آخر فترة ماعدت دخلت عالشات بسبب ضيق الوقت لأن بالشغل ماكنت فاضية نهائيا وكان لازم خلص كل واجباتي قبل ماانزل اجازة و بالبيت يادوب من السوق لضب الشنط لهيك مادخلت عالشات وتاني شي لو كنت عاطيتك رقمي تأكدي انه بالمية مية ماكنت رح تسمعي صوتي نهائيا ههههههههههههههه بعرف حالي لأن كنت كتير مضغوطة بالاجازة شي سفر وشي مشاوير الله وكيلكن رفقاتي ماحاكيت ولا وحدة منهم و الوحدة مننا بس تنزل اجازة هي وزوجها بتبقى مرتبطة اكتر يعني في واجبات كمان لبيت حماها و اهلية زوجها لازم تقضيها تخيلوا انه سافرنا يومين عالشام بس لنبارك باعراس صارت بغيابنا ونحن هون وكانوا شي 3 عيلات يعني حتى الشام ما درنا فيها مزبوط ووالله العظيم عندي بنت خالي مسافرة كمان هي برا و بتجي كل صيفية تخيلوا اني ما قدرت شوفها غير ساعة لما سلمت عليها فقط يعني صح بقول لحالي 40 يوم محرزين و بشبع فيهم بس كيف بتطير الاجازة متل لمح البصر ما بعرف يعني انا متأكدة كنت رح تقولي عني مو مرتبطة من كلمتها هالبنت لأن قالت رح تشوفني وتحاكيني وما وفت بوعدها بس أكيد اللي بيكون بالغربة و بيروح اجازة رح يقدر الحكي اللي عم احكيه ارجو انك تكوني قدرت ظروفي

لولوة مبروك عليك الحمل ولو اجت متأخرة ومابعرف من قبل اذا باركت لك أو لا المهم ان شاءالله بالتمام وتقومي بالسلامة يارب و تجيبي احلى نونو و يكون بخير و سلامة يارب

بنوتة الشام مبارك عرسكن الله يهنيهم يارب و عقبال عندك يارب لما تجتمعي بنصيبك عن قريب يارب

شامية مبروك عرسك و حملك و الله يتمم لك على خير يارب و على هو ما فهمت عم تدوري على شغل خديها نصيحة مني اذا مو شي بيحرز الطلعة لا تطلعي من بيتك ابدا لأن كله رايح على حساب صحتك وراحتك بالأول و تاني شي على حساب زوجك و بيتك

فتافيت مبروك خطبتك والله يتمم لك على خير يارب و عقبال الفرحة الكبيرة ان شاءالله و اسمعي نصايح البنات لا تكتري قطع كتير بجهازك جسمك رح يتغير و كله رح تبطل موديلاته و بعدين ما فيها شي اذا طالعت من تيابك القديمة لأن رح تكوني بالغربة ما حدا بيعرفك فيهم و بعدين لا تكتري قطع رسمية كتير جيبي سبورات اكتر و بيجامات و قمصان نوم قطن اكتر شي و بهالأيام ماشاء الله العروس من تاني شهر عم تكون بالأسواق لهيك حتى لو ما كترت ابدا رح تعوضيه كله بعد العرس ان شاءالله

اتمنى ماكون نسيت حدا ابدا و مرة تانية كل سنة وانتوا سالمين جميعا و يسلموا ايديك مونو الحلوة على هالافتتاحية الرائعة نحن متعودين على ذوقك الراقي

لولية
22/08/2009, 10:33 AM
كل عام وإنته بألف خير يا بنوتات يا حلوات
لك أهلا وسهلا بالحلوة بيرل وألف الحمدلله على السلامة منيح اللي انبسطتي بسوريا بس والله ما بينشبع منها أنا قعدت فيها شهر وما حسيت ومو مصدقة ايمتى سافر لهونيك مرة تانية ان شاء الله بعد العيد
بس يا عليي والله كل شي غير البراد والمكيف وخصوصا بهالشوب
كيفكن يا أمورات وكيفها حبيبتي الفتاحة ..... عفوا أصدي المشرفة مونو والله يا أختي فتحك غير شكل شو بدك بالحكي
أنا بعدني ببيروت وزوجي حرام كتير ضايقة خلائو مع إنه بعتلوا اتنين من بناتي ووصيتهن يددللوا بس هو قال ما حدا بدير بالو عليه متلي بلا ان شاء الله الإثنين بتخلص الأوراق وبسافر قولوا آمين

PEARL2000
22/08/2009, 01:45 PM
اهلين وسهلين بلولية والله مزبوط متل ما قلت ما بينشبع من سوريا و عن جد البلد صايرة عم تتطور و بسرعة كبيرة و يمكن لأن نحن بالغربة كل سنة مننزل منشوفها أحلى و أحلى وما بتقصري اذا بيصير لك كل فترة تطلي على سوريا ويمكن أنت لأنك قريبة منها بتقدري ومو مرتبطة بعمل بتقدري كل فترة تسافري يعني أنا عم فكر بالشتوية أعمل لي شي سفرة قصيرة شي اسبوع أو اسبوعين بس خايفة تأثر على اجازتي بالصيف لهيك بعدني مترددة بالفكرة ياعمي الموظفة غير اللي بالبيت كل شي اله حساب عندها المهم انك انبسطت بسوريا و ان شاءالله بتجتمعي عن قريب بزوجك والله معه حق ما بيعرف حدا يدلل الرجال غير مرته الله يخليكن لبعض
شايفة لولية والله ما بيلبق لحدا يفتح غير مونو قلت لكن من زمان ماصدقتوني هلأ آمنتوا وصدقتوا ههههههه

لولية
22/08/2009, 02:25 PM
بيرل اللي مساعدني كل شوي نط على سوريا إنه قريبة منها كتير بتعرفي 4 ساعات بالسيارة وبكون بحمص
بس بعرفي سوريا بالشتا غير شكل أنا بحبها كتير وإذا صحلك تنزلي وقت الزهر بيكون أحلى وأحلى بقى إذا صحلك لا تقصري وبيكون أروق
شو وين باقي البنوتات اليوم شو مشغولين بالطبخ والنفخ بس أنا مافي غير أنا وبنتي بقى مو مستاهلة أطبخ ومون البيت بقى رح ناكل بالمطعم

الياسمينة السمرا
22/08/2009, 07:03 PM
السلام عليكمكيففكون بنوتات ينعاد عليكم رمضان بالصحة والعافية ان شاء الله يكون الله بعونكم وعوننا على صيامة بهالجو الحر

الياسمينة السمرا
22/08/2009, 07:06 PM
بيرل الحمد لله ع السلامة كيفك حياتي
مو مشكلة ان شاء الله بالزيارة التانية بتكون ظروفك احسن ومنشوف بعض

لولوة الدوحه
22/08/2009, 10:54 PM
مبارك عليكم الشهر الكريم

وكل سنة وانتوا طيبين

مونو
تئبريني ان شالله
وكلامك صح مية بالمية ..
وعئبال ماتقطعوا المحروووسه للابد :tongue: شريرة بعرف
بس هلأ انتوا عم تصوموا وتقوموا الليل وتستغفروا وتخربووها بعدين بهي الارقيلة والله حرام ..وحرام للمرة انها بدخن يعني انا بعرف المفروض ما احكي هيك بس والله مو أدرانه اخليها بقلبي وخلص قلتها ..:tongue:

بيرل
نسيتيني انا :o

http://forums.3roos.com/uploaded1/139575_01250969218.gif[/IMG]

* جوهره عُمانيه *
23/08/2009, 08:06 AM
http://images.abunawaf.com/2007/09/05/9b84a82018.gif



http://dc03.arabsh.com/i/00343/n980kv5lgbp7.jpg




http://images.abunawaf.com/2007/09/05/e24e0d848c.gif

MONOSTEPS
23/08/2009, 10:44 AM
صباحوووووو تسجيل حضور صباحي
طبعا انا برمضان ما بدخل الا لاعرف الاخبار وحط لكم اخباري
لانه بحاول استغل وقتي بتلاوة القران الكريم لانه انا وزوجي كل سنة
بنعمل مسابقة مين بيختم اكتر





صباح الخير على عيون احلى بنات بهالمنتدى كيفكن يا حلوات

كل عام وانتوا بالف خير الله يعيده عليكن بالخير و الصحة و السعادة لكم و لعائلاتكم يارب

المهم يا ستات و يا آنسات يا كريمات أنا رجعت من الاجازة الأسبوع الماضي يعني صار لي هلأ اسبوع بالتمام و الكمال بالكويت و الحمدلله قضينا اجازة كتير حلوة يمكن هي اول مرة بنزل فيها على سوريا و منقضي اجازة متل ما بدنا نحن مو متل ما بده غيرنا ههههههههههههه
بس بتقولوا كأن عين و صابتنا من ورا هالاجازة رجعنا لقينا البراد خربان و التكييف كمان و صار لنا الأسبوع الماضي كله و نحن عم نشتغل فيهم ومن ورشة لورشة لحتى تصلحوا و الحمدلله بس مونتي اللي جايبتها معي كلها موزعتها عند العالم لبين ما يشتغل البراد لهيك لسه لحد الآن اموري مكركبة شوي و طبعا رجعت عالشغل شي بالبيت وشي الوظيفة و بالبداية بيرجع الواحد ما له نفس لشي وحاولت ادخل من يومين عالشات كأن المنتدى كان خربان وماقدرت ادخل المهم هي أخباري اشتقت لكن كتير كتير

رجعت شوي للي فاتني أول وقرأت اخباركن وعرفت انه مونو نازلة اجازة ان شاءالله بتتهنوا فيها ما في احلى من لمة الأهل بالعيد ان شاءالله بتروحوا و بترجعوا بالسلامة يارب
اتمنى ماكون نسيت حدا ابدا و مرة تانية كل سنة وانتوا سالمين جميعا و يسلموا ايديك مونو الحلوة على هالافتتاحية الرائعة نحن متعودين على ذوقك الراقي



يا هلا وسهلا ومرحبا وانا عم قول ليش الشات منور
وحياة الله اشتقتلك من قلبي الحمدلله على رجعتك بالسلامة
وكيف اتركتي الاهل ان شاء الله كل الامور تمام
بتعرفي كنت عم اقرا عن اجازتك وممبسوطتلك من قلبي لانه
متلك متغربة وبعرف شو يعني تقضي اجازة حلوة الله يهنيكم
انا وصلت على مقطع بيتكم ولي ربطت راسي شو هيدا
يالله الحمدلله اللي بالبيت وما فيكم هيدي العين بعد الاجازة
لازم تطلع بشي
وانت سالمة يارب وتسلمي من ذوقك
وادعيلي نقضي اجازة حلوة حاكم نفسي باجازة غير شكل :(



كل عام وإنته بألف خير يا بنوتات يا حلوات
لك أهلا وسهلا بالحلوة بيرل وألف الحمدلله على السلامة منيح اللي انبسطتي بسوريا بس والله ما بينشبع منها أنا قعدت فيها شهر وما حسيت ومو مصدقة ايمتى سافر لهونيك مرة تانية ان شاء الله بعد العيد
بس يا عليي والله كل شي غير البراد والمكيف وخصوصا بهالشوب
كيفكن يا أمورات وكيفها حبيبتي الفتاحة ..... عفوا أصدي المشرفة مونو والله يا أختي فتحك غير شكل شو بدك بالحكي
أنا بعدني ببيروت وزوجي حرام كتير ضايقة خلائو مع إنه بعتلوا اتنين من بناتي ووصيتهن يددللوا بس هو قال ما حدا بدير بالو عليه متلي بلا ان شاء الله الإثنين بتخلص الأوراق وبسافر قولوا آمين



اهلين باهل بيروت والله يعين زوجك والله دلالك غير عن بناتك
قد ما كان لهيك الله يمضي هالايام عليك وعليه بسرعة
ويجمعكم سوا عن قريب
ومتت من الضحك على الفتاحة بلا معنى :cool: ههههههههههههه


السلام عليكمكيففكون بنوتات ينعاد عليكم رمضان بالصحة والعافية ان شاء الله يكون الله بعونكم وعوننا على صيامة بهالجو الحر



وانت بالف خير ويارب رمضان الجاية بتكوني ببيتك
وفعلا الجو حر الله يعين
نحن بالدوحة بيادن على 6 قال ماما بسوريا عم يادن 7 ونص
قلتلها ولي الله يعيني لما بنزل اجازة هههههههههههه


مبارك عليكم الشهر الكريم

وكل سنة وانتوا طيبين

مونو
تئبريني ان شالله
وكلامك صح مية بالمية ..
وعئبال ماتقطعوا المحروووسه للابد :tongue: شريرة بعرف
بس هلأ انتوا عم تصوموا وتقوموا الليل وتستغفروا وتخربووها بعدين بهي الارقيلة والله حرام ..وحرام للمرة انها بدخن يعني انا بعرف المفروض ما احكي هيك بس والله مو أدرانه اخليها بقلبي وخلص قلتها ..:tongue:



http://forums.3roos.com/uploaded1/139575_01250969218.gif

[/IMG]


وانت طيبة يا اهلا وسهلا بلولوة الحلوة
ويارب الله يباركلك برمضان ويعينك ويقويك
وعادي لا زعلت من كلامك ولا شي ادعيلنا الله يهدينا ونبطلها
لانه بعرف انها مو منيحة بس شيطاني شاطر ههههههه




http://images.abunawaf.com/2007/09/05/9b84a82018.gif






http://dc03.arabsh.com/i/00343/n980kv5lgbp7.jpg







http://images.abunawaf.com/2007/09/05/e24e0d848c.gif





تسلمي كلك ذوق والله وكل سنة وانت بخير
والله يعيد عليك رمضان بكل صحة وعافية
والله يعينك على الصيام والقيام وغض البصر وحفظ اللسان

الدمشقية
23/08/2009, 08:56 PM
السلام عليكم ورحمة الله وكل عام وانتو بالف خير وصحة وسلااامة يارب
يسعدلي كفتارو انا اي مونو الله يسعدك ويتقبل منك المولى يااارب ويسلموا على التجمع الحلو

بيرل لك مية اهلا وسهلا لك والله والله نورتي الشات والماسنجر وصندوق الايميلات ههههه ونورتينا ياعمري والله نحنا اشتقنالك بالاكثر
الحمد لله على سلااامتك والحمد لله اللي انبسطتي وغيرتي جو والله الواحد متل بلدو مابلااقي ابدا
والله لو كانت اجازتك يابيرل شهرين مو 40 يوم بتحسيهم طارو بسرعة من غير بركة ... ستي الحمد لله المهم شوفة الاهل بتسوا الدني الله يخليلك ياهم يارب ,,,, بدنا التفصيل وين رحتي وشو جبتي وشو انطباعك الخ الخ الخ ايوا مامنرضى باقل من هيك
والله يعوضكم خير يارب منشان التكييف والبراد والله العين الها حق وستي الحمد لله اللي بتنفدى بالاغراض بعيد عن الصحة

&&&&&&&&&&

لولية يالولية بتسوي الفين ومية على قولة بيرل
كيفك حبيبة قلبي يالله بكرا الاتنين الله ييسرلك امرك يارب وتوصلي بالسلامة لعند زوجك وتنبسطو وتدلليه لابن عمك كتييير الله لا يحرمكم من بعض وسنة مباركة يارب .... وين ناويين تعيدو طيب ؟؟؟

&&&&&&&&&&&
سمورة الله يقويكي وانتي بخير يارب ... ايمتى الفرح بدنا نفرح ونزغردلك ولووووو وتبقي طللي علينا ياحلوة

&&&&&&&&&&&&&&&

مونو نعود لكي الله يتقبل منك الختم برافو عليكي انا هيك بعمل مع زوجي لانو هالرجال بدهم مين يشدهم الله يهديهم ويهدينا جمييع .. انا هلا وصلت الجزء الخامس تقريبا ناوية اختم القران كم مرة يارب الله يقوينا ويتقبل منا

******************

الدمشقية
23/08/2009, 08:59 PM
لولوة الدوحة وانتي بالف خير وصحة وسلامة وربي يتقبل منا ومنك ان شالله

جوهرة عمانية تسلمي يارب وكل عام وانتي الى الله اقرب

الدمشقية
24/08/2009, 09:00 AM
وينكم ياحلوات صباح الخير ياااارب
شو نايمين ولا غاطييين بالشغل

الدمشقية
24/08/2009, 09:27 AM
للاسف مالقيتكم ,,,, يالله نلتقي على خير
باااي حبوبااات

MONOSTEPS
24/08/2009, 10:36 AM
صباحووووووو احلى صباح لكل الحلوين




السلام عليكم ورحمة الله وكل عام وانتو بالف خير وصحة وسلااامة يارب
يسعدلي كفتارو انا اي مونو الله يسعدك ويتقبل منك المولى يااارب ويسلموا على التجمع الحلو

مونو نعود لكي الله يتقبل منك الختم برافو عليكي انا هيك بعمل مع زوجي لانو هالرجال بدهم مين يشدهم الله يهديهم ويهدينا جمييع .. انا هلا وصلت الجزء الخامس تقريبا ناوية اختم القران كم مرة يارب الله يقوينا ويتقبل منا

******************


وعليكم السلام ورحمة الله وبركاته بالسيد سيباويه لكن انا كفتارو هههههههه
وين هيك غاطة ووين ايامك مشتاقتلك كتير وايديك ولو الشات شاتك بالاصل
برافو عليك يالله خلونا نشوف شو بدنا نعمل وبتعرفي هلأ شفت المسابقة الرمضانية
على الرسائل الخاصة عندي بقى عم فكر شارك فيها ان شاء الله وبالغالب اعمل هيك
انا صرت بالجزء 11 :cool:

PEARL2000
24/08/2009, 11:11 AM
صباح الخيرات على احلى بنات و الله يسلمكن حبيباتي و انا كمان اشتقت لكن كتير

لولية ان شاءالله تكون تيسرت امور سفرتك اليوم و بتوصلي لعند زوجك بخير و سلامة و بتقضوا هالفترة سوا

مونو يا مونو الله يقويك يارب و ان شاءالله بتنزلوا بتقضوا اجازة حلوة و سعيدة مع العيلة ما في أحلى من لمة العيلة بالعيد صدقيني صار لي بالغربة 9 سنوات و الحمدلله مرتاحة من كل شي بس لحد الآن بس يجي العيد بغص من كل قلبي و بتمنى لو كنت معيدة مع اهلي لهيك ان شاءالله بتتهنوا بهالاجازة و بالعيد

لولوة معقول انساك مية اهلا وسهلا فيك بس يمكن سقط سهوا بعتذر حياتي شو بالظاهر بقيت بالصيف بقطر و ما طلعت اجازة ياستي المهم الواحد يكون مبسوط و صحته جيدة وين ما كان يكون و هي اهم شي

ياسمينة شو ايمتى الفرحة الكبيرة على قولة دمشقية بدنا نزغردلك المهم الله يتمم لك على خير يارب

دمشقية حياتي و الله وانا اشتقت لك كتير وعلى قولتك والله ما بينشبع من الاجازة مهما طولت بس انا عندي رأي تاني حياتي لأني بآخر اسبوع أو اسبوعين وبكل صراحة بمل و ببقى مشتهية ارجع لروتين حياتي اللي كان صح روتيني متعب كتير بس صدقيني بالاجازة ما بوعى على شي بالمرة بتبقى غير منظمة ابدا لا باكلك و لا بطلعاتك و لا بمشاويرك و بتطلعي والناس كلها عتبانة عليك مارحت و لا اجيت لعندهم لهيك ما بصدق كيف ضب شنطي وسافر و ارجع للهدوء و الاستقرار
ياستي الحمدلله هالسفرة ما قعدنا فيها اسبوع على بعضه بحماة او بالبيت قولي البيت ما نقعد فيه نهائيا و اليوم اللي تغدينا فيه بالبيت يكون عنا عالم مثلا تجي لعندي اختي صبحية خليها نتصل على زوجها و يبقوا عالغدا أو تجي حماتي يصير نفس الشي أو يجوا أهلي كمان الشي ذاته باقي ايامنا على طول نحن معزومين عندهم و على الأغلب يا عند أهلي أو عند بيت حماي غير اذا بدنا نطلع برا حماة يا أما مشاوير من الصبح للمسا يا اما ناخد أهالينا و نطالعهم معنا يعني مرة بيت حماي ومرة اهلي و مرة هنن كمان يعزمونا أو مشاوير ننام فيها شي 3 ايام وهي تكون لحالنا طبعا يعني مثلا يوم على مشتى الحلو و المناطق القريبة منها ويوم على اللاذقية وكسب و السمرا أو ضيعة ضايعة و يوم على مصياف و وادي العيون ويوم على حلب ويوم على حمص و شي 3ايام على الشام و شي 3 ايام على طرطوس هون كنا آخدين شاليه نحن وبيت اختي و بالحقيقة كتير انبسطنا فيهم و هذا كان آخر مشوار يادوب بآخر اسبوع ضبينا اغراضنا و بيتنا و قلنا يا ميسر يعني الحمدلله كانت اجازة كتير حلوة يمكن عوضت فيها كل الاجازات السابقة بس متل ما حكيت لكن من قبل تضايقنا من اول ما جينا بس الحمدلله كل شي رجع متل ماكان ورجعت عالروتين و الدوام و شغل البيت من اول وجديد
خبريني انت وين رحتوا و كيف قضيتوا اجازتكن وكم يوم كانت يعني التفاصيل لو سمحت هههههههه

بنت الشام المعذبه
24/08/2009, 11:58 PM
يسلم لقلبي كل الحلوين وكل عام وأنتو بخير وينعاد عليكم بالصحة وبالسلامه


بيرل اهلين وسهلين والجمدلله على سلامتك.........

حبيباتي كلياتكم الحمدلله انكم بخير ........اخباري مشغولين على الاخر بالعروس لجديدة وعمتي وصلت اليوم من الشام وكنت متعشمة بهدية جايبة مونه وحلو

الدمشقية
25/08/2009, 02:38 AM
صباحووووووو احلى صباح لكل الحلوين






وعليكم السلام ورحمة الله وبركاته بالسيد سيباويه لكن انا كفتارو هههههههه
وين هيك غاطة ووين ايامك مشتاقتلك كتير وايديك ولو الشات شاتك بالاصل
برافو عليك يالله خلونا نشوف شو بدنا نعمل وبتعرفي هلأ شفت المسابقة الرمضانية
على الرسائل الخاصة عندي بقى عم فكر شارك فيها ان شاء الله وبالغالب اعمل هيك
انا صرت بالجزء 11 :cool:

يسعد صباحك ومساكي مونو الحلوة .... حلوة هي سيباويه خخخخخ لاني كتيير كنت شاطرة بالعربي لا تصدقي هههه

والله انا هنا مشغولة شوي بين هنا وهناك ودوام زوجي لما بيتغير بينقلب النظام كللو
واجا رمضان يعني يادوب الوحدة تقرأ قرأن على قولتك وتعمل اكل
وماشالله عليكي مونو والله قاطعة منيح بالقران الله يقويكي ويتقبل منك انا الان وصلت نصف الثامن الله يتقبل منا جميييع

الدمشقية
25/08/2009, 03:12 AM
دمشقية حياتي و الله وانا اشتقت لك كتير وعلى قولتك والله ما بينشبع من الاجازة مهما طولت بس انا عندي رأي تاني حياتي لأني بآخر اسبوع أو اسبوعين وبكل صراحة بمل و ببقى مشتهية ارجع لروتين حياتي اللي كان صح روتيني متعب كتير بس صدقيني بالاجازة ما بوعى على شي بالمرة بتبقى غير منظمة ابدا لا باكلك و لا بطلعاتك و لا بمشاويرك و بتطلعي والناس كلها عتبانة عليك مارحت و لا اجيت لعندهم لهيك ما بصدق كيف ضب شنطي وسافر و ارجع للهدوء و الاستقرار
ياستي الحمدلله هالسفرة ما قعدنا فيها اسبوع على بعضه بحماة او بالبيت قولي البيت ما نقعد فيه نهائيا و اليوم اللي تغدينا فيه بالبيت يكون عنا عالم مثلا تجي لعندي اختي صبحية خليها نتصل على زوجها و يبقوا عالغدا أو تجي حماتي يصير نفس الشي أو يجوا أهلي كمان الشي ذاته باقي ايامنا على طول نحن معزومين عندهم و على الأغلب يا عند أهلي أو عند بيت حماي غير اذا بدنا نطلع برا حماة يا أما مشاوير من الصبح للمسا يا اما ناخد أهالينا و نطالعهم معنا يعني مرة بيت حماي ومرة اهلي و مرة هنن كمان يعزمونا أو مشاوير ننام فيها شي 3 ايام وهي تكون لحالنا طبعا يعني مثلا يوم على مشتى الحلو و المناطق القريبة منها ويوم على اللاذقية وكسب و السمرا أو ضيعة ضايعة و يوم على مصياف و وادي العيون ويوم على حلب ويوم على حمص و شي 3ايام على الشام و شي 3 ايام على طرطوس هون كنا آخدين شاليه نحن وبيت اختي و بالحقيقة كتير انبسطنا فيهم و هذا كان آخر مشوار يادوب بآخر اسبوع ضبينا اغراضنا و بيتنا و قلنا يا ميسر يعني الحمدلله كانت اجازة كتير حلوة يمكن عوضت فيها كل الاجازات السابقة بس متل ما حكيت لكن من قبل تضايقنا من اول ما جينا بس الحمدلله كل شي رجع متل ماكان ورجعت عالروتين و الدوام و شغل البيت من اول وجديد
خبريني انت وين رحتوا و كيف قضيتوا اجازتكن وكم يوم كانت يعني التفاصيل لو سمحت هههههههه

تشتقلك العواااااافي يااااارب يابيرل ياعسووولة انتي
غريبة انك تمللي كنت مفكرة لو انو يمكن عندي بيت الي يمكن مابمل وبزهئ وبحس بالاستقرار نوعا ما بس رايك قلبني شوي ... قولتك اتعودنا على غربتنا وروتينا :( يمكن
وماشالله اجازة مرتبة بخذي العين عنك والله ماقصرتو اي هيك الواحد بيقول والله اطلعنا وانبسطنا مو قعدة بالبيوت وعزايم واكل اتقولي مفكرينا مو شبعانين الاكل خخخخخ

ونحنا ياستي وياست الكل قضيناها اكتر شي ببيت اهلي واخدنا مزرعة على يومين مسبح وهيك يعني
وطلعنا خمس ايام على راس البسيط ومنها لكسب وغابات الفرنلق ومشقيتا والسمرا كمان رحنالها وبس على الشام والباقي قضيناه بربوع الشام زبداني ومطاعم ويعفور وبس
ومن بيت لبيت هههههه
يعني شوية روتين لا تقرفي على تغيير بسيط:wink:
الحمد لله انبسطنا كتيير وقعدت تقريبا شهر ويومين بس ورجعنا

MONOSTEPS
25/08/2009, 09:58 AM
رمضانا جانا وفرحنا بو بعد غيابو اهلا رمضان

ما بعرف فايقة الصبح مطروبة على غفلة هههههههههههههههههههه

كيف الكل ان شاء الله تمام انا الحمدلله بخير وعلى الروتين الرمضاني
طبعا ما تابعت شي ابدا على التلفزيون ولا حتى باب الحارة
امبارحة شفت لقطات منه ولي شو بايخ وبيملل عن جد بشعوا المسلسل
ولسه كل واحد ما بده يمثل بالمسلسل بيموتوه يا اما بينفوه على القلعة ههههههه
لا عن جد خلص جزئين وبزيادة وحتى التالت كان مافيه شي بس 4 و 5
اي شو عم نحضر ماريا مرسيدس
المهم اللي بيعرف مسلسلات حلوة يقلي على وقتها ويا حبذا ( هي الكلمة مشان سيباويه اللي عنا هههههههه) يكون سوري ويا حبذا اكتر ضيعة ضايعة على روتانا خليجية
لانه حابة تابع واحد على الاقل ان شاء الله



صباح الخيرات على احلى بنات و الله يسلمكن حبيباتي و انا كمان اشتقت لكن كتير

مونو يا مونو الله يقويك يارب و ان شاءالله بتنزلوا بتقضوا اجازة حلوة و سعيدة مع العيلة ما في أحلى من لمة العيلة بالعيد صدقيني صار لي بالغربة 9 سنوات و الحمدلله مرتاحة من كل شي بس لحد الآن بس يجي العيد بغص من كل قلبي و بتمنى لو كنت معيدة مع اهلي لهيك ان شاءالله بتتهنوا بهالاجازة و بالعيد


اه يا بيرل حطيتي ايدك على الجرح فعلا اكتر الشي بتستفئدي لاهلك
بالاعياد والمناسبات لانه متل ما قلتي اتعودنا على روتين حياة
بقى بتحسي حالك بتصبري كل الايام وكل السنة الا بهالايام اللي بتحسي
انه الكل مجتمعين وسهرانين يالله الحمدلله على كل حال
وعلى كتر ما قلت لزوجي حابة انبسط بهالاجازة وعم لح خايفة
ما روح لا سمح الله بالاخر انبرخ بعيد الشر :o


يسلم لقلبي كل الحلوين وكل عام وأنتو بخير وينعاد عليكم بالصحة وبالسلامه


بيرل اهلين وسهلين والجمدلله على سلامتك.........

حبيباتي كلياتكم الحمدلله انكم بخير ........اخباري مشغولين على الاخر بالعروس لجديدة وعمتي وصلت اليوم من الشام وكنت متعشمة بهدية جايبة مونه وحلو

يا هلا يا هلا وانت بالف خير الله يهنيكم
مستفئديلك كتير ومو مشكلة المونة كمان ظريفة وخصوصا برمضان ههههههههههههههه



يسعد صباحك ومساكي مونو الحلوة .... حلوة هي سيباويه خخخخخ لاني كتيير كنت شاطرة بالعربي لا تصدقي هههه

والله انا هنا مشغولة شوي بين هنا وهناك ودوام زوجي لما بيتغير بينقلب النظام كللو
واجا رمضان يعني يادوب الوحدة تقرأ قرأن على قولتك وتعمل اكل
وماشالله عليكي مونو والله قاطعة منيح بالقران الله يقويكي ويتقبل منك انا الان وصلت نصف الثامن الله يتقبل منا جميييع


هههههههههههههه يا شطورة
انا عم حاول قضي وقتي بالنهار بتلاوة القران مشان هيك
اما بالبيت ما بفضلى حك راسي يعني الله يعينك ومنيح منك
صرتي بالجزء 8 ممتاز كتير







على فكرة شاركت بالمسابقة الرمضانية دعواتكم
شجعوني متل مثلا عاوزين مونو عاوزين مونو ههههههههههههههههههههه
عم امزح معكم بس بتصور النتائج بتطلع وانا بسوريا بقى شوفولي
نتيجة تخبيصي الله يخليكم

الدمشقية
25/08/2009, 10:33 AM
صباح الخير على الحلوين والغالييين على قلبي

بنت الشام الحمد لله اللي شفناكي واطمنا عنك الله يقويكي يارب وبالنسبة للهدايا الكل مكحتت صاير خخخخخ بيقلك بجيب غرض للبيت جماعي بكون افضل يالله خيرها بغيرها

**************

اي يسعدلي المطروووب انا اي مونو الحلوة ذكرتيني بالاغنية بمسرحية العيال كبرت
اهلا رمضااااان ههههههه ان شالله دايما تكوني مبسووطة
وبالنسبة لباب الحارة والله شو نعمل بتبقى شي من ريحة سوريا يعني مضطرين نتابعها الشغلة وطنية شنو لأنو هههههه وبالفعل بايخة بس الله يرضى عليكي معليش تابعيها للنهاية منشان بالاخر
يجلطونا بسم الله علينا ويقولوا الى اللقاء مع الجزء الخاااامس هههههه
هي طلعو العقيد وابو غالب الجربان كمان وجابولك المصروع النمث قصدي النمس
ومتل ماقلتلك سابقا الاستعمار ييطلع من الشام واراضيها .... وفريال خانم بتتجوز اخو العقيد منشان يضبها شوي .... ومعتز بصير العقيد بدال خالو وبيتجوز خيرية ..... والعقيد وابو عصام ببينو اخر حلقتين على اساس انهم كانو يامع الثوار او بالقلعة خخخخخخخخخخ وهكذا هي توقعاتنا نحن سيباويه الموقر

وغيرها والله ماعم تابع غير طاش ماطاش على الافطار وبسسسسسسسس
وكللو كوم وهي الزنخة يقطع عمرها حليمة بولند قال عم تحكي شامي وتقلد العييين ...... اللهم اني صائم
خخخخخخ
بقى حبيبة قلبي كل ماااسخ لا تابعي شي هههههه

والله يتقبل منك ياحلوووووة ... هلأ مونو انتي مجربة شي مرة انك تأخري دورتك العفو انا حابة اخر دورتي بس مابعرف شو اخد وشو هي الحبوب .. لو سمحتي اذا عندك خلفية عن الموضوع اتحفينا ريييجاااءا

وان شالله تفوزي بالمسابقة ولا يهمك ببعتلك رسالة بريدية سريعة لموافاتك بالاخبار ههههه

وين بيرل الحلوة مابينتي اليوم ........ وباقي الحلوات مشغولات اما بسفر او بجهاز على خير يارب

PEARL2000
25/08/2009, 11:06 AM
صباح الخيرات والليرات كيفكن اليوم شو اخباركن و كيف الأكل معكن ههههههههههه؟ شو ما عم تحكوا عن السفر برمضان و شو عم تتفننوا هالأيام على الطاولة ولا لسه الشهر بأوله و بعدها الأفكار تازة وما بحاجة للاستعانة بصديق هههههههههههههه على كل حال ينعاد عليكن بالصحة و العافية
الله يسلمك بنوتة شو اخبارك ؟ الله يطعمنا و نفرح منك عن قريب وانت رح تشوفي بعينك شو يعني المونة و لما تفتحي الفريزر وتلاقيها مليانة والله بتنبسطي فيها اكتر من 3 كنزات مع بعض لأن انا هيك صار معي الشتوية الماضية لما اجت حماتي حرام المخلوقة مو مقصرة بالهدايا لا معي ولا مع زوجي و حتى ماما و اختي كانوا باعتين لي كمان بس كانت جايبة لي اكل معها من لبن و قشطة و عش البلبل و صفيحة و حلو عربي عن جد لقيتهم هدولة احسن من كل اللبس اللي جايبته معها لأن بتشتاقي لهالأشياء أما اللبس فهون موجود وبالعكس بتجيبي على ذوقك .
اما انت يا مونو الحلوة موفقة ياحبيبتي بالمسابقة وان شاءالله بتكوني من الفائزين يارب وبالنسبة للمسلسلات انا برأي حطي القناة المفضلة عندك على الدنيا و على اورينت اي المشرق و الفضائية السورية و بتشوفي كل المسلسلات السورية أنا بصراحة هيك عاملة ومو متابعة حاليا ولا مسلسل مصري كل شي عم احضره سوري بس اذا بتعرفي ضيعة ضايعة ايمتى عم يجي ياريت تقول لي

لولية
25/08/2009, 02:07 PM
كيفكن يا أحلى حلوات بالمنتدى شو أخباركن وكيف رمضان معكن ان شاء الله ما عم تجوعوا
والله أنا مسموم بدني كتير لهلأ أوراقي ما خلصت ومتوقعين الخميس تخلص ونستلمها وعندي حجز الجمعة بقى ان شاء الله خير لإنه ضاقت خلائي كتير وابن عمي كمان صوتوا ما عم يطلع هادا غير الكهربا اللي عم تنقطع والشوب..........يا زلمي والله حلو النق
المهم ذكرونا شو عم تطبخوا بالنسبة لإلي بنتي مابدها على الفطور غير شوربة وفطاير والله الأكلة عم أطبخها وما عم تتاكل بقى هيك قررت ما أعمل غير شوربة وفطاير منها ما بتعب ومنها بفضى بصير عندي وقت أكتر للصلاة وقراءة القرآن والله يقوينا كلنا يا رب على عبادته قولوا آمين

شامية للعظم
25/08/2009, 03:04 PM
كيفكن ياجماعة انشالله رمضان مبارك علينا وعليكم شو الأخبار على كل حال أنا قرأت أخبار الكل

أنا أخباري أني من أسبوع وأكتر مادخلت

والسبب أني أجهضت والولد راح وكان عمره 7 أسابيع الحمد لله على كل شي هلق الحمد لله

صحتي تمام بألف خير ومشتاقتلكن كتير

الياسمينة السمرا
25/08/2009, 05:01 PM
مرحبا يا صبايا كيفكون وكيف الصيام معكم الله يقويكم ويقوينا
شو اخبار سيرة الحب برمضان شنو لانو بتكتر الاكلات الطيبة
نحنا اليوم عازمين خطيبي على الغدا وعاملين كبة بلبنية وتقريضة وشيش طاووق ومعكرونة بالباشاميل وفطر
تفضلو
شو لولية شو عاملة لربك لحتى ما عم تمشي اوراقك اه قري واعترفي
الله يسرلك سفرتك وتخلصي من الانتظار لانو شي بملل

الياسمينة السمرا
25/08/2009, 05:03 PM
سلامتك

الياسمينة السمرا
25/08/2009, 05:04 PM
سلامتك شامية ولا تزعلي ون شاء الله رب العالمين بعوضك بأحسن منو
انتي المهم ديري بالك ع حالك ولا تحملي شي تقيل
والله يعوضك الاخير منو

الياسمينة السمرا
25/08/2009, 05:12 PM
مون تابعي مسلسل صبايا بيطلع على الدنيا الساعة 9
وعن جد كتير باخ مسلسل باب الحارة
وفي عندك مسلسل رجال الحسم وتحت المداس حلوين
وانا صرت بالجزء الثالث لاني اليوم حتى صمت

لولية
25/08/2009, 11:56 PM
مسا الخير يا بنوتات
شامية لا تزعلي يا عمري والله يعوضك يا رب وكلشي بيجي من عند الله خير بس إنتي لازم تعرفي شو السبب كرمال تتفاديه المرة الجاي
ياسمينة والله الحق معك لإني نقيت وقلت ما بدي ضل ولا يوم ببيروت إذا ايجيت من حمص واتشرطت بقى الله عم يورجيني إنه بلا نق والله نطف ألبي يلا كلشي بيجي منيح
شو أخبار الصبايا الأمامير برافو عليكي مونو ودمشقية الله يقويكن وأنا كمان بالجزء الرابع لإنه كان عندي مشكلة متل ياسمينة والله يقوينا يا رب

الدمشقية
26/08/2009, 12:41 AM
صباح الخيرات والليرات كيفكن اليوم شو اخباركن و كيف الأكل معكن ههههههههههه؟ شو ما عم تحكوا عن السفر برمضان و شو عم تتفننوا هالأيام على الطاولة ولا لسه الشهر بأوله و بعدها الأفكار تازة وما بحاجة للاستعانة بصديق هههههههههههههه على كل حال ينعاد عليكن بالصحة و العافية
الله يسلمك بنوتة شو اخبارك ؟ الله يطعمنا و نفرح منك عن قريب وانت رح تشوفي بعينك شو يعني المونة و لما تفتحي الفريزر وتلاقيها مليانة والله بتنبسطي فيها اكتر من 3 كنزات مع بعض لأن انا هيك صار معي الشتوية الماضية لما اجت حماتي حرام المخلوقة مو مقصرة بالهدايا لا معي ولا مع زوجي و حتى ماما و اختي كانوا باعتين لي كمان بس كانت جايبة لي اكل معها من لبن و قشطة و عش البلبل و صفيحة و حلو عربي عن جد لقيتهم هدولة احسن من كل اللبس اللي جايبته معها لأن بتشتاقي لهالأشياء أما اللبس فهون موجود وبالعكس بتجيبي على ذوقك .
اما انت يا مونو الحلوة موفقة ياحبيبتي بالمسابقة وان شاءالله بتكوني من الفائزين يارب وبالنسبة للمسلسلات انا برأي حطي القناة المفضلة عندك على الدنيا و على اورينت اي المشرق و الفضائية السورية و بتشوفي كل المسلسلات السورية أنا بصراحة هيك عاملة ومو متابعة حاليا ولا مسلسل مصري كل شي عم احضره سوري بس اذا بتعرفي ضيعة ضايعة ايمتى عم يجي ياريت تقول لي

شو نسيتيني يعني كنت موجودة وكاتبة ديباجة هالأد قدها :( انا سعلانة كتيييير



كيفكن يا أحلى حلوات بالمنتدى شو أخباركن وكيف رمضان معكن ان شاء الله ما عم تجوعوا
والله أنا مسموم بدني كتير لهلأ أوراقي ما خلصت ومتوقعين الخميس تخلص ونستلمها وعندي حجز الجمعة بقى ان شاء الله خير لإنه ضاقت خلائي كتير وابن عمي كمان صوتوا ما عم يطلع هادا غير الكهربا اللي عم تنقطع والشوب..........يا زلمي والله حلو النق
المهم ذكرونا شو عم تطبخوا بالنسبة لإلي بنتي مابدها على الفطور غير شوربة وفطاير والله الأكلة عم أطبخها وما عم تتاكل بقى هيك قررت ما أعمل غير شوربة وفطاير منها ما بتعب ومنها بفضى بصير عندي وقت أكتر للصلاة وقراءة القرآن والله يقوينا كلنا يا رب على عبادته قولوا آمين

يالله لولية ولا يهمك كل تأخيرة وفيها خيرة ان شالله الله ييسر اوراقك يارب وتوصلي لبعلولك بسرعة وبالسلامة يارب ...
وبالنسبة للطبخ فخليها لربك طبخت كوسا محشي اول يوم لهلا ضايل عندي منها انا زوجي وحماتي وحتى ولادي والاهل مابياكلو طبخ ناادرا يعني وجبتي الاساسية اليومية كل يوم هي
سمبوسك لحمة وجبنة وشوربة وفتوش وبعمل كل يومين فطاير سبانخ وهوت دوغز وبرك جبنة
هالشي اساسي بالسفرة عندي طوول ايام رمضان


كيفكن ياجماعة انشالله رمضان مبارك علينا وعليكم شو الأخبار على كل حال أنا قرأت أخبار الكل

أنا أخباري أني من أسبوع وأكتر مادخلت

والسبب أني أجهضت والولد راح وكان عمره 7 أسابيع الحمد لله على كل شي هلق الحمد لله

صحتي تمام بألف خير ومشتاقتلكن كتير

اهللين شامية والله اشتقنالك كتيير وربي يعوضك خير ان شالله انا لما طرحت بالزمنات قالتلي دكتورتي لا تزعلي الحمل الغير سليم ينزل لوحده فالحمد لله والله يقويكي يارب
كيف رمضان معك بماانك اول سنة اغتراب :D


مرحبا يا صبايا كيفكون وكيف الصيام معكم الله يقويكم ويقوينا
شو اخبار سيرة الحب برمضان شنو لانو بتكتر الاكلات الطيبة
نحنا اليوم عازمين خطيبي على الغدا وعاملين كبة بلبنية وتقريضة وشيش طاووق ومعكرونة بالباشاميل وفطر
تفضلو
شو لولية شو عاملة لربك لحتى ما عم تمشي اوراقك اه قري واعترفي
الله يسرلك سفرتك وتخلصي من الانتظار لانو شي بملل

اهللين بالعروس سمورة والله تشتقنالك تقلانة علينا هيك العريس بخليكي تتقلي يعني
بس يالله معزووورة كل شي بالبداية حلو هههه الله يسعدك ويتمملك على خير واي اهتمي بابن عمك واعزميه وورجيه انك ست بيت مكملة لكن ماشالله عليكي


مسا الخير يا بنوتات
شامية لا تزعلي يا عمري والله يعوضك يا رب وكلشي بيجي من عند الله خير بس إنتي لازم تعرفي شو السبب كرمال تتفاديه المرة الجاي
ياسمينة والله الحق معك لإني نقيت وقلت ما بدي ضل ولا يوم ببيروت إذا ايجيت من حمص واتشرطت بقى الله عم يورجيني إنه بلا نق والله نطف ألبي يلا كلشي بيجي منيح
شو أخبار الصبايا الأمامير برافو عليكي مونو ودمشقية الله يقويكن وأنا كمان بالجزء الرابع لإنه كان عندي مشكلة متل ياسمينة والله يقوينا يا رب

الله يتقبل منك لولية يارب ومنا كمان ونختم كذا مرة ان شالله الله يقوينا

الدمشقية
26/08/2009, 12:43 AM
نسيت قلكم شغلة يوم الخميس بيجوني ضيوف من سوريا ان شالله بقى عندي شغل على كيفكم
ويوم الجمعة كمان عندي عزومة اكبر حوالي 13 نفر هدول الكبار والعفريت تبعونهم قصدي
الاطفيل الحلوين خخخخ حوالي 7 وولادي اتنين وماشالله ماشالله بقى ادعولي الله يقويني

شامية للعظم
26/08/2009, 01:43 AM
سمورة حبيبة قلبي الله الله ييسرلك أنت وخطيبك وتكون أيامكن كلها عسل

بيرل كيفك شو الأخبار ومشان نصيحتك الي سألت قالتلي الدكتورة عندي التهابات

دمشقية أنا راضية ومقتنعة أنو الله أختارلي الخير أكيد والحمد لله

رمضان معي الحمد لله تمام بتذكر أمي بكل حركة

بس والله ابن عمي مو مخليلي وقت أني مل لأنو بيحاول بأي وسيلة يعوضني

وبتعرفي الواحد بيملي وقتو بالطبخ والعبادة والقرآن

MONOSTEPS
26/08/2009, 09:34 AM
صباحووووووو كيفكم اليوم يارب تكونوا باحسن حال





اي يسعدلي المطروووب انا اي مونو الحلوة ذكرتيني بالاغنية بمسرحية العيال كبرت
اهلا رمضااااان ههههههه ان شالله دايما تكوني مبسووطة
وبالنسبة لباب الحارة والله شو نعمل بتبقى شي من ريحة سوريا يعني مضطرين نتابعها الشغلة وطنية شنو لأنو هههههه وبالفعل بايخة بس الله يرضى عليكي معليش تابعيها للنهاية منشان بالاخر
يجلطونا بسم الله علينا ويقولوا الى اللقاء مع الجزء الخاااامس هههههه
هي طلعو العقيد وابو غالب الجربان كمان وجابولك المصروع النمث قصدي النمس
ومتل ماقلتلك سابقا الاستعمار ييطلع من الشام واراضيها .... وفريال خانم بتتجوز اخو العقيد منشان يضبها شوي .... ومعتز بصير العقيد بدال خالو وبيتجوز خيرية ..... والعقيد وابو عصام ببينو اخر حلقتين على اساس انهم كانو يامع الثوار او بالقلعة خخخخخخخخخخ وهكذا هي توقعاتنا نحن سيباويه الموقر

وغيرها والله ماعم تابع غير طاش ماطاش على الافطار وبسسسسسسسس
وكللو كوم وهي الزنخة يقطع عمرها حليمة بولند قال عم تحكي شامي وتقلد العييين ...... اللهم اني صائم
خخخخخخ
بقى حبيبة قلبي كل ماااسخ لا تابعي شي هههههه

والله يتقبل منك ياحلوووووة ... هلأ مونو انتي مجربة شي مرة انك تأخري دورتك العفو انا حابة اخر دورتي بس مابعرف شو اخد وشو هي الحبوب .. لو سمحتي اذا عندك خلفية عن الموضوع اتحفينا ريييجاااءا

وان شالله تفوزي بالمسابقة ولا يهمك ببعتلك رسالة بريدية سريعة لموافاتك بالاخبار ههههه

وين بيرل الحلوة مابينتي اليوم ........ وباقي الحلوات مشغولات اما بسفر او بجهاز على خير يارب


الله يسلمك يا عمري وناطرة منك الاخبار برسائل على الخاص ان شاء الله
وانا بحب كتير مسرحية العيال كبرت هههههه
وبالنسبة للمسلسلات فعلا كله بايخ ومنيح اللي ذكرتيني بطاش ما طاش لانه بحبه
ههههههههههههههه ومتت من الضحك على التوقعات والتنبئات مشان باب الحارة
ما شاء الله خيالك خصب هههههههههههههههههههه
ومشان السؤال المشفر هههههههههه اي مجربة اخرها وكذا مرة كمان
واستعملت حبوب اسمهم نوركيلوت من سوريا بقى اذا عندك حدا جاية قولي لاهلك
يبعتلولك منهم لانه بصراحة اامن شي والامان بالله وشغلة تانية هن ما حبوب منع حمل بتصور
والداكاترة بتوصفهم للي بيروحوا على الحج والعمرة وحتى مافي داعي تنظمي الدورة قبلهم
او تستعمليهم الا قبل موعد الدورة اللي بدك تاخريها ب 3 ايام مثلا من باب الاحتياط
والا هو فينك من قبل بيوم بكفي وخصوصا اذا دورتك منتظمة بس مشان الاحتياط خليها قبل 3 ايام
شو كيفني معك انا ودكتورة وكفتارو وطباخة وفتاحة ههههههههههههههههه



صباح الخيرات والليرات كيفكن اليوم شو اخباركن و كيف الأكل معكن ههههههههههه؟ شو ما عم تحكوا عن السفر برمضان و شو عم تتفننوا هالأيام على الطاولة ولا لسه الشهر بأوله و بعدها الأفكار تازة وما بحاجة للاستعانة بصديق هههههههههههههه على كل حال ينعاد عليكن بالصحة و العافية
.
اما انت يا مونو الحلوة موفقة ياحبيبتي بالمسابقة وان شاءالله بتكوني من الفائزين يارب وبالنسبة للمسلسلات انا برأي حطي القناة المفضلة عندك على الدنيا و على اورينت اي المشرق و الفضائية السورية و بتشوفي كل المسلسلات السورية أنا بصراحة هيك عاملة ومو متابعة حاليا ولا مسلسل مصري كل شي عم احضره سوري بس اذا بتعرفي ضيعة ضايعة ايمتى عم يجي ياريت تقول لي


تسلمي لقلبي يا بيرل الحلوة قوليلي كيف ايامك وكيف احوالك
والله مشتاقة لنحكي ونكركر قد ما بدك بس يالله خليها على الله
وامبارحة عملت متل ما قلتي وحطيت على السوريات بقى لشوف
اذا رح ارسالي على بر ان شاء الله
ومشان الاكل اول يوم انعزمنا والايام البقيانة غدا متله متل اي يوم عادي
انا ما بحب التنويع والتشكيل برمضان بالذات لانه الاكل بيبقى بوجهك
وحرام تكبيه وبما انه بتكوني صايمة كل النهار بقى بتحسي حالك بتشبعي بسرعة
اللي مطلوب عندي اكتر شي الحلويات برمضان اكتر من الاكل لانه انا وزوجي
بننفلت بفرد فلتة عليهم هههههههههههههه
امبارحة عملت الحلو اللي علمتيني ياه تبع الجيلي والكاسترد وحطيت اول طبقة
كيك وبعدين كاسترد وبعدين جيلي مع موز يمممم شو طلع طيب يسلموا هالايدين



كيفكن يا أحلى حلوات بالمنتدى شو أخباركن وكيف رمضان معكن ان شاء الله ما عم تجوعوا
والله أنا مسموم بدني كتير لهلأ أوراقي ما خلصت ومتوقعين الخميس تخلص ونستلمها وعندي حجز الجمعة بقى ان شاء الله خير لإنه ضاقت خلائي كتير وابن عمي كمان صوتوا ما عم يطلع هادا غير الكهربا اللي عم تنقطع والشوب..........يا زلمي والله حلو النق
المهم ذكرونا شو عم تطبخوا بالنسبة لإلي بنتي مابدها على الفطور غير شوربة وفطاير والله الأكلة عم أطبخها وما عم تتاكل بقى هيك قررت ما أعمل غير شوربة وفطاير منها ما بتعب ومنها بفضى بصير عندي وقت أكتر للصلاة وقراءة القرآن والله يقوينا كلنا يا رب على عبادته قولوا آمين

يا قلبي عليك انت وحظك مافي الا نصبرك ونقلك كل تاخيرة وفيها خيرة
ومتل ما قلتي برمضان ما بتاكلي كتير يادوبك الشوربة واذا كنتي عاملة فتوش
خلص شبعتي وصلى الله وبارك
ويالله شدي الهمة بالتلاوة ويارب الله بيكتب لنا الاجر والثواب



كيفكن ياجماعة انشالله رمضان مبارك علينا وعليكم شو الأخبار على كل حال أنا قرأت أخبار الكل

أنا أخباري أني من أسبوع وأكتر مادخلت

والسبب أني أجهضت والولد راح وكان عمره 7 أسابيع الحمد لله على كل شي هلق الحمد لله

صحتي تمام بألف خير ومشتاقتلكن كتير


لا حول ولا قوة الا بالله الله يعوضك خير والله زعلتيني
احسن شي احمدي واسترجعي وباذن الله الله بيكتبلك الاجر والثواب
بتعرفي يوم السبت وحدة بعرفها يالطيف اجتها ولادة مبكرة بالتامن
ولدت يالطيف من هون واتوفى الصبي من هون عن جد طق قلبي عليهم
بقى الحمدلله اللي بيشوف مصيبة غيره بتهون عليه مصيبته
وانا كمان بقلك متل لولية شوفي سبب الاجهاض مشان المرات الجاية ان شاء الله



مرحبا يا صبايا كيفكون وكيف الصيام معكم الله يقويكم ويقوينا
شو اخبار سيرة الحب برمضان شنو لانو بتكتر الاكلات الطيبة
نحنا اليوم عازمين خطيبي على الغدا وعاملين كبة بلبنية وتقريضة وشيش طاووق ومعكرونة بالباشاميل وفطر
تفضلو



صحة وهنا للعروسين وانا عندي بالقلب اكلي بيصير روتيني وما في فن
مرة عملت بطاطا بزيت وشوربة العدس ومرة عملت صينية بطاطا ولحمة
وامبارحة عملت بامية مع رز يعني هيك شي كله اكل نمطي
كيفك مع الخطبة وكيف امورك ان شاء الله تمام


مون تابعي مسلسل صبايا بيطلع على الدنيا الساعة 9
وعن جد كتير باخ مسلسل باب الحارة
وفي عندك مسلسل رجال الحسم وتحت المداس حلوين
وانا صرت بالجزء الثالث لاني اليوم حتى صمت

اي والله باخ باب الحارة وحضرت منه ربع ساعة انجلطت
بقى كيف ا1ذا بحضر اكتر يمكن بموت بعلتي ههههههههههههههه
شفت مسلسل صبايا يعني نص نص باقيلي الاتنين اللي قلتيهم



نسيت قلكم شغلة يوم الخميس بيجوني ضيوف من سوريا ان شالله بقى عندي شغل على كيفكم
ويوم الجمعة كمان عندي عزومة اكبر حوالي 13 نفر هدول الكبار والعفريت تبعونهم قصدي
الاطفيل الحلوين خخخخ حوالي 7 وولادي اتنين وماشالله ماشالله بقى ادعولي الله يقويني


ما شاء الله بيت عامر وهيدي نسوة الله يسامحك
اي بتنسي عمرك ولا بتنسي هالكم الهائل من الناس ههههههههههه
يا ستي الله يقويك ويعينك ولا تنسي تقوليلنا شو طبختي ان شاء الله
وانا عندي يوم الجمعة عزيمة بس تعتبر عائلية جدا وخوش بوش على قولتنا ههههه
يعني صنفين ما اكتر ان شاء الله

PEARL2000
26/08/2009, 10:02 AM
صباح الخيرات على عيونكن يا حلوات يعني كان لازم ذكركن بالأكل و النفخ لحتى تحكوا ههههههههههه على كل حال مية صحة وهنا على قلبكن جميع
دمشقية كعقول انساك حياتي ولك انت بالقلب على طول والله يعينك على الضيوف و العزيمة و انا برأي تبلشي تحضري من هلأ و تحطي بالفريزر اذا بتقدري و عندك محلات لأن ماشاءالله العدد كبير و بدهم كتير يعني شوفي أنا عندي عزيمة يوم الجمعة مبارح لفيت اليبرق و حطيته بالفريز و ناوية اعمل الكبة و حطها كمان بالفريزر و بجي ليومها ما بتعب كتير و بخلي طاقتي للضيوف و على قد ما بقدر حضر قبل بوقت بحضر و على طول بعمل هيك مو جديد علي حتى اذا أكلات دها سلق لحم أو جاج بعملهم قبل بيوم و يومين اي والله تحضير السلطات لحالها بتاخد وقت الدنيا
لولية ما تزعلي حياتي وكا تأخيرة و فيها خيرة و ان شاءالله أوراقك بتزبط على يوم الخميس و بتسافري بالسلامة و الله أنا معك مليوم بالمية بالنسبة للأكل لأن من غير شر بس تخف العيلة بتحسي انه مالك نفس تعملي شي خصوصي و يمكن انت مشغول بالك بالسفر لهيك مالك نفس كمان للطبخ و النفخ لهيك الله ييسر لك و توصلي على زوجك بخير و سلامة
شامية الله يعوضك خير حياتي و لاتزعلي انا مرة صار معي اجهاض وقال لي الدكتور الله يذكره بالخير الجنين الضعيف ما بيلزمنا و من اوله خليه ينزل أحسن ما يبقى و نتعب فيه بعدين لأن رح ينزل رح ينزل و ساعتها بيصير أصعب لأن كل ما مريت بشهور الحمل بيصير الاجهاض اصعب او لا سمح الله رح يجي ولد مشوه لهيك من اولها افضل و ان شاءالله ربي بيعوضك بحمل سليم
سمورة الله يسعدك حياتي هلأ ايامك عيشيها و تدللي و دللي خطيبك على قد ما بتقدروا ولاحقة على المسؤوليات و البيوت و الواجبات الله يهنيك يارب
مونو والله وانا اشتقت لك أكتر وانا مقدرة الظروف حبيبتي و انا بقول معكن حق بالأكل عن جد الواحد بيحس حاله انه صغرت معدته شوي و ما بيعود اله نفس ياكل كتير وانا معك مليون بالمية بالنسبة للبذخ بالأكل لأن كله حرام وخاصة اذا عيلة صغيرة وما بياكلوا اكل بايت كمان ليش الواحد يطبخ و يرمي هي نعمة من ربنا ولازم نحافظ عليها ومية صحة وهنا على الحلويات بس بتعرفي عفاك انت مطورة بالطبق أنا يومها عملته بس كاسترد و جيلي مع بعض بدون كاتو بتصور الكاتو بيعطيه طعمة طيبة كمان
انا طالع على بالي جرب كاتو قدرة قادر لحد الآن ما جربته عندي مرة اخي يا صبايا ماشاءالله فنانة بالكاتويات و الحلويات واكتر شي الكاتو تقريبا كل يومين بتعمل نوع شكل يعني كنت ايميتى مارحت لعند اهلي لاقيها عاملة شي جديد ومرة عطيتها عيارات هذا الكاتو و عملت لنا اياه عن جد وقت اللي شفت النتائج كتير عجبني و طالع طيب و ناجح معها و عملته شكلين نوع بكاكاو ونوع سادة و النوعين اطيب من بعض بقى تشجعت اني جربه و بنصحك فيه مون

الدمشقية
26/08/2009, 10:45 AM
سمورة حبيبة قلبي الله الله ييسرلك أنت وخطيبك وتكون أيامكن كلها عسل

بيرل كيفك شو الأخبار ومشان نصيحتك الي سألت قالتلي الدكتورة عندي التهابات

دمشقية أنا راضية ومقتنعة أنو الله أختارلي الخير أكيد والحمد لله

رمضان معي الحمد لله تمام بتذكر أمي بكل حركة

بس والله ابن عمي مو مخليلي وقت أني مل لأنو بيحاول بأي وسيلة يعوضني

وبتعرفي الواحد بيملي وقتو بالطبخ والعبادة والقرآن

الله يقويكي يارب ويخليلك ابن عمك الحمد لله ربك معين ورحيم بعباده صح مننحرم من شي بس بعوضنا اشياء ولله الحمد


صباحووووووو كيفكم اليوم يارب تكونوا باحسن حال






الله يسلمك يا عمري وناطرة منك الاخبار برسائل على الخاص ان شاء الله
وانا بحب كتير مسرحية العيال كبرت هههههه
وبالنسبة للمسلسلات فعلا كله بايخ ومنيح اللي ذكرتيني بطاش ما طاش لانه بحبه
ههههههههههههههه ومتت من الضحك على التوقعات والتنبئات مشان باب الحارة
ما شاء الله خيالك خصب هههههههههههههههههههه
ومشان السؤال المشفر هههههههههه اي مجربة اخرها وكذا مرة كمان
واستعملت حبوب اسمهم نوركيلوت من سوريا بقى اذا عندك حدا جاية قولي لاهلك
يبعتلولك منهم لانه بصراحة اامن شي والامان بالله وشغلة تانية هن ما حبوب منع حمل بتصور
والداكاترة بتوصفهم للي بيروحوا على الحج والعمرة وحتى مافي داعي تنظمي الدورة قبلهم
او تستعمليهم الا قبل موعد الدورة اللي بدك تاخريها ب 3 ايام مثلا من باب الاحتياط
والا هو فينك من قبل بيوم بكفي وخصوصا اذا دورتك منتظمة بس مشان الاحتياط خليها قبل 3 ايام
شو كيفني معك انا ودكتورة وكفتارو وطباخة وفتاحة ههههههههههههههههه



يارب الضحكة دوووم مون خانم مو يوووم
ويسلموا كتييييييييييير حيوتي اتي خخخخ على المعلومات القيمة لك والله بيلبقلك كل الالقاب اللي قلتي عليها لك انتي عكيدنا مو ابو شهاب ملص وماعاد طلع بباب الحارة اخص عرجااال :tongue:
بس للاسف يامون ضيوفي طلعوا من سوريا اليوم معناها لازم اسئل الصيدلي هون على اي حبوب مشابهة واخدهم قبل ب 3 ايام لان ابداااااا دورتي مو منتظمة ... الله المعين
وانا حابة اني اصوم رمضان للاخر ان شالله لان العفو دورتي مع اللولب كتييير تاعبتني
يسلمووووا ياعسل




تسلمي لقلبي يا بيرل الحلوة قوليلي كيف ايامك وكيف احوالك
والله مشتاقة لنحكي ونكركر قد ما بدك بس يالله خليها على الله
وامبارحة عملت متل ما قلتي وحطيت على السوريات بقى لشوف
اذا رح ارسالي على بر ان شاء الله
ومشان الاكل اول يوم انعزمنا والايام البقيانة غدا متله متل اي يوم عادي
انا ما بحب التنويع والتشكيل برمضان بالذات لانه الاكل بيبقى بوجهك
وحرام تكبيه وبما انه بتكوني صايمة كل النهار بقى بتحسي حالك بتشبعي بسرعة
اللي مطلوب عندي اكتر شي الحلويات برمضان اكتر من الاكل لانه انا وزوجي
بننفلت بفرد فلتة عليهم هههههههههههههه
امبارحة عملت الحلو اللي علمتيني ياه تبع الجيلي والكاسترد وحطيت اول طبقة
كيك وبعدين كاسترد وبعدين جيلي مع موز يمممم شو طلع طيب يسلموا هالايدين

ان شاله هنا وعوافي يارب بالفعل التنويع مو منيح برمضان لان اخر الاكلة على الكب ونكسب
اثم فيها


ما شاء الله بيت عامر وهيدي نسوة الله يسامحك
اي بتنسي عمرك ولا بتنسي هالكم الهائل من الناس ههههههههههه
يا ستي الله يقويك ويعينك ولا تنسي تقوليلنا شو طبختي ان شاء الله
وانا عندي يوم الجمعة عزيمة بس تعتبر عائلية جدا وخوش بوش على قولتنا ههههه
يعني صنفين ما اكتر ان شاء الله

والله يامون مو نسوة بعرف واكلة هم شوي بس يالله يوم وبيمضى ان شالله
وبالنسبة للطبخ حاطة ببالي ان شالله الاساسيات تكون التالي :
سلطة لبن .. فتوش ... سلطة جرجير ... شوربة عدس ... شوربة ماجي ... سمبوسك لحمة .. فطاير سبانخ وهوت دوغز .... برك بالجبنة .... متبل وبابا غنوج ...

اما الطبخ الرئيسي فان شالله حاطة ببالي اعمل فريكة على دجاج وصينية بطاطا على شرحات
هذا اللي ببالي
انصحوني الطبخ الرئيسي كويس ولا شو اعمل اغير وكمان بدي اكلة تالتة شو اعمل طفشت وانا افكر لا تقولولي ورق عنب او انواع الكوسا .... غيرهم عطوني الله يرضى عليكم

والعصيرات بعمل تمر هندي وفيمتو وعندي سكويز منجا كمان بالاضافة للعصير الفربش واللبن

والحلويات ان شالله كنافة بالقشطة وقطايف عصافيري وقطايف بالجوز ان شاء الله وبحوله وقوته


صباح الخيرات على عيونكن يا حلوات يعني كان لازم ذكركن بالأكل و النفخ لحتى تحكوا ههههههههههه على كل حال مية صحة وهنا على قلبكن جميع
دمشقية كعقول انساك حياتي ولك انت بالقلب على طول والله يعينك على الضيوف و العزيمة و انا برأي تبلشي تحضري من هلأ و تحطي بالفريزر اذا بتقدري و عندك محلات لأن ماشاءالله العدد كبير و بدهم كتير يعني شوفي أنا عندي عزيمة يوم الجمعة مبارح لفيت اليبرق و حطيته بالفريز و ناوية اعمل الكبة و حطها كمان بالفريزر و بجي ليومها ما بتعب كتير و بخلي طاقتي للضيوف و على قد ما بقدر حضر قبل بوقت بحضر و على طول بعمل هيك مو جديد علي حتى اذا أكلات دها سلق لحم أو جاج بعملهم قبل بيوم و يومين اي والله تحضير السلطات لحالها بتاخد وقت الدنيا
لولية ما تزعلي حياتي وكا تأخيرة و فيها خيرة و ان شاءالله أوراقك بتزبط على يوم الخميس و بتسافري بالسلامة و الله أنا معك مليوم بالمية بالنسبة للأكل لأن من غير شر بس تخف العيلة بتحسي انه مالك نفس تعملي شي خصوصي و يمكن انت مشغول بالك بالسفر لهيك مالك نفس كمان للطبخ و النفخ لهيك الله ييسر لك و توصلي على زوجك بخير و سلامة
شامية الله يعوضك خير حياتي و لاتزعلي انا مرة صار معي اجهاض وقال لي الدكتور الله يذكره بالخير الجنين الضعيف ما بيلزمنا و من اوله خليه ينزل أحسن ما يبقى و نتعب فيه بعدين لأن رح ينزل رح ينزل و ساعتها بيصير أصعب لأن كل ما مريت بشهور الحمل بيصير الاجهاض اصعب او لا سمح الله رح يجي ولد مشوه لهيك من اولها افضل و ان شاءالله ربي بيعوضك بحمل سليم
سمورة الله يسعدك حياتي هلأ ايامك عيشيها و تدللي و دللي خطيبك على قد ما بتقدروا ولاحقة على المسؤوليات و البيوت و الواجبات الله يهنيك يارب
مونو والله وانا اشتقت لك أكتر وانا مقدرة الظروف حبيبتي و انا بقول معكن حق بالأكل عن جد الواحد بيحس حاله انه صغرت معدته شوي و ما بيعود اله نفس ياكل كتير وانا معك مليون بالمية بالنسبة للبذخ بالأكل لأن كله حرام وخاصة اذا عيلة صغيرة وما بياكلوا اكل بايت كمان ليش الواحد يطبخ و يرمي هي نعمة من ربنا ولازم نحافظ عليها ومية صحة وهنا على الحلويات بس بتعرفي عفاك انت مطورة بالطبق أنا يومها عملته بس كاسترد و جيلي مع بعض بدون كاتو بتصور الكاتو بيعطيه طعمة طيبة كمان
انا طالع على بالي جرب كاتو قدرة قادر لحد الآن ما جربته عندي مرة اخي يا صبايا ماشاءالله فنانة بالكاتويات و الحلويات واكتر شي الكاتو تقريبا كل يومين بتعمل نوع شكل يعني كنت ايميتى مارحت لعند اهلي لاقيها عاملة شي جديد ومرة عطيتها عيارات هذا الكاتو و عملت لنا اياه عن جد وقت اللي شفت النتائج كتير عجبني و طالع طيب و ناجح معها و عملته شكلين نوع بكاكاو ونوع سادة و النوعين اطيب من بعض بقى تشجعت اني جربه و بنصحك فيه مون

لك تسلميلي ياعسل انتي ... الله يجبر خاطرك:o وشي حيا بعرف
والله يابيرل ان شالله السلطات بجهزهم من على السحور بس من غير مااحطلهم بصل وحمض طبعا والمعجنات والسمبوسك كمان بعملها على السحور
والاكل ناوية ابدأ بطبخوا على الساعة 2 احسنلي ولما الافطار بسخن الاكل اما على النار او بجاطاتهم وعلى الميكرويف مو افضل ؟؟

وبالنسبة للحلويات والله ماشالله على مرة اخوكي شطوورة
انا عملت قدرة قادر مرة بالفعل شكلها تحفة طلع وماحدا صدق اني عاملتها على ايدي لان عن جد اسمها على شكلها وكلهم حبوها الا انا لاني مابطيق الكريم كرميل

شامية للعظم
26/08/2009, 02:02 PM
يسعد صباحكم جميعا

دكتورتنا وشيختنا وطباختنا (الرابعة ما حبيتها )

مونو أنشط وحدة فينا اليوم كيفك

دمشقية شو هي فطاير الهوت دوغ زوجي بيحب الهوت دوغ بس مابعرف شو خيارات هالأكلة

غير اني اقليها مع فطر وفليفلة وبصلة ولفها بسندويش مع جبنة شيدر مع المايونيز

وقطايف القشطة بتساويها بهي القشطة الموجودة بالسوق ولا بتعملي قشطة

لو تقلت عليك بس كمان جوزي جاي على بالو القطايف

الدمشقية
26/08/2009, 02:55 PM
اهللين شامية اي حبيبتي الهوت دوغ بتنعمل فطاير عاادي
مو هي بتجي اصابع انا بقسمها بالسكين وبعملها اصابع نحيفة وصغيرة متساوية نوعا ما وبس بمد العجينة
وبلفها بالعجينة على شكل اصايع صغيرة وبس بدهنها اما بسمنة او حليب تقيل شوي وبالفرن بتتحمر
كتييير طيبة
والقشطة اي والله بعمل هي اللي بالسوق وقشطة التاج احسن قشطة واطيب قشطة
والقطايف بتطلع رووووعة انسيلي شوي البلدي شامية هيك نحنا مندور على البداائل خخخخخ

لولية
26/08/2009, 08:41 PM
شو يا عسولات شغالين بالطبخ والنفخ الله يقويكن يا رب والله أنا استفقدت لبنتي الكبيرة حبيبة ألبي كانت شايلة كتير بالطبخ والله معتمدة عليها كتير وهي تؤبش ألبي نفسها طيب بقى منيح هلأ هي عند أبوها عم تدلله شوي وأنا بالنسبة لسفرتي رح تصير متل قصة أبو زيد كل ما منقول خلصنا بتطلعلنا قصة جديدة وبالأخير أد ما ابن عمي زهق عم يفكر يجيبني بتأشيرة زيارة وهونيك يرد يقلبلي اياها إقامة على كل بكرة عاطيين آخر فرصة لحالنا بالمعاملة يا أما رح روح بتأشيرة زيارة بقى ادعولي الله يسرلي اياها بسرعة
دمشقية الله يقويكي يا عمري وتبيضي وجهك بالعزيمة والله مافي أحلي من الطبخ للصايمين ثواب غير شكل
بيرل حبيتي ترا كيكة قدرة قادر مافي أطيب منها أنا عطتني مشرفتنا بتاعة كله مونو حبيبة ألبي المقادير وبنتي عملتها وكتير طلعت ظابطة شفتي مونو والله ما عم نقدر نحرك بحياتنا بلا توجيهاتك الله يخليكي فوق راسنا يا رب
ياسمينة شو ما قررتي إيمتى بدك تجي تتجهزي من عنا

الدمشقية
26/08/2009, 09:36 PM
اهللين لولية سبحان الله لما بتتعقد الامور بتحسي ولا شي عم يظبط ولما ربك بيفرجها كل الامور بتكر كر ولا احلى الله يسرلك اوراقك يارب وتنجمعي مع ابن عمك على خير ... يعني هي اقامتك راحت عليكي وهلأ عم يظبطها الك ؟؟
والله يسلمك ويسمع منك ويبيض وجهنا يااارب

بنات هلأ فيني خبركم وبشركم كنت اول خايفة ان الامور ماتظبط وارجع ازعلكم
المهم حبيبات قلبي ربي فرجها على اختي سورية وهلأ هي بالطريق اي يعني الضيوف اللي من سوريا جايين هنن اختي تقبر قلبي وولادها وابي يقبرني معاهم جايين بفيزة عمرة غير هيك ماكان يظبط شي
ستي الحمد لله المهم انها ترجع بيتها وتنوره بعد غياب سنة وست شهور الله يكمل فرحتنا ويوصلوا بالسلامة يارب وتتيسر الامور ونقدر نكمل اوراقها هون للاقامة يااااااارب
حبيت ابلغكم او بالاحرى ابشركم لاني بعرف غميتكم بهالقصة كتييير .... فالف حمد وشكر لله رب العالمين

شامية للعظم
26/08/2009, 09:51 PM
دمشقية رح انسى البلدي شو بدي ساوي بس بدي شوية وقت حتى اتعود

وألف ألف مبروك جية أختك وأبوك أصبح عندك عيد أنت الله يهنيك يارب

نور سوريا
27/08/2009, 03:59 AM
صباح الخير لك كيفكوون ورمضاان كريم لو انها متأخرره وينعاد عليكون جميعا بالصحه والعافيه

صبايااا باركووولي بالحمل الحمد لله ربي عوضني عن صبري

وهااداا احلى يووم بحياتي ما بتتخيلوو فرحتي ادعولي ربي يثبت حملي ويسهل امووري

الدمشقية
27/08/2009, 04:13 AM
الله يبارك فيكي شامية وربي يوصلهم بالسلامة يااااارب والله قلبي عندهم مشغول عليهم

نور سوريا الف الف الف مبروووك ربي يتمملك على خير يارب ويثبت حملك ويرزقك الخلف الصالح المعافى
ان شالله

نور سوريا
27/08/2009, 06:08 AM
تسلميلي دمشقيه على دعائك وكيف رمضاان معاكوون

بس رغم الطبخ والنفخ بس احساس مختلف برمضاان ربي يغفرلناا يا رب ويرحمناا\

ويجعلنا من عتقااء هالشهر الكريم

MONOSTEPS
27/08/2009, 09:46 AM
صباحووووو كيف البنات الحلوين اليوم ؟

يارب يكون الجميع بخير

والله ما عندي شي جدي وايامي روتينية بس الحمدلله اللي بعرفه
انه باقي من الزمن 14 يوم ان شاء الله ههههههههههههههههههههههههه ه



صباح الخيرات على عيونكن يا حلوات يعني كان لازم ذكركن بالأكل و النفخ لحتى تحكوا ههههههههههه على كل حال مية صحة وهنا على قلبكن جميع

مونو والله وانا اشتقت لك أكتر وانا مقدرة الظروف حبيبتي و انا بقول معكن حق بالأكل عن جد الواحد بيحس حاله انه صغرت معدته شوي و ما بيعود اله نفس ياكل كتير وانا معك مليون بالمية بالنسبة للبذخ بالأكل لأن كله حرام وخاصة اذا عيلة صغيرة وما بياكلوا اكل بايت كمان ليش الواحد يطبخ و يرمي هي نعمة من ربنا ولازم نحافظ عليها ومية صحة وهنا على الحلويات بس بتعرفي عفاك انت مطورة بالطبق أنا يومها عملته بس كاسترد و جيلي مع بعض بدون كاتو بتصور الكاتو بيعطيه طعمة طيبة كمان
انا طالع على بالي جرب كاتو قدرة قادر لحد الآن ما جربته عندي مرة اخي يا صبايا ماشاءالله فنانة بالكاتويات و الحلويات واكتر شي الكاتو تقريبا كل يومين بتعمل نوع شكل يعني كنت ايميتى مارحت لعند اهلي لاقيها عاملة شي جديد ومرة عطيتها عيارات هذا الكاتو و عملت لنا اياه عن جد وقت اللي شفت النتائج كتير عجبني و طالع طيب و ناجح معها و عملته شكلين نوع بكاكاو ونوع سادة و النوعين اطيب من بعض بقى تشجعت اني جربه و بنصحك فيه مون

شايفة لازم لنا نفضة بس والله انا ما عم جيب سيرة الحب مشان ما حدا يشتهي
واخد ذنبه بس طلع انه كلهم عالقين على دئرة وما اتحملوا فورا هروا هههههههههههههههه
اي طورتها بس جد بالكيك اطيب بكتير بس شو عملت انا حليت الكاسترد زيادة والجيلي
وقلت عيون بيرل تشوفني كان لعيت نفسها من الحلو ههههههه
وعلى فكرة والله كيكة قادر ببالي من زماااااااان بس فرني ما عم يساعدني ابدا
لانه ببيتي القديم كان غاز والله ما شاء الله احلى كيك بيطلع
اما هيدا كهربا بتحسي مدري كيف مثلا بتحميه من تحت بيحمى من تحت ما متل الغاز
ما شاء الله بيوزع الحرارة وبتلاقي الوجه اتحمر لا هيدا شكله بده من فوق ومن تحت تشغيل
بقى ناطرة ان شاء الله لارجع من الاجازة لافضاله
وما شاء الله على مرت اخوك مبين عنها شطورة الله يحميها
بتعرفي انا صارلي شهور مطبقة قاعدة كل اسبوع صنف حلو




يسعد صباحكم جميعا

دكتورتنا وشيختنا وطباختنا (الرابعة ما حبيتها )

مونو أنشط وحدة فينا اليوم كيفك

غير اني اقليها مع فطر وفليفلة وبصلة ولفها بسندويش مع جبنة شيدر مع المايونيز

وقطايف القشطة بتساويها بهي القشطة الموجودة بالسوق ولا بتعملي قشطة

لو تقلت عليك بس كمان جوزي جاي على بالو القطايف

هههههههههههههههه والله الرابعة تسمياية لولية بلا معنى
بالنسبة للهت دوغ متل ما قالت الدمشقية فطاير اطيب شي
واذا بدك ممكن كمان تحمي سمنة وقلي فيها الهت دوغ المقطع شرحات
بعدين حطي عليها بيض مخفوق متل مبدا البيض والمرتديلا
والقطايف انا جبت لاعمل يوم الجمعة ان شاء الله للعزيمة
والقشطة بجيبها فررررش من البرادات متل هي المدورة (قشطة طازجة)
ما جربت قشطة التاج لانه ما عنا منها


http://lh6.ggpht.com/soker87/SGPer7Hjx9I/AAAAAAAAANs/j7t74JdriGc/1.gif



شو يا عسولات شغالين بالطبخ والنفخ الله يقويكن يا رب والله أنا استفقدت لبنتي الكبيرة حبيبة ألبي كانت شايلة كتير بالطبخ والله معتمدة عليها كتير وهي تؤبش ألبي نفسها طيب بقى منيح هلأ هي عند أبوها عم تدلله شوي وأنا بالنسبة لسفرتي رح تصير متل قصة أبو زيد كل ما منقول خلصنا بتطلعلنا قصة جديدة وبالأخير أد ما ابن عمي زهق عم يفكر يجيبني بتأشيرة زيارة وهونيك يرد يقلبلي اياها إقامة على كل بكرة عاطيين آخر فرصة لحالنا بالمعاملة يا أما رح روح بتأشيرة زيارة بقى ادعولي الله يسرلي اياها بسرعة
دمشقية الله يقويكي يا عمري وتبيضي وجهك بالعزيمة والله مافي أحلي من الطبخ للصايمين ثواب غير شكل
بيرل حبيتي ترا كيكة قدرة قادر مافي أطيب منها أنا عطتني مشرفتنا بتاعة كله مونو حبيبة ألبي المقادير وبنتي عملتها وكتير طلعت ظابطة شفتي مونو والله ما عم نقدر نحرك بحياتنا بلا توجيهاتك الله يخليكي فوق راسنا يا رب
ياسمينة شو ما قررتي إيمتى بدك تجي تتجهزي من عنا


الله يعينك على هالقصة حاكم شغلة الفيزا ما سئيلة الا شوي
الله يسرلك هالاقامة وتخلصوا من هالشغلة
وتسلمي ولو انا بالخدمة
وما شاء الله حبيت بنوتك انا بحب البنوتات النشيطين واللي عندهم همة
بحس كله اساس للمستقبل



بنات هلأ فيني خبركم وبشركم كنت اول خايفة ان الامور ماتظبط وارجع ازعلكم
المهم حبيبات قلبي ربي فرجها على اختي سورية وهلأ هي بالطريق اي يعني الضيوف اللي من سوريا جايين هنن اختي تقبر قلبي وولادها وابي يقبرني معاهم جايين بفيزة عمرة غير هيك ماكان يظبط شي
ستي الحمد لله المهم انها ترجع بيتها وتنوره بعد غياب سنة وست شهور الله يكمل فرحتنا ويوصلوا بالسلامة يارب وتتيسر الامور ونقدر نكمل اوراقها هون للاقامة يااااااارب
حبيت ابلغكم او بالاحرى ابشركم لاني بعرف غميتكم بهالقصة كتييير .... فالف حمد وشكر لله رب العالمين

اوووووووها وقالوا السورية ما بتجي اوووها اجت وقلعت عينيهم

للللللللووووووووللللللللل لللللليييييييييييييييشششش شششششش

والله فرحتيني الحمدلله الله يفرج همها وغمها وكربتها
يا ستي مو مشكلة كيف ما اجت المهم تقعد ببيتها وترتاح من الشنططة
الله يعينها ليش قليلة هالسنة وست شهور
وما شاء الله الاصناف حلوة ومرتبة وبالنسبة لي ممكن يا ضيف معهم رز على شي
يعني بما انه انتي عاملة فريكة بقى الرز غير وحطي معم بطاطا وشرحات
وطبعا نوعي الفريكة مثلا على جاج والرز على لحمة
او ممكن بما انه ما حابة تحطي محاشي حطي شي صينية معكرونة او سمك




صباح الخير لك كيفكوون ورمضاان كريم لو انها متأخرره وينعاد عليكون جميعا بالصحه والعافيه

صبايااا باركووولي بالحمل الحمد لله ربي عوضني عن صبري

وهااداا احلى يووم بحياتي ما بتتخيلوو فرحتي ادعولي ربي يثبت حملي ويسهل امووري


الف مبروووووك والله يتمم معك على خير يارب ويفرحك بشوفة النونو بالسلامة

PEARL2000
27/08/2009, 10:26 AM
صباحو بنات كيفكن اليوم ؟

اول شي بحب هنيك دمشقية على رجعة السورية على بيتها و ان شاءالله بيوصلوا بالسلامة يارب و تكتمل فرحتكن باكتمال اقامتها هي واولادها بالفعل على قولة مونو حاجتها شنططة هالبنت مو قليل ما تعتبت و تعذبت الله يكملها معها يارب
الأصناف اللي قلت عليها كتير كويسة ومرتبة ماشاءالله واذا حبيت تضيفي شي اعملي ملوخية ورز أو اوزي
انا بعمل القطايف بقشطة الكي دي دي و بضيف لها جبنة موتزريلا بحشيهم و برفعهم بالفريزر و كل ما اجى على بالنا بالشتوية بنزل منهم و بقلي بتعرفوا لأن هون بالخليج ما بتتواجد هالأكلات بشكل دائم مو متل بلادنا هل الموتزريلا ما رح تعطي طعمة بس احساس بمطة الجبنة لأن نحن بحماة متعودين نعملها بجبنة حلوة هيك كانت ماما تساويها الله يذكرها بالخير يارب

لولية الله ييسر لك امورك يارب و بأقرب وقت تكون عند ابن عمك و تنوري بيتك يارب

نور سوريا الف مبروك الحمل و الله يتمم لك على خير يارب ديري بالك على حالك خاصة بالأشهر الأولى

مونو يا مون عن جد لعيت نفسي و زيادة عن اللزوم يعني بحياتي ماشفت حدا بيحلي الجيلي بهالطريقة و بعدين في سكر بالكيك يبعتلك الهنا وكل هذا و عم تاكل هالأكل بالليل و ما في حرق للسكر و بدك تنحفي كمان ولك صحي شو اخبار الضعف معك وين وصل وزنك ؟ يا ليت مونو تعطيني اسم القشطة الفريش اللي عم تقولي عنها ووين بتنوجد يعني ببرادات الأجبان و الألبان لأن ما شفت هيك شي عنا بقى اذا في ماركة معينة رح دور عليها لأن ما في بعد القشطة التازة

MONOSTEPS
27/08/2009, 11:48 AM
مراحب دخلت مرة تانية اتذكرت انه ما عطيتكم مقرري لبكرة ان شاء الله هههههههههههه
بما انه العزيمة اهلية محلية جدا قررت اعمل رز على لحم + جاج بتوم وحامض مع بطاطا
والسلطة الخضرا العادية وناوية ان شاء الله اعمل شوربة العدس وسمبوسة وزنكل ما بعرف اذا بتعرفوه
هو عجينة بنحط جواتها حشوة وبنعملها على شكل اصابع كبيرة وبنقليها
والحلو قطايف وراس العبد ان شاء الله والفواكه اناناس فرش وكيوي واجاص



بيرل ........... ههههههههههههههه يعيني عن جد متل ما اتوقعت لعيت نفسك
هلأ شوفي للي بحب الطعمة الحلوة رح يعجبه مليون بالمية اما اللي متلك اكيد لا
ومشان الوزن انا ثابتة على مبادئي وما زلت 64 ما نزل وزني اكتر من هيك
ناوية ان شاء الله خفف قد ما بقدر وابقى هيك لانه شكله وزني صعب يتحرك
بقى رح اتركه عللى الموجة الطويلة ان شاء الله
يعني مثلا بكارفور القشطة جنب الالبان والكريمة الفرش و كريمة الخفق
لانه انا بجيب من عنده بس عنا بكل البقاليات موجودة
في من المراعي متل اللي بالصورة وفي ماركة نادك واتنيناتهم طيبين بس انا بفضل المراعي
وطعمتها لا يعلى عليها وانا داااااائما بعمل منها الوربات بقشطة بتجنن


بتمنالكم عطلة حلوة

شامية للعظم
27/08/2009, 02:45 PM
مرحبا كيفكن اليوم

مبارح كانت دمشقية عم تحكي عن القطايف أنا كنت عاملة العجينة وبدي ساوي قشطة بس نحنا سابقا جربنا نوع ماعجبتنا القشطة العلب لاقيت بمنتدى طريقة لوحدة سورية طبخها بيجنن ومواضيعها كتير حلوة المهم طريقتها متل ماقالت بيرل مع جبنة موزيريلا

حليب وملعقة طيحن وملعقة نشاء وعلبة قشطة مشان النكهة ونص كاسة جبنة المهم جربتها و طلعت طيبة مابها شي

ياجماعة جربت حط بالقطايف قريشة يعني هي سهلة وبمنتاول اليد فيك تساويها بسهولة وطيبة رحت جبت حليب قلت بفرط الحليب وبعملة قريشة اتخيلو الحليب مافرط حاولت مافرط لأنو فكرة القريشة حلوة وقريبة من القشطة بس مافرط الحليب يمكن لأنو مسحوب الدسم

حتى القريشة بيعملو منها الجبنة الناعمة مو هيك أخواتنا أهل حماه
كمان جاية على بالي اتسحر جبنة ناعمة مع حبة البركة والسمسم بس مابعرف ليش ما فرط الحليب اليمني اذا حدا عندو فكرة ومجرب يفيدني

الياسمينة السمرا
29/08/2009, 06:52 PM
مرحبا كيفكون والله انت عم فوت وما عم لحق اقرا اللي فات

الياسمينة السمرا
29/08/2009, 07:01 PM
الحمد لله على سلامة اختك دمشقية اي والله فرحتيني من قلبي عقبال ما تزبط اقامتها ان شاء الله وهديك الفرحة الكبيرة الها والك

الدمشقية
30/08/2009, 12:50 AM
الله يبارك فيكي يارب مون وبيرل وشامية وسمورة ويسعدكم ربي
اي والله الف الحمد لله والله يسمع منكم وعقبال الاقامة ربي كريم ماتتخيلوا فرحتي بجيتها وكمان بابا فرحانة
بجيتو قد الدنيا الله يحفظو يارب

والحمد لله العزومة عدت على خير وماانعجئت متل كل مرة لاني كنت مرتبة اموري من الاول انا وزوجي وكمان سورية الله يسعدها ماقصرت

انتو كيفكم من غير شر اليوم مابين حدا فيكم ان شالله تكونو بخير ومبسوطين

لولية
30/08/2009, 01:42 AM
مسا الخير يا بنوتات أو بالأصح صباح الخير والله اليوم الظاهر كلنا كنا معجوقين وعنا عزيمة والله أنا كان عندي عزيمة لرفقات بنتي مع أمهاتن وكنت كتير مشغولة لإنه امبارح قررت فجأة أعملها ومتل ما بتعرفوا أنا مفضاية البيت استعدادا للسفر اللي ما بقى يظبط ففورا رحت اشتريت الأغراض وعملت سفرة الحمدلله طلعت كتير ظريفة وبتبيض الوجه بقى كرمال هيك ما صحلي ادخل على المنتدى
شو أخباركن يا أمامير وأخبار عزايمكن

لولية
30/08/2009, 01:43 AM
صحيح دمشقية يهنيكي السلامة يا رب بجية أختك وان شاء الله بتبقى على طول منورة بيتها يا رب

MONOSTEPS
30/08/2009, 10:12 AM
صباحوووووو وين الشعب ؟


اخباري عادية وروتينية متل ما بتعرفوا والحمدلله مرت العزيمة على خير
زادت عندي قشطة وتاريخ الصلاحية بينهي بسرعة لانه متل ما بتعرفوا فرش
احترت شو اعمل قمت لقيت حالي كاتبة وصفة اسمها عيش السرايا وسهلة
قلت يالله يا بنت عليهم وجربتها بس شو طلعت اكلة واكلة بصراحة ما اتوقعت كل هالقد
تطلع طيبة بقى رح حط لكم المقادير لانها سهلللللللة وجربوها وان شاء الله بتعجبكم

كاس سكر
كاستين مي
كاسة سميد

دوبي السكر بالمي لحتى يدوب منيح واول ما يبتدي يغلي اتركيه شوي
شي 5 دقايق وبعدين ضيفي السميد حركيهم سوا لحتى يشبكوا
وتحسي انه السميد نفش شوي وبعدين ارفعيهم ومديهم بجاط واتركيهم لحتى يبردوا
بس بردوا طلعيهم وحطي على وجههم قشطة فرش وقشطة نستله ورجعيهم على البراد
وقبل التقديم رشي على وجههم فستق ناعم بكمية منيحة يعني كوني كريمة
وقدميها طبعا يفضل تتركيهم بالبراد فترة منيحة لانه كل ما بردت كل ما كانت اطيب وصحة وهنا
وهي الصورة من النت


http://aaa85.jeeran.com/photos/1941194_lm.jpg







مرحبا كيفكن اليوم

مبارح كانت دمشقية عم تحكي عن القطايف أنا كنت عاملة العجينة وبدي ساوي قشطة بس نحنا سابقا جربنا نوع ماعجبتنا القشطة العلب لاقيت بمنتدى طريقة لوحدة سورية طبخها بيجنن ومواضيعها كتير حلوة المهم طريقتها متل ماقالت بيرل مع جبنة موزيريلا

حليب وملعقة طيحن وملعقة نشاء وعلبة قشطة مشان النكهة ونص كاسة جبنة المهم جربتها و طلعت طيبة مابها شي

ياجماعة جربت حط بالقطايف قريشة يعني هي سهلة وبمنتاول اليد فيك تساويها بسهولة وطيبة رحت جبت حليب قلت بفرط الحليب وبعملة قريشة اتخيلو الحليب مافرط حاولت مافرط لأنو فكرة القريشة حلوة وقريبة من القشطة بس مافرط الحليب يمكن لأنو مسحوب الدسم

حتى القريشة بيعملو منها الجبنة الناعمة مو هيك أخواتنا أهل حماه
كمان جاية على بالي اتسحر جبنة ناعمة مع حبة البركة والسمسم بس مابعرف ليش ما فرط الحليب اليمني اذا حدا عندو فكرة ومجرب يفيدني


هلأ انا ما بقدر فيدك ابدا بالشغل اليدوي وتحضير هالاغراض
لانه مو شاطرة فيهم وحبوبة للقطايف ما الك الا القشطة الفرش متل ما قلت لك
اطيب طعمة واظرفها واذا بتحبي معها شوية مطة متل ما قالت بيرل حطي موتزاريلا
بس بخصوص الجبنة اذا بدك جبنة ناعمة طعمتها متل القريشة
بس مالحة يعني مالحة زيادة يعني ما بتمشي للحلو بس بتمشي للاكل
في عندك الجبنة البيضاء وهي صورتها تحت

انا بفرم معها بندورة وفليفلة خضراء وشوية خيار كلهم ناعمين
وبحط معهم كمون وزيت بصراحة اكلة طيبة



http://www.ibtesama.com/vb/imgcache2/96381.gif





الله يبارك فيكي يارب مون وبيرل وشامية وسمورة ويسعدكم ربي
اي والله الف الحمد لله والله يسمع منكم وعقبال الاقامة ربي كريم ماتتخيلوا فرحتي بجيتها وكمان بابا فرحانة
بجيتو قد الدنيا الله يحفظو يارب

والحمد لله العزومة عدت على خير وماانعجئت متل كل مرة لاني كنت مرتبة اموري من الاول انا وزوجي وكمان سورية الله يسعدها ماقصرت

انتو كيفكم من غير شر اليوم مابين حدا فيكم ان شالله تكونو بخير ومبسوطين


الحمد لله على سلامة السورية والحمدلله اللي الله فرحكم فيها بيناتكم
والله يبيض وجهك دائما
انا منيحة ولا جديد :)



مسا الخير يا بنوتات أو بالأصح صباح الخير والله اليوم الظاهر كلنا كنا معجوقين وعنا عزيمة والله أنا كان عندي عزيمة لرفقات بنتي مع أمهاتن وكنت كتير مشغولة لإنه امبارح قررت فجأة أعملها ومتل ما بتعرفوا أنا مفضاية البيت استعدادا للسفر اللي ما بقى يظبط ففورا رحت اشتريت الأغراض وعملت سفرة الحمدلله طلعت كتير ظريفة وبتبيض الوجه بقى كرمال هيك ما صحلي ادخل على المنتدى
شو أخباركن يا أمامير وأخبار عزايمكن


يا عيني يا عيني شكلها كانت جمعة العزايم بيت عامر يارب
الله يعطيك العافية وصحة وهنا
ما قلتيلنا شو عملتيلهم اذا ما فيها سئلة

MONOSTEPS
30/08/2009, 12:45 PM
شو وينكم شكلكم اخد عليكم الصيام ههههههههههههههه
على كل حال الله يتقبل منا ومنكم صالح الاعمال
وسلامي لكم نفر نفر

لولية
30/08/2009, 01:07 PM
صباح الخير حبيباتي ويسعد صباح مشرفتنا الغالية مونو
شوفي حبيبتي عملتلن كبسة على جاج وفريكة على لحمة وصينية لازانيا وملوخية وعملت جاط صغير ورق عنب وكان عندي من الأول عاملتها كبة بالصينية فعملت جنبها باطرش وطبعا لازم عز الدايم فطاير وفتوش وشوربة دجاج بالكريمة والحلو والله جبت من برا لإنه ما لحقت أعمل شي جبت صينية مفروكة بقشطة وبنتي عملت ليزي كيك بالفريزر والله وكيلكن هون في عادة كل وحدة بتجي بتجيب معها شي حلو بقى عندي كومايات كومايات عم فكر وزعهن كلهن واعزم رفيقتي وبنتها اليوم وبسخن الأكل كرمال ما يبقى شي إذا ظبط سفري بهاليومين
مونو وصفتك لعيش السرايا كتير ظريفة وأنا بعملها أحيانا وقت بكون مجمعة لب الخبز أو عندي خبز توست كتير فبعملها بنفس الطريقة بس بالخبز هيك إذا كان جاي علب بالي أكلة حلو على السريع
شو وين البنوتات اليوم لسه تعبانين من شغل العزايم ايه بعدكن صبايا لكن شو قول أنا

شامية للعظم
31/08/2009, 01:11 AM
ماشالله العزايم عامرة الله يعطيكن ألف عافية يارب ماشالله كلو شاطر يخزي العين والله أنا مابحب العزايم وأنا لحالي مافي حدا يساعدني


مونو أكلتك شكلها طيبة بما أنو عندي قشطةرح جربها هلق الطبقة التحتانية هي الهيلطية أو حلاوة سميد نحنا منساويها بس منحط على وشها جوز هند
وممكن بدل المي نحط حليب مفيدة وبيحبوها الصغار


لولية بدي اتعلم الباطرش انشالله بدي جربها بس انشالله تكون موادها موجودة باليمن

دمشقية الحمد لله وشك أبيض دايما حلوة العزايم برمضان ولا تنسي الثواب والأجر بتفطير الصايمين والحمد لله على سلامة أهلك وأختك قديش حيضل أبوك عندك ؟؟

MONOSTEPS
31/08/2009, 09:31 AM
صباح الفل والياسمين

ابتدى العد التنازلي ان شاء الله

10


كيف الكل وكيف اموركم يارب تمام


بيرل ... وين هيك غرقانة يارب يكون المانع خير

الدمشقية .......... الله يهنيك يارب بجمعة الاهل ويفرح قلبك

سمورة ........... بيعينا بالسوق خيتو بس ادخلي ههههههه

بنوتة ...... ملتهيين بالعروس الجديدة بس مشتاقين لك




صباح الخير حبيباتي ويسعد صباح مشرفتنا الغالية مونو
شوفي حبيبتي عملتلن كبسة على جاج وفريكة على لحمة وصينية لازانيا وملوخية وعملت جاط صغير ورق عنب وكان عندي من الأول عاملتها كبة بالصينية فعملت جنبها باطرش وطبعا لازم عز الدايم فطاير وفتوش وشوربة دجاج بالكريمة والحلو والله جبت من برا لإنه ما لحقت أعمل شي جبت صينية مفروكة بقشطة وبنتي عملت ليزي كيك بالفريزر والله وكيلكن هون في عادة كل وحدة بتجي بتجيب معها شي حلو بقى عندي كومايات كومايات عم فكر وزعهن كلهن واعزم رفيقتي وبنتها اليوم وبسخن الأكل كرمال ما يبقى شي إذا ظبط سفري بهاليومين
مونو وصفتك لعيش السرايا كتير ظريفة وأنا بعملها أحيانا وقت بكون مجمعة لب الخبز أو عندي خبز توست كتير فبعملها بنفس الطريقة بس بالخبز هيك إذا كان جاي علب بالي أكلة حلو على السريع
شو وين البنوتات اليوم لسه تعبانين من شغل العزايم ايه بعدكن صبايا لكن شو قول أنا


شايفة شكلهم تعبانين ختيروا ههههههههههههههه
ما شاء الله الله اكبر شو هالدعم سفرة مرتبة الله يعطيك العافية يارب
وعن جد هي ازمة الحلويات صعبة كتير وخصوصا برمضان
يعني برى رمضان ممكن تاكليلك شي شغلة الصبح بس برمضان
ما فينك تاكلي شي بعد الفطور على كل حال صحة ومية هنا والله يسرلك
روحتك لعند زوجك يارب



ماشالله العزايم عامرة الله يعطيكن ألف عافية يارب ماشالله كلو شاطر يخزي العين والله أنا مابحب العزايم وأنا لحالي مافي حدا يساعدني


مونو أكلتك شكلها طيبة بما أنو عندي قشطةرح جربها هلق الطبقة التحتانية هي الهيلطية أو حلاوة سميد نحنا منساويها بس منحط على وشها جوز هند
وممكن بدل المي نحط حليب مفيدة وبيحبوها الصغار




والله انا معودة على العزايم عند اهلي ما شاء الله كنا كتير مضيافين
وهلأ ما عندي كتير بعرفهم لاعزمهم يعني مرته للي اجا لعنا مسافرة بعد
شهر ان شاء الله بقى خلص برجع ببقى لحالي
وعلى فكرة هي اول مرة بعرف انها الهيلطية مع انه سمعانة بهالاكلة كتير هههه
وحلاوة السميد عنا بيقلولها حلاوة الجبن لانه بيخلطوا جواتها جبن بلدي ابيض
يعني غير عن الحلاوة الحمصية وعجبتني كتييييير فكرة تبديل المي بالحليب
بركي ان شاء الله بعملها لرورو

شامية للعظم
31/08/2009, 02:28 PM
يسعد صباحكن

مونو ماشالله شو شاطرة ونشيطة ماشالله عنك

والله أناعم فيق ع الوحدة بلم البيت طبعا كلو نضيف من قبل بيوم وبصلي و بقعد بقرأ قرآن

ومشان الهيلطية أنا بعرف كل الصغار بيساولن ياها متل الحريرة تقريبا

خصوصي اذا الولد مابيتقبل الحليب هيك بياخد فوائد الحليب كلها وبنفس الوقت طيبة

MONOSTEPS
01/09/2009, 09:21 AM
باقي من الزمن

9




صباحوووووو لك وين الناس وين العالم ههههههههههه


مافي الا شامية ما شاء الله بتسجل حضور اما الباقي متسيبين
مشغول بالي على بيرل كتيييييييير مافي بالعادة تقطع هالقطعة يارب خير
والدمشقية ملتهية اكيد مع الاهل ومعذورة
ولولية الله يسرلها شكلها والله اعلم راحت عند الحبايب
وسمورة باعتنا بالسوق وكترت
وبنوتة شكلها عم تشتغل بنت حما ههههههههه
لولوة الدوحة حرام على طول بتتذكرنا بس كمان طلاتها قليلة

MONOSTEPS
01/09/2009, 09:23 AM
شامية ....... ايواااا هلأ عرفت
بتعرفي بحكم اني بالغربة ما في حدا يقلي عن هالشغلات
وانا بالاجمال ما عطيت بنتي اي شي فيه سكر لقطعت السنة
وحتى هلأ بعطيها بكميات قليلة جدااااااا يعني بالاسبوع مرتين مثلا
وما بتكون وجبة بتكون نقرئشة يعني لقمة شوكولا او كيك او جيلي
وبنتي بالاجمال اكتر شي صحبة مع الشوكولا متلنا انا وابوها

غنوجة امها
01/09/2009, 10:23 AM
بس لسوريات ؟؟؟ طيب بدي احكي معكون !!!!! مابيصير ؟؟؟

شامية للعظم
01/09/2009, 02:33 PM
شامية ....... ايواااا هلأ عرفت
بتعرفي بحكم اني بالغربة ما في حدا يقلي عن هالشغلات
وانا بالاجمال ما عطيت بنتي اي شي فيه سكر لقطعت السنة
وحتى هلأ بعطيها بكميات قليلة جدااااااا يعني بالاسبوع مرتين مثلا
وما بتكون وجبة بتكون نقرئشة يعني لقمة شوكولا او كيك او جيلي
وبنتي بالاجمال اكتر شي صحبة مع الشوكولا متلنا انا وابوها




مونو بنتك بتحب الشوكولا اي لكان الحلو بيحب الحلو انشالله صحتين وعافية

والله الحريرة أنا حسب ماشفت الناس يلي حوالي بسورية بتنعطى للولد بعد العشر شهور

أو حتى السنة والولاد بيحبوها ومو ضروري تحليها كتير حففي سكر أفضل

وبعدين يمكن بعد السنتين بتصيري بتعمليلو للولد مهلبية رز بحليب قمح بحليب هيلطية

في أكلات بيحبها الولد كتير وبنفس الوقت عم تعطي فائدة كبيرة

الدمشقية
01/09/2009, 04:10 PM
يسعد صباحكم ومساكم يارب
تسلميلي لولية الله يخليكي ويهنيكي بعيلتك وجمعتهم قريب يارب شو صار معك شي طمنينا بالنا عندك والله

مونو اي والله ملتهية باختي وولادها وابي وبعيلتي انا كمان سبحان الله النهار كل مالو عم يقصر ويروح
خلص بقولوا متى ماعشر بشر الله يعينا ويتقبل منا يارب
مونو هي وصفة السميد والصورة هي اعتقد مو عيش السرايا هي بقولولها ليالي لبنان صح
لانو جارتي كتييير كانت تعملها وكتييير طيبة بس دسمة لان تحط بدل الماء حليب

ومن غير شر يامونو الله ييسرلك عم تحسبيها ها باقي من الزمن الله يوصلك بالسلامة يارب وتنبسطوا ان شالله هلأ الجو قال كتييير صاير حلو

شامية الله يقويكي يارب ويسعدك باب باقي عندي لاخر رمضان غالبا ... هلأ انا عم نئ عليه انو يعيد عندي مو راضي
مابعرف لنشوف شو الله بيكتب ... وذكرتيني بالحريرة الله يسعدها ماما كتير كانت تطبخلنا ياها واحيانا تعملها وجبة فطور هي او الكشكة بس انا مابحبها هههههه قصدي الكشكة

غنوجة امها ولووووو اهلا وسهلا ومية مرحبا انتي بتنوري .... عرفينا عن نفسك ياحلوة

بيرل القمر اشتقنااالك والله يارب تكوني بخير

الياسمينة السمرا
01/09/2009, 06:53 PM
مرحبا كيفكون
الله يسامحك مون هلق انا بعتكون بالسوق لك انتو كتير غاليين علي بس بتعرفي كيف صايرة ظروفي عن جد كتير صعبة ولانو ما في عندي انترنت بالمكتب ما عم اقدر كون معكون بس عم تابع اخباركون على قد ما اقدر

بس عن جد حابة كون معكون كل يو م الصبح بس كيف ما عارفة

بنت الشام المعذبه
01/09/2009, 10:58 PM
http://i70.servimg.com/u/f70/13/20/16/58/ooouou10.jpg



ألف الحمد لله على سلامة سورية وأبوك والله فرحتلكم من نص قلبي

بنت الشام المعذبه
01/09/2009, 11:02 PM
مونو شامية دمشقية بيرل ياسميني الحلوه فتافيت كيفكم حبيباتي


نور ألف مبروك وان شالله التمام على خير وبدجيبيلنى بيبي حلو مثلك


انا الحمدلله بخير والله بتعرفو برمضان والله مافي وقت الواحد يحك راسه .....ضحكتيني مونو على بنت الاحمى والله للأمانه عروستنا لجديده طلعت كثير منيحة والله اخلاقة منيحه ومسايرة بس المسكينه طول اليوم اخي يا نايم يابرى بقى يعني بتعقد معنا

MONOSTEPS
02/09/2009, 09:30 AM
باق من الزمن

8


صباحوووو كيف الكل ؟ يارب تكونوا باحسن حال
امبارحة الحمدلله رحنا على المول وخلصت اغراض الاجازة هم وانزاح
اليوم ان شاء الله رح ابتدي رتب الاغراض على مهلي على كل الاسبوع الجاية


مشغول بالي على بيرل كتييييير حتى ايميلات ما عم يوصلني منها:(



بس لسوريات ؟؟؟ طيب بدي احكي معكون !!!!! مابيصير ؟؟؟


بيصير لكن ما بيصير اهلين وسهلين
بس لو سمحتي من اي بلد انت ؟ ومتزوجة او لا ؟


مونو بنتك بتحب الشوكولا اي لكان الحلو بيحب الحلو انشالله صحتين وعافية

والله الحريرة أنا حسب ماشفت الناس يلي حوالي بسورية بتنعطى للولد بعد العشر شهور

أو حتى السنة والولاد بيحبوها ومو ضروري تحليها كتير حففي سكر أفضل

وبعدين يمكن بعد السنتين بتصيري بتعمليلو للولد مهلبية رز بحليب قمح بحليب هيلطية

في أكلات بيحبها الولد كتير وبنفس الوقت عم تعطي فائدة كبيرة


تسلمي لقلبي كلك ذوق
بتعرفي كمان ذكرتيني بالرز بحليب ههههههههههههه والله نسيانته على الاخر
ومتل ما قلتي بخفف ان شاء الله السكر يعني ما شرط حليها ومنكم نستفيد:wink:
يا ستي الله يرزقك بيبي عن قريب تشتغلي فيه ويشتغل فيك قولي امين





مونو اي والله ملتهية باختي وولادها وابي وبعيلتي انا كمان سبحان الله النهار كل مالو عم يقصر ويروح
خلص بقولوا متى ماعشر بشر الله يعينا ويتقبل منا يارب
مونو هي وصفة السميد والصورة هي اعتقد مو عيش السرايا هي بقولولها ليالي لبنان صح
لانو جارتي كتييير كانت تعملها وكتييير طيبة بس دسمة لان تحط بدل الماء حليب

ومن غير شر يامونو الله ييسرلك عم تحسبيها ها باقي من الزمن الله يوصلك بالسلامة يارب وتنبسطوا ان شالله هلأ الجو قال كتييير صاير حلو



الله يهنيكي والله مافي شي بهالدنيا احلى من العيلة وجمعة العيلة
اشبعي منهم ولاحقة علينا اااااه على الدنيا كيف بتفرق الناس عن بعضها
وعن جد الايام عم تمر بسرعة ما شاء الله الله يعطينا خيرها يارب
بس بالاجازة يارب تمر على مهلها هههههههههههههه
وطبعا بدي احسبها عن جد مشتاقة لاهلي فوق ما بتتصوري
ولنشوف كيف رح يكون الجو ان شاء الله لانه نحن بما انه على الساحل
فاكتر شي بتلاقي الرطوبة يعني متل جونا هون بعيد التشابيه ههههههه
اما ما شاء الله هوا الشام ناشف شو بدنا بالحكي والله بموووت على الشام
والي فيها ذكريات من الطفولة حلوة كنا على طول نروح بحكم انه البابا رفقاته هونيك

ومشان عيش السرايا والله انا ما بعرف انا حطيت هالصورة لانه طلعت معي تمااااما متلها
والا ما بعرف اذا هي او لا بشغلات حلو القطر ما بفهم كتير اختصاصي شوكولا ههههههه


مرحبا كيفكون
الله يسامحك مون هلق انا بعتكون بالسوق لك انتو كتير غاليين علي بس بتعرفي كيف صايرة ظروفي عن جد كتير صعبة ولانو ما في عندي انترنت بالمكتب ما عم اقدر كون معكون بس عم تابع اخباركون على قد ما اقدر

بس عن جد حابة كون معكون كل يو م الصبح بس كيف ما عارفة

انا هزيت الورد لشمه والا انت معذورة ولا يهمك
المهم تكوني مبسوطة مع حبيب القلب
الله يسرلك ويسعدك



مونو شامية دمشقية بيرل ياسميني الحلوه فتافيت كيفكم حبيباتي

انا الحمدلله بخير والله بتعرفو برمضان والله مافي وقت الواحد يحك راسه .....ضحكتيني مونو على بنت الاحمى والله للأمانه عروستنا لجديده طلعت كثير منيحة والله اخلاقة منيحه ومسايرة بس المسكينه طول اليوم اخي يا نايم يابرى بقى يعني بتعقد معنا


اشتقنالك كتير يا بطة
والحمدلله انه طلعت الكنة منيحة لانه الكنة المنيحة بتصير
متل البنت لاهل الزوج يعني معزتها كبيرة
الله يهنيكم فيها وهي شغلة الزوج المشغول عنا منها كتيييير
يعني بالغربة لازم الرجال ينحت بالصخر ليقدر يوفق بين التزاماته
وانتم معها وهي شغلة حلوة يعني ما بتمل

MONOSTEPS
03/09/2009, 09:07 AM
باق من الزمن ان شاء الله

7


صباحوووو تسجيل حضور
الكل يمكن مشغول حتى ما حدا مبين
الله يهنيكم وين ما كنتوا

الدمشقية
03/09/2009, 04:46 PM
مرحبا كيفكون
الله يسامحك مون هلق انا بعتكون بالسوق لك انتو كتير غاليين علي بس بتعرفي كيف صايرة ظروفي عن جد كتير صعبة ولانو ما في عندي انترنت بالمكتب ما عم اقدر كون معكون بس عم تابع اخباركون على قد ما اقدر

بس عن جد حابة كون معكون كل يو م الصبح بس كيف ما عارفة

ياستي سمورة المهم انك تكوني بخير وطمنينا عنك كل ماقدرتي
وماخبرتينا ايمتى الفرح ان شالله




http://i70.servimg.com/u/f70/13/20/16/58/ooouou10.jpg







ألف الحمد لله على سلامة سورية وأبوك والله فرحتلكم من نص قلبي

تسلميلي يابنوتة الله يجبر بخاطرك ويسعدك ويفرحنا فيكي


مونو شامية دمشقية بيرل ياسميني الحلوه فتافيت كيفكم حبيباتي


نور ألف مبروك وان شالله التمام على خير وبدجيبيلنى بيبي حلو مثلك


انا الحمدلله بخير والله بتعرفو برمضان والله مافي وقت الواحد يحك راسه .....ضحكتيني مونو على بنت الاحمى والله للأمانه عروستنا لجديده طلعت كثير منيحة والله اخلاقة منيحه ومسايرة بس المسكينه طول اليوم اخي يا نايم يابرى بقى يعني بتعقد معنا

بالفعل رمضان غريب وضيف كيف بيمر الوقت مامنعرف الله يتقبل منا صيامه وقيامه جميييع
والله يخليلكم مرت اخوكم والله مرت الاخ نعمة اذا كانت كويسة متللي تمااام خخخخ مداح حالو بيسلم علي هههه .... وعالرجال دخييلك كلهك هيك ستي الحمد لله

الدمشقية
03/09/2009, 04:58 PM
باق من الزمن

8


صباحوووو كيف الكل ؟ يارب تكونوا باحسن حال
امبارحة الحمدلله رحنا على المول وخلصت اغراض الاجازة هم وانزاح
اليوم ان شاء الله رح ابتدي رتب الاغراض على مهلي على كل الاسبوع الجاية


مشغول بالي على بيرل كتييييير حتى ايميلات ما عم يوصلني منها:(


من غير شر يصيبك يامون يارب تروحي وترجعي بالسلامة وتنبسطي وتتهني يااارب
شو اشتريتي وناقصك لسى وجبتي ملابس للعيد ولا من هنيك بدك تشتري يعني بلا كترة غلبة مني بس بحبك قصص الشرا خخخخخ وان شالله يارب لبس الصحا والهنا

وبيرل ان شالله تكون بخير يارب لا ينشغل بالك حاولتي تبعتيلها ايميل ان شالله خير يارب


الله يهنيكي والله مافي شي بهالدنيا احلى من العيلة وجمعة العيلة
اشبعي منهم ولاحقة علينا اااااه على الدنيا كيف بتفرق الناس عن بعضها
وعن جد الايام عم تمر بسرعة ما شاء الله الله يعطينا خيرها يارب
بس بالاجازة يارب تمر على مهلها هههههههههههههه
وطبعا بدي احسبها عن جد مشتاقة لاهلي فوق ما بتتصوري
ولنشوف كيف رح يكون الجو ان شاء الله لانه نحن بما انه على الساحل
فاكتر شي بتلاقي الرطوبة يعني متل جونا هون بعيد التشابيه ههههههه
اما ما شاء الله هوا الشام ناشف شو بدنا بالحكي والله بموووت على الشام
والي فيها ذكريات من الطفولة حلوة كنا على طول نروح بحكم انه البابا رفقاته هونيك

ومشان عيش السرايا والله انا ما بعرف انا حطيت هالصورة لانه طلعت معي تمااااما متلها
والا ما بعرف اذا هي او لا بشغلات حلو القطر ما بفهم كتير اختصاصي شوكولا ههههههه


الله يخليلي ياكي ويهنيكي انتي كمان بلقا الاحباب بخير وسلامة .... والله من يوم اللي اجو وهنن عنا منفطر سوا ومنتسحر كمان مننبسط كتيير الله يسعدها هي وولادها وماشالله الاولاد كمان بتشغل كتيير الله يحميهم بتلاقيني انا وسورية على كن واهدى وخنان ...لك لا تضرب لا تقرص لا تعض ههههههههه وحااالة الله يحميهم يارب
اي والله الشام جنة الله يجمعني فيها قريب قصدي الشام هههه وكمان جو البحر حلو وهلأ اجمالا مونو الجو عم يتغير يعني خريف على شوية صيف
كان وائل كفوري يغني معقول تشتي باب يخرب بيتو طلع بيفتح فنجان وبيقرأ بالمندل خخخخخخ خلاها تشتي وبقوووة كمان

ايوا ومنشان الحلو ياحبيبة قلبي الصورة هي حلا اسمو ليال لبنان بس متل مقاديرك تمااما بس بدال المي حليب





باق من الزمن ان شاء الله

7


صباحوووو تسجيل حضور
الكل يمكن مشغول حتى ما حدا مبين
الله يهنيكم وين ما كنتوا

الله يسعد الحاضر علة طووول وربي يبيض وجهك ويسعدك يامون والله راح نشتاقلك كتييير اي والله الله يحميكم جمييع وتوصلوا بالسلامة ايمتى طيارتك باي وقت يعني بالنهار ولا الليل

لولية
03/09/2009, 06:29 PM
كيفكن يا أمورات يا حلوات والله اشتأتلكن
أخباري أخيرا ظبطت تأشيرة الخروج والعودة وجددولي اياها ومشي الحال وبكرة بإذن الله رايحة على الرياض والله ماكنت عم اطلع عالتشات لإنه كان كتير ضايق خلقي وأنا وقت بكون هيك ما بحب إبلي حدا فيني بس والله اشتأتلكن
ياسمينة وينك يا حلوة ما عاد طليتي

الدمشقية
03/09/2009, 09:28 PM
اي الف الحمد لله لولية والله فرحتلك الحمد لله اللي اتيسرت ... رمضان كريم وربك اكرم
ان شالله بتوصللي بالسلامة يارب

شامية وينها مو باينة غاااطة ... وكمان لولو وشامة والله اشتقناالكم

الدمشقية
05/09/2009, 04:06 PM
اصحى يانايم وحد الدايم طج طج طج ... ابو طبلة
لك وينكم ياحلوات وينك عكيييييييييييد والله اشتقنالك
بيرل وشامية وسمورة وبنوتة ولولية يارب تكونو بخير والباقي والجميييع

مريت اسلم بس

لولية
05/09/2009, 05:00 PM
كيفكن يا أمامير شو أخباركن برمضان
أنا الحمدلله صرت بالرياض مع ابن عمي وبنوتاتي وأخيرا والله كنت فاقدة الأمل لدرجة زوجي عملي تأشيرة زيارة بسرعة وقبل ما يبعتها مشي الحال

شامية للعظم
06/09/2009, 03:16 AM
مرحبا ياجماعة والله أنا بخير وتمام وبس الكسل هو يلي مانعني ادخل عالنت ويعني شوية شغل بالطبخ كنت عم قولكن الله يعينكن لما اسمع حدا عندو عزيمة قام زوجي غزم رفقاتو 5 شباب وهو السادس وانشغلتلكن يومين بالطبخ عملت معكرونة باشاميل وبيتزا وبرك وتبولة وسمك مشوي ومحاشي والله الشهادة لله ابن عمي ساعدني والله الله يخليلي ياه

لولية الحمد لله على سلامتك

مونو خانم مشغولة عم تحضر حالها يمكن باقيلها شي 3 أيام لتسافر الله ييسرلها

دمشقية كيفك بعدو أبوكي عندك ؟؟

MONOSTEPS
06/09/2009, 09:32 AM
باق من الزمن ان شاء الله

4


صباحوووووو صباحكم فل وياسمين عليكم يا حلوين
كيف الكل الحمدلله اخباركم حلوة
بالنسبة الي عم عد الايام والساعات لا تضحكوا علي
بس والله انا متل الاولاد بهالشغلة بقصد شوفة اهلي
يعني لهل ما كنت اكبر او اعقل او خبي ردة فعلي ههههههههه
بتلاقوني بكل شي كبيرة الا لما الشي بيتعلق باهلي
بحس حالي اصغر من الصغار هههههه

طبعا انا هالفترة عم ضب البيت واعمل تنضيفات وتعزيلات
بعرف رح تقولوا رح ترجعي تشوفيه مغبر بس يعني مغبر على نضافة
احسن ما يصيروا دبل هههههه



الله يسعد الحاضر علة طووول وربي يبيض وجهك ويسعدك يامون والله راح نشتاقلك كتييير اي والله الله يحميكم جمييع وتوصلوا بالسلامة ايمتى طيارتك باي وقت يعني بالنهار ولا الليل

يا اهلين ومرحبتين بنور العين تسلمي والله رح اشتاقلكم اكتر
طيارتي الساعة 3 بالليل يوم الخميس ان شاء الله
هي اول مرة بنزل على السورية كل مرة بنزل على القطرية بس كل مرة بننزل
بالشام وبننتعها مشوار للادقية بتلاقي الطريق من الدوحة للشام ساعتين
ونص او 3 وبدنا من الشام للادقية 4 ساعات لا ومع نظام البولمانات الجديد بدنا 5:tongue:
قام هالمرة نزلنا على السورية على اساس ان شاء الله ناخد طيارة تانية على
مطار جبلة مباشرة لانه السورية الوحيدة اللي بيتناسبوا مواعيدها
مع مواعيد الطيران الداخلي بقى سهرتنا صباحي ان شاء الله هههههههههههههه
وبركي اليوم ان شاء الله ببعت للمشرفة انه رح تفتحي الشات لشهر شوال لانه ما بكون هون

بالنسبة للبس اخدت فستان للركبة من اللي لهم خصر نازل لون بني
طبعا سادة بس من ورا الشغل بالضهر في سلسال ولولو
وفصلت عباية للعيد جديدة والجزدان والصندل رح اشتريهم من تحت ان شاء الله
واخدة معي 3 عبايات غير تبعت العيد لبدل فيهم
وبالاجمال بما انه ما كتر نحفت رح اعتمد على شغلة التايت ( الفيزون )
يعني مشترية بلوزات وتايتس حلوين وتنانير سبور لانه جسمي لسه ما خرج جينز
وطبعا صنادل او جزادين من سوريا ان شاء الله لانه هون عنا بتلاقي
الشغلة ما عليها القيمة وب 150 ريال واذا بدك شي حلو عم تحكي ب 250 وطالع
بقى بشتريهم من تحت وبنفع اهل بلدي احسن لي بالاضافة
انه بكون اخدت احسن شي واشيك شي بهالسعر

ومعك حق مشان الجو بيكون عم يخرف يعني عم يجي الخريف هههههههههه
بس يا اختي مشكلة البلد البنايات بضهر بعضها والله مافي نسمة بتمر
لهيك بتبقي مشوبة واذا بد تبورديلك شوي ما فينك الا بالمصايف
واصلا وائل كفوري هو اللي فول على الجو نحسنا ههههههههههههه

الله يجمعك باهلك بسوريا وانتم كلكم بخير ويدوم جمعتكم
والله يسرلك سكنة تحت



اصحى يانايم وحد الدايم طج طج طج ... ابو طبلة
لك وينكم ياحلوات وينك عكيييييييييييد والله اشتقنالك
بيرل وشامية وسمورة وبنوتة ولولية يارب تكونو بخير والباقي والجميييع

مريت اسلم بس

وانا مشتاقتلكم اكتر وينك يالله ادخلوا خلوني اشبع منكم



كيفكن يا أمامير شو أخباركن برمضان
أنا الحمدلله صرت بالرياض مع ابن عمي وبنوتاتي وأخيرا والله كنت فاقدة الأمل لدرجة زوجي عملي تأشيرة زيارة بسرعة وقبل ما يبعتها مشي الحال


الحمدلله على السلامة نورت الرياض ووصل النور لعندنا
الله يهنيكم سوا ويدوم محبتكم وخطي كان رح يخلص رمضان ولا طلعت هالاقامة
شو كيف رمضان بجو العيلة اكيد هل عم تطبخي وتنفخي الله يعطيك العافية


مرحبا ياجماعة والله أنا بخير وتمام وبس الكسل هو يلي مانعني ادخل عالنت ويعني شوية شغل بالطبخ كنت عم قولكن الله يعينكن لما اسمع حدا عندو عزيمة قام زوجي غزم رفقاتو 5 شباب وهو السادس وانشغلتلكن يومين بالطبخ عملت معكرونة باشاميل وبيتزا وبرك وتبولة وسمك مشوي ومحاشي والله الشهادة لله ابن عمي ساعدني والله الله يخليلي ياه

لولية الحمد لله على سلامتك

مونو خانم مشغولة عم تحضر حالها يمكن باقيلها شي 3 أيام لتسافر الله ييسرلها

دمشقية كيفك بعدو أبوكي عندك ؟؟


الله يعطيك العافية يارب ما شاء الله جدعة والاصناف مرتبة ومتعبة بنفس الوقت
بس المهم الله بيضلك وجهك قدامهم وقدام زوجك واهم من هيك انه اخدتي اجر تفطيرهم
وانا متل ما قلتي تماما والله ملتهية لفوووووووق راسي
لانه بضب البيت والاغراض والغسيل وكله بيصير بالاسبوع اللي قبل السفر

MONOSTEPS
06/09/2009, 01:50 PM
ما حدا بين منكم اليوم الله يهني الجميع

جيت لاشبع منكم قمت شبعت هوا هههههههههههههههههه

شامية للعظم
06/09/2009, 05:10 PM
ما حدا بين منكم اليوم الله يهني الجميع

جيت لاشبع منكم قمت شبعت هوا هههههههههههههههههه




هههههههههههه انشالله بالسلامة

والله أنا الصبح بسلامتك مستحيل ادخل لأنو عم نصلي الصبح وننام الساعة 6كل يوم

هون النظام باليمن هيك مافي الصبح أي نشاط بالبلد نهائيا

النشاط بعد التراويح وبتعرفي أنا نومتي وأكلي ونظام حياتي مرتبط بزوجي

بقى بفيق على ال12 أو 1 الظهر

لولية
06/09/2009, 07:15 PM
مسا الخير يا حلوات كيفكن شو لسه كلكن مشغولين بالطبخ والنفخ
مونو يا عمري الله يجمعك بأهلك بالسلامة والله كلنا بشغلة الأهل أصغر من الصغار وه منضل منعد كم باقي يوم وساعة بقى ان شاء الله يفرح عيونك بشوفتن يا رب وتسلميلي يا ربهادا نورك ونور كل البنوتات الحلوين اللي بالتشات
والله يا مونو لهلأ ما طبخت ولا نفخت عاملة عروس ايه شو لكن على قولة ابن عمي شو أنا جايبك لتطبخي بقى بهاليومين عم نطلع ناكل برة بس بدي حاول بكرة أطبخ حرام يا علي والله نشف قلبن بعدين يا أختي شو هالشوب اللي عندكن والله
شامية الله يسلمك يا رب حبيبتي وماشاء الله هي عم تعمل عزايم وعم تبيضي وجه ابن عمك وكلشي بأوله صعب بعدين بتاخد إيدك وبتصير بتعملي العزيمة وإنتي عم تضحكي
دمشقية شو كيفها سورية وأبوكي ان شاء الله قدرتي تقنعي يبقى لبعد العيد

MONOSTEPS
07/09/2009, 11:00 AM
باقي من الزمن ان شاء الله

3



صباحووووو صباح الورد الجوري كيف البنات يارب كلكم باحسن حال
اموري منيحة الحمدلله والتجهيزات على قدم وساق ههههههههههه



هههههههههههه انشالله بالسلامة

والله أنا الصبح بسلامتك مستحيل ادخل لأنو عم نصلي الصبح وننام الساعة 6كل يوم

هون النظام باليمن هيك مافي الصبح أي نشاط بالبلد نهائيا

النشاط بعد التراويح وبتعرفي أنا نومتي وأكلي ونظام حياتي مرتبط بزوجي

بقى بفيق على ال12 أو 1 الظهر


الله يسلمك يارب
ويا ويلي ليش هيك البلد عندكم ذكرتيني باللادقية
اذا بدي انزل على السوق لازم بعد 12 لحتى يفتحوا تنابل على الاخر
لا والله بالدوحة برمضان من 7 بتلاقي الدنيا عجقة والمحلات بتفتح على 9 او 10 بالكتير



مسا الخير يا حلوات كيفكن شو لسه كلكن مشغولين بالطبخ والنفخ
مونو يا عمري الله يجمعك بأهلك بالسلامة والله كلنا بشغلة الأهل أصغر من الصغار وه منضل منعد كم باقي يوم وساعة بقى ان شاء الله يفرح عيونك بشوفتن يا رب وتسلميلي يا ربهادا نورك ونور كل البنوتات الحلوين اللي بالتشات
والله يا مونو لهلأ ما طبخت ولا نفخت عاملة عروس ايه شو لكن على قولة ابن عمي شو أنا جايبك لتطبخي بقى بهاليومين عم نطلع ناكل برة بس بدي حاول بكرة أطبخ حرام يا علي والله نشف قلبن بعدين يا أختي شو هالشوب اللي عندكن والله
شامية الله يسلمك يا رب حبيبتي وماشاء الله هي عم تعمل عزايم وعم تبيضي وجه ابن عمك وكلشي بأوله صعب بعدين بتاخد إيدك وبتصير بتعملي العزيمة وإنتي عم تضحكي
دمشقية شو كيفها سورية وأبوكي ان شاء الله قدرتي تقنعي يبقى لبعد العيد


تسلمي يارب والله يخلي اهلك فوق راسك
عن جد الاهل نعمة من الله وانا ما بتصور حياتي من دونهم :confused:
يا عيني على الدلال بيلبقلك الله يهنيكم
وشايفة على هالشوب جهنم بس لو جيتي من قبل كنتي
شفتي الشوب على اصوله عن جد مرت اول ايام اب ناااااااار ورطوبة
ودبق شي مااطبيعي بالمرة الله يرحمنا برحمته

شامية للعظم
07/09/2009, 02:39 PM
مرحبا ياجماعة كيفكن ؟؟؟

أنا لازم كلما فتحت النت أعمل تسجيل حضور بالتجمع بركة بيتلحلحلو شوي لأنو في ناس نايمة

مو هيك دمشقية خانم

الدمشقية
07/09/2009, 03:51 PM
كيفكن يا أمامير شو أخباركن برمضان
أنا الحمدلله صرت بالرياض مع ابن عمي وبنوتاتي وأخيرا والله كنت فاقدة الأمل لدرجة زوجي عملي تأشيرة زيارة بسرعة وقبل ما يبعتها مشي الحال

الف الحمد لله لولية مبرررروك بدها زلغووطة والله... الله يخليكي لزوجك وبناتك يارب وماتفترقوا عن بعض ابدااا


مرحبا ياجماعة والله أنا بخير وتمام وبس الكسل هو يلي مانعني ادخل عالنت ويعني شوية شغل بالطبخ كنت عم قولكن الله يعينكن لما اسمع حدا عندو عزيمة قام زوجي غزم رفقاتو 5 شباب وهو السادس وانشغلتلكن يومين بالطبخ عملت معكرونة باشاميل وبيتزا وبرك وتبولة وسمك مشوي ومحاشي والله الشهادة لله ابن عمي ساعدني والله الله يخليلي ياه

لولية الحمد لله على سلامتك

مونو خانم مشغولة عم تحضر حالها يمكن باقيلها شي 3 أيام لتسافر الله ييسرلها

دمشقية كيفك بعدو أبوكي عندك ؟؟

ماشالله ماشالله شو العزيمة الحلوة دخلك على الفطور سمك واكللو بالله ؟؟ اي هما الرجال بياكلو الحلفا خخخخ بالعافية يارب ويعطيطي العافية وتعيشي وتعزمي :tongue:

بابا اي لسى عندي وراح يضل باذن الله لتاني يوم العيد اذا ماتغير شي
عم اقنعو يعيد معي بالزور لرضي اول يوم وان شالله يبقى على كلامو اشتاق لامي يقبر قلبي


مرحبا ياجماعة كيفكن ؟؟؟

أنا لازم كلما فتحت النت أعمل تسجيل حضور بالتجمع بركة بيتلحلحلو شوي لأنو في ناس نايمة

مو هيك دمشقية خانم

انا نايمة يللي بتفيق الساعة وحدة خخخخخخخ
والله انا عم فوووت عالنت لما بلاقي شوية فراغ بتعرفي ابي عندي وحماتي كل يوم والتاني تعبانة ودايخة وبنتي شام كمان مابعرف شو بها كل اسبوع عم تسخن شوي وحااالة على الله

بنت الشام المعذبه
07/09/2009, 04:54 PM
كيفكم حبيباتي انا الحمدلله بخير ..........حبيت سلم عليكم والله الكل مشغول برمضان



لولية بعثتلك اكثر من سالة مابعرف وصلوكي

لولية
07/09/2009, 07:11 PM
بنوتة وصلتني الرسالة اللي عم تسأليني فيها إذا كنت اونلاين ورديت عليكي وقلتلك ايه والباقيين رديت عليهن معقول يكون في مشكلة بالمنتدى

الدمشقية
08/09/2009, 10:15 AM
باق من الزمن ان شاء الله

4


صباحوووووو صباحكم فل وياسمين عليكم يا حلوين
كيف الكل الحمدلله اخباركم حلوة
بالنسبة الي عم عد الايام والساعات لا تضحكوا علي
بس والله انا متل الاولاد بهالشغلة بقصد شوفة اهلي
يعني لهل ما كنت اكبر او اعقل او خبي ردة فعلي ههههههههه
بتلاقوني بكل شي كبيرة الا لما الشي بيتعلق باهلي
بحس حالي اصغر من الصغار هههههه

طبعا انا هالفترة عم ضب البيت واعمل تنضيفات وتعزيلات
بعرف رح تقولوا رح ترجعي تشوفيه مغبر بس يعني مغبر على نضافة
احسن ما يصيروا دبل هههههه


يسعد صباحك ومساكي دوووم يارب ليش لنضحك يامون والله كلنا بالهوا سوا والغربة اعتقد هي اللي عم تزيد فينا هالشعور وتخلينا حساسين كتير لموضوع اهالينا الله يخليلك ويخليلنا ياهم يارب

ويالله نضفي البيت الله يعينك ويعطيكي العافية بس يعني لا تمسكيها من قلب ورب لانو كل شي راح ترجعي تعيدي عليه




يا اهلين ومرحبتين بنور العين تسلمي والله رح اشتاقلكم اكتر
طيارتي الساعة 3 بالليل يوم الخميس ان شاء الله
هي اول مرة بنزل على السورية كل مرة بنزل على القطرية بس كل مرة بننزل
بالشام وبننتعها مشوار للادقية بتلاقي الطريق من الدوحة للشام ساعتين
ونص او 3 وبدنا من الشام للادقية 4 ساعات لا ومع نظام البولمانات الجديد بدنا 5:tongue:
قام هالمرة نزلنا على السورية على اساس ان شاء الله ناخد طيارة تانية على
مطار جبلة مباشرة لانه السورية الوحيدة اللي بيتناسبوا مواعيدها
مع مواعيد الطيران الداخلي بقى سهرتنا صباحي ان شاء الله هههههههههههههه
وبركي اليوم ان شاء الله ببعت للمشرفة انه رح تفتحي الشات لشهر شوال لانه ما بكون هون

بالنسبة للبس اخدت فستان للركبة من اللي لهم خصر نازل لون بني
طبعا سادة بس من ورا الشغل بالضهر في سلسال ولولو
وفصلت عباية للعيد جديدة والجزدان والصندل رح اشتريهم من تحت ان شاء الله
واخدة معي 3 عبايات غير تبعت العيد لبدل فيهم
وبالاجمال بما انه ما كتر نحفت رح اعتمد على شغلة التايت ( الفيزون )
يعني مشترية بلوزات وتايتس حلوين وتنانير سبور لانه جسمي لسه ما خرج جينز
وطبعا صنادل او جزادين من سوريا ان شاء الله لانه هون عنا بتلاقي
الشغلة ما عليها القيمة وب 150 ريال واذا بدك شي حلو عم تحكي ب 250 وطالع
بقى بشتريهم من تحت وبنفع اهل بلدي احسن لي بالاضافة
انه بكون اخدت احسن شي واشيك شي بهالسعر

ومعك حق مشان الجو بيكون عم يخرف يعني عم يجي الخريف هههههههههه
بس يا اختي مشكلة البلد البنايات بضهر بعضها والله مافي نسمة بتمر
لهيك بتبقي مشوبة واذا بد تبورديلك شوي ما فينك الا بالمصايف
واصلا وائل كفوري هو اللي فول على الجو نحسنا ههههههههههههه

الله يجمعك باهلك بسوريا وانتم كلكم بخير ويدوم جمعتكم
والله يسرلك سكنة تحت

تؤبشي قلبي اهللين فيكي .... وخير ماعملتي انك تنزلي من طيارة لطيارة احسن من الهجولة بالبولمانات يعني على هيك راح تتسحري بالطيارة او المطار الله يقويكي يارب ,,,, ذكرتيني بالسنة الماضية قال فرحت وقتها نزلنا بالطيارة ووفرنا عناء الطريق وقلت كلها ساعتين قام طلعولنا وقتها بمؤتمر القمة وسكروا مطار دمشق وحولونا على اللاذقية ومن هناك للشام ضلينا خمس ساعات او اكتر لوصلنا خخخخخخخ شفتي الحظ

وان شالله الف مباركين الملابس بس يعني مونو وزنك مو هالوزن الزايد اللي تخافي منه بالنسبة للجينزات يعني اعتقد الوزن اللي بالستينات مو كتير بيكون واضح صح ؟
وبالفعل الجزادين عنا احلى والخيارات اكتر وكمان ارخص فمبروك سلفا
واهم شي انتبهي على رورو من الجو وداريها بسرعة وربي يحميكم ويوصلكم بالسلامة ان شالله.... واميييييين الله يسمع منك يارب ويصير عنا بيت وكعكتين بخيط :tongue: لشو مابعرف

الدمشقية
08/09/2009, 10:24 AM
مونو لما سافرت انا من شهرين شوفي اخدت معي شنطة ادوية ضحكت وقتها وقلت لزوجي لشو كل هاد
بس والله والله اني هنيك بسوريا شو استفدت من هالشنطة انا وولادي واخواتي كمان
لانو ولاول مرة بلحئ ولادي من شي مرضة ولاول مرة مابدور فيهم بين هالدكاترة الفهمانة لا تقرفي
وربك حماهم طبعا ولا تنسي انو الدوا الاجنبي عنا هون احسن من سوريا ومفعوله قوي وكمان سعره ارخص من هناك .... هي الشنطة اذا بتفيدك او بتذكرك بشي وان شالله انك مابتحتاجيها بس الاحتياط واجب

http://forums.3roos.com/uploaded1/73132_01252394330.jpg

الاسبرين كان لبابا يعني مو لاولادي والباقي فيفادول اللي هو مسكن وخافض حرارة ودواء للسعلة ودواء للاسهال واتنين التهاب واحد لعمر محمود والتاني لعمر شام طبعا ما بحلهم بالماء خليتهم لهناك لوقت عازتهم ودواء للمغص

الدمشقية
08/09/2009, 10:28 AM
لولية حبيبة قلبي سورية الحمد لله بخير وبتسلم عليكم جمييييع والحمد لله مبسوطة وولادها مع انهم صغار بس دخيل الله طاير عئلهم يمكن لانو حسو بالاستقرار اللي الله لا يحرمنا ياه ياااارب

بنوتة اهلين فيكي يارب دووووم تكوني بالف خير وعافية وياريت هيك دائما طمنينا عنك يعني مو بشي بس بحق الخبز والملح الالكتروني اللي كانت تطعمينا ياه مونو خانم خخخخ

MONOSTEPS
08/09/2009, 11:11 AM
باق من الزمن ان شاء الله

2


يسعد صباحكم يا اماميري الحلوين كيفكم اليوم ؟




مرحبا ياجماعة كيفكن ؟؟؟

أنا لازم كلما فتحت النت أعمل تسجيل حضور بالتجمع بركة بيتلحلحلو شوي لأنو في ناس نايمة

مو هيك دمشقية خانم


وانا لازم اعمل تسجيل حضور مع انه احيانا بكون عم سجله مع حالي
بس مو مشكلة اهم شي المبدا هههههههههههههههه
كيف ايامك؟



بابا اي لسى عندي وراح يضل باذن الله لتاني يوم العيد اذا ماتغير شي
عم اقنعو يعيد معي بالزور لرضي اول يوم وان شالله يبقى على كلامو اشتاق لامي يقبر قلبي
انا نايمة يللي بتفيق الساعة وحدة خخخخخخخ
والله انا عم فوووت عالنت لما بلاقي شوية فراغ بتعرفي ابي عندي وحماتي كل يوم والتاني تعبانة ودايخة وبنتي شام كمان مابعرف شو بها كل اسبوع عم تسخن شوي وحااالة على الله

الله يهنيك بجية ابوك وعن جد ماعليكي عتب
وسلامتها شامو خير شو عم يصير معها
وسلامة حماتك الله يطمنكم عنها



كيفكم حبيباتي انا الحمدلله بخير ..........حبيت سلم عليكم والله الكل مشغول برمضان



اهلا ومرحبا ببنوتة الحلوة المهم انه عم تتذكري الاكل الالكتروني تبعنا
ما هيك دمشقية ههههههههههههههه


مونو لما سافرت انا من شهرين شوفي اخدت معي شنطة ادوية ضحكت وقتها وقلت لزوجي لشو كل هاد
بس والله والله اني هنيك بسوريا شو استفدت من هالشنطة انا وولادي واخواتي كمان
لانو ولاول مرة بلحئ ولادي من شي مرضة ولاول مرة مابدور فيهم بين هالدكاترة الفهمانة لا تقرفي
وربك حماهم طبعا ولا تنسي انو الدوا الاجنبي عنا هون احسن من سوريا ومفعوله قوي وكمان سعره ارخص من هناك .... هي الشنطة اذا بتفيدك او بتذكرك بشي وان شالله انك مابتحتاجيها بس الاحتياط واجب



http://forums.3roos.com/uploaded1/73132_01252394330.jpg





الاسبرين كان لبابا يعني مو لاولادي والباقي فيفادول اللي هو مسكن وخافض حرارة ودواء للسعلة ودواء للاسهال واتنين التهاب واحد لعمر محمود والتاني لعمر شام طبعا ما بحلهم بالماء خليتهم لهناك لوقت عازتهم ودواء للمغص

ما شاء الله كويسين وتمام
بتعرفي انا كنت مترددة انه اخد معي شنتة ادوية بس غيرتيلي راي
لانه عندي كل هالشغلات وقولتك بلا ما جرب خبرة الدكاترة
لانه متل ما قلتي اذا لحقتي المرض من اوله بيطيب الولد اسرع وما بتتلبكي فيه
يسلموووووووا على الفكرة وعلى الصورة




تؤبشي قلبي اهللين فيكي .... وخير ماعملتي انك تنزلي من طيارة لطيارة احسن من الهجولة بالبولمانات يعني على هيك راح تتسحري بالطيارة او المطار الله يقويكي يارب ,,,, ذكرتيني بالسنة الماضية قال فرحت وقتها نزلنا بالطيارة ووفرنا عناء الطريق وقلت كلها ساعتين قام طلعولنا وقتها بمؤتمر القمة وسكروا مطار دمشق وحولونا على اللاذقية ومن هناك للشام ضلينا خمس ساعات او اكتر لوصلنا خخخخخخخ شفتي الحظ


ههههههههههههههه شو هالحظ يا مخلوقةياريتها
صارت معي شي مرة عن جد بنتلف تلفان لنوصل
مع انه بنزل بالغالب مع اهلي وبسيارة بس ياعمي
الطريق طويل بياخد معنا نهار كامل ومتل ما قلتي السحور بالمطار
ان شاء الله لانه ما بتصور رح نلحق ناكل بالطيارة

وان شالله الف مباركين الملابس بس يعني مونو وزنك مو هالوزن الزايد اللي تخافي منه بالنسبة للجينزات يعني اعتقد الوزن اللي بالستينات مو كتير بيكون واضح صح ؟
وبالفعل الجزادين عنا احلى والخيارات اكتر وكمان ارخص فمبروك سلف

بعرف انه وزني مو زيادة وعادي لبست جينز قياس 40
بس انا ما بحب وخصوصا انه عم قارن شكلي سابقا ولاحقا هههه
قولي انا منزلة معي جينز للاحتياط بقى لشوف شو الله بيسر
والله يبارك فيكي يارب

واهم شي انتبهي على رورو من الجو وداريها بسرعة وربي يحميكم ويوصلكم بالسلامة ان شالله.... واميييييين الله يسمع منك يارب ويصير عنا بيت وكعكتين بخيط :tongue: لشو مابعرف

الله يسلمك يارب وان شاء الله رح انتبه عليها لست الحسن هههه
والكعكتين مشان تبيعيهم قدام البيت وتسترزقي
يعني بيصير عندك بيت وباب رزق هههههههههههههههههههههههه
شو بيعرفني هيك طلع معي هههههههههههههه

شامية للعظم
08/09/2009, 01:57 PM
يسعد صباحكن وانشالله ما بتشوفو أمراض بنوب بنوب

دمشقية خانم عم تعطي علي أني عم فيق عالساعة 1مو مشكلة بتموني

مونو الله ييسرلك ويبسطك يارب وبتشوفي أهلك بصحة وعافية

لو كنت قريبة كنت وصيت ماما على كم شغلة لازمينني تبعتلي ياهن معك

الياسمينة السمرا
08/09/2009, 09:49 PM
مراحب صبايا حبيت سلم عليكم واطمن على اخباركون
الحمدلله انو مشي حالك لولية الله يخليك دو م لابن عمك ولبناتك

كيفكون صبايا فردا فردا

الياسمينة السمرا
08/09/2009, 10:09 PM
دمشقية كيفها سورية ان شاء مبسوطة بجيتها وارتاح بالها
حبيبتي عرسي هلق مو مبين لانو بيت خطيبي بدو نفض من دهان وتزبيط حمام وتوابعون بس اذا الله يسرلنا على الشهر الخامس او السادس
يعني نحنا هيك مفكرين بقا ع التيسير

بنت الشام المعذبه
09/09/2009, 01:58 AM
مساء الورد على خدود الحلوين ........كيفكم حبيباتي

بنت الشام المعذبه
09/09/2009, 02:01 AM
اليوم فايته خصوصي لودع مونو الحلوه والله بدنا نشتقلك كثير إن شالله بتنبسطي بسفرتك وبتشوفي أهلك على خير


اعذروني على التأخير صدقوني كثير مشغولين وآخرها عروست أخي مسكينه صارلها اسبوع مرضانه وبترتفع حرارتها باليل وكنا خايفين انفلونزا الخنازير حتى وديناها اليوم على العيادة الخاصة بالمرض الحمدلله طلعت سليمة

MONOSTEPS
09/09/2009, 09:15 AM
باق من الزمن ان شاء الله

1

صباحووووو يسعد صباح الجميع ويارب الكل باحسن حال
امبارحة بعتت مسج لبيرل اطمن عليها قالتلي يا حرام مشغولة والشغل
لفوق راسها ومستلمة محل سكرتيرتين غير عن شغلها الاساسي عن جد الله يعينها
المهم اطمنت عليها لانه كنت مشتاقتلها ومستفئدتلها

اخباري الحمدلله منيحة اليوم ان شاء الله لازم شطب على الشنت
ولازم خلص غسيل مدري ليش قبل السفر بيطلع غسيل كتير هههههههه
ما بعرف صرت ملاحظتها اكتر من مرة




مونو الله ييسرلك ويبسطك يارب وبتشوفي أهلك بصحة وعافية

لو كنت قريبة كنت وصيت ماما على كم شغلة لازمينني تبعتلي ياهن معك


الله يسلمك يارب والله ياريت كنت جنبك كان تكرم عيونك



مراحب صبايا حبيت سلم عليكم واطمن على اخباركون
الحمدلله انو مشي حالك لولية الله يخليك دو م لابن عمك ولبناتك

كيفكون صبايا فردا فردا


يا هلا يا هلا الحمدلله نحن بخير يارب انت كمان تكوني منيحة
كيف الشغل ان شاء الله مرتاحة


اليوم فايته خصوصي لودع مونو الحلوه والله بدنا نشتقلك كثير إن شالله بتنبسطي بسفرتك وبتشوفي أهلك على خير


اعذروني على التأخير صدقوني كثير مشغولين وآخرها عروست أخي مسكينه صارلها اسبوع مرضانه وبترتفع حرارتها باليل وكنا خايفين انفلونزا الخنازير حتى وديناها اليوم على العيادة الخاصة بالمرض الحمدلله طلعت سليمة


تسلمي لقلبي والله
والله يفرح قلبك ويحقق اللي ببالك
سلامتها مرت اخوكي وما على قلبها شر يمكن كريب او يمكن حامل:)

* جوهره عُمانيه *
09/09/2009, 09:18 AM
صباحكم مميز نفس تاريخ اليوم 9 / 9 / 9 ^_^


http://www.liillas.com/up2//uploads/images/liilas_e520ee01cf.gif

MONOSTEPS
09/09/2009, 11:10 AM
صباحكم مميز نفس تاريخ اليوم 9 / 9 / 9 ^_^



http://www.liillas.com/up2//uploads/images/liilas_e520ee01cf.gif





تسلمي و صباحنا مميز بمشاركتك معنا يا عسل (f)

MONOSTEPS
09/09/2009, 11:13 AM
بنات انا العكيد رح روح على القلعة واختفي عن جزء الشات الجاية
شو باب الحارة احسن مني هههههههههههههه

لا جد بما انه ماني هون فبعتت للمشرفة بنوتة مسقط انه الدمشقية
هي اللي رح تفتح الجزء الجاية يعني جزء العيد ان شاء الله
دمشقية سلمتك الراية وصيتي الشات يا دمشقية وحاملة بايدي كلينكس وعم نوح هههههههههههههههه

شامية للعظم
10/09/2009, 10:55 PM
مونو بالسلامة انشالله يا مشرفتنا الغالية وانشالله بتنبسطي وبتشوفي أهلك بصحة وعافية


سلامي للجميع يسعد مساكن

لولية
11/09/2009, 12:41 AM
مونو بالسلامة يا عمري والله رح توحشينا بس أمانة روحي انبسطي أد مافيكي بس لا تنسينا ايه يا عمري
وشو سلمتي الراية لدمشقيه يعني دمشقية هلأ أبو حاتم أخخخخخخخخخ
ياسمينة وينك يا حلوة هالأيام غايبة بس ليكي توقعي مني اتصال أو مسج بهالفترة
دمشقية شو أخبار ضيوفك وسورية ان شاء الله ابن عمها عم يدللها ويعوضها عن الأيام الماضية
أنا لا تؤاخذوني ما عم ثبت حضور كل يوم لإنه والله بتعرفوا كيف بكون مشغولة لما بيجي لإنه أهلي كلهن هون وخوالي وأعمامي وستي وبيت أهلي بقى من بيت شقاع لبيت رقاع لبيت كتر الله أفراحكن وابن عمي مافي غير بيندبلي وينك وعم تتركيني لا وشرطكن هو بينام الساعة 11 ونص ولازم نام بنفس الوقت بقى الحمدلله ماعم يبقى وقت لإلي وهلأ هو نايم وأنا بالتخت عم اكتب الرساله عالهدا كرمال ما صحيه
يلا نايتي نايتي يا بنوتات

شامية للعظم
14/09/2009, 10:25 AM
يسعد أيامكم يارب وهي بلش العد التنازلي ورح يخلص رمضان

انشالله كل عام وانتو كلكن بخير أكيد الكل مشغول بتحضيرات العيد

غيبة طويلة لأن المنتدى ماكان عم يفتح عندي وأكيد عنكن كمان

لأنو متل مو شايفة الشات ما اتحرك من يومين

الياسمينة السمرا
15/09/2009, 08:18 PM
يسعد اوقاتكون يا رب يا احلى صبايا
كيفكون يا حلوات وان شاء الله اخباركون تمام
بعرف انو هلق كلكون مشغولين بتحضيراتا لعيد ان شاء الله ينعاد عليكون بالخير
مون حبيبتي تروحي وتجي بالسلامة وان شاء الله بتنبسطي بس لا تنسي تخبريني اذا صار في مجال من شان نحكينا شوي وبركي منقدر نشوف بعض
لولية حبيبتي انا ناطرة اتصالك او مسجك
بتعرفو بنات كتير عم اتعب برمضان دوام طويل وشوب بتعرفو عم داوم من الساعة 9 الى الساعة 5 يعني يادوب ريح شوي وقوم ع المطبخ حتى ساعد ماما
يعني لما عم ادخل وشوف اخباركون بكون عم اسرق الوقت سرقة
سلامي للكل

نظره
19/09/2009, 09:17 AM
مرحبا يا حلوين

شو اخباركون يا رب تكونو مبسوطين

حبيت اهنيكم بالعيد كل سنه وانتو سالمين وينعاد عليكم بالصحه والعافيه

ŚũҝąЯ Ŋă3m
20/09/2009, 01:09 AM
يغلق التجمع .. وان شاء الله نشوفكم معيدين في التجمع الجديد

وكل عام وانتوا بخير