المساعد الشخصي الرقمي

مشاهدة النسخة كاملة : اللي عنده نوكيا 7250



اترنيتي
30/06/2003, 01:41 PM
بقيت أسألكم اللي عنده نوكيا 7250.. نقدر نصور فيه وبعدين

نحول الصور للكمبيوتر والا لا؟؟!1

جاوبوني الله يخليكم بسرعة والله يبارك فيكم..

اَخر العنقود
30/06/2003, 01:51 PM
لأني حيرانه بتلفوني .... أكرر نفس سؤالج .... و في نفس الوقت سامحيني لأني مو عارفه أرد :o

visitor
30/06/2003, 02:03 PM
هلا شحالج
اذا تبين رايي...................لا تشترينه
انا شريته وما كمل عندي يوم ورجعته ولا بعد خسرت فيه وايد معنه الا يوم واحد.......المهم ليش انا رجعته
لانه الكاميرا ما فيها نقاوه موووووووووووووووووووووووو وووول
تعرفين التيلفون اللى كان نازل قبله اللي كان فيه كاميرا ما اعرف كم رقمه المهم هذاك بعده بربه كانت النقاوه اوكيه بس ها 7250 مب شي
ومميزاته نفس 6610 بس زايد عليه الكاميرا ...................اصلن اللى كغلي سعره الكاميرا

وبسسسسسسسسسسسسسسسسسسسسسسس

اترنيتي
30/06/2003, 11:06 PM
هلا أختي مياوه.. بس أنا من فترة ماخذتنه مب من يومين.. وماشالله الصور زينه تطلع.. وصح شي منها مول مب شي.. وأهم شي وانتي تصورين لا تتحركين.. والله حتى شي من الصور كأنها مصورتنها بالكيمرة العادية… أنا هذا اللي أشوفه بصراحة حلو .. والله يعطيكم العافية..

العاش
30/06/2003, 11:26 PM
مرحبا اختي..انا عندي نفس التلفون...مثل ما قلتي يباله انج تثبتين و تطلع الصور حلوه و بعد الشخص الي اتصورينه المفروض ما يتحرك ....اتصالات بيشغلون هالخدمه قريب...انج تقدرين اطرشين الصور حق تليفونات غيرج و بعد اطرشينها على الايمييل..هاي الخدمه شغاله في بلاد برا بس احنا دوم متأخرين..بعد اعتقد انه لو عندج وصله واير يعني من التلفون لين الكمبيوتر تقدرين بس مب متأكده أسألي الي في محل التلفونات ولا اقري الكتيب الي معا التلفون اكيد فيه معلومات عن هالشي

-%-سحابة حب-%-
30/06/2003, 11:37 PM
هلا اختي
والله انا عندي هالتلفون والكاميرا زينه
وتصويرها واضح بس تحتاج اضاءه

والصور ممكن تنزلينها على الكمبيوتر
سألي اي محل كمبيوترات او تلفونات
وممكن يفيدونج

وان شاء الله اكون ساعدتج :)

اترنيتي
01/07/2003, 11:17 PM
مشكوووووووووورين خواتي العاش وأم أحمد.. أنا أتصلت لراعي التيلفونات وسألته وقالي فيه وصلة لاكن اتصلي بعد شوي وأخويه بيخبرج أكثر .. ونسيت أتصل..

عالعموم انشالله متى مافضيت بتصل وبخبركم اذا بقيتوا..

^^دموع الكويت^^
28/08/2003, 12:01 PM
http://rama444.jeeran.com/line.gif

مرحبا أختي


الطريقة أنك تشترين الوصلة ويكون معاها السي دي وتثبتين البرنامج الموجود بالسي دي ,, وممكن تنزلين الصور الي بالتلفون وبعد ممكن تضعين نغمات وشعاراات بالتلفون موجوده بالسي دي المرفق


والبرنامج الموجود بالعربي يعني سهل
http://rama444.jeeran.com/line.gif


http://alamuae.org/upload/alam3/ta7yatee.gif