المساعد الشخصي الرقمي

مشاهدة النسخة كاملة : مــشــــــــكلـــــــتـــ ــــي مــــــع أمــــــــــــــــــــــي



مقهوره
23/06/2003, 05:18 PM
السلام عليكم ورحنة الله وبركاته




حبيت اليوم اعرض لكم مشكلتي مع أمي < لاتستغربون ايه مع أمي >
أمي إنسانه جداً طيبه وخجوله لدرجه ما احد يتوقعها والله يعني
تخيلو لوحده من زوجات اخواني اصرخت على زوجها والله انها ماترد
ولا تقولهم ليه ولا تدافع عن عيالها لدرجة أنهم زوجات اخواني واخواني قبلهم مستغلين طيبتها ودائما يجيبون عيالهم عندنا في سفرهم ويخلون همهم علي انا وأمي زي مره زوجة أخوي سافرت وتركت ولدها الصغير عندنا والله العظيم انه كان يصيح من كل قلبه يبي أمه ولا مر يوم علينا من غير صياحه واخر شي يوم جات من مكه وش قالت ايه والله الواحد يبي يتعبد ربه ويصيلي لو اني موديته الحين كان عذبني وحتى الصلاة ماكان صليتها في الحرم والمشكله ان اللي تنغث اكثر شي من وجودهم أمي لانها تكون شايله همهم لما يجون اهلهم ياخذونهم ونا طبعا من يصيح جاتني امي وجلستني قومي شوفي ولد اخوك ماراح يسكت الا اذا شافك والله اني اتبهدل واتعذب وامهم جالسه مرتاحه مقضيه اجازتها بسعاده واحنا مبتلين في عيالهم ولا بعد ازيدكم من الشعر بيت لما تولد حضرت جنابها في وقت الدراسه طبيعي يعطونها اجازه عشان المولود بس تخيلو بعد ما تنتهي اجازة الامومه من تحط ولدها عنده طبعا عند أمي اللي ماتقدر تقول شي عشان عيالها وتجي كل صبحيه من الساعه سته ونص تطق الباب فيه ويجلس عند امي الى ان تجي من المدرسه وتاخذه ولا مرات لا تخليه عند امي الى العصر عشان تنام وترتاح بعدين تمر وتجلس شوي وتقول جزاك الله خير وتروح والمشكله اني مرات انفعل واقول بتكلم وبقول انه عيب عليهم يسون فينا كذا كأن حنا خدام لهم ولعيالهم ولكن وش تتوقعون أمي ماترضى وتجلس تهاوشني وتقول هذول حريم اخوانك معليه وين تحط ولدها اذا ماحطته عندنا ...



والمشكله الأكبر ان أمي خوافه مره يعني تخاف تجلس بروحها ماتبغاني الا انا اجلس معاها واذا جيت اطلع ولا ابي اروح مكان وهذا نادر جداً طبعا تشوفونها تزعل ولا تكلمني وتجلس تخانق وتقول انتي ماتحبيني ولو كنتي تحبيني ماكنتي طلعتي وانتي عارفه اني ما اصلح الا وانتي معي والحمدلله هي بصحه وعافيه وماهي محتاجه رعايه مني ولكن اذا طلعت يظطر اخوي الكبير انه يجلس معاها لما ارجع مثلا اكون رايحه سوق ولا عند وحده من زوجات اخواني ولا مثلا رايحه مكان قريب لمدة يوم مع احد اخواني وهذا نادر جدا طبعا ولكن مع كذا هاليوم اللي اطلع فيه يكون نكد علي والمشكله لما نقولها تعالي معانا ماترضى تقول لا انا أحب جلسة البيت طيب اقولها وانا اموت يا أمي من جلسة البيت والله بموت انا من هالجلسه اللي انا جالستها ساعتها يحن قلبها علي وتقول روحي بس تقولها وهي زعلانه وتجلس يوم ولايومين ماتكلمني ..



قسم بالله حياة العذاب انا جالسه اعيشها ولا احد حاسس فيني الا رب العالمين العالم في حالي بس

العيناوية
24/06/2003, 12:02 AM
السلام عليكم
حبيبتي .... صح امك واايد طيبه بس المفروض الأخوان ما يستغلون
طيبتها بها الشكل المفروض هم اللي يريحون
امهم مب يتعبونها
انت ليش ما اتكلمين اخوانك و زوجاتهم و تقوليلهم و اتفهميهم
يمكن يقتنعون انهم يخففون عليها على الأقل
و حريم أخوانك ما عندهم أهل و ما عندهم أمهات
انا اللي اعرفه انه كل وحده تودي ولدها عند أمها
بس مو دائما
و انت كلمي امك قوليلها انك محتاجه تتطلعين اتغيرين جو و حاولي اخذيها معاج و اشتروا أغراض البيت مع بعض و فرحيها اشتريلها شي
و قوليلها ان صديقاتك دائما يطلعون
ليش انا ما أطلع :up:
و حاولي اتكلمين أخوانك و زو جاتهم حتى لو زعلوا مصلحة أمك
و راحتها أهم و مصلحتك انت بعد

مجـدي
24/06/2003, 02:15 AM
انتي انسانه حساسه جدا ولا نلومك على ذلك وانا بالاضافه الى ماذكرته الاخت العيناويه اقول لك لماذا لاتحاولي ان تبحثي عن عمل تشغلين فيه وقتك للخروج من هذا الملل اليومي وفي نفس الوقت يمكنك التعرف والتعامل مع اخرين في المجتمع وتغيرين بذلك نهج حياتك وتأخذين نصيبك من هذه الدنيا بدلا من السكون في المنزل ارى انك اذا قمتي بذلك ستجدين حلا لمشاكلك ودعائي لك ان الله يوفقك مادمت باره بوالدتك واخوانك

بنت حواء
24/06/2003, 02:42 AM
حبيبتي مقهورة واضح من عرضك لبعض مشكلاتتك ماتعانينه من هموم وفراغ واضم صوتي الى الاصوات التي نصحتك بالعمل وساقول لك هنا طريقة سحرية تخلصك مما انت فيه .
استيقظي في منتصف الليل او في الثلث الاخيرمنه ثم توضئي للصلاة وصلي فيهما ركعتين تجمعين فيها كلطاقتك وابكي في سجودك وقيامك وتذللي لله وابكي واطلبي العون منه سبحانه وارفعي يديك والحي في الدعاء فان الله يستحي من عبده اذا رفع يديه في الدعاء ان يردهما صفرا ثم ستشعرين براحة نفسية كبيرة . ارجوك جربي هذه الطريقة ولو لمرة واحدة واذا اردت ساكتب لك بعض الدعية المستجابة رزقني الله واياك الزوج الصالح والذرية الصالحة

حبيبه
24/06/2003, 09:34 AM
سلام من القلب لك أختي التي بإذن الله لن تكوني مقهوره وبصراحه الاسم هذا مهو عاجبني خلي عندك أمل بالله (( ومن يتوكل على الله يجعل له مخرجا )) ((إن مع العسر يسرا))

وعندي لك رأي يناسبك ويناسب الوالده ليه ما تسجلون بمدرسة تحفيظ قران ماشاءالله المدارس هذي منتشره يعني في كل حي تقريبا موجوده وممكن ترحون لها مشي يعني رياضه واستفاده والمجتمع في التحفيظ دائما يجمع خيار الناس :up: وناس يحبون الخير للجميع وتغيرون جو وتحفظون كتاب الله و موجود بها فصول حتى للأميات يعني مالها حجه في إنها ماتروح معاك وتعالي لها بعدة أساليب يعني مره من ناحية الدين ومره من ناحية التغيير ومره قولي لها إنك ودك تروحين ولازم تاخذينها معاك لانك تحبينها وتحبين لها الخير وأجرك على الله والله يوفقك :smile:

بنووته زي القمر
24/06/2003, 10:14 AM
تبغين رايي,,,,

أول شي غيري اسمك ,,لأنه يحسسني انك كثييييييييييييييير متضايقة

يالغالية كلن عنده مشاكل ,,,,,,ولو ما المشاكل كان ما حسينا بالفرح ,,,,

وبعدين لما أشوف مشكلة أحد أتضايق ,وووترى لما أكتبلك وش تسوين

تراي والله العظيم الكلام من كل قلبي ,,كأنك إختي ,,,,,,,


اسمعيني ,,,,,,

ترى قيام الليل والله مافيه زيه ,,,والدعاء يرد القضاء ,,,



وبقول لك سالفة بس لاتضحكين علي ,,,بس مالقيت غير هالحل ,,,,


لما طفشت من السمنة ووزني كان زايد عن الطبيعي بـــ15كيلو,,

قلت يابنووته مالك الاتدعين ربي وتنحفين ,,,وفعلا الليلة اللي أدعي فيها ربي تنسد نفسي ,,,,,,


أنا قلت لاتضحكين !! ليش ضحكتي ؟؟؟


جربي اللي قلت لك عليه وادعيــــــــــــــــــــ ــــــــــــــــــــــلي

swib
25/06/2003, 04:05 AM
حبيبتى

وسعى علاقاتك باقاربك و صديقاتك...اخرجى و خدى امك معكى زوروا اقاربكم و دوا الناس.........و ابحثى عن عمل و الله معك

عيون خالد
25/06/2003, 08:02 PM
حبيبتى ليه انتى مقهوره؟؟؟؟؟؟؟؟
انا علاقتى زينه مع خوات رجلي مع انهم احيانا يقهروني
تخيلى لما اروح الدكتوره مالاقي احد يمسك بنتى الكل يتعذر مع انى دايما اساعدهم وشايله البيت فوق راسى وفوق هدا كله ام رجلي
لما تبغى شى تطلبه منا حنا يالزوجات العيال وبنتها مريحتها على الاخر

واحيانا اخت رجلي تجي وتطق علي الباب وتقول امي تبغى كذا وكذا!!!!!!
ولما اقولها سويه انتي تقول انا مشغوله!!

واشياء كثيره مايصبر عليها احد:confused: :confused:

وعلى فكره انا اهلي بعيد لازم سفر ولما اجي اسافر لازم اخلي اطفالي عندهم طيب لما ابغى اروح المستشفى وش اسوي ؟؟؟؟؟


انتوا ليييييييييه كذا ياخوات الزوج؟؟ مع انى احبكم ودايما انصح زوجي

علشانكم؟؟ لييييييييييييييه؟؟


وفي الاخير تشتكون من حريم الاخوان مصيركم تتزوجون وتحسون:confused: :confused:


نسيت اقولك يامقهوره!!

ترا انا امسك عيال خوات زوجي اذا راحوا لمكان (عرس"مستشفى"مع زوجها)وبرغبه منى الناس للناس ليه انتوا تتذمرون لكن الوحده تسكت

عشان زوجهالاكن ماقول الا طحتى على الجرح:confused: :confused:

ملكة النحل
26/06/2003, 01:20 PM
مقهورة ..

أولا..حبيت أسألج وين أبوج..لأنج ما ذكرتيه أبدا(وسامحيني على السؤال السخيف , بس غالبا مايكون احد زوجين طيب والثاني عكسه ..كانت انحلت المشكلة ..

ثانيا..حاولي تطلعين أمج وياج(فهمت من خلال كلامج أنها ما تقدر تبتعدين عنها) مثلا تسيرون بيت خالاتج أو جيرانكم(اذا كانوا زينيين)..وتتعذرون بأعذار مقبولة بالكلام الطيب..

ثالثا..حذار تردين عليهم بشئ عقب تندمين عليه ..فهمت من رسالتج انتي البنت الوحيدة لأمج..وغير متزوجة(مادري كم عمرج؟)عموما, ما أنصحج تردين عليهم ..لأنهم راح يسيئون سمعتج وهذا ليس في صالحج..البنت قبل زواج(وبعد زواج بعد أكيد) تحاول الحفاظ على سمعتها ..وان شاءالله ييج النصيب وتتزوجين ..تأكدي أن أمج تحبج أكثر من أخوانج وحريمهم لأنج بنتها وقرة عينها ..ويا حظج عندج أم كهذه لأنج بترتاحين سافري ويا ريلج وسيري الدوام والمستشفى ولا تحاتين صدقيني ساعتها أمج بتخلي كلهم عشانج وعلشان عيالج..وبتقولين ملكة النحل قالت:cool2:

..أو يمكن فهمتج غلط وانتي متزوجة وانا مادري..(:oسامحيني عاد)

وعليكي بالصبر فأنه مفتاح الفرج..ولا تيأسي من رحمة ربج..

ملكة النحل
27/06/2003, 12:37 AM
ومشكلتج أهون من مشكلة عيون خالد..

أنا حاسة فيج ياعيون خالد لأنج مب الوحيدة ..

الغالبية حالتهم مثل حالتج ..

بس ما أقول غيرأنج تصبرين ..لأني أعرف وايدين حالتهم كانت مثل حالتج ..والحين الحمدلله صارلهم بيت بروحهم عايشين مرتاحين ..
بس التي حاولي (تكظمين غيظج) وما تظهرين لهم أي تذمر ..
حتى لو سمعت شئ من حد وقالوا أن أخوات ريلج يقولون عنج كذا وكذا ..ولا تشيلينه في بالج لأنج لو تفكرين فلي يقولونه من وراج بتشيبين ..
سبحان الله هذه هي سنة الحياة..لو تسمعين مشاكل غيرج بتهون مشكلتج..

وردة الهدا
27/06/2003, 10:22 AM
يابنت الحلال مادامك متعافية انت والوالدة احتسب هالمعروف عند الله سبحانه وتعالى ولا تتذمرين واعتبروها صدقة عن عافيتكم :) ما أحد يدري الزمن وش مخبي للانسان:eek:


وسلامتك

مقهوره
29/06/2003, 05:45 PM
السلام عليكم والف شكر على ردودكم اللي تسعى دائما لمواساتي ولكن مهما قلت مافيه حد بيحس بالالم غيري تعبت من كل شي تعبت ونا اقول لأمي تعالي معانا تقول لا انا ماحب اطلع لانها اصلا مو اجتماعيه بالمره واذا جيت ابي اطلع تقول لا وش يوديك وانتي كل من قالك احد تعالي معانا قلتي ان شالله وش تسوين تروحين معاهم اقولها انا زهقت من جلسة البيت ابي اطلع اشوف الدنيا والناس واتكلم معاهم ابي اروح واجي تقول انتي تبين تضيقين صدري بس انتي عارفه انك انتي اللي تونسيني بالجلسه في هالبيت شوفي اختك من تشوفك طالعه تدخل غرفتها وماتطلع عندي ونا اجلس بروحي تخيلو حتى مكه ماهي راضيه لي اروح فيها مع اني ما اطلع الا مع اخواني وهي مو راضيه لي اروح معاهم عشان تبيني اجلس معاها بس وان طلعت صرت مكروهه عندها ولا تكلمني ولا شي ما ادري شسوي بعمري انا ..


واما ابوي فهو متوفي


وبالنسبه لمعاملة اخواني وزوجاتهم فأخواني عدم احترامهم لنا قدامهم هو اللي خلاهم يسون كذا هم شايفين كيف لخواني يبغون يريحونهم وما اعتقد ان وحده تشوف زوجها يبي يريحها وبتقول لا حتى لو على حساب اهل زوجهم دامهم شايفين الاهانات للأخت والتعليقات عليهم في وجهم والذم وحنا اللي شايلينهم على راسنا هم وعيالهم لو احد منهم قال يبي منهم شي ماحد يسمع لهم ويلبي طلباتهم غيرنا بس ماحنا لاقين لاحمداً ولا شكورا ...

سوزي
30/06/2003, 07:10 AM
شوفي والله الجميع حاسس فيك ومقدر بس أنت دايم تسكرين الأبواب بوجهك لاتعذرين لازم تصلحين الوضع اللي عايشه فيه بأي طريقه وإياني وإياك الإنغلاق على نفسك اكشخي روحي للزواجات تعرفي على بنات المنتدى اللي من المكان اللي موجوده فيه لاتفوتك المناسبات اللي ممكن تساعد في تقدم أحد لك وقولي لأمك خلينا نروح ويشوفونا الناس لأن بعض العالم يقول للي مثل حالتكم ياوجه الله ذولي مايحبون أحد ولايرحون ومالهم علاقه بأحد ليش نتزوج منهم,, قولي لأمك لاتضيع مستقبلكم أنت وأختك عشان تقعدون عندها ترى الزواج اذا الله وفقك بواحد طيب بيحل مشاكلك صدقيني دكتاتورية الأخوان وحريمهم اذا كان مافيهن خير مايحلها إلا البعد عنهم عشان يشتاقون لك ويحترمونك زين والحريم لاتعدينهم شئ خليك محترمه نفسك وثقيله ولايلقون عليك درب ,, وكلمي واحد من إخوانك اللي تحسين إنه ياخذ ويعطي في الكلام وتحسينه شوي يقدر اكثر من الثاني وقولي له امي ضعيفه وانا مااقدر على العيال الصغار وهي ماتبغى تخسركم جيبو شغاله لعيالكم ومافيه مشكله تجي مع الولد الصبح عشان تهتم فيه وأنا وأمي نراقبها وبعد بأسلوبك السنع الهادي اللي لازم تحسسينه بالضعف والانكسار عشان يحن عليكم تقوليله لازم تحسسون زوجاتكم بحبكم لنا واهتمامكم فينا حتى لوكذب (هذي لازم تقولينها عشان يستحي على دمه ) ولالالالالالالالالالالازم تذكرينه بأفعالكم الزينه معهم ومع عيالهم أنا ماأقول تمنين لالالا لكن النوعيه هذي اسإليني عنها مالها الا التذكير عشان يرحمونكم ... ولالالازم تدعين ربك بأن يسهل عليك دايم قسما بالله الدعاء حل ليه مشاكل عويصه دايم إمشي وادعي وتوكلي على اللهوادخلي دورات تحفيظ وكمبيوتر اولغه انجليزيه تراهه تقضي الوقت وتشوفين العالم ويشوفونك لالازم تنشافين يابنت عشان تنعرفين ويجون الخطاب بالدور انشاء الله فكيك من الكسل ويرزقك ربي آآآآسفه على الإطاله وانشاء الله تهتمين زين في ردي (u)(u)

مقهوره
30/06/2003, 11:19 AM
الأخت سوزي


مشكوره حبيبتي على نصائحك وياليت أمي تسمع هالكلام وتفهمه وتعبت وانا افهمها واقولها بس هي على رأيها لاتحب تروح ولا تطلع وحابستني معاها بهالبيت وان طلعت صارت كارثه فوق راسي وزعل وحاله والله .


واما اخواني عندهم خدم بس عيالهم مايبغون الخادمه مايبغونا الا حنا بس امهاتهم اصلا يركضون ورى الراتب ومو مهم عندهم تعبنا على عيالهم وياليت بس معترفين بتعبنا ومعلمين عيالهم ان حنا اللي تعبنا عليهم بالعكس مسوين نفسهم انهم هم اللي تعبانين عليهم مو حنا اللي ثلاث ارباع تعبهم علينا ...


الله انا قلبي يعورني كل ماتكلمت عن هالموضوع ومشاكلي كثيره وماتخلص الله يفرجها ياربي الله يفرجها قولو امين يابنات