المساعد الشخصي الرقمي

مشاهدة النسخة كاملة : بنات البحرين بليز



القطرية
11/03/2009, 12:56 PM
ابي ارقى محلات العبايات اللي في البحرين يعني يكون شغلهم نظيف ومرتب غير شيلاتي وزمرده
ممكن.

nondnf
06/04/2009, 01:34 AM
هلا فيج الصراحة في البحرين في محلات اكثيره للعبايات انا باعطيج اسماء المحلات التي خيطت عندهم - في المحرق عندج محلات وايد في السوق ورخيصة بس الصراحة كلهم مثل بعض وفيه محلات وايد على شارع الفرن الساخن جربت وما عجبني خياطهم - الصراحة انا اخيط باستمرار عند سيدتي بس من فترة عجبني محل اسمه لمسة نور خياطه مرتب وموديلاته حلوه ومتنوعة لأن سيدتي صارت موديلاته دفشه ومتروسه

Deena33
06/04/2009, 12:53 PM
عندج محل ذوق الأميرات والسديم

أم سلمان الحلو
06/04/2009, 01:51 PM
سلام...

أنا أحب دنيا .. خياطهم مرتب و تطريزهم و تركيب الكرستال متقن و منسق و قماشهم ممتاز و أسعارهم معقولة و تعاملهم وايد زين .. بس أغلب موديلاتهم ناعمة إذا كنتي من النوع إللي مثلي ما تحبين أشياء مبالغ فيها وايد فبيعجبج .. عندهم أشياء مناسبة للحفلات أو الزيارات الخاصة بس بعد ناعمة .. و عندهم فرعين واحد في بوكوارة و الثاني في السنابس مقابل مدخل مجمع البحرين (جيان)

و سديم في المحرق مثل ما إقترحت وحدة من البنات فظيع بس ترى خبري فيهم من حوالي 6 سنوات .. لكن صج مرتب و راقي و ما يختربون بسهولة

رشة مطر
22/04/2009, 11:47 PM
عندج بيت العبايات ازياء سناء شغل حلو وراقي وتلبس المذيعات برمضان

صاحبة المحل هيفاء مقابل اسواق المنتزه بكواره الرفاه البحرين

محل 11و7طريق 1401 مجمع 914 تلفون 17660376 ان شاء الله قدرت افيدج

MiSs-GuCci
22/04/2009, 11:54 PM
انا يعجبني عبايات الجزيرة لهم فرع في سوق الرفاع وفرع ثاني في المحرق

مشتاقة لقطر
24/04/2009, 09:10 AM
يعني حدود الاسعار على كم ؟؟ غالياتي

nothing2do
09/05/2009, 03:04 AM
حبيبتي في في الرفاع محلات روعه ايننون العبايات اهناك وفي في عراد بعد اي شي تبين اذا تبين ادلييج المكان بالظبط دزيلي على الخاص لانه ما ادش المواضيع وايد

مرام الزهراء
09/05/2009, 07:54 PM
سوق المحرق فيه محلات وايد حلوه ورخيصه انا اخيط عند مكان اسمه الوربه خياطه مرتب واسعادره حلوه تتفاوت بين 30-35-40 على حسب حجم الشغل اللي فيه

كيووت غيرل
11/05/2009, 12:28 AM
مرحبا وفي محل النامليتي له فروع وايد في مدينة عيسى ومحل المختار بعد في مدينة عيسى ومالج الا تروحين جدعلي داخل مدينةعيسى وبتحصلين محلات كثر البرادات بتعرفين اي واحد زين واي واحد شين

لحظه شووق
11/05/2009, 02:37 AM
انا يعجبني عبايات الجزيرة لهم فرع في سوق الرفاع وفرع ثاني في المحرق


انا بعد مثلج ماافصل عبايات الا عنده يعجبني شغلهم وموديلاتهم حلوه واسعاره رخيصصصه
انصحج اختي بهالمحل

قمر الثريا
12/05/2009, 11:17 PM
بالتوفيق

الفرس
13/05/2009, 12:05 PM
مرحبا حبيبتي

عندج محل sun flower في الرفاع - شارع البوكوارة

العبايات راقيه وحلوة ومستحيل تحصلين مثلها

بس غالية

*^*عروس البحرين*^*
26/05/2009, 02:05 AM
مرحبا
في محل اسمه مهيبه في سوق المحرق عبايات حلوه وشغل مرتب والاسعار منلسبه من 30 الى60 تقريبا شغلهم حلو مرتب وايد يعجبني
وعندج ملكاء في الرفاع اصير من عقب مطعم الابراح والبنديره الشارع اللي ياذج على الرفاع شغلها وااااااااااايد حلو مديلات شك وكرستال شغلها مرتب

ان شاء الله قدرت افيدج

أم تووفي
30/05/2009, 09:52 PM
مساء الخير / وآنه حابة اعرض عليج اتزورين محلي اسمه السكرية في مجمع عبد الله

في الرفاع الشرقي ولج نظر تعالي وشوفي / وممكن اتعامل مع اي احد حاب اتاجر بالعبايات

وأسعاري تبدأ من 25 دينا فما فوق حيااااااااااااااااااااااا ااااااكم تعاااااااااااااااااالووو شوفو ياهلا ومرحبا

قمره77
18/06/2009, 04:12 AM
مثل ما قالت الاخت عروس البحرين شغل ملكاء في الرفاع ما يتكرر وحتى العبايات ما تسوي منها وايد بس من كل موديل كم عبايه وتوقف اتنزل غيره وشغلها ما يتقلد ابد اعتقد انه لمصممة ازياء بحرينيه