المساعد الشخصي الرقمي

مشاهدة النسخة كاملة : اختي بتتطلق وهي حامل :( ساعدوني



mimi qtr
27/06/2009, 08:56 AM
السلام عليكم ..

شلونج اختي ؟ ..
او شي يعطيكم العافيه ..

ثاني شي بغيت حل حق مشكلة اختي ..
اختي صار لها متزوجه الحين تقريبا سنه ..
او اقل بشوي ..

اختي الحين حامل ..
وعندها مشاكل مع ريالها ..
وتبي تنفصل ..

المشكله ان المشاكل اللى بينها وبين ريلها كلها مشاكل سخيفه وتافه ..
وهي في بداية حياتها ماكان عندها مشاكل ..
وكانت سعيده ..
بس لان امي تمت تدخل في حياتها ..
وتقولها جوفي ريلج واهل ريلج وانهم مب اوكيكز ..
ويسوي هو كذا اكيد قصده كذا ..
وتمت تحط افكار في راسها ..
واختي هذي من هي صغيره ..
تسمع كلام امي وتطبقه بالحرف الواحد ..
بعربي ماعندها شخصيه ..
امي عودت اخوي واختي الكبار يكونون كذا ..
ماعندهم شخصيه ..
فخلتها تكره ريلها ..
وكل يوم تتهاوش معااه ..
انا مستغربه من امي ليش تسوي جي !! ..
والحين هي في بيتنا وماتبي ترجع له ..
تقول بتطلق لان كرهته ولين سألتها عن الاسباب تقول اسباب سخيفه وايد والله ..
تقول هله يطلعون ومايقولون لي < عسى ماشر يقولون لج ..
تقول هو يعطي اخوانه فلوس < انزين شفيها عادي ! اخوهم ! ..
تقول اخته كريهاا < للعلم هي من كثر ماامي شيشتهاا ع اخته مره طقتها جدام البيت كله وسبتها والكل انصدم منها وصارت مشكله وايد كبيره ..
وتطلع اسباب تافه ..
امي تمت تتقويها وتقولها انتي وانتي وانتي ..
واختي من ناحية الجمال يعني عاديه جدا ..
وهي اصلا تزوجت وعمرها 23 ..
وكنا مش متوقعين انها تتزوج ..
وهي كان جدا مكتئبه لانها ماتزوجت وان كبيره صارت ..
وخاصة ان كانت اختي الصغيره منخطبه قبلها ..
والحين امي تمت تحط افكار في بالها ..
خلتها تبي تترك ريلها وتطلق منه ..
انا وابوي واخواني كم مره نقولها انتي السبب في كل مشاكلها ..
وانها تعيسه في حياتها تقول لا شدخل انا بس انصحها ..
والله انا جد منقهره من امي ..
ليش تسوي جذي ..
لو انفصلت شنو بيكون شعور الولد او البنت اللى في بطنها! ..
شنو شعور اختي ! ..
شلون بتعيش ! ..
يعني امي بتكون سعيده بنفصالها !! ..
كفايه امي قبل خربة حيات اخوي الكبير ..
وخلته يطلق مرته ! ..
والحين اخوي حده مكتئب :( ..
ومتضايق ووده يتزوج ..
لكن مشكلتهم ان ماعندهم شخصيه وامي تأثر عليهم ..
وفوق كل هذا كلام امي صج يقهر يعني ويخلي الواحد غصب طيب يكره الناس ..
كله تسويلي جذي مع ربعي تقعد تقول كلام عنهم تخيلني اكرهم ..
بس صرت ماسمع لها ..
وحتى اختي اللى اصغر من اختي الكبيره ..
اول ماتزوجت وكانت تينا امي كانت تقولها كلام وتشيشها ع ريلها ..
وهي قامت تكره ريلها وكله تصيح ..
وتجي بيتنا وماتبي ترجع وتبي تطلق ..
لين بعدين اعقلت وماقامت تي بيتنا خير شر ..
تقول مابي امي تسويلي مشاكل تخليني اكره ريلي وجي ..
انا جذي سعيده :) ..


تكفين ساعديني قوليلي شالحل وشسوي ! ..
والله انا ادري لو تطلقت بتحقد ع امي طول حياتها لان هالشي مب سهل ..
نفس ماصاير الحين حق اخوي :( ..
بس امي مقويتها ومخليتها تحس انها احسن انسانه بالدنيا ..
وان هم مايستهالون شي ..
وياليت ان هي تسوي شي حق ريلها ! ..
او فيها مميزات ..
يعني هي ماتأدي واجبتها من كل النواحي ..
والكل عارف هالشي ..
يعني اقل واجباتها ماتأديها وريلها كم مره كان يشتكي منها لين تصير مشكله وابوي يكلمه ..
يعني حتى الغرفه هو ينظفها لان تقول انا مب خدامه اشتغل وانظف لك < طبعا كلام امي !
وهو نفس الشي ليين يجوفها جذي بعد مايأدي واجبته ..

وامي الحين تقولي تعالي معاي نروح ناخذ اغراضها من بيتهم كلها ! ..
قلت لها عطيهم خبر ..
قالت تدرين شلون بكلم العلاقات الاجتماعيه يكلمونهم وخلاص ..
اقول حق امي يعني تبينها تنفصل تقولي ايه !! ..
انا انصدمت والله العظيم امي ليش تفكيرها جي :( ..

والله اللى اخس من جي اني حالمه قبل كم يوم ..
ان امي كان فيها شيطان ..
وكنت كله اقره قرآن وهي تضايق مني وتلعوزني ..
وتضربني وجذي ..
ولين فسرت الحلم طلع ..
ان امي كله تسويلي مشاكل حقي وحق اختي وابوي < لانهم كانوا معاي بالحلم ..
وانا اقره قرآن وماكنت اوقف حتى لو تلعوزني اكثر واكثر ..
معناته اني اقول الحق ..
مهما كانت ردت فعلها كرهتني وزفتني مايهمني ..
وان اختي وابوي مايقولون شي ويسون نفسهم ميدرون ان هي جذي ! ..


ابي حل ارجوكم :( ..

ساعة غروب
23/07/2009, 12:27 PM
هلا اختي

الله يهدي امج ان شاء الله

من رايي والله انج تقعدين مع اختج وتعقلينها او تخلين ابوج يقعد معاها وترجع بيت زوجها وتفهم واجباتها وحقوقها عدل عشان تعيش حياتها صح من غير ما امج تتدخل بينهم

لازم تبعد عن امج شوي وامج لازم تخلي اختج في حالها وتعيش حياتها بما يرضي ربها وزوجها

الله يهديهم ويسر امور اختج ويبعد عنها ظلم امج قولي آمين