المساعد الشخصي الرقمي

مشاهدة النسخة كاملة : بنات ساعدوني ....



ذكريات
11/07/2003, 11:21 AM
السلام عليكم ورحمة الله وبركاته ... بنات مشكلتي غريبه ولاممكن أنا استغربها ... لكن بصراحه معذبتني وايد ... انا خجوله بس مو انطوائيه احب الناس بس ما احب الهذربان الزايد احب الناس الهاديين الي مثلي ... بنات في الفترة الاخيره لاحظت اشياء غريبه ... في ناس احبهم واعزهم ... فجأة بين يوم وليلة اكرهم ما اعرف ليش ... ويصيبني وسواس فظيع ... ممكن يكون بدر منهم تصرفات بس تصرفات عاديه انا افهمها انها لها معاني غريبه ...هذا الوسواس يخليني اتأثر وابكي لاني فجأة يصيبني كرههم وبالتالي تصدر مني تصرفات غريبه اتجاههم على اساس هذه الوساويس والظنون ... ولما اعرف اني ظلمتهم اقعد ابكي لفترة طويله ... تعرفون بقولكم شي انا لي صديقه احبها واعزها وهي بعد تحبني وتعزني لكن لما اغيب فترة عنها بدل ما اشتاقلها اكرهها ... ما اعرف ليش ... شعور غريب ..نفسي افهمه .. مع انها هي العكس تشتاقلي وتستانس لما اكلمها ....طبعا انا الشيطان طول الوقت يوسوس لي ... تعرف الشيطان شاطر ... البنت ما لها ذنب العيب فيني ..:confused::confused:
تعرفون انا خايفه الشي هذا يطور لاني بدا يتكرر كثير في حياتي .. لما مره اشتكيت لربيعتي قالت لي ممكن عين لا حول ولا قوة إلا بالله .. بس قلت لها انا الحمدلله اقرى الادعية مواظبه عليها .تعرفون طول الوقت استغفر الله بالبيت .. وبطلت اسمع اغاني ...المهم بس تعرفون لما ادعي احس بشعور غريب .. واحس ساعات بضيق . قريت ادعيه الرقيه حسيت باحساس رهبه وخوف :confused::confused::confused::confused:
بنات والله انا تعبانه ...ما اعرف شو فيني
نفسي افهم الشي هذا ما اعرف ليش ... بنات الله يخليكم ساعدوني:confused::confused::confused::confu sed:

بنــ زايد ـــت
11/07/2003, 07:51 PM
:( :( :(

العيناوية
11/07/2003, 11:38 PM
[ALIGN=center]السلام عليكم...

عزيزتي ذكريات... أنا معك و أحس باللي صار فيك... لان مر
علي فتره كنت نفس حالتك....
انتي حاولي انك اتشيلين هالفكره من راسك....أو بالأصح لا اتفكرين
بالشئ اللي فيج أبدا...
واذا رجع لج هذا الشي استعيذي بالله... وفكري زين باللي قدامك
قبل ما تصدر تصرفات غريبه منك...
وحاولي انك تنسين سالفه الوسواس.. وتشغلين نفسك...
واذا رجع ... اقرئي آيات.... لتبعدي وساوس الشيطان ( وفي آيات لهذا الشي )
والله يوفقك...
واذا محتاجه شي أنا حاضره.....

تحياتي

العيناوية

ذكريات
12/07/2003, 01:21 AM
مشكوري اختي العيناويه والله يجزيج خير ويعطيج على قد نيتج يارب .. ويعطيج الي في بالج. ....ممكن تذكيرين لي شو هي الآيات .. ادري اني ثقلت عليج بس والله محتاجه ...