المساعد الشخصي الرقمي

مشاهدة النسخة كاملة : طفلتي والمشي وخناقاتنا اليوميه



غيوم عطشانه
06/07/2009, 02:25 AM
حبيباتي سااااااااااااااااااعدوني خلاص بصيح من عصفورتي الصغيره
يابنات عمرها سنه وثلاث اشهر ولحد الآن ما تمشي وحدها والله اللي اصغر منها بشهرين وثلاثه قد مشو وهي ماخذه الدنيا براحتها رغم ان صحتها زينه وما عندها اي مشكله
هي توقف لوحدها على الجدار والكنب وتمشي عادي لكن مستحيل توقف لوحدها او تمشي بدون ما تكون مستنده على شي
ولما احاول امشيها واوقفها وحدها تثني رجولها ما تبغى وبلوع الروح تطاوعني
ابي مساعدتكم وش اسوي معاها ووشهي الاغذيه او الفيتامينات اللي ممكن تساعدها وتقوي عظامها

انتظركم الله يخليلكم احلى العصافير بالدنيا

ملكه على عرشي
06/07/2009, 03:24 AM
حبيبتي يمكن تكون بنتك خايفه لأن لو طاحت مره
بتخاف من انها تطيح وإن شاء الله تشوفينها تركض ركض

أمةالله
06/07/2009, 03:35 AM
ممكن تكون خايفة فعلا

حاولي تشجعيها مش تخوفيها ... يعني بلاش خنا وبالعكس لاعبيها وشجعيها تمشي لوحدها خطوات صغيرة وشجعيها جااااامد وشيليها وقبليها لما تعملهم لوحدها وبكدة تتشجع إن شاء الله وتحاول تكمل وبالتدريب خلال شهر على الأكثر إن شاء الله تكون بتمشي وحدها

**أم عبدالرحمن**
06/07/2009, 03:51 AM
أصابع إيدج ماهي سوى...

بسلوبك هذه راح تخلينها تتأخر بالمشي ...خليها على راحتها تقولين ما فيها شي خلاص طنشي الموضوع

بعدين اريح لك من المشي راح اتعبك كل اشوي لازم اتابعينها وين راحت ..انا ولدي صار له سنة وربع اشهر الي اصغر منه مشو والكل يقولي تأخر تأخر ولا عاطيه الموضوع اي اهتمام ومشى باليوم الي ربج كاتب له يمشي ولا خناق ولا دوخة راس...

نجــــد
07/07/2009, 02:25 AM
لاتستعجلين عليها

بنت أخوي مامشت الاسنه وخمس أشهر والثانيه مشت بالسنه ,, شفتي الفرق


الله يحفظها لك وتشوفينها تركض :)

ام شواخي
07/07/2009, 06:10 AM
اللي عندج مثل اللي عندي
بيني وبينج تو الناس على الخبال لاحقه عليه

اما اذا انتي اول بيبي من حقج الصراحه اتخافين وبعد خاطرج اتشوفينها تمشي ما ألومج
حفظها الرحمن ويا رب تشوفينها تلعب وتمشي وتركض وانتي تركضين وراها

كزبلانكا
07/07/2009, 09:55 AM
الاطفال فى السن دا بيتعلمو يحافظو على توازنهم عشان يقدروا يمشو ودى مهارات تختلف من طفل لطفل سيبيها براحتها وان شاء الله تتعلم بسرعه

غريبة الحب
28/07/2009, 01:04 AM
شوي شوي ياختي على البنت مب كل الاطفال نفس الشي شي منهم يمشو بسرعه وشي منهم يتاخرو خليها على راحتها ولا تغصبيها لا تعاند معاج

عروس المنامة
21/10/2009, 01:54 AM
حبيبتي اللي عندهم نقص كالسيوم يتأخرون

مثل اعيالي بنتي عطوها كالسيوم و و دواا اسمه ون ألفا و قالوواا لي عرضيها للشمس و مشت خصوصا ان انه ما اطلعهم بالشمس



بتشوفين تقوس بسيط في اصابع رجلها ادا لا سمح الله فيها بس هي مشكلة بسيطة ادا تعالجت اما ادا انتركت تصير مشكلة كبيرة و طبعا تصير فتحت راسهم شووي كبيرة اكبر من الطبيعي بس مو مشكلة كبيرة لا تحاتين


عرضيها على دكتور شاطر و شوفي شقول افضل


و هالولد نفس اخته ما مشا للحين ولا يتوقف ....

مااهاب الا من خلقني
31/10/2009, 09:07 PM
ممكن تكون خايفة

شوشو نت 4
03/12/2009, 05:37 AM
عيوني لاتخافي ولدي مشى 9 شهور ام بنتي مثل سن بنتك وتصرفاته . . . ما عملت شي قبل 4 ايام مشت خطوتان واليوم الذي بعده مشت على الطول والله من فرحتها ماتريد تجلس حتى الخبز تأكله وهي واقفه . صدقني هي بس خائفه . . خبرينا لما تمشي

أنا الحلوهـ أنا
14/12/2009, 08:04 AM
انا بنتي كانت كذا بس اول مررررره شفتها تمشي عمرها 11 شهر وطاحت وصرخت الخدامه من الخوف ولا صارت تمشي بس تحبي واذا مشت تمشي على ركبهالين صار عمرها في عمر بنتك وهي بس على ركبها وصرت اعطيها كالسيوم حق الاطفال واعرضها للشمس وصارت تمشي وجننتني والله انا الحين اقول لينها تقعد هههههههههههههههههههه والله دايم القاها بره الشقه بتخرج الله يعين بس طمني نفسك واتركيها ولا تشيلي همها وتجيب خبرها الايام

عروسه 2010
20/01/2010, 08:41 PM
سيبيها على راحتها بكرة تمشي وتعبك وراها

فديت السلطنة
07/07/2010, 03:03 PM
هلا ....................
انا بنت اختي مشت وهي عمرها سنه ونص كانت وايد تخاف تمشي لوحدها
لا تخافي انشاء الله بتمشي وبتخبلك معاها

هيبة الصمت
23/07/2010, 05:35 PM
هاااي
حبيبتي شي طبيعي عاادي صح ممكن تكون خايفة يعني انها تطيح واذا طاحت رح تخاف اكثر ومارح تمشي انتي خليها ع راحتها وعقب روحها بتمشي انا بنتي كنت مخلتها ع راحتها تمشي وبعدين شوي شوي تعودة لوحدها وشكرا ..
تسلمين ع الموضوع

Ɯα7śнтƞφ ŠώαŁƪϜЌ
04/08/2010, 04:36 PM
حبيبتي اخذي لها المشايه ..

اللي صايره مثل هالالعاب

http://dc03.arabsh.com/i/00489/i41c2pro2pzk.jpg

http://4.bp..com/_0fLm_VmSbt8/SM8LsIPCzKI/AAAAAAAAAmk/VyDaOHXwsHU/s320/%25D9%2584%25D8%25B9%25D8%25A8%2B%25D8%25AE%25D8%2 5B4%25D8%25A8%25D9%258A%25D8%25A9.jpg



انه خذيت لولدي يوم كان في الثامن ..

وعلمته وماشاء الله عليه الف لا اله الا الله من وصل التاسع مشى ..


جربي وان شاء الله خير