المساعد الشخصي الرقمي

مشاهدة النسخة كاملة : أرجوووووووووكم ساعدوني اريد حل يريحني



ليالي الصمت
14/07/2003, 12:57 PM
بسم الله الرحمن الرحيم

أحب ان اطرح عليكم مشكلتي واني لفي حيرة من أمري واود ان تشاركونني وتفيدونني ..

أنا فتاه أبلغ من العمر 18 سنه أحببت شابا حبا جما حتى اني لا اقدر ان افارقه ولو لثواني .............


بصراحه انا كملت معاه تقريبا سنه انقطعنا عن بعض ثلاث مرات لكن الحب والشوق اقوى من كل شي المهم هو مره قالي انه خاطب وحده ويريدها له زوجه انا انصدمت يوم عرفت هالشي وقالي اني بكون مثل اخته ومابنفترق ابد لكن هذا طبعا مستحيل بس شو اسوي ان الله مع كل صبور تركته ثلاث ايام لكن ماقدرنا نفترق اكثر وهو اللي رجعلي وقالي حياتي ماتسوا شي من دونج المهم رجعنا حق بعض مثل اول ومن فتره بسيطه عرفت رقم خطيبته واتصلت فيها وعرفت منها انها مش خطيبته بل هي تعتبره مثل اخوها وبس ومافي اي شي من بينهم طبعا هي ماتعرفني انا فهميتها كل شي لكني الحين هايمه في عذابي حبيبي كان يصدني قبل هاي السالفه بأسبوع كله مشغول عني مش مهتم فيني مثل قبل وانا من القهر اتصلت في خطيبته اللي طلعت مش خطيبته ...


أرجوكم ساعدوني الحين مايكلمني ولايرد على مسجاتي اريد أعرف شو اسوي وكيف اتصرف معاه وهو ليش قالي انه خاطب أتصل فيه وأحشره والا اتركه روحه يرجع بصراحه انا(u) مجروحه واااااااايد:confused::confused:

ليالي الصمت
14/07/2003, 01:11 PM
:confused: :confused: :confused: :confused:



انا اليــــــــــــــــــــــ ــوم مابنام اريد حل يريحني

fouze
14/07/2003, 02:15 PM
السلام عليكم
والله يا اختي انك غلطانه في تصرفك وانك كلمتي خطيبته
الشيء الثاني اللي قالك انه خاطب وهو مو خاطب هذا بما معناه انا ابي اكلمك واشوفك واخرج معاك بس بدون زواج احبك وتحبني وخلاص وتحت ستار احنا اخوان وهذا كله كذب يا تحبني وتجي تخط ونتزوج ولا ليش تكذبين على نفسك وتنزليين من مستواك الى مستوى مش مفروض بنات الناس ينزلون منه
اقطعي العلاقة وتوكلي على الله
الأمر في بداية صعب ولكن اشغلي نفسك بأي شيء وبعد فتره راح تضحكين على نفسك
والله يوفقك ويستر على بنات المسلمين

ام عوشي
14/07/2003, 02:28 PM
لا حول ولا قوة الا بالله
استحلفك بالله يااختي اللذي هو اعز منك ومني ومن هذا المخلوق اللذي تحبينه واذا اردتي ان يرتاح قلبك وتنامين ان تذهبي الى موقع اسلام وي وتسمعين شريط (وغارت الحوراء) للداعية عبدالمحسن الاحمد فلعل الله يحدث بعد ذللك امرا وهذه دعوة صادقة من القلب لكي
اللهم اهدها واشرح صدرها وارزقها حبك وحب من يحبك وحب العمل اللذي
يقربها لحبك اللهم ارزقها زوجا صالحا واستر عليها في الدنيا والاخرة
اللههههههههم ااااااااااميييييييييين

ذوق
14/07/2003, 03:08 PM
الله يهديج تتوقعين انج اذا تعرفتي على واحد وحبتيه وشو مايكون والكلام الي اونه يقول انه مايقدر يفترق عنج ها كله خرابيط لان هاي حركااات اغلب الشباب انه عنده وحده يسولف معاها متى يبى ويطلع معاها المهم وحده يقضى معاها وقته بس انه ياخذها لا الغاليه..انا اعرف وحده مثل سالفتج اربع اسنين كله يقولها اباج وماستغنا عنج وكل الي خذته كلاام واخر شي هي انهت الموضوع وتركته لان ماهانت عليها نفسها واحد مثله يتسلى فيها.......طيعي الشور وخليه والله يعوضج بالي شارنج ويباج زوجه

دهن العود**
15/07/2003, 03:25 AM
انا اايد الاخوات 000000 ونصيحتي تركيه لانه مهما قالك من كلام حب وحلف لك فهو كذاب
الانسان الصادق بمشاعره دوم يلح عل الزواج والحلال مهب يتهرب ويقول انه خاطب ويبغيك مثل الاخت وانتي بنفسك اكتشفتي كذبه خليك منه واتركيه وربي يرزقك بواحد احسن منه0000
اختك دهن العود

ليالي الصمت
15/07/2003, 04:41 AM
مشكورين خواتي على ردودكم وانا صراحه تركته وسمعت كلامكم يزاكم الله الف خير ....:(

اوتار
15/07/2003, 04:54 AM
الاحول ولا قوة الاباللة .يا عزيزتي ليش اتنزلي من قدرج الرجل الصادق يدخل لبيوت من ابوابها ما اقولج انا بزوج غيرج وبتكوني مثل اختي .....ياحبيبتي هو لوكان اخاف علي اختة من الاساس مالعب بعراض الناس..
اني بعدج صغيرة ولعمر قدامج طويل ان شاءاللة حفظي نفسج ولا تمشي فهطريق ونشاءاللة ايج الي يستاهلج لين بابج.
اختج فاللة اوتار

دوا الروح
15/07/2003, 05:07 AM
يا...ختية الدين الدين......خافي الله أحب وما أحب ....هذي سوالف أفلام ومسلسلات........ولا يمكن ......ان أي رجل .اذا كان رجل يخاف الله انه يرضى يتزوج وحده يعرفها.....



انسي .......والله يهديج........:rolleyes:

algaazi
15/07/2003, 05:31 AM
حسبي الله عليه0

هذا لعاب حبيبتي000ما يخاف الله0

يتسلى ببنات الناس الظالم000ابتعدي عنه باسرع وقت 00
ادري البعد مو سهل 00بس انتي قويه 00وبتنسينه
ان شاء الله0

ولا تتصلين على البنت الثانيه 00واتخلصي من رقمها 00لانك
ما تعرفين شي عنها00 والدنيا ما فيها امان0

الله يجبر خاطرك 00
ادعي الله انه يخلصك من هذا التافه000المستهتر
ويكفيك شره

mahajer
15/07/2003, 12:43 PM
تراه يسوي ثقل عليك عشان تتعلقي فيه اكثر<<<<<بعدين يخذ منك ايش ما يبغى<<اتركيه ولا يلعب في مشاعرك.

u 2
15/07/2003, 02:33 PM
الكل اجمع انه انسان خائن ولازم تخافي منه وانا
مهااااااااااااااااااااااا ااهم واقول لك انتبهى على نفسك ودينك

ملاك السماء
15/07/2003, 02:57 PM
رايي من راي أختي mahajer


من الأفضل انك تتركيه ولا تهنين نفسك زيادة هذا مايستاهل التراب الي تمشين عليه



وتحياتي

فتونه
15/07/2003, 10:40 PM
هلااا الطيبه ليالي الصمت


حبوبه حاولي تصبرين نفسج

وبصراحه اقولها لج نحنا مانعرف كيف تعرفتي عليه عشان نقدر نساعد أكثر

بس حبوبه خليه فتره مدام هو يحبج بيرجعلج

لأنه الحب عذاااب


بس انتي اصبري شويه


اتمنالج التوفيق:up:

بنــ زايد ــت
15/07/2003, 10:50 PM
يا حبيبتي الموضوع وااااضــح ...
الريال ما يباج والدلي إنه كذب عليج وقال أنا خاطب ....
لا تضيعين وقتج معاه لأنه مب مهتم فيج :confused: :confused:

قمر_21
16/07/2003, 12:04 AM
اختي هالرجال ما ينفعك هو فقط يحب يقضي وقت معاك اما انه يريدك كزوجة فهذي بعيدة جدا عن باله لانه يريدك لهدف واحد هو التسلية وقضاء الوقت واحتمال انه يكلم اصحابه عنك ويضحك عليك من وراك.

نصيحة من اخت اتركي عنك هالكلام وحاول تنسيه واشغلي وقتك بذكر الله (الا بذكر الله تطمئن القلوب).

اذا هو يريدك يتقدم لك ولا اذا يريدك كاخت فبتكوني انت الخسرانه ما هو .

بعتذر اذا قسيت عليك بالكلام بس صدقيني اريد مصلحتك، وتذكر ان الزواج قسمة ونصيب والانسان ياخذ نصيبه في الدنيا.

ووفري مشاعرك للرجل اللي رايح يتزوجك في المستقبل ان شاء الله. لانه مع مرور الوقت رايحه طالعي نفسك بالمرايا وتتذكري الماضي وتضحكي على نفسك.

الأخت الحنون
16/07/2003, 12:14 AM
دامك تركتيه زين .:up:.........................ز وخله ينطق.........................



وحاولي تشغلين نفسك هاذي الأيام لعشان تقدرين تنسينه ............................وإنشالله بتنسينه مع مرور الوقت





الله يوفقك لمايحب ويرضى

العذراء76
16/07/2003, 03:28 AM
حبيبتي اشغلي نفسك بقراءة القران واشغلي وقت بالصلاة

والله إنه هذا الشئ ينفع كثير!!

صلي صلاة الحاجة واطلبي من ربك أنه يعوضك خير عنه!!

ربك سترها يمكن لو صار نصيب من بينكم راح يطين عليج عيشتج من بعد الزواج وتكرهين اليوم اللي حبيته فيه!!

عشان شذي صلي ركعتين شكر لله!! واطلبي ربك انه ينسيكي إياه!! مايستاهل حبك له

Dm3ah
16/07/2003, 06:24 PM
اتمنى انتج تنسينه ولا تفكرين فيه بعد ما قال انه خاطب
وهذا دليل انه ما يبج ويبي يتسلى ويملي وقت فراغه معاج
وانتي عزي نفسج ولا تحاولين انج اتكلمينه

وامسحي رقمه ورقم البنت اللي يدعي انه خطيبته وان شالله راح ترتاحين منه
واشغلي وقتج بالصلاه وقرأة القران

ودمتي عززتي
دمعه

swib
16/07/2003, 08:59 PM
بيحبك او مش بيحبك.......كرامتك اغلى من اى شىء....و كرامتك فى ان يتقدم لكى........و اذا رفض حافظى عليها و اتركيه....و سيعوضك الله من هو احسن منه ...............

برستيج
17/07/2003, 11:29 AM
يعني نفس القصص تنعاد البنات كلهم ملعوووب عليهم وبس بسبب رقتهم وطيبهم طيب أذا تركته وأهو رجع لها وطنشته ويش تسوي له طبعاً أقصد رفيجتي اللي تحب من النت وكتبت عن مشكلتها هذا أهو تركها ورجع مره ثانيه لها بس أهي مطنشته أحمد الله أنها سمعت كلامي وماقامت تراسله يعني تركته بس أهو شكله ماهوبقادريتركها قلبه متعلق بيهالأنها طيبه وحبابه وفي عمرك أتركيه وأتوكلي على الله

الله يهدي الجميع ويوفق للجميع