المساعد الشخصي الرقمي

مشاهدة النسخة كاملة : شوفي حل مع شغالتنا



basma143
11/08/2009, 02:27 AM
هاي عرايس اخباركم
شوفو لي حل مع شغالتنا تصرفاتها جدا حقيره طويلة لسان وماتحترم احد وكله تتذمر من الشغل وان كان بسيط احسها تعتبر اي طلب نطلب منها مذله حتى لو ربعي جاو يزوروني وقلت لها جيبي ماي ماترضى تدخل لزوم انا اللي اطلع واخذه منها وادخله غير معاملتها حق البزور تتذمر منهم ومن شطانتهم لو وسخوا الصاله او البيت اتصوروا ماما جدا محترمتها وتخاف توجهها اذا غلطت كله تقول اخاف تسوي لنا شي واذا طلبت منها ماما شي توقف جدامها وتقول لها نعم نعم ولا استغفر الله الوحيده انا اذا شفت الغلط منها اجلس اوجهها واقول لها عيب تتعاملي معنا بهاالطريقه واحنا طيبين معك والله حتى مع التوجيه تقعد تصراخ وتقول انا تعبت تعبت من كثر ماتنادوني وغير كذا تجلس تناظرني بنظرات قووووووووووووويه ليش اكلمها اتصوروا ذاك اليوم اناديها وانادي وانادي في الاخير ترد علي اقول لها ماتسمعين تقول اي مااسمع من زود انها حقيره ماتهاب احد طبعا كل اللي في البيت مايكلمونها كله خايفين انها تحطهم براسها بعدين اتصوروا من جات لنا فقط لها ست شهووور وظهرت لنا طبعها الوسخ من بدايتها لانها تعرف تتكلم عربي لانها مشتغله من قبل وانا وحده بموت قهر من تصرفاتها ومن سكوت اهلي عليها وطبعا انا ماابي احط راسي وراسها عشان ماتسوي لي شي

شالحل معاها الله لايحللها باللي تسويه لنا

♥ توتة ♥
11/08/2009, 02:33 AM
شوفى حبيبتى هى شافتكم ناس طيبين قالت استغل طيبتهم لى
ترا جد فية شغالات مايجوا الا ف العين الحمراء
بس بحدود عشان ماتعمل لكم شى
واهم شى فتشوا اغراضها كل فترة
انا قبل فترة مفتشة شغالتنا تخلى لقيت معها شعر
انا خفت صراحة
عشان كذا
انتى تعاملى معها شوى بصرامة
واحكى مع امك تغير معاملتها لها
على كذا حتدلع وتاخذ راتب من غير شغل
او قولى لها اذا مااشتغلتى كويس بنقص راتبك

basma143
11/08/2009, 02:42 AM
شوفى حبيبتى هى شافتكم ناس طيبين قالت استغل طيبتهم لى
ترا جد فية شغالات مايجوا الا ف العين الحمراء
بس بحدود عشان ماتعمل لكم شى
واهم شى فتشوا اغراضها كل فترة
انا قبل فترة مفتشة شغالتنا تخلى لقيت معها شعر
انا خفت صراحة
عشان كذا
انتى تعاملى معها شوى بصرامة
واحكى مع امك تغير معاملتها لها
على كذا حتدلع وتاخذ راتب من غير شغل
او قولى لها اذا مااشتغلتى كويس بنقص راتبك



مشكوره ياقلبي على الرد بس حرام الكذب على الله خيبه اهي تشتغل بس كله تتذمر وترد علينا باسلوب يحسسنا كانها هي صاحبة البيت مو حنا وانا ماكذب ماما تنادي لها كثير بس والله على اشياء بسيطه ماي مثلا جيبي فواكه تعرفين طلبات الحريم بس انا اللي قاهرني طول لسانها وعفسة وجها علينا

أسيرة الخواطر
11/08/2009, 03:02 AM
الله يكافيكم شرها
بس ديري بالج حبوبة منها تراء الشغالات ما منهم امان شرات البعران يشلن ع الواحد مهما تسوين وياهم من معروف ما يقدرن
والله المستعان

basma143
11/08/2009, 03:45 AM
الله يكافيكم شرها
بس ديري بالج حبوبة منها تراء الشغالات ما منهم امان شرات البعران يشلن ع الواحد مهما تسوين وياهم من معروف ما يقدرن
والله المستعان



اي والله ياختي لو تقدمين لهم عيونك في طبق مايقدرون والله ماما امدللته ان طلبنا من المطعم والله تناديها وش تبن طلبك وعلى هذا تتذمر وترد عليها ماابي الله ياخذها مستحيل تشوف دلال ماما والله ماما حتى اذا نادتها واطلبت منها خدمه احس طريقتها بالطلب منها فيها خجل وخوف وكله تعذر عليها وانا اقول لها لازم يصير عندك شوية صرامه تقول مالي دخل فيها الله المستعان معها

!غناتي!
11/08/2009, 11:01 AM
عزيزتي فيه طريقة اتبعتها مع شغالتي والحمدلله جابت نتيجة
كانت تتذمر وبصوت عالي وتحب تصارخ حتى لو بجمبي وكنت اعصب واصرخ عليها بس شفت حالتها قاعده تزيد
الطريقة انو مو الكل يناديها أو يوجهها يعني شخص واحد بس
والأشياء البسيطة مثل الموية والفواكة ماأظن بتكلف علينا لو قمنا أخذناها من غير مانادي عليها
بعد هي مسؤلية البيت كله على راسها
والشي الثاني اصلح نفسي ريلاكس هي تصارخ وأنا اكلمها بكل برود وهدؤ لدرجة انها تحاول تستفزني وتستهبل
بس لما ماشافت فيه فايده تعدلت وصارت هادية ومطيعة
ولله الحمد
جربي معاها يمكن تنفع معك

أم سلمى2007
11/08/2009, 01:05 PM
ما أقدر أفيدك عزيزتى لأننا ماعندنا نظام الخادمات إن شاء الله البنات يفيدوكى.

ورد الخريف
11/08/2009, 01:13 PM
انتبهي على اغراضج منها

الحذر واجب معاهم
لان بصراحة اسمهم مسلمين وما يعرفون الحلال من الحرام

kh.imane
11/08/2009, 01:44 PM
يا اختي ودوها المكتب خلوها تتلابا
عند حماتي خدامة وراحت بس للبقال بدون ما قالت لاحد لانهم كانو نايمين وضيعت وبعدها راحت المكتب ورفضو يردونها مع انها حرام حبوبة وطيبة ولا اتقول شي

لا اتخافون منها ترا لا يفلح الساحر حيت اتى صدق الله العظيم
هي عندها تجربة قبل واتقولين تتكلم زين عربي بمعنى انها مالة الشغل وعارفة ان احنا انخاف منهم
لا اتخافون ووروها العين الحمرا اتعدلت كان بها ما اتعدلت طرشوها بلادها احسن واريح لها ولكم


وسلامتكم

روبه حامضة
11/08/2009, 02:57 PM
الاخت توتة.........شنو سويتي لما شفتي الشعر....
امي من فترة تفتش في اغراضها لقت شعر في كلينكس ولا ندري شعر من؟؟؟؟
الظاهر الشعر مشهووووووووووووور عندهم

العتب
11/08/2009, 05:54 PM
الله يعينكم بس من منطقي انا ما اخلي مثل هالنوعية ببيتي ادري انا خسارة علي بس مستحيل تقعد عندي لو ليلة وحدة لان مبدأي انا جبتها تشتغل فتشتغل بسكات مب فاهمه اعلمها بس طولة لسان لا والف لا ...

العتب

دمــ ـ ـوووع
11/08/2009, 11:23 PM
وجع

ياكره الشغالات اللي كيذآ
هذا اللي ناقص بعد تطول لسانها ...

تدرين عاد ...

كانت عندنا شغاله كذا لسانها طويل ووسخه وماتشتغل وتبط الكبد بس مستحملين لان امي كانت حامل
وهي بالمووووت جابوها المكتب فقالت الماما نتحملها ...

تخيلي ندور على الاندر وير حقنا نشوفه عندها تحت فراشها تحطه مدري كلوت فيروز على غفله علشان تحتفظ فيه !!

واذا جتها الدوره اسبوع كااااامل صياااااااااح ... لا لا مو صياح والله صراااااااااخ وماتشتغل ابد وكله قافله على روحها الباب بس تطلع تخم لها اكل وترجع مره ثانيه ..

تخيلي تااااااااااكل كل شي مايظل شي بالبيت والله مو مقصره على عمرها من الصباااح نجلس نشوفها بكل وقاحه مطلعه من الفريز كفته وبطاطس وفخوذ دجاج وتقليهم وتاكلهم ... لا وبرمضان بعد ...والله نفتشل من اخواني واذا قلنا لها بس مو تاكلين جنب الاولاد عيب رمضان تقول اوووف يعني انا في موووت جووع ؟؟
طول رمضان وهي تقول ان فيها الدوره الله يقرفها ..

واذا البابا جاب اغراض وثالت لها امي روحي جيبي الاغراض من السياره تجلس تصارخ ( اووووووف انا جيب اغراض ودموع في يجلس شوف تلفزيون ؟ ) تخيلو ؟

كل يوم كانت تقول لي انتي كبيره مافيه زواج يلا زواج يلا بسرعه زواج علشان تفتك مني خخخخخخ ووقتها كان عمري 16 ...

مره عطتني كف على وجهي وشمختني والله البنات بالمدرسه يقولون لي شامختك قطوه ؟قلت لا الشغاله خخخخ
مره من المرات شريت لي عقد لولو صناعي ونهايته كريستال مره يهبل ....بعد كم يوم لقيت بس عقدد اللولو بروحه بدون الكريستال وادور عليه ماالقاه وبعد كم شهر دخلت عليها فجأه لقيتها جالسه وتناظر بالكريستال وهو بيدها وزي اللي مبسوطه ومروقه عليه ....هههههه هبله لما سألتها ليه اخذتيه وبعد الحاح تحسبه ألماس الغبيه .... قلت لها ايوه ألماس خوذيه وبيعيه اذا سافرتي بيجيب لك شوي وشويات واشتري لك بيت ومزرعه ...خخخخخ

والله لو بقول عنها مابخلص ...كل عطله اذا بنسافر نحاتي شلون نقول لها لأنها تجلس تصارخ تبغى تجي معنا ...تخيلو نحاااااااااتي وش نقول لها ....

بعدين لما سألنها انتي ببلادك وش كنتي تشتغلين اكتشفنا انها تشتغل ( جزاره ) يممممه وزوجها تزوج عليها لانها كانت تضربه ومفهمها انها تجي السعوديه مو كشغاله لااااااا كتغيير جو ..
يعني انها تجي زي اللي فتره نقاهه وتصير زي اختنا وتعيش معنا سنتين وتصيف بالاجازات معانا ونعطيها فلوس وترجع بعد السنتين .....


الحين دايم اسأل نفسي واسأل امي ..

كييييييييييييييييف تحملناها ؟؟؟ والله لو الحين هي عندنا كان صفعتها
<<<< تحمست ههههههه


الله يعينكم عليها وبس

العتب
12/08/2009, 12:44 AM
والله يا دموع ضحكتني سالفتكم مع الخادمة


العتب

دمـوعي قـ ـهـ ـر
12/08/2009, 12:53 AM
مو عارفة شاقولج ،،لان كل خادمة لها طبيعتها ولها اسلوب يجيب راسها،،بس اكيد الحل يبيله حكمة منكم لانكم ادرى باحوال هالخادمة،، ربي يكون بالعون ترى خدم الحين مو مثل خدم اول لو تكرفينهم يبوسون رجولج بس انج ماتزعلين منهم،،عاد هالحين الخدم ماتقدرين تنطقين بشي الا لسانهم اطول منهم,,

basma143
12/08/2009, 02:59 PM
مشكووووورين خواتي العرايس ماقصرتوا في الحلول وانا قد مااقدر بضغط على روحي وبطنش اهم شي اخذ مصلحتي منها

بنت زايد
15/08/2009, 09:37 PM
هي شو جنسيتها...

BHR_Sun
15/08/2009, 09:59 PM
شوفي يا حبيبتي... ما بيدكم شي الا تتصبرون عليها لحد ما يخلص رمضان.. لان ما يصير امج تقعد بلا شغالة بهالشهر الفضيل وانتي تعرفين شغل رمضان شلون


لكن تعيدون العيد وانتو حاجزين لها ومسفرينها.. مافي شي يجبركم تتصبرون عليها اكثر .. انا اجيب خدامة تخدمني والا تفقع مرارتي... بعضهم لو تعطينهم عيونج ما ينفع معاهم


الله يحفظكم من شرها .. وان شالله تجيبون وحدة ثانية احسن منها

دمع الليل
15/08/2009, 10:00 PM
السلام عليكم ورحمة الله وبركاته

الشيخة الحل بسيط .. تقصرون الشر وتسفرونها بلدها دام ان نفسها مو طايقة الشغل لان ما راح تم عندكم .. قبل 4 ايام بس بالضبط شغالة حماتي الي كانت مثل اسلوب شغالتج بالضبط وكل كلمة والثانية رفعت صوتها وتقول ودوني المكتب .. شردت من البيت ... نطرت ريل حماتي يطلع للشغل و شوي وتهرب... بس اشوه لقوها وسفروها بلدها ..


الله يكافينا شر الشغالات وبلاويهم

في أمان الله

صمونه
15/08/2009, 10:27 PM
حبيبتى لو كانت عندي هالخدامة يوم واحد ماقعدتها والله على طول على بلادها
بوديها المكتب ايشوفون شغلهم معاها وبخبرهم بكل تصرفاتها وبعدين اذا اتصلحت خليتها واذا تمردت بخليها عندهم وبطلب منهم ايبدلونها لي وإلا ايرجعون فلوسي عليه
اتصدقين تستاهل كفين يعدلونها

basma143
15/08/2009, 11:42 PM
اي والله ياعرايس كلكم صادقين في كلامكم بس انا بعد ماكلمتها وطولت لسانها تجنبتها وبس اخذ مصلحتي منها